न्वकू

वेज
सिं फाइगु वेज
वर्गीकरण	ल्हा ज्याभः
नापं छ्य्‌लिगु ज्याभः	स्लेजह्यामर
स्वापू दूगु	चिसेल स्प्लिटिङ्ग मौल एक्स

वेज छगू स्वकुंलागु यन्त्र, कम्पाउण्ड व पोर्टेबल इन्क्लाइन्ड प्लेन, व साधारण ज्याभःया ६गु प्रकारय् छगू ख। थुकिया छ्य्‌ला निगु वस्तु वा वस्तुया खण्डतेत फायेत, सामान ल्ह्वनेयात, वा सामानयात थासय् तयेत याये छिं। थुकिलिं तःधंगु क्षेत्रफलय् छ्य्‌लातःगु बलयात इन्क्लाइन्ड सतहया पर्पेन्दिकुलय् छ्वया ज्या याइ। थ्व ज्याभःया मेक्यानिकल एड्भान्टेज थुकिया हाकः व ब्याया अनुपातय् आधारित जुइ। तधंगु कोण दूगु चिहाकःगु वेजं ज्या याकनं या धाःसा थुकियात चिधंगु कोण दुगु ताहाकःया वेजय् स्वया अप्व बल बीमा।

इतिहास

वेजया उत्पत्तिया बारेय् अप्व जानकारी मदु छाय्‌ धाःसा थुकिया छ्य्‌ला ९००० दँ स्वया अप्व न्ह्यः निसें जुया च्वंगु दु। प्राचीन मिश्रया क्वारीइ तामाया वेज लोहं तछ्यायेत छ्य्‌लातःगु खनेदु। सिंया वेजय् लः तया मना लोहं फायेगु याःगु नं खने दु। छुं अमेरिकी आदिवासीतेसं एन्त्लर वेज छ्य्‌ला क्यानु, छेँ व मेमेगु सिंया वस्तु देकातःगु खने दु।

बाइगु/फाइगु व ल्ह्वनिगुया दसु

दसुया कथं बञ्चरो, स्प्लिटिङ्ग मौल, स्प्लिटिङ्ग वेज आदि कायेछिं। वेजयात झ्यात्तुगु वस्तु ल्ह्वनेयात, वा वस्तुया जाले चिधंगु सुधार यायेत (बस्तु व बंया दथुइ वेज तया) नं छ्येलेछिं। थुकियात शिम धका धाइ। चक्कु, कैंची, चिजेल, व वायात नं गब्लें गब्लें वेजया कथं छ्येलेछिं। अथेजुसां थ्व ज्याभःत आधारभूत कथं चाइगु ज्याभः ख।

ज्वनिगुया दसु

वेजयात वस्तुतेत ज्वनिगुया निंतिं नं छ्येलेछिं। दसु- इन्टर्नल कम्बस्चन इन्जिनया पार्टपुर्जा (पोपेट भाल्भ), बाइसाइकलया पार्टपुर्जा (स्तेम व इक्सेन्ट्रिक बटम ब्राकेट), व लुखा।

डोर स्टप (डोर वेज) छगू वेज ख व थुकिया मूज्या लुखाया खापा व बंया दथुइ फ्रिक्सन देकिगु ख।

कांटा वा नकिंयात नं वेजया प्रकारया कथं कायेछिं। नकिंयात घनं केइकिबिले सिंइ स्लाइस याइ धाःसा बोल्टयात धाःसा घ्वाय् मछिं। थुकिया कारण छु खः धाःसा नकिं छगू वेज व व बोल्ट वेज मखु। नकिं छगू फुतिइ ट्यापर जुयाच्वंगु दइ व थ्व फुति स्वया च्वय् थ्व तःब्या जुइ।

मेक्यानिकल एड्भान्टेज

वेजया दाउनवार्द फोर्सं वस्तुइ हरिजन्टल फोर्स देकी

वेजया मेक्यानिकल एड्भान्टेज पाःलूगु साइडया हाकःयात वेजया तःब्याःगु क्षेत्रया ब्यां बिभाजन याना लिकायेछिं। अतः, वेजया सूत्र थ्व कथं दु :

$MA={S \over T}$

मेगु कथं धायेगु खः सा वेजया हाकःयात वेजया दक्ले अप्वःगु ब्यां बिभाजन याना वेजया मेक्यानिकल एड्भान्टेज लिकायेछिं।

वेजया कोण गुलि एक्युट जुल, वेजया मेक्यानिकल एड्भान्टेज उलि हे अप्व जुइ।

थथे जुसां यक्व स्प्लिटिङ्ग वेजय् तःधंगु कोण दइगु कारण छु धाःसा इलास्टिक वस्तु दसु सिंइ चिब्याया वेज तब्याया वेज स्वया बांलाक्क ज्वनि। अथे जुगुलिं स्प्लिटिङ मौलया कोण बय्चरोया कोण स्वया अप्व दइ।

स्वयादिसँ

• बञ्चरो
• पाःलूगु समथर
• पेच
• स्प्लिटिङ मौल

पिनेया स्वापू

• (Mechanics of) wedges and screws