हलिंसफू
[[Image:Wikipedia and Encyclopædia Britannica.jpg|thumb|357x357px|A laptop shows a Wikipedia page on "Encyclopedia", beside stacked volumes and an open page of the Encyclopædia Britannica [[Image:"Encyclopedia" in 15th c. manuscript of Institutio Oratoria.png|alt=Medieval manuscript containing the Greek phrase "enkúklios paideía"|thumb|A 15th-century manuscript of Institutio Oratoria [[Image:Plinio il vecchio, naturalis historia, 1446, manoscritto S. XI.1, 02.JPG|alt=Two pages from medieval manuscript of Pliny's Natural History|thumb|Pliny the Elder
हलिंसफू हलिमसफू बाय् विश्वकोश छगू विशेष क्षेत्र वा विषयय् सामान्य वा विशेष ज्ञानया सारांश बीगु सन्दर्भ ग्रन्थ वा सारांश ख। हलिंसफूयात च्वसु वा प्रविष्टिइ बायातइ गुकियात च्वसुया नां वा विषयगत पुचः कथं आखःया वर्णक्रमय् तयातःगु जुइ। मेगु कथं हाइपरलिङ्क यानातःगु व मालेगु जुइ। हलिंसफूया प्रविष्टित अप्व खँग्वःधुकू स्वया ताःहाकः व विस्तृत जुइ। सामान्यतया धायेगु खःसा हलिंसफूया च्वसुइ च्वसुया शीर्षकय् नां बियातःगु विषयया सम्बन्धय् तथ्यात्मक जानकारीइ केन्द्रित जुइ; थ्व खँग्वःया प्रविष्टित थें मखु, गुकि खँग्वःया व्युत्पत्ति, अर्थ, उच्चारण, छ्येलेज्या, व व्याकरणिक रुप थें न्याःगु भाषिक जानकारीइ केन्द्रित जुइ।
हलिंसफूया अस्तित्व करिब २००० दँ न्ह्यःनिसें दु व उगु ईया दुने थीथी कथं विश्तृत जूगु दु: दसुया निंतिं भाषा (प्रमुख अन्तर्राष्ट्रिय वा छगू जनभाषाय् च्वयातःगु), आकार (छुं वा यक्व खण्ड), आशय (विश्वव्यापी वा सीमित दायराया ज्ञानया ब्वथला), सांस्कृतिक परिप्रेक्ष्य, लेखकत्व (योग्यता, शैली), ब्वँमि (शिक्षा स्तर, पृष्ठभूमि, रुचि, क्षमता), व इमिगु उत्पादन व वितरणया निंतिं उपलब्ध प्रविधि (हस्तलिखित हस्तलिखित ग्रन्थ, चिधंगु वा तःधंगु प्रिन्ट रन, इन्टरनेट) आदि कायेछिं। विज्ञतेसं संकलन याःगु विश्वसनीय सुचंया मूल्यवान स्रोतया रुपय् मुद्रित संस्करणं पुस्तकालय, ब्वनेकुथि व मेमेगु शैक्षिक संस्थाय् छगू प्रमुख थाय् हलिंसफू मुंकेगु या।
२१गु शताब्दीइ विकिपिडिया थें न्याःगु डिजिटल व चकं स्रोत संस्करण (विकि वेबसाइट फर्म्याट नापं)या उपस्थितिं हलिंसफू प्रविष्टिया पहुँच, लेखकत्व, ब्वँमि व विविधताय् यक्व विस्तार याःगु दु।