फेसन

Woman's Bicycling Ensemble, 1898, LACMA

French fashion

Kiko Mizuhara

फेसन (Fashion) धयागु छगू निश्चित ई व थासय् मनूतय्सं छ्यलीगु वसः, तिसा, व लंया छगू लोकह्वाःगु पहः खः। थ्व मनूया व्यक्तित्व क्यनेगु व थःगु पहिचान न्ह्यब्वयेगु छगू माध्यम खः। फेसनं झीगु समाज, अर्थतन्त्र, व कला ख्यलय् तसकं तःधंगु प्रभाव लाकी।

फेसनया मू अङ्गत

• वसः फीगु पहः: थी-थी कापः, बुट्टा, व डिजाइनया लं (दसु: पटासी, लंवसः, वा कोट)।
• तिसा तीगु पहः: लुँ-वहःया तिसात, घडी, म्हिचा आदि।
• समाः(Makeup) यायेगु पहः: ख्वाः व म्हयात बांलाकेत छ्यलीगु ज्वलंत।
• लाकां न्ह्यायेगु पहः: लाकां व चप्पलततेगु पहः।
• सँ पहः: सं छिनेगु पहः।

उद्योग

फेसन हलिंया छगू तःधंगु उद्योग खः। थुकी यक्व चिधंगु उद्योगत दुथ्याः।

1. डिजाइनर: न्हूगु पहः व शैली दयेकीपिं कलाकारतेगु रचना।
2. उत्पादन: ज्यासलय् तःधंगु परिमाणय् वसः दयेकेगु ज्या।
3. फबंजाः (Retail): पसः, दिपार्तमेन्त स्तोर थेंज्याःगु थासय् वसः मीगु ज्या।

सांस्कृतिक महत्त्व

नेवाः समाजय् तिसावसःया पहः थःगु हे तःधंगु महत्त्व दु। जात्रा व नखःचखःबलय् 'लंसुरुवा', 'पटासी/पर्सि', 'तिसा', तपुलि आदिं मौलिक पहिचान क्यनी। थ्व पहः आःया 'मोडेल' व डिजाइनरतय्सं आधुनिक रूप बियाः हलिं न्यंकं न्यंकाच्वंगु दु।

लिधंसा

• Steele, Valerie (2017). Paris Fashion: A Cultural History.
• Laver, James (1969). The Concise History of Costume and Fashion.