मौसम

Thunderstorm near Port-la-Nouvelle, Occitania, France

Cumulonimbus cloud

२०१५या मौसम किपा

मौसम धयागु वायुमण्डलय् न्हिथं बाय् घौछिं-घौ हिलाच्वनीगु अवस्था खः। थुकियात तापक्रम, वृष्टि, तःफय्, सुपाँय् आदि अवस्थां असर याइ। मौसमय् फय्, ज्वालामुखी, तफय्, फस, ग्वफय्, वा, च्वापु, व यक्व मेमेगु अवस्था दुथ्याः। सुर्द्यःया उर्जां मौसमय् लिच्वः लाकी। दच्छिया थीथी इलय् छगू लागाय् सामान्यतया गज्याःगु अवस्था जुइ धकाः मौसमं झीत धाइ। मौसमय् हिउपाः वइबिले यक्व जीवित प्राणीया जीवनय् लिच्वः लाकेफु। मनूतसें थीथी वसः पुनीगु अले थीथी मौसमय् पाय्छि ज्या याइगु जुइ। नापं, मौसम कथंया थी थी नसा नयेगु जुइ।

हलिंन्यंकया मौसम स्टेशनं मौसमया थीथी ब्वयात दायेगु ज्या याइ। मौसम दाना स्वयेगु पहः दुने फसया गति, फसया दिशा, तापक्रम व आर्द्रता आदि ला। मनूतसें भविष्यया मौसम पूर्वानुमान यायेत थुगु दापू छ्यलेगु कुतः याइ। थुपिं मनूतेत मौसमविद् धाइ। इमिसं मौसमया प्रवृत्तियात अनुसरण यायेत तःधंगु गणितीय मोडेल दयेकेत कम्प्यूटर छ्यली।

तच्वःगु मौसम

तच्वःगु मौसमं मनूत व इमिगु सम्पत्तियात स्यंकेफु। छुं अवस्थाय् थ्व छगू झन्झट जक जुइफुसां छुं अवस्थाय् थुकिलिं मनूतेगु धन जन क्षति यायेफु। तच्वःगु मौसमया छुं दसुत थथे दु:

• उष्णकटिबंधीय चक्रवात (ग्वःफय्)
• तच्वःगु वाफय् वइगु
• गंका मौसम (Drought)
• क्वाःफय् (Heat waves)
• तोर्नेदो

स्वयादिसँ

• वातावरण