मध्य पूर्व
.svg) | |
| Area | 7,207,575 km2 (2,782,860 sq mi) |
|---|---|
| Population | 371 million (2010)[१] |
| Countries | UN members (16)
|
| Dependencies |
Occupied (4)
|
| Languages | 60 languages
|
| Time zones | UTC+02:00, UTC+03:00, UTC+03:30, UTC+04:00 |
| Largest cities | |
मध्यपूर्व छगू भूराजनीतिक क्षेत्र ख गुकिलि अरब प्रायद्वीप, लेभान्त, टर्की, मिस्र, इरान व इराक ला। थ्व खँग्वः २०गु शताब्दीया सुरुइ निकट पूर्व (सुदूर पूर्वया विपरीत ) खँग्वःया प्रतिस्थापनया रुपय् व्यापक छ्येलेज्याय् वल। "मध्यपूर्व" खँग्वःया कारणं थुकिया हिलाच्वंगु परिभाषाय् छुं भ्रम ब्वलंगु दु। थ्व खँग्वःयात तसकं युरो-केन्द्रित कथं कायेगु या। थ्व क्षेत्रय् पश्चिम एसियाया दक्षिण काकेशस त्वताः ल्यंगु अप्व भागय् सकल मिस्र व सकल टर्की दुथ्या।
आपालं मध्यपूर्वी देय् (१८ दथुइ १३) अरब हलिंया भाग ख। थ्व क्षेत्रय् दकलय् अप्व जनसंख्या दूगु देय् मिस्र, टर्की, व इरान ख धाःसा साउदी अरब क्षेत्रफलया ल्याखं दकलय् तःधंगु मध्यपूर्वी देय् ख। मध्यपूर्वया ताःहाकःगु इतिहास दु। हलीम्या यक्व मू धर्मया उत्पत्ति मध्यपूर्वय् जूगु दु, गुकिलि यहूदी धर्म, ईसाई धर्म व इस्लाम धर्म नं ला। अरब थ्व क्षेत्रया मू जातीय पुचः ख, व वयां लिपा टर्कीश , फारसी, कुर्द, अजेरी, कोप्ट, यहूदी, अश्शूर, इराकी तुर्कमेन, यजीदी, व साइप्रसया ग्रीक जाति दु।
मध्यपूर्वय् सामान्यतया तांन्वःगु, शुष्क जलवायु दु, विशेष यानाः अरब व इजिप्सियन क्षेत्रय्। थनया सीमित थासय् बुंज्या याये छिंगु खुसि दु, गथेकि इजिप्टया नाइल डेल्टा, मेसोपोटामियाया टाइग्रिस व युफ्रेट्स जलक्षेत्र, व लेभान्तया जोर्डन खुसिया स्वनिगः। थ्व क्षेत्रत सामूहिक रुपं फर्ताइल क्रेसेन्तया नामं म्हसीकिगु या। लेभान्टाइन तट व टर्कीया अधिकांश भागय् अपेक्षाकृत समशीतोष्ण जलवायु व विशिष्ट भूमध्यसागरीय दु। थन सुख्खा गर्मी व शीतल, आर्द्र चिकुला दु। फारस खाडीया सीमाय् दूगु अप्व देसय् पेट्रोलियमया विशाल भण्डार दु, विशेष यानाः अरब प्रायद्वीपय् गुकिया फाइदा अरब राजतन्त्रतेसं कयाच्वंगु दु। शुष्क जलवायु व जीवाश्म इन्धन उद्योगय् यक्व निर्भरताया कारणं मध्यपूर्व जलवायु परिवर्तनय् तसकं योगदान बीगु व जलवायु परिवर्तनया तसकं नकारात्मक लिच्वः लाइगु अनुमान याःगु क्षेत्र निगुलिं खः।
स्वयादिसँ
[सम्पादन]- ↑ Population 1971–2010 (pdf Template:Webarchive p. 89) IEA (OECD/ World Bank) (original population ref OECD/ World Bank e.g. in IEA Key World Energy Statistics 2010 p. 57)