ह्वाङ्ग हो खुसि
ह्वाङ्ग हो चीनया छगू प्राचीन खुसिइ छगू ख। थ्व खुसि याङ्गग्त्से खुसि धुंका चीनया निक्वःगु दकलय् ताःहाकःगु खुसि ख। नापं, थ्व खुसि हलिंया न्यागू दकलय् ताःहाकःगु खुसि नं खः। चीनया चिङ्गाइ प्रान्तय् बायन हर पर्वःया छगू कचा गीजिगेया पर्वःया उत्तरी सतहया थासं थ्व खुसिया उद्गम जुल। थनं चिङ्गाइ-सँदेय् पठार, लोएस पठार, दुतः मङ्गोलिया पठार व उत्तर चीनं जुसें थ्व खुसि बोहाइ सागरय् समाहित जुइ। चिङ्गाइ, सिचुआन, गान्सु और निङ्गशिया, दुतः मङ्गोलिया , शानक्सी, शांक्सी, हेनान व शेडोङ्ग जुसें थ्व खुसि, ९गू प्रान्त व क्षेत्रयतेगु ख्यलं जुसें अन्तय् हुआङ्गहेकौ नगर, केनली जिल्ला, दोङ्गयिङ्ग नगर, शेडोङ्ग प्रान्तं बोहाइ सागरय्(लाइझोउ खाडीइ) बिलय जुइ। थ्व खुसिया मू धाराया कुल हाकः ५,४६४ किलोमितर दु। सकल लः निकासी क्षेत्र ७९५,००० वर्ग किलोमितर दु धाःसा आन्तरिक प्रवाह क्षेत्र ४२,००० वर्ग किलोमितरया क्षेत्रय् दयाच्वंगु दु।
ऐतिहासिक अभिलेखतेगु अनुसार, थ्व खुसिइ यक्व खुसिबाहाः वइगु या। खुसिबाहाःया कारणं खुसिया लं हिलावंगु नं दु। थीथी राजवंशतेगु सरकारं तटबन्ध व बाँध दयेकूसां थ्व खुसिं लं हिलेबिले थाय्थासय् खुसिबाहाः वया यक्व धन-जनया क्षति जुइगु या।
ह्वाङ्ग हो खुसिया मध्य व क्वसंया भाग चिनिया राष्ट्रया छगू मू जन्मस्थान खः। थ्व थाय् चीनया ऐतिहासिक, आर्थिक, व सांस्कृतिक केन्द्रय् छगू ख। अथे जूगुलिं थ्व खुसिया चिनिया इतिहास व संस्कृतिइ यक्व महत्व दु।
भूगोल
[सम्पादन]मू सहायक खुसि व ताल
[सम्पादन]थ्व खुसिया मुख्य सहायक खुसिइ बाइहे , हेइहे , ताओहे , हुआङ्गशुई ( दातोङ्ग खुसि), ज़ुआङ्गलाङ्ग खुसि, झुली खुसि, चिङ्गशुई खुसि, दाहेइ खुसि, कुये खुसि, वुदिङ्ग खुसि, फेन्हे, वेइहे, लुओहे व किन्हे, दावेन खुसि आदि ला। थुकिलि वेइ खुसि थ्व खुसिया दकलय् तःधंगु सहायक खुसि खः।
ह्वाङ्ग हो खुसि नाप स्वापू दूगु मू तालय् एलिङ्ग ताल, झालिङ्ग ताल, गङ्गनगमा, अयोङ्ग गोङ्गमा, वुलियाङ्गसुहाइ, शाहू, होङ्गजियानाओ, युनचेङ्ग साल्ट लेक, डोङ्गपिङ्ग ताल आदि ला।
मू स्वनिगः व घाटी
[सम्पादन]ह्वाङ्ग हो बाहावनिगु थासय् ३०गू स्वनिगः ला। थुकिलि २८गू च्वसंया क्षेत्रय् व २गू क्वसंया क्षेत्रय् ला। थनं थ्व खुसि उत्तरी चीनया ख्यः जुया सागरय् थ्यनि। खुसिया मू बाहा स्वनिगः खण्डया हाकः १,७०७ किलोमीटर दु। थ्व स्वनिगःया बाहा थ्व खुसिया सकल हाकःया ३१% दु।
थ्व खुसिया मू स्वनिगःत थ्व कथं दु: मंगगा, डुओशी, मैदुओताङ्ग गोङ्गमा, गुआनकाङ्ग, लाजिया, येहु, लगान, लोङ्गयाङ्ग, अशगोङ्ग, सोङ्गबा, लिजिया, गोङ्गबो, जिशी, सिगौ, लिउजिया, नियूबी, झू लामा, यांगुओ, बापन, चैजिया, सङ्गयुआन, द्याक्सिया ( जियाक्सिया), वुजिन, होंगशान साउथ, होंगशान नर्थ, हेइशान, हू, चिङ्गतोङ्ग, शांक्सी-शानक्सी, व शांक्सी-हेनान (गुकिलि सैनमेन, रेनजियाडुइ, बाली हतोङ्ग, जियाओलाङ्गदी आदि ला)।
हुकोउ झ्वाला
[सम्पादन]ह्वाङ्ग हो खुसि शांक्सी-शानक्सीया दथुइ बाहावनि बिले हुकोउ झ्वाला दयेकि। थ्व झ्वाला थ्व खुसिया दकलय् तःधंगु प्राकृतिक झ्वाला ख व थ्व झ्वाला चीनय् नांजाः। थ्व झ्वाला हुकोउ फल्स नेशनल जियोपार्कय् ला। पूर्वय् शांक्सी प्रान्तय् लुलियाङ्ग पर्वःया दक्षिणी भागय् फ्लेम माउन्तेन ला धाःसा पश्चिमय् शानक्सी प्रान्तय् हुआङ्गलोङ्ग पर्वः ला।