म्यागेलन जलसन्धि
म्यागेलनया जलसन्धि गुकियात स्ट्रेट्स अफ म्यागेलन नं धाइ, दक्षिणी चिलीइ दक्षिणी अमेरिकाया मू भूमि व दक्षिणय् तिएरा देल फ्युएगो द्वीपसमूहयात बायातैगु छगू न्याभिगेबल समुद्री मार्ग ख। एटलान्टिक व प्रशान्त महासागरया दथुइ दकलय् महत्वपूर्ण प्राकृतिक लँपुया रुपय् काइगु थ्व जलसन्धि 570 कि.मि (३१० एनएमआई; ३५० माइल)ति ताःहाकः व थुकिया दकलय् चिब्यागु थासय् ब्या 2 कि.मि (१.१ एनएमआई; १.२ माइल) दु। सन् १५२०इ पोर्चुगिज नाविक फर्डिनेन्द म्यागेलनया स्पेनिश अभियान (वय्कःया नामं थ्व जलसन्धिया नां दत) थ्व जलसन्धि लुइकूपिं दकलय् न्हापांपिं युरोपियनत जुल।
म्यागेलनया थ्व जलसन्धिया मू नां एस्ट्रेचो डे टोडोस लास सान्तोस (" सकल सन्तया जलसन्धि ") ख। स्पेनया जुजु सम्राट चार्ल्स ५, गुम्हेस्यां म्यागेलन-एल्कानो अभियानयात प्रायोजन याःगु खः, म्यागेलनया सम्मानय् म्यागेलन जलसन्धिया नां हिलाबिल। [१]
बारम्बार चिब्यागु व अप्रत्याशित फय् व धारया हुनिं लँपु पुलेत थाकु। आःया ईलय् थ्व लं पुलेत समुद्री पाइलतिङ्ग अनिवार्य जूगु दु। थ्व जलसन्धि ड्रेक पासेज ( केप हर्नया चाकःलिं चकंगु समुद्री मार्ग) स्वया चिहाकः व अप्व आश्रित दु, गुकियात बारम्बार गेल -फोर्स फसं व आइसबर्गं घेरेयाइ। [२] बीगल च्यानल नापं थ्व जलसन्धि पानामा नहर दयेके न्ह्यः एटलान्टिक व प्रशान्त महासागरया दथुइ दूगु छुं मू समुद्री मार्गय् छगू ख।