होमर

विकिपिडिया नं
थन झासँ: navigation, मालादिसँ

होमर (युनानी भाय:Ὅμηρος होमेरोस्) छम्ह नांजाम्ह प्राचीन युनानी कवि ख:| अन्दाजी ८औ शताव्दी ई पू ले म्वानादिम्ह वेकलं "ईलियाड" व "ओडिसी" च्वया दिगु धागु विश्वास दु|


म्हसीका[सम्पादन]

होमर व वेकयागु पथप्रदर्शक, विलियम-अडोल्फ बुजुयेरु (१८२५-१९०५)यागु किपा

युनानी बाखंया कथं होमर छम्ह कां मनु ख:| वेक बुगु था गन ख: धका आ तक्क नं विभिन्न आयोनिक थायया दथुई वादविवाद दु| शास्त्री तेगु दथुई होमर धाम्ह छम्ह मनु हे ख: कि छगु विधायागु काव्य ब्वनिपिं कवित: ख: धका नं वादविवाद दु|

युनानीले "होमेरोस" धागु "अपहरित मनु" ख:| छगु सिद्धान्तयागु कथं थ्व नां होमेरिडे अर्थात अपहरित व्यक्तित: वा युद्धबन्दी नं उत्पत्ति जुल| थन्यापिं युद्धबन्दी तेत थगु युद्धले छ्वे बिले ईमान तैइ मखु धका साक्षरता वे स्वया न्ह्य ईपिन्त ऐतिहासिक काव्यत: लुमंका तेगु व मे पिन्त मालिबिले कनिगु ज्या बिया तगु जुइमा धका व सिद्धान्तले विचा मुंका तगु दु|

इलियाडओडिसीछम्ह हे मनु नं च्वगु विषयले येक्व वादविवाद दु। येक्व मनुतेत ओडिसी हे छम्ह मनु नं च्वगु जुईफैमखु धाइगु विचा दु धासा मेपिनिगु विचाले छ्वेगु शैली यागु समानता व छगु हे कथलं वनाच्वनिगु लेख(कन्सिस्टेन्सी)या आधारे उकिगु च्वमि छम्ह हे जुइमा धैगु मत दु| ब्याट्रकोमायोम्याचिया, होमरिय हिम्न्, व चाकृक काव्य ईलियाड व ओडिसी स्वया लिपायागु रचना ख: धका प्राय फुकेस्यां स्वीकार या|ईलियाड व ओडिसीयागु प्रमुख खण्ड होमरं च्वगु धका साधारण रुपे निगु मत मदु|