सन् १३२५

सन् १३२५ (MCCCXXV) जुलियन पात्रोया मङ्गलवाः कुन्हु शुरु जूगु सामान्य वर्ष ख।

झका

ज्यानुवरी-मार्च

• ज्यानुवरी ७ - अफोन्सो ४, वय्कःया अबु जुजु देनिस १ मदयेधुंका पोर्तुगलया जुजु जूगु।
• फेब्रुवरी १ - सुल्तान गियाथ अल-दीन तुगलकया ५ दँ शासन धुंका कारा-मानिकपुरय् हत्या जुइ। हे वय्कःयात वय्कः धुंका वय्कःया काय् मोहम्मद २ (जुना खान) दिल्ली सल्तनतया जुजु जूगु ।
• मार्च ९ - इंग्ल्याण्डया लानि इसाबेला, जुजु एडवर्ड २या कला व फ्रान्सया जुजु चार्ल्स ४या केंहेँ, इंग्ल्यान्दं फ्रान्सया पेरिसय् थ्व राज्यतेगु युद्धयात अन्त्य यायेगु उद्देश्यं वंगु। वय्कःयात वसन्तय् इंग्ल्याण्ड लिहां वयेगु आदेश दूगु।
• मार्च १२ - ११ दँय्, भालदेमर ३, वय्कःया अबु इरिक २ मदयेधुंका स्लेस्स्विगया दचीया शासक जूगु।
• मार्च १३
  • त्राउस्निट्जया सन्धि (Trausnitz Treaty): अस्ट्रियाया दचि व बवेरिया साम्राज्यया दथुइ जूगु। अस्त्रियाया शासक फ्रेदेरिक द फेयर (Frederick the Fair) त्राउस्निट्जया दुर्गं स्वि लाया कैद धुंका रिहा जूगु। वय्कःयात बवेरियाया लुद्विगं सन् १३२२या हताः धुंका बन्दि दयेकूगु।
  • (मस्यूगु तिथि) - मेक्सिको सिटीया पूर्वज नगर, तेनोचिकिलान तेक्सकोको दहया छगू द्वीपइ तेनोचया नेतृत्वय् मेक्सिकातय्सं पलिस्था यात।
• मार्च ३१ - इंग्ल्याण्डया जुजु एडवर्ड २ (नापं फ्रान्सय् एक्विटेनिया द्युक) व फ्रांसीसी जुजु चार्ल्स ४ दथुइ युद्धविराम सन्धि जुल। थ्व नापं सेन्ट-सार्दोसंया द्वन्द क्वचाल। इंग्ल्यान्दया लानि इसाबेला (जुजु एडवर्डया कला व जुजु चार्ल्सया केंहेँ)या मध्यस्तताय् जूगु सन्धि कथं, एड्वार्डं अजेनेस (आधुनिक फ्रांसयागु लो-एट-गारोन्ने डिपार्टमेन्ट) त्वतूगु, अले अननिसें जुजु चार्ल्सयात एक्वितेनया भूभात तयेगु निंतिं जुजु चार्ल्सयाके बफादारीया शपथ काःगु। इंग्ल्यान्दयात Ponthieu व दचि अफ ग्यास्कोनी (Duchy of Gascony) लितकायेत जुजु एद्वार्द पेरिसय् वयेमाःगु शर्त तःगु। इजाबेला, एडवर्डनापया इहिपाय् लसता मदूगुलिं फ्रान्सय् हे च्वंगु।

अप्रिल-जुन

• अप्रिल २० – एलिजाबेथ दे कोमिन, मदयेधुंकूगु स्कतल्यान्दया गार्जियन (Guardian of Scotland), जन कोमिन ३या म्ह्याय् यात वय्कःया इंग्ल्यान्दय् दूगु सम्पत्ति त्वतेत बाध्य याःगु।