𑐣𑐾𑐥𑐵𑐮 𑐮𑐶𑐥𑐶
𑐥𑑂𑐬𑐵𑐔𑐷𑐣 𑐰 𑐩𑐢𑑂𑐫𑐎𑐵𑐮𑐷𑐣 𑐣𑐾𑐥𑐵𑐮𑐫𑑂 𑐕𑑂𑐫𑐮𑐵𑐟𑑅𑐐𑐸 𑐮𑐶𑐥𑐶𑐫𑐵𑐟 𑐣𑐾𑐥𑐵𑐮 𑐮𑐶𑐥𑐶 𑐢𑐵𑐂𑑋 𑐠𑑂𑐰 𑐮𑐶𑐥𑐶 𑐧𑑂𑐬𑐵𑐩𑑂𑐴𑐶 𑐮𑐶𑐥𑐶𑑄 𑐧𑐸𑐫𑐵 𑐰𑐫𑐵 𑐣𑐾𑐥𑐵𑐮𑐫𑑂 𑐰𑐶𑐎𑐱𑐶𑐟 𑐖𑐹𑐐𑐸 𑐰 𑐣𑐾𑐥𑐵𑑅𑐫𑐵 𑐔𑑂𑐰𑐫𑐾𑐐𑐸 𑐥𑐴𑑅 𑐎𑐵𑑅𑐐𑐸 𑐮𑐶𑐥𑐶𑐟 𑐮𑐵𑑋 𑐰𑐬𑑂𑐟𑐩𑐵𑐣 𑐣𑐾𑐥𑐵𑐮𑐫𑑂 𑐡𑐎𑐮𑐫𑑂 𑐔𑐮𑐣𑐔𑐮𑑂𑐟𑐷𑐂 𑐡𑐹𑐐𑐸 𑐡𑐾𑐰𑐣𑐵𑐐𑐬𑐷 𑐮𑐶𑐥𑐶 𑐢𑐵𑑅𑐳𑐵 𑐠𑑂𑐰 𑐥𑐸𑐔𑐮𑐫𑑂 𑐩𑐮𑐵𑑋 𑐥𑑂𑐬𑐵𑐔𑐷𑐣 𑐣𑐶𑐳𑐾𑑄 𑐩𑐢𑑂𑐫𑐎𑐵𑐮𑐷𑐣 𑐣𑐾𑐥𑐵𑐮𑐫𑑂 𑐠𑑂𑐰 𑐮𑐶𑐥𑐶𑐟𑐫𑐾𑐐𑐸 𑐫𑐎𑑂𑐰 𑐕𑑂𑐫𑐾𑐮𑐾𑐖𑑂𑐫𑐵 𑐖𑐸𑐐𑐸 𑐏𑐣𑐾 𑐡𑐸𑑋 𑐰 𑐃𑐮𑐫𑑂 𑐔𑑂𑐰𑐫𑐵𑐟𑑅𑐐𑐸 𑐱𑐶𑐮𑐵𑐮𑐾𑐏, 𑐳𑐦𑐹, 𑐟𑐵𑐩𑑂𑐬𑐥𑐟𑑂𑐬, 𑐟𑐵𑐜𑐥𑐟𑑂𑐬 𑐁𑐡𑐶𑐂 𑐠𑑂𑐰 𑐮𑐶𑐥𑐶𑐟 𑐕𑑂𑐫𑐮𑐵𑐟𑑅𑐐𑐸 𑐏𑐣𑐾𑐡𑐸𑑋 𑐠𑑂𑐰 𑐮𑐶𑐥𑐶𑑄 𑐁𑐥𑐵𑐮𑑄 𑐳𑑄𑐳𑑂𑐎𑐺𑐟, 𑐥𑐸𑐮𑐵𑑄 𑐣𑐾𑐰𑐵 𑐰 𑐣𑐾𑐥𑐵𑐮𑐨𑐵𑐲𑐵𑐫𑐵 𑐔𑑂𑐰𑐏𑑃 𑐔𑑂𑐰𑐫𑐵𑐟𑑅𑐐𑐸 𑐡𑐸𑑋 𑐠𑑂𑐰 𑐮𑐶𑐥𑐶𑐟 𑐰𑐬𑑂𑐟𑐩𑐵𑐣 𑐎𑐵𑐮𑐫𑑂 𑐥𑑂𑐬𑐵𑐫𑑅 𑐮𑑀𑐥 𑐖𑐸𑐂 𑐢𑐸𑑄𑐎𑐮𑑋 𑐠𑑂𑐰 𑐮𑐶𑐥𑐶𑐟𑐾𑐟 𑐩𑑂𑐰𑐵𑐎𑐾𑐐𑐸 𑐎𑐸𑐟𑑅 𑐢𑐵𑑅𑐳 𑐖𑐸𑐫𑐵 𑐔𑑂𑐰𑑄𑐐𑐸 𑐡𑐸𑑋 𑐣𑐾𑐥𑐵𑐮𑐮𑐶𑐥𑐶𑐫𑐵 𑐕𑐸𑑄 𑐮𑐶𑐥𑐶𑐂 𑐥𑐟𑑂𑐬𑐶𑐎𑐵 𑐥𑐶𑐎𑐵𑐫𑐾𑐐𑐸, 𑐳𑐦𑐹 𑐥𑐶𑐎𑐵𑐫𑐾𑐐𑐸 𑐰 𑐠𑐸𑐎𑐶𑐐𑐸 𑐎𑐩𑑂𑐥𑑂𑐫𑐸𑐚𑐬 𑐦𑐣𑑂𑐚 𑐡𑐾𑐎𑐾𑐐𑐸 𑐖𑑂𑐫𑐵 𑐖𑐸𑐂 𑐢𑐸𑑄𑐎𑐸𑐐𑐸 𑐡𑐸𑑋 𑐕𑐸𑑄 𑐮𑐶𑐥𑐶𑐫𑐵 𑐫𑐸𑐣𑐶𑐎𑑀𑐜 𑐣𑑄 𑐡𑐫𑐾𑐎𑐶𑐐𑐸 𑐖𑑂𑐫𑐵 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋