इ॰ पू॰ १९७

इसा पूर्व १९७ जुलियन पात्रो पूर्वया छगू दँ खः। रोमन साम्राज्यय् थ्व दँया इलय् थुकियात सेथेगस व रुफसया कन्सुलशिपया दँ धकाः (वा, कम प्रचलित कथं साल ५५७ Ab urbe condita) धकाः म्हसीका तलः । दँया लागिं इपू १९७ धाःगु नां मध्यकालीन समयय् युरोपय् एनो दोमिनि (Anno Domini) पात्रो प्रचलित जुइधुंका वःगु नां खः।

घटना

थाय् कथं

एसिया माइनर

• युमेनिज द्वितीय थःगु अबु अतालस I सोतर मदयेधुंका परगाममया जुजु जूगु।
• एन्तियोकस तृतीयया सेनां परगाममया भूभाग अनातोलियाय् दूगु यक्व यूनानी नगर कब्जा याःगु।

मिस्र

• मिस्रया जुजु तलेमी पञ्चमं नाइल देल्याय् विद्रोहीतेगु विरुद्ध युद्ध यानादिल। विद्रोही नेतातेत वय्कलं क्रूरतापूर्वक व्यवहार याःगु।

ग्रीस

• स्पार्ताया शासक नाबिसं, थःगु म्यासेदोनियानापया गठबन्धनया निंतिं फिलिप पञ्चम मेसेदोनियामिया ल्हातं महत्वपूर्ण नगर आर्गोस प्राप्त यानादिल। लिपा, थःगु कब्जायात सुरक्षित यायेगु हेतूं वय्कलं रोमनतेगु पक्षय् दलबदल याःगु।
• थेसालीइ जूगु सिनोसकेफालेया युद्धय् प्रोकन्सुल ताइतस क्विन्कतियस फ्लामिनसया नेतृत्वय् दूगु रोमन सेनां फिलिप पञ्चम मेसेदोनियामिया विरुद्धय् निर्णायक विजय प्राप्त याःगु। तेम्पेया सन्धिइ, रोमन जनरलं शान्ति सम्झौता प्रस्तावित यात व रोमन सेनेतं थुकियात स्वीकृति बिल। थ्व शान्ति सम्झौता कथं फिलिप पञ्चमं थःगु सिंहासन कायम यायेगु अले मेसेदोनियाय् नियन्त्रण यायेगु अधिकार बिल तर वय्कलं कब्जा याःगु सम्पूर्ण ग्रीसया नगरतेत त्वतेमाःगु शर्त तल। नापं, फिलिपं रोमनतय्त क्षतिपूर्तिया रुपय् १,००० तलेन्त बिमाःगु, थःगु लःखः सेना त्वतिगु/समर्पण यायेगु व शान्ति कायम यायेत थःगु कान्छाम्ह काय् दिमेत्रियस नापं मेमेपिं मनूत बन्धकया रुपय् बिमाःगु शर्त पारित यात। एतोलियनतय्सं फिलिप पञ्चमयात जुजुया पदं च्यूत यायेमाःगु प्रस्ताव याःसां फ्लेमिनिनसं थुकिया विरोध यात।
• हिएराया ज्वालामुखी द्वीप समुद्र तलं च्वे थेरा नापंया थासय् प्रकट जूगु ।

हिस्पानिया

• हिस्पानिया निभागय् विभक्त जूगु: हिस्पानिया अल्तेरियर र हिस्पानिया साइतेरियर।
• रोमन शासनया विरुद्ध साइतेरियर व अल्तेरियरय् आइबेरियन विद्रोह न्ह्यथंगु ।

चीन

• चीनया उत्तरी सीमाय् दूगु दाइ क्षेत्रय् चेन शिं हान राजवंश विरुद्ध विद्रोह शुरु यानादिल।

मदूगु

• अतालस I सोतेर, परगाममया २४१ इपू निसेंया शासक, वय्कलं जुजुया उपाधि २३० इपूइ कयादिल। थःगु सैन्य व कूटनीतिक कौशलं वय्कलं अनातोलियाय् छगू शक्तिशाली साम्राज्य दयेकादिल (जन्म २६९ ईसा पूर्व) ।
• लिउ ताइगङ्ग, चीनया हान साम्राज्यया सम्राट।