घाँय् ख्यः
घाँय् ख्यः बाय् घाँय् बुँ धयागु घाँय् (Poaceae) बुया जाःगु ख्यः वा बँ/बुं ख। थन्याःगु बुंइ थाय् कथं सेज-मां (Cyperaceae, sedge) व रश (Juncaceae, rush), क्लोभर, लेगुम व मेमेगु जडिबुटि नं सयेगु या। घाँय् ख्यः प्राकृतिक रुपं अन्टार्कटिका त्वताः फुक्क महाद्वीपय् दु व पृथ्वीया आपालं इकोरिजनय् दु। थ्वयां अप्वः, घाँय् ख्यः पृथ्वीया दकलय् तःधंगु बायोमय् छगू खः अले हलिंन्यंकया वातावरणय् हावी जुयाच्वंगु दु। हलिमय् थी-थी कथंया घाँय् ख्यः दु गुकिलि प्राकृतिक घाँय् ख्यः, अर्धप्राकृतिक घाँय् ख्यः, व कृषि घाँय् ख्यः ला। थन्याःगु ख्यलं पृथ्वीया ३१–६९% भूभाग तपुयातःगु दु।
वर्गिकरण
[सम्पादन]शिम्पर (१८९८, १९०३) या घाँय् ख्यःया प्रकार:
- मिदो वा Meadow (हाइग्रोफिलस बाय् ट्रोपोफिलस घाँय् बुँ)
- स्टेप (जेरोफिलस घाँय् बुँ)
- सभाना (बिस्कं सिमा दुगु जेरोफिलस घाँय् बुँ)
- स्टेप परिवार : छम्ह साधारण घाँय् बुँया जनावर, याकनं न्यासि वनीम्ह ध्वं
एलेनबर्ग व मुलर-डोम्बोइस (१९६७)या घाँय् ख्यःया प्रकार:
फर्मेसन क्लास ५ (Formation-class V): स्थलीय जडिबुटी समुदाय (Terrestrial herbaceous communities)
- सभाना व स्वापू दूगु घाँय् भूमि (उष्णकटिबंधीय वा उपोष्णकटिबंधीय घाँय् ख्यः व पार्कख्यः)
- स्टेप्स व स्वापू दुगु घाँय् बुँ (दसु उत्तरी अमेरिकी "प्रेरीज" आदि)
- मिदो, पास्च, वा स्वापू दूगु घाँय् ख्यः (Meadows, pastures or related grasslands)
- सेज झ्वास्या व फ्लस (Sedge swamps and flushes)
- जडिबुटि व सिँमा-चाया चि झ्वास्या (Herbaceous and half-woody salt swamps)
- फोर्ब वनस्पति (Forb vegetation)
लेककया घाँय् ख्यःया वर्गीकरण(१९७९)
- तःजाःगु घाँय् प्रेरि (Tallgrass prairie)
- चीजाःगु घाँय् प्रेरि (Shortgrass prairie)
- ल्वाकज्याःगु घाँय् प्रेरि (Mixed-grass prairie)
- श्रब स्टेप (Shrub steppe)
- वार्षिक घाँय् ख्यः (Annual grassland)
- मरुभूमि (शुष्क) घाँय् ख्यः
- उच्च पर्वत घाँय् ख्यः