𑐖𑐾𑐩𑑂𑐳 𑐎𑑂𑐮𑐬𑑂𑐎 𑐩𑑂𑐫𑐵𑐎𑑂𑐳𑐰𑐾𑐮

𑐖𑐾𑐩𑑂𑐳 𑐎𑑂𑐮𑐬𑑂𑐎 𑐩𑑂𑐫𑐵𑐎𑑂𑐳𑐰𑐾𑐮
𑐩𑑂𑐫𑐵𑐎𑑂𑐳𑐰𑐾𑐮, c. 1870s
बूगु	(1831-06-13)13 जुन सन् 1831 𑐊𑐡𑐶𑐣𑐧𑐬𑐵, 𑐳𑑂𑐎𑐟𑐮𑑂𑐫𑐵𑐣𑑂𑐡
मदूगु	5 नोभेम्बर 1879(1879-11-05) (आयु 48) 𑐎𑑂𑐫𑐵𑐩𑑂𑐧𑑂𑐬𑐶𑐖, 𑐂𑐒𑑂𑐐𑐮𑑂𑐫𑐵𑐣𑑂𑐡
ख्यः	𑐨𑑁𑐟𑐶𑐎𑐱𑐵𑐳𑑂𑐟𑑂𑐬 𑐐𑐞𑐶𑐟
संस्था	Marischal College, University of Aberdeen King's College, London University of Cambridge
अल्मा मातर	University of Edinburgh Peterhouse, Cambridge Trinity College, Cambridge
Academic advisors	William Hopkins
मेमेपिं विद्यार्थीत	George Chrystal Horace Lamb John Henry Poynting
नांजाःगु ज्या	See list Maxwell's equations Statistical mechanics Displacement current Maxwell relations Maxwell–Betti theorem Maxwell–Boltzmann distribution Maxwell–Boltzmann statistics Maxwell–Stefan diffusion Maxwell's demon Maxwell construction Maxwell coupling Kinetic theory of gases Maxwell's discs Maxwell speed distribution Maxwell stress functions Maxwell's theorem Maxwell's theorem (geometry) Maxwell material Maxwell–Huber–Hencky–von Mises theory Maxwell–Wagner–Sillars polarization Maxwell bridge Maxwell coil Maxwell's fish-eye lens Maxwell's spot Maxwell's wheel Maxwell's thermodynamic surface Rings of Saturn Control theory Coherent system of units Chaos theory Dimensional analysis Generalized conic Singularity Structural rigidity
त्यागु सिरपा	Smith's Prize (1854) Adams Prize (1857) Rumford Medal (1860) FRS (1861) Bakerian Medal (1866) Keith Medal (1869–1871)
क्वथापासा	Katherine Dewar (m. 1858) «Did not recognize date. Try slightly modifying the date in the first parameter.»"Marriage: Katherine Dewar to 𑐖𑐾𑐩𑑂𑐳 𑐎𑑂𑐮𑐬𑑂𑐎 𑐩𑑂𑐫𑐵𑐎𑑂𑐳𑐰𑐾𑐮" Location: (linkback://new.wikipedia.org/wiki/%F0%91%90%96%F0%91%90%BE%F0%91%90%A9%F0%91%91%82%F0%91%90%B3_%F0%91%90%8E%F0%91%91%82%F0%91%90%AE%F0%91%90%AC%F0%91%91%82%F0%91%90%8E_%F0%91%90%A9%F0%91%91%82%F0%91%90%AB%F0%91%90%B5%F0%91%90%8E%F0%91%91%82%F0%91%90%B3%F0%91%90%B0%F0%91%90%BE%F0%91%90%AE)
ल्हाःचिं

𑐖𑐾𑐩𑑂𑐳 𑐎𑑂𑐮𑐬𑑂𑐎 𑐩𑑂𑐫𑐵𑐎𑑂𑐳𑐰𑐾𑐮 FRS 𑐊𑐦𑐁𑐬𑐊𑐳𑐂 (𑑑𑑓 𑐖𑐸𑐣 𑑑𑑘𑑓𑑑 – 𑑕 𑐣𑑀𑐨𑐾𑐩𑑂𑐧𑐬 𑑑𑑘𑑗𑑙) 𑐕𑐩𑑂𑐴 𑐳𑑂𑐎𑐚𑐶𑐱 𑐨𑑁𑐟𑐶𑐎𑐱𑐵𑐳𑑂𑐟𑑂𑐬𑐷 𑐰 𑐐𑐞𑐶𑐟𑐖𑑂𑐘 𑐏 𑐐𑐸𑐩𑑂𑐴𑐾𑐳𑑂𑐫𑐵𑑄 𑐰𑐶𑐡𑑂𑐫𑐸𑐟 𑐔𑐸𑐩𑑂𑐧𑐎𑐷𑐫 𑐰𑐶𑐎𑐶𑐬𑐞𑐫𑐵 𑐱𑐵𑐳𑑂𑐟𑑂𑐬𑐷𑐫 𑐳𑐶𑐡𑑂𑐢𑐵𑐣𑑂𑐟𑐫𑐵 𑐥𑑂𑐬𑐟𑐶𑐥𑐵𑐡𑐣 𑐫𑐵𑐣𑐵𑐡𑐶𑐮𑑋 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟 𑐰𑐶𑐡𑑂𑐫𑐸𑐟, 𑐔𑐸𑐩𑑂𑐧𑐎𑐷𑐫𑐟𑐵 𑐰 𑐖𑑅𑐫𑐵𑐟 𑐕𑐐𑐹 𑐴𑐾 𑐦𑐾𑐣𑑀𑐩𑐾𑐣𑐣𑐫𑐵 𑐠𑐷-𑐠𑐷 𑐀𑐨𑐶𑐰𑑂𑐫𑐎𑑂𑐟𑐶𑐫𑐵 𑐬𑐸𑐥𑐫𑑂 𑐰𑐬𑑂𑐞𑐣 𑐫𑐵𑑅𑐐𑐸 𑐣𑑂𑐴𑐵𑐥𑐵𑑄𑐐𑐸 𑐳𑐶𑐡𑑂𑐢𑐵𑐣𑑂𑐟 𑐏𑑋 𑐰𑐶𑐡𑑂𑐫𑐸𑐟 𑐔𑐸𑐩𑑂𑐧𑐎𑐷𑐫𑐟𑐵𑐫𑐵 𑐣𑐶𑑄𑐟𑐶𑑄 𑐩𑑂𑐫𑐵𑐎𑑂𑐳𑐰𑐾𑐮𑐫𑐵 𑐳𑐩𑐷𑐎𑐬𑐞𑑄 𑐨𑑁𑐟𑐶𑐎 𑐱𑐵𑐳𑑂𑐟𑑂𑐬𑐫𑑂 𑐣𑐶𑐎𑑂𑐰𑑅𑐐𑐸 𑐩𑐴𑐵𑐣 𑐊𑐎𑐷𑐎𑐬𑐞 𑐥𑑂𑐬𑐵𑐥𑑂𑐟 𑐫𑐵𑐟𑑋 𑐠𑑂𑐰 𑐳𑑂𑐰𑐫𑐵 𑐣𑑂𑐴𑐵𑐥𑐵 𑐁𑐂𑐖𑑂𑐫𑐵𑐎 𑐣𑑂𑐫𑐸𑐚𑐣𑑄 𑐣𑑂𑐴𑐵𑐥𑐵𑑄𑐐𑐸 𑐊𑐎𑐷𑐎𑐬𑐞 𑐫𑐵𑐣𑐵𑐡𑐷𑐐𑐸 𑐏𑑋 𑐩𑑂𑐫𑐵𑐎𑑂𑐳𑐰𑐾𑐮𑑄 𑐳𑑂𑐚𑑂𑐫𑐵𑐚𑐶𑐳𑑂𑐚𑐶𑐎𑐮 𑐫𑐵𑐣𑑂𑐟𑑂𑐬𑐶𑐎𑐫𑐵 𑐏𑑂𑐫𑑅 𑐣𑐶𑐬𑑂𑐩𑐵𑐞𑐫𑑂 𑐩𑐹 𑐨𑐹𑐩𑐶𑐎𑐵 𑐩𑑂𑐴𑐶𑐟𑐵𑐡𑐶𑐮 𑑋

𑐳𑐣𑑂 𑑑𑑘𑑖𑑕𑐂 " 𑐊 𑐜𑐵𑐂𑐣𑐵𑐩𑐶𑐎𑐮 𑐠𑑂𑐫𑑀𑐬𑐷 𑐀𑐦 𑐡 𑐂𑐮𑐾𑐎𑑂𑐚𑑂𑐬𑑀𑐩𑑂𑐫𑐵𑐐𑑂𑐣𑐾𑐚𑐶𑐎 𑐦𑐶𑐮𑑂𑐜 " 𑐥𑑂𑐬𑐎𑐵𑐱𑐣 𑐫𑐵𑐣𑐵 𑐩𑑂𑐫𑐵𑐎𑑂𑐳𑐰𑐾𑐮𑑄 𑐰𑐶𑐡𑑂𑐫𑐸𑐟 𑐰 𑐔𑐸𑐩𑑂𑐧𑐎𑐷𑐫 𑐎𑑂𑐲𑐾𑐟𑑂𑐬 𑐖𑑅𑐫𑐵 𑐐𑐟𑐶𑐂 𑐣𑑂𑐴𑑂𑐫𑐵𑐂𑐐𑐸 𑐟𑐬𑑄𑐐𑐫𑐵 𑐬𑐸𑐥𑐫𑑂 𑐀𑐣𑑂𑐟𑐬𑐶𑐎𑑂𑐲𑐫𑑂 𑐫𑐵𑐟𑑂𑐬𑐵 𑐫𑐵𑐂𑐐𑐸 𑐎𑑂𑐫𑐣𑐵𑐡𑐶𑐮𑑋 𑐰𑐫𑑂𑐎𑐮𑑄 𑐖𑑅𑐫𑐵𑐟 𑐕𑐐𑐹 𑐩𑐵𑐢𑑂𑐫𑐩𑐫𑐵 𑐄𑐟𑐵𑐬𑐔𑐝𑐵𑐰 𑐏 𑐰 𑐠𑑂𑐰 𑐴𑐾 𑐩𑐵𑐢𑑂𑐫𑐩 𑐰𑐶𑐡𑑂𑐫𑐸𑐟 𑐰 𑐔𑐸𑐩𑑂𑐧𑐎𑐷𑐫 𑐑𑐚𑐣𑐵𑐫𑐵 𑐎𑐵𑐬𑐎 𑐏𑑅𑐐𑐸 𑐥𑑂𑐬𑐳𑑂𑐟𑐵𑐰 𑐫𑐵𑐣𑐵𑐡𑐶𑐮 𑑋 𑐖𑑅 𑐰 𑐰𑐶𑐡𑑂𑐫𑐸𑐟𑐷𑐫 𑐑𑐚𑐣𑐵𑐫𑐵 𑐊𑐎𑐷𑐎𑐬𑐞𑑄 𑐰𑐫𑑂𑐎𑐮𑑄 𑐬𑐾𑐜𑐶𑐫𑑀 𑐟𑐬𑑄𑐐𑐫𑐵 𑐀𑐳𑑂𑐟𑐶𑐟𑑂𑐰𑐫𑐵 𑐨𑐰𑐶𑐲𑑂𑐫𑐰𑐵𑐞𑐷 𑐫𑐵𑐣𑐵𑐡𑐶𑐮, 𑐰 𑐠𑑂𑐰 𑐰𑐿𑐖𑑂𑐘𑐵𑐣𑐶𑐎 𑐔𑑂𑐰𑐳𑐸𑐂 𑐰𑐫𑑂𑐎𑑅𑐫𑐵 𑐳𑐩𑐷𑐎𑐬𑐞𑐫𑐵 𑐀𑐣𑑂𑐟𑐶𑐩 𑐳𑑄𑐳𑑂𑐎𑐬𑐞 𑐡𑐸, 𑐐𑐸𑐎𑐶𑐮𑐶 𑐰𑐫𑑂𑐎𑐮𑑄 𑐳𑐣𑑂 𑑑𑑘𑑕𑑖 𑐣𑐶𑐳𑐾𑑄 𑐖𑑂𑐫𑐵 𑐫𑐵𑐣𑐵𑐡𑐶𑐮𑑋 𑐰𑐫𑑂𑐎𑑅𑐫𑐵 𑐳𑐩𑐷𑐎𑐬𑐞𑐫𑐵 𑐮𑐶𑐔𑑂𑐰𑑅 𑐎𑐠𑑄, 𑐰 𑐰𑐫𑑂𑐎𑑅𑐫𑐵 𑐩𑐾𑐩𑐾𑐐𑐸 𑐫𑑀𑐐𑐡𑐵𑐣 𑐐𑐠𑐾𑐎𑐶 𑐣𑐾𑐚𑐰𑐬𑑂𑐎 𑐳𑐩𑐳𑑂𑐫𑐵 𑐰 𑐮𑐶𑐣𑐶𑐫𑐬 𑐎𑐣𑑂𑐡𑐎𑑂𑐟𑐬𑐫𑐵𑐟 𑐳𑑄𑐎𑐾𑐐𑐸 𑐕𑐐𑐹 𑐥𑑂𑐬𑐨𑐵𑐰𑐎𑐵𑐬𑐷 𑐰𑐶𑐢𑐶 𑐣𑑂𑐴𑑂𑐫𑐠𑐣𑐾𑐐𑐸 𑐖𑑂𑐫𑐵 𑐁𑐡𑐶𑐫𑐵 𑐁𑐢𑐵𑐬𑐫𑑂 𑐰𑐫𑑂𑐎𑑅𑐫𑐵𑐟 𑐁𑐢𑐸𑐣𑐶𑐎 𑐰𑐶𑐡𑑂𑐫𑐸𑐟 𑐂𑐣𑑂𑐖𑐶𑐣𑐶𑐫𑐬𑐶𑐒𑐫𑐵 𑐎𑑂𑐲𑐾𑐟𑑂𑐬𑐫𑐵 𑐥𑐮𑐶𑐳𑑂𑐠𑐵𑐩𑐶𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑑋 𑐳𑐣𑑂 𑑑𑑘𑑗𑑑𑐫𑑂 𑐩𑑂𑐫𑐵𑐎𑑂𑐳𑐰𑐾𑐮 𑐨𑑁𑐟𑐶𑐎 𑐱𑐵𑐳𑑂𑐟𑑂𑐬𑐫𑐵 𑐣𑑂𑐴𑐵𑐥𑐵𑑄𑐩𑑂𑐴 𑐎𑑂𑐫𑐵𑐨𑐾𑐣𑑂𑐜𑐶𑐱 𑐥𑑂𑐬𑑀𑐦𑐾𑐳𑐬 𑐖𑐸𑐫𑐵𑐡𑐶𑐮 𑐰 𑐰𑐫𑑂𑐎𑐮𑑄 𑐠𑐣 𑐳𑐣𑑂 𑑑𑑘𑑗𑑙𑐟𑐎 𑐳𑐾𑐰𑐵 𑐫𑐵𑐣𑐵𑐡𑐶𑐮𑑋

𑐩𑑂𑐫𑐵𑐎𑑂𑐳𑐰𑐾𑐮𑑄 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐩𑑂𑐫𑐵𑐎𑑂𑐳𑐰𑐾𑐮–𑐧𑑀𑐮𑑂𑐚𑑂𑐖𑐩𑑂𑐫𑐵𑐣 𑐰𑐶𑐟𑐬𑐞, 𑐐𑑂𑐫𑐵𑐳𑐫𑐵 𑐎𑐵𑐂𑐣𑐾𑐟𑐶𑐎 𑐳𑐶𑐡𑑂𑐢𑐵𑐣𑑂𑐟𑐫𑐵 𑐥𑐎𑑂𑐲𑐫𑐵 𑐰𑐬𑑂𑐞𑐣 𑐫𑐵𑐫𑐾𑐐𑐸 𑐕𑐐𑐹 𑐟𑐠𑑂𑐫𑐵𑑄𑐎𑐷𑐫 𑐩𑐵𑐢𑑂𑐫𑐩 𑐥𑑂𑐬𑐟𑐶𑐥𑐵𑐡𑐶𑐟 𑐫𑐵𑐣𑐵𑐡𑐶𑐮𑑋 𑐠𑐸𑐎𑐶𑐮𑐶 𑐰𑐫𑑂𑐎𑐮𑑄 𑐠𑑅𑐐𑐸 𑐎𑐬𑐶𑐫𑐬𑐫𑐵 𑐡𑐠𑐸𑐂 𑐕𑐸𑑄 𑐕𑐸𑑄 𑐠𑐵𑐳𑐫𑑂 𑐖𑑂𑐫𑐵 𑐫𑐵𑐣𑐵𑐡𑐶𑐮𑑋 𑐰𑐫𑑂𑐎𑑅 𑐳𑐣𑑂 𑑑𑑘𑑖𑑑𑐫𑑂 𑐣𑑂𑐴𑐵𑐥𑐵𑑄𑐐𑐸 𑐚𑐶𑐎𑐵𑐄 𑐬𑑄𑐐𑐷𑐣 𑐦𑑀𑐚𑑀 𑐎𑐶𑐥𑐵 𑐣𑑂𑐴𑑂𑐫𑐧𑑂𑐰𑑅𑐐𑐸𑐮𑐶𑑄 𑐣𑑄 𑐣𑐵𑑄𑐖𑐵𑑅, 𑐰 𑐰𑐫𑑂𑐎𑐮𑑄 𑐕𑐸𑑄 𑐣𑑄 𑐬𑑄𑐐 𑐳𑑂𑐰𑑄𑐐𑐸 𑐥𑑂𑐬𑐵𑐠𑐩𑐶𑐎 𑐬𑑄𑐐𑐫𑐵 𑐩𑐶𑐱𑑂𑐬𑐞𑑄 𑐡𑐫𑐾𑐎𑐾𑐕𑐶𑑄 𑐢𑐎𑐵 𑐎𑑂𑐫𑐣𑐵𑐡𑐶𑐮𑑋 𑐠𑐠𑐾 𑐴𑑂𑐫𑐵𑐄𑑃𑐐𑐸, 𑐴𑑂𑐫𑐵𑐄𑑃𑐐𑐸 𑐰 𑐰𑑃𑐔𑐸𑐐𑐸 𑐬𑑄𑐐𑐫𑐵 𑐁𑐢𑐵𑐬𑐫𑑂 𑐩𑐾𑐩𑐾𑐐𑐸 𑐬𑑄𑐐 𑐡𑐫𑐾𑐎𑐷𑐐𑐸 𑐁𑐢𑐵𑐬𑐫𑑂 𑐬𑑄𑐐𑐷𑐣 𑐚𑐾𑐮𑐶𑐨𑐶𑐖𑐣 𑐰𑐶𑐎𑐱𑐶𑐟 𑐖𑐸𑐮𑑋 𑐰𑐫𑑂𑐎𑐮𑑄 𑐫𑐎𑑂𑐰 𑐟𑐵𑑄𑐟𑐾𑐐𑐸 𑐬𑐜-𑐊𑐞𑑂𑐜-𑐖𑑀𑐂𑐣𑑂𑐚 𑐦𑑂𑐬𑐾𑐩𑐰𑐬𑑂𑐎 ( 𑐚𑑂𑐬𑐳 )𑐫𑐵 𑐎𑐛𑑀𑐬𑐟𑐵𑐫𑐵 𑐰𑐶𑐱𑑂𑐮𑐾𑐲𑐞 𑐫𑐵𑐫𑐾𑐐𑐸 𑐖𑑂𑐫𑐵 𑐣𑑄 𑐫𑐵𑐣𑐵𑐡𑐶𑐮𑑋 𑐰𑐫𑑂𑐎𑐮𑑄 𑐁𑐢𑐸𑐣𑐶𑐎 𑐁𑐫𑐵𑐩𑐶𑐎 𑐰𑐶𑐱𑑂𑐮𑐾𑐲𑐞𑐫𑐵 𑐥𑐬𑐶𑐎𑐮𑑂𑐥𑐣𑐵 𑐫𑐵𑐟 𑐀𑐮𑐾 𑐩𑐵𑐥𑐣𑐫𑐵 𑐳𑐶𑐖𑐶𑐊𑐳 𑐥𑑂𑐬𑐞𑐵𑐮𑐶 𑐳𑑂𑐠𑐵𑐥𑐶𑐟 𑐫𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐣𑐵𑐡𑐶𑐮 𑑋 𑐰𑐫𑑂𑐎𑑅𑐫𑐵𑐟 𑐎𑐾𑐌𑐳 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐠𑐸𑐂𑐎𑐹𑐩𑑂𑐴 𑐰 𑐧𑐟𑐬𑐦𑑂𑐮𑐵𑐂 𑐂𑐦𑐾𑐎𑑂𑐟𑐫𑐵𑐟 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄 𑐧𑑅 𑐧𑐶𑐫𑐵𑐡𑐷𑐩𑑂𑐴 𑐢𑐎𑐵𑑅 𑐱𑑂𑐬𑐾𑐫 𑐧𑐶𑐫𑐵𑐟𑑅𑐐𑐸 𑐡𑐸𑑋 𑐰𑐫𑑂𑐎𑐮𑑄 𑐥𑐵𑐫𑑂𑐕𑐶 𑐖𑐸𑐂𑐎 𑐥𑑂𑐬𑐳𑑂𑐟𑐵𑐰 𑐫𑐵𑐣𑐵𑐡𑐶𑐮 𑐎𑐶 𑐱𑐣𑐶𑐫𑐵 𑐔𑐎𑑂𑐬 𑐫𑐎𑑂𑐰𑑄 𑐀𑐳𑑄𑐮𑐐𑑂𑐣 𑐔𑐶𑐔𑐶𑐢𑑄𑐐𑐸 𑐎𑐸𑐔𑐵𑑄 𑐡𑐫𑐾𑐎𑐹𑐐𑐸 𑐏𑑅 𑑋 𑐰𑐫𑑂𑐎𑑅𑐫𑐵 𑑑𑑘𑑖𑑓𑐫𑐵 𑐱𑑀𑐢𑐥𑐟𑑂𑐬 𑐀𑐣 𑐐𑐨𑐬𑑂𑐣𑐬𑑂𑐳 𑐣𑐶𑐫𑐣𑑂𑐟𑑂𑐬𑐞 𑐳𑐶𑐡𑑂𑐢𑐵𑐣𑑂𑐟 𑐰 𑐳𑐵𑐂𑐧𑐬𑐣𑐾𑐚𑐶𑐎𑑂𑐳𑐫𑐵 𑐣𑐶𑑄𑐟𑐶𑑄 𑐕𑐐𑐹 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐁𑐢𑐵𑐬𑐫𑐵 𑐬𑐸𑐥𑐫𑑂 𑐖𑑂𑐫𑐵 𑐫𑐵𑐂, 𑐰 𑐠𑑂𑐰 𑐱𑑀𑐢𑐥𑐟𑑂𑐬 𑐣𑐶𑐫𑐣𑑂𑐟𑑂𑐬𑐞 𑐥𑑂𑐬𑐞𑐵𑐮𑐷𑐫𑐵 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐐𑐸 𑐐𑐞𑐶𑐟𑐷𑐫 𑐰𑐶𑐱𑑂𑐮𑐾𑐲𑐞 𑐣𑑄 𑐏𑑋 𑐳𑐣𑑂 𑑑𑑘𑑖𑑗𑐂 𑐰𑐫𑑂𑐎𑐮𑑄 𑐩𑑂𑐫𑐵𑐎𑑂𑐳𑐰𑐾𑐮𑑂𑐳 𑐡𑐶𑐩𑐣 𑐣𑐵𑑄𑐫𑐵 𑐔𑐶𑐣𑑂𑐟𑐣 𑐥𑑂𑐬𑐫𑑀𑐐𑐫𑐵 𑐥𑑂𑐬𑐳𑑂𑐟𑐵𑐰 𑐟𑐫𑐵𑐡𑐶𑐮𑑋 𑐳𑐣𑑂 𑑑𑑘𑑖𑑗𑐫𑐵 𑐠𑑅𑐐𑐸 𑐩𑑁𑐮𑐶𑐎 𑐱𑑀𑐢𑐥𑐟𑑂𑐬 𑐀𑐣 𑐡 𑐜𑐵𑐂𑐣𑐵𑐩𑐶𑐎𑐮 𑐠𑑂𑐫𑑀𑐬𑐷 𑐀𑐦 𑐐𑑂𑐫𑐵𑐳𑐫𑑂 𑐰𑐫𑑂𑐎𑐮𑑄 𑐕𑐐𑐹 𑐨𑐶𑐳𑑂𑐎𑑀𑐂𑐮𑐵𑐳𑑂𑐚𑐶𑐎 𑐥𑐡𑐵𑐬𑑂𑐠𑐫𑐵 𑐰𑑂𑐫𑐰𑐴𑐵𑐬𑐫𑐵 𑐰𑐬𑑂𑐞𑐣 𑐫𑐵𑐫𑐾𑐟 𑐩𑑂𑐫𑐵𑐎𑑂𑐳𑐰𑐾𑐮 𑐩𑑀𑐜𑐾𑐮 𑐣𑑂𑐴𑑂𑐫𑐠𑐣𑐵𑐡𑐶𑐮 𑐰 𑐕𑐐𑐹 𑐩𑐵𑐢𑑂𑐫𑐩𑐫𑑂 𑐟𑐵𑐥𑐫𑐵 𑐝𑐸𑐰𑐵𑐣𑐷𑐫𑐵 𑐰𑐬𑑂𑐞𑐣 𑐫𑐵𑐫𑐾𑐟 𑐩𑑂𑐫𑐵𑐎𑑂𑐳𑐰𑐾𑐮-𑐎𑑂𑐫𑐵𑐚𑐵𑐣𑐶𑐫𑑀 𑐳𑐩𑐷𑐎𑐬𑐞𑐫𑐵 𑐄𑐟𑑂𑐥𑐟𑑂𑐟𑐶 𑐫𑐵𑐣𑐵𑐡𑐶𑐮𑑋

𑐰𑐫𑑂𑐎𑑅𑐫𑐵 𑐱𑑀𑐢𑑄 𑐁𑐢𑐸𑐣𑐶𑐎 𑐨𑑁𑐟𑐶𑐎 𑐱𑐵𑐳𑑂𑐟𑑂𑐬𑐫𑐵 𑐫𑐸𑐐𑐫𑐵 𑐱𑐸𑐬𑐸𑐰𑐵𑐟 𑐫𑐵𑐫𑐾𑐟 𑐐𑑂𑐰𑐵𑐴𑐵𑐮𑐶 𑐫𑐵𑐟, 𑐳𑐵𑐥𑐾𑐎𑑂𑐲𑐟𑐵 𑐠𑐾𑑄 𑐣𑑂𑐫𑐵𑑅𑐐𑐸 𑐏𑑂𑐫𑑅𑐫𑐵 𑐖𑐐 𑐟𑐮𑑋 𑐳𑐵𑐥𑐾𑐎𑑂𑐲𑐟𑐵 𑐏𑑃𑐐𑑂𑐰𑑅 𑐣𑑄 𑐰𑐫𑑂𑐎𑐮𑑄 𑐴𑐾 𑐨𑑁𑐟𑐶𑐎 𑐱𑐵𑐳𑑂𑐟𑑂𑐬𑐫𑑂 𑐡𑐸𑐠𑑂𑐫𑐵𑐎𑐮, 𑐰 𑐣𑐵𑐥𑑄 𑐎𑑂𑐰𑐵𑐣𑑂𑐚𑐩 𑐦𑐶𑐖𑐶𑐎𑑂𑐳 𑐏𑑃𑐐𑑂𑐰𑑅 𑐣𑑄 𑐰𑐫𑑂𑐎𑑅𑐫𑐵 𑐴𑐾 𑐡𑐾𑐣 𑐏𑑋 𑐫𑐎𑑂𑐰 𑐨𑑁𑐟𑐶𑐎 𑐰𑐶𑐖𑑂𑐘𑐵𑐣𑐷𑐟𑐾𑐳𑑄 𑐩𑑂𑐫𑐵𑐎𑑂𑐳𑐰𑐾𑐮𑐫𑐵𑐟 𑑒𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐨𑑁𑐟𑐶𑐎 𑐰𑐶𑐖𑑂𑐘𑐵𑐣𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐥𑑂𑐬𑐨𑐵𑐰 𑐡𑐸𑐩𑑂𑐴 𑑑𑑙𑐐𑐸 𑐱𑐟𑐵𑐧𑑂𑐡𑐷𑐫𑐵 𑐰𑐿𑐖𑑂𑐘𑐵𑐣𑐶𑐎𑐫𑐵 𑐬𑐸𑐥𑐫𑑂 𑐎𑐵𑐂𑑋 𑐰𑐶𑐖𑑂𑐘𑐵𑐣𑐫𑑂 𑐰𑐫𑑂𑐎𑑅𑐫𑐵 𑐫𑑀𑐐𑐡𑐵𑐣𑐫𑐵𑐟 𑐫𑐎𑑂𑐰 𑐩𑐣𑐸𑐟𑐾𑐳𑑄 𑐁𑐂𑐖𑑂𑐫𑐵𑐎 𑐣𑑂𑐫𑐹𑐚𑐣 𑐰 𑐀𑐮𑑂𑐧𑐬𑑂𑐚 𑐁𑐂𑐣𑑂𑐳𑑂𑐚𑐵𑐂𑐣𑐫𑐵 𑐫𑑀𑐐𑐡𑐵𑐣𑐫𑐵 𑐡𑐬𑑂𑐖𑐵𑐫𑑂 𑐎𑐵𑐫𑐾𑐐𑐸 𑐫𑐵𑑋 𑐩𑑂𑐫𑐵𑐎𑑂𑐳𑐰𑐾𑐮𑐫𑐵 𑐖𑐣𑑂𑐩𑐣𑑂𑐴𑐶𑐫𑐵 𑐱𑐟𑐵𑐧𑑂𑐡𑐷𑐂 𑐁𑐂𑐣𑑂𑐳𑑂𑐚𑐵𑐂𑐣𑑄 𑐰𑐫𑑂𑐎𑑅𑐫𑐵 𑐖𑑂𑐫𑐵𑐫𑐵𑐟 "𑐣𑑂𑐫𑐸𑐚𑐣𑐫𑐵 𑐃 𑐣𑐶𑐳𑐾𑑄 𑐨𑑁𑐟𑐶𑐎 𑐰𑐶𑐖𑑂𑐘𑐵𑐣𑑄 𑐀𑐣𑐸𑐨𑐰 𑐫𑐵𑑅𑐐𑐸 𑐡𑐎𑐮𑐫𑑂 𑐐𑐴𑐣 𑐰 𑐡𑐎𑐮𑐫𑑂 𑐦𑐮𑐡𑐵𑐫𑐷" 𑐢𑐎𑐵𑑅 𑐰𑐬𑑂𑐞𑐣 𑐫𑐵𑐣𑐵𑐡𑐶𑐮𑑋 𑐳𑐣𑑂 𑑑𑑙𑑒𑑒𑐫𑑂 𑐁𑐂𑐣𑑂𑐳𑑂𑐚𑐵𑐂𑐣𑑄 𑐎𑑂𑐫𑐵𑐩𑑂𑐧𑑂𑐬𑐶𑐖 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐨𑑂𑐬𑐩𑐞 𑐫𑐵𑑅𑐐𑐸 𑐂𑐮𑐫𑑂 𑐁𑐂𑐣𑑂𑐳𑑂𑐚𑐵𑐂𑐣𑐫𑐵𑐟 𑐰𑐫𑑂𑐎𑑅𑐫𑐵 𑐴𑑀𑐳𑑂𑐚𑑄 𑐁𑐂𑐣𑑂𑐳𑑂𑐚𑐵𑐂𑐣 𑐣𑑂𑐫𑐹𑐚𑐣𑐫𑐵 𑐧𑑂𑐰𑐮𑐫𑑂 𑐡𑐣𑐵𑐡𑐷𑐫𑐵 𑐟𑑅𑐢𑑄𑐐𑐸 𑐖𑑂𑐫𑐵 𑐫𑐵𑐣𑐵𑐡𑐷𑐐𑐸 𑐢𑐎𑐵𑑅 𑐢𑐫𑐵𑐡𑐷𑐧𑐶𑐮𑐾 𑐁𑐂𑐣𑑂𑐳𑑂𑐚𑐵𑐂𑐣𑑄 𑐮𑐶𑐳𑑅 𑐎𑐠𑑄 "𑐩𑐏𑐸𑑋 𑐖𑐶 𑐩𑑂𑐫𑐵𑐎𑑂𑐳𑐰𑐾𑐮𑐫𑐵 𑐧𑑂𑐰𑐴𑐮𑐫𑑂 𑐡𑐣𑐵𑐔𑑂𑐰𑐣𑐵𑑋" 𑐢𑐎𑐵 𑐢𑐫𑐵𑐡𑐷𑐐𑐸 𑐏𑑃 𑐣𑑄 𑐩𑑂𑐫𑐵𑐎𑑂𑐳𑐰𑐾𑐮𑐫𑐵 𑐫𑑀𑐐𑐡𑐵𑐣𑐫𑐵𑐟 𑐄𑐖𑐵𑐐𑐬 𑐫𑐵𑐂𑑋 𑐚𑐩 𑐳𑐶𑐐𑐦𑑂𑐬𑐵𑐂𑐜𑑄 𑐩𑑂𑐫𑐵𑐎𑑂𑐳𑐰𑐾𑐮𑐫𑐵𑐟 "𑐱𑐟𑐵𑐧𑑂𑐡𑐷𑐂 𑐕𑐎𑑂𑐰𑑅 𑐰𑐂𑐥𑐶𑑄 𑐥𑑂𑐬𑐟𑐶𑐨𑐵𑐱𑐵𑐮𑐷𑐟 𑐩𑐢𑑂𑐫𑐾 𑐕𑐩𑑂𑐴 𑐐𑐸𑐩𑑂𑐴𑐾𑐳𑑂𑐫𑐵𑑄 𑐠𑑅𑐐𑐸 𑐖𑑅𑐏𑑅𑐫𑐵 𑐳𑑂𑐰𑐫𑐵 𑐟𑐷𑐰𑑂𑐬 𑐂𑐣𑑂𑐡𑑂𑐬𑐶𑐫𑑄 𑐨𑑁𑐟𑐶𑐎 𑐳𑑄𑐳𑐵𑐬𑐫𑐵𑐟 𑐀𑐣𑐸𑐨𑐹𑐟𑐶 𑐫𑐵𑐂" 𑐢𑐎𑐵𑑅 𑐰𑐬𑑂𑐞𑐣 𑐫𑐵𑐣𑐵𑐡𑐶𑐮𑑋