𑐴𑐸𑐮𑐵

देवनागरीइ ब्वनेत: हुला तियादिसँ𑑋

𑐴𑐸𑐮𑐵 𑐕𑐐𑐹 𑐴𑐰𑐵𑐃𑐩𑐶 𑐥𑑂𑐫𑐵𑐏𑑄𑐫𑐵 𑐬𑐸𑐥 𑐏 𑐐𑐸𑐎𑐶𑐮𑐶𑑄 𑐖𑐥 (𑐌𑐮𑐶) 𑐰𑐵 𑐩𑑂𑐫𑐾(𑐩𑐾𑐮𑐾)𑐫𑐵𑐟 𑐥𑑂𑐫𑐵𑐏𑑃𑐫𑐵 𑐬𑐸𑐥𑐫𑑂 𑐰𑑂𑐫𑐎𑑂𑐟 𑐫𑐵𑐂𑑋 𑐠𑑂𑐰 𑐴𑐰𑐵𑐃 𑐚𑐵𑐥𑐸𑐂 𑐀𑐣 𑐧𑐳𑑀𑐧𑐵𑐳 𑐫𑐵𑑅𑐥𑐶𑑄 𑐁𑐡𑐶𑐰𑐵𑐳𑐷 𑐴𑐰𑐵𑐃𑐩𑐶𑐟𑐾𑐳𑑄 𑐰𑐶𑐎𑐵𑐳 𑐫𑐵𑑅𑐐𑐸 𑐎𑐮𑐵 𑐏𑑋 𑐴𑐸𑐮𑐵𑑄 𑐌𑐮𑐶 𑐰𑐵 𑐩𑐾𑐮𑐾𑐫𑐵 𑐏𑑃𑐐𑑂𑐰𑑅𑐫𑐵𑐟 𑐡𑐺𑐱𑑂𑐫 𑐥𑑂𑐫𑐵𑐏𑑄𑐫𑐵 𑐬𑐸𑐥𑐫𑑂 𑐣𑐵𑐚𑐎𑐷𑐫 𑐎𑐠𑑄 𑐧𑑂𑐰𑐫𑐾𑐐𑐸 𑐖𑑂𑐫𑐵 𑐫𑐵𑐂𑑋

𑐴𑐸𑐮𑐵𑐫𑐵 𑐫𑐎𑑂𑐰 𑐄𑐥-𑐎𑐔𑐵 𑐡𑐸, 𑐐𑐸𑐎𑐶𑐮𑐶 𑐣𑐶𑐐𑐸 𑐩𑐹 𑐥𑐸𑐔𑑅 𑐴𑐸𑐮𑐵 '𑐁𑐄𑐁𑐣𑐵 𑐰 𑐴𑐸𑐮𑐵 𑐎𑐵𑐴𑐶𑐎𑑀 𑐏𑑋 ^[१] 𑐴𑐰𑐵𑐃𑐫𑑂 𑐥𑐱𑑂𑐔𑐶𑐩𑐷 𑐥𑑂𑐬𑐨𑐵𑐰 𑐖𑐸𑐂 𑐣𑑂𑐴𑑂𑐫𑑅 𑐠𑐣 𑐫𑐵𑐂𑐐𑐸 𑐥𑑂𑐬𑐵𑐔𑐷𑐣 𑐥𑐬𑐩𑑂𑐥𑐬𑐵𑐐𑐟 𑐴𑐸𑐮𑐵𑐫𑐵𑐟 𑐎𑐵𑐴𑐶𑐎𑑀 𑐢𑐵𑐂𑑋 𑐠𑐸𑐎𑐶𑐫𑐵 𑐮𑐶𑐳𑐾𑑄 𑐥𑐬𑐩𑑂𑐥𑐬𑐵𑐐𑐟 𑐖𑐥 𑐫𑐵𑐫𑐾𑐐𑐸 𑐰 𑐥𑐬𑐩𑑂𑐥𑐬𑐵𑐐𑐟 𑐧𑐵𑐖𑑄 𑐠𑐵𑐫𑐾𑐐𑐸 𑐖𑐸𑐂𑑋 𑑑𑑙𑐐𑐸 𑐰 𑑒𑑐𑐐𑐸 𑐱𑐟𑐵𑐧𑑂𑐡𑐷𑐂 𑐥𑐱𑑂𑐔𑐶𑐩𑐷 𑐥𑑂𑐬𑐨𑐵𑐰𑐫𑑂 𑐰𑐶𑐎𑐵𑐳 𑐖𑐹𑐐𑐸 𑐴𑐸𑐮𑐵𑐫𑐵𑐟 ʻ'𑐁𑐄𑐁𑐣𑐵 (𑐐𑐸𑐎𑐶𑐫𑐵 𑐀𑐬𑑂𑐠 "𑐥𑑂𑐬𑐰𑐵𑐴𑐶𑐟 𑐖𑐸𑐂𑐐𑐸 𑐰𑐵 𑐔𑐸𑐂𑐎𑐵 𑐰𑐣𑐶𑐐𑐸") 𑐢𑐵𑐂𑑋 𑐠𑐸𑐎𑐶𑐫𑐵 𑐣𑐵𑐥𑑄 𑐴𑐸𑐮𑐵𑐫𑐵 𑐠𑑂𑐰 𑐰𑐶𑐢𑐵𑐫𑑂 𑐩𑑂𑐫𑐾 𑐰 𑐥𑐱𑑂𑐔𑐶𑐩𑐷 𑐥𑑂𑐬𑐨𑐵𑐰𑐶𑐟 𑐧𑐵𑐖𑑄 𑐐𑐠𑐾𑐎𑐶 𑐐𑐶𑐟𑐵𑐬,𑐫𑐸𑐎𑐾𑐮𑐾𑐮𑐾, 𑐰 𑐜𑐧𑐮 𑐧𑑂𑐫𑐵𑐳 𑐣𑑄 𑐡𑐂 𑑋

𑐣𑐶𑐐𑐸 𑐣𑑂𑐴𑐹𑐐𑐸 𑐥𑐸𑐔𑑅 𑐴𑐸𑐮𑐵 𑐱𑐧𑑂𑐡𑐵𑐰𑐮𑐷𑐂 𑐡𑐸𑐴𑐵𑑄 𑐰𑐫𑐾𑐐𑐸 𑐗𑑂𑐰𑐮𑐫𑑂 𑐡𑐸: "𑐩𑑀𑐣𑐵𑐬𑑂𑐎𑐷"𑐫𑑂 𑑑𑑙𑐐𑐸 𑐱𑐟𑐵𑐧𑑂𑐡𑐷𑐂 𑐬𑐔𑐣𑐵 𑐰 𑐎𑑀𑐬𑐶𑐫𑑀𑐐𑑂𑐬𑐵𑐦𑐷 𑐖𑐹𑐐𑐸 𑐕𑐸𑑄 𑐣𑑄 𑐴𑐸𑐮𑐵 𑐡𑐸𑐠𑑂𑐫𑐵𑐂𑑋 𑐄𑐐𑐸 𑐃𑐮𑐾 𑐥𑐱𑑂𑐔𑐶𑐩𑐷 𑐳𑑄𑐳𑑂𑐎𑐺𑐟𑐶𑐫𑐵 𑐁𑐰𑐵𑐐𑐩𑐣𑑄 𑐴𑐸𑐮𑐵 𑐣𑐵𑐥𑑄𑐫𑐵 𑐍𑐥𑐔𑐵𑐬𑐶𑐎 𑐴𑐰𑐵𑐃 𑐎𑐮𑐵𑐫𑑂 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐴𑐶𑐄𑐥𑐵𑑅 𑐴𑐮𑑋 "𑐁𑐂 𑐎𑐵𑐴𑐶𑐎𑑀", 𑐀𑐬𑑂𑐠𑐵𑐟 "𑐥𑑂𑐬𑐵𑐔𑐷𑐣 𑐱𑐿𑐮𑐷𑐂" 𑑒𑑐𑐐𑐸 𑐰 𑑒𑑑𑐐𑐸 𑐱𑐟𑐵𑐧𑑂𑐡𑐷𑐂 𑐔𑑂𑐰𑐫𑐵𑐟𑑅𑐐𑐸 𑐄𑐐𑐸 𑐴𑐸𑐮𑐵 𑐏 𑐐𑐸𑐎𑐶𑐮𑐶𑑄 𑐥𑑂𑐬𑐵𑐔𑐷𑐣 𑐴𑐸𑐮𑐵 𑐎𑐵𑐴𑐶𑐎𑑀𑐫𑐵 𑐱𑐿𑐮𑐷𑐐𑐟 𑐣𑐶𑐫𑐩𑐫𑐵𑐟 𑐥𑐵𑐮𑐣𑐵 𑐫𑐵𑐂𑑋

𑐴𑐸𑐮𑐵 𑐥𑑂𑐫𑐵𑐏𑑄𑐫𑐵 𑐣𑐶𑐐𑐹 𑐩𑐹 𑐩𑐸𑐡𑑂𑐬𑐵 𑐡𑐸 : 𑐦𑑂𑐫𑐟𑐸𑐂𑐐𑐸 ( 𑐣𑑀𑐴𑑀 𑐥𑑂𑐫𑐵𑐏𑑄) 𑐧𑐵𑐫𑑂 𑐡𑐣𑐵 ( 𑐮𑐸𑐣𑐵 𑐥𑑂𑐫𑐵𑐏𑑄)𑑋 𑐕𑐸𑑄 𑐥𑑂𑐫𑐵𑐏𑐣𑑄 𑐣𑐶𑐐𑐸𑐮𑐶𑑄 𑐬𑐸𑐥 𑐕𑑂𑐫𑐮𑐷 𑑋

𑐴𑐸𑐮𑐵 𑐥𑑂𑐫𑐵𑐏𑑄 𑐕𑐐𑐹 𑐖𑐚𑐶𑐮 𑐏𑑅𑑋 𑐠𑑂𑐰 𑐥𑑂𑐫𑐵𑐏𑐣𑐫𑑂 𑐩𑑂𑐫𑐾 𑐧𑐵𑐫𑑂 𑐩𑐣𑑂𑐟𑑂𑐬𑐫𑐵 𑐏𑑃𑐐𑑂𑐰𑑅𑐫𑐵𑐟 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐫𑐾𑐟 𑐫𑐎𑑂𑐰𑑄 𑐮𑑂𑐴𑐵𑑅𑐫𑐵 𑐐𑐟𑐶 𑐰 𑐩𑐸𑐡𑑂𑐬𑐵 𑐕𑑂𑐫𑐮𑐷 𑑋 𑐡𑐳𑐸𑐫𑐵 𑐣𑐶𑑄𑐟𑐶𑑄 𑐮𑑂𑐴𑐵𑑅𑐫𑐵 𑐔𑐵𑐮𑑄 𑐥𑑂𑐬𑐎𑐺𑐟𑐶𑐫𑐵 𑐥𑐎𑑂𑐲𑐫𑐵𑐟 𑐎𑑂𑐫𑐣𑐾𑐦𑐸, 𑐐𑐠𑐾𑐎𑐶 𑐰𑐵𑐦𑐳𑐫𑑂 𑐳𑐶𑐩𑐵 𑐎𑑂𑐰𑐕𑐸𑐂𑐐𑐸 𑐰𑐵 𑐳𑐩𑐸𑐡𑑂𑐬𑐫𑑂 𑐮𑐴𑐬, 𑐰𑐵 𑐕𑐸𑑄 𑐨𑐵𑐰/𑐨𑐵𑐰𑐣𑐵, 𑐐𑐠𑐾𑐎𑐶 𑐩𑐟𑐶𑐣𑐵 𑐰𑐵 𑐟𑐺𑐲𑑂𑐞𑐵𑑋 𑐟𑐸𑐟𑐶 𑐰 𑐥𑑂𑐫𑑄𑐥𑐵𑐫𑐵 𑐔𑐵𑐮 𑐀𑐥𑑂𑐰𑑅 𑐢𑐫𑐵 𑐠𑐾𑑄 𑐎𑐵𑐴𑑀𑐮𑑀, 𑐎𑐵'𑐌, 𑐎𑐵𑐰𑐾𑐮𑐸, 𑐴𑐾𑐮𑐵, '𑐄𑐴𑐾𑐰𑐾, 𑐀𑐮𑐾 ʻ𑐁𑐩𑐶 𑐣𑐵𑐥𑑄𑐫𑐵 𑐁𑐢𑐵𑐬𑐨𑐹𑐟 𑐥𑐮𑐵𑑅𑐫𑑂 𑐁𑐢𑐵𑐬𑐶𑐟 𑐖𑐸𑐂𑑋

𑐩𑐾𑐩𑐾𑐐𑐸 𑐥𑑀𑐮𑐶𑐣𑐾𑐳𑐶𑐫𑐵𑐮𑐷 𑐚𑐵𑐥𑐸𑐟 𑐐𑐠𑐾𑐎𑐶 𑐟𑐵𑐴𑐶𑐟𑐶, 𑐡 𑐎𑐸𑐎 𑐁𑐂𑐮𑑂𑐫𑐵𑐞𑑂𑐜, 𑐳𑐵𑐩𑑀𑐁, 𑐚𑑀𑑄𑐐𑐵 𑐰 𑐣𑑂𑐫𑐸𑐖𑐶𑐮𑑂𑐫𑐵𑐞𑑂𑐜𑑄 𑐰𑐂𑐐𑐸 𑐩𑐾𑐩𑐾𑐐𑐸 𑐥𑑂𑐫𑐵𑐏𑑄𑐟𑐾𑐐𑐸 𑐴𑐸𑐮𑐵𑐣𑐵𑐥 𑐳𑑂𑐰𑐵𑐥𑐹 𑐡𑐸𑑋 𑐡𑐳𑐸 𑐟𑐵𑐩𑐸𑐬𑐾, 𑐴𑐸𑐬𑐵, '𑐀𑐥𑐵𑐬𑐶𑐩𑐵, '𑐌𑐟𑐾'𑐁, 𑐴𑐵𑐎𑐵, 𑐎𑐵𑐥𑐵 𑐴𑐵𑐎𑐵, 𑐥𑑀𑐂, 𑐦𑐵'𑐁𑐟𑐵𑐄𑐥𑐟𑐶, 𑐟𑐵𑐄'𑐮𑐸𑐣𑑂𑐐𑐵, 𑐰 𑐮𑐵𑐎𑐵𑐮𑐵𑐎𑐵 𑐁𑐡𑐶𑑋 𑐀𑐠𑐾𑐳𑐵𑑄, 𑐴𑐸𑐮𑐵 𑐴𑐰𑐵𑐃 𑐚𑐵𑐥𑐸𑐂 𑐖𑐎 𑐡𑐹𑐐𑐸 𑐥𑑂𑐫𑐵𑐏𑑄 𑐏𑑋

𑐣𑑂𑐫𑐵𑐐𑐸 𑐴𑐸𑐮𑐵 𑐰𑐶𑐢𑐵𑐟𑐾𑐟 𑐗𑑂𑐰𑐮𑑄 "𑐡𑐎𑐮𑐫𑑂 𑐥𑑂𑐬𑐵𑐔𑐷𑐣" 𑐏𑐰𑐫𑑂 𑐰 "𑐡𑐎𑐮𑐫𑑂 𑐁𑐢𑐸𑐣𑐶𑐎" 𑐖𑐰𑐫𑑂 𑐟𑐫𑐾𑐕𑐶𑑄𑑋 𑐴𑐸𑐮𑐵 𑐥𑐵𑐴𑐸 𑐰 𑐴𑐸𑐮𑐵 '𑐀𑐮𑐵'𑐁𑐥𑐵𑐥𑐵 𑐥𑐸𑐔𑑅 𑐥𑑂𑐬𑐵𑐔𑐷𑐣 𑐏, 𑐐𑐸𑐎𑐶𑐫𑐵 𑐄𑐟𑑂𑐥𑐟𑑂𑐟𑐶 𑐃𑐳𑐵𑐃 𑐢𑐬𑑂𑐩𑐫𑐵 𑐥𑑂𑐬𑐰𑐾𑐱 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐴𑐾 𑐖𑐹𑐐𑐸 𑐏𑑋 𑐠𑑂𑐰 𑐥𑑂𑐫𑐵𑐏𑑄𑐫𑐵 𑐧𑐵𑑄𑐮𑐵𑐎𑑂𑐎 𑐳𑑄𑐬𑐎𑑂𑐲𑐶𑐟 𑐡𑐳𑑂𑐟𑐵𑐰𑐾𑐖𑐫𑐵 𑐎𑐵𑐬𑐞𑑄 𑐎𑐵𑐰𑑂𑐫𑐵𑐟𑑂𑐩𑐎 𑐥𑐵𑐛𑐫𑐵𑐟 𑐴𑐵𑐎𑐣𑑄 𑐡𑐧𑐹𑐮𑐶 𑐴𑐫𑐾𑐟 𑐩𑐵𑑅𑐐𑐸 𑐥𑑂𑐫𑐵𑐏𑑄𑐩𑑂𑐰𑑅𑐟𑐫𑑂𑐐𑐸 𑐣𑐶𑐬𑑂𑐡𑐾𑐱𑐶𑐎𑐵 𑐥𑐵𑐞𑑂𑐜𑐸𑐮𑐶𑐥𑐶 𑐳𑑂𑐥𑐲𑑂𑐚 𑐳𑑂𑐬𑑀𑐟 𑐡𑐸 𑑋 𑐣𑐶𑐬𑐣𑑂𑐟𑐬𑐟𑐵𑐫𑐵 𑐩𑐾𑐐𑐸 𑐥𑐵𑐏𑐾 𑐴𑐵𑐥𑐵 𑐴𑐵𑐌𑐮𑐾 𑐩𑑂𑐫𑐾𑐟 𑐀𑐥𑐾𑐎𑑂𑐲𑐵𑐎𑐺𑐟 𑐁𑐢𑐸𑐣𑐶𑐎 𑐏𑑅𑐳𑐵 𑐠𑐸𑐎𑐶𑐫𑐵𑐟 𑐣𑑀𑐚𑐾𑐚𑐾𑐜 𑐱𑐷𑐚 𑐳𑑄𑐐𑐷𑐟𑐫𑐵 𑐬𑐸𑐥𑐫𑑂 𑐣𑑄 𑐥𑑂𑐬𑐔𑐵𑐬 𑐖𑐹𑐐𑐸 𑐡𑐸𑑋 𑐠𑑂𑐰 𑐎𑐮𑐵 𑐳𑐩𑐎𑐵𑐮𑐷𑐣 𑐖𑐵𑐟𑐷𑐫 𑐳𑑄𑐐𑐷𑐟𑐰𑐶𑐡𑑂 𑐰 𑐩𑑂𑐫𑐾𑐔𑑂𑐰𑐩𑐶𑐥𑐶𑐣𑐶𑐐𑐸 𑐩𑑄𑐎𑐵𑑅 𑐎𑐸𑐟𑑅𑐫𑐵 𑐮𑐶𑐔𑑂𑐰𑑅 𑐏𑑅 𑑋 𑐩𑐾𑐐𑐸 𑐣𑐶𑐐𑐸 𑐴𑐸𑐮𑐵 𑐥𑑂𑐬𑐎𑐵𑐬, 𑐴𑐸𑐮𑐵 𑐎𑐸𑐂 𑐰 𑐴𑐸𑐮𑐵 '𑐌𑐮𑐵𑐥𑐵𑐫𑐵 𑐥𑐵𑐛 𑐡𑐫𑐾𑐎𑐷𑐐𑐸 𑐰𑐵 𑐳𑑄𑐳𑑂𑐎𑐬𑐞𑐐𑐟 𑐫𑐵𑐫𑐾 𑐠𑐵𑐎𑐸𑑋 𑐠𑑂𑐰 𑐣𑐶𑐐𑐸 𑐰𑐶𑐢𑐵𑑄 𑐀𑐩𑐾𑐬𑐶𑐎𑐷 𑐀𑐬𑑂𑐠𑐱𑐵𑐳𑑂𑐟𑑂𑐬 𑐰 𑐬𑐵𑐖𑐣𑐷𑐟𑐶𑑄 𑐥𑑂𑐬𑐨𑐵𑐰𑐶𑐟 𑐠𑑂𑐰 𑐎𑑂𑐲𑐾𑐟𑑂𑐬 𑐡𑐸𑐣𑐾𑐫𑐵 𑐳𑐵𑐩𑐵𑐖𑐶𑐎 𑐬𑐸𑐥𑐵𑐣𑑂𑐟𑐬𑐞 𑐰 𑐥𑐱𑑂𑐔𑐶𑐩𑐷𑐎𑐬𑐞𑐫𑐵𑐟 𑐥𑑂𑐬𑐟𑐶𑐧𑐶𑐩𑑂𑐧𑐶𑐟 𑐫𑐵𑐂𑑋 𑐀𑐗 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐏𑑃 𑐕𑐸 𑐢𑐵𑑅𑐳𑐵 𑐣𑐶𑐐𑐸 𑐴𑐾 𑐰𑐶𑐢𑐵𑐫𑑂 𑐕𑐐𑐹 𑐴𑐾 𑐳𑑂𑐚𑑂𑐬𑑀𑐦𑐶𑐎 𑐚𑐾𑐎𑑂𑐳𑑂𑐚 𑐦𑐬𑑂𑐩𑑂𑐫𑐵𑐚 𑐮𑐵𑐐𑐹 𑐖𑐸𑐂𑑋 𑐠𑑂𑐰 𑐦𑐬𑑂𑐩𑑂𑐫𑐵𑐚𑐫𑐵𑐟 𑐣𑐶𑐐𑐸 𑐰𑐵 𑐥𑑂𑐫𑑄𑐐𑐹 𑐮𑐵𑐂𑐣𑐫𑐵 𑐚𑐾𑐎𑑂𑐳𑑂𑐚𑑄 𑐣𑐶𑐬𑑂𑐩𑐵𑐞 𑐫𑐵𑐂, 𑐐𑐸𑐎𑐶𑐮𑐶𑑄 𑐥𑑂𑐬𑐟𑑂𑐫𑐾𑐎𑐫𑐵𑐟 𑐳𑐵𑐩𑐵𑐣𑑂𑐫𑐟𑐫𑐵 𑐕𑐐𑐹 𑐴𑐾 𑐮𑑂𑐫𑐵𑐫𑐵 𑐟𑐵𑐮 (𑐧𑐷𑐚 𑐳𑐾𑐚) 𑐡𑐂𑑋 𑐠𑑂𑐰 𑐎𑐮𑐵 𑐥𑑂𑐬𑐳𑑂𑐟𑐸𑐟𑐶𑐫𑐵 𑐂𑐮𑐫𑑂 𑐩𑑂𑐫𑐾𑐫𑐵𑐟 𑐕𑐣𑑂𑐡𑐫𑑂 𑐀𑐮𑐐 𑐀𑐮𑐐 𑐫𑐵𑐣𑐵𑑅 𑐳𑑄𑐎𑑂𑐲𑐶𑐥𑑂𑐟 𑐮𑐫𑐵𑐟𑑂𑐩𑐎 𑐀𑐣𑑂𑐟𑐬𑐵𑐮𑑄 𑐡𑑀𑐴𑑀𑐬𑐾 𑐫𑐵𑐫𑐾𑐐𑐸 𑐔𑐮𑐣 𑐡𑐸𑑋 𑐴𑐸𑐮𑐵𑐫𑐵 𑐰𑐶𑐢𑐵𑐫𑑂 𑐠𑐸𑐎𑐶𑐫𑐵 𑐳𑐩𑑂𑐧𑐣𑑂𑐢𑐶𑐟 𑐩𑐾𑐮𑑀𑐡𑐷 𑐳𑑄𑐬𑐔𑐣𑐵 𑐰 𑐳𑑂𑐚𑑂𑐬𑑀𑐦𑐶𑐎 𑐳𑑄𑐐𑐷𑐟 𑐳𑑄𑐬𑐔𑐣𑐵𑑄 𑐁𑐢𑐸𑐣𑐶𑐎 𑐴𑐸𑐮𑐵 𑐎𑐸𑐂 𑐰 𑐴𑐸𑐮𑐵 '𑐌𑐮𑐵𑐥𑐵𑐫𑐵𑐟 𑐩𑐾𑐩𑐾𑐐𑐸 𑐳𑑂𑐰𑐫𑐵 𑐧𑐵𑐫𑐾𑐐𑐸 𑐫𑐵𑑅𑑋

𑐴𑐸𑐮𑐵 𑐎𑐵𑐴𑐶𑐎𑑀

𑐴𑐸𑐮𑐵 𑐎𑐵𑐴𑐶𑐎𑑀, 𑐥𑑂𑐬𑐵𑐫𑑅 𑐳𑐣𑑂 𑑑𑑘𑑙𑑔 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐬𑐔𑐣𑐵 𑐖𑐹𑐐𑐸 𑐄𑐐𑐸 𑐴𑐸𑐮𑐵𑐫𑐵 𑐬𑐸𑐥 𑐏 𑐐𑐸𑐎𑐶𑐮𑐶 𑐁𑐢𑐸𑐣𑐶𑐎 𑐧𑐵𑐖𑑄 (𑐐𑐠𑐾𑐎𑐶 𑐐𑐶𑐚𑐵𑐬, '𑐄𑐎𑐸𑐮𑐾𑐮𑐾 𑐁𑐡𑐶) 𑐡𑐸𑐩𑐠𑑂𑐫𑐵𑑋 𑐠𑑂𑐰 𑐰𑐶𑐢𑐵𑐫𑑂 𑐐𑐩𑑂𑐨𑐷𑐬 𑐰 𑐥𑐰𑐶𑐟𑑂𑐬 𑐣𑐶𑐳𑐾𑑄 𑐣𑑂𑐫𑐵𑐳𑐾𑐔𑐵𑐂𑐐𑐸 𑐱𑐿𑐮𑐷 𑐰 𑐨𑐵𑐰𑐣𑐵𑐫𑐵 𑐀𑐥𑐵𑐬 𑐰𑐶𑐰𑐶𑐢𑐟𑐵𑐫𑐵𑐟 𑐡𑐸𑐠𑑂𑐫𑐵𑑅𑐐𑐸 𑐡𑐸𑑋 𑐫𑐎𑑂𑐰 𑐴𑐸𑐮𑐵𑐟 𑐴𑐰𑐵𑐃𑐫𑐵 𑐣𑐵𑐫𑑅𑐟𑐾𑐐𑐸 𑐥𑑂𑐬𑐱𑑄𑐳𑐵 𑐫𑐵𑐫𑐾𑐟 𑐡𑐫𑐾𑐎𑐵 𑐟𑑅𑐐𑐸 𑐰 𑐂𑐩𑐶𑐐𑐸 𑐳𑐩𑑂𑐩𑐵𑐣 𑐰𑐵 𑐂𑐩𑐶𑐐𑐸 𑐩𑐣𑑀𑐬𑐘𑑂𑐖𑐣𑐫𑐵 𑐣𑐶𑑄𑐟𑐶𑑄 𑐎𑑂𑐫𑐣𑐶𑐐𑐸 𑐎𑐮𑐵 𑐏𑑋 𑐴𑐸𑐮𑐵 𑐎𑐵𑐴𑐶𑐎𑑀𑐫𑐵 𑐥𑑂𑐬𑐎𑐵𑐬𑐫𑑂 ʻ𑐁𑐮𑐵ʻ𑐀𑐥𑐵𑐥𑐵, 𑐴𑐵ʻ𑐁, ʻ𑐌𑐮𑐵𑐥, 𑐁𑐡𑐶 𑐡𑐸𑑋 𑐠𑑁𑑄 𑐴𑐸𑐮𑐵 𑐎𑐵𑐴𑐶𑐎𑑀𑐫𑐵𑐟 "𑐥𑐬𑐩𑑂𑐥𑐬𑐵𑐐𑐟" 𑐴𑐸𑐮𑐵 𑐢𑐎𑐵𑑅 𑐣𑑄 𑐩𑑂𑐴𑐳𑐷𑐎𑐾𑐐𑐸 𑐫𑐵𑑅 𑑋

𑐫𑐎𑑂𑐰 𑐴𑐸𑐮𑐵 𑐥𑑂𑐫𑐵𑐏𑑄𑐟𑐾𑐟 𑐢𑐵𑐬𑑂𑐩𑐶𑐎 𑐥𑑂𑐫𑐵𑐏𑑄𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑑋 𑐠𑐣𑑂𑐫𑐵𑑅𑐐𑐸 𑐥𑑂𑐫𑐵𑐏𑑄 𑐴𑐰𑐵𑐃𑐫𑐵 𑐡𑐾𑐰𑐷 𑐰𑐵 𑐡𑑂𑐫𑑅𑐟𑐾𑐟 𑐡𑐾𑐕𑐵𑐣𑐵 𑐟𑑅𑐐𑐸 𑐰𑐵 𑐂𑐩𑐶𑐐𑐸 𑐳𑐩𑑂𑐩𑐵𑐣𑐫𑑂 𑐡𑐫𑐾𑐎𑐵𑐟𑑅𑐐𑐸 𑐏𑑋 𑐴𑐾𑐂𑐁𑐄 𑐢𑐵𑑅𑐐𑐸 𑐡𑐧𑐹𑐡𑐾𑐐𑐮𑐫𑑂 𑐣𑐏𑑅𑐧𑐶𑐮𑐾 𑐖𑐸𑐂𑐐𑐸 𑐠𑐣𑑂𑐫𑐵𑑅𑐐𑐸 𑐥𑑂𑐫𑐵𑐏𑐣𑐫𑑂 𑐕𑐐𑐹 𑐔𑐶𑐢𑑄𑐐𑐸 𑐟𑑂𑐬𑐸𑐚𑐶 𑐖𑐎 𑐖𑐸𑐳𑐵𑑄 𑐀𑐩𑐵𑐣𑑂𑐫 𑐖𑐸𑐂𑑋 𑐠𑐠𑐾 𑐥𑑂𑐫𑐵𑐏𑐣𑐫𑑂 𑐟𑑂𑐬𑐸𑐚𑐶 𑐖𑐸𑐳𑐵𑑅 𑐄𑐎𑐶𑐫𑐵𑐟 𑐩𑐨𑐶𑑄𑐐𑐸 𑐏𑑄 𑐖𑐸𑐂𑐟𑑂𑐫𑑅𑐐𑐸 𑐔𑐶𑑄 (𑐀𑐮𑐎𑑂𑐲𑐞) 𑐢𑐎𑐵𑑅 𑐎𑐵𑐫𑐾𑐐𑐸 𑐰 𑐨𑐫𑐵𑐰𑐴 𑐏𑑃 𑐖𑐸𑐂𑐟𑑂𑐫𑑄𑐐𑐸 𑐢𑐎𑐵 𑐳𑐩𑐵𑐖𑑄 𑐎𑐵𑐫𑐾𑐐𑐸 𑐫𑐵 𑑋 𑐠𑐖𑑂𑐫𑐵𑑅𑐐𑐸 𑐴𑐸𑐮𑐵 𑐫𑐵𑐫𑐾 𑐳𑐫𑐾𑐎𑐵𑐔𑑂𑐰𑑄𑐥𑐶𑑄 𑐥𑑂𑐫𑐵𑐏𑑄𑐩𑑂𑐰𑑅𑐟𑐫𑑂𑐳𑑄 𑐣𑐶𑐱𑑂𑐔𑐶𑐟 𑐎𑐠𑑄 𑐴𑐾 𑐫𑐎𑑂𑐰 𑐐𑐮𑑂𑐟𑐷 𑐫𑐵𑐂𑐐𑐸 𑐖𑐸𑐮𑑋 𑐀𑐠𑐾 𑐖𑐸𑐂𑐐𑐸 𑐐𑐮𑑂𑐟𑐷𑐫𑐵 𑐀𑐳𑐬 𑐩𑐫𑐵𑐎𑐾𑐟 𑐂𑐩𑐶𑐟 𑐰𑐶𑐢𑐶𑐥𑐹𑐬𑑂𑐰𑐎 𑐊𑐎𑐵𑐣𑑂𑐟 𑐠𑐵𑐳𑐫𑑂 𑐟𑐫𑐵𑑅 𑐥𑑂𑐬𑐱𑐶𑐎𑑂𑐲𑐞𑐫𑐵 𑐂𑐮𑐫𑑂 𑐮𑐵𑐎𑐵 𑐡𑐾𑐰𑐷𑐫𑐵 𑐳𑑄𑐬𑐎𑑂𑐲𑐞𑐫𑑂 𑐟𑐫𑐾𑐐𑐸 𑐥𑐬𑐩𑑂𑐥𑐬𑐵 𑐡𑐫𑐵𑐔𑑂𑐰𑐣 𑑋 𑐠𑐣𑑂𑐫𑐵𑐥𑐶𑑄 𑐥𑑂𑐬𑐱𑐶𑐎𑑂𑐲𑐵𑐬𑑂𑐠𑐷𑐟𑐾𑐳𑑄 𑐴𑐸𑐮𑐵 𑐳𑐸𑐠𑐵𑑄𑐮𑐵𑐎𑑂𑐎 𑐳𑐫𑐾𑐎𑐹𑐐𑐸 𑐰 𑐊𑐎𑐵𑐣𑑂𑐟𑑄 𑐥𑐶𑐴𑐵𑑄 𑐰𑐫𑐾𑐐𑐸 𑐖𑑂𑐫𑐵 𑐣𑐏𑐧𑐶𑐮𑐾 𑐴𑐸𑐮𑐵 𑐥𑑂𑐫𑐵𑐏𑑃 𑐎𑑂𑐫𑐣𑐵𑑅 𑐖𑐸𑐂𑑋

𑐠𑑁𑑄𑐎𑐣𑑂𑐴𑐫𑑂 𑐋𑐟𑐶𑐴𑐵𑐳𑐶𑐎 𑐖𑐥𑐫𑑂 𑐥𑑂𑐫𑐵𑐏𑑄 𑐮𑑂𑐴𑐸𑐫𑐵𑑅 𑐴𑐸𑐮𑐵 𑐎𑐴𑐶𑐎𑑀 𑐫𑐵𑐂𑑋 𑐫𑐎𑑂𑐰 𑐴𑐸𑐮𑐵 𑐎𑐵𑐴𑐶𑐎𑑀𑐟𑐾𑐟 𑐂𑐩𑐶𑐐𑐸 𑐰𑐶𑐱𑐾𑐲𑐟𑐵: 𑐥𑐬𑐩𑑂𑐥𑐬𑐵𑐐𑐟 𑐰𑐳𑑅, 𑐰𑐶𑐔𑐶𑐟𑑂𑐬 𑐬𑐸𑐥, 𑐰 𑐠𑑅𑐐𑐸 𑐁𑐢𑑂𑐫𑐵𑐟𑑂𑐩𑐶𑐎 𑐩𑐹𑐮𑐥𑑂𑐬𑐟𑐶 𑐱𑑂𑐬𑐡𑑂𑐢𑐵𑑄 𑐩𑑂𑐴𑐳𑐷𑐎𑐾 𑐕𑐶𑑄𑑋

𑐩𑐣𑑂𑐟𑑂𑐬𑐞𑐵 (𑐌𑐮𑐷)

𑐴𑐰𑐵𑐃𑐫𑐵 𑐂𑐟𑐶𑐴𑐵𑐳 𑐩𑑁𑐏𑐶𑐎 𑐂𑐟𑐶𑐴𑐵𑐳 𑐏𑑅 𑑋 𑐠𑐸𑐎𑐶𑐫𑐵𑐟 𑐰𑑄𑐱𑐵𑐰𑐮𑐷 𑐰 𑐩𑐣𑑂𑐟𑑂𑐬𑐫𑑂 𑐳𑑄𑐴𑐶𑐟𑐵𑐧𑐡𑑂𑐢 𑐫𑐵𑐣𑐵𑐟𑑅𑐐𑐸 𑐡𑐸, 𑐐𑐸𑐎𑐶𑐫𑐵𑐟 𑐎𑐞𑑂𑐛𑐳𑑂𑐠 𑐫𑐵𑐣𑐵𑑅 𑐥𑐸𑐳𑑂𑐟𑐵𑐣𑑂𑐟𑐬𑐞 𑐫𑐵𑐣𑐵𑐟𑑅𑐐𑐸 𑐡𑐸𑑋 𑐔𑑂𑐰𑐫𑐵𑐟𑑅𑐐𑐸 𑐨𑐵𑐫𑑂 𑐫𑐵 𑐀𑐨𑐵𑐰𑐫𑑂, 𑐂𑐟𑐶𑐴𑐵𑐳𑐫𑐵 𑐱𑐸𑐡𑑂𑐢𑐟𑐵 𑐳𑐸𑐣𑐶𑐱𑑂𑐔𑐶𑐟 𑐫𑐵𑐫𑐾𑐐𑐸 𑐠𑑂𑐰 𑐕𑐐𑐹 𑐖𑐎 𑐴𑐾 𑐰𑐶𑐢𑐶 𑐡𑐫𑐵𑐔𑑂𑐰𑐣𑑋 𑐠𑐣𑑂𑐫𑐵𑑅𑐐𑐸 𑐩𑐣𑑂𑐟𑑂𑐬𑐞𑐵𑑄 𑐳𑐺𑐲𑑂𑐚𑐶, 𑐥𑑁𑐬𑐵𑐞𑐶𑐎 𑐎𑐠𑐵, 𑐬𑐵𑐖𑐥𑐬𑐶𑐰𑐵𑐬, 𑐰 𑐩𑐾𑐩𑐾𑐐𑐸 𑐩𑐴𑐟𑑂𑐰𑐥𑐹𑐬𑑂𑐞 𑐑𑐚𑐣𑐵 𑐰 𑐩𑐣𑐹𑐟𑐫𑑂𑐐𑐸 𑐧𑐵𑐏𑑄 𑐎𑐣𑐷𑐐𑐸 𑐫𑐵𑑋

ʻŌlelo Noʻeau (𑐴𑐰𑐵𑐃 𑐢𑐵𑐥𑐹 𑐰𑐵 𑐄𑐏𑐵𑐣), " '𑐌 '𑐌 '𑐌𑐊 𑐎𑐵 𑐮𑐸𑐁𑐁𑐴𑐶 𑐌 𑐎𑐵𑐄 𑐩𑐾𑐮𑐾 ,"𑐫𑐵𑐟 𑐨𑐵𑐫𑑂𑐴𑐶𑐮𑐾 𑐧𑐮𑐫𑑂 "𑐕𑐶𑑄 𑐬𑐔𑐣𑐵 𑐫𑐵𑐣𑐵𑐡𑐷𑐐𑐸 𑐔𑐶𑐣𑐵𑐏𑑃𑐫𑐵 𑐨𑐶𑑄𑐐𑐸 𑐰 𑐩𑐨𑐶𑑄𑐐𑐸 𑐣𑐶𑐐𑐸𑐮𑐶𑑄 𑐮𑐶𑐔𑑂𑐰𑑅 𑐕𑐶𑑄 𑐴𑐾 𑐰𑐴𑐣 𑐫𑐵𑐣𑐵𑐡𑐷" ^[२] 𑐢𑐵𑑅𑐐𑐸 𑐀𑐬𑑂𑐠 𑐰𑑋 𑐠𑑂𑐰 𑐢𑐵𑐥𑐹𑐫𑐵 𑐮𑑂𑐫𑐹𑐣𑐾𑐫𑐵 𑐰𑐶𑐔𑐵𑑅 𑐕𑐐𑐹 𑐥𑑂𑐬𑐵𑐔𑐷𑐣 𑐴𑐰𑐵𑐃 𑐰𑐶𑐱𑑂𑐰𑐵𑐳𑑄 𑐰𑑅𑐐𑐸 𑐏𑑋 𑐠𑑂𑐰 𑐰𑐶𑐔𑐵𑑅 𑐎𑐠𑑄 𑐨𑐵𑐲𑐵𑐟𑐾𑐐𑐸 𑐠𑑅𑐐𑐸 "𑐩𑐵𑐣𑐵" 𑐰𑐵 𑐡𑐿𑐰𑐷𑐫 𑐱𑐎𑑂𑐟𑐶 𑐡𑐂𑑋 ^[२] 𑐠𑐣𑑂𑐫𑐵𑑅𑐐𑐸 𑐱𑐎𑑂𑐟𑐶𑐫𑐵𑐟 𑐰𑐶𑐱𑐾𑐲 𑐫𑐵𑐣𑐵𑑅 𑐌𑐮𑐶 (𑐩𑐣𑑂𑐟𑑂𑐬)𑐫𑐵 𑐩𑐵𑐢𑑂𑐫𑐩𑑄 𑐰𑐶𑐟𑐬𑐞 𑐫𑐵𑐫𑐾𑐕𑐶𑑄𑑋 𑐀𑐟𑑅 𑐴𑐵𑐎𑐸 𑐩𑐾𑐮𑐾 (𑐳𑑄𑐐𑐷𑐟𑐎𑐵𑐬) 𑐰 𑐖𑐥𑐎𑐵𑐬𑐟𑐾𑐳𑑄 𑐨𑐵𑐲𑐵𑐫𑐵 𑐎𑐸𑐱𑐮 𑐕𑑂𑐫𑐮𑐵𑑄 𑐫𑐵𑐂𑐐𑐸 𑐴𑐸𑐮𑐵𑐫𑐵𑐟 𑐀𑐟𑑂𑐫𑐣𑑂𑐟 𑐱𑑂𑐬𑐡𑑂𑐢𑐵 𑐰 𑐩𑐴𑐟𑑂𑐰𑐫𑐵 𑐎𑐠𑑄 𑐎𑐵𑐫𑐾𑐐𑐸 𑐖𑐸𑐫𑐵𑐔𑑂𑐰𑐣𑑋 𑐌𑐮𑐷 𑐥𑑂𑐬𑐵𑐔𑐷𑐣 𑐴𑐰𑐵𑐃 𑐳𑐩𑐵𑐖𑐫𑐵 𑐕𑐐𑐹 𑐀𑐨𑐶𑐣𑑂𑐣 𑐑𑐚𑐎 𑐏, 𑐰 𑐖𑐷𑐰𑐣𑐫𑐵 𑐮𑐐𑐨𑐐 𑐴𑐬𑐾𑐎 𑐳𑐵𑐩𑐵𑐖𑐶𑐎, 𑐬𑐵𑐖𑐣𑐷𑐟𑐶𑐎 𑐰 𑐁𑐬𑑂𑐠𑐶𑐎 𑐥𑐎𑑂𑐲𑐫𑑂 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐡𑐸𑑋

𑐥𑐬𑐩𑑂𑐥𑐬𑐵𑐐𑐟 𑐩𑐣𑑂𑐟𑑂𑐬𑐟 𑐳𑐣𑑂𑐡𑐬𑑂𑐨 𑐰 𑐥𑑂𑐬𑐵𑐰𑐶𑐢𑐶𑐎 𑐎𑐠𑑄 𑐫𑐎𑑂𑐰 𑐥𑐵𑑅𑑋 𑐠𑐣𑑂𑐫𑐵𑑅𑐐𑐸 𑐩𑐣𑑂𑐟𑑂𑐬𑐟𑐾𑐳𑑄 𑐠𑐷𑐠𑐷 𑐖𑑂𑐫𑐵 𑐣𑐵𑐥 𑐳𑑂𑐰𑐵𑐥𑐹 𑐡𑐹𑐐𑐸 𑐏𑑃 𑐎𑐣𑐵𑐟𑑅𑐐𑐸 𑐡𑐸𑑋 𑐠𑐸𑐎𑐷 𑐡𑐠𑐸𑐂 𑐩𑐾𑐮𑐾 𑐥𑐸𑐮𑐾 (𑐥𑑂𑐬𑐵𑐬𑑂𑐠𑐣𑐵), 𑐴𑐸𑐮𑐵 𑐎𑐸𑐁𑐴𑐸 (𑐀𑐣𑐸𑐲𑑂𑐛𑐵𑐣 𑐥𑑂𑐫𑐵𑐏𑑃), 𑐎𑐸𑐁𑐄𑐴𑐵𑐄 (𑐧𑑂𑐬𑐴𑑂𑐩𑐵𑐞𑑂𑐜𑐷𑐫𑐟𑐵), 𑐎𑑀𑐁𑐂𑐴𑑀𑐣𑐸𑐁 (𑐰𑑄𑐱𑐵𑐰𑐮𑐷), 𑐴𑐣𑐵𑐄 (𑐖𑐣𑑂𑐩), 𑐂𑐣𑑀𑐁 (𑐣𑐵𑑄), 𑐩𑐁'𑐂 (𑐥𑑂𑐬𑐖𑐣𑐣/𑐖𑐣𑐣𑐵𑑄𑐐), 𑐎𑐵𑐣𑐶𑐎𑐵𑐄 (𑐰𑐶𑐮𑐵𑐥), 𑐴𑐾𑐂 (𑐎𑐵𑐳𑐵), 𑐴𑑀'𑐌𑐂𑐥𑑀𑐂𑐥𑑀 (𑐩𑐟𑐶𑐣𑐵), 𑐎𑐵𑐴𑐶𑐁 (𑐀𑐨𑐶𑐰𑑂𑐫𑐎𑑂𑐟𑐶 / 𑐳𑑅 𑐟𑐫𑐾𑐐𑐸) 𑐡𑐸𑑋 𑐌𑐮𑐶, 𑐴𑐸𑐮𑐵, 𑐰 𑐩𑐾𑐮𑐾 𑐡𑐠𑐸𑐂 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐨𑐾𑐡 𑐠𑐸𑐎𑐠𑑄 𑐡𑐸: 𑐩𑐾𑐮𑐾 𑐫𑐵 𑐫𑐎𑑂𑐰 𑐎𑐠𑑄𑐫𑐵 𑐠𑐷-𑐠𑐷 𑐀𑐬𑑂𑐠 𑐡𑐫𑐾𑐦𑐸, 𑐰 𑐥𑑂𑐬𑐵𑐫𑑅 𑐠𑐸𑐎𑐶𑐫𑐵 𑐀𑐬𑑂𑐠 𑐳𑐬𑐮𑐨𑐵𑐳𑐫𑑂 𑐩𑑂𑐫𑐾 𑐖𑐸𑐂𑑋 𑐟𑐬 𑐀𑐗 𑐰𑑂𑐫𑐵𑐥𑐎 𑐀𑐬𑑂𑐠𑐫𑑂 𑐩𑐾𑐮𑐾𑐫𑐵𑐟 𑐎𑐵𑐰𑑂𑐫 𑐰𑐵 𑐨𑐵𑐲𑐶𑐎 𑐬𑐔𑐣𑐵𑐫𑐵 𑐀𑐬𑑂𑐠𑐫𑑂 𑐎𑐵𑐫𑐾𑐕𑐶𑑄𑑋 𑐴𑐸𑐮𑐵 (𑐥𑑂𑐫𑐵𑐏𑑄 𑐣𑐵𑐥𑑄 𑐖𑐥) 𑐰 𑐌𑐮𑐷 (𑐥𑑂𑐫𑐵𑐏𑑄 𑐩𑐡𑐫𑐾𑐎 𑐖𑐥) 𑐣𑐶𑐐𑐸 𑐳𑐵𑐩𑐵𑐣𑑂𑐫 𑐱𑐿𑐮𑐷 𑐏 𑐐𑐸𑐎𑐶𑐮𑐶 𑐩𑐾𑐮𑐾 𑐕𑑂𑐫𑐮𑐾𑐕𑐶𑑄/𑐥𑑂𑐬𑐡𑐬𑑂𑐱𑐣 𑐫𑐵𑐫𑐾𑐕𑐶𑑄𑑋 𑐳𑐵𑐩𑐵𑐣𑑂𑐫𑐟𑐫𑐵, "𑐦𑐸𑐎𑑂𑐎 𑐩𑐾𑐮𑐾 𑐌𑐮𑐶 (𑐖𑐥 𑐩𑐡𑐹𑐐𑐸 𑐥𑑂𑐫𑐵𑐏𑑄)𑐫𑐵 𑐬𑐸𑐥𑐫𑑂 𑐎𑑂𑐫𑐣𑐾𑐕𑐶𑑄, 𑐟𑐬 𑐕𑐸𑑄 𑐥𑑂𑐬𑐎𑐵𑐬 𑐖𑐎𑑂𑐎 𑐐𑐠𑐾𑐎𑐶 𑐣𑐵𑑄 𑐖𑐥, 𑐥𑑂𑐬𑐖𑐣𑐣 𑐖𑐥, 𑐩𑐟𑐶𑐣𑐵 𑐖𑐥, 𑐰 '𑐍𑐩𑐵𑐎𑐸𑐁 𑐡𑑂𑐫𑑅(𑐴𑐸𑐮𑐵𑐫𑐵 𑐡𑑂𑐫𑑅) 𑐟𑐾𑐟 𑐡𑐾𑐕𑐵𑐣𑐵𑐟𑑅𑐐𑐸 𑐖𑐥 𑐖𑐎 𑐴𑐸𑐮𑐵𑐫𑐵 𑐬𑐸𑐥𑐫𑑂 𑐥𑐶𑐠𑐣𑐾𑐕𑐶𑑄𑑋" ^[३]

𑐴𑐰𑐵𑐃 𑐨𑐵𑐲𑐵𑐫𑑂 𑐳𑑅𑐫𑐵 𑐐𑐸𑐞𑐳𑑂𑐟𑐬𑐫𑐵𑐟 𑐰𑐬𑑂𑐞𑐣 𑐫𑐵𑐫𑐾𑐟 𑑔𑑓 𑐐𑐹 𑐠𑐷𑐠𑐷 𑐏𑑃𑐐𑑂𑐰𑑅 𑐡𑐸𑑋 𑐠𑐸𑐎𑐶𑑄 𑐖𑐥 𑐱𑐿𑐮𑐷𑐫𑐵 𑐥𑑂𑐬𑐰𑐶𑐢𑐶 𑐰 𑐰𑐶𑐱𑐾𑐲𑐟𑐵𑐫𑐵 𑐖𑑂𑐫𑐵 𑐠𑐸𑐂𑐎𑐾𑐟 𑐟𑐳𑐎𑑄 𑐐𑑂𑐰𑐴𑐵𑐮𑐶 𑐫𑐵𑐂𑑋 𑐳𑐵𑐩𑐵𑐣𑑂𑐫 𑐱𑐿𑐮𑐷 (𑐥𑑂𑐫𑐵𑐏𑑄 𑐡𑐸𑐐𑐸 𑐰𑐵 𑐩𑐡𑐸𑐐𑐸) 𑐰 𑐥𑑂𑐫𑐵𑐏𑑄𑐫𑐵 𑐳𑐣𑑂𑐡𑐬𑑂𑐨𑐫𑐵 𑐳𑑄𑐫𑑀𑐖𑐣𑑄 𑐕𑐐𑐹 𑐩𑐣𑑂𑐟𑑂𑐬𑑄 𑐕𑐸 𑐳𑑅 𑐱𑐿𑐮𑐷 𑐕𑑂𑐫𑐮𑐷 𑐢𑐎𑐵𑑅 𑐣𑐶𑐬𑑂𑐢𑐵𑐬𑐞 𑐫𑐵𑐂 𑑋 𑐎𑐾𑐥𑐵𑐎𑐾𑐥𑐵, 𑐎𑐵𑐰𑐾𑐮𑐾, 𑐌𑐮𑐶𑐌𑐮𑐶, 𑐴𑑀'𑐊𑐊𑐊, 𑐴𑑀'𑐄𑐊𑐄𑐊, 𑐰 '𑐋𑐴𑐵'𑐁 𑐳𑑅 𑐥𑑂𑐬𑐰𑐶𑐢𑐶𑑄 𑐰𑐶𑐨𑐾𑐡𑐶𑐟 𑐱𑐿𑐮𑐷𑐫𑐵 𑐕𑐸𑑄 𑐡𑐳𑐸 𑐏𑑋 𑐎𑐾𑐥𑐵𑐎𑐾𑐥𑐵 𑐣𑑂𑐫𑐣𑐾𑐧𑐶𑐮𑐾 𑐫𑐵𑐎𑐣𑑄 𑐣𑑂𑐰𑐰𑐵𑐂𑐐𑐸 𑐠𑐾𑑄 𑐔𑑂𑐰𑑄 𑐀𑐮𑐾 𑐠𑑂𑐰 𑐱𑐿𑐮𑐷𑐂 𑐀𑐥𑑂𑐰𑑅 𑐢𑐫𑐵 𑐠𑐾𑑄 𑐟𑐵𑑅𑐴𑐵𑐎𑑅𑐐𑐸 𑐏𑑃𑐟𑑂𑐰𑐵𑑅 𑐮𑑂𑐴𑐵𑐂 𑑋 𑐌𑐮𑐶𑐌𑐮𑐷 𑐕𑐐𑐹 𑐱𑐿𑐮𑐷 𑐏 𑐐𑐸𑐎𑐶𑐫𑐵𑐟 𑐫𑐎𑑂𑐰𑐳𑐶𑐣𑑄 𑐩𑑂𑐫𑐾𑐣𑐵𑐥 𑐟𑐸𑐮𑐣𑐵 𑐫𑐵𑐂, 𑐕𑐵𑐫𑑂 𑐢𑐵𑑅𑐳𑐵 𑐠𑑂𑐰 𑐬𑐵𑐐𑐵𑐟𑑂𑐩𑐎 𑐥𑑂𑐬𑐎𑐺𑐟𑐶𑐫𑐵 𑐏 𑐰 𑐠𑐸𑐎𑐶𑐮𑐶 𑐣𑐶𑐬𑐣𑑂𑐟𑐬 𑐥𑐶𑐔 𑐡𑐸𑑋 ^[३] 𑐠𑐸𑐎𑐶𑐮𑐶 𑐥𑑂𑐬𑐵𑐫𑑅 'i'i, 𑐰𑐵 𑐮𑐵𑐂𑐣𑐫𑐵 𑐀𑐣𑑂𑐟𑐫𑑂 𑐨𑑂𑐰𑐵𑐂𑐧𑑂𑐬𑐾𑐟𑑀 𑐣𑐵𑐥𑑄 𑐩𑐵𑐁𑐏𑑅 (𑐨𑐵𑐰𑐮) 𑐡𑐂𑑋

𑐳𑐣𑑂 𑑑𑑘𑑙𑑖𑐂 𑐴𑐰𑐵𑐃𑐂 (𑐴𑐰𑐵𑐃 𑐬𑐵𑐖𑑂𑐫𑐫𑐵 𑐰𑐶𑐮𑐫 𑐢𑐸𑑄𑐎𑐵) 𑐥𑐵𑐬𑐶𑐟 𑐖𑐹𑐐𑐸 𑐕𑐐𑐹 𑐎𑐵𑐣𑐹𑐣𑑄 𑐳𑑂𑐎𑐹𑐮𑐫𑑂 𑐴𑐰𑐵𑐂 𑐨𑐵𑐫𑑂 𑐕𑑂𑐫𑐾𑐮𑐾𑐐𑐸𑐮𑐶 𑐥𑑂𑐬𑐟𑐶𑐧𑐣𑑂𑐢 𑐟𑐮𑑋 𑐴𑐰𑐵𑐃𑐫𑐵 𑐳𑐵𑐩𑐵𑐖𑐶𑐎, 𑐬𑐵𑐖𑐣𑐷𑐟𑐶𑐎 𑐰 𑐨𑐵𑐲𑐶𑐎 𑐳𑑂𑐰𑐵𑐫𑐟𑑂𑐟𑐟𑐵𑐫𑐵 𑐀𑐣𑑂𑐟 𑐣𑐵𑐥𑑄 𑐨𑐵𑐲𑐶𑐎 𑐡𑐩𑐣𑐫𑐵 𑐮𑐶𑐔𑑂𑐰𑑅 𑐎𑐠𑑄 𑐴𑐰𑐵𑐃 𑐨𑐵𑐲𑐵𑐫𑐵 𑐳𑐵𑐩𑐹𑐴𑐶𑐎 𑐥𑐟𑐣 𑐖𑐸𑐮, 𑐐𑐸𑐎𑐶𑐮𑐶𑑄 𑐠𑑂𑐰 𑐨𑐵𑐫𑑂 𑐰𑐶𑐮𑐸𑐥𑑂𑐟 𑐖𑐸𑐂𑐐𑐸 𑐎𑐐𑐵𑐬𑐫𑑂 𑐠𑑂𑐫𑐣𑑋 𑐀𑐩𑐾𑐬𑐶𑐎𑐷𑐎𑐬𑐞𑐫𑐵 𑐮𑐶𑐔𑑂𑐰𑑅 𑐎𑐠𑑄, 𑐎𑑂𑐬𑐶𑐱𑑂𑐔𑐶𑐫𑐣 𑐢𑐬𑑂𑐩𑐫𑐵 𑐥𑑂𑐬𑐳𑐵𑐬 𑐣𑐵𑐥𑑄, 𑐫𑐎𑑂𑐰 𑐥𑐬𑐩𑑂𑐥𑐬𑐵𑐐𑐟 𑐩𑐣𑑂𑐟𑑂𑐬𑐫𑐵𑐟 𑐩𑐹𑐬𑑂𑐟𑐶𑐥𑐹𑐖𑐎 𑐢𑐵𑑅𑐳𑐾𑑄 𑐀𑐣𑑂𑐟𑐟𑑅 𑐮𑑂𑐰𑑅𑐩𑑄𑐎𑐾𑐐𑐸 𑐎𑐸𑐟𑑅 𑐖𑐸𑐮𑑅𑑋 𑐟𑐬 𑐳𑐣𑑂 𑑑𑑙𑑖𑑐 𑐫𑐵 𑐡𑐱𑐎𑐫𑐵 𑐀𑐣𑑂𑐟𑐫𑑂 𑐣𑑂𑐴𑑂𑐫𑐵𑑅𑐐𑐸 𑐕𑐐𑐹 𑐳𑐵𑑄𑐳𑑂𑐎𑐺𑐟𑐶𑐎 𑐥𑐸𑐣𑐬𑐸𑐟𑑂𑐠𑐵𑐣𑑄, 𑐰 𑐠𑑁𑑄𑐟𑐎 𑐣𑑂𑐴𑑂𑐫𑐵𑐎𑐵𑐔𑑂𑐰𑑄𑐐𑐸𑐮𑐶𑑄 𑐫𑐎𑑂𑐰 𑐴𑐰𑐵𑐃 𑐀𑐨𑑂𑐫𑐵𑐳𑐫𑐵𑐟 𑐥𑐸𑐣𑐬𑑂𑐖𑐷𑐰𑐶𑐟 𑐫𑐵𑑅𑐐𑐸 𑐡𑐸, 𑐐𑐸𑐎𑐷 𑐣𑑂𑐰𑐰𑐵𑐫𑐾𑐐𑐸 𑐨𑐵𑐲𑐵 𑐰 𑐖𑐥 𑐣𑑄 𑐡𑐸𑐠𑑂𑐫𑐵𑑅𑑋 𑐀𑐮𑐾, 𑐰𑐬𑑂𑐟𑐩𑐵𑐣𑐫𑑂 𑐠𑐷𑐠𑐷 𑐳𑑄𑐳𑑂𑐠𑐵𑐥𑐵𑐏𑐾𑑄 𑐳𑐩𑐬𑑂𑐠𑐣 𑐫𑐵𑐳𑐾𑑄 𑐠𑑂𑐰 𑐥𑐬𑐩𑑂𑐥𑐬𑐵 𑐀𑐗 𑐀𑐥𑑂𑐰𑑅 𑐣𑑂𑐴𑑂𑐫𑑅𑐣𑐾 𑐫𑑄𑐎𑐹𑐐𑐸 𑐡𑐸𑑋 𑐠𑐣𑑂𑐫𑐵𑑅𑐐𑐸 𑐖𑑂𑐫𑐵𑐗𑑂𑐰𑐮𑐫𑑂 𑐴𑐰𑐵𑐃 𑐬𑐵𑐖𑑂𑐫𑑄 𑐫𑐵𑑅𑐐𑐸 𑐥𑐸𑐣𑐵𑐣𑐵 𑐮𑐶𑐫𑑀 𑐴𑐰𑐵𑐂 𑐨𑐵𑐲𑐵 𑐂𑐩𑐬𑑂𑐳𑐣 𑐧𑑂𑐰𑐣𑐾𑐎𑐸𑐠𑐶 𑐁𑐡𑐶 𑐮𑐵𑑋 𑐣𑐵𑐥𑑄 𑐳𑐣𑑂 𑑑𑑙𑑗𑑑 𑐫𑑂 𑐁𑐢𑐶𑐎𑐵𑐬𑐶𑐎 𑐬𑐸𑐥𑑄 𑐣𑑂𑐴𑑂𑐫𑐵𑑅𑐐𑐸 𑐩𑐾𑐬𑐷 𑐩𑑀𑐣𑐵𑐬𑑂𑐎 𑐣𑐏𑑅 𑐰 𑐢𑐾𑐢𑐾𑐧𑐮𑑂𑐮𑐵𑑄 𑐴𑐸𑐮𑐵𑐫𑐵 𑐥𑐹𑐣𑐬𑐸𑐟𑑂𑐠𑐵𑐣𑐫𑑂 𑐐𑑂𑐰𑐴𑐵𑐮𑐶 𑐫𑐵𑑅𑐐𑐸 𑐡𑐸𑑋 ^[२]

𑐴𑐵𑐮𑐵𑐄 𑐴𑐸𑐮𑐵 (𑐴𑐸𑐮𑐵 𑐳𑑂𑐎𑐹𑐮)𑐫𑑂 𑐎𑐸𑐩𑐸 (𑐱𑐶𑐎𑑂𑐲𑐎)𑐫𑐵 𑐖𑑂𑐘𑐵𑐣𑐫𑑂 𑐧𑑂𑐰𑐟𑐶 𑐎𑐵𑐫𑐾𑐟 𑐡𑐸𑐴𑐵𑑄 𑐰𑐫𑐾𑐐𑐸 𑐀𑐣𑐸𑐩𑐟𑐶 𑐦𑑂𑐰𑐣𑐾𑐐𑐸 𑐥𑐬𑐩𑑂𑐥𑐬𑐵 𑐰𑐶𑐡𑑂𑐫𑐵𑐬𑑂𑐠𑐷𑐫𑐵 𑐕𑐐𑐹 𑐩𑐹 𑐥𑐬𑐩𑑂𑐥𑐬𑐵 𑐏𑑅 𑑋 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄𑐫𑐎𑑂𑐰 𑐴𑐵𑐮𑐵𑐄𑐟𑐾𑐳𑑄 "𑐎𑐸𑐣𑐶𑐴𑐶"𑐫𑐵 𑐕𑐐𑐹 𑐬𑐸𑐥 𑐕𑑂𑐫𑐾𑐮𑐶, ^[२] 𑐌𑐮𑐶 𑐎𑐵𑐴𑐶𑐫𑐵l, 𑐳𑐵𑐩𑐵𑐣𑑂𑐫𑐟𑐫𑐵 𑐌𑐮𑐶𑐌𑐮𑐶 𑐱𑐿𑐮𑐷𑐂 𑐕𑑂𑐫𑐮𑐶𑑋 𑐰𑐶𑐡𑑂𑐫𑐵𑐬𑑂𑐠𑐷𑐟 𑐥𑑂𑐬𑐵𑐫𑑅 𑐥𑑂𑐬𑐰𑐾𑐱𑐡𑑂𑐰𑐵𑐬 𑐥𑐶𑐣𑐾 𑐡𑐣𑐵 𑐧𑐵𑐬𑐩𑑂𑐧𑐵𑐬 𑐀𑐧𑐮𑐾 𑐟𑐎 𑐖𑐥 𑐫𑐵𑐂 𑐐𑐸𑐧𑐮𑐾 𑐎𑐸𑐩𑐸𑑄 𑐂𑐩𑐶𑐟 𑐡𑐸𑐴𑐵𑑄 𑐰𑐫𑐾𑐐𑐸 𑐀𑐣𑐸𑐩𑐟𑐶 𑐧𑐷𑐩𑐏𑐸𑑋 𑐠𑑂𑐰 𑐣𑐶𑐬𑑂𑐞𑐫𑐫𑐵 𑐮𑐶𑐳𑐮𑐫𑑂 𑐩𑐾𑐐𑐸 𑐖𑐥 𑐕𑑂𑐫𑐮𑐷𑑋 𑐌𑐮𑐷𑐫𑐵𑐟 𑐁𑐢𑐸𑐣𑐶𑐎 𑐃𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐕𑑂𑐫𑐮𑐵𑐧𑐸𑐮𑐵𑐫𑑂 𑐴𑑅𑐐𑐸 𑐠𑑂𑐰 𑐕𑐐𑐹 𑐡𑐳𑐸 𑐏𑑅 𑑋

𑐌𑐮𑐷𑐫𑐵𑐟 𑐩𑐷𑐚𑐬𑐫𑑂 𑐣𑐶𑐬𑑂𑐩𑐵𑐞 𑐩𑐖𑐹𑐐𑐸 𑐕𑐐𑐹 𑐰𑐶𑐱𑐶𑐲𑑂𑐚 𑐎𑐠𑑄𑐫𑐵 𑐁𑐡𑐶𑐰𑐵𑐳𑐷 𑐳𑑄𑐐𑐷𑐟𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑑅 𑑋 𑐰𑐵𑐳𑑂𑐟𑐰𑐫𑑂 𑐌𑐮𑐷𑐫𑐵 𑐎𑐮𑐵𑐟𑑂𑐩𑐎 𑐀𑐨𑐶𑐰𑑂𑐫𑐎𑑂𑐟𑐶 𑐥𑑂𑐫𑐵𑐏𑑄 𑐳𑑄𑐔𑐵𑐮𑐣 𑐖𑐸𑐂𑐐𑐸 𑐥𑐬𑐶𑐳𑑂𑐠𑐶𑐟𑐶 𑐎𑐠𑑄 𑐥𑐵𑐂, 𑐐𑐸𑐎𑐶𑑄 𑐫𑐵𑐣𑐵𑑅 𑐌𑐮𑐷 𑐮𑑂𑐴𑐵𑐂𑐐𑐸 𑐣𑑂𑐫𑐵𑐐𑐹 𑐠𑐷𑐠𑐷 𑐄𑐔𑑂𑐔𑐵𑐬𑐞 𑐱𑐿𑐮𑐷 𑐰𑐶𑐎𑐵𑐳 𑐖𑐹𑐐𑐸 𑐏𑑅 𑑋 𑐠𑐸𑐥𑐶𑑄 𑐣𑑂𑐫𑐵𑐐𑐹 𑐱𑐿𑐮𑐷 𑐠𑐠𑐾 𑐡𑐸 :

𑐎𑐾𑐥𑐵𑐎𑐾𑐥𑐵: 𑐕𑐐𑐹 𑐏𑑃𑐮𑑂𑐴𑐵𑐧𑐮𑑂𑐴𑐵𑐫𑐵 𑐱𑐿𑐮𑐷 𑐐𑐸𑐎𑐶𑐫𑐵𑐟 𑐟𑐔𑑂𑐰𑐮𑑄 𑐥𑑂𑐬𑐡𑐬𑑂𑐱𑐣 𑐫𑐵𑐂𑑋 𑐠𑐣 𑐐𑐣 𑐳𑐶𑐮𑐾𑐧𑐮𑐟 𑐳𑐵𑐩𑐵𑐣𑑂𑐫𑐟𑐫𑐵 𑐟𑐳𑐎𑑄 𑐔𑐶𑐴𑐵𑐎𑑅 𑐖𑐸𑐂𑐐𑐸𑐮𑐶𑑄 𑐥𑐶𑐔 𑐩𑑂𑐴𑐳𑐷𑐎𑐾 𑐩𑐦𑐂𑐐𑐸 𑐖𑐸𑐂𑑋
𑐎𑐵𑐰𑐾𑐮𑐾 : 𑐎𑐾𑐥𑐵𑐎𑐾𑐥𑐵𑐫𑐵 𑐟𑐸𑐮𑐣𑐵𑐫𑑂 𑐎𑐵𑐰𑐾𑐮𑐾𑐫𑑂 𑐳𑐶𑐮𑐾𑐧𑐮 𑐨𑐔𑐵 𑐟𑐵𑑅𑐴𑐵𑐎𑑅 𑐖𑐸𑐂, 𑐟𑐬 𑐀𑐗 𑐣𑑄 𑐥𑐶𑐔𑐫𑑂 𑐀𑑅𑐥𑐸𑐎 𑐩𑑂𑐴𑐳𑐷𑐎𑐾 𑐠𑐵𑐎𑐸𑑋 𑐌𑐮𑐶𑐟𑐫𑑂 𑐡𑐠𑐸𑐂 𑐥𑐵𑐛 𑐰 𑐑𑑀𑐲𑐞𑐵 𑐫𑐵𑐫𑐾𑐟 𑐠𑑂𑐰 𑐀𑐥𑑂𑐰𑑅 𑐕𑑂𑐫𑐮𑐷𑐐𑐸 𑐥𑑂𑐬𑐰𑐺𑐟𑑂𑐟𑐶 𑐡𑐸 𑑋
𑐌𑐮𑐶𑐌𑐮𑐶 : 𑐠𑑂𑐰 𑐡𑐎𑐮𑐫𑑂 𑐀𑐥𑑂𑐰 𑐕𑑂𑐫𑐾𑐮𑐶𑐐𑐸 𑐌𑐮𑐶𑐫𑐵 𑐬𑐸𑐥 𑐏𑑅, 𑐐𑐸𑐎𑐶𑐫𑐵𑐟 𑐣𑐶𑐬𑐣𑑂𑐟𑐬 𑐥𑐶𑐔 𑐩𑑀𑐣𑑀𑐚𑑀𑐣𑑄 𑐎𑐵𑐰𑑂𑐫𑐵𑐟𑑂𑐩𑐎 𑐬𑐸𑐥𑐫𑐵𑐟 𑐀𑐥𑑂𑐰 𑐳𑑅-𑐀𑐮𑐒𑑂𑐎𑐺𑐟 𑐫𑐵𑐳𑐾𑑄 𑐫𑑄𑐎𑐶𑑋
𑐴𑑀'𑐁𑐊𑐁𑐊 : 𑐠𑐸𑐎𑐶𑐮𑐶 𑐣𑐶𑐬𑐣𑑂𑐟𑐬 𑐥𑐶𑐔 𑐀𑐥𑑂𑐰 𑐕𑑂𑐫𑐾𑐮𑐶𑐐𑐸 𑐫𑐵 𑐰 𑐳𑑄𑐐𑐷𑐟𑐫𑐵 𑐳𑐣𑑂𑐡𑐬𑑂𑐨𑐫𑑂 𑐩𑑁𑐮𑐶𑐎 𑐰𑐶𑐣𑑂𑐫𑐵𑐳 𑐮𑐶𑐥𑐵 𑐫𑐎𑑂𑐰 𑐥𑐶𑐔 𑐡𑐫𑐾𑐦𑐸𑑋
𑐴𑑀'𑐌𑐄𑐰𑐾𑐄𑐰𑐾 : 𑐠𑑂𑐰 𑐰𑐶𑐱𑐾𑐲 𑐬𑐸𑐥𑑄 𑐀𑐣𑑂𑐟𑐶𑐩 𑐳𑑄𑐳𑑂𑐎𑐵𑐬𑐫𑑂 𑐰𑐶𑐮𑐵𑐥𑐫𑐵 𑐬𑐸𑐥𑐫𑑂 𑐮𑐵𑐐𑐹 𑐖𑐸𑐂𑑋

𑐌𑐮𑐷 𑐥𑑂𑐫𑐵𑐏𑑄𑐩𑑂𑐰𑑅𑑄 𑐳𑑅 𑐖𑐎 𑐳𑐫𑐾𑐎𑐷 𑐩𑐏𑐸, 𑐎𑐮𑐵𑐫𑐵 𑐥𑑂𑐬𑐰𑐶𑐢𑐶 𑐰 𑐥𑑂𑐬𑐡𑐬𑑂𑐱𑐣 𑐱𑐿𑐮𑐷 𑐣𑑄 𑐳𑐫𑐾𑐎𑐷 𑑋 𑐥𑑂𑐫𑐵𑐏𑑃𑐩𑐶𑑄 𑐳𑐫𑐾𑐎𑐾 𑐩𑐵𑑅𑐐𑐸 𑐡𑐎𑐮𑐫𑑂 𑐩𑐴𑐟𑑂𑐰𑐥𑐹𑐬𑑂𑐞 𑐏𑑃 𑐢𑐂𑐐𑐸 𑐎𑐵𑐰𑑂𑐫𑐵𑐟𑑂𑐩𑐎 𑐥𑐵𑐛𑐫𑐵𑐟 𑐐𑐸𑐐𑐸 𑐱𑐿𑐮𑐷𑐂 𑐥𑐬𑐶𑐥𑐹𑐬𑑂𑐞 𑐬𑐸𑐥𑑄 𑐦𑐶𑐚 𑐫𑐵𑐫𑐾𑐦𑐂 𑐢𑐎𑐵𑑅 𑐣𑐶𑐬𑑂𑐞𑐫 𑐫𑐵𑐫𑐾𑐐𑐸 𑐏𑑋 𑐣𑐵𑐥𑑄, 𑐧𑐶𑐫𑐵𑐟𑑅𑐐𑐸 𑐳𑐣𑑂𑐡𑐬𑑂𑐨𑐫𑑂 𑐥𑐵𑐛(𑐖𑐥) 𑐰 𑐌𑐮𑐷 𑐣𑐶𑐐𑐸𑐮𑐶𑑄 𑐨𑐶𑑄𑐎𑑅 𑐳𑑄𑐫𑑀𑐖𑐣 𑐫𑐵𑐫𑐾𑐦𑐂𑐐𑐸 𑐮𑑃𑐥𑐸 𑐮𑐸𑐂𑐎𑐾𑐐𑐸 𑐏𑑅 𑑋 ^[४]

𑐧𑐵𑐖𑑄 𑐰 𑐖𑑂𑐫𑐵𑐨𑑅

𑐂𑐥𑐸 —𑐕𑐐𑐹 𑐦𑐳𑐶𑐫𑐵 𑐜𑑂𑐬𑐩
𑐂𑐥𑐸 𑐴𑐾𑐎𑐾 — 𑐜𑐧𑐮 𑐦𑐳𑐶 𑐜𑑂𑐬𑐩
𑐥𑐵𑐴𑐸 —𑐱𑐵𑐬𑑂𑐎𑐫𑐵 𑐕𑑂𑐫𑑄𑐐𑐸𑐮𑐶𑑄 𑐟𑑂𑐰𑐥𑐸𑐫𑐵𑐟𑑅𑐐𑐸 𑐜𑑂𑐬𑐩; 𑐴𑐰𑐵𑐃 𑐢𑐬𑑂𑐩𑐫𑑂 𑐥𑐰𑐶𑐟𑑂𑐬 𑐢𑐎𑐵𑑅 𑐴𑐣𑐶𑑋
𑐥𑐸𑐣𑐶𑐄 — 𑐣𑑂𑐫𑐵𑐫𑐵 𑐕𑑂𑐫𑑄𑐐𑐸 (𑐎𑐵𑐮𑐵) 𑐟𑐫𑐵𑑅 𑐣𑐂𑐎𑑂𑐫𑐵𑐫𑐵 𑐏𑑂𑐰𑐮𑐵𑐫𑑂 𑐡𑐫𑐾𑐎𑐹𑐐𑐸 𑐔𑐶𑐐𑑂𑐰𑑅𑐐𑐸 𑐥𑐸𑐮𑐶𑐂 𑐟𑐫𑐵𑑅 𑐠𑐵𑐂𑐐𑐸 𑐜𑑂𑐬𑐩
ʻ 𑐂𑐮𑐶 ʻ 𑐂𑐮𑐶 — 𑐮𑐏𑑄 𑐣𑑅𑐐𑐸 𑐮𑐵𑐨𑐵 𑐮𑑂𑐰𑐴𑑄𑐫𑐵𑐟 𑐎𑐵𑐳𑑂𑐚𑐵𑐣𑐾𑐚𑐫𑐵 𑐬𑐸𑐥𑐫𑑂 𑐕𑑂𑐫𑐮𑐵𑐟𑑅𑐐𑐸𑑋
ʻ 𑐄𑐮𑐶 ʻ 𑐄𑐮𑐶 — 𑐥𑐵 𑐳𑑂𑐰𑐵𑐣𑐵𑐟𑑅𑐐𑐸 𑐦𑐳𑐶𑐫𑐵 𑐧𑐵𑐖𑑄 (ʻ 𑐄𑐮𑐶𑐮𑐶 𑐣𑑄 𑐢𑐵𑐂)
𑐥𑐸 ʻ 𑐂𑐮𑐶 — 𑐥𑑄𑐫𑐵 𑐎𑐠𑐶 𑐎𑐸𑐔𑐵𑐫𑐵 𑐧𑐵𑐖𑑄
𑐎𑐵𑐮 ʻ 𑐀𑐄 —𑐟𑐵𑐮 𑐎𑐠𑐶

𑐩𑐶𑐖𑑄 𑐥𑑂𑐫𑐵𑐏𑑄𑐩𑑂𑐰𑑅𑐟𑐫𑑂𑐳𑑄 𑐥𑐸𑐣𑐷𑐐𑐸 𑐏𑐶𑐔𑐵𑐫𑐵 𑐰𑐵𑑄 𑐡𑐫𑐾𑐎𑐵𑐟𑑅𑐐𑐸 𑐟𑐶𑐳𑐵𑐫𑐵𑐟 𑐣𑑄 𑐐𑐧𑐮𑐾𑑄 𑐐𑐧𑐮𑐾𑑄 𑐧𑐵𑐖𑑄𑐫𑐵 𑐬𑐸𑐥𑐫𑑂 𑐕𑑂𑐫𑐮𑐷𑐐𑐸 𑐫𑐵𑑋 𑐠𑐸𑐎𑐶𑐫𑐵𑐟 𑐟𑐸𑐟𑐶 𑐣𑑂𑐫𑐵𑐎𑐵𑑅 𑐳𑑅 𑐥𑐶𑐎𑐵𑐂𑐐𑐸 𑐖𑐸𑐂𑑋

𑐰𑐳𑑅 / 𑐨𑐾𑐲

𑐄𑐮𑐶𑐄𑐮𑐶 𑐥𑑂𑐫𑐵𑐏𑑄𑐩𑑂𑐰𑑅, 𑐴𑐸𑐮𑐵 𑐎𑐵𑐴𑐶𑐎𑑀 𑐢𑐾𑑄 𑐢𑐾𑑄 𑐧𑐮𑑂𑐮𑐵𑑅, 𑐩𑐾𑐬𑑂𑐬𑐶 𑐩𑑀𑐣𑐵𑐬𑑂𑐎 𑐦𑐾𑐳𑑂𑐚𑐶𑐨𑐮 𑑒𑑐𑑐𑑓𑐳

𑐥𑐬𑐩𑑂𑐥𑐬𑐵𑐐𑐟 𑐴𑐸𑐮𑐵𑐫𑑂 𑐩𑐶𑐳𑐵 𑐥𑑂𑐫𑐵𑐏𑑄𑐩𑑂𑐰𑑅𑐟𑐫𑑂𑐳𑑄 𑐣𑑂𑐴𑐶𑐠𑑄𑐫𑐵 𑐥𑐵 ʻ𑐄 𑐰𑐵 𑐖𑐵𑐩𑐵 𑐳𑐶𑐣𑐶, 𑐟𑐬 𑐔𑑂𑐰𑐳𑑄 𑐕𑐸𑑄 𑐰𑐳𑑅 𑐦𑐶𑐩𑐏𑐸𑑋 𑐠𑑁𑑄 𑐰𑐫𑐵 𑐰𑐳𑑅𑐫𑐵 𑐠𑐸𑐐𑐸 𑐬𑐸𑐥 𑐴𑐶𑐮𑐾𑐢𑐸𑑄𑐎𑐹𑐐𑐸 𑐡𑐸 𑑋 𑐨𑐰𑑂𑐫 𑐥𑑂𑐬𑐡𑐬𑑂𑐱𑐣𑐫𑐵 𑐳𑑄𑐎𑐾𑐟 𑐎𑐠𑑄 𑐥𑐵 ʻ𑐄 𑐳𑐵𑐩𑐵𑐣𑑂𑐫 𑐟𑐵𑐥𑐀, 𑐰𑐵 𑐧𑐵𑐬𑑂𑐎𑐎𑑂𑐮𑑀𑐠𑐫𑐵 𑐮𑐩𑑂𑐧𑐵𑐃 𑐳𑑂𑐰𑐫𑐵 𑐫𑐎𑑂𑐰 𑐟𑐵𑑅𑐴𑐵𑐎𑑅 𑐖𑐸𑐂𑐦𑐸, 𑐐𑐸𑐐𑐸 𑐖𑑄𑐫𑑂 𑐔𑐵𑑅𑐴𑐶𑐎𑐾𑐐𑐸 𑐴𑐵𑐎𑑅𑐫𑐵 𑐖𑐸𑐂𑑋 𑐥𑑂𑐫𑐵𑐏𑑄𑐩𑑂𑐰𑑅𑐟 𑐫𑐎𑑂𑐰 𑐐𑐖𑐫𑐵 𑐟𑐵𑐥𑐵𑐫𑑂 𑐕𑑂𑐫𑐮𑐵 𑐥𑑂𑐫𑐵𑐏𑑄𑐫𑐵 𑐣𑐶𑑄𑐟𑐶𑑄 𑐥𑐬𑐶𑐢𑐶 𑐟𑐐𑑂𑐰𑐎𑐾𑐐𑐸 𑐣𑑄 𑐫𑐵𑑅𑑋 𑐥𑑂𑐫𑐵𑐏𑑄𑐩𑑂𑐰𑑅𑐟𑐾𑐳𑑄 𑐴𑐵𑐬, 𑐔𑐸𑐬𑐵, 𑐰 𑐥𑐵𑐄𑐖𑐸 𑐠𑐾𑑄 𑐣𑑂𑐫𑐵𑑅𑐐𑐸 𑐟𑐶𑐳𑐵 𑐣𑑄 𑐟𑐷 𑐦𑐸𑑋 𑐣𑐵𑐥𑑄 𑐫𑐎𑑂𑐰 𑐥𑑂𑐫𑐵𑐏𑑃𑐩𑐶𑐥𑐶𑑄𑐳𑑄 𑐮𑐾𑐂 (𑐴𑐾𑐜𑐥𑐶𑐳 (𑐮𑐾𑐂 𑐥𑑀𑐌)𑐫𑐵 𑐬𑐸𑐥𑐫𑑂, 𑐧𑑂𑐬𑐾𑐳𑐮𑐾𑐟, 𑐊𑐒𑑂𑐎𑑂𑐮𑐾𑐟 (𑐎𑐸𑐥𑐾)𑐫𑐵 𑐬𑐸𑐥𑐫𑑂), 𑐰 𑐩𑐾𑐩𑐾𑐐𑐸 𑐟𑐶𑐳𑐵 𑐟𑐶𑐫𑐾𑐦𑐸𑑋

𑐥𑐵 ʻ 𑐄 𑐫𑐵 𑐔𑑂𑐰𑐫𑑂 𑐰𑐵𑑄𑐐𑐸 𑐎𑐶 ( 𑐎𑑀𑐬𑑂𑐜𑐶𑐮𑐶𑐣 𑐦𑑂𑐬𑐸𑐚𑐶𑐎𑑀𑐳𑐵 ) 𑐴𑑅𑐫𑐵 𑐖𑐵𑐩𑐵 𑐣𑑄 𑐦𑐶𑐐𑐸 𑐫𑐵𑑋 𑐥𑐵'𑐄𑐫𑐵𑐟 𑐴𑑅𑐫𑐵 𑐑𑐣𑐵 𑐟𑐴𑐫𑑂 𑐩𑐶𑐮𑐾 𑐫𑐵𑐣𑐵𑐟𑐫𑐾𑐐𑐸 𑐫𑐵𑑋 𑐎𑐶 𑐰𑐣𑐫𑐵 𑐡𑐾𑐰𑐷 𑐰 𑐴𑐸𑐮𑐵 𑐥𑑂𑐫𑐵𑐏𑑃𑐫𑐵 𑐡𑐾𑐰𑐷 𑐮𑐵𑐎𑐵𑐫𑐵 𑐣𑐶𑑄𑐟𑐶𑑄 𑐥𑐰𑐶𑐟𑑂𑐬 𑐰𑐳𑑂𑐟𑐸 𑐏𑑋 𑐠𑐣𑑂𑐫𑐵𑐐𑐸 𑐎𑐠𑑄 𑐢𑐵𑐬𑑂𑐩𑐶𑐎 𑐀𑐣𑐸𑐲𑑂𑐛𑐵𑐣𑐫𑐵 𑐂𑐮𑐫𑑂 𑐎𑐴𑐸𑐣𑐵 𑐰 𑐀𑐮𑐶𑐂𑐟𑐾𑐳𑑄 𑐖𑐎𑑂𑐎 𑐎𑐶 𑐴𑑅𑐫𑐵 𑐮𑐾𑐂 𑐮𑐵'𑐂 ( lei lāʻī ) 𑐦𑐷𑐐𑐸 𑐀𑐣𑐸𑐩𑐟𑐶 𑐡𑐸𑑋 𑐚𑐸𑐥𑐾𑐣𑐸𑐫𑐵 𑐥𑐶𑐣𑐾 𑐦𑐶𑐐𑐸 𑐠𑐸𑐖𑑂𑐰𑑅𑐐𑐸 𑐴𑐾 𑐳𑐷 𑐦𑑂𑐬𑐸𑐚𑐶𑐎𑑀𑐳𑐵 𑐴𑑅𑐫𑐵 𑐖𑐵𑐩𑐵 𑐚𑑀𑑄𑐐𑐵𑐫𑑂 𑐢𑐵𑐬𑑂𑐩𑐶𑐎 𑐥𑑂𑐫𑐵𑐏𑐣𑐫𑑂 𑐣𑑄 𑐕𑑂𑐫𑐮𑐷, 𑐐𑐣 𑐠𑐸𑐎𑐶𑐫𑐵𑐟 𑐳𑐶𑐳𑐶 𑐢𑐎𑐵𑑅 𑐩𑑂𑐴𑐳𑐷𑐎𑐶𑐐𑐸 𑐫𑐵 𑑋 𑐚𑑀𑑄𑐐𑐵𑐫𑐵 𑐴𑑅 𑐖𑐵𑐩𑐵𑐫𑑂 𑐀𑐥𑑂𑐰𑑅 𑐢𑐫𑐵 𑐠𑐾𑑄 𑐴𑑂𑐫𑐵𑐄𑑃𑐐𑐸 𑐰 𑐩𑑂𑐴𑐵𑐳𑐸𑐐𑐸 𑐴𑑅 𑐕𑑂𑐫𑐮𑐷𑑋 ^[५] ^[६]

𑐥𑐬𑐩𑑂𑐥𑐬𑐵𑐐𑐟 𑐩𑐶𑐖𑑄 𑐥𑑂𑐫𑐵𑐏𑑄𑐩𑑂𑐰𑑅𑐟𑐳𑐾𑑄 𑐣𑑂𑐴𑐶𑐠𑑄𑐫𑐵 𑐩𑐵𑐮𑑀, 𑐧𑐵𑐫𑑂 𑐮𑑀𑐂𑐣𑑂𑐎𑑂𑐮𑑀𑐠 𑐦𑐷𑑋 𑐴𑐵𑐎𑐣𑑄, 𑐂𑐩𑐶𑐳𑑄 𑐫𑐎𑑂𑐰 𑐐𑐖𑐫𑐵 𑐟𑐵𑐥𑐵 𑐰𑐳𑑅 𑐐𑐸𑐎𑐶𑐫𑐵𑐟 𑐩𑐵𑐮𑑀 𑐢𑐵𑐂, 𑐠𑑂𑐰 𑐣𑑄 𑐦𑐷𑐦𑐸𑑋 𑐂𑐩𑐶𑐳𑑄 𑐴𑐵𑐬, 𑐧𑑂𑐬𑐵𑐳𑐮𑐾𑐚, 𑐊𑐣𑑂𑐎𑐮𑐾𑐚 𑐰 𑐮𑐾𑐂 𑐣𑑄 𑐟𑐫𑐾𑐐𑐸 𑐫𑐵𑑋

𑐮𑐵𑐎𑐵𑐫𑐵𑐟 𑐥𑑂𑐬𑐵𑐬𑑂𑐠𑐣𑐵 𑐫𑐵𑐫𑐾𑐢𑐸𑑄𑐎𑐵𑑅 𑐰 𑐰𑐣 𑐡𑑂𑐫𑑅𑐟𑐫𑑂𑐟 𑐖𑐥 𑐫𑐵𑐫𑐾𑐢𑐸𑑄𑐎𑐵𑑅 𑐥𑑂𑐬𑐡𑐬𑑂𑐱𑐣𑐫𑑂 𑐥𑐸𑐣𑐷𑐐𑐸 𑐮𑐾𑐂𑐫𑐵 𑐳𑐵𑐩𑐐𑑂𑐬𑐷 𑐖𑑄𑐐𑐮𑐫𑑂 𑐩𑐸𑑄𑐎𑐾𑐩𑐵𑑋

𑐥𑐰𑐶𑐟𑑂𑐬 𑐴𑐸𑐮𑐵𑐫𑐵 𑐣𑐶𑑄𑐟𑐶𑑄 𑐥𑐸𑐣𑐷𑐐𑐸 𑐮𑐾𑐂 𑐰 𑐟𑐵𑐥𑐵𑐫𑐵𑐟 𑐥𑑂𑐫𑐵𑐏𑑄𑐫𑐵 𑐥𑐰𑐶𑐟𑑂𑐬𑐟𑐵𑐫𑑂 𑐌𑐟𑐥𑑂𑐬𑑀𑐟 𑐎𑐠𑑄 𑐎𑐵𑐫𑐾𑐐𑐸 𑐫𑐵𑑋 𑐥𑑂𑐫𑐵𑐏𑑄 𑐮𑑂𑐴𑐸𑐂𑐢𑐸𑑄𑐎𑐵𑑅 𑐠𑑂𑐰 𑐕𑑂𑐫𑐮𑐷𑐩𑐏𑐸 𑑋 𑐮𑐾𑐂𑐫𑐵𑐟 𑐳𑐵𑐩𑐵𑐣𑑂𑐫𑐟𑐫𑐵 𑐴𑐬𑐾𑐎 𑐴𑐵𑐮𑐵𑐄𑐫𑑂 𑐏𑐣𑐾𑐡𑐂𑐐𑐸 𑐔𑐶𑐢𑑄𑐐𑐸 𑐡𑐧𑐸𑐮𑐶𑐂 𑐮𑐵𑐎𑐵𑐡𑐾𑐰𑐷𑐫𑐵𑐟 𑐡𑐾𑐕𑐵𑐫𑐾𑐐𑐸 𑐫𑐵𑑋

𑐳𑑂𑐰𑐫𑐵𑐡𑐶𑐳𑑃

𑐮𑐶𑐢𑑄𑐳𑐵

↑ A Brief History of the Hula. Hawaii Ocean project (1 February 2018).
↑ ^२.० ^२.१ ^२.२ ^२.३ (1989) "Hawaiian Chant: Dynamic Cultural Link or Atrophied Relic?". The Journal of the Polynesian Society 98 (1): 85–90. Cite error: Invalid <ref> tag; name "auto" defined multiple times with different content
↑ ^३.० ^३.१ (1981) "Toward a Description of Precontact Music in Hawai'i". Ethnomusicology 25 (3): 481–492. DOI:10.2307/851556. Tatar, Elizabeth (1981). "Toward a Description of Precontact Music in Hawai'i". Ethnomusicology. 25 (3): 481–492. doi:10.2307/851556. JSTOR 851556.
↑ Stillman, Amy Ku'uleialoha (2005). "Textualizing Hawaiian Music". American Music 23 (1): 69–94. DOI:10.2307/4153041. ISSN 0734-4392. Stillman, Amy Ku'uleialoha (2005). "Textualizing Hawaiian Music". American Music. 23 (1): 69–94. doi:10.2307/4153041. ISSN 0734-4392. JSTOR 4153041.
↑ (2014) "Ti Leaf (Cordyline terminalis or fruticosa) Diseases in Hawaii's Commercial Orchards".
↑ "Ti Leaf: Canoe Plant of Ancient Hawai'i", Big Island Now, 4 August 2016.

[1] A Brief History of the Hula. Hawaii Ocean project (1 February 2018).

[auto-2] २.० ^२.१ ^२.२ ^२.३ (1989) "Hawaiian Chant: Dynamic Cultural Link or Atrophied Relic?". The Journal of the Polynesian Society 98 (1): 85–90. Cite error: Invalid <ref> tag; name "auto" defined multiple times with different content

[auto1-3] ३.० ^३.१ (1981) "Toward a Description of Precontact Music in Hawai'i". Ethnomusicology 25 (3): 481–492. DOI:10.2307/851556. Tatar, Elizabeth (1981). "Toward a Description of Precontact Music in Hawai'i". Ethnomusicology. 25 (3): 481–492. doi:10.2307/851556. JSTOR 851556.

[Stillman_2005_69-4] Stillman, Amy Ku'uleialoha (2005). "Textualizing Hawaiian Music". American Music 23 (1): 69–94. DOI:10.2307/4153041. ISSN 0734-4392. Stillman, Amy Ku'uleialoha (2005). "Textualizing Hawaiian Music". American Music. 23 (1): 69–94. doi:10.2307/4153041. ISSN 0734-4392. JSTOR 4153041.

[Kawate2014-5] (2014) "Ti Leaf (Cordyline terminalis or fruticosa) Diseases in Hawaii's Commercial Orchards".

[Gamayo2016-6] "Ti Leaf: Canoe Plant of Ancient Hawai'i", Big Island Now, 4 August 2016.

[१]

[२]

[३]

[४]

[५]

[६]