पिरामिड

विकिपिडिया नं
थन झासँ: navigation, मालादिसँ
गाजा नेक्रोपोलिस, मिस्रया पिरामिद, सर्गकिपा
कोह केरया प्रसात तोम देगः
स्पेनया तेनेरिफया गुइमारया पिरामिद

पिरामिद (यवन भाषा:πυραμίς" – पिरामिस}} [१] ) छगू त्रिआयामिक संरचना ख। थ्व संरचनाया पिनेया सतह (आधार बाहेक) स्वकुंलागु जुइ व सकल स्वकुंला छगू फुतिइ वया नापलाइ। थ्व फुतियात पिरामिदया एपेक्स धाइ। पिरामिदया आधार स्वकुंला, प्यकुंला वा मेमेगु पोलिगोनल आकारया जुइफु। पिरामिदया आधारया आकारं पिरामिदया सतह निर्धारण याइ। दसु- पिरामिदया आधार स्वकुंलाःसा पिरामिदय् आधार बाहेक स्वंगु सतह दै। समानान्तर प्यकुंलागु पिरामिद दक्ले आपालं खनिगु पिरामिद ख।

पिरामिदया संरचनाय् अप्व मात्रा (व अप्व तौल) जमिन नापं दयाच्वनि, [२] व पिरामिदियन (pyramidion) च्वका दूगुलिं संरचनाया मात्रा व तौल च्व वं-वं म्हो जुयावनि। थ्व संरचनां तौलया वितरण सहज याइ व स्थायी स्मारक भौतिक संरचना दयेकेयात ग्वहालि याइ। थ्व संरचनाया स्थिरता व स्थायित्वया कारणं याना प्राचीनकालया यक्व पिरामिदाकारया संरचना थौं तक्क नं दयाच्वंगु दु।

परापूर्वकाल व प्राचीनकालया वर्तमानय् दयाच्वंगु व इतिहासय् वर्णन यानातःगु यक्व संरचना थ्व हे आकारय् दयेकातःगु खने दु। दशुर नेक्रोपोलिसया ह्यांगु पिरामिद व खुफुया महान पिरामिद थुकिया दसु ख। थ्व निगु हे संरचना प्राचीन मिस्रया स्मारक ख। थुकिलि खुफुया पिरामिद प्राचीनकालया ७गु आश्चर्यय् वर्तमानय् दयाच्वंगु छगू जक्क स्मारक नं ख। खुफुया पिरामिद पूर्ण रुपं चुनलोहं दयेकातःगु वास्तुशास्त्रीय उत्कृष्ट संरचना ख। थ्व संरचनाय् करिब १३,००,००० ब्लक दु गुकिया तौल २.५ निसें १५ टन तक्क दु। थ्व संरचना समथर प्यकुंलाय् आधारया दयेकातःगु व थ्व संरचनाया आधारया हाकः २३० मि (७५५ फित) व क्षेत्रफल १३ एकर दु। थुकिया प्यंगु ख्वालं प्यंगु कार्दिनल पोइन्त थिक्क रुपं स्व धाःसा थ्व पिरामिदया कोण ५२ दिग्री दु। थ्व पिरामिदया वास्तविक जा १४६.५ मितर (४८८ फित) दःसां वर्तमानय् थ्व पिरामिदया जा १३७ मि (वा ४५५ फित) जक्क दु। थ्व ९ मितर (३३ फित) जाया कमी थ्व पिरामिदया सेल्लागु चुनलोंहया खुइज्या व कायरोया छेँ व मस्जिद दयेकेयात थ्व पिरामिदया चुनलोंह प्वला यंकुगुलिं ख। अथेजुसां थ्व पिरामिद आःया ईले हलिमया हे दक्कले तज्जागु पिरामिद संरचना ख। आयतनया आधारय् हलिमया दक्कले तधंगु पिरामिद धाःसा चोलुलाया महान पिरामिद ख। थ्व पिरामिद मेक्सिकोया पुएब्लाय् ला।


लिधंसा[सम्पादन]

  1. πυραμίς, Henry George Liddell, Robert Scott, A Greek-English Lexicon, on Perseus Digital Library
  2. Centre of volume is one quarter of the way up – see Centre of mass
Commons-logo.svg
विकिमिडिया मंका य् थ्व विषय नाप स्वापु दुगु मिडिया दु: