पवित्र धर्मावशेष

पवित्र धर्मावशेष (Relic) धइगु छुं सन्त वा धार्मिक न्हेलुवाया म्हया ब्वः (दसु: क्वँय्, सँ, वा आदि) वा वय्कलं छ्यलादीगु वस्तु (दसु: वसः, सफू, वा पात्र) खः गुकियात पवित्र धकाः पुज्यायेगु याइ। रेलिक खँग्वः ल्याटिन खँग्वः 'रेलिक्विये' (reliquiae) निसें वःगु खः, गुकिया अर्थ ल्यं दुगु वस्तु खः। बुद्ध, इसाई, हिन्दू, व इस्लाम धर्मय् पवित्र अवशेषतेगु तःधंगु महत्त्व दु। दसुया नितिं बुद्ध धर्मय् भगवान बुद्धया अस्ति (धातु) तयाः दयेकातःगु चैत्य व स्तूपतय्त अति पवित्र कथं हनिगु या। क्याथोलिक व अर्थोडक्स इसाई धर्मय् सन्ततयेगु अवशेष दूगु थासय् प्रार्थना याःसा चमत्कार जुइ धइगु विश्वास दु। श्रद्धालुतेसं थुपिं अवशेषतेगु दर्शन यायेत तःधंगु तीर्थयात्रा याइ। थुपिं अवशेषत धार्मिक आस्था, इतिहास, व सांस्कृतिक धरोहरया ब्वः खः।

स्वयादिसँ

• धर्म