माइकेलएञ्जेलो
| माइकलएंजेलो दि लोदोभिको बुओनारोट्टी सिमोनी | |
 माइकलएन्जेलोयागु चक किपा ड्यानियल दा भोल्टेरानं देकातःगु |
|
| बुगु नां | Michelangelo di Lodovico Buonarroti Simoni |
| बुगु | 6 1475 near Arezzo, in Caprese, Tuscany |
| मदुगु | 18 1564 (aged 88) रोम |
| राष्ट्रियता | इटालियन |
| ख्यः | sculpture, painting, architecture and poetry |
| तालीम | Apprentice to Domenico Ghirlandaio[१] |
| आन्दोलन | High Renaissance |
माइकलएंजेलो दि लोदोभिको बुओनारोट्टी सिमोनी (इटालियानो:Michelangelo di Lodovico Buonarroti Simoni) (मार्च ६, १४७५ – फेब्रुवरी १८, १५६४), लोकभाय्य् माइकलएंजेलो, छम्ह इटालियन रिनायसान्स मूर्तिकार, चित्रकार, वास्तुशास्त्री व कवि ख:। वय्कलं कला क्षेत्र स्वया पिने यक्व ज्या याना मदिसां वय्कःया कला क्षेत्रया सेल्लागु ज्यायागु निंति वय्कःयात वय्कःयागु फ्लोरेन्सी समकक्षी लियोनार्डो दा भिन्सी थें हे पूनर्जागरणयाम्ह मनुया कोटिय् तैइ। माइकलएंजेलोयागु उत्पादनत फुक्क हे ख्यःले सिक्क हे भिंगु कोटीयागु खने दु। वय्कःयागु पौ, खेस्रा, व कलाया लुमन्तितेत ल्याखाना स्वेगु खःसाः वय्कः १६औं शताब्दीया दक्ले बांलाक्क दस्ताबेज यानातम्ह कलाकार खः। वेकयागु दक्ले लोकंह्वागु निगु ज्या, पियत व डेभिडयागु निर्माण वेकलं थगु जीवनयागु २गु दसकयागु लिपागु खण्ड व ३गु दसकयागु न्हापागु खण्डले देका दिगु ख:|वेक यात किपा देके येक्व मयसां वेकलं पाश्चात्य कलायागु सिक्क हे प्रभावशाली निगु फ्रेस्को सिस्टिन च्यापेलयागु सिलिंग व अल्टार अंग(द लास्ट जज्मेन्ट)ले देका दिल:|लिपा वेकलं सन्त पिटरयागु ब्यासिलिकायागु डोम देका व पिलास्टरयागु आविष्कार याना दिया क्लासिकल वास्तुशास्त्रले क्रान्ति हया दिल|
रेनाइसन्स कलाकारयागु लागि पृथक कथलं वेक:यागु जीवनकाले हे वेकयागु निगु जीवनी प्रकाशित जुल:| व जीवनी मध्ययागु छगु जियोर्जियो भेसारी नं च्वयादुगुली वेकयात रिनायसान्स न्ह्यथसां निसेयागु फुकं कलात्मक उपलब्धियागु च्वका धका प्रस्तावना तगु दु| व विचा थौं तक्क न येक्व कला ईतिहासकार तेसं तया दि| वेकया जीवनकाले वेकयात इल डिभिनो (आलौकिक मनु) धागु उपमा न बियातगु दु गु कि वेकयागु यक्व हे आत्मावादी प्रकृति नाप मिले जु| वेकयागु प्रकृतियागु वेकयागु समकस्खीतेसं मानेयागु छगु गुण वेकयागु टेरिबिलिटा - छगु कथंयागु प्रेरणात्मक ग्र्यान्डुअर ख;| मेमेगु कलाकार तेसं वेकयागु नक्कल यायेगु कुतले हाई रिनाइसान्स व म्यानरिजमयागु विकास जुल:|
[सम्पादन] प्रारम्भिक जीवन
वेकयागु जन्म १४७५ले अरेज्जो नापं, क्याप्रेसे, टस्कानीले जुल:। वेकयागु अबु लोडोभिको दि लियोनार्डो दि बुओनारोट्टी दि सिमोनी,क्याप्रेसे यागु रेसिडेन्ट म्याजिस्ट्रेट व चिउसीयायाम्ह पोडेस्ट जुया दिगु ख:। वेकयागु मायागु नां फ्रन्सेस्का दि नेरी देल् मिनियातो दि सिएना ख:। अब्लेयागु वंशावली कथं बुओनारोट्टीत काउन्टेस् टस्कानीयाम्ह मटिल्डायागु वंश ख:| अत: वेक पि। छगु कथं च्वेयागु स्तरयापिं मनुत(नोबिलिटी) ख:| तर, माइकलएंजेलो फ्लोरेन्सले थगु हुर्केजुया दिल: व लिपा,वेकयागु मा यागु ता हाकगु ल्वे व मृत्यु बिले छम्ह स्टोनकटर व उया जहान नाप सेत्तिग्नानो नगरले च्वना दिल| व नगरले वेक या अबुयागु छगु मार्बलयागु खानी व बूं दुगु जुल:| वेकलं पलख: मानववादी फ्रान्सेस्को डुर्बिनोनाप व्याकरण सीका लिपा थगु अबुयागु ईच्छा विरुद्ध थगु यगु ख्य:त चित्रकला व मूर्तिकलाले बेर्टोल्डो दि जियोभानीया अधीनले ज्या न्ह्यथना दिल|
[सम्पादन] लिधंसा
- ↑ Web Gallery of Art, image collection, virtual museum, searchable database of European fine arts (1100–1850). www.wga.hu. 2008-06-13 कथं।
