दुसिका

विज्ञान विचाः, अवलोकन, अध्ययन, व प्रयोगय् आधारिक छगू व्यवस्थित ज्ञान वा विद्या ख। विज्ञानय् छगू अध्ययनया विषयया प्रकृति वा सिद्धान्ततयेत सीकिगु कुतः जुइ। विज्ञान खँग्वःया छ्येला ज्ञानया थन्याःगु शाखाया निंतिं यायेछिं गुकिलि तथ्य, सिद्धान्त, पद्धति व प्रयोगया आधारय् छगू व्यवस्थित ज्ञानया पलिस्था जुइ। थ्व कथं धायेछिं कि न्ह्याःगु नं विषयया व्यवस्थित ज्ञान हे विज्ञान ख।

विज्ञानया यक्व ख्यः दु :

प्राकृतिक विज्ञान

प्राकृतिक विज्ञान प्रकृति व भौतिक हलिमया व्यवस्थित ज्ञान ख। विज्ञान खँग्वःया छ्येला आपालं प्राकृतिक विज्ञानया निंतिं याइगु या। थुकिया ३गु मू शाखा भौतिकशास्त्र, रसायनशास्त्र व जीवशास्त्र ख।

सामाजिक विज्ञान

सामाजिक विज्ञान मानव समाजया बनावट व थुकिया सदस्यतेगु क्रियाकलाप नाप स्वापू तैगु अध्ययन ख। थुकिलि इतिहास, अर्थशास्त्र, समाजशास्त्र, आदि ला।

निगमनात्मक प्रणाली

निगमनात्मक प्रणाली छुं थन्याःगु विद्यातयेगु पुचः ख गुकिलि दर्शन व विज्ञानया विषयय् तर्क व गणनाया सिद्धान्तया छ्येला जुइ। थुकिलि गणित व तर्क ला।

पिनेया स्वापू

• विज्ञान प्रसार