सन् ९८६

Map of the Battle of the Gates of Trajan

९८६ ग्रेगोरियन पात्रो यागु छगु साधारण दँ खः।

झाकातः

थाय् कथं

बैजान्टाइन साम्राज्य

• अगस्ट १७ – त्राजनया ध्वाखाया युद्ध: सम्राट बेसिल द्वितीयं बुल्गेरियामितेगु विरुद्ध ३०,०००म्ह सैनिकया बैजान्टाइन सेनाया नेतृत्व यानाः स्रेडेट्सया क्वाः(fortress) नगर कब्जा यात। २० न्हुया घेराबन्दी धुंका बेसिल सोफिया स्वनिगलं इहतिमान नगरपाखे लिचिलेत बाध्य जुइ। थथे लिचिले बिले वं त्रजानया ध्वाखाया नामं म्हसीकिगु छगू लं पुलाः वनि। जार स्यामुएलया नेतृत्वय् बुल्गेरियामितसें बैजान्टाइन सेनायात एम्बुश यासें बुकल। भारंगियन गार्ड(Varangian Guard) जक तःधंगु क्षतिलिसें बिस्युं वनी व बेसिलयात मेगु लं जुया सुरक्षित थासय् थ्यंकी।

युरोप

• मार्च २ – लाओनय् ३२ दँया शासन लिपा जुजु लोथेर तृतीय (वा लोथेर चतुर्थ) मन्त । वय्कःया उत्तराधिकारी वय्कःया १९ दँ दुम्ह काय् लुइस ५ पश्चिम फ्रेन्किश साम्राज्यया शासक जुयादिल।
• बर्खा: अल-मंसुर, अल-अन्दलसया शासक, आइबेरियन प्रायद्वीपया उत्तरय् थःगु सैन्य कुतःयात निरन्तरता बीगु झ्वलय् व कोइम्ब्रा (आधुनिक पोर्चुगल) नगरय् लुटपाट यात।

सम्राज्ञी थियोफानु , ६ दँ दुम्ह जुजु अटो तृतीय व हेनरी द्वितीय बभेरियामिया नापं, एल्बे सीमाय् बोहेमिया व स्लाभ विरुद्ध अभियानया नेतृत्व याइ।

• पोल्याण्डया शासक ड्यूक मिस्को प्रथम अटो तृतीय व पवित्र रोमन साम्राज्यप्रति थःगु निष्ठाया प्रतिज्ञा याइ। वं अटोया स्लाभ विरुद्धया हःतालय् ग्वाहालि यायेगु बचं बी।
• ह्जोरंगवागरया युद्ध (Battle of Hjörungavágr) : हाकोन सिगुर्डसनया नेतृत्वय् अर्ल्स अफ लेदं पश्चिमी नर्वेय् जोम्स्भिकिङया नेतृत्वय् दूगु डेनिश आक्रमणकारी सेनायात बुकल।
• चिकुला – जुजु हेराल्ड द्वितीय (ब्लुटुथ) २८ दँया शासन धुंका निर्वासनय् मन्त। वय्कःया काय् स्वेन फोर्कबियर्ड डेनमार्क व नर्वेया शासक जुयादिल।

अरब साम्राज्य

• चिकुला – गजनवी राजवंशया अमीर सबुक्टिगिनं भारतय् आक्रमण याइ। वं जुजु जयपालयात बुकेधुंकाः काबुल स्वनिगः व सिन्धु खुसिया दथुइ अमीरात विस्तार याइ।

एसिया

• फुजिवारा परिवारया राजनीतिक संघर्ष लिपा सम्राट कजानं गद्दी त्याग याइ। वय्कःया ६ दँ दुम्ह थःथिति इचिजों जापानया ६६गु सम्राट (tennō) या रुपय् ज्या यानादिल।
• बर्खा– चि गो पास अभियान: सोङ राजवंशं लियाओ राजवंशया विरुद्ध सिक्सटिन प्रिफेक्चरय् स्वंगु मोर्चाय् सेना छ्वइ। तर इपिं फुक्क मोर्चाय् पराजित जुइ।

अन्वेषण

• Bjarni Herjólfsson , छम्ह नोर्स - आइसल्याण्डिक व्यापारी क्याप्टेन व अन्वेषक, अमेरिकाया मू भूभाग लुइकूम्ह पुलांगु हलिंया न्हापांम्ह बासिन्दा जुइ।

साहित्य

• सोङ्ग सि दा शु (宋四大书, 宋四大書) वा सोङ्गया प्यता महान सफूलि छगू चिनियाँ विश्वकोश वेनयुआन यिङ्गहुआ(文苑英華)या च्वज्या क्वचाल। थ्व सफूति मुक्कं १,००० खण्ड दु।

बूपिं

• अल-कुशयरी , फारसी सूफी विद्वान व धर्मशास्त्री (म. १०७२ )
• एथेलस्टन एथेलिङ्ग , एथेलरेड द्वितीयया काय् (मृत्यु १०१४ )
• बेजप्रिम (बाय् बेस्फ्रिम ), ड्यूक अफ पोल्याण्ड (अनुमानित तिथि)
• कन्स्टेन्स अफ आर्ल्स , फ्रान्सेली रानी (अनुमानित तिथि)
• ले लोंग दिन्ह, ले राजवंशया सम्राट (मृत्यु १००९ )
• पोप्पो , ट्रायरया आर्चबिशप (अनुमानित न्हिल्याः)
• रेजिनाल्ड १ , बर्गन्डीया काउन्ट पलाटिन (म. १०५७ )

मदूपिं

• मार्च २ – लोथैर तृतीय, पश्चिम फ्रेन्किश साम्राज्यया जुजु (जन्म ९४१ )
• मे २५ – अब्द अल-रहमान अल-सुफी, फारसी खगोलशास्त्री (जन्म ९०३ )
• अगस्त – याङ ये, चिनियाँ जनरल व गभर्नर (चिनिया भासय् जिएदुशी 節度使)
• अगस्ट १५ - मिनबोरिनस , आइरिश मिसनरी

अज्ञात तिथि

• बहराम इब्न अर्दशीर अल-मजुसी , बुयद अधिकारी व जेनेरल
• क्याडवालोन अब आइउफ, ग्विनेड (वेल्स)या जुजु

सम्भावित

• एथेलस्टन मनेसुने, अंग्रेजी बुंथुवा
• बोबो, फ्रेन्किश योद्धा व तीर्थयात्री।