बुलि

ओट, तछ्वः, व थिपिं छ्येला दयेकातःगु छुं नसा

कि विशेष प्रकारया घाँय्या पुसा ख। थ्व कितयेत सिरियल नं धाइगु या। मनुतायेसं थीथी कथंया कि नसाया रूपय् बुइकि। किया थी-थी प्रकार हलिमया दकले महत्वपूर्ण नसाय् छगु ख।

किया छुं प्रकार थ्व कथं दु:

• तछ्व
• कःनि वा अमेरिकन कर्न
• दुसे
• ओट
• जाकि
• छ्व

हलिंया दक्वं बुँज्यामितयेसं बुइकिगु किया 87% कि कःनि ख। किइ कार्बोहाइड्रेट दै गुकियात मनुतयेसं नयेछिं। गरीब देशय् नसाया तःधंगु भाग कि ख। तःमि देशय् कि सिक्क माःगु नसा ला ख तर गरिब देशय् थें महत्वपूर्ण मजु। कि बुइकेत यक्व लः मा। छ टन कि बुइकेत करिब द्वछि टन लः माः।

थीथी नसा थीथी किं दयेकि। कियात आपालं नचुइका चुँ दयेकी। छ्वचुँ छ्यला ब्रेड, केक, वा नुदल्स दयेकेछिं।

अय्लाया थी-थी प्रकार तछ्व माल्ट, छ्वः व मेमेगु कि छ्येला दयेकेछिं।

तर्तिल्ला कःनिया मासा धाःगु छगु विशेष चुँ छ्येला दयेकी।