𑐖𑐣 𑐮𑐎

𑐖𑐣 𑐮𑐎
	𑐐𑐜𑐦𑑂𑐬𑐾 𑐣𑐾𑐮𑐬𑐫𑐵 𑐎𑐶𑐥𑐵, 𑑑𑑖𑑙𑑗
बूगु	John Locke; 29 अगस्ट सन् 1632; 𑐬𑐶𑐒𑑂𑐐𑐟𑐣, 𑐳𑐩𑐬𑐳𑐾𑐟, 𑐂𑐒𑑂𑐐𑐮𑑂𑐫𑐵𑐣𑑂𑐡
मदूगु	28 अक्टोबर 1704 (आयु 72); 𑐴𑐵𑐂 𑐮𑐾𑐨𑐬, 𑐂𑐳𑐾𑐎𑑂𑐳, 𑐂𑐒𑑂𑐐𑐮𑑂𑐫𑐵𑐣𑑂𑐡
कालखण्ड	𑐁𑐟𑑂𑐩𑐖𑑂𑐘𑐵𑐣𑐫𑐵 𑐫𑐸𑐐
क्षेत्र	𑐥𑐵𑐱𑑂𑐔𑐵𑐟𑑂𑐫 𑐡𑐬𑑂𑐱𑐣
विचारधारा	Empiricism; Foundationalism; Conceptualism; Indirect realism; Correspondence theory of truth; Ideational theory of meaning; Corpuscularianism; Social contract; Natural law; Classical liberalism;
अभिरुचि	Metaphysics,; epistemology,; political philosophy,; philosophy of mind, ; philosophy of education, ; economics
नांजागु विचाः	List Consciousness ; Consent of the governed ; Inverted spectrum ; Labor theory of property ; Law of opinion ; Lockean proviso ; Molyneux's problem ; Argument from ignorance ; Natural rights (rights of life, liberty and property) ; Primary/secondary quality distinction ; Semeiotike (the doctrine of signs) ; Social contract ; Sortal ; State of nature ; Tabula rasa ;
संस्था	𑐀𑐎𑑂𑐳𑐦𑐬𑑂𑐡 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫; Royal Society
ल्हाचिं

देवनागरीइ ब्वनेत: जन लक तियादिसँ𑑋

𑐖𑐣 𑐮𑐎 (𑑒𑑙 𑐀𑐐𑐳𑑂𑐟 𑑑𑑖𑑓𑑒 – 𑑒𑑘 𑐀𑐎𑑂𑐚𑑀𑐧𑐬 𑑑𑑗𑑐𑑔) 𑐕𑐩𑑂𑐴 𑐀𑑄𑐐𑑂𑐬𑐾𑐖𑐷 𑐡𑐵𑐬𑑂𑐱𑐣𑐶𑐎 𑐰 𑐔𑐶𑐎𑐶𑐟𑑂𑐳𑐎 𑐏𑑋 𑐰𑐫𑑂𑐎𑑅𑐫𑐵𑐟 𑐰𑑂𑐫𑐵𑐥𑐎 𑐬𑐸𑐥𑑄 𑐁𑐟𑑂𑐩𑐖𑑂𑐘𑐵𑐣𑐫𑐵 𑐫𑐸𑐐𑐫𑐵 𑐡𑐎𑐮𑐫𑑂 𑐥𑑂𑐬𑐨𑐵𑐰𑐱𑐵𑐮𑐷 𑐔𑐶𑐣𑑂𑐟𑐎𑐫𑐵 𑐬𑐸𑐥𑐫𑑂 𑐎𑐵𑐫𑐾𑐐𑐸 𑐫𑐵𑑋 𑐳𑐵𑐩𑐵𑐣𑑂𑐫𑐟𑐫𑐵 𑐰𑐫𑑂𑐎𑑅𑐫𑐵𑐟 "𑐄𑐡𑐵𑐬𑐰𑐵𑐡𑐫𑐵 𑐀𑐧𑐸"𑐫𑐵 𑐎𑐠𑑄 𑐩𑑂𑐴𑐳𑐷𑐎𑐶𑐐𑐸 𑐫𑐵𑑋 𑐦𑑂𑐬𑐵𑐣𑑂𑐳𑐶𑐳 𑐧𑐾𑐎𑐣𑐫𑐵 𑐥𑐬𑐩𑑂𑐥𑐬𑐵𑐫𑐵𑐟 𑐀𑐣𑐸𑐳𑐬𑐞 𑐫𑐵𑐣𑐵𑑅 𑐧𑐾𑐮𑐵𑐫𑐟𑐷 𑐀𑐣𑐸𑐨𑐰𑐰𑐵𑐡𑐷(empiricists)𑐟𑐾𑐐𑐸 𑐡𑐠𑐸𑐂 𑐡𑐎𑐮𑐫𑑂 𑐣𑑂𑐴𑐵𑐥𑐵𑑄𑐫𑐵 𑐔𑐶𑐣𑑂𑐟𑐎𑐫𑐵 𑐬𑐸𑐥𑐫𑑂 𑐮𑐎𑑄 𑐳𑐵𑐩𑐵𑐖𑐶𑐎 𑐀𑐣𑐸𑐧𑐣𑑂𑐢 𑐳𑐶𑐡𑑂𑐢𑐵𑐣𑑂𑐟(social contract theory)𑐫𑐵 𑐣𑐶𑑄𑐟𑐶𑑄 𑐫𑐎𑑂𑐰 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐖𑑂𑐫𑐵 𑐫𑐵𑐣𑐵𑐡𑐶𑐮𑑋 𑐰𑐫𑑂𑐎𑑅𑐫𑐵 𑐖𑑂𑐫𑐵𑑄 𑐂𑐥𑐶𑐳𑑂𑐟𑐶𑐩𑑀𑐮𑑀𑐖𑐷 (epistemology) 𑐰 𑐬𑐵𑐖𑐣𑐷𑐟𑐶𑐎 𑐡𑐬𑑂𑐱𑐣𑐫𑐵 𑐰𑐶𑐎𑐵𑐳𑐫𑐵𑐟 𑐫𑐎𑑂𑐰 𑐥𑑂𑐬𑐨𑐵𑐰𑐶𑐟 𑐫𑐵𑐟𑑋 𑐰𑐫𑑂𑐎𑑅𑐫𑐵 𑐔𑑂𑐰𑐳𑐸𑐟𑐾𑐳𑑄 𑐨𑑀𑐮𑑂𑐟𑐵𑐫𑐬 𑐰 𑐖𑐷𑐣-𑐖𑑂𑐫𑐵𑐎𑑂𑐳 𑐬𑐸𑐳𑑀 𑐣𑐶𑐳𑐾𑑄 𑐫𑐎𑑂𑐰 𑐳𑑂𑐎𑐚𑐶𑐱 𑐥𑑂𑐬𑐧𑑀𑐢𑐣𑐰𑐵𑐡𑐷/𑐁𑐟𑑂𑐩𑐖𑑂𑐘𑐵𑐣 𑐫𑐸𑐐𑐫𑐵 𑐔𑐶𑐣𑑂𑐟𑐎𑐟 𑐣𑐶𑐳𑐾𑑄 𑐀𑐩𑐾𑐬𑐶𑐎𑐷 𑐎𑑂𑐬𑐵𑐣𑑂𑐟𑐶𑐎𑐵𑐬𑐷𑐟𑐾𑐟 𑐥𑑂𑐬𑐨𑐵𑐰𑐶𑐟 𑐫𑐵𑐟𑑋 𑐱𑐵𑐳𑑂𑐟𑑂𑐬𑐷𑐫 𑐐𑐞𑐟𑐣𑑂𑐟𑑂𑐬𑐰𑐵𑐡 𑐰 𑐄𑐡𑐵𑐬𑐰𑐵𑐡𑐷 𑐳𑐶𑐡𑑂𑐢𑐵𑐣𑑂𑐟𑐫𑑂 𑐰𑐫𑑂𑐎𑑅𑐫𑐵 𑐫𑑀𑐐𑐡𑐵𑐣 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵𑐥𑐟𑑂𑐬𑐫𑑂 𑐏𑐣𑐾𑐡𑐸𑑋 𑐀𑐣𑑂𑐟𑐬𑑂𑐬𑐵𑐲𑑂𑐚𑑂𑐬𑐶𑐫 𑐬𑐸𑐥𑐫𑑂 𑐮𑐎𑐫𑐵 𑐬𑐵𑐖𑐣𑐷𑐟𑐶𑐎-𑐎𑐵𑐣𑐹𑐣𑐷 𑐳𑐶𑐡𑑂𑐢𑐵𑐣𑑂𑐟𑑄 𑐳𑐷𑐩𑐶𑐟 𑐥𑑂𑐬𑐟𑐶𑐣𑐶𑐢𑐶 𑐳𑐬𑐎𑐵𑐬𑐫𑐵 𑐳𑐶𑐡𑑂𑐢𑐵𑐣𑑂𑐟 𑐰 𑐰𑑂𑐫𑐰𑐴𑐵𑐬 𑐮𑐶𑐳𑐾𑑄 𑐎𑐵𑐣𑐹𑐣𑐫𑐵 𑐱𑐵𑐳𑐣 𑐀𑐣𑑂𑐟𑐬𑑂𑐐𑐟 𑐁𑐢𑐵𑐬𑐨𑐹𑐟 𑐀𑐢𑐶𑐎𑐵𑐬 𑐰 𑐳𑑂𑐰𑐟𑐣𑑂𑐟𑑂𑐬𑐟𑐵𑐫𑐵 𑐳𑑄𑐬𑐎𑑂𑐲𑐞𑐫𑑂 𑐟𑑅𑐢𑑄𑐐𑐸 𑐥𑑂𑐬𑐨𑐵𑐰 𑐡𑐫𑐾𑐎𑐹𑐐𑐸 𑐡𑐸𑑋

𑐮𑐎𑐫𑐵 𑐩𑐳𑑂𑐟𑐶𑐲𑑂𑐎𑐫𑐵 𑐳𑐶𑐡𑑂𑐢𑐵𑐣𑑂𑐟𑐫𑐵𑐟 (theory of mind) 𑐥𑑂𑐬𑐵𑐫𑑅 "𑐥𑐴𑐶𑐔𑐵𑑄" 𑐰 "𑐠𑑅"𑐫𑐵 𑐁𑐢𑐸𑐣𑐶𑐎 𑐀𑐰𑐢𑐵𑐬𑐞𑐵𑐫𑐵 𑐄𑐟𑑂𑐥𑐟𑑂𑐟𑐶𑐫𑐵 𑐬𑐸𑐥𑐫𑑂 𑐄𑐡𑑂𑐢𑐺𑐟 𑐫𑐵𑐂𑑋 𑐠𑑂𑐰 𑐳𑐶𑐡𑑂𑐢𑐵𑐣𑑂𑐟 𑐮𑐶𑐥𑐵𑐫𑐵 𑐡𑐵𑐬𑑂𑐱𑐣𑐶𑐎𑐟 𑐐𑐠𑐾𑐎𑐶 𑐖𑐷𑐣-𑐖𑑂𑐫𑐵𑐎𑑂𑐳 𑐬𑐸𑐳𑑀, 𑐜𑐾𑐨𑐶𑐜 𑐴𑑂𑐫𑐹𑐩 𑐰 𑐂𑐩𑑂𑐫𑐵𑐣𑐸𑐫𑐮 𑐎𑐵𑐣𑑂𑐚𑐫𑐵 𑐖𑑂𑐫𑐵𑐫𑑂 𑐥𑑂𑐬𑐩𑐸𑐏 𑐬𑐸𑐥𑑄 𑐏𑐣𑐾𑐡𑐸𑑋

𑐰𑐫𑑂𑐎𑐮𑑄 𑐖𑐣𑑂𑐩𑐫𑐵 𑐂𑐮𑐫𑑂 𑐩𑐣 𑐕𑐐𑐹 𑐏𑐵𑐮𑐶 𑐳𑑂𑐮𑐾𑐚 𑐠𑐾𑑄 𑐖𑐸𑐂 𑐢𑐎𑐵 𑐀𑐣𑐸𑐩𑐵𑐣 𑐫𑐵𑐣𑐵𑐡𑐶𑐮𑑋 𑐩𑐣𑐹𑐟𑐾𑐎𑐾 𑐧𑐸𑐂𑐧𑐶𑐮𑐾 𑐴𑐾 𑐕𑐸𑑄 𑐰𑐶𑐔𑐵𑑅/𑐖𑑂𑐘𑐵𑐣 𑐡𑐂 𑐢𑐂𑐐𑐸 𑐥𑐹𑐬𑑂𑐰-𑐀𑐳𑑂𑐟𑐶𑐟𑑂𑐰𑐫𑐵 𑐀𑐰𑐢𑐵𑐬𑐞𑐵𑐫𑑂 𑐁𑐢𑐵𑐬𑐶𑐟 𑐎𑐵𑐬𑑂𑐚𑐾𑐱𑐶𑐫𑐣 𑐡𑐬𑑂𑐱𑐣𑐫𑐵 𑐰𑐶𑐥𑐬𑐷𑐟 𑐰𑐫𑑂𑐎𑐮𑑄 𑐗𑐷 𑐰𑐶𑐔𑐵𑑅 𑐩𑐡𑐫𑐾𑐎 𑐖𑐣𑑂𑐩 𑐖𑐸𑐂 𑐰 𑐖𑑂𑐘𑐵𑐣 𑐢𑐵𑑅𑐐𑐸 𑐗𑐶𑐐𑐸 𑐂𑐣𑑂𑐡𑑂𑐬𑐶𑐫𑐟 𑐕𑑂𑐫𑐮𑐵 𑐀𑐣𑐸𑐨𑐰𑑄 𑐖𑐎 𑐣𑐶𑐬𑑂𑐢𑐵𑐬𑐞 𑐖𑐸𑐂𑐐𑐸 𑐀𑐰𑐢𑐵𑐬𑐞𑐵𑐫𑐵𑐟 𑐥𑑂𑐬𑐟𑐶𑐥𑐵𑐡𑐶𑐟 𑐫𑐵𑐣𑐵𑐡𑐶𑐮𑑋 𑐠𑑂𑐰 𑐀𑐰𑐢𑐵𑐬𑐞𑐵𑐫𑐵𑐟 𑐁𑑅𑐫𑐵 𑐳𑐩𑐫𑐫𑑂 𑐀𑐣𑐸𑐨𑐰𑐰𑐵𑐡(empiricism)𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐶𑐐𑐸 𑐫𑐵𑑋

𑐮𑐎𑐫𑐵𑐟 𑐣𑐶𑐖𑐷 𑐳𑐩𑑂𑐥𑐟𑑂𑐟𑐶𑐫𑐵𑐟 𑐥𑑂𑐬𑐵𑐎𑐺𑐟𑐶𑐎 𑐎𑐵𑐣𑐹𑐣 𑐳𑐶𑐡𑑂𑐢𑐵𑐣𑑂𑐟𑐫𑑂 𑐰𑐬𑑂𑐞𑐣 𑐫𑐵𑐫𑐾𑐐𑐸 𑐱𑑂𑐬𑐾𑐫 𑐧𑐶𑐫𑐵𑐟𑑅𑐐𑐸 𑐡𑐸𑑋 𑐐𑐸𑐧𑐮𑐫𑑂 𑐕𑐩𑑂𑐴 𑐩𑐣𑐸𑐏𑑄 𑐠𑑅𑐐𑐸 𑐱𑑂𑐬𑐩𑐫𑐵𑐟 𑐥𑑂𑐬𑐎𑐺𑐟𑐶𑐣𑐵𑐥 𑐮𑑂𑐰𑐵𑐎𑐕𑑂𑐫𑐵𑐂, 𑐀𑐧𑐶𑐮𑐾 𑐱𑑂𑐬𑐩𑑄 𑐰𑑂𑐫𑐎𑑂𑐟𑐶𑐐𑐟 𑐳𑑂𑐰𑐵𑐩𑐶𑐟𑑂𑐰 𑐥𑑂𑐬𑐡𑐵𑐣 𑐫𑐵𑐂 𑐢𑐿𑐐𑐸 𑐰𑐫𑑂𑐎𑑅𑐫𑐵 𑐰𑐶𑐔𑐵𑑅 𑐏𑑋

𑐡𑐬𑑂𑐱𑐣

𑐮𑐎𑐫𑐵 𑐩𑐹 𑐡𑐵𑐬𑑂𑐱𑐣𑐶𑐎 𑐏𑑂𑐫𑑅 𑐠𑐠𑐾 𑐡𑐸:

𑐳𑐬𑐎𑐵𑐬

𑐮𑐎𑐫𑐵 𑐬𑐵𑐖𑐣𑐷𑐟𑐶𑐎 𑐳𑐶𑐡𑑂𑐢𑐵𑐣𑑂𑐟 𑐳𑐵𑐩𑐵𑐖𑐶𑐎 𑐀𑐣𑐸𑐧𑐣𑑂𑐢(social contract)𑐫𑐵 𑐁𑐢𑐵𑐬𑐫𑑂 𑐡𑐫𑐾𑐎𑐹𑐐𑐸 𑐡𑐸𑑋 𑐠𑑀𑐩𑐳 𑐴𑐧𑑂𑐳 𑐳𑑂𑐰𑐫𑐵 𑐨𑐶𑐣𑑂𑐣, 𑐮𑐎𑐫𑐵 𑐰𑐶𑐱𑑂𑐰𑐵𑐳 𑐎𑐠𑑄 𑐩𑐣𑐸𑐫𑐵 𑐳𑑂𑐰𑐨𑐵𑐰𑐫𑑂 𑐟𑐵𑐬𑑂𑐎𑐶𑐎 𑐥𑐴𑑅 𑐰 𑐳𑐴𑐶𑐲𑑂𑐞𑐸𑐟𑐵 𑐡𑐸𑑋 𑐀𑐠𑐾 𑐖𑐸𑐳𑐵𑑄 𑐴𑐧𑑂𑐳 𑐠𑐾𑑄 𑐴𑐾 𑐮𑐎𑑄 𑐣𑑄 𑐩𑐣𑐸𑐫𑐵 𑐳𑑂𑐰𑐨𑐵𑐰𑑄 𑐩𑐣𑐸𑐟𑐾𑐟 𑐳𑑂𑐰𑐵𑐬𑑂𑐠𑐷 𑐖𑐸𑐂𑐎𑐾 𑐧𑐷 𑐢𑐎𑐵 𑐰𑐶𑐱𑑂𑐰𑐵𑐳 𑐫𑐵𑐣𑐵𑐡𑐶𑐐𑐸 𑐡𑐸𑑋 𑐐𑐣𑑄 𑐣𑑄 𑐩𑐸𑐡𑑂𑐬𑐵 (𑐢𑑂𑐫𑐾𑐧𑐵) 𑐡𑐸𑐠𑑂𑐫𑐵𑐫𑐾𑐰𑑄 𑐠𑑂𑐰 𑐏𑑃 𑐏𑐣𑐾𑐡𑐸 𑐢𑐿𑐐𑐸 𑐰𑐫𑑂𑐎𑑅𑐫𑐵 𑐢𑐵𑐥𑐹 𑐏𑑋 𑐥𑑂𑐬𑐵𑐎𑐺𑐟𑐶𑐎 𑐀𑐰𑐳𑑂𑐠𑐵𑐫𑑂 𑐳𑐎𑐮 𑐩𑐣𑐸 𑐳𑐩𑐵𑐣 𑐰 𑐳𑑂𑐰𑐟𑐣𑑂𑐟𑑂𑐬 𑐖𑐸𑐂, 𑐰 𑐳𑐎𑐳𑐶𑐟𑑄 𑐠𑑅𑐐𑐸 "𑐖𑐷𑐰𑐣, 𑐄𑐳𑐵𑑃𑐫𑑂, 𑐳𑑂𑐰𑐟𑐣𑑂𑐟𑑂𑐬𑐟𑐵, 𑐰𑐵 𑐳𑐩𑑂𑐥𑐟𑑂𑐟𑐶"𑐫𑐵 𑐬𑐎𑑂𑐲𑐵 𑐫𑐵𑐫𑐾𑐐𑐸 𑐥𑑂𑐬𑐵𑐎𑐺𑐟𑐶𑐎 𑐀𑐢𑐶𑐎𑐵𑐬 𑐡𑐸 𑐢𑐿𑐐𑐸 𑐰𑐫𑑂𑐎𑑅𑐫𑐵 𑐰𑐶𑐔𑐵𑑅 𑐏𑑋 𑐁𑐥𑐵𑐮𑑄 𑐰𑐶𑐡𑑂𑐰𑐵𑐣𑐟𑐾𑐳𑑄 𑐀𑐩𑐾𑐬𑐶𑐎𑐷 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵𑐥𑐟𑑂𑐬𑐫𑑂 "𑐖𑐷𑐰𑐣, 𑐳𑑂𑐰𑐟𑐣𑑂𑐟𑑂𑐬𑐟𑐵 𑐰 𑐳𑐸𑐏𑐫𑐵 𑐩𑐵𑐮𑐾𑐖𑑂𑐫𑐵"( "Life, Liberty and the pursuit of Happiness") 𑐏𑑃𑐐𑑂𑐰𑑅𑐫𑐵𑐟 𑐮𑐎𑐫𑐵 𑐀𑐢𑐶𑐎𑐵𑐬𑐫𑐵 𑐳𑐶𑐡𑑂𑐢𑐵𑐣𑑂𑐟𑐫𑑂 𑐁𑐢𑐵𑐬𑐶𑐟 𑐖𑐹𑐐𑐸 𑐢𑐎𑐵𑑅 𑐢𑐵𑐂𑑋 𑐫𑐡𑑂𑐫𑐥𑐶 𑐠𑑂𑐰 𑐏𑑃𑐟𑑂𑐰𑐵𑑅𑐫𑐵 𑐩𑐾𑐩𑐾𑐐𑐸 𑐄𑐟𑑂𑐥𑐟𑑂𑐟𑐶𑐫𑐵 𑐳𑑂𑐬𑑀𑐟 𑐣𑑄 𑐡𑐸𑑋

𑐴𑐧𑑂𑐳 𑐠𑐾𑑄 𑐮𑐎𑑄 𑐣𑑄 𑐥𑑂𑐬𑐎𑐺𑐟𑐶𑐫𑐵 𑐀𑐰𑐳𑑂𑐠𑐵𑐫𑑂 𑐬𑐎𑑂𑐲𑐵 𑐫𑐵𑐫𑐾𑐐𑐸 𑐕𑐐𑐹 𑐖𑐎 𑐀𑐢𑐶𑐎𑐵𑐬 𑐩𑐐𑐵𑑅 𑐢𑐎𑐵𑑅 𑐀𑐣𑐸𑐩𑐵𑐣 𑐫𑐵𑐣𑐵𑐡𑐶𑐮𑑋 𑐰𑐫𑑂𑐎𑐮𑑄 𑐄𑐎𑐶𑑄 𑐩𑐣𑐹𑐟𑐫𑑂𑐳𑑄 𑐳𑐩𑐵𑐖𑐫𑑂 𑐳𑐬𑐎𑐵𑐬𑐫𑐵 𑐐𑑂𑐰𑐵𑐴𑐵𑐮𑐶 𑐎𑐫𑐵𑑅 𑐣𑐵𑐐𑐬𑐶𑐎𑐟𑐾𑐳𑑄 𑐡𑑂𑐰𑐣𑑂𑐡𑑂𑐰 𑐳𑐩𑐵𑐢𑐵𑐣 𑐫𑐵𑐫𑐾𑐟 𑐣𑐵𑐐𑐬𑐶𑐎 𑐳𑐩𑐵𑐖 𑐥𑐮𑐶𑐳𑑂𑐠𑐵 𑐫𑐵𑐟 𑐢𑐫𑐵𑐡𑐷𑐐𑐸 𑐡𑐸𑑋 𑐮𑐎𑑄 𑐳𑐬𑐎𑐵𑐬𑐷 𑐱𑐎𑑂𑐟𑐶𑐫𑐵 𑐥𑐺𑐠𑐎𑑂𑐎𑐬𑐞𑐫𑐵 𑐰𑐎𑐵𑐮𑐟 𑐫𑐵𑐣𑐵𑐡𑐶𑐮 𑐰 𑐎𑑂𑐬𑐵𑐣𑑂𑐟𑐶 𑐕𑐐𑐹 𑐀𑐢𑐶𑐎𑐵𑐬 𑐖𑐎𑑂𑐎 𑐩𑐏𑐸 , 𑐕𑐸𑑄 𑐥𑐬𑐶𑐳𑑂𑐠𑐶𑐟𑐶𑐂 𑐕𑐐𑐹 𑐧𑐵𑐢𑑂𑐫𑐟𑐵 𑐏 𑐢𑐎𑐵 𑐢𑐫𑐵𑐡𑐶𑐮𑑋 𑐠𑑂𑐰 𑐰𑐶𑐔𑐵𑑅𑐫𑐵 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑂𑐰𑐟𑐣𑑂𑐟𑑂𑐬𑐟𑐵 𑐑𑑀𑐲𑐞𑐵𑐥𑐟𑑂𑐬 𑐰 𑐳𑑄𑐫𑐸𑐎𑑂𑐟 𑐬𑐵𑐖𑑂𑐫 𑐀𑐩𑐾𑐬𑐶𑐎𑐵𑐫𑐵 𑐳𑑄𑐰𑐶𑐢𑐵𑐣𑐫𑑂 𑐟𑑅𑐢𑑄𑐐𑐸 𑐥𑑂𑐬𑐨𑐵𑐰 𑐮𑐵𑐎𑐹𑐐𑐸 𑐡𑐸𑑋

𑐀𑐣𑑂𑐫

𑐢𑐵𑐬𑑂𑐩𑐶𑐎 𑐳𑐴𑐶𑐲𑑂𑐞𑐸𑐟𑐵
𑐡𑐵𑐳𑐟𑐵 𑐰 𑐧𑐵𑐮𑐱𑑂𑐬𑐩
𑐢𑐣 𑐳𑑄𑐔𑐫

𑐰𑐶𑐔𑐵𑑅𑐟𑑅

𑐀𑐬𑑂𑐠𑐱𑐵𑐳𑑂𑐟𑑂𑐬
- 𑐩𑐹𑐫𑐵 𑐳𑐶𑐡𑑂𑐢𑐵𑐣𑑂𑐟𑐫𑑂 (On price theory)
- 𑐢𑑂𑐫𑐧𑐵𑐫𑐵 𑐧𑐶𑐔𑐵𑑅 (Monetary thoughts)
- 𑐩𑐹𑐮𑑂𑐫 𑐰 𑐳𑐩𑑂𑐥𑐟𑑂𑐟𑐶𑐫𑐵 𑐳𑐶𑐡𑑂𑐢𑐵𑐣𑑂𑐟 (Theory of value and property)
𑐩𑐣𑐹𑐫𑐵 𑐣𑐸𑐐𑑅
- 𑐠𑑅𑐠𑐩𑑂𑐴𑑄 (The self)
- 𑐩𑑂𑐴𑐐𑐳𑐫𑐵 𑐟𑐬𑑂𑐎(Dream argument)
𑐢𑐬𑑂𑐩
- 𑐢𑐵𑐬𑑂𑐩𑐶𑐎 𑐰𑐶𑐱𑑂𑐰𑐵𑐳
- 𑐢𑐬𑑂𑐩𑑄 𑐡𑐬𑑂𑐱𑐣

𑐔𑑂𑐰𑐏𑑃

𑐮𑐎𑐫𑐵 𑐩𑐹 𑐔𑑂𑐰𑐏𑑃 𑐠𑐠𑐾 𑐡𑐸:

𑐳𑐣𑑂 𑑑𑑖𑑘𑑙: 𑐳𑐴𑐣𑐱𑐷𑐮𑐟𑐵𑐫𑐵 𑐏𑑃𑐫𑑂 𑐕𑐐𑐹 𑐥𑑁 (A Letter Concerning Toleration)
- 𑐳𑐣𑑂 𑑑𑑖𑑙𑑐: 𑐳𑐴𑐣𑐱𑐷𑐮𑐟𑐵𑐫𑐵 𑐏𑑃𑐫𑑂 𑐣𑐶𑐐𑐹𑐐𑐸 𑐥𑑁 (A Second Letter Concerning Toleration)
- 𑐳𑐣𑑂 𑑑𑑖𑑙𑑒: 𑐳𑐴𑐣𑐱𑐷𑐮𑐟𑐵𑐫𑐵 𑐏𑑃𑐫𑑂 𑐳𑑂𑐰𑑄𑐐𑐹𑐐𑐸 𑐥𑑁 (A Third Letter for Toleration)
𑐳𑐣𑑂 𑑑𑑖𑑘𑑙/𑑙𑑐: 𑐚𑐸 𑐚𑑂𑐬𑐾𑐚𑐶𑐖𑐾𑐳 𑐀𑐦 𑐐𑐨𑐬𑑂𑐣𑐩𑐾𑐣𑑂𑐚 (Two Treatises of Government) (𑐮𑐣𑑂𑐡𑐣𑐫𑐵 𑐳𑐦𑐹 𑐰𑐶𑐎𑑂𑐬𑐾𑐟𑐵 𑐊𑐣𑑂𑐜𑑂𑐬𑐫𑐹 𑐩𑐶𑐮𑐬𑑄 𑐠𑑀𑐩𑐳 𑐴𑑀𑐮𑐶𑐳𑐫𑐵 𑐣𑐶𑑄𑐟𑐶𑑄 𑐎𑐩𑐶𑐱𑐣𑑄 𑑑𑑘𑐐𑐸 𑐱𑐟𑐵𑐧𑑂𑐡𑐷 𑐣𑑂𑐫𑑄𑐎𑑄 𑐥𑐶𑐠𑑄𑐐𑐸)𑑋
𑐳𑐣𑑂 𑑑𑑖𑑘𑑙/𑑙𑑐: 𑐩𑐣𑐹𑐟𑐫𑑂𑐐𑐸 𑐠𑐸𑐂𑐎𑐾𑐐𑐸 𑐏𑑃𑐫𑑂 𑐕𑐐𑐹 𑐔𑑂𑐰𑐳𑐸 (An Essay Concerning Human Understanding)
𑐳𑐣𑑂 𑑑𑑖𑑙𑑑: 𑐧𑑂𑐫𑐵𑐖 𑐩𑑂𑐴𑑂𑐰 𑐫𑐵𑐫𑐾𑐐𑐸 𑐰 𑐢𑑂𑐫𑐧𑐵𑐫𑐵 𑐩𑐹 𑐀𑐥𑑂𑐰𑐫𑐾𑐎𑐾𑐐𑐸𑐫𑐵 𑐮𑐶𑐔𑑂𑐰𑑅𑐫𑐵 𑐏𑑃𑐫𑑂 𑐕𑐸𑑄 𑐧𑐶𑐔𑐵𑑅 (Some Considerations on the consequences of the Lowering of Interest and the Raising of the Value of Money)
𑐳𑐣𑑂 𑑑𑑖𑑙𑑓: 𑐱𑐶𑐎𑑂𑐲𑐵𑐫𑐵 𑐏𑑃𑐫𑑂 𑐕𑐸𑑄 𑐧𑐶𑐔𑐵𑑅 (Some Thoughts Concerning Education)
𑐳𑐣𑑂 𑑑𑑖𑑙𑑕: 𑐎𑑂𑐬𑐶𑐱𑑂𑐔𑐶𑐫𑐣 𑐢𑐬𑑂𑐩𑐫𑐵 𑐟𑐬𑑂𑐎𑐳𑑄𑐐𑐟𑐟𑐵, 𑐢𑐬𑑂𑐩𑐐𑑂𑐬𑐣𑑂𑐠𑐫𑑂 𑐎𑐣𑐵𑐟𑑅𑐐𑐸 𑐎𑐠𑑄 (The Reasonableness of Christianity, as Delivered in the Scriptures)
- 𑐳𑐣𑑂 𑑑𑑖𑑙𑑕: 𑐃𑐳𑐵𑐃 𑐢𑐬𑑂𑐩𑐫𑐵 𑐟𑐬𑑂𑐎𑐳𑑄𑐐𑐟𑐟𑐵𑐫𑐵 𑐕𑐐𑐹 𑐥𑐸𑐲𑑂𑐚𑐶 (A Vindication of the Reasonableness of Christianity)

𑐩𑐹 𑐩𑐬𑐞𑑀𑐥𑐬𑐵𑐣𑑂𑐟 𑐮𑐹𑐐𑐸 𑐴𑐳𑑂𑐟𑐮𑐶𑐏𑐶𑐟 𑐐𑑂𑐬𑐣𑑂𑐠

𑐳𑐣𑑂 𑑑𑑖𑑖𑑐: 𑐳𑐬𑐎𑐵𑐬𑐫𑐵 𑐣𑑂𑐴𑐵𑐥𑐵𑑄𑐐𑐸 𑐚𑑂𑐬𑐵𑐎𑑂𑐚 (𑐰𑐵 𑐀𑑄𑐐𑑂𑐬𑐾𑐖𑐷 𑐚𑑂𑐬𑐵𑐎𑑂𑐚 ) (First Tract of Government (or the English Tract))
𑐳𑐣𑑂 𑑑𑑖𑑖𑑒𑐣𑐵𑐥𑑄: 𑐳𑐬𑐎𑐵𑐬𑐫𑐵 𑐣𑐶𑐐𑐹𑐐𑐸 𑐚𑑂𑐬𑑂𑐫𑐵𑐎𑑂𑐚 (𑐰𑐵 𑐮𑐵𑐚𑐶𑐣 𑐚𑑂𑐬𑑂𑐫𑐵𑐎𑑂𑐚 ) (Second Tract of Government (or the Latin Tract))
𑐳𑐣𑑂 1664: 𑐥𑑂𑐬𑐎𑐺𑐟𑐶𑐫𑐵 𑐣𑐶𑐫𑐩𑐫𑑂 𑐣𑑂𑐴𑑂𑐫𑐳𑑅 (Questions Concerning the Law of Nature)
𑐳𑐣𑑂 𑑑𑑖𑑖𑑗: 𑐳𑐴𑐣𑐱𑐷𑐮𑐟𑐵 𑐳𑐩𑑂𑐧𑐣𑑂𑐢𑐷 𑐔𑑂𑐰𑐳𑐸 (Essay Concerning Toleration)
𑐳𑐣𑑂 𑑑𑑗𑑐𑑖: 𑐳𑐩𑐗𑐡𑐵𑐬𑐷𑐫𑐵 𑐳𑑄𑐔𑐵𑐮𑐣𑐫𑑂 (Of the Conduct of the Understanding)
𑐳𑐣𑑂 𑑑𑑗𑑐𑑗: 𑐳𑐾𑐣𑑂𑐚 𑐥𑐮𑑄 𑐐𑐮𑐾𑐳𑐶𑐫𑐣𑑂𑐳𑐥𑐶𑐣𑑂𑐟 𑐔𑑂𑐰𑐫𑐵𑐡𑐷𑐐𑐸 𑐥𑑁, 𑑑 𑐰 𑑒 𑐎𑑀𑐬𑐶𑐣𑑂𑐠𑐶𑐫𑐣𑐳𑑂, 𑐬𑑀𑐩𑐣𑐳𑑂, 𑐂𑐦𑐾𑐳𑐶𑐫𑐣𑑂𑐳𑐫𑐵 𑐕𑐐𑐹 𑐥𑐵𑐬𑐵𑐦𑑂𑐬𑐾𑐖 𑐰 𑐚𑐶𑐥𑑂𑐥𑐞𑐷 (A paraphrase and notes on the Epistles of St. Paul to the Galatians, 1 and 2 Corinthians, Romans, Ephesians)

𑐳𑑂𑐰𑐫𑐵𑐡𑐶𑐳𑑃

𑐮𑐶𑐢𑑄𑐳𑐵

↑ Fumerton, Richard (2000), "Foundationalist Theories of Epistemic Justification", Stanford Encyclopedia of Philosophy, <http://plato.stanford.edu/entries/justep-foundational/#4>. Retrieved on १९ अगस्ट २०१८
↑ David Bostock (2009). Philosophy of Mathematics: An Introduction. Wiley-Blackwell. “All of Descartes, Locke, Berkeley, and Hume supposed that mathematics is a theory of our ideas, but none of them offered any argument for this conceptualist claim, and apparently took it to be uncontroversial.”
↑ John W. Yolton (2000). Realism and Appearances: An Essay in Ontology. Cambridge University Press.
↑ "The Correspondence Theory of Truth", Stanford Encyclopedia of Philosophy, 2020, <http://plato.stanford.edu/entries/truth-correspondence/>. Retrieved on १९ अगस्ट २०१८
↑ (1998) Advanced Topics in Artificial Intelligence. Springer.
↑ (1994) Vere Claiborne Chappell The Cambridge Companion to Locke. Cambridge University Press.
↑ (1995) Fallacies: classical and contemporary readings. University Park, Pennsylvania: Pennsylvania State University Press.
↑ (1690) “Book IV, Chapter XVII: Of Reason”, An Essay Concerning Human Understanding.
↑ Locke, John (1690). Two Treatises of Government (10th ed.): Chapter II, Section 6. Project Gutenberg.
↑ Cite error: Invalid <ref> tag; no text was provided for refs named sep

[SEP-FTJ-1] Fumerton, Richard (2000), "Foundationalist Theories of Epistemic Justification", Stanford Encyclopedia of Philosophy, <http://plato.stanford.edu/entries/justep-foundational/#4>. Retrieved on १९ अगस्ट २०१८

[2] David Bostock (2009). Philosophy of Mathematics: An Introduction. Wiley-Blackwell. “All of Descartes, Locke, Berkeley, and Hume supposed that mathematics is a theory of our ideas, but none of them offered any argument for this conceptualist claim, and apparently took it to be uncontroversial.”

[3] John W. Yolton (2000). Realism and Appearances: An Essay in Ontology. Cambridge University Press.

[4] "The Correspondence Theory of Truth", Stanford Encyclopedia of Philosophy, 2020, <http://plato.stanford.edu/entries/truth-correspondence/>. Retrieved on १९ अगस्ट २०१८

[5] (1998) Advanced Topics in Artificial Intelligence. Springer.

[:5-6] (1994) Vere Claiborne Chappell The Cambridge Companion to Locke. Cambridge University Press.

[7] (1995) Fallacies: classical and contemporary readings. University Park, Pennsylvania: Pennsylvania State University Press.

[8] (1690) “Book IV, Chapter XVII: Of Reason”, An Essay Concerning Human Understanding.

[9] Locke, John (1690). Two Treatises of Government (10th ed.): Chapter II, Section 6. Project Gutenberg.

[sep-10] Cite error: Invalid <ref> tag; no text was provided for refs named sep

[१]

[२]

[३]

[४]

[५]

[६]

[७]

[८]

[९]

[१०]