सुपाँय्

[[Image:ISS-40 Thunderheads near Borneo.jpg|alt=|thumb|upright=1.5|Cloudscape over Borneo

सुपाँय् धाःगु लःया हाः वायुमण्डल (सर्गः)य् थ्यना दयाच्वनिगु छगू रुप ख। सुपाँय् झ्यातुया वा ख्वाँउया वा वइ। पृथ्वीइ लः बाष्पीकरण जुयाः आकाशय् थहां वनी।

ताजि

सुपाँय् गथे खनेदइ धइगुया आधारय् सुपाँय्या न्यागू आधारभूत परिवार दु:

सिरस सुपाँय् तजाः थासय् दइ व सालुसे च्वनि। वायुमन्दःया उच्च स्तरय् फय् तसकं ख्वाउँसे च्वं, उकिं थ्व सुपाँय् लःया फुतिया पलेसा च्वापुया ग्वलं दयेका तइ। सिरस सुपाँय्यात गबलें गबलें सलया न्हिपं धाइ छाय् धाःसा थ्व स्वयेबिले सलया न्हिपं थें च्वं।
स्ट्रेटस सुपाँय् धयागु पेचूगु भः थें च्वनि। थ्व निम्न-स्तरीय सुपाँय् (स्ट्रेटस), मध्यम-स्तरीय (अल्टोस्ट्रेटस), उच्च-स्तरीय (सिरोस्ट्रेटस), वा तःग्वःगु बहुस्तरीय सुपाँय् जुइफु गुकिलिं वा वा च्वापु दयेकी (निम्बोस्ट्रेटस)।
स्ट्र्याटोक्यूमुलस सुपाँय् ग्वः बाय् रिपलया रुपय् दयाच्वनि। थ्व निम्न-स्तरीय सुपाँय् (स्ट्र्याटोकुमुलस), मध्यम-स्तरीय (अल्टोक्युमुलस), वा उच्च-स्तरीय (सिरोकुमुलस) जुइफु।
क्यूमुलस सुपाँय् न्हापां दयावइबलय् चिग्वः व चिचिधं जुइ। थ्व तःग्वया मध्यम भर्टिकल एक्सटेन्ट दूगु सुपाँय् ग्वाराय् हिलेफु, वा तःजाःगु भर्टिकल क्लाउड (टावरिङ क्यूमुलस) जुइफु।
क्यूमुलोनिम्बस सुपाँय् तसकं तःधंगु क्यूमुलस ताजिया सुपाँय् ख गुकिलिं सामान्यतया सिरस टप व गबलें गबलें मेमेगु विशेषता विकास याइ गुकिलिं इमित थःगु हे कथंया विशिष्ट रुप बी।

जाः कथं सुपाँय्तेत थथे बायेछिं:

त:जाःगु (उच्च-स्तर)या सुपाँय्

थ्व सुपाँय् ख्वाउँगु थासय् १०,००० निसें २५,००० फिट (३,००० निसें ८,००० मिटर) तक, मध्य थासय् १६,५०० निसें ४०,००० फिट (५,००० निसें १२,००० मिटर) व तसकं तांन्वःगु उष्णकटिबंधीय क्षेत्रय् २०,००० निसें ६०,००० फिट (६०,००,०००) तक दयाच्वनि। इपिं तसकं तजाःगु व सालुगुलिं वा वयेके बाय् च्वापु पिकाये मफु।

उच्च-स्तरया सुपाँय् थथे दु:

सिरस (सिआइ)
सिरोक्यूमुलस (सिसि)
सिरोस्ट्रेटस (सिएस)

दथु जाःगु (मध्यम तह)या सुपाँय्

दथु जाःगु सुपाँय् अप्वः धया थें ख्वाउँगु थासय् ६,५०० फिट (२००० मिटर) च्वय् दयावइ। अथे जुसां दच्छियंकं तसकं लुमुगु उष्णकटिबंधीय थासय् २५,००० फीट (८,००० मिटर) तक्क तजाःगु थासय् दयेफु। दथु जाःगु सुपाँय् अप्वः धया थें लःया फुतिं दयेकी तर थुकी छुं च्वापुया क्रिस्टल नं दयेफु। इमिसं गुबलें गुबलें वा वयेके वा च्वापु दयेकेफु गुगु अप्वः धया थें अवस्थाय् बँय् थ्यने न्ह्यः हे बाष्पीकरण जुइ।

मध्यम-स्तरया सुपाँय् थथे दु:

अल्टोक्यूमुलस (एसि)
अल्टोस्ट्रेटस (एएस)

क्वजाःगु (निम्न तह)या सुपाँय्

क्वजाःगु सुपाँय् सामान्यतया बँ भःया लिक्क निसें ६,५०० फीट (२००० मिटर) तक्क खने दु। चिजाःगु वा क्वजाःगु सुपाँय् अप्वः धया थें लःया फुतिं दयेकी अले गुबलें गुबलें तसकं हल्का वा बाय् च्वापु गायेके फु।

थ्व ताजिया सुपाँय् थथे दु:

स्ट्र्याटोक्यूमुलस (एससि)
स्ट्रेटस (एसटी)

थ्व ताजिया सुपाँय् बँ नापं तसकं क्वय् दःसा थुकियात खसु धाइ।

दथु- धस्वाःगु सुपाँय्

थ्व दथु तःग्वःगु सुपाँय् ख गुकिलिं भूमिगत सतहया लिक्क निसें १०,००० फीट (३,००० मिटर) तक्क गनं नं दयेफु। दथु-जाःगु क्यूमुलसया नामय् अल्टो तनातःगु दइमखु। थुगु सुपाँय् या च्वका अप्वः धया थें २०,००० फिट (६,००० मिटर) स्वयां यक्व तजाः जुइमखु। धस्वानाच्वंगु सुपाँय् अप्वः धया थें वा व च्वापु दयेकि। थ्व अप्व यानाः लःया फुतिं दयेकिगु या, तर ख्वांगु तःजाःगु थासय् थ्यनेबिले थुकिलि च्वापुया क्रिस्टल नं दयेफु।

दथु- धस्वाःगु सुपाँय् थथे दु:

क्यूमुलस (सियू)
निम्बोस्ट्रेटस (एनएस)

तजाःगु - धस्वाःगु सुपाँय्

थुगु सुपाँय् तसकं तजाः गुकिया च्वका अप्वः धया थें २०,००० फिट (६,००० मिटर) स्वयां तजाः जुइ। इमिसं तच्वकं वा व च्वापु वा दयेकेफु। दकलय् तःधंगु सुपाँय् क्यूमुलोनिम्बसं नं वाफय् वयेफु। थ्व सुपाँय् अप्व यानाः लःया फुतिं दयेकिगु या तर तसकं तःधंगु क्यूमुलोनिम्बस सुपाँय्या च्वका अप्व यानाः च्वापु क्रिस्टलं दयेकिगु या।

तःजाःगु - धस्वाःगु सुपाँय् थथे दु:

तावरिङ्ग क्यूमुलस (टिसियू)
क्यूमुलोनिम्बस (सिबि)

स्वयादिसँ