सामाजिक विज्ञान
सामाजिक विज्ञान (Social science) विज्ञानया छगू कचा ख। थ्व कचाया दुने समाजया अध्ययन व उगु समाज दुनेया दुजःतेगु दथुइ स्वापूया निंतिं समर्पित दु। १८गु शताब्दीइ थ्व ख्यःया पलिस्था बिले थ्व खँग्वःयात समाजशास्त्रया ख्यःयात जक म्हसीकेत छ्यलीगु जुल। थ्व ख्यःया विकास नापं वर्तमानय् धाःसा थ्व ख्यलय् समाजशास्त्रया नापं छझ्वः वृहद विषयत दुथ्याः, गुकिलि मानवशास्त्र, पुरातत्व, अर्थशास्त्र, भूगोल, भाषाशास्त्र, व्यवस्थापन, सञ्चार अध्ययन, मनोविज्ञान , संस्कृतिशास्त्र व राजनीति विज्ञान नं ला।
सकारात्मक सामाजिक वैज्ञानिकतेसं समाजयात थुइकेगु उपकरणया रुपय् प्राकृतिक विज्ञानय् छ्येलिगु विधि थें न्याःगु विधि छ्येलि। अथे जूगुलिं थुकियात थुकिया कडा अर्थय् विज्ञानया ख्यःया कथं परिभाषित यायेछिं। व्याख्यात्मक वा अनुमानवादी सामाजिक वैज्ञानिकतेसं धाःसा थ्व स्वया भिन्न अनुभवजन्य रुपं मिथ्या यायेफइगु सिद्धान्तया निर्माण स्वया सामाजिक समालोचना वा प्रतीकात्मक व्याख्या छ्येलीगु या। आधुनिक प्राज्ञिक अभ्यासय् अनुसन्धानकर्तात प्रायः मिस्रित वा इक्लेक्टिक (eclectic) जुइ व इमिसं यक्व पद्धति छ्येला (दसुया निंतिं, परिमाणात्मक व गुणात्मक निगुलिं अनुसन्धानया संयोजन याना) ज्या याइ।
सामाजिक विज्ञानया कचात
[सम्पादन]सामाजिक विज्ञान विषय धयागु कलेज बाय् विश्वविद्यालय तहलय् स्यनीगु व अनुसन्धान याइगु ज्ञानया कचा खः। क्वय् बियातःगु कचात व्यापक रुपं सामाजिक विज्ञानया थीथी कचाया रुपय् कायेगु या:
- मानवशास्त्र (anthropology)
- पुरातत्व
- नृवंशविज्ञान (Ethnography)
- भौतिक मानवशास्त्र (Physical anthropology)
- सांस्कृतिक मानवशास्त्र
- अपराध विज्ञान (Criminology)
- पेनोलोजि (Penology)
- भूगोल
- जनसांख्यिकी (Demography)
- लागा अध्ययन (Area studies)
- अर्थशास्त्र
- शिक्षा विज्ञान (Education sciences)
- भाषा विज्ञान
- सैनिक विज्ञान
- ब्यवस्थापन विज्ञान
- संगठन अध्ययन (Organization studies)
- राजनैतिक विज्ञान
- अन्तर्राष्ट्रिय स्वापू
- सेफोलोजि (Psephology)
- तुलनात्मक राजनीति
- जनस्वास्थ्य
- महामारी विज्ञान (Epidemiology)
- मनोविज्ञान
- संज्ञानात्मक विज्ञान (Cognitive science)
- सामाजिक मनोविज्ञान (Social psychology)
- व्यक्तित्व मनोविज्ञान (Personality psychology)
- साइकोमेट्रिक्स (Psychometrics)
- धार्मिक अध्ययन (Religious studies)
- समाजशास्त्र