ब्यास गितार

ब्यास गितार (Bass guitar) छगू तार बाजं ख गुगु पिच (pitch) या झ्वलय् इलेक्ट्रिक गिटार स्वया म्हो सःया झ्वलय् सः पिकाइगु बाजं ख। थ्व बाजं स्वयेबिले इलेक्ट्रिक गिटार थें च्वं सां थुकिया 'नेक' (neck) ताःहाकः जुइ। साधारणतया ब्यास गिटारय् प्यपू तार दइ, धाःसा आधुनिक संस्करणय् न्यापू वा खुपू तार नं जुइ फु। थ्व बाजंया सः डबल ब्यासया सः नाप ज्वः तर थ्व आकारय् चिधं व पोर्टेबल जुइ। बास गिटारयात एम्प्लीफायर (amplifier) नाप स्वानाः जक बांलाक सः पिथने फइ। थ्व बाजं ड्रम्स नाप स्वाना सांगीतिक पुचलय् 'रिदम सेक्सन' (rhythm section) दयेकी। पप, रक, ज्याज व फंक संगीतय् ब्यास गिटार मदयेक मगाःगु बाजं ख। थुकियात पतिं छ्यला (plucking) वा 'पिक' (pick) छ्यलाः थाइ। थ्व बाजंया मुख्य ज्या संगीतयात लयबद्ध आधार व गहिराइ बीगु ख।

स्वयादिसँ

• गितार
• ताल