अशोक श्रेष्ठ

अशोक श्रेष्ठ नेपालभाषाया नां जाःम्ह पत्रकार खः । वय्कः नेपाःया न्हापांगु सन्ध्याकालीन न्हिपौ विश्वभूमिया न्हापांम्ह सम्पादक खः । विश्वभूमि व न्हूगु विश्वभूमि न्हिपौया सम्पादन याना ज्या यानादीम्ह वय्कः नेपालभाषा न्हिपौ पत्रिकाय् नं ज्या यानादीगु दु । अथे हे नेपालभाषाया लोकव्हाःगु पत्रिका इनाप वाःपौया स्तम्भकारया रुपय् नं ज्या यानादीगु दु ।

पंचायतकालय् नेपालभाषाया पत्रिकारीतायात व्यवसायिकरण यायेगुलिइ ज्वः मदुगु योगदान बियादीम्ह वय्कलं उगु इलय् सम्पादन यानादीगु विश्वभूमि न्हिपौ गैर नेपालभाषीपिनिगु लागि नं उतिकं लोकंव्हाःगु लुमंकेबहः जू । नेपालभाषा परिषदपाखें थ्व हे न्हिपौयात चित्तधर सिरपा नं देछाःगु खः ।

भाजु अशोक श्रेष्ठ ईन्जिनियरिंग अध्ययन संस्थानया नेपालभाषा सहित्य पा:ला: "मन्दः खलः (ने.सं. ११००)" या संस्थापक दुजः नापं तात्कालीन "मन्दः" दंपौ व स्वलापौ या सम्पादन पुचःया दुजः जुया ज्या यानादीगु खः ।

वय्कलं खस भाषाय् नं पत्रकारीता यानादिल । जनआस्था साप्ताहिक, कान्तिपुर दैनिक, स्पेश टाइम दैनिक आदि पत्रिकाय् ज्या यानादीम्ह वय्कः थीथी पत्रकारिता संघ संस्थाय् नं आवद्ध जुयादीगु दु ।