𑐣𑑂𑐫𑐵𑐫

देवनागरीइ ब्वनेत: न्याय तियादिसँ𑑋

𑐧𑑂𑐫𑐵𑐥𑐎 𑐀𑐬𑑂𑐠𑐫𑑂, 𑐣𑑂𑐫𑐵𑐫 𑐢𑐫𑐵𑐐𑐸 𑐩𑐣𑐹𑐟𑐾𑐟 𑐣𑐶𑐲𑑂𑐥𑐎𑑂𑐲 𑐎𑐠𑑄 𑐰𑑂𑐫𑐰𑐴𑐵𑐬 𑐫𑐵𑐫𑐾𑐩𑐵𑑅 𑐢𑐂𑐐𑐸 𑐧𑐶𑐔𑐵𑑅 𑐏𑑅 𑑋 𑐳𑑂𑐚𑑂𑐫𑐵𑐣𑐦𑑀𑐬𑑂𑐜 𑐂𑐣𑑂𑐳𑐵𑐂𑐎𑑂𑐮𑑀𑐥𑐷𑐜𑐶𑐫𑐵 𑐀𑐦 𑐦𑐶𑐮𑑀𑐳𑑀𑐦𑐷𑐫𑐵 𑐎𑐠𑑄, 𑐩𑐹 𑐥𑐬𑐶𑐨𑐵𑐲𑐵𑐫𑐵 𑐣𑐶𑑄𑐟𑐶𑑄 𑐡𑐎𑐮𑐫𑑂 𑐮𑑂𑐰𑑅𑐐𑐸 𑐀𑐬𑑂𑐠 𑐃𑐳𑑂𑐰𑐷𑐫𑐵 𑑖𑐐𑐸 𑐱𑐟𑐵𑐧𑑂𑐡𑐷𑐫𑐵 𑐬𑑀𑐩𑐣 𑐎𑐵𑐣𑐹𑐣𑐫𑐵 𑐳𑑄𑐴𑐶𑐟𑐵 𑐂𑐣𑑂𑐳𑑂𑐚𑐶𑐔𑑂𑐫𑐸𑐚 𑐀𑐦 𑐖𑐳𑑂𑐚𑐶𑐣𑐶𑐫𑐣𑑄 𑐎𑐵𑐫𑐾𑐕𑐶𑑄, 𑐐𑐣 𑐣𑑂𑐫𑐵𑐫𑐫𑐵𑐟 "𑐥𑑂𑐬𑐟𑑂𑐫𑐾𑐎𑐫𑐵𑐟 𑐠𑑅𑐐𑐸 𑐴𑐎 𑐧𑐷𑐐𑐸 𑐣𑐶𑐬𑐣𑑂𑐟𑐬 𑐰 𑐳𑑂𑐠𑐵𑐫𑐷 𑐂𑐔𑑂𑐕𑐵𑐱𑐎𑑂𑐟𑐶"𑐫𑐵 𑐬𑐸𑐥𑐫𑑂 𑐥𑐬𑐶𑐨𑐵𑐲𑐶𑐟 𑐫𑐵𑐣𑐵𑐟𑑅𑐐𑐸 𑐡𑐸𑑋 ^[१]

𑐣𑑂𑐫𑐵𑐫 𑐥𑑂𑐬𑐵𑐥𑑂𑐟 𑐖𑐹𑐐𑐸 𑐳𑐩𑐵𑐖 𑐰𑑂𑐫𑐎𑑂𑐟𑐶𑑄 𑐠𑑅𑐟 "𑐮𑑂𑐰𑑅𑐐𑐸" 𑐦𑐮 𑐥𑑂𑐬𑐵𑐥𑑂𑐟 𑐫𑐵𑐂𑐐𑐸 𑐳𑐩𑐵𑐖 𑐖𑐸𑐂 𑑋 𑐩𑐣𑐹𑐟𑐾𑐟 𑐕𑐸 𑐰𑑂𑐫𑐰𑐴𑐵𑐬 𑐫𑐵𑐫𑐾 "𑐮𑑂𑐰" 𑐢𑐂𑐐𑐸 𑐰𑑂𑐫𑐵𑐏𑑂𑐫𑐵 𑐣𑐿𑐟𑐶𑐎𑐟𑐵, 𑐟𑐬𑑂𑐎𑐱𑐷𑐮𑐟𑐵, 𑐎𑐵𑐣𑐹𑐣, 𑐢𑐬𑑂𑐩, 𑐰 𑐣𑐶𑐲𑑂𑐥𑐎𑑂𑐲𑐟𑐵 𑐁𑐡𑐶 𑐠𑐷-𑐠𑐷 𑐡𑐵𑐬𑑂𑐱𑐣𑐶𑐎 𑐎𑐔𑐵𑐟𑐾𑐐𑐸 𑐀𑐰𑐢𑐵𑐬𑐞𑐵 𑐰 𑐥𑐬𑐶𑐨𑐵𑐲𑐵𑐫𑑂 𑐁𑐢𑐵𑐬𑐶𑐟 𑐖𑐸𑐂𑑋 𑐬𑐵𑐖𑑂𑐫𑑄 𑐀𑐡𑐵𑐮𑐟 𑐡𑐫𑐾𑐎𑐵𑑅 𑐰 𑐳𑑄𑐎𑐵𑑅 𑐫𑐵𑐣𑐵𑑅, 𑐀𑐡𑐵𑐮𑐟𑐫𑐵 𑐦𑐿𑐳𑐮𑐵 𑐎𑐵𑐬𑑂𑐫𑐵𑐣𑑂𑐰𑐫𑐣 𑐫𑐵𑐳𑐾𑑄 𑐣𑑂𑐫𑐵𑐫𑐥𑐹𑐬𑑂𑐞 𑐳𑐩𑐵𑐖 𑐡𑐫𑐾𑐎𑐷𑐐𑐸 𑐎𑐸𑐟𑑅 𑐫𑐵𑐂𑑋

𑐥𑐵𑐱𑑂𑐔𑐵𑐟𑑂𑐫 𑐂𑐟𑐶𑐴𑐵𑐳

𑐣𑑂𑐫𑐵𑐫𑐫𑐵 𑐥𑑂𑐬𑐵𑐬𑐩𑑂𑐨𑐶𑐎 𑐥𑐱𑑂𑐔𑐶𑐩𑐷 𑐳𑐶𑐡𑑂𑐢𑐵𑐣𑑂𑐟 𑐥𑑂𑐬𑐵𑐔𑐷𑐣 𑐐𑑂𑐬𑐷𑐎 𑐡𑐵𑐬𑑂𑐱𑐣𑐶𑐎𑐟𑐫𑐾𑐳𑑄, 𑐡𑐳𑐸 𑐥𑑂𑐮𑐾𑐚𑑀𑑄 𑐠𑑅𑐐𑐸 𑐐𑑂𑐬𑐣𑑂𑐠 𑐡 𑐬𑐶𑐥𑐧𑑂𑐮𑐶𑐎𑐫𑑂 𑐰 𑐀𑐬𑐳𑑂𑐟𑐹𑑄 𑐠𑑅𑐐𑐸 𑐣𑐶𑐎𑑀𑐩𑐵𑐔𑐶𑐫𑐣 𑐊𑐠𑐶𑐎𑑂𑐳 𑐰 𑐥𑑀𑐮𑐶𑐚𑐶𑐎𑑂𑐳𑐫𑑂 𑐰𑐶𑐎𑐵𑐳 𑐫𑐵𑑅𑐐𑐸 𑐡𑐸𑑋 𑐣𑑂𑐫𑐵𑐫𑐫𑐵 𑐁𑐢𑐸𑐣𑐶𑐎 𑐃𑐫𑐵 𑐥𑐱𑑂𑐔𑐶𑐩𑐷 𑐢𑐵𑐬𑐞𑐵𑐫𑐵 𑐖𑐐 𑐎𑑂𑐬𑐶𑐱𑑂𑐔𑐶𑐫𑐣 𑐢𑐬𑑂𑐩𑐱𑐵𑐳𑑂𑐟𑑂𑐬𑐫𑑂 𑐡𑐸, 𑐐𑐸𑐎𑐶𑐮𑐶𑑄 𑐡𑐿𑐰𑐷𑐫 𑐁𑐡𑐾𑐱 𑐳𑐶𑐡𑑂𑐢𑐵𑐣𑑂𑐟𑐫𑐵 𑐀𑐣𑐸𑐳𑐬𑐞 𑐫𑐵𑐂𑑋 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟 𑐎𑐠𑑄 𑐃𑐱𑑂𑐰𑐬𑑄 𑐣𑐿𑐟𑐶𑐎𑐟𑐵𑐫𑐵𑐟 𑐣𑐶𑐬𑑂𑐢𑐵𑐬𑐞 𑐫𑐵𑐂 𑐰 𑐕𑐸𑑄 𑐣𑑄 𑐖𑑂𑐫𑐵 𑐣𑐿𑐟𑐶𑐎 𑐬𑐸𑐥𑑄 𑐨𑐶𑑄𑐐𑐸 𑐰𑐵 𑐩𑐨𑐶𑑄𑐐𑐸 𑐣𑐶𑐬𑑂𑐢𑐵𑐬𑐞 𑐫𑐵𑐂𑑋 𑐠𑐸𑐎𑐶𑐫𑐵 𑐁𑐢𑐵𑐬𑐫𑑂, 𑐣𑑂𑐫𑐵𑐫 𑐣𑐶𑐬𑑂𑐢𑐵𑐬𑐞 𑐖𑐸𑐂𑑋 ^[२]

𑐥𑐱𑑂𑐔𑐶𑐩𑐷 𑐔𑐶𑐣𑑂𑐟𑐎𑐟𑐳𑐾𑑄 𑐮𑐶𑐥𑐵 𑐣𑑂𑐫𑐵𑐫𑐫𑐵 𑐖𑐐 𑐥𑐮𑐶𑐳𑑂𑐠𑐵 𑐫𑐵𑐫𑐾𑐟 𑐠𑐷𑐠𑐷 𑐳𑐶𑐡𑑂𑐢𑐵𑐣𑑂𑐟 𑐣𑑂𑐴𑑂𑐫𑐧𑑂𑐰𑐮𑑋 𑑑𑑗𑐐𑐸 𑐱𑐟𑐵𑐧𑑂𑐡𑐷𑐂 𑐖𑐣 𑐮𑐎 𑐠𑐾𑑄 𑐣𑑂𑐫𑐵𑐥𑐶𑑄 𑐡𑐵𑐬𑑂𑐱𑐣𑐶𑐎𑐟𑐾𑐳𑑄 𑐣𑑂𑐫𑐵𑐫 𑐥𑑂𑐬𑐵𑐎𑐺𑐟𑐶𑐎 𑐣𑐶𑐫𑐩𑑄 𑐰𑐂 𑐢𑐿𑐐𑐸 𑐧𑐶𑐔𑐵𑑅 𑐟𑐫𑐵𑐡𑐶𑐮𑑋 𑐖𑐷𑐣-𑐖𑑂𑐫𑐵𑐎𑑂𑐳 𑐬𑐸𑐳𑑀 𑐳𑐵𑐩𑐵𑐖𑐶𑐎 𑐀𑐣𑐸𑐧𑐣𑑂𑐢𑐣 𑐳𑐶𑐡𑑂𑐢𑐵𑐣𑑂𑐟𑐫𑐵𑐟 𑐳𑐩𑐬𑑂𑐠𑐣 𑐫𑐵𑐂𑐩𑑂𑐴 𑐫𑐎𑑂𑐰 𑐰𑐶𑐖𑑂𑐘𑐫𑑂 𑐕𑐩𑑂𑐴 𑐏𑑋 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟𑐫𑑂 𑐣𑑂𑐫𑐵𑐫 𑐳𑐩𑐵𑐖𑐫𑐵 𑐡𑐸𑐖𑑅𑐟𑐫𑑂𑐐𑐸 𑐠𑑅-𑐠𑑅𑐐𑐸 𑐳𑐴𑐩𑐟𑐶𑑄 𑐬𑐵𑐖𑐣𑐷𑐟𑐶𑐎 𑐰𑑂𑐫𑐰𑐳𑑂𑐠𑐵𑐫𑑂 𑐱𑐵𑐳𑐣 𑐫𑐵𑐫𑐾𑐐𑐸 𑐣𑐶𑑄𑐟𑐶𑑄 𑐰𑐂 𑐢𑐎𑐵𑑅 𑐢𑐫𑐵𑐡𑐶𑐮𑑋 𑑑𑑙𑐐𑐸 𑐱𑐟𑐵𑐧𑑂𑐡𑐷𑐂 𑐖𑑀𑐣 𑐳𑑂𑐚𑐸𑐀𑐬𑑂𑐚 𑐩𑐶𑐮 𑐠𑐾𑑄 𑐣𑑂𑐫𑐵𑐥𑐶𑑄 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐡𑐵𑐬𑑂𑐱𑐣𑐶𑐎𑐟𑐾𑐳𑑄 𑐣𑑂𑐫𑐵𑐫𑐫𑐵 𑐳𑐾𑐰𑐵 𑐡𑐎𑐮𑐫𑑂 𑐀𑐥𑑂𑐰 𑐩𑐣𑐸𑐟𑐾𑐐𑐸 𑐣𑐶𑑄𑐟𑐶𑑄 𑐡𑐎𑐮𑐫𑑂 𑐧𑐵𑑄𑐮𑐵𑑅𑐐𑐸 𑐮𑐶𑐔𑑂𑐰𑑅 𑐡𑐫𑐾𑐎𑐷𑐐𑐸 𑐥𑑂𑐬𑐳𑑂𑐟𑐵𑐰 𑐟𑐫𑐵𑐡𑐶𑐮𑑋 ^[

𑐁𑐢𑐸𑐣𑐶𑐎 𑐣𑑂𑐫𑐵𑐫𑐫𑐵 𑐝𑐵𑑃𑐔𑐵𑐫𑑂 𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫, 𑐄𑐥𑐫𑑀𑐐𑐶𑐟𑐵𑐰𑐵𑐡, 𑐥𑑂𑐬𑐟𑐶𑐱𑑀𑐢𑐵𑐟𑑂𑐩𑐎 𑐣𑑂𑐫𑐵𑐫 𑐰 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫 𑐠𑐾𑑄𑐖𑑂𑐫𑐵𑑅𑐐𑐸 𑐀𑐰𑐢𑐵𑐬𑐞𑐵𑐟 𑐡𑐸𑐠𑑂𑐫𑐵𑑅𑑋

𑐰𑑂𑐫𑐵𑐥𑐎 𑐬𑐸𑐥𑑄, 𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫𑑄 𑐳𑐩𑐵𑐖 𑐳𑑄𑐎𑐾𑐟𑑅 𑐕𑐸 𑐔𑐷𑐖 𑐂𑐣𑐾𑐩𑐵𑑅, 𑐳𑐸𑐫𑐵 𑐡𑐠𑐸𑐂 𑐂𑐣𑐾𑐩𑐵, 𑐄𑐔𑐶𑐟 𑐰𑐶𑐟𑐬𑐞 𑐕𑐸 𑐖𑐸𑐂 𑐢𑐂𑐐𑐸 𑐁𑐢𑐵𑐬𑐫𑑂 𑐕𑐸 𑐣𑑂𑐫𑐵𑐫𑑀𑐔𑐶𑐟 𑐏𑑅 𑐢𑐂𑐐𑐸 𑐏𑑃𑐫𑑂 𑐧𑐶𑐔𑐵𑑅 𑐫𑐵𑐂𑑋 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟𑑄 𑐡𑐞𑑂𑐜𑐫𑐵 𑐥𑐬𑐶𑐞𑐵𑐩𑐫𑐵𑐟 𑐳𑑂𑐰𑐂, 𑐥𑑂𑐬𑐟𑐶𑐱𑑀𑐢𑐵𑐟𑑂𑐩𑐎 𑐳𑐶𑐡𑑂𑐢𑐵𑐣𑑂𑐟𑑄 𑐩𑐏𑐹𑐐𑐸 𑐖𑑂𑐫𑐵𑐫𑐵 𑐗𑑂𑐰𑐮𑐫𑑂 𑐖𑐹𑐐𑐸 𑐣𑐶𑐱𑑂𑐔𑐶𑐟 𑐥𑐮𑐵𑑅𑐟𑐾𑐟 𑐮𑐶𑐦𑑅 𑐳𑑂𑐰𑐫𑐵𑑅 𑐄𑐎𑐶𑐫𑐵𑐟 𑐥𑐵𑐫𑑂𑐕𑐶 𑐳𑐖𑐵𑐫𑐣𑐵𑐥 𑐩𑐾𑐮 𑐫𑐵𑐫𑐾𑐐𑐸 𑐎𑐸𑐟𑑅 𑐫𑐵𑐂, 𑐀𑐮𑐾 𑐥𑐸𑐣𑐬𑑂𑐳𑑂𑐠𑐵𑐥𑐣𑐵𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟𑑄 𑐥𑐷𑐜𑐶𑐟 𑐰 𑐳𑐩𑐵𑐖𑐫𑐵 𑐁𑐰𑐱𑑂𑐫𑐎𑐟𑐵𑐫𑐵𑐟 𑐳𑑂𑐰𑐳𑐾𑑄 𑐰 𑐩𑐏𑐹𑐐𑐸 𑐖𑑂𑐫𑐵𑐥𑐵𑐏𑐾𑑄 𑐖𑐹𑐐𑐸 𑐣𑑀𑐎𑑂𑐳𑐵𑐣𑐷𑐫𑐵𑐟 𑐨𑐶𑑄𑐎𑐾𑐐𑐸 𑐎𑐸𑐟𑑅 𑐫𑐵𑐂𑑋 𑐥𑑂𑐬𑐟𑐶𑐱𑑀𑐢𑐵𑐟𑑂𑐩𑐎 𑐣𑑂𑐫𑐵𑐫𑐫𑐵 𑐳𑐶𑐡𑑂𑐢𑐵𑐣𑑂𑐟 𑐎𑐠𑑄 𑐣𑑂𑐫𑐵𑐫 𑐩𑐏𑐹𑐐𑐸 𑐖𑑂𑐫𑐵 𑐫𑐵𑐂𑐥𑐶𑐣𑑂𑐟 𑐳𑐖𑐵𑐫 𑐧𑐶𑐫𑐵𑑅 𑐡𑐫𑐵𑐰𑐂 𑐢𑐵𑑅𑐳𑐵 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫 (𑐐𑐸𑐧𑐮𑐾𑑄 𑐐𑐸𑐧𑐮𑐾𑑄 "𑐎𑑂𑐲𑐟𑐶𑐥𑐹𑐬𑑂𑐟𑐶𑐡𑐵𑐫𑐎 𑐣𑑂𑐫𑐵𑐫" 𑐣𑑄 𑐢𑐵𑐂) 𑐣𑑂𑐫𑐵𑐫𑐫𑐵 𑐕𑐐𑐹 𑐡𑐺𑐲𑑂𑐚𑐶𑐎𑑀𑐞 𑐏 𑐐𑐸𑐎𑐶𑐮𑐶𑑄 𑐥𑐷𑐜𑐶𑐟 𑐰 𑐀𑐥𑐬𑐵𑐢𑐷𑐫𑐵 𑐁𑐰𑐱𑑂𑐫𑐎𑐟𑐵𑐫𑐵𑐟 𑐎𑐾𑐣𑑂𑐡𑑂𑐬𑐶𑐟 𑐫𑐵𑐂𑑋

𑐥𑑂𑐮𑐾𑐚𑑀𑐣𑐶𑐎 𑐣𑑂𑐫𑐵𑐫

𑐣𑑂𑐫𑐵𑐫, 𑐥𑑂𑐮𑐾𑐚𑑀𑐫𑐵 𑐎𑐠𑑄, 𑐳𑐣𑑂𑐟𑐸𑐮𑐣 𑐰 𑐳𑐡𑑂𑐨𑐵𑐰𑐫𑐵 𑐰𑐶𑐲𑐫 𑐏𑑅 𑑋 𑐠𑑂𑐰 𑐣𑑂𑐫𑐵𑐫𑑄 𑐕𑐩𑑂𑐴 𑐧𑑂𑐫𑐎𑑂𑐟𑐶 𑐧𑐵𑐫𑑂 𑐳𑐩𑐸𑐡𑐵𑐫 𑐡𑐸𑐣𑐾𑐫𑐵 𑐡𑑂𑐰𑐣𑑂𑐡𑑂𑐰𑐥𑐹𑐬𑑂𑐞 𑐥𑐎𑑂𑐲𑐫𑐵 𑐡𑐠𑐸𑐂 𑐥𑐵𑐫𑑂𑐕𑐶𑐐𑐸 𑐳𑑂𑐰𑐵𑐥𑐹𑐫𑐵𑐟 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐂 𑑋 𑐥𑑂𑐮𑐾𑐚𑑀𑐫𑐵 𑐥𑐬𑐶𑐨𑐵𑐲𑐵 𑐎𑐠𑑄 𑐣𑑂𑐫𑐵𑐫 𑐢𑐵𑑅𑐐𑐸 "𑐳𑐎𑐳𑐶𑐣𑑄 𑐠𑑅 𑐕𑐸𑐎𑐶𑐫𑐵 𑐣𑐶𑑄𑐟𑐶𑑄 𑐖𑐶𑐩𑑂𑐩𑐾𑐰𑐵𑐬𑐷 𑐡𑐸 𑐰 𑐫𑐵𑐫𑐾𑐐𑐸 𑐣𑐵𑐥𑑄 𑐠𑑅𑐂𑐎𑐾 𑐕𑐸 𑐔𑐷𑐖 𑐡𑐸, 𑐰 𑐔𑐷𑐖𑐫𑐵 𑐴𑐎𑐡𑐵𑐬 𑐖𑐸𑐫𑐾𑐐𑐸" 𑐏𑑋 𑐀𑐬𑑂𑐠𑐵𑐟 𑐣𑑂𑐫𑐵𑐫𑐥𑐹𑐬𑑂𑐞 𑐩𑐣𑐹 𑐢𑐂𑐩𑑂𑐴 𑐠𑑅𑐐𑐸 𑐰𑐶𑐱𑐶𑐲𑑂𑐚 𑐎𑑂𑐲𑐩𑐟𑐵 𑐎𑐠𑑄 𑐳𑐩𑐵𑐖𑐫𑑂 𑐫𑑀𑐐𑐡𑐵𑐣 𑐫𑐵𑐂𑐩𑑂𑐴 𑐰 𑐠𑑅𑐐𑐸 𑐫𑑀𑐐𑐡𑐵𑐣𑐫𑐵 𑐀𑐣𑐸𑐥𑐵𑐟𑐫𑑂 𑐕𑐸 𑐳𑐩𑐵𑐖𑑄 𑐧𑐷, 𑐰 𑐴𑐾 𑐥𑑂𑐬𑐵𑐥𑑂𑐟 𑐫𑐵𑐂𑐩𑑂𑐴 𑐩𑐣𑐹 𑐏𑑅𑑋 𑐣𑑂𑐫𑐵𑐫𑐥𑐹𑐬𑑂𑐞 𑐩𑐣𑐹 𑐣𑑂𑐴𑑂𑐫𑐵𑐧𑐮𑐾𑑄 𑐥𑐵𑐫𑑂𑐕𑐶 𑐠𑐵𑐳𑐫𑑂 𑐡𑐫𑐵𑐔𑑂𑐰𑐣𑐶, 𑐰 𑐣𑑂𑐴𑑂𑐫𑐵𑐧𑐮𑐾𑑄 𑐠𑑅𑐐𑐸 𑐨𑐶𑑄𑐐𑐸 𑐖𑑂𑐫𑐵 𑐫𑐵𑐫𑐾𑐟 𑐎𑐸𑐟𑑅 𑐫𑐵𑐂, 𑐀𑐮𑐾 𑐠𑑅𑐟 𑐥𑑂𑐬𑐵𑐥𑑂𑐟 𑐖𑐹𑐐𑐸 𑐣𑑂𑐫𑐵𑐫𑑀𑐔𑐶𑐟 𑐰 𑐳𑐩𑐵𑐣 𑐰𑑂𑐫𑐰𑐴𑐵𑐬𑐫𑐵 𑐥𑑂𑐬𑐟𑐶𑐦𑐮 𑐧𑐶𑐫𑐵𑐔𑑂𑐰𑐣𑐷 𑑋 𑐠𑑂𑐰 𑐥𑐬𑐶𑐨𑐵𑐲𑐵 𑐧𑑂𑐫𑐎𑑂𑐟𑐶𑐐𑐟 𑐟𑐴𑐮𑐫𑑂 𑐰 𑐳𑑄𑐐𑐛𑐣𑐵𑐟𑑂𑐩𑐎 𑐰 𑐳𑐵𑐩𑐵𑐖𑐶𑐎 𑐟𑐴𑐮𑐫𑑂 𑐣𑐶𑐐𑐸𑐮𑐶𑑄 𑐟𑐴𑐮𑐫𑑂 𑐮𑐵𑐐𑐸 𑐖𑐸𑐂 𑑋

𑐡𑐿𑐰𑐷 𑐰 𑐣𑑂𑐫𑐵𑐫𑐫𑐵 𑐢𑐵𑐬𑑂𑐩𑐶𑐎 𑐀𑐰𑐢𑐵𑐬𑐞𑐵

𑐡𑐿𑐰𑐷𑐫 𑐁𑐡𑐾𑐱 𑐳𑐶𑐡𑑂𑐢𑐵𑐣𑑂𑐟𑐫𑐵 𑐀𑐢𑐶𑐰𑐎𑑂𑐟𑐵𑐟𑐫𑑂𑐳𑑄 𑐣𑑂𑐫𑐵𑐫 𑐣𑐵𑐥𑑄 𑐣𑐿𑐟𑐶𑐎𑐟𑐵𑐫𑐵 𑐳𑐩𑐐𑑂𑐬𑐟𑐵 𑐃𑐱𑑂𑐰𑐬𑐫𑐵 𑐁𑐢𑐶𑐎𑐵𑐬𑐶𑐎 𑐁𑐡𑐾𑐱 𑐏𑑅 𑐢𑐎𑐵𑑅 𑐰𑐬𑑂𑐞𑐣 𑐫𑐵𑑅𑑋 𑐡𑐳𑐸:𑐴𑐟𑑂𑐫𑐵 𑐫𑐵𑐫𑐾𑐐𑐸 𑐐𑐮𑐟 𑐏𑑅 𑐀𑐮𑐾 𑐳𑐖𑐵𑑃𑐫 𑐧𑐷 𑐴𑐾 𑐩𑐵𑑅 𑐕𑐵𑐫𑑂 𑐢𑐵𑑅𑐳𑐵 𑐡𑑂𑐫𑐰𑑄 𑐀𑐠𑐾 𑐢𑐫𑐵𑐡𑐷𑐐𑐸 𑐡𑐸𑑋 𑐳𑐶𑐡𑑂𑐢𑐵𑐣𑑂𑐟𑐫𑐵 𑐕𑐸𑑄 𑐳𑑄𑐳𑑂𑐎𑐬𑐞𑑄 𑐩𑐵𑐣𑐰𑐟𑐵𑐮𑐶𑐳𑐾𑐫𑐵 𑐡𑑂𑐫𑑅𑐫𑐵 𑐳𑑂𑐰𑐵𑐥𑐹𑐫𑐵 𑐥𑑂𑐬𑐎𑐺𑐟𑐶𑐫𑐵 𑐎𑐵𑐬𑐞𑑄 𑐡𑑂𑐫𑑅𑐫𑐵 𑐁𑐖𑑂𑐘𑐵 𑐩𑐵𑐣𑐾 𑐫𑐵𑐫𑐾𑐩𑐵𑑅 𑐢𑐎𑐵𑑅 𑐡𑐵𑐧𑐷 𑐫𑐵𑐂𑑋 𑐩𑐾𑐩𑐾𑐐𑐸 𑐳𑑄𑐳𑑂𑐎𑐬𑐞𑑄 𑐢𑐵𑑅𑐁 𑐡𑑂𑐫𑑅𑐫𑐵 𑐁𑐖𑑂𑐘𑐵 𑐩𑐵𑐣𑐾 𑐫𑐵𑐫𑐾𑐩𑐵𑑅 𑐕𑐵𑐫𑑂 𑐢𑐵𑑅𑐳𑐵 𑐡𑑂𑐫𑑅 𑐳𑑂𑐰𑐫𑑄 𑐨𑐶𑑄 𑐏𑑅, 𑐀𑐮𑐾 𑐠𑐸𑐎𑐠𑑄 𑐡𑑂𑐫𑑅𑐫𑐵 𑐁𑐖𑑂𑐘𑐵 𑐥𑐵𑐮𑐣𑐵 𑐫𑐵𑐫𑐾𑐐𑐸 𑐳𑐎𑐳𑐶𑐟𑑄 𑐧𑐵𑑄𑐮𑐵𑐂 𑐢𑐿𑐐𑐸 𑐧𑐶𑐔𑐵 𑐟𑐂 𑑋

𑐥𑑂𑐬𑐵𑐎𑐺𑐟𑐶𑐎 𑐣𑐶𑐫𑐩

𑐫𑐎𑑂𑐰𑐳𑐶𑐣𑑄 𑐣𑑂𑐫𑐵𑐫 𑐥𑑂𑐬𑐵𑐎𑐺𑐟𑐶𑐎 𑐎𑐵𑐣𑐹𑐣𑐫𑐵 𑐕𑐐𑐹 𑐧𑑂𑐰 𑐏 𑐢𑐎𑐵𑑅 𑐡𑐵𑐧𑐷 𑐫𑐵𑑅𑐐𑐸 𑐡𑐸 (𑐡𑐳𑐸, 𑐖𑑀𑐣 𑐮𑐎)𑑋 ^[३]

𑐣𑐶𑐬𑑄𑐎𑐸𑐱𑐟𑐵 𑐰 𑐳𑐣𑑂𑐡𑐾𑐴𑐰𑐵𑐡

𑐥𑑂𑐮𑐾𑐚𑑀𑐫𑐵 𑐬𑐶𑐥𑐧𑑂𑐮𑐶𑐎𑐫𑑂, 𑐠𑑂𑐬𑐵𑐳𑐵𑐂𑐩𑐵𑐎𑐳𑐫𑐵 𑐥𑐵𑐟𑑂𑐬𑑄 𑐣𑑂𑐫𑐵𑐫 𑐢𑐫𑐵𑐐𑐸 𑐧𑐮𑑂𑐮𑐵𑑅𑐥𑐶𑐣𑐶𑐐𑐸 𑐴𑐶𑐟 𑐏𑑅 𑐢𑐎𑐵𑑅 𑐟𑐬𑑂𑐎 𑐫𑐵𑐂 𑑋 – 𑐱𑐎𑑂𑐟𑐶𑐱𑐵𑐮𑐷 𑐰𑐵 𑐢𑐹𑐬𑑂𑐟 𑐱𑐵𑐳𑐎𑑄 𑐖𑐣𑐟𑐵𑐫𑐵𑐟 𑐕𑐸 𑐮𑐵𑐡𑐾𑐫𑐵𑑅𑐐𑐸 𑐡𑐸, 𑐄𑐎𑐶𑐫𑐵 𑐣𑐵𑑄 𑐖𑐎 𑐣𑑂𑐫𑐵𑐫 𑐏 𑐢𑐎𑐵𑑅 𑐧𑐶𑐔𑐵𑑅 𑐟𑑅𑐐𑐸 𑐡𑐸 𑑋

𑐩𑑄𑐎𑐵 𑐳𑐩𑑂𑐗𑑁𑐟𑐵

𑐳𑐵𑐩𑐵𑐖𑐶𑐎 𑐀𑐣𑐸𑐧𑑄𑐢𑐫𑐵 𑐀𑐢𑐶𑐰𑐎𑑂𑐟𑐵𑐟𑐫𑑂𑐐𑐸 𑐢𑐵𑐬𑐞𑐵 𑐎𑐠𑑄 𑐳𑐎𑐳𑐶𑐐𑐸𑑄 𑐁𑐥𑐳𑐷 𑐳𑐴𑐩𑐟𑐶𑑄 𑐣𑑂𑐫𑐵𑐫 𑐰𑐂𑑋 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟𑐫𑐵 𑐫𑐎𑑂𑐰 𑐳𑑄𑐳𑑂𑐎𑐬𑐞𑐫𑑂 𑐠𑐣𑑂𑐫𑐵𑑅𑐐𑐸 𑐳𑐵𑐩𑐵𑐖𑐶𑐎 𑐀𑐣𑐸𑐧𑐣𑑂𑐢𑐣 𑐳𑐩𑐵𑐣𑐟𑐵 𑐰 𑐥𑐹𑐬𑑂𑐰𑐵𑐐𑑂𑐬𑐴 𑐬𑐴𑐶𑐟 𑐎𑐵𑐮𑑂𑐥𑐣𑐶𑐎 𑐱𑐬𑑂𑐟𑐫𑑂 𑐳𑐩𑐵𑐖𑑄 𑐫𑐵𑑅𑐐𑐸 𑐳𑐴𑐩𑐟𑐶 𑐏𑑋 𑐠𑑂𑐰 𑐰𑐶𑐰𑐬𑐞𑐫𑐵𑐟 𑐀𑐗 𑐎𑑂𑐰𑐳𑑄 ' 𑐣𑑂𑐫𑐵𑐫𑐫𑐵 𑐬𑐸𑐥𑐫𑑂 𑐣𑐶𑐲𑑂𑐥𑐎𑑂𑐲𑐟𑐵 ' 𑐀𑐣𑑂𑐟𑐬𑑂𑐐𑐟 𑐧𑐶𑐔𑐵𑑅 𑐫𑐵𑐣𑐵𑐟𑑅𑐐𑐸 𑐡𑐸 𑑋 𑐥𑐹𑐬𑑂𑐰𑐵𑐐𑑂𑐬𑐴𑐫𑐵 𑐀𑐨𑐵𑐰𑑄 𑐀𑐳𑐴𑐩𑐟𑐶𑐂 (𑐰𑐵 𑐩𑐸𑐡𑑂𑐡𑐵𑐫𑑂) 𑐳𑑄𑐮𑐐𑑂𑐣 𑐳𑐎𑐮 𑐩𑐣𑐹𑐟𑐫𑑂𑐐𑐸 𑐣𑐶𑑄𑐟𑐶𑑄 𑐳𑐩𑐵𑐣 𑐁𑐢𑐵𑐬𑐫𑐵𑐟 𑐳𑑄𑐎𑐾𑐟 𑐫𑐵𑐂𑑋

𑐀𑐢𑐷𑐣𑐳𑑂𑐠 𑐩𑐹

𑐖𑑀𑐣 𑐳𑑂𑐚𑐸𑐀𑐬𑑂𑐚 𑐩𑐶𑐮 𑐠𑐾𑑄 𑐣𑑂𑐫𑐵𑑅𑐥𑐶𑑄 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐔𑐶𑐣𑑂𑐟𑐎𑐟𑐫𑑂𑐐𑐸 𑐎𑐠𑑄 𑐣𑑂𑐫𑐵𑐫 𑐗𑐷𑐳𑑄 𑐥𑑂𑐬𑐵𑐫𑑅 𑐧𑐶𑐔𑐵𑑅 𑐫𑐵𑐣𑐵 𑐠𑐾𑑄 𑐩𑑁𑐮𑐶𑐎 𑐩𑐏𑐸 𑑋 𑐧𑐬𑐸 𑐠𑑂𑐰 𑐥𑐬𑐶𑐞𑐵𑐩𑐰𑐵𑐡𑐫𑐵 𑐁𑐢𑐵𑐬𑐨𑐹𑐟 𑐩𑐵𑐥𑐡𑐞𑑂𑐜𑐫𑐵 𑐮𑐶𑐔𑑂𑐰𑑅 𑐏: "𑐕𑐸 𑐥𑐵𑐫𑑂𑐕𑐶 𑐏?"𑐫𑐵 𑐮𑐶𑐳𑑅 "𑐕𑐸𑐎𑐶𑐮𑐶𑑄 𑐡𑐎𑐮𑐫𑑂 𑐧𑐵𑑄𑐮𑐵𑑅𑐐𑐸 𑐥𑐬𑐶𑐞𑐵𑐩 𑐡𑐫𑐾𑐎𑐶" 𑐰 𑐴𑐾 𑐥𑐵𑐫𑑂𑐕𑐶 𑐏𑑋 𑐥𑐬𑐶𑐞𑐵𑐩 𑐳𑐵𑐩𑐵𑐣𑑂𑐫𑐎𑐠𑑄 𑐎𑐸𑐮 𑐰𑐵 𑐍𑐳𑐟 𑐎𑐮𑑂𑐫𑐵𑐞𑐫𑐵 𑐬𑐸𑐥𑐫𑑂 𑐮𑑂𑐫𑐵𑐏𑐵𑐂𑑋 𑐀𑐠𑐾 𑐖𑐸𑐫𑐵𑑅 𑐣𑑂𑐫𑐵𑐫𑐫𑐵 𑐄𑐔𑐶𑐟 𑐳𑐶𑐡𑑂𑐢𑐵𑐣𑑂𑐟 𑐢𑐂𑐐𑐸 𑐡𑐎𑐮𑐫𑑂 𑐧𑐵𑑄𑐮𑐵𑑅𑐐𑐸 𑐮𑐶𑐔𑑂𑐰𑑅 𑐥𑐶𑐎𑐵𑐫𑐾𑐐𑐸 𑐥𑑂𑐬𑐰𑐺𑐟𑑂𑐟𑐶 𑐡𑐸𑐐𑐸 𑐳𑐶𑐡𑑂𑐢𑐵𑐣𑑂𑐟 𑐏𑑅 𑑋 𑐠𑐸𑐥𑐶𑑄 𑐣𑐶𑐫𑐩𑐟 𑐣𑐶𑐐𑐸 𑐥𑐎𑑂𑐲 𑐡𑐠𑐸𑐂 𑐫𑐵𑐂𑐐𑐸 𑐳𑐩𑑂𑐩𑐟𑐶 𑐠𑐾𑑄𑐖𑑂𑐫𑐵𑑅𑐐𑐸 𑐠𑐵𑐳𑐫𑑂 𑐖𑑂𑐫𑐵 𑐧𑐷 ; 𑐟𑐬 𑐣𑐵𑐥𑑄, 𑐰𑐵𑐳𑑂𑐟𑐰𑐶𑐎 𑐮𑐶𑐔𑑂𑐰𑑅𑐫𑐵 𑐧𑐵𑐬𑐾 𑐟𑐠𑑂𑐫𑐫𑐵 𑐁𑐢𑐵𑐬 𑐩𑐡𑐫𑐾𑐦𑐹𑑋 𑐩𑐶𑐮𑑄 𑐣𑑂𑐫𑐵𑐫 𑐀𑐟𑑂𑐫𑐢𑐶𑐎 𑐩𑐴𑐟𑑂𑐰𑐥𑐹𑐬𑑂𑐞 𑐏𑑅 𑐢𑐂𑐐𑐸 𑐗𑐷𑐐𑐸 𑐐𑐮𑑂𑐟𑐷𑐥𑐹𑐬𑑂𑐞 𑐰𑐶𑐱𑑂𑐰𑐵𑐳𑐫𑐵𑐟 𑐰𑑂𑐫𑐵𑐏𑑂𑐫𑐵 𑐫𑐵𑐫𑐾𑐟 𑐳𑑂𑐰𑐂𑑋 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐰𑐫𑑂𑐎𑐮𑑄 𑐠𑑂𑐰 𑐟𑐬𑑂𑐎 𑐧𑐶𑐫𑐵𑐡𑐶𑐮: 𑐠𑑂𑐰 𑐨𑐵𑐰𑐣𑐵 𑐣𑐶𑐐𑐸 𑐥𑑂𑐬𑐵𑐎𑐺𑐟𑐶𑐎 𑐩𑐵𑐣𑐰𑐷𑐫 𑐥𑑂𑐬𑐰𑐺𑐟𑑂𑐟𑐶𑑄 𑐰𑑅𑐐𑐸 𑐏: 𑐗𑐷𑐟 𑐩𑐨𑐶𑑄𑐐𑐸 𑐫𑐵𑑅𑐥𑐶𑑄𑐎𑐾 𑐥𑑂𑐬𑐟𑐶𑐱𑑀𑐢 𑐎𑐵𑐫𑐾𑐐𑐸 𑐗𑐶𑐐𑐸 𑐂𑐔𑑂𑐕𑐵 (𑐰𑐵 𑐁𑐟𑑂𑐩𑐬𑐎𑑂𑐲𑐵𑐫𑐵 𑐨𑐵𑐰𑐣𑐵) 𑐰 𑐗𑐷𑐳𑑄 𑐠𑑅𑐟 𑐎𑐮𑑂𑐥𑐣𑐵𑐱𑐷𑐮 𑐬𑐸𑐥𑑄 𑐩𑐾𑐩𑑂𑐴𑐳𑐶𑐫𑐵 𑐠𑐵𑐳𑐫𑑂 𑐟𑐫𑐾𑐐𑐸 𑐎𑑂𑐲𑐩𑐟𑐵, 𑐳𑐴𑐵𑐣𑐸𑐨𑐹𑐟𑐶𑑋 𑐄𑐎𑐶𑑄 𑐳𑐸𑐫𑐵𑐟𑑄 𑐣𑑀𑐎𑑂𑐳𑐵𑐣 𑐖𑐹𑐐𑐸 𑐏𑐣𑐾𑐰𑑄 𑐗𑐷𑐳𑑄 𑐠𑑅𑐟 𑐰𑐫𑐵𑐐𑐸 𑐀𑐰𑐳𑑂𑐠𑐵𑐫𑑂 𑐟𑐫𑐵𑑅 𑐰𑐫𑐵𑐐𑐸 𑐥𑐵𑐏𑐾𑑄 𑐥𑑂𑐬𑐟𑐶𑐱𑑀𑐢 𑐫𑐵𑐫𑐾𑐐𑐸 𑐂𑐔𑑂𑐕𑐵 𑐧𑑂𑐰𑐮𑐣𑐷 𑑋 𑐫𑐡𑐶 𑐠𑑂𑐰 𑐥𑑂𑐬𑐎𑑂𑐬𑐶𑐫𑐵 𑐴𑐾 𑐣𑑂𑐫𑐵𑐫𑐫𑐵 𑐧𑐵𑐬𑐾 𑐗𑐷𑐐𑐸 𑐨𑐵𑐰𑐣𑐵𑐫𑐵 𑐳𑑂𑐬𑑀𑐟 𑐏𑑅𑐳𑐵 𑐠𑐣𑑂𑐫𑐵𑑅𑐐𑐸 𑐗𑐷𑐐𑐸 𑐰𑐶𑐱𑑂𑐰𑐵𑐳𑐫𑐵𑐟 𑐩𑑂𑐴𑑀 𑐫𑐵𑐫𑐾𑐩𑐵𑑅 𑑋

𑐳𑐶𑐡𑑂𑐢𑐵𑐣𑑂𑐟

𑐣𑑂𑐫𑐵𑐫𑐫𑐵 𑐳𑐵𑐢𑐣𑐵𑐟𑑂𑐩𑐎 𑐳𑐶𑐡𑑂𑐢𑐵𑐣𑑂𑐟𑐟

𑐣𑑂𑐫𑐵𑐫𑐫𑐵 𑐳𑐵𑐢𑐣𑐵𑐟𑑂𑐩𑐎 𑐳𑐶𑐡𑑂𑐢𑐵𑐣𑑂𑐟𑑄 𑐣𑑂𑐫𑐵𑐫𑐫𑐵𑐟 𑐩𑐏𑐸𑐐𑐸 𑐖𑑂𑐫𑐵 𑐫𑐵𑑅𑐐𑐸𑐫𑐵 𑐳𑐖𑐵𑑃𑐫𑐫𑐵 𑐮𑐶𑐔𑑂𑐰𑑅𑐫𑐵 𑐁𑐢𑐵𑐬𑐫𑑂 𑐳𑑂𑐰𑐂, 𑐐𑐠𑐾𑐎𑐶 :

𑐕𑐵𑐫𑑂 𑐳𑐖𑐵𑑃𑐫 𑐧𑐷𑐐𑐸 ?
𑐳𑐸𑐫𑐵𑐟 𑐳𑐖𑐵𑑃𑐫 𑐧𑐷𑐐𑐸 ?
𑐂𑐩𑐶𑐟 𑐕𑐸 𑐳𑐖𑐵𑑃𑐫 𑐧𑐷𑐐𑐸 ?

𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐣𑑂𑐫𑐵𑐫

𑐄𑐥𑐫𑑀𑐐𑐶𑐟𑐵𑐰𑐵𑐡𑐷𑐫𑐵 𑐎𑐠𑑄 𑐣𑑂𑐫𑐵𑐫 𑐢𑐂𑐐𑐸 𑐳𑐩𑑂𑐧𑐣𑑂𑐢𑐶𑐟 𑐦𑐸𑐎𑑂𑐎 𑐰𑑂𑐫𑐎𑑂𑐟𑐶𑐫𑐵 𑐎𑐸𑐮 𑐰𑐵 𑐍𑐳𑐟 𑐎𑐮𑑂𑐫𑐵𑐞𑐫𑐵 𑐀𑐢𑐶𑐎𑐟𑐩𑐟𑐵 𑐏𑑅 𑑋 𑐄𑐥𑐫𑑀𑐐𑐶𑐟𑐵𑐰𑐵𑐡𑑄 𑐀𑐥𑐬𑐵𑐢𑐮𑐶𑐳𑐾 𑐳𑑂𑐰𑑄𑐐𑐹 𑐎𑐠𑑄 𑐮𑑂𑐰𑐵𑐂 : ^[४]

𑐣𑐶𑐰𑐵𑐬𑐞 𑑋 𑐳𑐖𑐵𑐫𑐫𑐵 𑐰𑐶𑐱𑑂𑐰𑐳𑐣𑐷𑐫 𑐏𑑂𑐫𑐵𑐔𑑂𑐰𑐮𑑄 𑐩𑐣𑐹𑐟𑐫𑑂𑐟 𑐠𑐷𑐠𑐷 𑐰𑐶𑐎𑐮𑑂𑐥 𑐮𑑂𑐫𑐫𑐾𑐟 𑐥𑑂𑐬𑐾𑐬𑐶𑐟 𑐫𑐵𑐫𑐾𑐦𑐸; 𑐧𑐵𑑄𑐮𑐵𑐎 𑐜𑐶𑐖𑐵𑐂𑐣 𑐫𑐵𑐣𑐵𑐟𑑅𑐐𑐸 𑐏𑑂𑐫𑐵𑐔𑑂𑐰𑐮𑑄 𑐩𑐣𑐹𑐟𑐫𑑂𑐟 𑐎𑐮𑑂𑐫𑐵𑐞 𑐀𑐥𑑂𑐰𑐫𑐾𑐎𑐾𑐐𑐸 𑐰𑐶𑐎𑐮𑑂𑐥 𑐮𑑂𑐫𑐫𑐾𑐟 𑐥𑑂𑐬𑐾𑐬𑐶𑐟 𑐫𑐵𑐫𑐾𑐦𑐸 𑑋 𑐠𑑂𑐰 𑐣𑑂𑐫𑐵𑐫𑑀𑐔𑐶𑐟 𑐳𑐖𑐵𑐫𑐫𑐵 𑐳𑐶𑐡𑑂𑐢𑐵𑐣𑑂𑐟 𑐣𑐵𑐥𑑄 𑐡𑐞𑑂𑐜 𑐀𑐥𑐬𑐵𑐢𑐫𑐵 𑐀𑐣𑐸𑐥𑐵𑐟𑐫𑑂 𑐖𑐸𑐂𑐩𑐵𑑅 𑐢𑐿𑐐𑐸 𑐏𑑃𑐫𑑂 𑐩𑐾𑐮 𑐣𑑅𑑋 𑐳𑐦𑐮 𑐣𑐶𑐰𑐵𑐬𑐞𑑄 𑐀𑐥𑐬𑐵𑐢𑐫𑐵 𑐟𑐠𑑂𑐫𑐵𑑄𑐎 𑐩𑑂𑐴𑑂𑐰 𑐫𑐵𑐂 𑑋 ^[५]
𑐥𑐸𑐣𑐬𑑂𑐰𑐵𑐳 𑑋 𑐳𑐖𑐵𑑃𑐫𑑄 "𑐧𑐵𑑄𑐩𑐮𑐵𑑅𑐥𑐶𑑄 𑐩𑐣𑐹𑐟"𑐫𑐵𑐟 "𑐧𑐵𑑄𑐮𑐵𑑅𑐥𑐶𑑄" 𑐡𑐫𑐾𑐎𑐾𑐦𑐸 𑑋 𑐄𑐥𑐫𑑀𑐐𑐶𑐟𑐵𑐰𑐵𑐡𑐷𑐫𑐵 𑐣𑐶𑑄𑐟𑐶𑑄 "𑐧𑐵𑑄𑐩𑐮𑐵𑐩𑑂𑐴 𑐩𑐣𑐹"𑐫𑐵 𑐀𑐬𑑂𑐠 𑐡𑐎𑑂𑐰𑑄 "𑐩𑐏𑐹𑐐𑐸 𑐖𑑂𑐫𑐵 (𑐐𑐠𑐾𑐎𑐶 𑐡𑐸𑑅𑐏) 𑐫𑐵𑐫𑐾𑐐𑐸 𑐳𑐩𑑂𑐨𑐵𑐰𑐣𑐵 𑐡𑐸𑐩𑑂𑐴 𑐩𑐣𑐹" 𑐏𑑋 𑐀𑐠𑐾 𑐖𑐸𑐫𑐵𑑅 𑐄𑐥𑐫𑑀𑐐𑐶𑐟𑐵𑐰𑐵𑐡𑑄 𑐳𑐸𑐫𑐵𑐟𑑄 𑐠𑐠𑐾 𑐎𑐠𑑄 𑐴𑐶𑐮𑐵𑐧𑐷𑐐𑐸 𑐳𑐖𑐵𑐫𑐫𑐵 𑐳𑐶𑐦𑐵𑐬𑐶𑐳 𑐫𑐵𑐂 𑐎𑐶 𑐂𑐩𑐶𑐳𑑄 𑐧𑐵𑑄𑐩𑐮𑐵𑑅𑐐𑐸 𑐖𑑂𑐫𑐵 𑐫𑐵𑐫𑐾𑐐𑐸 𑐳𑐩𑑂𑐨𑐵𑐰𑐣𑐵 𑐴𑐾 𑐩𑑂𑐴𑑀 𑐖𑐸𑐂 𑑋 𑐳𑐦𑐮 𑐥𑐸𑐣𑐬𑑂𑐰𑐵𑐳𑑄 𑐥𑐸𑐣𑐬𑐵𑐰𑐺𑐟𑑂𑐟𑐶 𑐩𑑂𑐴𑑂𑐰 𑐫𑐵𑐂 𑑋 ^[६]
𑐳𑐸𑐬𑐎𑑂𑐲𑐵 / 𑐀𑐳𑐎𑑂𑐲𑐩𑐟𑐵 𑑋 𑐕𑐸𑑄 𑐩𑐣𑐹𑐟 𑐧𑐵𑑄𑐩𑐮𑐵𑑅𑐐𑐸 𑐖𑑂𑐫𑐵𑐫𑑂 𑐮𑐶𑐥𑑂𑐟 𑐖𑐸𑐫𑐵 𑐂𑐩𑐶𑐟 𑐳𑐩𑐵𑐖𑑄 𑐳𑐸𑐢𑐵𑐬 𑐴𑐾 𑐫𑐵𑐫𑐾 𑐩𑐦𑐂𑐐𑐸 𑐖𑐸𑐂𑐦𑐸𑑋 𑐀𑐠𑐾 𑐏𑑅𑐳𑐵 𑐂𑐩𑐶𑐟 𑐖𑐾𑐮𑐫𑑂 𑐟𑐫𑐾𑐐𑐸 𑐖𑑂𑐫𑐵𑑄 𑐂𑐩𑐶𑐟 𑐣𑑀𑐎𑑂𑐳𑐵𑐣 𑐫𑐵𑐫𑐾𑐐𑐸 𑐀𑐰𑐳𑐬𑐫𑐵𑐟 𑐳𑐷𑐩𑐶𑐟 𑐫𑐵𑐳𑐾𑑄 𑐳𑐩𑐵𑐖𑐫𑐵 𑐎𑐮𑑂𑐫𑐵𑐞𑐫𑐵𑐟 𑐀𑐢𑐶𑐎𑐟𑐩 𑐫𑐵𑐫𑐾𑐦𑐹𑐐𑐸 𑐀𑐰𑐢𑐵𑐬𑐞𑐵𑑋

𑐎𑐮𑑂𑐫𑐵𑐞-𑐀𑐢𑐶𑐎𑐟𑐩𑐎𑐬𑐞

𑐄𑐥𑐫𑑀𑐐𑐶𑐟𑐵𑐰𑐵𑐡𑐷𑐫𑐵 𑐎𑐠𑑄 𑐣𑑂𑐫𑐵𑐫𑐫𑐵 𑐣𑐶𑑄𑐟𑐶𑑄 𑐳𑐩𑑂𑐧𑐣𑑂𑐢𑐶𑐟 𑐦𑐸𑐎𑑂𑐎 𑐰𑑂𑐫𑐎𑑂𑐟𑐶𑐫𑐵 𑐎𑐸𑐮 𑐰𑐵 𑐍𑐳𑐟 𑐎𑐮𑑂𑐫𑐵𑐞𑐫𑐵𑐟 𑐀𑐢𑐶𑐎𑐟𑐩 𑐫𑐵𑐫𑐾𑐩𑐵𑑅 𑑋 ^[७] 𑐠𑐸𑐎𑐶𑐫𑐵 𑐣𑐶𑑄𑐟𑐶𑑄 𑐩𑐾𑐥𑐶𑐣𑐶𑐐𑐸 𑐨𑐶𑑄 𑐖𑐸𑐂𑐐𑐸 𑐣𑐶𑑄𑐟𑐶𑑄 𑐕𑐸𑑄 𑐕𑐸𑑄 𑐟𑑂𑐫𑐵𑐐 𑐫𑐵𑐫𑐾𑐩𑐵𑐮𑐷𑐦𑐸: 𑐠𑐣𑑂𑐫𑐵𑑅𑐐𑐸 𑐟𑑂𑐫𑐵𑐐𑑄 𑐳𑐎𑐳𑐶𑐐𑐸𑑄 𑐨𑐶𑑄 𑐖𑐸𑐂𑐐𑐸 𑐣𑐶𑐲𑑂𑐥𑐎𑑂𑐲 𑐎𑐠𑑄 𑐏𑐣𑐾𑐡𑑅𑐳𑐵𑑋 𑐄𑐥𑐫𑑀𑐐𑐶𑐟𑐵𑐰𑐵𑐡 𑐎𑐠𑑄 𑐕𑐸𑑄 𑐣𑑄 𑐖𑑂𑐫𑐵, 𑐳𑑄𑐳𑑂𑐠𑐵, 𑐰𑐵 𑐳𑐎𑐮 𑐴𑐮𑐶𑑄𑐫𑐵 𑐍𑐔𑐶𑐟𑑂𑐫𑐫𑐵 𑐩𑐵𑐥𑐡𑐞𑑂𑐜, 𑐣𑐶𑐲𑑂𑐥𑐎𑑂𑐲 𑐎𑐮𑑂𑐫𑐵𑐞𑐎𑐵𑐬𑐷 𑐥𑐬𑐶𑐞𑐵𑐩𑐰𑐵𑐡 𑐏𑑅𑑋 𑐠𑑂𑐰 𑐢𑐵𑐬𑐞𑐵 𑐎𑐠𑑄 𑐣𑑂𑐫𑐵𑐫𑐫𑐵 𑐀𑐥𑑂𑐬𑐟𑑂𑐫𑐎𑑂𑐲 𑐬𑐸𑐥𑑄 𑐖𑐎 𑐀𑐢𑐶𑐎𑐵𑐬, 𑐳𑐩𑑂𑐥𑐟𑑂𑐟𑐶, 𑐁𑐰𑐱𑑂𑐫𑐎𑐟𑐵, 𑐰𑐵 𑐩𑐾𑐐𑐸 𑐕𑐸𑑄 𑐣𑑄 𑐐𑐿𑐬-𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐩𑐵𑐥𑐡𑐞𑑂𑐜𑐮𑐶𑐳𑐾 𑐳𑑂𑐰𑐵𑐥𑐹 𑐡𑐸𑑋 𑐠𑐸𑐥𑐶𑑄 𑐩𑐾𑐐𑐸 𑐩𑐵𑐥𑐡𑐞𑑂𑐜𑐟𑐾𑐐𑐸 (𑐀𑐢𑐶𑐎𑐵𑐬, 𑐳𑐩𑑂𑐥𑐟𑑂𑐟𑐶, 𑐁𑐰𑐱𑑂𑐫𑐎𑐟𑐵) 𑐀𑐥𑑂𑐬𑐟𑑂𑐫𑐎𑑂𑐲 𑐬𑐸𑐥𑑄 𑐩𑐴𑐟𑑂𑐰 𑐡𑐸𑑋 𑐠𑑂𑐰 𑐩𑐵𑐥𑐡𑐞𑑂𑐜𑐟𑐾𑐐𑐸 𑐩𑐵𑐣𑐰 𑐎𑐮𑑂𑐫𑐵𑐞 𑐣𑐵𑐥 𑐳𑑂𑐰𑐵𑐥𑐹 𑐡𑑅𑐐𑐸𑐮𑐶𑑄 𑐖𑐎 𑐣𑐶𑑄𑐟𑐶𑑄 𑐂𑐩𑐶𑐐𑐸 𑐩𑐴𑐟𑑂𑐟𑑂𑐰 𑐡𑐹𑐐𑐸 𑐏𑑋 𑐟𑐬 𑐀𑐠𑐾 𑐖𑐸𑐳𑐵𑑄 𑐩𑐵𑐣𑐰 𑐀𑐢𑐶𑐎𑐵𑐬 𑐠𑐾𑑄𑐖𑑂𑐫𑐵𑑅𑐐𑐸 𑐀𑐢𑐶𑐎𑐵𑐬 𑐳𑐩𑐐𑑂𑐬 𑐎𑐮𑑂𑐫𑐵𑐞𑐫𑐵 𑐡𑐸𑐣𑐾𑐫𑐵 𑐟𑐟𑑂𑐰 𑐖𑐎 𑐖𑐸𑐂, 𑐥𑐵𑐬 𑐫𑐵𑐫𑐾𑐩𑐦𑐂𑐐𑐸 𑐥𑑄𑐐𑑅 𑐢𑐵𑑅𑐳𑐵 𑐖𑐸𑐂𑐩𑐏𑐸 𑑋

𑐥𑑂𑐬𑐟𑐶𑐱𑑀𑐢𑐵𑐟𑑂𑐩𑐎 𑐰𑐵 𑐥𑑂𑐬𑐟𑐶𑐡𑐞𑑂𑐜𑐵𑐟𑑂𑐩𑐎 𑐣𑑂𑐫𑐵𑐫

𑐥𑑂𑐬𑐟𑐶𑐱𑑀𑐢𑐵𑐟𑑂𑐩𑐎 𑐣𑑂𑐫𑐵𑐫𑑄 𑐥𑐬𑐶𑐞𑐵𑐩𑐰𑐵𑐡 𑐐𑐮𑐟 𑐏𑑅 𑐢𑐎𑐵𑑅 𑐟𑐬𑑂𑐎 𑐫𑐵𑐂𑑋 𑐠𑑂𑐰 𑐰𑐶𑐔𑐵𑑅 𑐎𑐠𑑄 𑐳𑐖𑐵𑐫 𑐀𑐥𑐬𑐵𑐢𑐫𑐵 𑐀𑐣𑐸𑐥𑐵𑐟𑐫𑑂 𑐰 𑐳𑐎𑐮 𑐡𑑀𑐲𑐷𑐫𑐵 𑐣𑐶𑑄𑐟𑐶𑑄 𑐖𑐸𑐂𑐩𑐵𑑅𑑋 𑐠𑑂𑐰 𑐰𑐶𑐱𑑂𑐰𑐵𑐳𑐫𑐵 𑐁𑐢𑐵𑐬𑐫𑑂 𑐳𑐎𑐮 𑐡𑑀𑐲𑐷 𑐰𑑂𑐫𑐎𑑂𑐟𑐶𑐟 𑐄𑐔𑐶𑐟 𑐳𑐖𑐵𑐫𑐫𑐵 𑐴𑐎𑐡𑐵𑐬 𑐏𑑅 𑐢𑐎𑐵𑑅 𑐟𑐬𑑂𑐎 𑐫𑐵𑐂 𑑋 ^[८] 𑐟𑐬 𑐐𑐧𑐮𑐾𑑄 𑐐𑐧𑐮𑐾𑑄 𑐥𑑂𑐬𑐟𑐶𑐱𑑀𑐢𑐰𑐵𑐡 𑐧𑐡𑐮𑐵𑐫𑐵 𑐎𑐵𑐣𑐹𑐣𑐷 𑐬𑐸𑐥 𑐖𑐎 𑐏𑑅 𑐢𑐎𑐵𑑅 𑐣𑑄 𑐢𑐵𑐂 𑑋 ^[९] 𑐟𑐬 𑐥𑑂𑐬𑐟𑐶𑐡𑐞𑑂𑐜 𑐰 𑐧𑐡𑐮𑐵 𑐡𑐠𑐸𑐂 𑐨𑐶𑐣𑑂𑐣𑐟𑐵 𑐡𑐸 : 𑐥𑑂𑐬𑐟𑐶𑐡𑐞𑑂𑐜 𑐣𑐶𑐲𑑂𑐥𑐎𑑂𑐲 𑐰 𑐀𑐥𑐬𑐵𑐢𑐫𑐵 𑐳𑑂𑐟𑐬𑐫𑑂 𑐖𑐸𑐂 𑐢𑐵𑑅𑐳𑐵 𑐧𑐡𑐮𑐵 𑐰𑑂𑐫𑐎𑑂𑐟𑐶𑐐𑐟 𑐰 𑐀𑐳𑐷𑐩𑐶𑐟 𑐖𑐸𑐂 𑑋 ^[१०]

𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫

𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫𑑄 𑐥𑐷𑐜𑐶𑐟𑐟𑐫𑑂𑐟 𑐖𑐹𑐐𑐸 𑐣𑑀𑐎𑑂𑐳𑐵𑐣𑐷𑐫𑐵𑐟 𑐨𑐶𑑄𑐎𑐾𑐐𑐸 𑐎𑐸𑐟𑑅 𑐫𑐵𑐂 𑑋 ^[११] 𑐠𑐸𑐎𑐶𑑄 𑐥𑐷𑐜𑐶𑐟𑐟𑐫𑑂𑐐𑐸 𑐳𑐎𑑂𑐬𑐶𑐫 𑐳𑐴𑐨𑐵𑐐𑐶𑐟𑐵𑐫𑐵𑐟 𑐥𑑂𑐬𑑀𑐟𑑂𑐳𑐵𑐴𑐣 𑐫𑐵𑐂 𑐀𑐮𑐾 𑐀𑐥𑐬𑐵𑐢𑐷𑐟𑐫𑑂𑐟 𑐠𑑅𑐐𑐸 𑐖𑑂𑐫𑐵𑐫𑐵 𑐖𑐶𑐩𑑂𑐩𑐾𑐰𑐵𑐬𑐷 𑐎𑐵𑐫𑐾𑐟 𑐥𑑂𑐬𑑀𑐟𑑂𑐳𑐵𑐴𑐣 𑐫𑐵𑐂𑑋 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫 𑐥𑐡𑑂𑐢𑐟𑐶𑐂 𑐥𑐷𑐜𑐶𑐟 𑐰 𑐀𑐥𑐬𑐵𑐢𑐷 𑐡𑐠𑐸𑐂 𑐳𑑄𑐰𑐵𑐡𑐫𑐵𑐟 𑐧𑐮𑑂𑐮𑐵𑐎𑐷 𑐰 𑐥𑐷𑐜𑐶𑐟 𑐳𑐣𑑂𑐟𑐸𑐲𑑂𑐚𑐶 𑐰 𑐀𑐥𑐬𑐵𑐢𑐷𑐫𑐵 𑐖𑐰𑐵𑐦𑐡𑐾𑐴𑐷𑐫𑐵 𑐡𑐎𑐮𑐫𑑂 𑐨𑐶𑑄𑐐𑐸 𑐮𑐶𑐔𑑂𑐰𑑅 𑐎𑑂𑐫𑐣𑐷 𑑋 𑐥𑐸𑐣𑐬𑑂𑐳𑑂𑐠𑐵𑐥𑐣𑐵 𑐣𑑂𑐫𑐵𑐫𑐫𑐵 𑐥𑑂𑐬𑐨𑐵𑐰𑐎𑐵𑐬𑐶𑐟𑐵𑐫𑐵 𑐩𑐾𑐚𑐵-𑐊𑐣𑐵𑐮𑐵𑐂𑐳𑐶𑐳𑑄 𑐥𑐸𑐣𑐬𑐵𑐰𑐺𑐟𑑂𑐟𑐶𑐂 𑐕𑐸𑑄 𑐳𑐸𑐢𑐵𑐬 𑐎𑑂𑐫𑑄𑐐𑐸 𑐩𑐡𑐸 𑑋 ^[१२]

𑐮𑑂𑐰𑐵𑐎𑐖𑑂𑐫𑐵𑑅𑐐𑐸 𑐳𑐶𑐡𑑂𑐢𑐵𑐣𑑂𑐟

𑐕𑐸𑑄 𑐁𑐢𑐸𑐣𑐶𑐎 𑐡𑐵𑐬𑑂𑐱𑐣𑐶𑐎𑐟𑐳𑐾𑑄 𑐢𑐵𑑅𑐐𑐸 𑐡𑐸 𑐎𑐶 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐰 𑐥𑑂𑐬𑐟𑐶𑐱𑑀𑐢𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟 𑐥𑐬𑐳𑑂𑐥𑐬 𑐨𑐶𑐣𑑂𑐣 𑐩𑐏𑐸𑑋 𑐐𑐠𑐾𑐎𑐶 𑐊𑐣𑑂𑐜𑑂𑐬𑐫𑐹 𑐨𑐣 𑐴𑐶𑐬𑑂𑐱𑑄 𑐳𑐣𑑂 𑑑𑑙𑑗𑑖𑐫𑑂 𑐥𑐶𑐡𑑄𑐐𑐸 𑐠𑑅𑐐𑐸 𑐳𑐦𑐹 𑐜𑐸𑐂𑐒 𑐖𑐳𑑂𑐚𑐶𑐳𑐫𑑂 𑐳𑐸𑐗𑐵𑐰 𑐧𑐶𑐫𑐵𑐡𑐷𑐐𑐸 𑐡𑐸 𑐎𑐶 𑐗𑐷𑐎𑐾 𑐩𑑂𑐴𑑀 𑐀𑐥𑐬𑐵𑐢 𑐳𑑂𑐰𑐫𑐵𑑄 𑐟𑑅𑐢𑑄𑐐𑐸 𑐀𑐥𑐬𑐵𑐢𑐫𑐵𑐟 𑐀𑐥𑑂𑐰𑑅 𑐳𑐖𑐵𑐫 𑐧𑐷𑐐𑐸 𑐣𑐿𑐟𑐶𑐎 𑐡𑐵𑐫𑐶𑐟𑑂𑐰 𑐡𑐸 𑑋 ^[१३] 𑐐𑐧𑐮𑐾 𑐟𑐎 𑐗𑐷𑐳𑑄 𑐠𑐸𑐎𑐶𑐫𑐵𑐟 𑐥𑐵𑐮𑐣 𑐫𑐵𑐫𑐾𑐐𑐸 𑐖𑐸𑐂 𑐀𑐧𑐶𑐮𑐾 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐁𑐡𑐬𑑂𑐱𑑄 𑐕𑐐𑐹 𑐩𑐴𑐟𑑂𑐰𑐥𑐹𑐬𑑂𑐞 𑐐𑑁𑐞 𑐨𑐹𑐩𑐶𑐎𑐵 𑐩𑑂𑐴𑐶𑐟𑐷 𑑋

𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫

Lex, justitia, pax ( 𑐮𑐵𑐚𑐶𑐣 𑐨𑐵𑐳𑑄 "𑐎𑐵𑐣𑐹𑐣, 𑐣𑑂𑐫𑐵𑐫, 𑐱𑐵𑐣𑑂𑐟𑐶") 𑐳𑑂𑐰𑐷𑐚𑑂𑐖𑐬𑐮𑑂𑐫𑐵𑐞𑑂𑐜𑐫𑐵 𑐳𑐬𑑂𑐰𑑀𑐔𑑂𑐔 𑐀𑐡𑐵𑐮𑐟𑐫𑐵 𑐥𑐾𑐜𑐶𑐩𑐾𑐣𑑂𑐚𑐫𑑂

𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫𑐫𑐵 𑐳𑐶𑐡𑑂𑐢𑐵𑐣𑑂𑐟𑑄 𑐳𑑂𑐰𑑄𑐐𑐹 𑐣𑑂𑐴𑑂𑐫𑐳𑑅𑐫𑐵 𑐮𑐶𑐳𑑅 𑐧𑐷𑐩𑐵𑑅 𑑋

𑐕𑐸 𑐕𑐸 𑐔𑐷𑐖 𑐂𑐣𑐾𑐐𑐸 ? 𑐠𑑂𑐰 𑐂𑐣𑐾𑐐𑐸 𑐔𑐷𑐖 𑐢𑐣, 𑐱𑐎𑑂𑐟𑐶, 𑐳𑐩𑑂𑐩𑐵𑐣, 𑐀𑐰𑐳𑐬 𑐰𑐵 𑐠𑐸𑐥𑐶𑑄 𑐧𑐳𑑂𑐟𑐸𑐫𑐵 𑐕𑐸𑑄 𑐳𑑄𑐫𑑀𑐖𑐣 𑐖𑐸𑐂𑐐𑐸 𑐏𑑅 𑐮𑐵 ?
𑐠𑐠𑐾 𑐂𑐣𑐾𑐐𑐸 𑐔𑐷𑐖 𑐐𑐸𑐐𑐸 𑐳𑑄𑐳𑑂𑐠𑐵𑐫𑐵 𑐡𑐠𑐸𑐂 𑐂𑐣𑐾𑐐𑐸 ? 𑐩𑐣𑐹𑐟 (𑐳𑐷𑐥𑐶𑑄, 𑐖𑐷𑐰𑐶𑐟, 𑐨𑐰𑐶𑐲𑑂𑐫), 𑐳𑑄𑐰𑐾𑐡𑐣𑐱𑐷𑐮 𑐥𑑂𑐬𑐵𑐞𑐷, 𑐕𑐐𑐹 𑐴𑐾 𑐳𑐩𑐵𑐖𑐫𑐵 𑐡𑐸𑐖𑑅𑐟, 𑐬𑐵𑐲𑑂𑐚𑑂𑐬𑐟 ?
𑐥𑐵𑐫𑑂𑐕𑐶𑐐𑐸 𑐰𑐶𑐟𑐬𑐞 𑐕𑐸 𑐏𑑅 ? 𑐳𑐩𑐵𑐣, 𑐫𑑀𑐐𑑂𑐫𑐟𑐵𑐰𑐵𑐡𑐷, 𑐳𑐵𑐩𑐵𑐖𑐶𑐎 𑐴𑐿𑐳𑐶𑐫𑐟 𑐎𑐠𑑄, 𑐁𑐰𑐱𑑂𑐫𑐎𑐟𑐵 𑐎𑐠𑑄, 𑐳𑐩𑑂𑐥𑐟𑑂𑐟𑐶 𑐀𑐢𑐶𑐎𑐵𑐬 𑐰 𑐁𑐎𑑂𑐬𑐵𑐩𑐎𑐟𑐵 𑐩𑐡𑐸𑐐𑐸𑐫𑐵 𑐁𑐢𑐵𑐬𑐫𑑂?

𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫 𑐳𑐶𑐡𑑂𑐢𑐵𑐣𑑂𑐟𑐰𑐵𑐡𑐷𑐟𑐫𑐾𑐳𑑄 𑐳𑐵𑐩𑐵𑐣𑑂𑐫𑐟𑐫𑐵 𑐠𑐠𑐾 𑐀𑐣𑐸𑐎𑐹𑐮 𑐰𑐶𑐟𑐬𑐞 𑐂𑐣𑐾𑐐𑐸 𑐀𑐢𑐶𑐎𑐵𑐬 𑐳𑐸𑐫𑐵𑐎𑐾 𑐡𑐸 𑐢𑐂𑐐𑐸 𑐣𑑂𑐴𑑂𑐫𑐳𑑅𑐫𑐵 𑐮𑐶𑐳𑑅 𑐩𑐧𑑂𑐫𑐸 𑐢𑐵𑑅𑐳𑐵 𑐳𑐩𑑂𑐥𑐟𑑂𑐟𑐶 𑐀𑐢𑐶𑐎𑐵𑐬 𑐳𑐶𑐡𑑂𑐢𑐵𑐣𑑂𑐟𑐰𑐵𑐡𑐷𑐟𑐾𑐳𑑄 "𑐀𑐣𑐸𑐎𑐹𑐮 𑐰𑐶𑐟𑐬𑐞" 𑐩𑐡𑐸 𑐢𑐵𑐂𑑋 𑐧𑐬𑐸 𑐰𑐶𑐟𑐬𑐞 𑐎𑐵𑐣𑐹𑐣𑐷 𑐀𑐣𑑂𑐟𑐬𑐎𑑂𑐬𑐶𑐫𑐵 𑐰𑐵 𑐎𑐵𑐬𑑀𑐰𑐵𑐬 (𑐀𑐬𑑂𑐠𑐵𑐟 𑐐𑐿𑐬𑐎𑐵𑐣𑐹𑐣𑐷 𑐩𑐏𑐸𑐐𑐸 𑐎𑐵𑐬𑑀𑐰𑐵𑐬)𑐥𑐵𑐏𑐾𑑄 𑐕𑐸 𑐥𑐵𑐫𑑂𑐕𑐶 𑐖𑐸𑐂, 𑐄𑐎𑐶𑐫𑐵 𑐁𑐢𑐵𑐬𑐫𑑂 𑐖𑐎 𑐖𑐸𑐂𑐩𑐵𑑅 𑐢𑐵𑐂𑑋

𑐣𑐶𑐲𑑂𑐥𑐎𑑂𑐲𑐟𑐵

𑐠𑑅𑐐𑐸 A Theory of Justice 𑐫𑑂 𑐖𑑀𑐣 𑐬𑐮𑑂𑐳𑑄 𑐳𑐵𑐩𑐵𑐖𑐶𑐎 𑐀𑐣𑐸𑐧𑑄𑐢𑐣𑐫𑐵 𑐟𑐬𑑂𑐎 𑐕𑑂𑐫𑐮𑐵 "𑐣𑑂𑐫𑐵𑐫 (𑐰𑐶𑐱𑐾𑐲 𑐫𑐵𑐣𑐵𑑅 𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫) 𑐣𑐶𑐲𑑂𑐥𑐎𑑂𑐲𑐟𑐵𑐫𑐵 𑐕𑐐𑐹 𑐬𑐸𑐥 (𑐰𑐳𑑂𑐟𑐸𑐫𑐵 𑐣𑐶𑐲𑑂𑐥𑐎𑑂𑐲 𑐰𑐶𑐟𑐬𑐞) 𑐏" 𑐢𑐫𑐵𑐡𑐷𑐐𑐸 𑐡𑐸𑑋 𑐬𑐮𑑂𑐳𑑄 𑐗𑐷𑐟 𑐀𑐖𑑂𑐘𑐵𑐣𑐟𑐵𑐫𑐵 𑐥𑐬𑑂𑐡𑐵𑐫𑐵 𑐮𑑂𑐫𑐹𑐣𑐾 𑐠𑑅𑐟 𑐎𑐮𑑂𑐥𑐣𑐵 𑐫𑐵𑐫𑐾𑐟 𑐂𑐣𑐵𑐥 𑐫𑐵𑐣𑐵𑐡𑐷𑐐𑐸 𑐡𑐸𑑋 𑐗𑐷𑐐𑐸 𑐰𑑂𑐫𑐎𑑂𑐟𑐶𑐟𑑂𑐰, 𑐳𑐵𑐩𑐵𑐖𑐶𑐎 𑐴𑐿𑐳𑐶𑐫𑐟, 𑐣𑐿𑐟𑐶𑐎 𑐔𑐬𑐶𑐟𑑂𑐬, 𑐢𑐣, 𑐥𑑂𑐬𑐟𑐶𑐨𑐵 𑐰 𑐖𑐷𑐰𑐣𑐫𑐵 𑐫𑑀𑐖𑐣𑐵𑐫𑐵 𑐦𑐸𑐎𑑂𑐎 𑐖𑑂𑐘𑐵𑐣𑐫𑐵𑐟 𑐀𑐳𑑂𑐰𑐷𑐎𑐵𑐬 𑐫𑐵𑐳𑐾𑑄 𑐗𑐷𑐳𑑄 𑐗𑐷𑐐𑐸 𑐳𑐩𑐵𑐖𑐫𑐵𑐟 𑐱𑐵𑐳𑐣 𑐫𑐵𑐫𑐾𑐟 𑐕𑐸 𑐣𑑂𑐫𑐵𑐫𑐫𑐵 𑐳𑐶𑐡𑑂𑐢𑐵𑐣𑑂𑐟 𑐮𑑂𑐫𑐫𑐾𑐐𑐸 𑐖𑐸𑐂 𑐢𑐎𑐵 𑐣𑑂𑐴𑑂𑐫𑑅𑐳 𑐣𑑂𑐫𑐣𑐵 𑐡𑐷𑑋 𑐗𑐷𑐳𑑄 𑐠𑐣𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐳𑐸 𑐩𑐣𑐹 𑐳𑐸 𑐏𑑅 𑐢𑐎𑐵𑑅 𑐩𑐳𑐷𑐐𑐸𑐮𑐶 𑐣𑐶𑐬𑑂𑐞𑐫𑐫𑐵𑐟 𑐠𑑅𑐐𑐸 𑐥𑐎𑑂𑐲𑐫𑑂 𑐥𑐎𑑂𑐲𑐥𑐵𑐟 𑐫𑐵𑐫𑐾𑐩𑐦𑐸𑑋 𑐀𑐠𑐾 𑐖𑐸𑐫𑐵𑑅, 𑐀𑐖𑑂𑐘𑐵𑐣𑐟𑐵𑐫𑑂 𑐎𑐵𑑅𑐐𑐸 𑐣𑐶𑐬𑑂𑐞𑐫𑑄 𑐣𑐶𑐲𑑂𑐥𑐎𑑂𑐲𑐟𑐵𑐫𑐵 𑐎𑑂𑐫𑐣𑐶 𑐕𑐵𑐫𑑂𑐢𑐵𑑅𑐳𑐵 𑐠𑐸𑐎𑐶𑐮𑐶 𑐳𑑂𑐰𑐵𑐬𑑂𑐠𑐷 𑐥𑐹𑐬𑑂𑐰𑐵𑐐𑑂𑐬𑐴 𑐡𑐂𑐩𑐏𑐸 𑑋 𑐬𑐮𑑂𑐳𑑄 𑐢𑐫𑐵𑐡𑐷𑐐𑐸 𑐡𑐸 𑐎𑐶 𑐠𑑂𑐰 𑐀𑐰𑐳𑑂𑐠𑐵𑐫𑑂 𑐗𑐷 𑐥𑑂𑐬𑐟𑑂𑐫𑐾𑐎𑑄 (𑐳𑐵𑐩𑐵𑐖𑐶𑐎) 𑐎𑐮𑑂𑐫𑐵𑐞𑐫𑐵𑐟 𑐀𑐢𑐶𑐎𑐟𑐩 𑐫𑐵𑐫𑐾𑐩𑐵𑑅 𑐢𑐂𑐐𑐸 𑐣𑑂𑐫𑐵𑐫𑐫𑐵 𑐄𑐥𑐫𑑀𑐐𑐶𑐟𑐵𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟𑐫𑐵𑐟 𑐀𑐳𑑂𑐰𑐷𑐎𑐵𑐬 𑐫𑐵𑐫𑐾𑐐𑐸 𑐖𑐸𑐂 𑐕𑐵𑐫𑑂𑐢𑐵𑑅𑐳𑐵 𑐠𑐣𑑂𑐫𑐵𑑅𑐐𑐸 𑐀𑐰𑐳𑑂𑐠𑐵𑐫𑑂 𑐗𑐷𑐳𑑄 𑐩𑐾𑐥𑐶𑐣𑐶𑐐𑐸 𑐣𑐶𑑄𑐟𑐶𑑄 𑐀𑐥𑑂𑐰𑑅 𑐦𑐵𑐂𑐡𑐵𑐫𑐵 𑐣𑐶𑑄𑐟𑐶𑑄 𑐠𑑅𑐐𑐸 𑐴𑐾 𑐨𑐶𑑄𑐫𑐵 𑐟𑑂𑐫𑐵𑐐 𑐫𑐵𑐂𑐩𑑂𑐴 𑐩𑐣𑐹 𑐖𑐸𑐫𑐵𑑅 𑐥𑐶𑐴𑐵𑑄 𑐰𑐫𑐾𑐟 𑐀𑐥𑐸𑐂𑑋

𑐳𑐩𑑂𑐥𑐟𑑂𑐟𑐶 𑐀𑐢𑐶𑐎𑐵𑐬

𑐊𑐣𑐵𑐬𑑂𑐎𑐷, 𑐳𑑂𑐟𑐾𑐟 𑐊𑐣𑑂𑐡 𑐫𑐸𑐟𑑀𑐥𑐶𑐫𑐵𑐫𑑂 𑐬𑑀𑐧𑐬𑑂𑐚 𑐣𑑀𑐖𑐶𑐎𑑄 𑐢𑐵𑑅𑐐𑐸 𑐡𑐸 𑐎𑐶 𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫 𑐕𑐐𑐹 𑐁𑐡𑐬𑑂𑐱 𑐝𑐵𑑃𑐔𑐵𑐮𑐶𑐳𑐾 𑐩𑐾𑐮 𑐏𑐣𑐷𑐐𑐸 𑐩𑐸𑐎𑑂𑐎𑑄 𑐰𑐶𑐟𑐬𑐞𑐫𑐵 𑐀𑐰𑐳𑑂𑐠𑐵 𑐩𑐏𑐸, 𑐟𑐬 𑐥𑑂𑐬𑐟𑑂𑐫𑐾𑐎 𑐰𑑂𑐫𑐎𑑂𑐟𑐶𑐐𑐟 𑐴𑐎𑐫𑐵 𑐳𑐴𑐷 𑐎𑐠𑑄𑐫𑐵 𑐂𑐟𑐶𑐴𑐵𑐳 𑐡𑐹𑐐𑐸 𑐀𑐰𑐳𑑂𑐠𑐵 𑐏𑑅 𑑋

𑐫𑑀𑐐𑑂𑐫𑐟𑐵𑐰𑐵𑐡

𑐁𑐡𑐬𑑂𑐱 𑐰 𑐩𑐵𑐥𑐡𑐞𑑂𑐜

𑐳𑐩𑐵𑐣𑐟𑐵

𑐎𑐵𑐣𑐹𑐣𑐫𑐵 𑐣𑑂𑐴𑑂𑐫𑑅𑐣𑐾 𑐳𑐩𑐵𑐣𑐟𑐵

𑐳𑐩𑐵𑐣𑐸𑐥𑐵𑐟𑐶𑐎𑐟𑐵

𑐳𑐵𑐩𑐵𑐖𑐶𑐎 𑐣𑑂𑐫𑐵𑐫

𑐂𑐎𑑂𑐰𑐶𑐟𑐶 (𑐴𑐶𑐳𑑂𑐳𑐾𑐡𑐵𑐬𑐷)

𑐮𑐶𑐔𑑂𑐰𑑅𑐫𑐵 𑐳𑐩𑐵𑐣𑐟𑐵

𑐳𑐩𑑂𑐧𑐣𑑂𑐢𑐵𑐟𑑂𑐩𑐎 𑐣𑑂𑐫𑐵𑐫

𑐐𑐟𑐶

" 𑐣𑑂𑐫𑐵𑐫 𑐮𑐶𑐧𑐵𑑅𑐐𑐸 𑐢𑐂𑐐𑐸 𑐣𑑂𑐫𑐵𑐫 𑐩𑐡𑐹𑐐𑐸 𑐏𑑃𑐐𑑂𑐰𑑅𑑄 𑐳𑐸𑐳𑑂𑐟 𑐣𑑂𑐫𑐵𑐫𑐫𑐵 𑐳𑐩𑐳𑑂𑐫𑐵𑐫𑐵𑐟 𑐳𑑄𑐎𑐾𑐟 𑐫𑐵𑐂 𑑋 𑐫𑐵𑐎𑐣𑑄 𑐳𑐸𑐣𑐸𑐰𑐵𑐃 𑐫𑐵𑐫𑐾𑐐𑐸 𑐀𑐢𑐶𑐎𑐵𑐬 𑐕𑐸𑑄 𑐎𑑂𑐲𑐾𑐟𑑂𑐬𑐵𑐢𑐶𑐎𑐵𑐬𑐫𑑂 𑐡𑐸 𑑋 ^[१४] 𑐄𑐔𑑂𑐔 𑐐𑐸𑐞𑐳𑑂𑐟𑐬𑐫𑐵 𑐣𑑂𑐫𑐵𑐫 𑐫𑐵𑐎𑐣𑑄 𑐖𑐸𑐂𑐐𑐸 𑐥𑑂𑐬𑐰𑐺𑐟𑑂𑐟𑐶 𑐡𑐸 𑑋 ^[१५]

𑐳𑐖𑐵𑑃𑐫

𑐳𑐶𑐡𑑂𑐢𑐵𑐣𑑂𑐟	𑐳𑐶𑐡𑑂𑐢𑐵𑐣𑑂𑐟𑐫𑐵 𑐄𑐡𑑂𑐡𑐾𑐱𑑂𑐫	𑐥𑐵𑐫𑑂𑐕𑐶𑐐𑐸 𑐳𑐖𑐵𑑃𑐫
𑐥𑑂𑐬𑐟𑐶𑐱𑑀𑐢	𑐀𑐥𑐬𑐵𑐢 𑐖𑐹𑐐𑐸 𑐧𑐵𑐴𑐾𑐎 𑐩𑐾𑐐𑐸 𑐕𑐸𑑄 𑐎𑐵𑐬𑐞𑐫𑑂 𑐁𑐢𑐵𑐬𑐶𑐟 𑐩𑐖𑐹𑐐𑐸 𑐳𑐖𑐵𑐫𑑋 𑐠𑑂𑐰 𑐁𑐢𑐵𑐬𑐫𑑂 𑐫𑐡𑐶 𑐀𑐣𑐸𑐥𑐵𑐟𑐶𑐎 𑐳𑐖𑐵𑐫 𑐣𑐿𑐟𑐶𑐎 𑐬𑐸𑐥𑑄 𑐳𑑂𑐰𑐷𑐎𑐵𑐬𑑂𑐫 𑐖𑐸𑐂𑐎𑑅 𑐥𑐷𑐜𑐶𑐟 𑐥𑐎𑑂𑐲 𑐥𑐶𑐣𑐶𑐐𑐸 𑐁𑐟𑑂𑐩𑐷𑐫 𑐰 𑐳𑐩𑐵𑐖𑐫𑐵𑐟 𑐳𑐣𑑂𑐟𑐸𑐲𑑂𑐚 𑐫𑐵𑐂𑐐𑐸 𑐥𑑂𑐬𑐟𑐶𑐎𑑂𑐬𑐶𑐫𑐵𑐫𑐵 𑐬𑐸𑐥𑐫𑑂 𑐧𑐷𑐐𑐸 𑐥𑐡𑑂𑐢𑐟𑐶𑑋	𑐱𑐸𑐮𑑂𑐎 𑐳𑐖𑐵𑑃𑐫 𑐀𑐥𑐬𑐵𑐢𑐫𑐵 𑐀𑐣𑐸𑐥𑐵𑐟𑐫𑑂 𑐳𑐖𑐵𑑃𑐫 𑐖𑐸𑐂𑐩𑐵𑑅 𑑋
𑐣𑐶𑐰𑐵𑐬𑐞	𑐧𑑂𑐫𑐎𑑂𑐟𑐶𑐫𑐵𑐟 – 𑐰𑑂𑐫𑐎𑑂𑐟𑐶𑐫𑐵𑐟 𑐠𑐥 𑐳𑐖𑐵𑐫𑐫𑐵 𑐐𑑂𑐫𑐵𑑅𑐔𑐶𑐎𑐸𑑄 𑐣𑐶𑐬𑐸𑐟𑑂𑐳𑐵𑐴𑐶𑐟 𑐫𑐵𑐫𑐾𑐐𑐸 𑑋 𑐳𑐬𑑂𑐰𑐳𑐵𑐢𑐵𑐬𑐞 𑐖𑐣𑐟𑐵𑐫𑐵𑐟 - 𑐳𑐩𑑂𑐨𑐵𑐰𑐶𑐟 𑐀𑐥𑐬𑐵𑐢𑐷𑐟𑐫𑑂𑐟 𑐳𑐩𑑂𑐨𑐵𑐰𑐶𑐟 𑐳𑐖𑐵𑑃𑐫𑐫𑐵 𑐏𑑂𑐫𑐵𑐔𑑂𑐰𑑅	𑐖𑐾𑐮 𑐳𑐖𑐵𑑃𑐫 𑐟𑑅𑐢𑑄𑐐𑐸 𑐖𑐬𑐶𑐰𑐵𑐣𑐵 𑐩𑐾𑐥𑐶𑐣𑑂𑐟 𑐡𑐳𑐸𑐎𑐠𑑄 𑐎𑑂𑐫𑐣𑐾𑐐𑐸 𑐟𑐵𑑅𑐴𑐵𑐎𑑅𑐐𑐸 𑐳𑐖𑐵𑑃𑐫
𑐥𑐸𑐣𑐬𑑂𑐰𑐵𑐳	𑐀𑐥𑐬𑐵𑐢𑐷𑐫𑐵 𑐧𑑂𑐫𑐰𑐴𑐵𑐬 𑐨𑐶𑑄𑐎𑐾𑐐𑐸	𑐧𑑂𑐫𑐎𑑂𑐟𑐶𑐐𑐟 𑐳𑐖𑐵𑑃𑐫 𑐳𑐵𑐩𑐸𑐡𑐵𑐫𑐶𑐎 𑐳𑐾𑐰𑐵 𑐫𑐵𑐫𑐾𑐐𑐸 𑐁𑐡𑐾𑐱 𑐣𑐿𑐟𑐶𑐎 𑐱𑐶𑐎𑑂𑐲𑐵 𑐰𑑂𑐫𑐵𑐰𑐳𑐵𑐫𑐶𑐎 𑐱𑐶𑐎𑑂𑐲𑐵
𑐀𑐳𑐎𑑂𑐲𑐩𑐟𑐵	𑐳𑐩𑐵𑐖𑐫𑐵𑐟 𑐀𑐥𑐬𑐵𑐢𑐥𑐵𑐏𑐾𑑄 𑐧𑐔𑐾 𑐫𑐵𑐫𑐾𑐟 𑐀𑐥𑐬𑐵𑐢𑐷𑐫𑐵𑐟 𑐩𑐾𑐐𑐸 𑐀𑐥𑐬𑐵𑐢 𑐫𑐵𑐫𑐾𑐟 𑐀𑐳𑐎𑑂𑐲𑐩 𑐫𑐵𑐂 𑑋	𑐟𑐵𑑅𑐴𑐵𑐎𑑅𑐐𑐸 𑐖𑐾𑐮 𑐳𑐖𑐵𑐫 𑐂𑐮𑐾𑐎𑑂𑐚𑑂𑐬𑑀𑐣𑐶𑐎 𑐚𑑂𑐫𑐵𑐐𑐶𑐒𑑂𑐐 𑐥𑑂𑐬𑐟𑐶𑐧𑐣𑑂𑐢𑐫𑐵 𑐁𑐡𑐾𑐱
𑐎𑑂𑐲𑐟𑐶𑐥𑐹𑐬𑑂𑐟𑐶	𑐥𑐷𑐜𑐶𑐟 𑐧𑐵𑐫𑑂 𑐳𑐩𑐸𑐡𑐵𑐫𑐫𑐵𑐟 𑐥𑐸𑐮𑐾𑐐𑐸	𑐎𑑂𑐲𑐟𑐶𑐥𑐹𑐬𑑂𑐟𑐶 𑐳𑑂𑐰𑐫𑐩𑑂𑐳𑐾𑐰𑐎 𑐖𑑂𑐫𑐵 𑐎𑑂𑐲𑐟𑐶𑐥𑐹𑐬𑑂𑐟𑐶 𑐫𑑀𑐖𑐣𑐵𑐟
𑐨𑐬𑑂𑐟𑑂𑐳𑐣𑐵	𑐣𑐿𑐟𑐶𑐎 𑐮𑐵𑐐𑐵𑐫𑐵𑐟 𑐧𑐮𑑂𑐮𑐵𑐎𑐾𑐟 𑐳𑐩𑐵𑐖𑑄 𑐠𑑅𑐐𑐸 𑐀𑐳𑐴𑐩𑐟𑐶 𑐥𑑂𑐰𑑄𑐎𑐾𑐐𑐸 𑑋	𑐀𑐥𑐬𑐵𑐢𑐫𑐵 𑐡𑑀𑐲𑐷 𑐥𑑂𑐬𑐟𑐶𑐧𑐶𑐩𑑂𑐧𑐶𑐟 𑐫𑐵𑐫𑐾𑐐𑐸 𑐳𑐵𑐬𑑂𑐰𑐖𑐣𑐶𑐎 𑐠𑐵𑐳𑐫𑑂 𑐳𑐖𑐵𑑃𑐫 𑐳𑐖𑐵𑑃𑐫 𑐳𑐬𑑂𑐰𑐳𑐵𑐢𑐵𑐬𑐞𑐫𑐵𑐟 𑐬𑐶𑐥𑑀𑐬𑑂𑐚 𑐫𑐵𑐫𑐾𑐐𑐸

𑐰𑐶𑐎𑐵𑐳𑐰𑐵𑐡𑐷 𑐡𑐺𑐲𑑂𑐚𑐶𑐎𑑀𑐞

𑐩𑐣𑑀𑐰𑐶𑐖𑑂𑐘𑐵𑐣

𑐳𑑄𑐳𑑂𑐠𑐵𑐟

𑐠𑑂𑐰 𑐣𑑄 𑐳𑑂𑐰𑐫𑐵𑐡𑐶𑐳𑑃

𑐩𑐾𑐐𑐸 𑐥𑑁

𑐣𑑂𑐫𑐵𑐫𑐫𑐵 𑐟𑐵𑐖𑐶

𑐮𑐶𑐢𑑄𑐳𑐵

𑐣𑑂𑐴𑑂𑐫𑐠𑐣𑐵 𑐟:𑐐𑐸 𑐔𑑂𑐰𑐖𑑂𑐫𑐵𑐟

𑐧𑑂𑐰𑐣𑐵𑐡𑐶𑐳𑑃

Clive Barnett, The Priority of Injustice: Locating Democracy in Critical Theory (Athens, GA: University of Georgia Press, 2017), आइएसबिएन ९७८-०-८२०३-५१५२-०
Brian Barry, Theories of Justice (Berkeley: University of California Press, 1989)
Gad Barzilai, Communities and Law: Politics and Cultures of Legal Identities (Ann Arbor: University of Michigan Press, 2003)
Harry Brighouse, Justice (Cambridge: Polity Press, 2004)
Anthony Duff & David Garland eds, A Reader on Punishment (Oxford: Oxford University Press, 1994)
Colin Farrelly, An Introduction to Contemporary Political Theory (London: Sage, 2004)
David Gauthier, Morals By Agreement (Oxford: Clarendon Press, 1986)
Robert E. Goodin & Philip Pettit eds, Contemporary Political Philosophy: An anthology (2nd edition, Malden, Massachusetts: Blackwell, 2006), Part III
Serge Guinchard, La justice et ses institutions (Judicial institutions), Dalloz editor, 12 edition, 2013
Eric Heinze, The Concept of Injustice (Routledge, 2013)
Ted Honderich, Punishment: The supposed justifications (London: Hutchinson & Co., 1969)
James Konow (2003) "Which Is the Fairest One of All? A Positive Analysis of Justice Theories", Journal of Economic Literature, 41(4)pp. 1188–1239
Will Kymlicka, Contemporary Political Philosophy: An introduction (2nd edition, Oxford: Oxford University Press, 2002)
Nicola Lacey, State Punishment (London: Routledge, 1988)
John Stuart Mill, Utilitarianism in On Liberty and Other Essays ed. John Gray (Oxford: Oxford University Press, 1991)
Robert Nozick, Anarchy, State, and Utopia (Oxford: Blackwell, 1974)
{{{title}}}.
Marek Piechowiak, Plato's Conception of Justice and the Question of Human Dignity (2nd edition, revised and extended, Berlin: Peter Lang Academic Publishers, 2021), ISBN 978-3-631-84524-0.
C.L. Ten, Crime, Guilt, and Punishment: A philosophical introduction (Oxford: Clarendon Press, 1987)
Plato, Republic trans. Robin Waterfield (Oxford: Oxford University Press, 1994)
David Schmidtz, Elements of Justice (New York: Columbia University Press, 2006)
Peter Singer ed., A Companion to Ethics (Oxford: Blackwell, 1993), Part IV
Telford Taylor, Constance Baker Motley, and James Feibleman (1975) Perspectives on Justice, Northwestern University Press आइएसबिएन ०-८१०१-०४५३-९
Catharine Titi, The Function of Equity in International Law (Oxford University Press, 2021), आइएसबिएन ९७८०१९८८६८००२
Reinhold Zippelius, Rechtsphilosophie, §§ 11–22 (6th edition, Munich: C.H. Beck, 2011), आइएसबिएन ९७८-३-४०६-६११९१-९

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹

𑐂𑐣𑑂𑐚𑐬𑐣𑐾𑐚 𑐂𑐣𑑂𑐳𑐵𑐂𑐎𑑂𑐮𑑀𑐥𑐷𑐜𑐶𑐫𑐵 𑐀𑐦 𑐦𑐶𑐮𑑀𑐳𑑀𑐦𑐷 𑐂𑐣𑑂𑐚𑑂𑐬𑐷 :
- 𑐩𑐵𑐂𑐎𑐮 𑐊𑐮𑐶𑐒𑑂𑐐𑐴𑐩𑑄 𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫
- 𑐳𑐖𑐵𑑃𑐫, 𑐎𑐾𑐨𑐶𑐣 𑐩𑐸𑐬𑑂𑐟𑐑𑑄
- 𑐣𑑂𑐫𑐵𑐫𑐫𑐵 𑐥𑐱𑑂𑐔𑐶𑐩𑐷 𑐳𑐶𑐡𑑂𑐢𑐵𑐣𑑂𑐟𑐟, 𑐰𑐾𑐣 𑐥𑐷 𑐥𑑀𑐩𑐬𑐮𑐾𑐄𑐥𑐵𑐏𑐾𑑄
𑐳𑑂𑐚𑑂𑐫𑐵𑐣𑐦𑑀𑐬𑑂𑐜 𑐂𑐣𑑂𑐳𑐵𑐂𑐎𑑂𑐮𑑀𑐥𑐷𑐜𑐶𑐫𑐵 𑐀𑐦 𑐦𑐶𑐮𑑀𑐳𑑀𑐦𑐷 𑐂𑐣𑑂𑐚𑑂𑐬𑐷 :
- 𑐜𑐾𑐨𑐶𑐜 𑐩𑐶𑐮𑐬𑐫𑐵 "𑐣𑑂𑐫𑐵𑐫"
- 𑐖𑐸𑐮𑐶𑐫𑐣 𑐮𑐵𑐩𑑀𑐣𑑂𑐚𑑄 "𑐰𑐶𑐟𑐬𑐞𑐵𑐟𑑂𑐩𑐎 𑐣𑑂𑐫𑐵𑐫"
- 𑐩𑐵𑐂𑐎𑐮 𑐳𑑂𑐮𑑀𑐚𑐫𑐵 "𑐳𑐡𑑂𑐐𑐸𑐞𑐫𑐵 𑐬𑐸𑐥𑐫𑑂 𑐣𑑂𑐫𑐵𑐫"
- 𑐖𑐵𑐔𑐵𑐬𑐷 𑐴𑑀𑐳𑑂𑐎𑐶𑐣𑑂𑐳 𑐰 𑐊𑐣𑑂𑐚𑑀𑐣𑐷 𑐜𑐦𑑄 "𑐎𑐵𑐣𑐹𑐣𑐷 𑐳𑐖𑐵𑑃𑐫"
𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐎𑐵𑐣𑐹𑐣𑐫𑐵 𑐱𑐵𑐳𑐣: 𑐀𑐣𑑁𑐥𑐔𑐵𑐬𑐶𑐎 𑐣𑑂𑐫𑐵𑐫, 𑐀𑐣𑑁𑐥𑐔𑐵𑐬𑐶𑐎/𑐳𑐵𑐩𑐸𑐡𑐵𑐫𑐶𑐎 𑐣𑑂𑐫𑐵𑐫, 𑐎𑐵𑐣𑐹𑐣𑐫𑐵 𑐱𑐵𑐳𑐣 𑐰 𑐳𑑄𑐫𑐸𑐎𑑂𑐟 𑐬𑐵𑐲𑑂𑐚𑑂𑐬 𑐡𑐠𑐸𑐫𑐵 𑐳𑑂𑐰𑐵𑐥𑐹𑐫𑐵 𑐏𑑃𑐫𑑂
𑐣𑑂𑐫𑐵𑐫 : 𑐫𑐵𑐫𑐾𑐐𑐸 𑐥𑐵𑐫𑑂 𑐕𑐶𑐐𑐸 𑐖𑑂𑐫𑐵 𑐕𑐸 𑐏𑑅 ? Archived, 𑐴𑐵𑐬𑑂𑐰𑐬𑑂𑐜 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐩𑐵𑐂𑐎𑐮 𑐳𑐾𑐣𑑂𑐜𑐾𑐮𑐫𑐵 𑐣𑑂𑐫𑐵𑐫 𑐰𑐶𑐲𑐫𑐳 𑑑𑑒 𑐐𑐹 𑐨𑐶𑐜𑐶𑐫𑑀𑐫𑐵 𑐗𑑂𑐰𑑅, 𑐐𑐸𑐎𑐷 𑐧𑑂𑐰𑐣𑐾𑐐𑐸 𑐳𑐵𑐩𑐐𑑂𑐬𑐷 𑐰 𑐳𑐴𑐨𑐵𑐐𑐷𑐥𑐶𑐣𑐶𑐐𑐸 𑐚𑐶𑐥𑑂𑐥𑐞𑐷 𑐣𑑄 𑐡𑐸𑐠𑑂𑐫𑐵𑐎𑐵𑐟𑑅𑐐𑐸 𑐡𑐸 𑑋

↑ Miller, David (2021). Justice. Department of Philosophy, Stanford University. “The most plausible candidate for a core definition comes from the Institutes of Justinian, a codification of Roman Law from the sixth century AD, where justice is defined as ‘the constant and perpetual will to render to each his due’. This is of course quite abstract until further specified, but it does throw light upon four important aspects of justice.”
↑ (2015) God's Command. Oxford: Oxford University Press, 32–49.
↑ Two Treatises of Government: In The Former the False Principles and Foundation of Sir Robert Filmer and His Followers, are Detected and Overthrown. The Latter is An Essay Concerning the True Original Extent and End of Civil Government. London: Awnsham and John Churchill.
↑ Punishment | Internet Encyclopedia of Philosophy (en-US).
↑ (1974) "Crime and deterrence: A correlation analysis". Journal of Research in Crime and Delinquency 11: 124–143. DOI:10.1177/002242787401100204.
↑ (2017) Handbook of Recidivism Risk/Needs Assessment Tools.
↑ The Project Gutenberg eBook of on Liberty, by John Stuart Mill.. gutenberg.org.
↑ Punishment.
↑ Punishment: The supposed justifications.
↑ Retribution vs Revenge - What's the difference?.
↑ Wilson, Jon. Victim-Centered Restorative Justice: An Essential Distinction.
↑ Livingstone, Nuala. "Restorative justice conferencing for reducing recidivism in young offenders (aged 7 to 21)".
↑ Von Hirsch, Andrew (1976). Doing Justice: The Choice of Punishments. Lebanon NH: Northeastern University Press.
↑ (1992) "Speedy Trial Swift Justice: Full-Fledged Right or Second-Class Citizen". Southwestern University Law Review 21.
↑ (2021) "Is justice delayed justice denied? An empirical approach". International Review of Law and Economics 65.

[1] Miller, David (2021). Justice. Department of Philosophy, Stanford University. “The most plausible candidate for a core definition comes from the Institutes of Justinian, a codification of Roman Law from the sixth century AD, where justice is defined as ‘the constant and perpetual will to render to each his due’. This is of course quite abstract until further specified, but it does throw light upon four important aspects of justice.”

[2] (2015) God's Command. Oxford: Oxford University Press, 32–49.

[3] Two Treatises of Government: In The Former the False Principles and Foundation of Sir Robert Filmer and His Followers, are Detected and Overthrown. The Latter is An Essay Concerning the True Original Extent and End of Civil Government. London: Awnsham and John Churchill.

[4] Punishment | Internet Encyclopedia of Philosophy (en-US).

[5] (1974) "Crime and deterrence: A correlation analysis". Journal of Research in Crime and Delinquency 11: 124–143. DOI:10.1177/002242787401100204.

[6] (2017) Handbook of Recidivism Risk/Needs Assessment Tools.

[7] The Project Gutenberg eBook of on Liberty, by John Stuart Mill.. gutenberg.org.

[8] Punishment.

[9] Punishment: The supposed justifications.

[10] Retribution vs Revenge - What's the difference?.

[11] Wilson, Jon. Victim-Centered Restorative Justice: An Essential Distinction.

[Cochrane-12] Livingstone, Nuala. "Restorative justice conferencing for reducing recidivism in young offenders (aged 7 to 21)".

[13] Von Hirsch, Andrew (1976). Doing Justice: The Choice of Punishments. Lebanon NH: Northeastern University Press.

[g700-14] (1992) "Speedy Trial Swift Justice: Full-Fledged Right or Second-Class Citizen". Southwestern University Law Review 21.

[g896-15] (2021) "Is justice delayed justice denied? An empirical approach". International Review of Law and Economics 65.

[१]

[२]

[३]

[४]

[५]

[६]

[७]

[८]

[९]

[१०]

[११]

[१२]

[१३]

[१४]

[१५]