ल्वहँब्व
जियोलोजीइ ल्वहँब्व वा ल्वहं धःगु छता प्राकृतिक रुपय् दयाच्वनिगु छता वा अप्व खनिज वा खनिजात्मक ठोस वस्तुतयेगु छधी ख। दसु, साधारण ल्वहँब्व वा [ग्रेनाइत]], क्वार्त्ज, फेल्द्स्पार, व बायोताइत खनिजय् ल्वाकज्याना च्वगुं दै। प्रिथिबीया पिनेया ठोस तह लिथोस्फेर ल्वहँब्वलं दयाच्वंगु दु।
मनूया इतिहासय् मनुतय्सं न्ह्याबिलय् नं ल्वहं छ्यलाच्वंगु दु। ल्वहं काल निसें हे मनुनं ल्वहँब्वया ज्याभः छ्यला वयाच्वंगु दु। ल्वहँब्वलय् दयाच्वनिगु खनिज व धातु मनू लहनाया निंतिं मदयेक मगाःगु चीज ख। [१]
ल्वहँब्वया स्वंगु मू प्रकार दु: इग्नेयस, सेदिमेन्तरी, व मेतामर्फिक ल्वहँब्व। ल्वहँब्वया वैज्ञानिक सीकेज्यायात पेत्रोलोजी धाइ। थ्व जियोलोजीया छता महत्त्वपूर्ण कचा ख।
ल्वहंया छुं नां[सम्पादन]
नेपालभाषाय् ल्वहं वा ल्वहँब्वयात वर्णन यायेत ल्वहंया गुणकथं छुं नां बियातःगु दु। थ्व नां थ्व कथं दु[२]
- खउल्वहं (तसकं छाःगु ल्वहं)
- च्याफिल्वहं (फि गः च्वना दयावःगु ल्वहं)
- त्याफिल्वहं (फि गः च्वना दयावःगु ल्वहं)
- दुरुल्वहं (दुरु थें तुयुसेच्वंगु ल्वहं, मार्बल नं धाइगु या)
- भ्वासाल्वहं (मेमेगु ल्वहं स्वया नाइसेच्वंगु ल्वहं)
- सख्वाःल्वहं (ल्वहं उनाः दयेकातःगु चुंया ल्वहं)
- माय्पूल्वहं
लिधंसा[सम्पादन]
- ↑ Roberts, Dar. Rocks and classifications. Department of Geography, University of California, Santa Barbara. November 11, 2012 कथं।
- ↑ सफू: नेवार-नेपाली-अंग्रेजी शब्दकोश, पिथनामि: नेपाल राजकीय प्रज्ञा प्रतिष्ठान, निर्देशक: कृष्णचन्द्रसिंह प्रधान, सम्पादकः इश्वरानन्द श्रेष्ठाचार्य
स्वयादिसँ[सम्पादन]
 |
विकिमिडिया मंका य् थ्व विषय नाप स्वापु दुगु मिडिया दु: Rocks |