𑐮𑐶𑐥𑐶

देवनागरीइ ब्वनेत: लिपि तियादिसँ𑑋

𑐮𑐶𑐥𑐶 𑐢𑐵𑑅𑐐𑐸 𑐨𑐵𑐲𑐵𑐫𑐵𑐟 𑐔𑑂𑐰𑐫𑐾𑐐𑐸 𑐔𑐶𑑄𑐟𑐾𑐐𑐸 𑐥𑐸𑐔𑑅 𑐏𑑋 𑐕𑐩𑑂𑐴 𑐩𑐣𑐹𑑄 𑐩𑐾𑐩𑑂𑐴 𑐩𑐣𑐹 𑐣𑐵𑐥 𑐰𑐶𑐔𑐵𑑅 𑐎𑐵𑐫𑐾𑐧𑐶𑐫𑐾 𑐫𑐵𑐫𑐾𑐟 𑐳𑑅 𑐕𑑂𑐫𑐮𑐵 𑐡𑐫𑐾𑐎𑐵𑐟𑑅𑐐𑐸 𑐥𑐡𑑂𑐢𑐟𑐶 𑐨𑐵𑐲𑐵 𑐏𑑅 𑐢𑐵𑑅𑐳𑐵 𑐀𑐣𑑂𑐫𑐵𑑅𑐐𑐸 𑐳𑑅𑐟𑐾𑐟 𑐳𑑂𑐰𑐾𑐕𑐶𑑄𑐐𑐸 (𑐰𑐵 𑐧𑑂𑐬𑐾𑐮 𑐮𑐶𑐥𑐶𑐂 𑐖𑐸𑐳𑐵 𑐠𑐶𑐫𑐵 𑐠𑐸𑐂𑐦𑐹𑐐𑐸) 𑐰𑑂𑐫𑐰𑐳𑑂𑐠𑐵 𑐮𑐶𑐥𑐶 𑐏𑑋 𑐮𑐶𑐥𑐶 𑐢𑐵𑑅𑐐𑐸 𑐏𑑃𑐐𑑂𑐰𑑅 𑐳𑑄𑐳𑑂𑐎𑐺𑐟 𑐏𑑃𑐐𑑂𑐰𑑅 "𑐮𑐶𑐥𑑂𑐫" 𑐣𑑄 𑐰𑑅𑐐𑐸 𑐏𑑋 𑐮𑐶𑐥𑐾 𑐫𑐵𑐂𑐐𑐸 𑐏𑑃 𑐴𑐾 𑐮𑐶𑐥𑐶 𑐏𑑋 𑐨𑐵𑐫𑑂𑐫𑐵 𑐕𑐐𑐹 𑐴𑐾 𑐏𑑃𑐫𑐵𑐟 𑐕𑐐𑐹 𑐮𑐶𑐥𑐶𑑄 𑐩𑐾𑐐𑐸 𑐮𑐶𑐥𑐶𑐂 𑐴𑐶𑐮𑐾𑐐𑐸 𑐖𑑂𑐫𑐵𑐫𑐵𑐟 𑐮𑐶𑐥𑐶𑐴𑐶𑐮𑐵 𑐢𑐵𑐂𑑋

𑐟𑐵𑐖𑐶

𑐴𑐮𑐶𑐩𑐫𑑂 𑐠𑐷-𑐠𑐷 𑐎𑐠𑑄𑐫𑐵 𑐮𑐶𑐥𑐶 𑐡𑐫𑐵𑐔𑑂𑐰𑑄𑐳𑐵𑑄 𑐴𑐮𑐶𑑄𑐫𑐵 𑐳𑐎𑐮 𑐮𑐶𑐥𑐶𑐫𑐵𑐟 𑐣𑐶𑐱𑑂𑐔𑐶𑐟 𑐥𑐬𑐶𑐢𑐶 𑐡𑐸𑐣𑐾𑐟𑐫𑐵 𑐎𑑂𑐰𑐫𑑂𑐫𑐵 𑐥𑐸𑐔𑐮𑐫𑑂 𑐧𑐵𑐫𑐾𑐕𑐶𑑄-

𑐀𑐧𑐸𑐖𑐶𑐡𑐵: 𑐡𑐎𑑂𑐲𑐶𑐞 𑐊𑐳𑐶𑐫𑐵, 𑐡𑐎𑑂𑐲𑐶𑐞 𑐥𑐹𑐬𑑂𑐰 𑐊𑐳𑐶𑐫𑐵 𑐰 𑐂𑐠𑐶𑐫𑑀𑐥𑐶𑐫𑐵𑐫𑑂 𑐕𑑂𑐫𑐮𑐶𑐐𑐸 𑐮𑐶𑐥𑐶𑑋 𑐠𑐣𑑂𑐫𑐵𑐐𑐸 𑐮𑐶𑐥𑐶𑐂 𑐣𑐾𑐥𑐵𑐮𑐮𑐶𑐥𑐶, 𑐧𑑂𑐬𑐵𑐩𑑂𑐴𑐶 (𑐳𑑄𑐳𑑂𑐎𑐺𑐟, 𑐥𑑂𑐬𑐵𑐎𑐺𑐟 𑐁𑐡𑐶 𑐔𑑂𑐰𑐫𑐾𑐟 𑐕𑑂𑐫𑐮𑐶𑐐𑐸), 𑐡𑐾𑐰𑐣𑐵𑐐𑐬𑐷, 𑐧𑑄𑐐𑐵𑐮𑐷, 𑐁𑐳𑐵𑐩𑐷, 𑐌𑐜𑐶𑐫𑐵, 𑐎𑐣𑑂𑐣𑐜, 𑐟𑐩𑐶𑐮, 𑐟𑐾𑐮𑐹𑐐𑐸, 𑐩𑐮𑐫𑐵𑐮𑐩, 𑐐𑐸𑐖𑐬𑐵𑐟𑐷, 𑐱𑐵𑐬𑐡𑐵, 𑐩𑑀𑐜𑐷, 𑐩𑐶𑐠𑐶𑐮𑐵𑐎𑑂𑐲𑐬, 𑐎𑐶𑐬𑐵𑐟 (𑐳𑐶𑐬𑐶𑐖𑑄𑐐𑐵), 𑐳𑑃𑐡𑐾𑐫𑑂 (𑐳𑑃𑐡𑐾𑐫𑑂 𑐨𑐵𑐫𑑂, 𑐖𑑀𑐒𑑂𑐏𑐵, 𑐟𑐵𑐩𑐵𑐒, 𑐮𑐡𑑂𑐡𑐵𑐏𑐷, 𑐧𑐵𑐮𑑂𑐟𑐶 𑐁𑐡𑐶 𑐨𑐵𑐫𑑂 𑐔𑑂𑐰𑐫𑐾𑐟 𑐕𑑂𑐫𑐮𑐶𑐐𑐸), 𑐐𑐸𑐬𑐸𑐩𑐸𑐏𑐷, 𑐠𑐵𑐂, 𑐏𑑂𑐩𑐾𑐬, 𑐧𑐬𑑂𑐩𑐾𑐮𑐷, 𑐳𑐶𑑄𑐴𑐮, 𑐮𑐵𑐌, 𑐥𑐸𑐮𑐵𑑄 𑐩𑐮𑐾𑐫, 𑐥𑐸𑐮𑐵𑑄 𑐧𑐵𑐮𑐷 𑐁𑐡𑐶 𑐮𑐶𑐥𑐶 𑐮𑐵𑑋
𑐀𑐧𑑂𑐖𑐡:𑐀𑐬𑐧𑐷 𑐮𑐶𑐥𑐶 𑐰 𑐴𑐶𑐧𑑂𑐬𑐸 𑐮𑐶𑐥𑐶𑑋 𑐀𑐬𑐧𑐷 𑐮𑐶𑐥𑐶𑐫𑐵𑐟 𑐀𑐬𑐧𑐷 𑐣𑐵𑐥𑑄 𑐂𑐬𑐵𑐣𑐷 𑐨𑐵𑐲𑐵𑐟 (𑐦𑐵𑐬𑐳𑐷, 𑐀𑐦𑐐𑐵𑐣, 𑐀𑐖𑐾𑐬𑐷, 𑐧𑐮𑑀𑐔𑐷) 𑐰 𑐨𑐵𑐬𑐟𑐷𑐫 𑐨𑐵𑐲𑐵𑐫𑑂 𑐄𑐬𑑂𑐡𑐹, 𑐳𑐶𑐣𑑂𑐢𑐷, 𑐱𑐵𑐴𑐩𑐸𑐏𑐷 𑐥𑑄𑐖𑐵𑐧𑐷, 𑐎𑐱𑑂𑐩𑐶𑐬𑐷 𑐁𑐡𑐶 𑐔𑑂𑐰𑐫𑐾𑐟 𑐣𑑄 𑐕𑑂𑐫𑐮𑐶𑐐𑐸 𑐫𑐵𑑋
𑐀𑐮𑑂𑐦𑐵𑐧𑐾𑐟: 𑐮𑐵𑐟𑐶𑐣, 𑐳𑐶𑐬𑐶𑐮𑐶𑐎, 𑐖𑐬𑑂𑐖𑐶𑐫𑐣 𑐮𑐶𑐥𑐶, 𑐐𑑂𑐬𑐶𑐎 𑐮𑐶𑐥𑐶 𑐁𑐡𑐶𑑋
𑐎𑐶𑐥𑐵 𑐮𑐶𑐥𑐶: 𑐔𑐶𑐣𑐶𑐫𑐵 (𑐩𑐣𑑂𑐡𑐵𑐬𑐶𑐣, 𑐫𑐶, 𑐎𑑂𑐫𑐵𑐣𑑂𑐟𑑀𑐣𑐶𑐖 𑐁𑐡𑐶) 𑐰 𑐖𑐵𑐥𑐵𑐣𑐷 𑐨𑐵𑐫𑑂𑐫 𑐔𑑂𑐰𑐫𑐾𑐟 𑐕𑑂𑐫𑐮𑐶𑐐𑐸 𑐮𑐶𑐥𑐶𑑋

𑐂𑐟𑐶𑐴𑐵𑐳

𑐡𑐎𑑂𑐲𑐶𑐞 𑐊𑐳𑐶𑐫𑐵

𑐡𑐎𑑂𑐲𑐶𑐞 𑐊𑐳𑐶𑐫𑐵𑐫𑐵 𑐥𑑂𑐬𑐵𑐔𑐷𑐣 𑐐𑑂𑐬𑐣𑑂𑐠 𑐮𑐮𑐶𑐟𑐰𑐶𑐳𑑂𑐟𑐬 𑐳𑐹𑐟𑑂𑐬𑐫𑑂 𑐧𑐸𑐡𑑂𑐢𑐫𑐵 𑐎𑐵𑐮𑐫𑑂 𑑖𑑔 𑐮𑐶𑐥𑐶 𑐡𑐹𑐐𑐸 𑐏𑑃 𑐎𑐣𑐵𑐟𑑅𑐐𑐸 𑐡𑐸𑑋 𑐠𑑂𑐰 𑐳𑐦𑐹𑐫𑐵 𑑑𑑐𑐐𑐹 𑐀𑐢𑑂𑐫𑐵𑐫𑐫𑑂 (𑐮𑐶𑐥𑐶𑐱𑐵𑐮𑐵𑐳𑑄𑐡𑐬𑑂𑐱𑐣𑐥𑐬𑐶𑐰𑐬𑑂𑐟)𑐫𑑂 𑐧𑑂𑐬𑐵𑐴𑑂𑐩𑐷𑐮𑐶𑐥𑐶, 𑐏𑐬𑑀𑐲𑑂𑐚𑐷 𑐮𑐶𑐥𑐶, 𑐥𑐸𑐲𑑂𑐎𑐬𑐳𑐵𑐬𑐶𑑄𑐮𑐶𑐥𑐶, 𑐀𑐒𑑂𑐐𑐮𑐶𑐥𑐶, 𑐰𑐒𑑂𑐐𑐮𑐶𑐥𑐶, 𑐩𑐐𑐢𑐮𑐶𑐥𑐶, 𑐩𑐒𑑂𑐐𑐮𑑂𑐫𑐮𑐶𑐥𑐶, 𑐀𑐒𑑂𑐐𑐸𑐮𑐷𑐫𑐮𑐶𑐥𑐶, 𑐱𑐎𑐵𑐬𑐶𑐮𑐶𑐥𑐶, 𑐧𑑂𑐬𑐴𑑂𑐩𑐰𑐮𑐶𑐮𑐶𑐥𑐶, 𑐥𑐵𑐬𑐸𑐲𑑂𑐫𑐮𑐶𑐥𑐶, 𑐡𑑂𑐬𑐵𑐰𑐶𑐜𑐮𑐶𑐥𑐶, 𑐎𑐶𑐬𑐵𑐟𑐮𑐶𑐥𑐶, 𑐡𑐵𑐎𑑂𑐲𑐶𑐞𑑂𑐫𑐮𑐶𑐥𑐶, 𑐄𑐐𑑂𑐬𑐮𑐶𑐥𑐶, 𑐳𑑄𑐏𑑂𑐫𑐵𑐮𑐶𑐥𑐶, 𑐀𑐣𑐸𑐮𑑀𑐩𑐮𑐶𑐥𑐶, 𑐀𑐰𑐩𑐹𑐬𑑂𑐢𑐮𑐶𑐥𑐶, 𑐡𑐬𑐡𑐮𑐶𑐥𑐶, 𑐏𑐵𑐲𑑂𑐫𑐮𑐶𑐥𑐶, 𑐔𑐷𑐣𑐮𑐶𑐥𑐶, 𑐮𑐹𑐣𑐮𑐶𑐥𑐶, 𑐴𑐹𑐞𑐮𑐶𑐥𑐶, 𑐩𑐢𑑂𑐫𑐵𑐎𑑂𑐲𑐬𑐰𑐶𑐳𑑂𑐟𑐬𑐮𑐶𑐥𑐶, 𑐥𑐸𑐲𑑂𑐥𑐮𑐶𑐥𑐶, 𑐡𑐾𑐰𑐮𑐶𑐥𑐶, 𑐣𑐵𑐐𑐮𑐶𑐥𑐶, 𑐫𑐎𑑂𑐲𑐮𑐶𑐥𑐶, 𑐐𑐣𑑂𑐢𑐬𑑂𑐰𑐮𑐶𑐥𑐶, 𑐎𑐶𑐣𑑂𑐣𑐬𑐮𑐶𑐥𑐶, 𑐩𑐴𑑀𑐬𑐐𑐮𑐶𑐥𑐶, 𑐀𑐳𑐸𑐬𑐮𑐶𑐥𑐶, 𑐐𑐬𑐸𑐜𑐮𑐶𑐥𑐶, 𑐩𑐺𑐐𑐔𑐎𑑂𑐬𑐮𑐶𑐥𑐶, 𑐰𑐵𑐫𑐳𑐬𑐸𑐟𑐮𑐶𑐥𑐶, 𑐨𑑁𑐩𑐡𑐾𑐰𑐮𑐶𑐥𑐶, 𑐀𑐣𑑂𑐟𑐬𑐷𑐎𑑂𑐲𑐡𑐾𑐰𑐮𑐶𑐥𑐶, 𑐄𑐟𑑂𑐟𑐬𑐎𑐸𑐬𑐸𑐡𑑂𑐰𑐷𑐥𑐮𑐶𑐥𑐶, 𑐀𑐥𑐬𑐐𑑀𑐜𑐵𑐣𑐷𑐮𑐶𑐥𑐶, 𑐥𑐹𑐬𑑂𑐰𑐰𑐶𑐡𑐾𑐴𑐮𑐶𑐥𑐶, 𑐄𑐟𑑂𑐎𑑂𑐲𑐾𑐥𑐮𑐶𑐥𑐶, 𑐣𑐶𑐎𑑂𑐲𑐾𑐥𑐮𑐶𑐥𑐶, 𑐰𑐶𑐎𑑂𑐲𑐾𑐥𑐮𑐶𑐥𑐶, 𑐥𑑂𑐬𑐎𑑂𑐲𑐾𑐥𑐮𑐶𑐥𑐶, 𑐳𑐵𑐐𑐬𑐮𑐶𑐥𑐶, 𑐰𑐖𑑂𑐬𑐮𑐶𑐥𑐶, 𑐮𑐾𑐏𑐥𑑂𑐬𑐟𑐶𑐮𑐾𑐏𑐮𑐶𑐥𑐶, 𑐀𑐣𑐸𑐡𑑂𑐬𑐸𑐟𑐮𑐶𑐥𑐶, 𑐱𑐵𑐳𑑂𑐟𑑂𑐬𑐵𑐰𑐬𑑂𑐟𑐵𑑄 𑐮𑐶𑐥𑐶, 𑐐𑐞𑐣𑐵𑐰𑐬𑑂𑐟𑐮𑐶𑐥𑐶, 𑐄𑐟𑑂𑐎𑑂𑐲𑐾𑐥𑐵𑐰𑐬𑑂𑐟𑐮𑐶𑐥𑐶, 𑐣𑐶𑐎𑑂𑐲𑐾𑐥𑐵𑐰𑐬𑑂𑐟𑐮𑐶𑐥𑐶, 𑐥𑐵𑐡𑐮𑐶𑐏𑐶𑐟𑐮𑐶𑐥𑐶, 𑐡𑑂𑐰𑐶𑐬𑐸𑐟𑑂𑐟𑐬𑐥𑐡𑐳𑑄𑐢𑐶𑐮𑐶𑐥𑐶, 𑐫𑐵𑐰𑐡𑑂𑐡𑐱𑑀𑐟𑑂𑐟𑐬𑐥𑐡𑐳𑑄𑐢𑐶𑐮𑐶𑐥𑐶, 𑐩𑐢𑑂𑐫𑐵𑐴𑐵𑐬𑐶𑐞𑐷𑐮𑐶𑐥𑐶, 𑐳𑐬𑑂𑐰𑐬𑐸𑐟𑐳𑑄𑐐𑑂𑐬𑐴𑐞𑐷𑐮𑐶𑐥𑐶, 𑐰𑐶𑐡𑑂𑐫𑐵𑐣𑐸𑐮𑑀𑐩𑐵𑐰𑐶𑐩𑐶𑐱𑑂𑐬𑐶𑐟𑐮𑐶𑐥𑐶, 𑐆𑐲𑐶𑐟𑐥𑐳𑑂𑐟𑐥𑑂𑐟𑐵 𑐬𑑀𑐔𑐩𑐵𑐣𑐵𑑄 𑐮𑐶𑐥𑐶, 𑐢𑐬𑐞𑐷𑐥𑑂𑐬𑐾𑐎𑑂𑐲𑐶𑐞𑐷𑐮𑐶𑐥𑐶, 𑐐𑐐𑐣𑐥𑑂𑐬𑐾𑐎𑑂𑐲𑐶𑐞𑐷𑐮𑐶𑐥𑐶, 𑐳𑐬𑑂𑐰𑑁𑐲𑐢𑐶𑐣𑐶𑐲𑑂𑐫𑐣𑑂𑐡𑐵𑑄 𑐮𑐶𑐥𑐶, 𑐳𑐬𑑂𑐰𑐳𑐵𑐬𑐳𑑄𑐐𑑂𑐬𑐴𑐞𑐷𑑄 𑐮𑐶𑐥𑐶, 𑐰 𑐳𑐬𑑂𑐰𑐨𑐹𑐟𑐬𑐸𑐟𑐐𑑂𑐬𑐴𑐞𑐷𑐩𑑂 𑐮𑐶𑐥𑐶𑐫𑐵 𑐣𑐵𑑄 𑐎𑐣𑐵𑐟𑑅𑐐𑐸 𑐡𑐸𑑋

𑐳𑑂𑐰𑐫𑐵𑐡𑐶𑐳𑑃