द डोर्स

द डोर्स
देपा निसें जव: मोरिसन, डेन्समोर, म्याञ्ज्यारेक, व क्रिजर, सन् १९६६या ब्याण्डया किपाय् देपा निसें जव: मोरिसन, डेन्समोर, म्याञ्ज्यारेक, व क्रिजर, सन् १९६६या ब्याण्डया किपाय्
पृष्ठभूमि सूचं
उत्पत्ति	लस एञ्जेल्स, क्यालिफोर्निया, संयुक्त राज्य अमेरिका
विधा	रक एण्ड रोल साइकेडेलिक रक एसिड रक ब्लुज-रक हार्ड रक
सक्रिय दँ	1965–1973 (Partial reunions: 1978, 1993, 2000)
लेबल	एलेक्ट्रा रेक‍र्डस् राइनो रेकर्डस्
एसोसियतेद एक्त	Manzarek-Krieger, The Butts Band, Nite City
जाःथाय्	दडोर्स.कम
पुलांपिं सदस्यत
जिम मोरिसन रे म्याञ्ज्यारेक जन डेन्समोर रोबी क्रिजर

द डोर्स छगू अमेरिकी रक ब्याण्ड ख। थ्व ब्याण्डया पलिस्था सन् १९६५य् लस एञ्जेल्स अफ क्यालिफोर्नियाय् जूगु ख। थ्व ब्याण्डया अस्तित्व दूबिले आपालं थ्व ग्रुपय् गायक जिम मरिसन, कीबोर्ड वादक रे म्याञ्जारेक, ड्रमर जन डेन्समोर व गिटार वादक रोबी क्रिइजर सदस्य दयाच्वन। सन् १९६०या दशकया दक्ले विवादास्पद रक ब्याण्डय् थ्व ब्याण्ड छगू जुयाच्वन। विशेषकथं मरिसनया थःगु हे कथंया व्यवहार, काव्यात्मक म्ये व करिश्मात्मक व्यक्तित्वया कारणं नांजाःगु थ्व व्याण्ड वय्‌कःया अप्रत्याशित मंचीय छविया निंतिं नं लुमंकेगु या। सन् १९७१य् मरिसन मदये धुंका थ्व ब्याण्डया ल्यंपिं स्वम्ह सदस्यतयेसं सन् १९७३या अन्तय् ब्याण्ड क्वचायेकिगु निर्णय यात।

द डोर्सया सक्रिय क्यारियर सन् १९७३इ क्वचासां थ्व ब्याण्डया लोकप्रियता दया हे च्वन। RIAAकथं थ्व ब्याण्डं संरा अमेरिकाय् जक्क ३२.५ मिलियन एलबम मिल। सकल हलिमय् थ्व ब्याण्डं ७५ मिलियन एलबम मिल।

संगीत शैली

रक ग्रुपय् द डोर्स छगू आजु चाइगु ब्याण्ड ख छाय्‌ धाःसा थ्व ब्याण्दया लाइभ कार्यक्रमय् शायद हे गब्लें ब्यास गिटारया उपयोग जूगु दु। थुकिया थासय् म्याञ्जारेकं थःगु जव ल्हातं कीबोर्ड थाना हुए देपा ल्हातं फेण्डर रोडेज इलेक्ट्रिक पियानोया न्हुगु आविष्कृत फेण्डर रोडेज पियानोया ब्यास लाइनयात थाइगु या। थःगु स्टुडियो एलबमय् द डोर्स गबिलें-गबिलें ब्यास थाइपिं डगलस लुबाहम, जेरी स्केफ हार्वे ब्रुक्स, लोनी म्याक, ल्यारी क्नेक्टेल, लेरोय भिनेगर व रोय नेपोलियनयात ब्यास थाकिगु या।

द डोर्सया यक्व मू म्ये सामूहिक रचना ख। थुकिलि मोरिसन वा क्रीगरं म्ये व आरम्भिक धुनय् थःगु योगदान ब्युगु व मेपिंसं मेलोडी व लयबद्ध यायेगु ज्या याःगु खने दु। थ्व सामूहिक ज्या थुलितक्क नापं याःगु खने दु कि सकल अनुच्छेदया म्येय्‌ दसु म्यानजारेकया अर्गनं "लाइट माई फायर"या म्हसीकाया भागय् नं सुझाव ब्युगु दु।