लिउ ताओ
"लिउ ताओ" (चिनिया भासय्:六韜 अर्थात् खुगू गुप्त-विद्या) प्राचीन चीनया छगू नांजाःगु सैन्य सफू ख। थ्व सफूयात "जियाङ्ग ताइगोङ्गया खुगू ताओ" आ " ताइगङ्गया ल्वापू कला"या नामं नं नांजाः। थ्व सफूयात झोउ राजवंशया जियाङ्ग जिया (लु शाङ्ग)जुं च्वयातःगु ख। थ्व सफू चीनया ल्वापूमि राज्यतेगु कालय् च्वःगु धैगु विश्वास दु। थ्व सफू न्हेसः व लिसःया शैलीइ च्वयातःगु दु, गुकिलि थीथी प्राचीन सैन्य व राजनीतिक विषयय् झोउया जुजु वेन नं न्हेसः न्यनिगु व जियाङ्ग ताइगोङ्गं लिसः बीगु पद्धति छ्यलातःगु दु।
थ्व सफूलि कनातःगु खुगू गुप्तविद्या थ्व कथं दु-
- वेन ताओ (नागरिक विद्या): देसय् शासन व मनूतेत नियोजित यायेगु रणनीति
- वू ताओ (सैन्य विद्या): सैन्य रणनीति
- लङ्ग ताओ (मलः विद्या): सैन्य संगठन
- हु ताओ (धुं विद्या): युद्धया वातावरण, ल्वाभः व संरचनातेगु खँ
- बाओ ताओ (चिताधुँ विद्या): रणनीतिया खँ
- क्वान ताओ (खिचा विद्या): सैन्य नेतृत्त्व प्रशिक्षण
वर्तमान संस्करण[सम्पादन]
थ्व सफूया थीथी संस्करण थ्व कथं दु-
- यिनक्वेशान, लिन्यी, शान्दोङ्गय् हान राजवंशया चिहानय् पंया बालाय् सन् १९७२स लूगु अवशेष।
- सन् १९७३स हेबेई प्रान्तया दिङ्ग प्रखण्डय् बाजियाओलाङ्ग हान चिहानय् लूगु पं बालाया अवशेष।
- दुनहुआङ्गया मरणोपरान्त लूगु च्वखँया अंश ।
- कुन्शु झियाओया सारांश संस्करण।
- " सिकुक्वांशु "।
- "शुगुइ झ्वः"
- सोङ्ग राजवंशय् च्वयातःगु "सैन्य कलाया न्हेगू सफू", गुकियात चिनिया कला अकादेमीं १९३५स पिथन।
- दिङ्ग परिवारया च्या-द्व खण्ड बिल्दिङ्गय् दूगु लियू यिनया संस्करणया फोटोकपी ।