𑐎𑐬𑑂𑐣𑐵𑐚𑐎

𑐎𑐬𑑂𑐣𑐵𑐚𑐎 ಕರ್ನಾಟಕ
—  state  —
Seal
𑐎𑐬𑑂𑐣𑐵𑐚𑐎 𑐎𑐶𑐥𑐵 𑐡𑐎𑑂𑐲𑐶𑐞𑐵𑐰𑐬𑑂𑐟,𑐔𑑂𑐰𑐫𑑂 𑐡𑐾𑐥𑐵𑑄:𑐥𑐱𑑂𑐔𑐶𑐩𑐷 𑐑𑐵𑐚, 𑐴𑐩𑑂𑐥𑐷, 𑐰𑐺𑑄𑐡𑐵𑐰𑐣 𑐄𑐡𑑂𑐫𑐵𑐣, 𑐴𑑀𑐫𑐳𑐵𑐮𑐾𑐱𑑂𑐰𑐬 𑐥𑑂𑐬𑐟𑐶𑐩𑐵, 𑐎𑐣𑑂𑐣𑐜 𑐣𑐳𑐵, 𑐖𑑀𑐐 𑐥𑑂𑐬𑐥𑐵𑐟, 𑐮𑐮𑐶𑐟𑐵𑐩𑐴𑐮, 𑐩𑐴𑐵𑐬𑐵𑐖𑐵 𑐩𑐴𑐮, 𑐐𑑀𑐩𑐟𑐾𑐱𑑂𑐰𑐬, 𑐎𑐮𑐩𑐎𑐵𑐬𑐷, (𑐡𑐠𑐸𑐂) 𑐧𑐵𑐡𑐵𑐩𑐷, 𑐰𑐶𑐢𑐵𑐣 𑐳𑑁𑐢 𑐰 𑐩𑐴𑐶𑐲𑐵𑐳𑐸𑐬 𑐥𑑂𑐬𑐟𑐶𑐩𑐵 𑐎𑐬𑑂𑐣𑐵𑐚𑐎 𑐎𑐶𑐥𑐵 𑐡𑐎𑑂𑐲𑐶𑐞𑐵𑐰𑐬𑑂𑐟,𑐔𑑂𑐰𑐫𑑂 𑐡𑐾𑐥𑐵𑑄:𑐥𑐱𑑂𑐔𑐶𑐩𑐷 𑐑𑐵𑐚, 𑐴𑐩𑑂𑐥𑐷, 𑐰𑐺𑑄𑐡𑐵𑐰𑐣 𑐄𑐡𑑂𑐫𑐵𑐣, 𑐴𑑀𑐫𑐳𑐵𑐮𑐾𑐱𑑂𑐰𑐬 𑐥𑑂𑐬𑐟𑐶𑐩𑐵, 𑐎𑐣𑑂𑐣𑐜 𑐣𑐳𑐵, 𑐖𑑀𑐐 𑐥𑑂𑐬𑐥𑐵𑐟, 𑐮𑐮𑐶𑐟𑐵𑐩𑐴𑐮, 𑐩𑐴𑐵𑐬𑐵𑐖𑐵 𑐩𑐴𑐮, 𑐐𑑀𑐩𑐟𑐾𑐱𑑂𑐰𑐬, 𑐎𑐮𑐩𑐎𑐵𑐬𑐷, (𑐡𑐠𑐸𑐂) 𑐧𑐵𑐡𑐵𑐩𑐷, 𑐰𑐶𑐢𑐵𑐣 𑐳𑑁𑐢 𑐰 𑐩𑐴𑐶𑐲𑐵𑐳𑐸𑐬 𑐥𑑂𑐬𑐟𑐶𑐩𑐵
𑐧𑑄𑐐𑐮𑐸𑐬𑐸 Location of 𑐎𑐬𑑂𑐣𑐵𑐚𑐎
निर्देशाङ्क 12.970214°N 77.56029°E / 12.970214; 77.56029
देय्	भारत
राज्य	𑐎𑐬𑑂𑐣𑐵𑐚𑐎
जिल्ला	𑑒𑑙
Established	𑑑 𑐣𑑀𑐨𑐾𑐩𑑂𑐧𑐬, 𑑑𑑙𑑕𑑖
राजधानी	𑐧𑑄𑐐𑐮𑐸𑐬𑐸
तःधंगु नगर	𑐧𑑄𑐐𑐮𑐸𑐬𑐸
𑐬𑐵𑐖𑑂𑐫𑐥𑐵𑐮	𑐴𑑄𑐳𑐬𑐵𑐖 𑐨𑐵𑐬𑐡𑑂𑐰𑐵𑐖
𑐩𑐸𑐏𑑂𑐫 𑐩𑑄𑐟𑑂𑐬𑐷	𑐖𑐐𑐡𑐷𑐱 𑐱𑐾𑐟𑑂𑐟𑐬 (𑐨𑐵𑐖𑐥𑐵)
संसद (थाय्)	𑐡𑑂𑐰𑐶𑐳𑐡𑐣𑐷𑐫 (𑑒𑑒𑑔 + 𑑗𑑕)
जनसङ्ख्या • सान्द्रता	५२,८५०,५६२ (𑑙𑐰𑐵𑑄) • 275.6/km2 (714/sq mi)
व्यावहारिक भाय्()	𑐎𑐣𑑂𑐣𑐜
ई लागा	IST (UTC+05:30)
विस्तार	191,976 square kilometres (74,122 sq mi) (8th)
ISO 3166-2	IN-KA
जाःथाय्	karunadu.gov.in/

𑐎𑐬𑑂𑐣𑐵𑐚𑐎 (कन्नड: ಕರ್ನಾಟಕ), 𑐰𑐵 𑐎𑐬𑑂𑐞𑐵𑐚𑐎 , 𑐡𑐎𑑂𑐲𑐶𑐞 𑐨𑐵𑐬𑐟𑐫𑐵 𑐕𑐐𑐸 𑐬𑐵𑐖𑑂𑐫 𑐏𑑋 𑐠𑑂𑐰 𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐣𑑀𑐨𑐾𑐩𑑂𑐧𑐬 𑑑, 𑐳𑐣𑑂 𑑑𑑙𑑕𑑖𑐏𑐸𑐣𑐸 𑐬𑐵𑐖𑑂𑐫 𑐥𑐸𑐣𑐬𑑂𑐐𑐛𑐣 𑐀𑐢𑐶𑐣𑐶𑐫𑐩𑐫𑐵 𑐀𑐢𑐷𑐣𑐫𑑂 𑐖𑐹𑐐𑐸 𑐏𑑋 𑐣𑑂𑐴𑐵𑐥𑐵 𑐠𑑂𑐰 𑐩𑐿𑐳𑐹𑐬 𑐬𑐵𑐖𑑂𑐫𑐫𑐵 𑐣𑐵𑐩𑑄 𑐣𑐵𑑄𑐖𑐵𑑋 𑐳𑐣𑑂 𑑑𑑙𑑗𑑓𑐳 𑐥𑐸𑐣𑐬𑑂𑐣𑐵𑐩𑐎𑐬𑐞 𑐫𑐵𑐣𑐵 𑐠𑐸𑐎𑐶𑐫𑐵 𑐣𑐵𑑄 𑐎𑐬𑑂𑐣𑐵𑐚𑐎 𑐖𑐸𑐰𑐣𑑋 𑐠𑐸𑐎𑐶𑐫𑐵 𑐳𑐷𑐩𑐵 𑐥𑐱𑑂𑐔𑐶𑐩𑐫𑑂 𑐀𑐬𑐧 𑐳𑐵𑐐𑐬, 𑐄𑐟𑑂𑐟𑐬 𑐥𑐱𑑂𑐔𑐶𑐩𑐫𑑂 𑐐𑑀𑐁, 𑐄𑐟𑑂𑐟𑐬𑐫𑑂 𑐩𑐴𑐵𑐬𑐵𑐲𑑂𑐚𑑂𑐬, 𑐥𑐹𑐬𑑂𑐰𑐫𑑂 𑐁𑑄𑐢𑑂𑐬 𑐥𑑂𑐬𑐡𑐾𑐱, 𑐡𑐎𑑂𑐲𑐶𑐞-𑐥𑐹𑐬𑑂𑐰 𑐫𑑂 𑐟𑐩𑐶𑐮 𑐣𑐵𑐜𑐸 𑐰 𑐡𑐎𑑂𑐲𑐶𑐞𑐫𑑂 𑐎𑐾𑐬𑐮𑐣𑐵𑐥 𑐳𑑂𑐰𑐵𑑋 𑐠𑐸𑐎𑐶𑐫𑐵 𑐎𑐸𑐮 𑐎𑑂𑐲𑐾𑐟𑑂𑐬𑐦𑐮 𑑗𑑔,𑑑𑑒𑑒 𑐰𑐬𑑂𑐐 𑐩𑐵𑐂𑐮 (𑑑,𑑙𑑑,𑑙𑑗𑑖 𑐎𑐶.𑐩𑐶.)²) 𑐡𑐸; 𑐠𑑂𑐰 𑐨𑐵𑐬𑐟𑐫𑐵 𑐎𑐸𑐮 𑐨𑑁𑐐𑑀𑐮𑐶𑐎 𑐎𑑂𑐲𑐾𑐟𑑂𑐬𑐫𑐵 𑑕.𑑘𑑓% 𑐏𑑋 𑑒𑑙 𑐖𑐶𑐮𑑂𑐮𑐵𑐣𑐵𑐥𑑄 𑐠𑑂𑐰 𑐬𑐵𑐖𑑂𑐫 𑐨𑐵𑐬𑐟𑐫𑐵 𑐔𑑂𑐫𑐵𑐐𑐸 𑐡𑐎𑐮𑐾 𑐟𑑅𑐢𑑄𑐐𑐸 𑐬𑐵𑐖𑑂𑐫 𑐏𑑋 𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐰 𑐡𑐎𑐮𑐾 𑐁𑐥𑐵𑐮𑑄 𑐮𑑂𑐴𑐵𑐂𑐐𑐸 𑐨𑐵𑐲𑐵 𑐎𑐣𑑂𑐣𑐜 𑐏𑑋

𑐎𑐬𑑂𑐣𑐵𑐚𑐎 𑐏𑑃𑐐𑑂𑐰𑑅𑐫𑐵 𑐄𑐡𑑂𑐐𑐩𑐫𑐵 𑐫𑐎𑑂𑐰 𑐰𑑂𑐫𑐵𑐏𑑂𑐫𑐵𑐫𑑂 𑐡𑐎𑐮𑐾 𑐳𑑂𑐰𑐷𑐎𑐺𑐟 𑐰𑑂𑐫𑐵𑐏𑑂𑐫𑐵 𑐠𑑂𑐰 𑐏 𑐎𑐶 𑐎𑐬𑑂𑐣𑐵𑐚𑐎 𑐏𑑃𑐐𑑂𑐰𑑅𑐫𑐵 𑐄𑐡𑑂𑐐𑐩 𑐎𑐣𑑂𑐣𑐜 𑐏𑑃𑐐𑑂𑐰𑑅 𑐎𑐬𑐸, 𑐀𑐬𑑂𑐠𑐵𑐟 𑐴𑐵𑐎𑐸 𑐰𑐵 𑐟𑑅𑐖𑑂𑐖𑐵𑐐𑐸 𑐰 𑐣𑐵𑐜𑐸 𑐀𑐬𑑂𑐠𑐵𑐟 𑐨𑐹𑐩𑐶 𑐰𑐵 𑐥𑑂𑐬𑐡𑐾𑐱 𑐰𑐵 𑐎𑑂𑐲𑐾𑐟𑑂𑐬𑑄 𑐰𑑅𑐐𑐸 𑐏, 𑐐𑐸𑐎𑐶𑐫𑐵 𑐳𑑄𑐫𑑀𑐖𑐣 𑐎𑐬𑐸𑐣𑐵𑐜𑐸𑐫𑐵 𑐥𑐹𑐰𑑄𑐐𑐸 𑐀𑐬𑑂𑐠 𑐴𑐵𑐎𑐸𑐐𑐸 𑐨𑐹𑐩𑐶 𑐰𑐵 𑐟𑑅𑐖𑐵𑐐𑐸 𑐠𑐵𑐫𑑂 𑐏𑑋 𑐴𑐵𑐎𑐸 𑐏𑑃𑐐𑑂𑐰𑑅 𑐠𑐣𑐫𑐵 𑐧𑐫𑐵𑐮𑐸𑐳𑐷𑐩 𑐎𑑂𑐲𑐾𑐟𑑂𑐬𑐫𑐵 𑐴𑐵𑐎𑐸𑐐𑐸 𑐔𑐵𑑄 𑐰𑑅𑐐𑐸 𑐏 𑐰 𑐟𑑅𑐖𑐵𑐐𑐸 𑐡𑐾𑐎𑑂𑐎𑐣𑐫𑐵 𑐥𑐛𑐵𑐬𑐷 𑐨𑐹𑐩𑐶𑑄 𑐰𑑅𑐐𑐸 𑐏𑑋 𑐧𑑂𑐬𑐶𑐚𑐶𑐱 𑐬𑐵𑐖𑐫𑑂 𑐠𑑂𑐰 𑐠𑐵𑐫𑑂𑐫𑐵 𑐣𑐶𑑄𑐟𑐶𑑄 𑐎𑐵𑐬𑑂𑐣𑐾𑐚𑐶𑐎 𑐏𑑃𑐐𑑂𑐰𑑅𑐫𑐵 𑐕𑑂𑐫𑐮𑐵 𑐫𑐵𑑅𑐐𑐸 𑐡𑐸, 𑐠𑑂𑐰 𑐎𑐺𑐲𑑂𑐞𑐵 𑐏𑐸𑐳𑐶𑐫𑐵 𑐡𑐎𑑂𑐲𑐶𑐞𑐥𑐵𑐏𑐾𑐫𑐵 𑐥𑑂𑐬𑐵𑐫𑐡𑑂𑐰𑐷𑐥𑐷𑐫 𑐨𑐹𑐩𑐶𑐫𑐵 𑐣𑐶𑑄𑐟𑐶𑑄 𑐥𑑂𑐬𑐫𑐸𑐎𑑂𑐟 𑐡𑐸, 𑐰 𑐩𑐹𑐮𑐟𑑅 𑐎𑐬𑑂𑐣𑐵𑐚𑐎 𑐏𑑃𑐐𑑂𑐰𑑅𑐫𑐵 𑐀𑐥𑐨𑑂𑐬𑑄𑐱 𑐏𑑋

𑐥𑑂𑐬𑐵𑐔𑐷𑐣 𑐰 𑐩𑐢𑑂𑐫𑐎𑐵𑐮𑐷𑐣 𑐂𑐟𑐶𑐴𑐵𑐳 𑐳𑑂𑐰𑐫𑐾𑐧𑐶𑐮𑐾 𑐎𑐬𑑂𑐣𑐵𑐚𑐎 𑐎𑑂𑐲𑐾𑐟𑑂𑐬 𑐫𑐎𑑂𑐰 𑐟𑑅𑐢𑑄𑐐𑐸 𑐱𑐎𑑂𑐟𑐶𑐱𑐵𑐮𑐷 𑐳𑐵𑐩𑑂𑐬𑐵𑐖𑑂𑐫𑐟𑐫𑐾𑐐𑐸 𑐎𑑂𑐲𑐾𑐟𑑂𑐬 𑐖𑐸𑐫𑐵𑐔𑑂𑐰𑑄𑐐𑐸 𑐏𑐣𑐾𑐡𑐸𑑋 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑐟𑐫𑐾𑐐𑐸 𑐮𑐵𑐫𑑂𑐎𑐹𑐫𑐵 𑐰𑐶𑐔𑐵𑐬𑐎, 𑐡𑐵𑐬𑑂𑐱𑐣𑐶𑐎, 𑐨𑐵𑐚 𑐰 𑐔𑐶𑐣𑐵𑐏𑑃𑐩𑐶𑐟𑐫𑐾𑐐𑐸 𑐳𑐵𑐩𑐵𑐖𑐶𑐎, 𑐳𑐵𑐴𑐶𑐟𑑂𑐫𑐶𑐎 𑐰 𑐢𑐵𑐬𑑂𑐩𑐶𑐎 𑐳𑑄𑐬𑐎𑑂𑐲𑐞𑐫𑑂 𑐠𑑁𑑄𑐫𑐵 𑐎𑐬𑑂𑐣𑐵𑐚𑐎 𑐧𑐸𑐫𑐵𑐰𑑅𑐐𑐸 𑐏𑑋 𑐨𑐵𑐬𑐟𑐷𑐫 𑐱𑐵𑐳𑑂𑐟𑑂𑐬𑐷𑐫 𑐳𑑄𑐐𑐷𑐟𑐫𑐵 𑐣𑐶𑐐𑐸 𑐴𑐾 𑐬𑐹𑐥, 𑐎𑐬𑑂𑐣𑐵𑐚𑐎 𑐳𑑄𑐐𑐷𑐟 𑐰 𑐴𑐶𑐣𑑂𑐡𑐸𑐳𑑂𑐟𑐵𑐣𑐷 𑐳𑑄𑐐𑐷𑐟𑐫𑑂 𑐠𑑂𑐰 𑐬𑐵𑐖𑑂𑐫𑐫𑐵 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐫𑑀𑐐𑐡𑐵𑐣 𑐡𑐸𑑋 𑐁𑐢𑐸𑐣𑐶𑐎 𑐫𑐸𑐐𑐫𑐵 𑐎𑐣𑑂𑐣𑐜 𑐔𑑂𑐰𑐩𑐶𑐟𑐫𑐾𑐳𑑄 𑐡𑐎𑐮𑐾 𑐀𑐥𑑂𑐰 𑐖𑑂𑐘𑐵𑐣𑐥𑐷𑐛 𑐳𑐩𑑂𑐩𑐵𑐣 𑐟𑑂𑐫𑐵𑑅𑐐𑐸 𑐡𑐸𑑋 𑐬𑐵𑐖𑑂𑐫𑐫𑐵 𑐬𑐵𑐖𑐢𑐵𑐣𑐷 𑐧𑑄𑐐𑐮𑐸𑐬𑐸 𑐣𑐐𑐬 𑐏; 𑐠𑑂𑐰 𑐨𑐵𑐬𑐟𑐫𑑂 𑐳𑑂𑐠𑐶𑐟 𑐟𑑅𑐔𑑂𑐰𑐐𑐸 𑐁𑐬𑑂𑐠𑐶𑐎 𑐰 𑐥𑑂𑐬𑑁𑐡𑑂𑐫𑑀𑐐𑐶𑐎 𑐏𑑂𑐫𑑅𑐫𑐵 𑐀𑐐𑑂𑐬𑐞𑐷 𑐫𑑀𑐐𑐡𑐵𑐣𑐎𑐬𑑂𑐟𑐵 𑐏𑑋

𑐂𑐟𑐶𑐴𑐵𑐳

𑐥𑐟𑑂𑐟𑐡𑐎𑐮𑐫𑑂 𑐩𑐮𑑂𑐮𑐶𑐎𑐵𑐬𑑂𑐖𑐸𑐣 𑐰 𑐎𑐵𑐱𑐷 𑐰𑐶𑐱𑑂𑐰𑐣𑐵𑐠 𑐡𑐾𑐐𑑅 𑐔𑐵𑐮𑐸𑐎𑑂𑐫 𑐰 𑐬𑐵𑐲𑑂𑐚𑑂𑐬𑐎𑐹𑐚 𑐰𑑄𑐱𑑄 𑐡𑐫𑐾𑐎𑐵𑐟𑑅𑐐𑐸, 𑐁 𑐫𑐹𑐣𑐾𑐳𑑂𑐎𑑀 𑐴𑐮𑐶𑑄 𑐢𑐬𑑀𑐴𑐬 𑐏

𑐎𑐬𑑂𑐣𑐵𑐚𑐎𑐫𑐵 𑐰𑐶𑐳𑑂𑐟𑐺𑐟 𑐂𑐟𑐶𑐴𑐵𑐳𑐫𑑂 𑐂𑐣𑐵𑐥𑑄 𑐫𑐎𑑂𑐰 𑐥𑐬𑐶𑐰𑐬𑑂𑐟𑐣 𑐰𑑅𑐐𑐸 𑐡𑐸𑑋 𑐬𑐵𑐖𑑂𑐫𑐫𑐵 𑐥𑑂𑐬𑐵𑐐𑐿𑐟𑐶𑐴𑐵𑐳 𑐥𑐵𑐲𑐵𑐞 𑐫𑐸𑐐 𑐟𑐎𑑂𑐎 𑐠𑑂𑐫𑑄 𑐰 𑐠𑐣 𑐫𑐎𑑂𑐰 𑐫𑐸𑐐𑐟𑐫𑐾𑐐𑐸 𑐰𑐶𑐎𑐵𑐳 𑐖𑐹𑐐𑐸 𑐡𑐸𑑋 𑐬𑐵𑐖𑑂𑐫𑐫𑑂 𑐩𑐢𑑂𑐫 𑐰 𑐣𑐰 𑐥𑐵𑐲𑐵𑐞 𑐫𑐸𑐐𑐫𑐵 𑐳𑐵𑐎𑑂𑐲𑑂𑐫 𑐣𑑄 𑐮𑐹𑐐𑐸 𑐡𑐸𑑋 𑐴𑐜𑐥𑑂𑐥𑐵𑐫𑑂 𑐮𑐹𑐐𑐸 𑐮𑐸𑑄 𑐎𑐬𑑂𑐣𑐵𑐚𑐎𑐫𑐵 𑐏𑐵𑐣𑐷𑑄 𑐮𑐶𑐎𑐵𑐣𑐵 𑐴𑑅𑐐𑐸, 𑐐𑐸𑐎𑐶𑐮𑐶𑑄 𑐂𑐟𑐶𑐴𑐵𑐳𑐎𑐵𑐬𑐟𑐫𑐾𑐟 𑑓𑑐𑑐𑑐 𑐃.𑐥𑐹𑐫𑐵 𑐎𑐬𑑂𑐣𑐵𑐚𑐎 𑐰 𑐳𑐶𑐣𑑂𑐢𑐸 𑐳𑑂𑐰𑐣𑐶𑐐𑑅 𑐮𑐴𑐣𑐵𑐫𑐵 𑐡𑐠𑐸𑐂 𑐳𑑂𑐰𑐵𑐥𑐹 𑐩𑐵𑐮𑐾𑐟 𑐥𑑂𑐬𑐾𑐬𑐶𑐟 𑐫𑐵𑐟𑑋 𑐟𑐺𑐟𑐷𑐫 𑐱𑐟𑐵𑐧𑑂𑐡𑐷 𑐃.𑐥𑐹 𑐳𑑂𑐰𑐫𑐵 𑐣𑑂𑐴𑑂𑐫𑑅, 𑐀𑐢𑐶𑐎𑐵𑑄𑐱 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐩𑑁𑐬𑑂𑐫 𑐰𑑄𑐱𑐫𑐵 𑐳𑐩𑑂𑐬𑐵𑐚 𑐀𑐱𑑀𑐎𑐫𑐵 𑐀𑐢𑐷𑐣𑐫𑑂 𑐮𑐵𑐫𑐾𑐳𑑂𑐰𑐫𑐵 𑐣𑑂𑐴𑑂𑐫𑑅 𑐣𑐣𑑂𑐡 𑐰𑑄𑐱𑐫𑐵 𑐀𑐢𑐷𑐣𑐫𑑂 𑐮𑐵𑐣𑐵𑐔𑑂𑐰𑐣𑑋 𑐳𑐵𑐟𑐰𑐵𑐴𑐣 𑐰𑑄𑐱𑐫𑐵𑐟 𑐱𑐵𑐳𑐣𑐫𑐵𑐫𑐾𑐟 𑐥𑑂𑐫𑑄𑐐𑐸 𑐱𑐟𑐵𑐧𑑂𑐡𑐷 𑐡𑐟, 𑐠𑑂𑐰 𑐃𑐮𑐾 𑐂𑐩𑐶𑐳𑑄 𑐎𑐬𑑂𑐣𑐵𑐚𑐎𑐫𑐵 𑐟𑑅𑐢𑑄𑐐𑐸 𑐨𑐹𑐨𑐵𑐐𑐫𑑂 𑐱𑐵𑐳𑐣 𑐫𑐵𑐟𑑋 𑐳𑐵𑐟𑐰𑐵𑐴𑐣𑐟𑐫𑐾𑐐𑐸 𑐱𑐵𑐳𑐣𑐫𑐵 𑐥𑐟𑐣𑐣𑐵𑐥𑑄 𑐴𑐾 𑐳𑑂𑐠𑐵𑐣𑐷𑐫 𑐱𑐵𑐳𑐎𑐟𑐫𑐾𑐐𑐸 𑐎𑐡𑐩𑑂𑐧 𑐰𑑄𑐱 𑐰 𑐥𑐱𑑂𑐔𑐶𑐩 𑐐𑑄𑐐 𑐰𑑄𑐱𑐫𑐵 𑐄𑐡𑐫 𑐖𑐸𑐮𑑋 𑐠𑑂𑐰 𑐣𑐵𑐥𑑄 𑐠𑑂𑐰 𑐎𑑂𑐲𑐾𑐟𑑂𑐬𑐫𑑂 𑐳𑑂𑐰𑐟𑐣𑑂𑐟𑑂𑐬 𑐬𑐵𑐖𑐣𑐿𑐟𑐶𑐎 𑐱𑐎𑑂𑐟𑐶𑐟𑐫𑐾𑐐𑐸 𑐀𑐳𑑂𑐟𑐶𑐟𑑂𑐟𑑂𑐰 𑐡𑐫𑐵𑐰𑐮𑑋 𑐎𑐡𑐩𑑂𑐧 𑐰𑑄𑐱𑐫𑐵 𑐥𑐮𑐶𑐳𑑂𑐠𑐵 𑐩𑐫𑐹𑐬 𑐱𑐬𑑂𑐩𑐵𑑄 𑑓𑑔𑑕 𑐃. 𑐳 𑐫𑐵𑐟 𑐰 𑐠𑑅𑐐𑐸 𑐬𑐵𑐖𑐢𑐵𑐣𑐷 𑐧𑐣𑐰𑐵𑐳𑐷𑐂 𑐡𑐫𑐾𑐎𑐮; 𑐰 𑐥𑐱𑑂𑐔𑐶𑐩 𑐐𑑄𑐐 𑐰𑑄𑐱𑐫𑐵 𑐥𑐮𑐶𑐳𑑂𑐠𑐵 𑐎𑑀𑑄𑐐𑐞𑐶𑐰𑐬𑑂𑐩𑐣 𑐩𑐵𑐢𑐰𑑄 𑑓𑑕𑑐 𑐃𑐳 𑐟𑐵𑐮𑐎𑐵𑐜𑐫𑑂 𑐬𑐵𑐖𑐢𑐵𑐣𑐷𑐣𑐵𑐥 𑐫𑐵𑐟𑑋

𑐴𑑀𑐫𑐳𑐵𑐮 𑐳𑐵𑐩𑑂𑐬𑐵𑐖𑑂𑐫 𑐳𑑂𑐠𑐵𑐥𑐟𑑂𑐫, 𑐧𑐾𑐮𑐹𑐬𑐫𑑂𑑋

𑐴𑐵𑐮𑑂𑐩𑐶𑐡𑐷 𑐱𑐶𑐮𑐵𑐮𑐾𑐏 𑐰 𑐧𑐣𑐰𑐳𑐷𑐫𑑂 𑐮𑐹𑐐𑐸 𑐕𑐐𑐸 𑑕𑐐𑐸 𑐱𑐟𑐵𑐧𑑂𑐡𑐷𑐫𑐵 𑐟𑐵𑐩𑑂𑐬 𑐩𑐸𑐡𑑂𑐬𑐵𑐎𑐠𑑄 𑐠𑑂𑐰 𑐬𑐵𑐖𑑂𑐫 𑐥𑑂𑐬𑐱𑐵𑐳𑐣𑐫𑑂 𑐎𑐣𑑂𑐣𑐜 𑐨𑐵𑐲𑐵 𑐕𑑂𑐫𑐮𑐶𑐐𑐸 𑐣𑑂𑐴𑐵𑐥𑐵𑑄𑐐𑐸 𑐥𑑂𑐬𑐵𑐩𑐵𑐞𑐶𑐎 𑐬𑐵𑐖𑑂𑐫 𑐏𑑋 𑐠𑑂𑐰 𑐬𑐵𑐖𑐰𑑄𑐱𑐟𑐫𑐾𑐐𑐸 𑐄𑐥𑐬𑐵𑐣𑑂𑐟 𑐱𑐵𑐴𑐷 𑐎𑐣𑑂𑐣𑐜 𑐳𑐵𑐩𑑂𑐬𑐵𑐖𑑂𑐫 𑐧𑐵𑐡𑐵𑐩𑐷 𑐔𑐵𑐮𑐸𑐎𑑂𑐫 𑐰𑑄𑐱, 𑐩𑐵𑐣𑑂𑐫𑐏𑐾𑐟𑐫𑐵 𑐬𑐵𑐲𑑂𑐚𑑂𑐬𑐎𑐹𑐚, 𑐰 𑐥𑐱𑑂𑐔𑐶𑐩 𑐔𑐵𑐮𑐸𑐎𑑂𑐫 𑐰𑑄𑐱 𑐰𑐮 𑐐𑐸𑐎𑐶𑐮𑐶𑑄 𑐡𑐎𑑂𑐏𑐶𑐣𑐫𑐵 𑐟𑑅𑐢𑑄𑐐𑐸 𑐨𑐵𑐐𑐫𑑂 𑐱𑐵𑐳𑐣 𑐫𑐵𑐟 𑐰 𑐬𑐵𑐖𑐢𑐵𑐣𑐷𑐟 𑐰𑐬𑑂𑐟𑐩𑐵𑐣 𑐎𑐬𑑂𑐣𑐵𑐚𑐎𑐫𑑂 𑐡𑐫𑐾𑐎𑐮𑑋 𑐥𑐱𑑂𑐔𑐶𑐩𑐷 𑐔𑐵𑐮𑐸𑐎𑑂𑐫𑐟𑐫𑐾𑐳𑑄 𑐕𑐐𑐸 𑐁𑑅𑐖𑐸𑐔𑐵𑑅𑐐𑐸 𑐔𑐵𑐮𑐸𑐎𑑂𑐫 𑐳𑑂𑐠𑐵𑐥𑐟𑑂𑐫 𑐱𑐿𑐮𑐷 𑐣𑑄 𑐡𑐫𑐾𑐎𑐮𑑋 𑐠𑑂𑐰 𑐣𑐵𑐥𑑄 𑐂𑐩𑐶𑐳𑑄 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫𑐫𑐵 𑐣𑑄 𑐰𑐶𑐎𑐵𑐳 𑐫𑐵𑐟; 𑐠𑑂𑐰 𑐮𑐶𑐥𑐵 𑑑𑑒𑐐𑐸 𑐱𑐟𑐵𑐧𑑂𑐡𑐷𑐂 𑐴𑑀𑐫𑐳𑐵𑐮 𑐰𑑄𑐱𑐫𑐵 𑐎𑐮𑐵 𑐰 𑐳𑐵𑐴𑐶𑐟𑑂𑐫 𑐫𑑀𑐐𑐡𑐵𑐣𑐟𑐫𑐾𑐐𑐸 𑐁𑐢𑐵𑐬 𑐖𑐸𑐰𑐣𑑋

𑐁𑐢𑐸𑐣𑐶𑐎 𑐎𑐬𑑂𑐣𑐵𑐚𑐎𑐫𑐵 𑐨𑐵𑐐𑐫𑑂 𑑙𑑙𑑐-𑑑𑑒𑑑𑑐 𑐃. 𑐫𑐵 𑐡𑐠𑐸𑐂 𑐔𑑀𑐮 𑐰𑑄𑐱𑑄 𑐱𑐵𑐳𑐣 𑐫𑐵𑐟𑑋 𑐀𑐢𑐶𑐎𑐬𑐞𑐫𑐵 𑐥𑑂𑐬𑐎𑑂𑐬𑐶𑐫𑐵 𑐬𑐵𑐖𑐬𑐵𑐖 𑐔𑑀𑐮 𑑑 (𑑙𑑘𑑕-𑑑𑑐𑑑𑑔) 𑐣𑑄 𑐣𑑂𑐴𑑂𑐫𑐠𑐣 𑐰 𑐠𑑂𑐰 𑐖𑑂𑐫𑐵 𑐰𑐫𑑂𑐎𑑅𑐫𑐵 𑐎𑐵𑐫𑑂 𑐬𑐵𑐖𑐾𑐣𑑂𑐡𑑂𑐬 𑐔𑑀𑐮 𑑑 (𑑑𑑐𑑑𑑔-𑑑𑑐𑑔𑑔)𑐫𑐵 𑐱𑐵𑐳𑐣 𑐟𑐎𑑂𑐎 𑐖𑐸𑐫𑐵𑐔𑑂𑐰𑐣𑑋 𑐠𑑂𑐰 𑐖𑑂𑐫𑐵 𑐣𑑂𑐴𑑂𑐫𑐠𑑄 𑐧𑐶𑐮𑐫𑑂𑐬𑐵𑐖𑐬𑐵𑐖 𑐔𑑀𑐮 𑑑𑐣𑑄 𑐁𑐢𑐸𑐣𑐶𑐎 𑐩𑐿𑐳𑐹𑐬𑐫𑐵 𑐨𑐵𑐐 𑐐𑑄𑐐𑐵𑐥𑐵𑐜𑐷, 𑐣𑑀𑐮𑑄𑐧𑐥𑐵𑐜𑐷 𑐰 𑐟𑐜𑐶𑐐𑐿𑐥𑐵𑐜𑐷𑐂 𑐱𑐵𑐳𑐣 𑐫𑐵𑐟𑑋 𑐰𑐫𑑂𑐎𑑅 𑐡𑑀𑐣𑐹𑐬 𑐟𑐎𑑂𑐎 𑐠𑑂𑐫𑐣𑐵𑐡𑐶𑐮 𑐰 𑐧𑐣𑐰𑐳𑐷 𑐳𑐴𑐶𑐟 𑐬𑐵𑐫𑐔𑐹𑐬 𑐡𑑀𑐁𑐧𑐫𑐵 𑐟𑑅𑐢𑑄𑐐𑐸 𑐨𑐵𑐐 𑐰 𑐥𑐱𑑂𑐔𑐶𑐩𑐷 𑐔𑐵𑐮𑐸𑐎𑑂𑐫 𑐬𑐵𑐖𑐢𑐵𑐣𑐷 𑐩𑐵𑐣𑑂𑐫𑐏𑐾𑐟 𑐟𑐎𑑂𑐎 𑐠𑑅𑐐𑐸 𑐀𑐢𑐷𑐣𑐫𑑂 𑐮𑐵𑐎𑐮𑑋 𑐔𑐵𑐮𑐸𑐎𑑂𑐫 𑐱𑐵𑐳𑐎 𑐖𑐫𑐳𑐶𑑄𑐴 𑐬𑐵𑐖𑐾𑐣𑑂𑐡𑑂𑐬 𑐔𑑀𑐮 𑑑𑐣𑐵𑐥 𑐧𑐸𑐂 𑐢𑐸𑑄𑐎𑐵, 𑐟𑐸𑑄𑐐𑐨𑐡𑑂𑐬𑐵 𑐏𑐸𑐳𑐶 𑐣𑐶𑐐𑐸 𑐬𑐵𑐖𑑂𑐫 𑐡𑐠𑐸𑐫𑐵 𑐳𑐷𑐩𑐵 𑐟𑐫 𑐖𑐸𑐮𑑋 𑐬𑐵𑐖𑐵𑐢𑐶𑐬𑐵𑐖 𑐔𑑀𑐮 𑑑 (𑑑𑑐𑑔𑑒-𑑑𑑐𑑕𑑖)𑐫𑐵 𑐱𑐵𑐳𑐣𑐫𑑂 𑐡𑐣𑑂𑐣𑐜, 𑐎𑐸𑐮𑑂𑐥𑐵𑐎, 𑐎𑑀𑐥𑑂𑐥𑐩, 𑐎𑐵𑐩𑑂𑐥𑐶𑐮𑑂𑐫 𑐡𑐸𑐬𑑂𑐐, 𑐥𑐸𑐞𑑂𑐜𑐹𑐬, 𑐫𑐾𑐟𑐶𑐐𑐶𑐬𑐶 𑐰 𑐔𑐵𑐮𑐸𑐎𑑂𑐫 𑐬𑐵𑐖𑐢𑐵𑐣𑐷 𑐎𑐮𑑂𑐫𑐵𑐞𑐷 𑐣𑑄 𑐠𑑅𑐐𑐸 𑐀𑐢𑐷𑐣𑐫𑑂 𑐮𑐵𑐎𑐮𑑋 𑐳𑐣𑑂 𑑑𑑐𑑕𑑓𑐳, 𑐬𑐵𑐖𑐾𑐣𑑂𑐡𑑂𑐬 𑐔𑑀𑐮 𑑒 𑐔𑐵𑐮𑐸𑐎𑑂𑐫𑐟𑐫𑐾𑐟 𑐴𑐟𑐵𑑅𑐫𑑂 𑐧𑐸𑐎𑐵 𑐎𑑀𑐮𑑂𑐮𑐵𑐥𑐸𑐬𑐵 𑐠𑑂𑐫𑐣 𑐰 𑐎𑐵𑐮𑑄𑐟𑐬𑐫𑑂 𑐠𑑅𑐐𑐸 𑐬𑐵𑐖𑐢𑐵𑐣𑐷 𑐐𑑄𑐐𑐵𑐎𑑀𑑄𑐜𑐔𑑀𑐮𑐥𑐸𑐬𑐩 𑐮𑐶𑐴𑐵𑑄 𑐰𑐣𑐾 𑐣𑑂𑐴𑑂𑐫𑑅 𑐀𑐣 𑐕𑐐𑐸 𑐰𑐶𑐖𑐫 𑐳𑑂𑐩𑐵𑐬𑐎 𑐳𑑂𑐟𑐩𑑂𑐨 𑐣𑑄 𑐡𑐫𑐾𑐎𑐮𑑋 𑐳𑐣𑑂 𑑑𑑐𑑖𑑖𑐳 𑐥𑐱𑑂𑐔𑐶𑐩𑐷 𑐔𑐵𑐮𑐸𑐎𑑂𑐫 𑐳𑑀𑐩𑐾𑐱𑑂𑐰𑐬𑐫𑐵 𑐳𑐾𑐣𑐵 𑐩𑐾𑐩𑑂𑐴 𑐔𑑀𑐮 𑐱𑐵𑐳𑐎 𑐰𑐷𑐬𑐬𑐵𑐖𑐾𑐣𑑂𑐡𑑂𑐬𑐣𑐵𑐥 𑐧𑐸𑐟𑑋 𑐠𑑂𑐰 𑐢𑐸𑑄𑐎𑐵 𑐰𑐫𑑂𑐎𑐮𑑄 𑐴𑐾 𑐴𑐵𑐣𑑄 𑐥𑐱𑑂𑐔𑐶𑐩𑐷 𑐔𑐵𑐮𑐸𑐎𑑂𑐫 𑐳𑐾𑐣𑐵𑐫𑐵𑐟 𑐎𑐸𑐡𑐵𑐮𑐳𑑄𑐐𑐩𑐫𑑂 𑐧𑐸𑐎𑐮 𑐰 𑐟𑐸𑑄𑐐𑐨𑐡𑑂𑐬𑐵 𑐏𑐸𑐳𑐶𑐫𑐵 𑐳𑐶𑐠𑐫𑑂 𑐕𑐐𑐸 𑐰𑐶𑐖𑐫 𑐳𑑂𑐩𑐵𑐬𑐎𑐫𑐵 𑐳𑑂𑐠𑐵𑐥𑐣𑐵 𑐫𑐵𑐟𑑋 𑐳𑐣𑑂 𑑑𑑐𑑗𑑕𑐳 𑐎𑐸𑐮𑑀𑐟𑑂𑐟𑐸𑑄𑐐 𑐔𑑀𑐮 𑑑𑐣𑑄 𑐎𑑀𑐮𑐵𑐬 𑐖𑐶𑐮𑑂𑐮𑐵𑐫𑐵 𑐣𑐵𑑄𑐐𑐶𑐮𑐷𑐂 𑐰𑐶𑐎𑑂𑐬𑐩𑐵𑐡𑐶𑐟𑑂𑐫 𑑖𑐫𑐵𑐟 𑐧𑐸𑐎𑐵 𑐐𑑄𑐐𑐰𑐵𑐜𑐷𑐂 𑐠𑑅𑐐𑐸 𑐀𑐢𑐶𑐎𑐵𑐬 𑐡𑐫𑑂𑐎𑐮𑑋 𑐳𑐣𑑂 𑑑𑑑𑑑𑑖𑐳 𑐐𑑄𑐐𑐰𑐵𑐜𑐷𑐫𑐵𑐟 𑐔𑑀𑐮 𑐳𑐵𑐩𑑂𑐬𑐵𑐖𑑂𑐫𑑄 𑐰𑐶𑐲𑑂𑐞𑐸𑐰𑐬𑑂𑐢𑐣𑐫𑐵 𑐣𑐾𑐟𑐺𑐟𑑂𑐰𑐫𑑂 𑐴𑑀𑐫𑐳𑐵𑐮𑐵𑐟𑐫𑐾𑐳𑑄 𑐮𑐵𑐎𑐵𑐎𑐵𑐮𑑋

𑐴𑐩𑑂𑐥𑐷, 𑐰𑐶𑐱𑑂𑐰 𑐢𑐬𑑀𑐴𑐬 𑐳𑑂𑐠𑐮𑐫𑑂 𑐄𑐐𑑂𑐬𑐣𑐬𑐳𑐶𑑄𑐴𑐫𑐵 𑐩𑐹𑐬𑑂𑐟𑐶𑑋 𑐠𑑂𑐰 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐹𑐬𑑂𑐰 𑐬𑐵𑐖𑐢𑐵𑐣𑐷 𑐰𑐶𑐖𑐫𑐣𑐐𑐬𑐫𑐵 𑐀𑐰𑐱𑐾𑐲𑐣𑐵𑐥𑑄 𑐮𑐵𑑋

𑐥𑑂𑐬𑐠𑐩 𑐳𑐴𑐳𑑂𑐬𑐵𑐧𑑂𑐡𑐷𑐫𑐵 𑐁𑐬𑐩𑑂𑐨𑐫𑑂 𑐴𑐾 𑐴𑑀𑐫𑐳𑐵𑐮 𑐰𑑄𑐱 𑐎𑑂𑐲𑐾𑐟𑑂𑐬𑐫𑑂 𑐥𑐸𑐣𑐬𑑀𑐡𑑂𑐨𑐰 𑐖𑐸𑐮𑑋 𑐠𑑂𑐰 𑐃𑐮𑐾 𑐴𑑀𑐫𑐳𑐵𑐮 𑐳𑐵𑐴𑐶𑐟𑑂𑐫 𑐳𑐾𑐮𑑂𑐮𑐵𑐟 𑐣𑐵𑐥𑑄, 𑐀𑐣𑐸𑐥𑐩 𑐎𑐣𑑂𑐣𑐜 𑐳𑑄𑐐𑐷𑐟 𑐰 𑐴𑑀𑐫𑐳𑐵𑐮 𑐳𑑂𑐠𑐵𑐥𑐟𑑂𑐫 𑐱𑐿𑐮𑐷𑐫𑐵 𑐡𑐾𑐐𑑅 𑐁𑐡𑐶 𑐡𑐫𑐵𑐰𑐮𑑋 𑐴𑑀𑐫𑐳𑐵𑐮 𑐳𑐵𑐩𑑂𑐬𑐵𑐖𑑂𑐫𑑄 𑐣𑑄 𑐠𑑅𑐐𑐸 𑐱𑐵𑐳𑐣𑐫𑐵 𑐰𑐶𑐳𑑂𑐟𑐵𑐬𑐫𑐵 𑐟𑐴𑐟 𑐁𑐢𑐸𑐣𑐶𑐎 𑐁𑑄𑐢𑑂𑐬 𑐥𑑂𑐬𑐡𑐾𑐱 𑐰 𑐟𑐩𑐶𑐮𑐣𑐵𑐜𑐸𑐫𑐵 𑐔𑐶𑐢𑑄𑐐𑐸 𑐨𑐵𑐐𑐟𑐫𑐾𑐟 𑐠𑑅𑐐𑐸 𑐀𑐢𑐷𑐣𑐫𑑂 𑐰𑐶𑐮𑐫 𑐫𑐵𑐎𑐮𑑋 𑑑𑑔𑐐𑐸 𑐱𑐟𑐵𑐧𑑂𑐡𑐷𑐫𑐵 𑐁𑐬𑐩𑑂𑐨𑐫𑑂 𑐴𑐬𑐶𑐴𑐬 𑐰 𑐧𑐸𑐎𑑂𑐎𑐵 𑐬𑐵𑐫𑐣𑑄 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑐫𑐵 𑐥𑐮𑐶𑐳𑑂𑐠𑐵 𑐫𑐵𑐟 𑐰 𑐰𑐬𑑂𑐟𑐩𑐵𑐣 𑐧𑐾𑐮𑑂𑐮𑐵𑐬𑐷 𑐖𑐶𑐮𑑂𑐮𑐵𑐫𑑂 𑐟𑐸𑑄𑐐𑐨𑐡𑑂𑐬𑐵 𑐏𑐸𑐳𑐶𑐫𑐵 𑐟𑐚 𑐴𑑀𑐳𑐣𑐥𑐚𑑂𑐚 (𑐮𑐶𑐥𑐵 𑐰𑐶𑐖𑐫𑐣𑐐𑐬)𑐫𑑂 𑐠𑑅𑐐𑐸 𑐬𑐵𑐖𑐢𑐵𑐣𑐷 𑐡𑐫𑐾𑐎𑐮𑑋 𑐠𑑂𑐰 𑐳𑐵𑐩𑑂𑐬𑐵𑐖𑑂𑐫𑑄 𑐩𑐾𑐐𑐸 𑐣𑐶𑐐𑐸 𑐱𑐟𑐵𑐧𑑂𑐡𑐷𑐂 𑐩𑐸𑐳𑑂𑐩𑐵𑑄 𑐱𑐵𑐳𑐎𑐟𑐫𑐾𑐐𑐸 𑐡𑐎𑑂𑐲𑐶𑐞 𑐨𑐵𑐬𑐟𑐫𑑂 𑐰𑐶𑐳𑑂𑐟𑐵𑐬 𑐡𑐶𑐎𑐵𑐟𑐮𑑋

𑐧𑐵𑐡𑐵𑐩𑐷 𑐐𑐸𑐦𑐵 𑐡𑐸𑐣𑐾

𑐳𑐣𑑂 𑑑𑑕𑑖𑑕𑐳 𑐳𑐩𑐳𑑂𑐟 𑐡𑐎𑑂𑐲𑐶𑐞 𑐨𑐵𑐬𑐟 𑐳𑐴𑐶𑐟 𑐎𑐬𑑂𑐣𑐵𑐚𑐎𑑄 𑐕𑐐𑐸 𑐟𑑅𑐢𑑄𑐐𑐸 𑐬𑐵𑐖𑐣𑐿𑐟𑐶𑐎 𑐴𑐶𑐄𑐥𑐵 𑐏𑐣, 𑐐𑐸𑐎𑐶𑐮𑐶 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫 𑐟𑐵𑐮𑐶𑐎𑑀𑐚𑐫𑐵 𑐴𑐟𑐵𑑅𑐫𑑂 𑐧𑐸𑐫𑐵 𑐂𑐳𑑂𑐮𑐵𑐩𑐷 𑐳𑐮𑑂𑐟𑐣𑐟𑐟𑐫𑐾𑐐𑐸 𑐀𑐢𑐷𑐣𑐫𑑂 𑐮𑐵𑐰𑐣𑑋 𑐧𑐷𑐡𑐬𑐫𑐵 𑐧𑐴𑐩𑐣𑐷 𑐳𑐸𑐮𑑂𑐟𑐵𑐣𑐫𑐵 𑐩𑐺𑐟𑑂𑐫𑐸 𑐄𑐥𑐬𑐵𑐣𑑂𑐟 𑐄𑐡𑐫 𑐖𑐹𑐐𑐸 𑐧𑐷𑐖𑐵𑐥𑐸𑐬 𑐳𑐮𑑂𑐟𑐣𑐟𑑄 𑐫𑐵𑐎𑐣𑑄 𑐴𑐾 𑐡𑐎𑑂𑐏𑐶𑐣𑐫𑑂 𑐱𑐵𑐳𑐣 𑐫𑐵𑐟 𑐰 𑑑𑑗𑐐𑐸 𑐱𑐟𑐵𑐧𑑂𑐡𑐷𑐫𑐵 𑐀𑐣𑑂𑐟𑐫𑑂 𑐩𑐸𑐐𑐮 𑐳𑐵𑐩𑑂𑐬𑐵𑐖𑑂𑐫𑑄 𑐧𑐸𑐂𑐧𑐶𑐮𑐫𑑂 𑐟𑐎𑑂𑐎 𑐡𑐫𑐵𑐔𑑂𑐰𑐣𑑋 𑐧𑐴𑐩𑐣𑐷 𑐰 𑐧𑐷𑐖𑐵𑐥𑐸𑐬𑐫𑐵 𑐱𑐵𑐳𑐎𑐟𑐫𑐾𑐳𑑄 𑐄𑐬𑑂𑐡𑐹 𑐰 𑐦𑐵𑐬𑐳𑐷 𑐳𑐵𑐴𑐶𑐟𑑂𑐫 𑐟𑐠𑐵 𑐨𑐵𑐬𑐟𑐷𑐫 𑐥𑐸𑐣𑐬𑑀𑐡𑑂𑐢𑐵𑐬 𑐳𑑂𑐠𑐵𑐥𑐟𑑂𑐫𑐎𑐮𑐵 (𑐂𑐞𑑂𑐜𑑀-𑐳𑐿𑐬𑐾𑐳𑐶𑐣𑐶𑐎)𑐫𑐵𑐟 𑐧𑐝𑐵𑐰𑐵 𑐧𑐶𑐮𑑋 𑐠𑑂𑐰 𑐱𑐿𑐮𑐷𑐫𑐵 𑐩𑐹 𑐡𑐳𑐸 𑐏 𑐐𑑀𑐮 𑐐𑐸𑐩𑑂𑐧𑐖 𑐥𑑀𑐬𑑂𑐔𑐸𑐐𑐶𑐖 𑐱𑐵𑐳𑐣𑐡𑑂𑐰𑐵𑐬𑐵 𑐟𑑅𑐔𑑂𑐰𑐐𑐸 𑐎𑐬 𑐎𑐫𑐵, 𑐏𑐵𑐡𑑂𑐫 𑐁𑐥𑐹𑐬𑑂𑐟𑐶𑐂 𑐎𑐩𑐷 𑐰 𑐩𑐴𑐵𑐩𑐵𑐬𑐷𑐟𑐫𑐾𑐐𑐸 𑐎𑐵𑐬𑐞𑑄 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂 𑐎𑑀𑑄𑐎𑐞𑐷 𑐴𑐶𑐣𑑂𑐡𑐹 𑐩𑐸𑐏𑑂𑐫𑐟𑑅 𑐳𑐿𑐮𑑂𑐳𑐾𑐚, 𑐐𑑀𑐁𑑄 𑐰𑐶𑐳𑑂𑐠𑐵𑐥𑐶𑐟 𑐖𑐸𑐫𑐵]], 𑐎𑐬𑑂𑐣𑐵𑐚𑐎𑐫𑑂 𑐰𑐮 𑐰 𑑑𑑗𑐐𑐸 𑐟𑐠𑐵 𑑑𑑘𑐐𑐸 𑐱𑐟𑐵𑐧𑑂𑐡𑐷𑐂 𑐰𑐶𑐱𑐾𑐲𑐟𑑅 𑐧𑐵𑐬𑐡𑐾𑐖, 𑐐𑑀𑐁𑑄 𑐰𑐶𑐳𑑂𑐠𑐵𑐥𑐶𑐟 𑐖𑐸𑐫𑐵 𑐩𑑄𑐐𑐮𑑀𑐬𑐶𑐫𑐣 𑐎𑐿𑐠𑑀𑐮𑐶𑐎 𑐃𑐳𑐵𑐃 𑐡𑐎𑑂𑐲𑐶𑐞 𑐎𑐣𑑂𑐣𑐜𑐫𑑂 𑐰𑐫𑐵 𑐔𑑂𑐰𑐣𑑋

𑐨𑐹𑐐𑑀𑐮

𑐖𑑀𑐐 𑐗𑑂𑐰𑐵𑐮𑐵 𑐨𑐵𑐬𑐟𑐫𑑂 𑐡𑐎𑐮𑐾 𑐟𑐖𑐵𑑅𑐐𑐸 𑐖𑐮 𑐥𑑂𑐬𑐥𑐵𑐟 𑐏𑑋 𑐠𑐣 𑐱𑐬𑐵𑐰𑐟𑐷 𑐏𑐸𑐳𑐶 𑐔𑑂𑐰𑐳𑑄 𑐎𑐸𑐟𑐸𑑄𑐰𑐂𑑋

𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐳𑑂𑐰𑑄𑐐𑐸 𑐩𑐹 𑐩𑐞𑑂𑐜𑐮 𑐡𑐸: 𑐟𑐚𑐷𑐫 𑐎𑑂𑐲𑐾𑐟𑑂𑐬 𑐎𑐬𑐵𑐰𑐮𑐷, 𑐥𑐴𑐵𑐜𑐷 𑐎𑑂𑐲𑐾𑐟𑑂𑐬 𑐩𑐵𑐮𑐾𑐣𑐵𑐜𑐸 𑐐𑐸𑐎𑐶𑐮𑐶 𑐥𑐱𑑂𑐔𑐶𑐩𑐷 𑐑𑐵𑐚 𑐮𑐵, 𑐟𑐠𑐵 𑐳𑑂𑐰𑑄𑐐𑐸𑐐𑐸 𑐧𑐫𑐵𑐮𑐸𑐳𑐷𑐩𑐷 𑐎𑑂𑐲𑐾𑐟𑑂𑐬 𑐐𑐣 𑐡𑐎𑑂𑐏𑐶𑐣 𑐥𑐛𑐵𑐬𑐫𑐵 𑐎𑑂𑐲𑐾𑐟𑑂𑐬 𑐡𑐸𑑋 𑐬𑐵𑐖𑑂𑐫𑐫𑐵 𑐀𑐢𑐶𑐎𑐵𑑄𑐱 𑐎𑑂𑐲𑐾𑐟𑑂𑐬 𑐧𑐫𑐵𑐮𑐸𑐳𑐷𑐩𑐷𑐂 𑐮𑐵 𑐰 𑐠𑐸𑐎𑐶𑐫𑐵 𑐄𑐟𑑂𑐟𑐬𑐷 𑐎𑑂𑐲𑐾𑐟𑑂𑐬 𑐨𑐵𑐬𑐟𑐫𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐱𑐸𑐲𑑂𑐎 𑐎𑑂𑐲𑐾𑐟𑑂𑐬 𑐏𑑋 𑐎𑐬𑑂𑐣𑐵𑐚𑐎𑐫𑐵 𑐡𑐎𑐮𑐾 𑐟𑑅𑐖𑐵𑐐𑐸 𑐠𑐵𑐫𑑂 𑐔𑐶𑐎𑐩𑑄𑐐𑐮𑐹𑐬 𑐖𑐶𑐮𑑂𑐮𑐵𑐫𑐵 𑐩𑐸𑐮𑑂𑐮𑐫𑐣𑐐𑐶𑐬𑐶 𑐥𑐬𑑂𑐰𑑅 𑐏𑑋 𑐠𑐣𑐫𑐵 𑐳𑐩𑐸𑐡𑑂𑐬 𑐳𑐟𑐴𑑄 𑐖𑐵𑑅 1,929 metres (6,329 ft) 𑐡𑐸𑑋 𑐎𑐬𑑂𑐣𑐵𑐚𑐎𑐫𑐵 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐏𑐸𑐳𑐶𑐂 𑐎𑐵𑐰𑐾𑐬𑐷, 𑐟𑐸𑑄𑐐𑐨𑐡𑑂𑐬𑐵 𑐏𑐸𑐳𑐶, 𑐎𑐺𑐲𑑂𑐞𑐵 𑐏𑐸𑐳𑐶, 𑐩𑐮𑐫𑐥𑑂𑐬𑐨𑐵 𑐏𑐸𑐳𑐶 𑐰 𑐱𑐬𑐵𑐰𑐟𑐷 𑐏𑐸𑐳𑐶 𑐮𑐵𑑋

𑐧𑐸𑑄𑐖𑑂𑐫𑐵 𑐴𑐾𑐟𑐸 𑐫𑑀𑐐𑑂𑐫𑐟𑐵 𑐎𑐠𑑄 𑐠𑐣𑐫𑐵 𑐩𑐺𑐡𑐵𑐟𑐫𑐾𑐟 𑐏𑐸𑐐𑐸 𑐥𑑂𑐬𑐎𑐵𑐬𑐫𑑂 𑐰𑐬𑑂𑐐𑐷𑐎𑐺𑐟 𑐫𑐵𑐫𑐾𑐕𑐶𑑄: 𑐴𑑂𑐫𑐵𑑄𑐐𑐸, 𑐮𑐿𑐚𑐾𑐬𑐶𑐚𑐶𑐎, 𑐴𑐵𑐎𑐸𑐐𑐸, 𑐊𑐮𑑂𑐫𑐸𑐰𑐶𑐫𑑀-𑐎𑑀𑐮𑑂𑐫𑐸𑐰𑐶𑐮𑐫 𑐰 𑐟𑐚𑐷𑐫 𑐦𑐶 𑐡𑐹𑐐𑐸 𑐔𑐵𑑋 𑐬𑐵𑐖𑑂𑐫𑐫𑑂 𑐥𑑂𑐫𑑄𑐐𑐸 𑐩𑐹 𑐆𑐟𑐸 𑐡𑐸𑑋 𑐖𑑂𑐫𑐵𑐣𑐸𑐰𑐬𑐷 𑐰 𑐦𑐾𑐧𑑂𑐬𑐸𑐰𑐬𑐷𑐂 𑐔𑐶𑐎𑐸𑐮𑐵, 𑐰 𑐢𑐸𑑄𑐎𑐵 𑐩𑐵𑐬𑑂𑐔-𑐩𑐾 𑐟𑐎𑑂𑐎 𑐐𑑂𑐬𑐷𑐲𑑂𑐩, 𑐐𑐸𑐎𑐶𑐫𑐵𑐟 𑐥𑐸𑐮𑐾𑐢𑐸𑑄𑐎𑐵 𑐖𑐸𑐣𑑄 𑐳𑐾𑐥𑑂𑐚𑐾𑐩𑑂𑐧𑐬 𑐟𑐎𑑂𑐎 𑐰𑐬𑑂𑐲𑐵 (𑐩𑐣𑐳𑐹𑐣) 𑐰 𑐀𑑄𑐟𑐟𑑅 𑐀𑐎𑑂𑐚𑑀𑐧𑐬𑑄 𑐡𑐶𑐳𑐾𑐩𑑂𑐧𑐬 𑐥𑐬𑑂𑐫𑐣𑑂𑐟 𑐩𑐣𑐳𑐹𑐣𑑀𑐟𑑂𑐟𑐬 𑐎𑐵𑐮 𑐡𑐂𑑋 𑐩𑑁𑐳𑐩 𑐰𑐶𑐖𑑂𑐘𑐵𑐣𑐫𑐵 𑐁𑐢𑐵𑐬𑐫𑑂 𑐎𑐬𑑂𑐣𑐵𑐚𑐎𑐫𑐵𑐟 𑐳𑑂𑐰𑑄𑐐𑐸 𑐎𑑂𑐲𑐾𑐟𑑂𑐬𑐫𑑂 𑐧𑐵𑐫𑐾𑐕𑐶𑑄: 𑐟𑐚𑐷𑐫, 𑐄𑐟𑑂𑐟𑐬𑐷 𑐁𑐣𑑂𑐟𑐬𑐶𑐎 𑐰 𑐡𑐎𑑂𑐲𑐶𑐞𑐷 𑐁𑐣𑑂𑐟𑐬𑐶𑐎 𑐎𑑂𑐲𑐾𑐟𑑂𑐬𑑋 𑐠𑐸𑐎𑐶𑐮𑐶 𑐟𑐚𑐷𑐫 𑐎𑑂𑐲𑐾𑐟𑑂𑐬𑐫𑑂 𑐡𑐎𑐮𑐾 𑐀𑐥𑑂𑐰 𑐰𑐵 𑐰𑐂, 𑐠𑑂𑐰 𑐎𑐬𑐶𑐧 3,638.5 mm (143 in) 𑐥𑑂𑐬𑐟𑐶𑐰𑐬𑑂𑐲 𑐡𑐂, 𑐠𑑂𑐰 𑐬𑐵𑐖𑑂𑐫𑐫𑐵 𑐰𑐵𑐬𑑂𑐲𑐶𑐎 𑐍𑐳𑐟 1,139 mm (45 in)𑐳𑑂𑐰𑐫𑐵 𑐳𑐶𑐎𑑂𑐎 𑐀𑐥𑑂𑐰 𑐏𑑋 𑐱𑐶𑐩𑑀𑐐𑐵 𑐖𑐶𑐮𑑂𑐮𑐵𑐫𑑂 𑐀𑐐𑐸𑐩𑑂𑐧𑐾 𑐨𑐵𑐬𑐟𑐫𑐵 𑐣𑐶𑐎𑑂𑐰𑑅𑐐𑐸 𑐳𑐬𑑂𑐰𑐵𑐢𑐶𑐎 𑐰𑐵𑐬𑑂𑐲𑐶𑐎 𑐍𑐳𑐟 𑐰𑐬𑑂𑐲𑐵 𑐖𑐸𑐂𑐐𑐸 𑐠𑐵𑐫𑑂 𑐏𑑋 𑐠𑐣𑐫𑐵 𑐳𑐬𑑂𑐰𑐵𑐢𑐶𑐎 𑐀𑑄𑐎𑐶𑐟 𑐟𑐵𑐥𑐩𑐵𑐣 𑑔𑑕.𑑖 ° 𑐳𑐾. (𑑑𑑑𑑔 °𑐦.) 𑐬𑐵𑐫𑐔𑐹𑐬𑐫𑑂 𑐟𑐠𑐵 𑐣𑑂𑐫𑐹𑐣𑐟𑐩 𑐟𑐵𑐥𑐩𑐵𑐣 2.8 °C (37 °F) 𑐧𑐷𑐡𑐬𑐫𑑂 𑐏𑑄𑐐𑐸 𑐡𑐸𑑋

𑐎𑐬𑑂𑐣𑐵𑐚𑐎𑐫𑐵 𑐮𑐐𑐨𑐐 38,724 km² (14,951 sq mi) (𑐬𑐵𑐖𑑂𑐫𑐫𑐵 𑐨𑑁𑐐𑑀𑐮𑐶𑐎 𑐎𑑂𑐲𑐾𑐟𑑂𑐬𑐫𑐵 𑑒𑑐%) 𑐖𑑄𑐐𑐮𑑄 𑐨𑐸𑐣𑐵𑐟𑑅𑐐𑐸 𑐡𑐸𑑋 𑐠𑑂𑐰 𑐖𑑄𑐐𑐮 𑐳𑑄𑐬𑐎𑑂𑐲𑐶𑐟, 𑐳𑐸𑐬𑐎𑑂𑐲𑐶𑐟, 𑐏𑐸𑐮𑐵, 𑐐𑑂𑐬𑐵𑐩𑐷𑐞 𑐰 𑐣𑐶𑐖𑐷 𑐰𑐣𑐫𑑂 𑐰𑐬𑑂𑐐𑐷𑐎𑐺𑐟 𑐫𑐵𑐫𑐾𑐕𑐶𑑄𑑋 𑐠𑐣𑐫𑐵 𑐰𑐣𑐵𑐔𑑂𑐕𑐵𑐡𑐶𑐟 𑐎𑑂𑐲𑐾𑐟𑑂𑐬 𑐨𑐵𑐬𑐟𑐫𑐵 𑐍𑐳𑐟 𑐰𑐣𑐷𑐫 𑐎𑑂𑐲𑐾𑐟𑑂𑐬 𑑒𑑓%𑐳𑑂𑐰𑐫𑐵 𑐨𑐟𑐶𑐔𑐵 𑐩𑑂𑐴𑑀 𑐡𑐸, 𑐟𑐬 𑐬𑐵𑐲𑑂𑐚𑑂𑐬𑐷𑐫 𑐰𑐣 𑐣𑐷𑐟𑐶𑐡𑑂𑐰𑐵𑐬𑐵 𑐣𑐶𑐬𑑂𑐢𑐵𑐬𑐶𑐟 𑑓𑑓% 𑐳𑑂𑐰𑐫𑐵 𑐢𑐵𑑅𑐳𑐵 𑐳𑐶𑐎𑑂𑐎 𑐴𑐾 𑐎𑐩 𑐡𑐸𑑋

𑐄𑐥-𑐩𑐞𑑂𑐜𑐮

𑐎𑐬𑑂𑐣𑐵𑐚𑐎𑐫𑐵 𑐖𑐶𑐮𑑂𑐮𑐵

𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑑓𑑐 𑐖𑐶𑐮𑑂𑐮𑐵 𑐡𑐸 —𑐧𑐵𑐐𑐮𑐎𑑀𑐚, 𑐧𑑄𑐐𑐮𑐸𑐬𑐸 𑐐𑑂𑐬𑐵𑐩𑐷𑐞, 𑐧𑑄𑐐𑐮𑐸𑐬𑐸 𑐣𑐐𑐬, 𑐧𑐾𑐮𑐐𑐵𑐩, 𑐧𑐾𑐮𑑂𑐮𑐵𑐬𑐷, 𑐧𑐷𑐡𑐬, 𑐧𑐷𑐖𑐵𑐥𑐸𑐬, 𑐔𑐵𑐩𑐬𑐵𑐖𑐣𑐐𑐬, 𑐔𑐶𑐎𑐧𑐮𑑂𑐮𑐥𑐸𑐬, 𑐔𑐶𑐎𑐩𑑄𑐐𑐮𑐹𑐬, 𑐔𑐶𑐟𑑂𑐬𑐡𑐸𑐬𑑂𑐐, 𑐡𑐎𑑂𑐲𑐶𑐞 𑐎𑐣𑑂𑐣𑐜, 𑐡𑐵𑐰𑐞𑐐𑐶𑐬𑐶, 𑐢𑐵𑐬𑐰𑐵𑐜, 𑐐𑐜𑐐, 𑐐𑐸𑐮𑐧𑐬𑑂𑐐𑐵, 𑐴𑐳𑐣, 𑐴𑐰𑐾𑐬𑐷, 𑐎𑑀𑐜𑐐𑐸, 𑐎𑑀𑐮𑐵𑐬, 𑐎𑑀𑐥𑑂𑐥𑐮, 𑐩𑐵𑑄𑐜𑑂𑐫𑐵, 𑐩𑐿𑐳𑐹𑐬, 𑐬𑐵𑐫𑐔𑐹𑐬, 𑐬𑐵𑐩𑐣𑐐𑐬, 𑐱𑐶𑐩𑑀𑐐𑐵, 𑐟𑐸𑐩𑐎𑐸𑐬, 𑐄𑐜𑐸𑐥𑐷, 𑐄𑐟𑑂𑐟𑐬 𑐎𑐣𑑂𑐣𑐜 𑐊𑐰𑑄 𑐫𑐵𑐡𑐐𑐷𑐬𑑋 𑐡𑐎𑑂𑐰𑑄 𑐖𑐶𑐮𑑂𑐮𑐵𑐫𑐵 𑐥𑑂𑐬𑐱𑐵𑐳𑐣 𑐕𑐩𑑂𑐴 𑐖𑐶𑐮𑑂𑐮𑑆𑐵𑐢𑐷𑐱 𑐰𑐵 𑐖𑐶𑐮𑐵𑐫𑐸𑐎𑑂𑐟𑐫𑐵 𑐀𑐢𑐷𑐣𑐫𑑂 𑐖𑐸𑐂𑑋 𑐖𑐶𑐮𑑂𑐮𑐵 𑐴𑐵𑐣𑑄 𑐄𑐥-𑐎𑑂𑐲𑐾𑐟𑑂𑐬𑐫𑑂 𑐧𑐵𑐫𑐵𑐟𑑅𑐐𑐸 𑐡𑐸, 𑐐𑐸𑐎𑐶𑐫𑐵 𑐥𑑂𑐬𑐱𑐵𑐳𑐣 𑐄𑐥𑐖𑐶𑐮𑑂𑐮𑐵𑐢𑐷𑐱𑐫𑐵 𑐀𑐢𑐷𑐣𑐫𑑂 𑐖𑐸𑐂𑑋 𑐄𑐥-𑐖𑐶𑐮𑑂𑐮𑐵𑐟𑐫𑐾𑐟 𑐧𑑂𑐮𑐎 𑐰 𑐥𑑄𑐔𑐵𑐫𑐟 𑐟𑐠𑐵 𑐣𑐐𑐬𑐥𑐵𑐮𑐶𑐎𑐵𑐡𑑂𑐰𑐵𑐬𑐵 𑐳𑑂𑐰𑐫𑐾𑐐𑐸 𑐖𑐸𑐂𑑋

𑐳𑐣𑑂 𑑒𑑐𑑐𑑑𑐫𑐵 𑐖𑐣𑐐𑐞𑐣𑐵𑐫𑐵 𑐟𑐠𑑂𑐫𑐵𑑄𑐎𑐫𑐵 𑐖𑐣𑐳𑑄𑐏𑑂𑐫𑐵𑐣𑐸𑐳𑐵𑐬 𑐎𑐬𑑂𑐣𑐵𑐚𑐎𑐫𑐵 𑐣𑐐𑐬𑐟𑐫𑐾𑐐𑐸 𑐢𑐮𑐏𑐫𑑂 𑐳𑐬𑑂𑐰𑑀𑐔𑑂𑐔 𑐏𑐸𑐐𑐸 𑐣𑐐𑐬𑐫𑑂 𑐧𑑄𑐐𑐮𑐸𑐬𑐸, 𑐴𑐸𑐧𑐮𑐷-𑐢𑐵𑐬𑐰𑐵𑐜, 𑐩𑐿𑐳𑐹𑐬, 𑐐𑐸𑐮𑐧𑐬𑑂𑐐𑐵, 𑐧𑐾𑐮𑐐𑐵𑐩 𑐰 𑐩𑑄𑐐𑐮𑐸𑐬𑐸 𑐮𑐵𑑋 𑑑𑑐 𑐮𑐏𑑅 𑐳𑑂𑐰𑐫𑐵 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐹𑐐𑐸 𑐩𑐴𑐵𑐣𑐐𑐬 𑐧𑑄𑐐𑐮𑐸𑐬𑐸 𑐖𑐎𑑂𑐎 𑐡𑐸𑑋 𑐧𑑄𑐐𑐮𑐸𑐬𑐸 𑐣𑐐𑐬, 𑐧𑐾𑐮𑐐𑐵𑐩 𑐰 𑐐𑐸𑐮𑐧𑐬𑑂𑐐𑐵 𑐳𑐬𑑂𑐰𑐵𑐢𑐶𑐎 𑐖𑐣𑐳𑑄𑐏𑑂𑐫𑐵 𑐡𑐸𑐐𑐸 𑐖𑐶𑐮𑑂𑐮𑐵 𑐏𑑋 𑐠𑑂𑐰 𑐡𑐎𑑂𑐰 𑐖𑐶𑐮𑑂𑐮𑐵𑐫𑑂 𑑓𑑐 𑐮𑐏𑑅 𑐳𑑂𑐰𑐫𑐵 𑐀𑐥𑑂𑐰 𑐖𑐣𑐳𑑄𑐏𑑂𑐫𑐵 𑐡𑐸𑑋 𑐐𑐜𑐐, 𑐔𑐵𑐩𑐬𑐵𑐖𑐣𑐐𑐬 𑐰 𑐎𑑀𑐜𑐐𑐸 𑐖𑐶𑐮𑑂𑐮𑐵𑐫𑐵 𑐖𑐣𑐳𑑄𑐏𑑂𑐫𑐵 𑑑𑑐 𑐮𑐏𑑅 𑐳𑑂𑐰𑐫𑐵 𑐩𑑂𑐴𑑀 𑐡𑐸𑑋

𑐎𑐬𑑂𑐣𑐵𑐚𑐎𑐫𑐵 𑐖𑐶𑐮𑑂𑐮𑐵 𑐠𑑂𑐰 𑐎𑐠𑑄 𑐡𑐸-

• 𑐧𑐾𑑄𑐐𑐮𑐹𑐬𑐸 𑐰𑐶𑐨𑐵𑐐
  • 𑐧𑐾𑑄𑐐𑐮𑐹𑐬𑐸 𑐖𑐶𑐮𑑂𑐮𑐵 (𑑖𑑕,𑑒𑑓,𑑑𑑑𑑐, 𑑓𑑔.𑑘𑑐%),(𑐎𑑂𑐲𑐾𑐟𑑂𑐬𑐦𑐮:𑑒𑑑𑑙𑑐 𑐰𑐬𑑂𑐐 𑐎𑐶𑐩𑐶)
  • 𑐧𑐾𑑄𑐐𑐮𑐹𑐬𑐸 𑐐𑑂𑐬𑐵𑐩𑐵𑑄𑐟𑐬 𑐖𑐶𑐮𑑂𑐮𑐵 (𑑑𑑘,𑑗𑑗,𑑔𑑑𑑖, 𑑑𑑒.𑑒𑑑%),(𑐎𑑂𑐲𑐾𑐟𑑂𑐬𑐦𑐮:𑑕𑑐𑑑𑑕 𑐰𑐬𑑂𑐐 𑐎𑐶𑐩𑐶)
  • 𑐔𑐶𑐟𑑂𑐬𑐡𑐸𑐬𑑂𑐐 𑐖𑐶𑐮𑑂𑐮𑐵 (𑑑𑑕,𑑑𑑐,𑑒𑑒𑑗, 𑑑𑑕.𑑐𑑕%),(𑐎𑑂𑐲𑐾𑐟𑑂𑐬𑐦𑐮:𑑘𑑓𑑘𑑘 𑐰𑐬𑑂𑐐 𑐎𑐶𑐩𑐶)
  • 𑐡𑐵𑐰𑐞𑐐𑐾𑐬𑐾 𑐖𑐶𑐮𑑂𑐮𑐵 (𑑑𑑗,𑑘𑑙,𑑖𑑙𑑓, 𑑑𑑔.𑑗𑑘%),(𑐎𑑂𑐲𑐾𑐟𑑂𑐬𑐦𑐮:𑑖𑑐𑑑𑑘 𑐔𑑂.𑐎𑐶𑐩𑐶)
  • 𑐎𑑀𑐮𑐵𑐬 𑐖𑐶𑐮𑑂𑐮𑐵 (𑑒𑑕,𑑒𑑓,𑑔𑑐𑑖, 𑑑𑑓.𑑘𑑓%),(𑐎𑑂𑐲𑐾𑐟𑑂𑐬𑐦𑐮:𑑘𑑒𑑒𑑓 𑐰𑐬𑑂𑐐 𑐎𑐶𑐩𑐶)
  • 𑐱𑐶𑐰𑐩𑑀𑐐𑑂𑐐 𑐖𑐶𑐮𑑂𑐮𑐵 (𑑑𑑖,𑑓𑑙,𑑕𑑙𑑕, 𑑑𑑒.𑑙𑑐%),(𑐎𑑂𑐲𑐾𑐟𑑂𑐬𑐦𑐮:𑑘𑑔𑑖𑑕 𑐰𑐬𑑂𑐐 𑐎𑐶𑐩𑐶)
  • 𑐟𑐸𑐩𑐎𑐹𑐬𑐸 𑐖𑐶𑐮𑑂𑐮𑐵 (𑑒𑑕,𑑗𑑙,𑑕𑑑𑑖, 𑑑𑑑.𑑘𑑗%),(𑐎𑑂𑐲𑐾𑐟𑑂𑐬𑐦𑐮:𑑑𑑐𑑕𑑙𑑘 𑐰𑐬𑑂𑐐 𑐎𑐶𑐩𑐶)
  • 𑐔𑐶𑐎𑑂𑐎𑐧𑐮𑑂𑐮𑐵𑐥𑐸𑐬 𑐖𑐶𑐮𑑂𑐮𑐵
  • 𑐬𑐵𑐩𑐣𑐐𑐬 𑐖𑐶𑐮𑑂𑐮𑐵

• 𑐧𑐾𑐮𑐐𑐵𑐰𑐶 𑐰𑐶𑐨𑐵𑐐
  • 𑐧𑐵𑐐𑐮𑐎𑑀𑐚𑐾 𑐖𑐶𑐮𑑂𑐮𑐵 (𑑑𑑖,𑑕𑑒,𑑒𑑓𑑒, 𑑑𑑘.𑑘𑑔%),(𑐎𑑂𑐲𑐾𑐟𑑂𑐬𑐦𑐮:𑑖𑑕𑑙𑑔 𑐰𑐬𑑂𑐐 𑐎𑐶𑐩𑐶)
  • 𑐧𑐾𑐮𑐐𑐵𑐰𑐶 𑐖𑐶𑐮𑑂𑐮𑐵 (𑑔𑑒,𑑐𑑗,𑑒𑑖𑑔, 𑑑𑑗.𑑔𑑐%),(𑐎𑑂𑐲𑐾𑐟𑑂𑐬𑐦𑐮:𑑑𑑓𑑔𑑑𑑕 𑐰𑐬𑑂𑐐 𑐎𑐶𑐩𑐶)
  • 𑐧𑐶𑐖𑐵𑐥𑐸𑐬 𑐖𑐶𑐮𑑂𑐮𑐵 (𑑑𑑘,𑑐𑑘,𑑘𑑖𑑓, 𑑑𑑗.𑑖𑑓%),(𑐎𑑂𑐲𑐾𑐟𑑂𑐬𑐦𑐮:𑑑𑑐𑑔𑑗𑑕 𑐰𑐬𑑂𑐐 𑐎𑐶𑐩𑐶)
  • 𑐢𑐵𑐬𑐰𑐵𑐜 𑐖𑐶𑐮𑑂𑐮𑐵 (𑑑𑑖,𑑐𑑓,𑑗𑑙𑑔, 𑑑𑑖.𑑖𑑕%),(𑐎𑑂𑐲𑐾𑐟𑑂𑐬𑐦𑐮:𑑔𑑒𑑓𑑐 𑐰𑐬𑑂𑐐 𑐎𑐶𑐩𑐶)
  • 𑐐𑐡𑐐 𑐖𑐶𑐮𑑂𑐮𑐵 (𑑙,𑑗𑑑,𑑙𑑕𑑕 𑑑𑑓.𑑑𑑔%),(𑐎𑑂𑐲𑐾𑐟𑑂𑐬𑐦𑐮:𑑔𑑖𑑕𑑗 𑐰𑐬𑑂𑐐 𑐎𑐶𑐩𑐶)
  • 𑐴𑐵𑐰𑐾𑐬𑐶 𑐖𑐶𑐮𑑂𑐮𑐵 (𑑑𑑔,𑑓𑑗,𑑘𑑖𑑐, 𑑑𑑓.𑑒𑑙%),(𑐎𑑂𑐲𑐾𑐟𑑂𑐬𑐦𑐮:𑑔𑑘𑑕𑑑 𑐰𑐬𑑂𑐐 𑐎𑐶𑐩𑐶)
  • 𑐄𑐟𑑂𑐟𑐬 𑐎𑐣𑑂𑐣𑐜 𑐖𑐶𑐮𑑂𑐮𑐵 (𑑑𑑓,𑑕𑑓,𑑒𑑙𑑙, 𑑑𑑐.𑑙𑑐%),(𑐎𑑂𑐲𑐾𑐟𑑂𑐬𑐦𑐮:𑑑𑑐𑑒𑑙𑑑 𑐰𑐬𑑂𑐐 𑐎𑐶𑐩𑐶)

• 𑐐𑐸𑐮𑑂𑐧𑐬𑑂𑐐 𑐰𑐶𑐨𑐵𑐐
  • 𑐧𑐮𑑂𑐮𑐵𑐬𑐶 𑐖𑐶𑐮𑑂𑐮𑐵 (𑑒𑑐,𑑒𑑕,𑑒𑑔𑑒, 𑑒𑑒.𑑓𑑐%),(𑐎𑑂𑐲𑐾𑐟𑑂𑐬𑐦𑐮:𑑘𑑔𑑑𑑙 𑐰𑐬𑑂𑐐 𑐎𑐶𑐩𑐶)
  • 𑐧𑐷𑐡𑐬 𑐖𑐶𑐮𑑂𑐮𑐵 (𑑑𑑕,𑑐𑑑,𑑓𑑗𑑔, 𑑑𑑙.𑑕𑑖%),(𑐎𑑂𑐲𑐾𑐟𑑂𑐬𑐦𑐮:𑑕𑑔𑑔𑑘 𑐰𑐬𑑂𑐐 𑐎𑐶𑐩𑐶)
  • 𑐐𑐸𑐮𑑂𑐧𑐬𑑂𑐐 𑐖𑐶𑐮𑑂𑐮𑐵 (𑑓𑑑,𑑒𑑔,𑑘𑑕𑑘, 𑑒𑑑.𑑐𑑒%),(𑐎𑑂𑐲𑐾𑐟𑑂𑐬𑐦𑐮:𑑑𑑖𑑒𑑒𑑔 𑐰𑐬𑑂𑐐 𑐎𑐶𑐩𑐶)
  • 𑐎𑑀𑐥𑑂𑐥𑐮 𑐖𑐶𑐮𑑂𑐮𑐵 (𑑑𑑑,𑑙𑑓,𑑔𑑙𑑖, 𑑒𑑔.𑑕𑑗%),(𑐎𑑂𑐲𑐾𑐟𑑂𑐬𑐦𑐮:𑑘𑑔𑑕𑑘 𑐰𑐬𑑂𑐐 𑐎𑐶𑐩𑐶)
  • 𑐬𑐵𑐫𑐔𑐹𑐬 𑐖𑐶𑐮𑑂𑐮𑐵 (𑑑𑑖,𑑔𑑘,𑑒𑑑𑑒, 𑑒𑑑.𑑙𑑓%),(𑐎𑑂𑐲𑐾𑐟𑑂𑐬𑐦𑐮:𑑕𑑕𑑕𑑙 𑐰𑐬𑑂𑐐 𑐎𑐶𑐩𑐶)

• 𑐩𑐿𑐳𑐹𑐬 𑐰𑐶𑐨𑐵𑐐
  • 𑐔𑐵𑐩𑐬𑐵𑐖𑐣𑐐𑐬 𑐖𑐶𑐮𑑂𑐮𑐵 (𑑙,𑑖𑑔,𑑒𑑗𑑕, 𑑙.𑑑𑑖%),(𑐎𑑂𑐲𑐾𑐟𑑂𑐬𑐦𑐮:𑑕𑑖𑑘𑑕 𑐰𑐬𑑂𑐐 𑐎𑐶𑐩𑐶)
  • 𑐔𑐶𑐎𑑂𑐎𑐩𑐐𑐮𑐹𑐬 𑐖𑐶𑐮𑑂𑐮𑐵 (𑑑𑑑,𑑓𑑙,𑑑𑑐𑑔, 𑑑𑑑.𑑙𑑘%),(𑐎𑑂𑐲𑐾𑐟𑑂𑐬𑐦𑐮:𑑗𑑒𑑐𑑑 𑐰𑐬𑑂𑐐 𑐎𑐶𑐩𑐶)
  • 𑐡𑐎𑑂𑐲𑐶𑐞 𑐎𑐣𑑂𑐣𑐜 𑐖𑐶𑐮𑑂𑐮𑐵 (𑑑𑑘,𑑙𑑖,𑑔𑑐𑑓, 𑑑𑑔.𑑕𑑑%),(𑐎𑑂𑐲𑐾𑐟𑑂𑐬𑐦𑐮:𑑔𑑘𑑔𑑓 𑐰𑐬𑑂𑐐 𑐎𑐶𑐩𑐶)
  • 𑐴𑐵𑐳𑐣 𑐖𑐶𑐮𑑂𑐮𑐵 (𑑑𑑗,𑑒𑑑,𑑓𑑑𑑙, 𑑙.𑑖𑑖%),(𑐎𑑂𑐲𑐾𑐟𑑂𑐬𑐦𑐮:𑑖𑑘𑑑𑑔 𑐰𑐬𑑂𑐐 𑐎𑐶𑐩𑐶)
  • 𑐎𑑀𑐜𑐐𑐸 𑐖𑐶𑐮𑑂𑐮𑐵 (𑑕,𑑔𑑕,𑑓𑑒𑑒, 𑑑𑑑.𑑖𑑔%),(𑐎𑑂𑐲𑐾𑐟𑑂𑐬𑐦𑐮:𑑔𑑑𑑐𑑒 𑐰𑐬𑑂𑐐 𑐎𑐶𑐩𑐶)
  • 𑐩𑑄𑐜𑑂𑐫 𑐖𑐶𑐮𑑂𑐮𑐵 (𑑑𑑗,𑑖𑑑,𑑗𑑑𑑘, 𑑗.𑑑𑑔%),(𑐎𑑂𑐲𑐾𑐟𑑂𑐬𑐦𑐮:𑑔𑑙𑑖𑑑 𑐰𑐬𑑂𑐐 𑐎𑐶𑐩𑐶)
  • 𑐩𑐿𑐳𑐹𑐬 𑐖𑐶𑐮𑑂𑐮𑐵 (𑑒𑑖,𑑒𑑔,𑑙𑑑𑑑, 𑑑𑑕.𑑐𑑔%),(𑐎𑑂𑐲𑐾𑐟𑑂𑐬𑐦𑐮:𑑖𑑒𑑖𑑙 𑐰𑐬𑑂𑐐 𑐎𑐶𑐩𑐶)
  • 𑐄𑐜𑐸𑐥𑐶 𑐖𑐶𑐮𑑂𑐮𑐵 (𑑑𑑑,𑑐𑑙,𑑔𑑙𑑔, 𑑖.𑑘𑑘%),(𑐎𑑂𑐲𑐾𑐟𑑂𑐬𑐦𑐮:𑑓𑑕𑑙𑑘 𑐰𑐬𑑂𑐐 𑐎𑐶𑐩𑐶)

𑐣𑐐𑐬 𑐎𑑂𑐲𑐾𑐟𑑂𑐬

𑐎𑐬𑑂𑐣𑐵𑐚𑐎𑐫𑐵 𑐩𑐹 𑐣𑐐𑐬 𑐎𑑂𑐲𑐾𑐟𑑂𑐬𑐫𑑂 𑐰𑐾𑑄𑐎𑐚𑐥𑐸𑐬𑐵, 𑐰𑐶𑐬𑐵𑐖𑐥𑐾𑐚, 𑐰𑐵𑐡𑐷 𑐊𑐳𑐶𑐳𑐶, 𑐫𑐵𑐡𑐐𑐶𑐬, 𑐫𑐾𑐮𑐴𑐣𑐎𑐵, 𑐫𑐾𑐮𑐣𑑂𑐡𑐸𑐬, 𑐫𑐾𑐮𑑂𑐧𑐵𑐬𑑂𑐐𑐵, 𑐫𑐾𑐮𑑂𑐮𑐥𑐸𑐬, 𑐫𑐾𑐣𑐐𑐸𑐜𑑂𑐜𑐾, 𑐁𑐡𑐶𑐟𑑂𑐫𑐥𑐚𑑂𑐣𑐩, 𑐀𑐡𑑂𑐫𑐵𑐬, 𑐀𑐦𑑂𑐖𑐮𑐥𑐸𑐬, 𑐁𑐮𑐣𑑂𑐡, 𑐀𑐮𑑂𑐣𑐨𑐬, 𑐀𑐩𑑂𑐧𑐶𑐎𑐵𑐣𑐐𑐬, 𑐁𑐣𑐾𑐎𑐮, 𑐀𑑄𑐎𑑀𑐮, 𑐀𑐣𑐶𑐐𑐾𑐬𑐷, 𑐀𑐬𑑂𑐎𑐵𑐮𑐐𑐬, 𑐀𑐬𑑂𑐳𑐶𑐎𑐾𑐬𑐷, 𑐀𑐠𑑂𑐣𑐷, 𑐍𑐬𑐡, 𑐧𑐵𑐡𑐵𑐩𑐷, 𑐧𑐵𑐐𑐮𑐎𑑀𑐚, 𑐧𑐵𑐐𑐾𑐥𑐮𑑂𑐮𑐷, 𑐧𑐿𑐮 𑐴𑑀𑑄𑐐𑐮, 𑐧𑐖𑐮, 𑐧𑐖𑑂𑐥𑐾, 𑐧𑑄𑐐𑐵𑐬𑐬𑑂𑐫, 𑐧𑐵𑑄𑐎𑐵𑐥𑐸𑐬𑐵, 𑐧𑐵𑐣𑐸𑐬, 𑐧𑐣𑑂𑐟𑑂𑐰𑐵𑐮, 𑐧𑐳𑐨𑐎𑐮𑑂𑐫𑐵𑐞, 𑐧𑐳𑐨𑐣𑐵 𑐧𑐵𑐐𑐾𑐨𑐡𑐷, 𑐧𑐾𑐮𑐐𑐵𑑄𑐰, 𑐧𑐾𑐮𑐐𑐵𑐰𑑄 𑐎𑑂𑐫𑐵𑐣𑑂𑐚𑑀𑐣𑑂𑐩𑐾𑐣𑑂𑐚, 𑐧𑐾𑐮𑑂𑐮𑐵𑐬𑐷, 𑐧𑐾𑐮𑑂𑐟𑐵𑑄𑐐𑐝𑐷, 𑐧𑐾𑐮𑐸𑐬, 𑐧𑐾𑐮𑑂𑐨𑐵𑐟𑐵, 𑐨𑐡𑑂𑐬𑐰𑐟𑐶, 𑐨𑐮𑑂𑐎𑐷, 𑐨𑐟𑑂𑐎𑐵𑐮, 𑐨𑐷𑐩𑐬𑐫𑐣𑐐𑐸𑐜𑐷, 𑐨𑑀𑐐𑐵𑐜𑐷, 𑐧𑐷𑐡𑐬, 𑐧𑐶𑐖𑐵𑐥𑐸𑐬, 𑐧𑐶𑐮𑑂𑐖𑐷, 𑐧𑐶𑐬𑐸𑐬, 𑐧𑐩𑑂𑐩𑐵𑐣𑐵𑐴𑐮𑑂𑐮𑐷, 𑐧𑑀𑐮𑑂𑐮𑐵𑐳𑐣𑑂𑐡𑑂𑐬𑐵, 𑐧𑑂𑐫𑐵𑐡𑑂𑐖𑐷, 𑐰𑑂𑐫𑐵𑐟𑐬𑐫𑐵𑐣𑐥𑐸𑐬𑐵, 𑐔𑐮𑑂𑐮𑐎𑐾𑐬𑐾, 𑐔𑐵𑐩𑐬𑐵𑐖𑐣𑐐𑐬, 𑐔𑐣𑑂𑐣𑐵𑐐𑐶𑐬𑐶, 𑐔𑐣𑑂𑐣𑐥𑐚𑐣𑐵, 𑐔𑐣𑑂𑐣𑐬𑐫𑐥𑐟𑑂𑐟𑐣𑐵, 𑐔𑐶𑐎 𑐧𑐮𑑂𑐮𑐥𑐸𑐬, 𑐔𑐶𑐎𑐩𑐐𑐮𑐸𑐬, 𑐔𑐶𑐎𑐣𑐵𑐫𑐎𑐣𑑂𑐴𑐮𑑂𑐮𑐷, 𑐔𑐶𑐎𑑀𑐜𑐷, 𑐔𑐶𑐣𑑂𑐔𑑀𑐮𑐷, 𑐔𑐶𑐣𑑂𑐟𑐵𑐩𑐞𑐶, 𑐔𑐶𑐟𑐵𑐥𑐸𑐬, 𑐔𑐶𑐟𑑂𑐐𑑀𑐥𑑂𑐥𑐵, 𑐔𑐶𑐟𑑂𑐬𑐡𑐸𑐬𑑂𑐐, 𑐡𑑄𑐡𑐾𑐮𑐷, 𑐡𑐬𑑂𑐐𑐵𑐖𑑀𑐐𑐷𑐴𑐮𑑂𑐮𑐷, 𑐡𑐳𑐬𑐴𑐮𑑂𑐮𑐷, 𑐡𑐾𑐰𑐣𑐐𑐬𑐷, 𑐡𑐾𑐰𑐵𑐡𑐸𑐬𑑂𑐐𑐵, 𑐡𑐾𑐰𑐣𑑂𑐴𑐮𑑂𑐮𑐷, 𑐡𑑀𑐡𑑂 𑐧𑐮𑑂𑐮𑐥𑐸𑐬, 𑐡𑑀𑐣𑐶𑐩𑐮𑐂 𑐚𑐵𑐄𑐣𑐱𑐶𑐥, 𑐐𑐡𑐐, 𑐐𑐖𑐾𑐣𑑂𑐡𑑂𑐬𑐐𑐝, 𑐐𑑄𑐐𑐵𑐰𑐟𑐷, 𑐐𑑁𑐬𑐷𑐧𑐶𑐡𑐵𑐣𑐸𑐬, 𑐐𑑀𑐎𑐎, 𑐐𑑀𑐎𑐎 𑐦𑐮𑑂𑐳, 𑐐𑑀𑐣𑐶𑐎𑑀𑐥𑑂𑐥𑑂𑐮, 𑐐𑑀𑐚𑑂𑐚𑐶𑐎𑐾𑐬𑐾, 𑐐𑐸𑐧𑑂𑐧𑐷, 𑐐𑐸𑐡𑐶𑐧𑐣𑑂𑐡, 𑐐𑐸𑐮𑐧𑐬𑑂𑐐𑐵, 𑐐𑐸𑐮𑐾𑐡𑐐𑐸𑐜𑑂𑐜𑐵, 𑐐𑑄𑐡𑐮𑐥𑐾𑐚, 𑐐𑐸𑐬𑑂𑐩𑐟𑑂𑐎𑐮, 𑐴𑐮𑐶𑐫𑐵𑐮, 𑐴𑐵𑑄𑐐𑐮, 𑐴𑐬𑐶𑐴𑐬, 𑐴𑐬𑑂𑐥𑐣𑐴𑐮𑑂𑐮𑐷, 𑐴𑐳𑑂𑐳𑐣, 𑐴𑐚𑑂𑐚𑐷, 𑐴𑐚𑑂𑐚𑐷 𑐐𑑀𑐮𑑂𑐜 𑐩𑐵𑐂𑐣𑑂𑐳, 𑐴𑐵𑐰𑐾𑐬𑐷, 𑐴𑐾𑐧𑑂𑐧𑐵𑐐𑑀𑐜𑐷, 𑐴𑐾𑐧𑑂𑐧𑐵𑐮𑐸, 𑐴𑐾𑐐𑑂𑐐𑐵𑐡𑐵𑐡𑐾𑐰𑐣𑐵𑐎𑑀𑐚𑐾, 𑐴𑐾𑐬𑑀𑐴𑐮𑑂𑐮𑐷, 𑐴𑐶𑐣𑑂𑐡𑐮𑑂𑐐𑐷, 𑐴𑐶𑐬𑐾𑐎𑐾𑐬𑐹𑐬, 𑐴𑐶𑐬𑐶𑐫𑐸𑐬, 𑐴𑑀𑐮𑐵𑐮𑐎𑐾𑐬𑐾, 𑐴𑑀𑐮𑐾𑐣𑐵𑐬𑐳𑐶𑐥𑐸𑐬, 𑐴𑑀𑐩𑑂𑐣𑐵𑐧𑐵𑐡, 𑐴𑑀𑐣𑑂𑐣𑐵𑐰𑐬, 𑐴𑑀𑐣𑑂𑐣𑐵𑐮𑐷, 𑐴𑐹𑐨𑐶𑐣𑐵 𑐴𑐵𑐡𑐵𑐐𑐮𑑂𑐮𑐷, 𑐴𑑀𑐳𑐵𑐣𑐵𑐐𑐵𑐬𑐵, 𑐴𑑀𑐳𑑂𑐡𑐸𑐬𑑂𑐐𑐵, 𑐴𑑀𑐳𑑂𑐎𑑀𑐚𑐾, 𑐴𑑀𑐳𑑂𑐥𑐾𑐚, 𑐴𑐸𑐧𑑂𑐮𑐷-𑐢𑐵𑐬𑐰𑐵𑐡, 𑐴𑐸𑐎𑐾𑐬𑐷, 𑐴𑐸𑐣𑐵𑐳𑐬𑐩𑐬𑐣𑐴𑐮𑑂𑐮𑐷, 𑐴𑐸𑐒𑐸𑐣𑑂𑐜, 𑐴𑐸𑐣𑑂𑐳𑐸𑐬, 𑐂𑐮𑑂𑐎𑐵𑐮, 𑐂𑐣𑑂𑐡𑐷, 𑐖𑐐𑐮𑐸𑐬, 𑐖𑐩𑑂𑐏𑐞𑑂𑐜𑐷, 𑐖𑐾𑐰𑐵𑐬𑑂𑐐𑐷, 𑐖𑑀𑐐 𑐦𑐮𑑂𑐳, 𑐎𑐡𑐸𑐬, 𑐎𑐮𑑂𑐑𑐵𑐚𑐐𑐷, 𑐎𑐩𑐮𑐥𑐸𑐬𑐩, 𑐎𑐩𑑂𑐥𑑂𑐮𑐷, 𑐎𑐣𑐎𑐥𑐸𑐬𑐵, 𑐎𑐣𑑂𑐐𑑂𑐬𑐾𑐮𑐷 (𑐧𑐷𑐎𑐾), 𑐎𑐣𑑂𑐐𑑂𑐬𑐾𑐮𑐷 (𑐎𑐾 𑐊𑐔), 𑐎𑐣𑑂𑐣𑐸𑐬 𑑒, 𑐎𑐬𑑂𑐎𑐵𑐮, 𑐎𑐵𑐬𑐰𑐵𑐬, 𑐎𑐾𑐣𑑂𑐐𑐾𑐬𑐷, 𑐎𑐾𑐬𑐸𑐬, 𑐏𑐵𑐣𑐵𑐥𑐸𑐬, 𑐎𑑀𑐡𑐶𑐐𑐾𑐣𑐵𑐴𑐮𑑂𑐮𑐷, 𑐎𑑀𑐡𑐶𑐫𑐵𑐮, 𑐎𑑀𑐮𑐵𑐬, 𑐎𑑀𑐮𑑂𑐮𑐾𑐐𑐮, 𑐎𑑀𑐣𑐵𑐣𑐵𑐎𑐸𑐣𑑂𑐟𑐾, 𑐎𑑀𑐣𑑂𑐣𑐸𑐬, 𑐎𑑀𑐥𑑂𑐥𑐵, 𑐎𑑀𑐥𑑂𑐥𑐮, 𑐎𑑀𑐬𑐵𑐟𑐵𑐐𑐾𑐬𑐷, 𑐎𑑀𑐟𑐾𑐎𑐵𑐬𑐵, 𑐎𑑀𑐠𑐣𑐮𑑂𑐮𑐸𑐬, 𑐎𑑀𑐚𑑂𑐚𑐸𑐬𑐸, 𑐎𑐺𑐲𑑂𑐞𑐬𑐵𑐖𑐣𑐐𑐬, 𑐎𑐺𑐲𑑂𑐞𑐬𑐵𑐖𑐥𑐸𑐬𑐵, 𑐎𑐺𑐲𑑂𑐞𑐬𑐵𑐖𑐳𑐐𑐬, 𑐎𑐺𑐲𑑂𑐞𑐬𑐵𑐖𑐥𑐾𑐚, 𑐎𑐸𑐡𑑂𑐔𑐷, 𑐎𑐸𑐡𑑂𑐮𑐶𑐐𑐷, 𑐎𑐸𑐡𑑂𑐬𑐾𑐩𑐸𑐏, 𑐎𑐸𑐩𑑂𑐟𑐵, 𑐎𑐸𑐣𑑂𑐡𑐥𑐸𑐬𑐵, 𑐎𑐸𑐣𑑂𑐡𑐐𑑀𑐮, 𑐎𑐸𑐣𑐶𑐐𑐵𑐮, 𑐎𑐸𑐬𑑂𑐐𑐸𑐣𑑂𑐚𑐵, 𑐎𑐸𑐱𑐮𑐣𑐐𑐬, 𑐎𑐸𑐱𑑂𑐟𑐵𑐐𑐷, 𑐮𑐎𑑂𑐲𑑂𑐩𑐾𑐱𑑂𑐰𑐬, 𑐮𑐶𑐒𑐳𑐸𑐐𑐸𑐬, 𑐮𑑀𑐣𑑂𑐡𑐵, 𑐩𑐡𑑂𑐡𑐸𑐬, 𑐩𑐢𑐸𑐐𑐶𑐬𑐷, 𑐩𑐜𑐶𑐎𑐾𑐬𑐷, 𑐩𑐐𑐡𑐷, 𑐩𑐴𑐵𑐡𑐾𑐰𑐥𑐸𑐬𑐵, 𑐩𑐴𑐵𑐮𑐶𑑄𑐐𑐥𑐸𑐬, 𑐩𑐮𑐰𑐮𑑂𑐮𑐷, 𑐩𑐮𑑂𑐮𑐵𑐬, 𑐩𑐮𑐸𑐬, 𑐩𑑄𑐜𑑂𑐫𑐵, 𑐩𑑄𑐐𑐮𑐹𑐬, 𑐩𑐵𑐣𑑂𑐰𑐷, 𑐩𑑀𑐮𑐎𑐵𑐮𑑂𑐩𑐸𑐬𑐸, 𑐩𑐸𑐡𑐮𑑂𑐐𑐷, 𑐩𑐸𑐡𑑂𑐧𑐶𑐡𑑂𑐬𑐷, 𑐩𑐸𑐡𑑂𑐡𑐾𑐧𑐶𑐴𑐵𑐮, 𑐩𑐶𑐡𑑂𑐐𑐮, 𑐩𑐸𑐢𑑀𑐮, 𑐩𑐸𑐡𑐶𑐐𑐾𑐬𑐷, 𑐩𑐸𑐡𑐸𑐱𑐾𑐡𑑂𑐡𑐷, 𑐩𑐸𑐮𑑂𑐧𑐐𑐮, 𑐩𑐸𑐮𑑂𑐐𑐸𑑄𑐜, 𑐩𑐸𑐮𑑂𑐎𑐷, 𑐩𑐸𑐮𑐸𑐬, 𑐩𑐸𑐣𑑂𑐡𑐬𑑂𑐐𑐷, 𑐩𑐸𑐣𑑂𑐡𑑂𑐐𑑀𑐡, 𑐩𑐸𑐣𑐶𑐬𑐵𑐧𑐵𑐡 𑐥𑑂𑐬𑑀𑐖𑐾𑐎𑑂𑐚 𑐊𑐬𑐶𑐫𑐵, 𑐩𑐸𑐣𑑂𑐣𑐸𑐬, 𑐩𑐿𑐳𑐹𑐬, 𑐣𑐐𑐩𑑄𑐐𑐮, 𑐣𑐘𑑂𑐖𑐣𑐐𑐹𑐜𑐸, 𑐣𑐬𑐳𑐶𑑄𑐴𑐬𑐵𑐖𑐥𑐸𑐬𑐵, 𑐣𑐬𑐾𑐐𑐵𑐮, 𑐣𑐬𑑂𑐐𑐸𑑄𑐡, 𑐣𑐰𑐮𑐐𑐸𑐞𑑂𑐜, 𑐣𑐾𑐮𑑂𑐩𑑄𑐐𑐮𑐵, 𑐣𑐶𑐥𑐵𑐣𑐷 𑐁𑐡𑐶 𑐮𑐵𑑋

𑐖𑐣𑐳𑑄𑐏𑑂𑐫𑐵

𑐖𑐣𑐳𑑄𑐏𑑂𑐫𑐵 𑐰𑐺𑐡𑑂𑐢𑐶
Census	Pop.		%±
1951	१९,४०२,०००		—
1961	२३,५८७,०००		21.6%
1971	२९,२९९,०००		24.2%
1981	३७,१३६,०००		26.7%
1991	४४,९७७,०००		21.1%
2001	५२,८५१,०००		17.5%
𑐳𑑂𑐬𑑀𑐟:𑐨𑐵𑐬𑐟 𑐎𑐷 𑐖𑐣𑐐𑐞𑐣𑐵

𑐳𑐣𑑂 𑑒𑑐𑑐𑑑𑐫𑐵 𑐨𑐵𑐬𑐟𑐷𑐫 𑐖𑐣𑐐𑐞𑐣𑐵 𑐀𑐣𑐸𑐳𑐵𑐬, 𑐎𑐬𑑂𑐣𑐵𑐚𑐎𑐫𑐵 𑐎𑐸𑐮 𑐖𑐣𑐳𑑄𑐏𑑂𑐫𑐵 𑑕𑑒,𑑘𑑕𑑐,𑑕𑑖𑑒 𑐡𑐸, 𑐐𑐸𑐎𑐶𑐮𑐶 𑑒𑑖,𑑘𑑙𑑘,𑑙𑑑𑑘 (𑑕𑑐.𑑘𑑙%) 𑐩𑐶𑐖𑑄 𑐰 𑑒𑑕,𑑙𑑕𑑑,𑑖𑑔𑑔 𑐩𑐶𑐳𑐵 (𑑔𑑓.𑑑𑑑%) 𑐡𑐸𑑋 𑐀𑐬𑑂𑐠𑐵𑐟𑑂 𑐥𑑂𑐬𑐟𑑂𑐫𑐾𑐎 𑑑𑑐𑑐𑑐 𑐩𑐶𑐖𑑄𑐫𑐵 𑐀𑐣𑐸𑐥𑐵𑐟𑐫𑑂 𑑙𑑖𑑔 𑐩𑐶𑐳𑐵 𑐡𑐸𑑋 𑐠𑑂𑐰 𑐎𑐠𑑄, 𑐳𑐣𑑂 𑑑𑑙𑑙𑑑𑐫𑐵 𑐖𑐣𑐳𑑄𑐏𑑂𑐫𑐵𑐫𑑂 𑑑𑑗.𑑒𑑕% 𑐰𑐺𑐡𑑂𑐢𑐶 𑐖𑐹𑐐𑐸 𑐡𑐸𑑋 𑐬𑐵𑐖𑑂𑐫𑐫𑐵 𑐖𑐣𑐑𑐣𑐟𑑂𑐰 𑑒𑑗𑑕.𑑖 𑐥𑑂𑐬𑐟𑐶 𑐰𑐬𑑂𑐐 𑐎𑐶.𑐩𑐶 𑐡𑐸 𑐰 𑑓𑑓.𑑙𑑘% 𑐩𑐣𑐸 𑐱𑐴𑐬𑐷 𑐎𑑂𑐲𑐾𑐟𑑂𑐬𑐫𑑂 𑐔𑑂𑐰𑐣𑐶𑑋 𑐠𑐣𑐫𑐵 𑐳𑐵𑐎𑑂𑐲𑐬𑐟𑐵 𑐡𑐬 𑑖𑑖.𑑖% 𑐡𑐸, 𑐐𑐸𑐎𑐶𑐮𑐶 𑑗𑑖.𑑑% 𑐩𑐶𑐖𑑄 𑐰 𑑕𑑖.𑑙% 𑐩𑐶𑐳𑐵 𑐳𑐵𑐎𑑂𑐲𑐬 𑐡𑐸𑑋 𑐠𑐣𑐫𑐵 𑐎𑐸𑐮 𑐖𑐣𑐳𑑄𑐏𑑂𑐫𑐵𑐫𑐵 𑑘𑑓% 𑐴𑐶𑐣𑑂𑐡𑐹 𑐰 𑑑𑑑% 𑐩𑐸𑐳𑑂𑐩𑐵𑑄, 𑑔% 𑐃𑐳𑐵𑐃, 𑑐.𑑗𑑘% 𑐖𑐿𑐣, 𑑐.𑑗𑑓% 𑐧𑑁𑐡𑑂𑐢 𑐰 𑐮𑑂𑐫𑑄 𑐩𑐣𑐸 𑐩𑐾𑐩𑐾𑐐𑐸 𑐢𑐬𑑂𑐩𑐵𑐰𑐮𑐩𑑂𑐧𑐷 𑐡𑐸𑑋

𑐎𑐬𑑂𑐣𑐵𑐚𑐎𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐎𑐣𑑂𑐣𑐜 𑐏 𑐰 𑐳𑑂𑐠𑐵𑐣𑐷𑐫 𑐨𑐵𑐲𑐵𑐫𑐵 𑐬𑐹𑐥𑐫𑑂 𑑖𑑔.𑑗𑑕% 𑐩𑐣𑐸𑐟𑐫𑐾𑐳𑑄 𑐠𑑂𑐰 𑐨𑐵𑐫𑑂 𑐮𑑂𑐴𑐵𑐂𑑋 𑐳𑐣𑑂 𑑑𑑙𑑙𑑑𑐫𑐵 𑐀𑐣𑐸𑐳𑐵𑐬 𑐩𑐾𑐩𑐾𑐐𑐸 𑐨𑐵𑐲𑐵 𑐀𑐮𑑂𑐥𑐳𑑄𑐏𑑂𑐫𑐎𑐫𑑂 𑐄𑐬𑑂𑐡𑐸 (𑑙.𑑗𑑒%), 𑐟𑐾𑐮𑐸𑐐𑐸 (𑑘.𑑓𑑔%), 𑐟𑐩𑐶𑐮 (𑑕.𑑔𑑖%), 𑐩𑐬𑐵𑐛𑐷 (𑑓.𑑙𑑕%), 𑐚𑐸𑐮𑐸 (𑑓.𑑓𑑘%, 𑐴𑐶𑐣𑑂𑐡𑐷 (𑑑.𑑘𑑗%), 𑐎𑑀𑑄𑐎𑐞𑐷 (𑑑.𑑗𑑘%), 𑐩𑐮𑐫𑐵𑐮𑐩 (𑑑.𑑖𑑙%) 𑐰 𑐎𑑀𑐜𑐰 𑐟𑐎𑑂𑐎 𑐨𑐵𑐲𑐷 𑑐.𑑒𑑕% 𑐡𑐸𑑋 𑐬𑐵𑐖𑑂𑐫𑐫𑐵 𑐖𑐣𑑂𑐩 𑐡𑐬 𑑒.𑑒% 𑐰 𑐩𑐺𑐟𑑂𑐫𑐸 𑐡𑐬 𑑐.𑑗𑑒% 𑐡𑐸𑑋 𑐠𑑂𑐰 𑐣𑐵𑐥𑑄 𑐱𑐶𑐱𑐸 𑐩𑐺𑐟𑑂𑐫𑐸 𑐡𑐬 𑑕.𑑕% 𑐰 𑐩𑐵𑐟𑐺 𑐩𑐺𑐟𑑂𑐫𑐸 𑐡𑐬 𑑐.𑑑𑑙𑑕% 𑐡𑐸𑑋 𑐎𑐸𑐮 𑐥𑑂𑐬𑐖𑐣𑐣 𑐡𑐬 𑑒.𑑒 𑐡𑐸𑑋

𑐄𑐳𑐵𑑃𑐫𑑂 𑐰 𑐰𑐵𑐳𑑅𑐫𑐵 𑐏𑑂𑐫𑐮𑐫𑑂 (𑐳𑐸𑐥𑐬 𑐳𑑂𑐥𑐾𑐱𑐶𑐫𑐮𑐶𑐚𑐷 𑐴𑐿𑐮𑑂𑐠 𑐎𑐾𑐫𑐬 ) 𑐎𑐬𑑂𑐣𑐵𑐚𑐎𑐫𑐵 𑐣𑐶𑐖𑐷 𑐎𑑂𑐲𑐾𑐟𑑂𑐬𑐫𑐵 𑐎𑐩𑑂𑐥𑐣𑐶𑐟 𑐨𑐵𑐬𑐟𑐫𑑂 𑐡𑐎𑐮𑐾 𑐧𑐵𑑄𑐮𑐵𑐐𑐸𑐮𑐶 𑐮𑐵𑑋 𑐎𑐬𑑂𑐣𑐵𑐚𑐎𑐫𑑂 𑐄𑐟𑑂𑐟𑐩 𑐖𑐣 𑐳𑑂𑐰𑐵𑐳𑑂𑐠𑑂𑐫 𑐳𑐾𑐰𑐵 𑐡𑐸, 𑐐𑐸𑐎𑐶𑐫𑐵 𑐟𑐠𑑂𑐫𑐵𑑄𑐎 𑐰 𑐳𑑂𑐠𑐶𑐟𑐶 𑐨𑐵𑐬𑐟𑐫𑐵 𑐩𑐾𑐩𑐾𑐐𑐸 𑐀𑐢𑐶𑐎𑐵𑑄𑐱 𑐬𑐵𑐖𑑂𑐫𑐟𑐫𑐾𑐐𑐸 𑐟𑐸𑐮𑐣𑐵𑐫𑑂 𑐳𑐶𑐎𑑂𑐎 𑐧𑐵𑑄𑐮𑐵𑑋 𑐠𑑂𑐰 𑐖𑐸𑐳𑐵𑑄 𑐬𑐵𑐖𑑂𑐫𑐫𑐵 𑐕𑐸𑑄 𑐳𑐶𑐎𑑂𑐎 𑐮𑑂𑐫𑐸𑐣𑐾 𑐮𑐵𑑅𑐐𑐸 𑐠𑐵𑐳𑐫𑑂 𑐥𑑂𑐬𑐵𑐠𑐩𑐶𑐎 𑐳𑑂𑐰𑐵𑐳𑑂𑐠𑑂𑐫 𑐳𑐾𑐰𑐵 𑐣𑑄 𑐩𑐡𑐸𑑋 𑐥𑑂𑐬𑐱𑐵𑐳𑐣𑐶𑐎 𑐄𑐡𑑂𑐡𑐾𑐱𑑂𑐫 𑐴𑐾𑐟𑐸, 𑐎𑐬𑑂𑐣𑐵𑐚𑐎𑐫𑐵𑐟 𑐥𑑂𑐫𑑄𑐐𑐸 𑐬𑐾𑐨𑐾𑐣𑑂𑐫𑐸 𑐩𑐞𑑂𑐜𑐮, 𑑔𑑙 𑐄𑐥-𑐩𑐞𑑂𑐜𑐮, 𑑒𑑙 𑐖𑐶𑐮𑑂𑐮𑐵, 𑑑𑑗𑑕 𑐟𑐵𑐮𑐸𑐎𑐵 𑐰 𑑗𑑔𑑕 𑐴𑑀𑐧𑑂𑐮𑐷/𑐬𑐾𑐰𑐾𑐣𑑂𑐫𑐸 𑐰𑐺𑐟𑑂𑐟𑐫𑑂 𑐧𑐵𑐫𑐵𑐟𑑅𑐐𑐸 𑐡𑐸𑑋 𑐡𑐎𑑂𑐰𑑄 𑐖𑐶𑐮𑑂𑐮𑐵 𑐥𑑂𑐬𑐱𑐵𑐳𑐣𑐫𑐵 𑐀𑐢𑑂𑐫𑐎𑑂𑐲 𑐖𑐶𑐮𑑂𑐮𑐵 𑐄𑐥𑐵𑐫𑐸𑐎𑑂𑐟 𑐖𑐸𑐂, 𑐳𑐸 𑐨𑐵𑐬𑐟𑐷𑐫 𑐥𑑂𑐬𑐱𑐵𑐳𑐣𑐶𑐎 𑐳𑐾𑐰𑐵 (𑐁𑐃.𑐊.𑐊𑐳)𑐣𑑄 𑐰𑐂, 𑐰 𑐰𑐫𑑂𑐎𑑅𑐫𑐵 𑐀𑐢𑐷𑐣 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐳𑐾𑐰𑐵𑐟𑐫𑐾𑐐𑐸 𑐫𑐎𑑂𑐰 𑐀𑐢𑐶𑐎𑐵𑐬𑐷𑐐𑐞 𑐡𑐂𑑋 𑐬𑐵𑐖𑑂𑐫𑐫𑐵 𑐣𑑂𑐫𑐵𑐫 𑐰 𑐎𑐵𑐣𑐹𑐣 𑐰𑑂𑐫𑐰𑐳𑑂𑐠𑐵𑐫𑐵 𑐄𑐟𑑂𑐟𑐬𑐡𑐵𑐫𑐶𑐟𑑂𑐰 𑐥𑐸𑐮𑐶𑐳 𑐄𑐥𑐵𑐫𑐸𑐎𑑂𑐟𑐫𑑂 𑐡𑐂𑑋 𑐰 𑐨𑐵𑐬𑐟𑐷𑐫 𑐥𑐸𑐮𑐶𑐳 𑐳𑐾𑐰𑐵𑐫𑐵 𑐀𑐢𑐶𑐎𑐵𑐬𑐷 𑐖𑐸𑐂, 𑐐𑐸𑐎𑐶𑐫𑐵 𑐀𑐢𑐷𑐣𑐫𑑂 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐥𑐸𑐮𑐶𑐳 𑐳𑐾𑐰𑐵𑐫𑐵 𑐀𑐢𑐶𑐎𑐵𑐬𑐷𑐐𑐞 𑐎𑐵𑐬𑑂𑐫𑐬𑐟 𑐖𑐸𑐂𑑋 𑐨𑐵𑐬𑐟𑐷𑐫 𑐰𑐣 𑐳𑐾𑐰𑐵𑐣𑑄 𑐰𑐣 𑐄𑐥𑐳𑑄𑐬𑐎𑑂𑐲𑐎 𑐀𑐢𑐶𑐎𑐵𑐬𑐷 𑐟𑐿𑐣𑐵𑐟 𑐫𑐵𑐂 𑐰 𑐰𑐫𑑂𑐎𑐮𑑄 𑐬𑐵𑐖𑑂𑐫 𑐰𑐣 𑐰𑐶𑐨𑐵𑐐𑐫𑐵 𑐀𑐢𑑂𑐫𑐎𑑂𑐲𑐟𑐵 𑐫𑐵𑐂𑑋 𑐖𑐶𑐮𑑂𑐮𑐟𑐫𑐾𑐐𑐸 𑐳𑐬𑑂𑐰𑐵𑑄𑐐𑐷𑐞 𑐰𑐶𑐎𑐵𑐳, 𑐥𑑂𑐬𑐟𑑂𑐫𑐾𑐎 𑐖𑐶𑐮𑑂𑐮𑐵𑐫𑐵 𑐰𑐶𑐎𑐵𑐳 𑐰𑐶𑐨𑐵𑐐 𑐠𑐾𑑄 𑐣𑑂𑐫𑐵𑑅𑐐𑐸 𑐖𑑂𑐫𑐵 𑐮𑑀𑐎 𑐳𑐾𑐰𑐵 𑐰𑐶𑐨𑐵𑐐, 𑐳𑑂𑐰𑐵𑐳𑑂𑐠𑑂𑐫, 𑐱𑐶𑐎𑑂𑐲𑐵, 𑐎𑐺𑐲𑐶, 𑐥𑐱𑐸-𑐥𑐵𑐮𑐣, 𑐁𑐡𑐶 𑐰𑐶𑐨𑐵𑐐𑑄 𑐳𑑂𑐰𑐂𑑋 𑐬𑐵𑐖𑑂𑐫𑐫𑐵 𑐣𑑂𑐫𑐵𑐫𑐥𑐵𑐮𑐶𑐎𑐵 𑐧𑑄𑐐𑐮𑐸𑐬𑐸𑐂 𑐳𑑂𑐠𑐶𑐟 𑐎𑐬𑑂𑐣𑐵𑐚𑐎 𑐄𑐔𑑂𑐔 𑐣𑑂𑐫𑐵𑐫𑐵𑐮𑐫 (𑐀𑐚𑑂𑐚𑐵𑐬 𑐎𑐔𑐾𑐬𑐷 ) 𑐰 𑐥𑑂𑐬𑐟𑑂𑐫𑐾𑐎 𑐖𑐶𑐮𑑂𑐮𑐵𑐫𑑂 𑐖𑐶𑐮𑑂𑐮𑐵 𑐰 𑐳𑐟𑑂𑐬 𑐣𑑂𑐫𑐵𑐫𑐵𑐮𑐫 𑐟𑐠𑐵 𑐟𑐵𑐮𑐸𑐎 𑐳𑑂𑐟𑐬𑐫𑐵 𑐎𑑂𑐰𑐫𑑂𑐫𑐵 𑐣𑑂𑐫𑐵𑐫𑐵𑐮𑐫𑐡𑑂𑐰𑐵𑐬𑐵 𑐳𑑄𑐔𑐵𑐮𑐣 𑐖𑐸𑐂𑑋

𑐳𑐬𑐎𑐵𑐬 𑐰 𑐥𑑂𑐬𑐱𑐵𑐳𑐣

𑐧𑑄𑐐𑐮𑐸𑐬𑐸𑐳𑑂𑐠𑐶𑐟 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑐫𑐵 𑐰𑐶𑐢𑐵𑐣 𑐨𑐰𑐣: 𑐰𑐶𑐢𑐵𑐣 𑐳𑑁𑐢

𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐨𑐵𑐬𑐟𑐫𑐵 𑐩𑐾𑐩𑐾𑐐𑐸 𑐬𑐵𑐖𑑂𑐫𑐫𑑂 𑐠𑐾𑑄 𑐴𑐾 𑐮𑑀𑐎𑐟𑐵𑑄𑐟𑑂𑐬𑐶𑐎 𑐥𑑂𑐬𑐎𑑂𑐬𑐶𑐫𑐵𑐡𑑂𑐰𑐵𑐬𑐵 𑐣𑐶𑐬𑑂𑐰𑐵𑐔𑐶𑐟 𑐕𑐐𑐸 𑐡𑑂𑐰𑐶𑐳𑐡𑐣𑐷𑐫 𑐳𑑄𑐳𑐡𑐷𑐫 𑐳𑐬𑐎𑐵𑐬 𑐡𑐸𑑋 𑐠𑐣𑐫𑐵 𑐣𑐶𑐐𑐸 𑐳𑐡𑐣 𑐰𑐶𑐢𑐵𑐣 𑐳𑐨𑐵 𑐰 𑐰𑐶𑐢𑐵𑐣 𑐥𑐬𑐶𑐲𑐡 𑐏𑑋 𑐰𑐶𑐢𑐵𑐣 𑐳𑐨𑐵𑐫𑑂 𑑒𑑔 𑐳𑐡𑐳𑑂𑐫 𑐡𑐸 𑐐𑐸𑐎𑐶𑐫𑐵𑐟 𑐣𑑂𑐫𑐵 𑐡𑑃𑐫𑐵 𑐀𑐰𑐢𑐶 𑐴𑐾𑐟𑐸 𑐣𑐶𑐬𑑂𑐰𑐵𑐔𑐶𑐟 𑐫𑐵𑐂𑑋 𑐰𑐶𑐢𑐵𑐣 𑐥𑐬𑐶𑐲𑐡 𑐕𑐐𑐸 𑑗𑑕 𑐳𑐡𑐳𑑂𑐫𑐷𑐫 𑐳𑑂𑐠𑐵𑐫𑐷 𑐳𑑄𑐳𑑂𑐠𑐵 𑐏 𑐰 𑐠𑐸𑐎𑐶𑐫𑐵 𑐊𑐎-𑐟𑐶𑐴𑐵𑐃 𑐳𑐡𑐳𑑂𑐫 (𑑒𑑕) 𑐥𑑂𑐬𑐟𑑂𑐫𑐾𑐎 𑑒 𑐡𑑃𑐫𑑂 𑐳𑐾𑐰𑐵𑐣𑐶𑐰𑐺𑐟𑑂𑐟 𑐖𑐸𑐂𑑋

𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑐫𑐵 𑐀𑐢𑑂𑐫𑐎𑑂𑐲𑐟𑐵 𑐰𑐶𑐢𑐵𑐣 𑐳𑐨𑐵 𑐣𑐶𑐬𑑂𑐰𑐵𑐔𑐣𑐫𑑂 𑐟𑑂𑐫𑐵𑐣𑐵 𑐱𑐵𑐳𑐣𑐫𑑂 𑐰𑑅𑐐𑐸 𑐥𑐵𑐬𑑂𑐚𑐷𑐫𑐵 𑐳𑐡𑐳𑑂𑐫𑐡𑑂𑐰𑐵𑐬𑐵 𑐣𑐶𑐬𑑂𑐰𑐵𑐔𑐶𑐟 𑐩𑐸𑐏𑑂𑐫 𑐩𑐣𑑂𑐟𑑂𑐬𑐷𑑄 𑐫𑐵𑐂𑑋 𑐩𑐸𑐏𑑂𑐫 𑐩𑐣𑑂𑐟𑑂𑐬𑐷𑑄 𑐠𑑅𑐐𑐸 𑐩𑐣𑑂𑐟𑑂𑐬𑐷𑐩𑐞𑑂𑐜𑐮 𑐳𑐴𑐶𑐟 𑐟𑐫 𑐫𑐵𑑅𑐐𑐸 𑐰𑐶𑐢𑐵𑐫𑐷 𑐊𑐖𑐾𑑄𑐜𑐵𑐫𑐵 𑐥𑐵𑐮𑐣 𑐠𑑅𑐐𑐸 𑐀𑐢𑐶𑐎𑐵𑑄𑐱 𑐎𑐵𑐬𑑂𑐫𑐎𑐵𑐬𑐷 𑐱𑐎𑑂𑐟𑐶 𑐕𑑂𑐫𑐮𑐵 𑐫𑐵𑐫𑐾𑐦𑐸𑑋 𑐬𑐵𑐖𑑂𑐫𑐫𑐵 𑐳𑑄𑐰𑐿𑐢𑐵𑐣𑐶𑐎 𑐰 𑐍𑐥𑐔𑐵𑐬𑐶𑐎 𑐀𑐢𑑂𑐫𑐎𑑂𑐲𑐫𑐵𑐟 𑐬𑐵𑐖𑑂𑐫𑐥𑐵𑐮 𑐢𑐵𑐂𑑋 𑐬𑐵𑐖𑑂𑐫𑐥𑐵𑐮𑐫𑐵𑐟 𑑕 𑐡𑑃𑐫𑐵 𑐀𑐰𑐢𑐶 𑐴𑐾𑐟𑐸 𑐎𑐾𑐣𑑂𑐡𑑂𑐬 𑐳𑐬𑐎𑐵𑐬𑐫𑐵 𑐥𑐬𑐵𑐩𑐬𑑂𑐱𑑄 𑐨𑐵𑐬𑐟𑐫𑐵 𑐬𑐵𑐲𑑂𑐚𑑂𑐬𑐥𑐟𑐶𑐡𑑂𑐰𑐵𑐬𑐵 𑐣𑐶𑐫𑐸𑐎𑑂𑐟 𑐫𑐵𑐂𑑋 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑐵 𑐖𑐣𑐟𑐵𑑄 𑐁𑐩 𑐔𑐸𑐣𑐵𑐰𑐟𑐫𑐾𑐐𑐸 𑐩𑐵𑐢𑑂𑐫𑐩𑑄 𑑒𑑘 𑐳𑐡𑐳𑑂𑐫 𑐮𑑀𑐎 𑐳𑐨𑐵 𑐴𑐾𑐟𑐸 𑐣𑑄 𑐮𑑂𑐫𑐫𑐶𑑋 𑐰𑐶𑐢𑐵𑐣 𑐥𑐬𑐶𑐲𑐡𑐫𑐵 𑐳𑐡𑐳𑑂𑐫 𑐨𑐵𑐬𑐟𑐫𑐵 𑐳𑑄𑐳𑐡𑐫𑐵 𑐄𑐔𑑂𑐔 𑐳𑐡𑐣, 𑐬𑐵𑐖𑑂𑐫 𑐳𑐨𑐵 𑐴𑐾𑐟𑐸 𑑑𑑒 𑐳𑐡𑐳𑑂𑐫 𑐮𑑂𑐫𑐫𑐵 𑐕𑑂𑐰𑐂𑑋

𑐥𑑂𑐬𑐱𑐵𑐳𑐣𑐶𑐎 𑐳𑐸𑐰𑐶𑐢𑐵𑐫𑐵 𑐣𑐶𑑄𑐟𑐶𑑄 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑐵𑐟𑑂 𑐥𑑂𑐫𑑄𑐐𑐸 𑐬𑐵𑐖𑐳𑑂𑐰 𑐰𑐶𑐨𑐵𑐐, 𑑔𑑙 𑐄𑐥-𑐩𑐞𑑂𑐜𑐮, 𑑒𑑙 𑐖𑐶𑐮𑑂𑐮𑐵, 𑑑𑑗𑑕 𑐟𑐵𑐮𑐸𑐎 𑐟𑐠𑐵 𑑗𑑔𑑕 𑐬𑐵𑐖𑐳𑑂𑐰 𑐰𑐺𑐟𑑂𑐟𑐫𑑂 𑐧𑐵𑐫𑐵𑐟𑑅𑐐𑐸 𑐡𑐸𑑋 𑐡𑐎𑑂𑐰𑑄 𑐖𑐶𑐮𑑂𑐮𑐵𑐫𑐵 𑐥𑑂𑐬𑐱𑐵𑐳𑐣𑐫𑐵 𑐀𑐢𑑂𑐫𑐎𑑂𑐲 𑐀𑐣𑐫𑐵 𑐄𑐥𑐵𑐫𑐸𑐎𑑂𑐟 (𑐜𑐶𑐥𑐸𑐚𑐷 𑐎𑐩𑐶𑐱𑑂𑐣𑐬) 𑐖𑐸𑐂𑑋 𑐄𑐥𑐵𑐫𑐸𑐎𑑂𑐟 𑐕𑐩𑑂𑐴 𑐨𑐵𑐬𑐟𑐷𑐫 𑐥𑑂𑐬𑐱𑐵𑐳𑐣𑐶𑐎 𑐳𑐾𑐰𑐵𑐫𑐵 𑐀𑐢𑐶𑐎𑐵𑐬𑐷 𑐖𑐸𑐂 𑐰𑑂 𑐰𑐫𑑂𑐎𑑅𑐫𑐵 𑐐𑑂𑐰𑐴𑐵𑐮𑐶𑐫𑐵 𑐣𑐶𑑄𑐟𑐶𑑄 𑐬𑐵𑐖𑑂𑐫 𑐳𑐬𑐎𑐵𑐬𑐫𑐵 𑐫𑐎𑑂𑐰 𑐄𑐔𑑂𑐔𑐵𑐢𑐶𑐎𑐵𑐬𑐷 𑐡𑐂𑑋 𑐨𑐵𑐬𑐟𑐷𑐫 𑐥𑐸𑐮𑐶𑐳 𑐳𑐾𑐰𑐵𑑄 𑐕𑐩𑑂𑐴 𑐀𑐢𑐶𑐎𑐵𑐬𑐷 𑐬𑐵𑐖𑑂𑐫𑐫𑑂 𑐄𑐥𑐵𑐫𑐸𑐎𑑂𑐟 𑐥𑐡𑐫𑑂 𑐡𑐫𑐵𑐔𑑂𑐰𑐣𑐶𑑋 𑐰𑐫𑑂𑐎𑑅𑐫𑐵 𑐀𑐢𑐷𑐣𑐫𑑂 𑐬𑐵𑐖𑑂𑐫 𑐥𑐸𑐮𑐶𑐳 𑐳𑐾𑐰𑐵𑐫𑐵 𑐫𑐎𑑂𑐰 𑐄𑐔𑑂𑐔𑐵𑐢𑐶𑐎𑐵𑐬𑐷 𑐡𑐫𑐵𑐔𑑂𑐰𑐣𑐶𑑋 𑐥𑐸𑐮𑐶𑐳 𑐄𑐥𑐵𑐫𑐸𑐎𑑂𑐟 𑐖𑐶𑐮𑑂𑐮𑐵𑐫𑑂 𑐣𑑂𑐫𑐵𑐫 𑐰 𑐥𑑂𑐬𑐱𑐵𑐳𑐣 𑐳𑑄𑐧𑑄𑐢𑐷 𑐖𑑂𑐫𑐵𑐫𑐵 𑐣𑐶𑑄𑐟𑐶𑑄 𑐄𑐟𑑂𑐟𑐬𑐡𑐵𑐫𑐷 𑐖𑐸𑐂𑑋 𑐨𑐵𑐬𑐟𑐷𑐫 𑐰𑐣 𑐳𑐾𑐰𑐵𑑄 𑐕𑐩𑑂𑐴 𑐀𑐢𑐶𑐎𑐵𑐬𑐷 𑐰𑐣 𑐄𑐥𑐳𑑄𑐎𑑂𑐲𑐎 𑐀𑐢𑐶𑐎𑐵𑐬𑐷 (𑐜𑐶𑐥𑑂𑐚𑐷 𑐎𑐣𑑂𑐖𑑆𑐬𑑂𑐰𑐾𑐚𑐬 𑐁𑐦 𑐦𑑆𑐶𑐬𑐾𑐳𑑂𑐚𑑂𑐳)𑐫𑐵 𑐥𑐡𑐫𑑂 𑐟𑐿𑐣𑐵𑐟 𑐖𑐸𑐂𑑋 𑐰𑐫𑑂𑐎𑑅 𑐖𑐶𑐮𑑂𑐮𑐵𑐫𑑂 𑐐𑐸𑑄 𑐰 𑐥𑐵𑐡𑐥 𑐳𑑄𑐧𑑄𑐢𑐷 𑐩𑐵𑐩𑐮𑐵𑐫𑐵 𑐄𑐟𑑂𑐟𑐬𑐡𑐵𑐫𑐷 𑐖𑐸𑐂𑑋 𑐡𑐎𑑂𑐰𑑄 𑐰𑐶𑐨𑐵𑐐𑐫𑐵 𑐰𑐶𑐎𑐵𑐳 𑐀𑐣𑐸𑐨𑐵𑐐𑐫𑐵 𑐖𑐶𑐮𑑂𑐮𑐵 𑐀𑐢𑐶𑐎𑐵𑐬𑐷 𑐬𑐵𑐖𑑂𑐫𑐫𑑂 𑐠𑐷-𑐠𑐷 𑐥𑑂𑐬𑐎𑐵𑐬𑐫𑐵 𑐥𑑂𑐬𑐐𑐟𑐶 𑐣𑐶𑐬𑐶𑐎𑑂𑐲𑐞 𑐫𑐵𑐂, 𑐡𑐳𑐸 𑐬𑐵𑐖𑑂𑐫 𑐮𑑀𑐎 𑐳𑐾𑐰𑐵 𑐰𑐶𑐨𑐵𑐐, 𑐳𑑂𑐰𑐵𑐳𑑂𑐠𑑂𑐫, 𑐱𑐶𑐎𑑂𑐲𑐵, 𑐎𑐺𑐲𑐶, 𑐥𑐱𑐸𑐥𑐵𑐮𑐣 𑐁𑐡𑐶𑑋

𑐬𑐵𑐖𑑂𑐫𑐫𑐵 𑐣𑑂𑐫𑐵𑐫𑐥𑐵𑐮𑐶𑐎𑐵𑐫𑐵 𑐳𑐬𑑂𑐰𑑀𑐔𑑂𑐔 𑐠𑐵𑐫𑑂 𑐎𑐬𑑂𑐣𑐵𑐚𑐎 𑐄𑐔𑑂𑐔 𑐣𑑂𑐫𑐵𑐫𑐵𑐮𑐫 𑐏, 𑐐𑐸𑐎𑐶𑐫𑐵𑐟 𑐳𑑂𑐠𑐵𑐣𑐷𑐫 𑐩𑐣𑐸𑐟𑐫𑑂𑐳𑑄 "𑐀𑐚𑑂𑐚𑐵𑐬 𑐎𑐔𑐾𑐬𑐷" 𑐢𑐵𑐂𑑋 𑐠𑑂𑐰 𑐬𑐵𑐖𑐢𑐵𑐣𑐷 𑐧𑑄𑐐𑐮𑐸𑐬𑐸𑐫𑑂 𑐡𑐸𑑋 𑐠𑐸𑐎𑐶𑐫𑐵 𑐀𑐢𑐷𑐣 𑐖𑐶𑐮𑑂𑐮𑐵 𑐰 𑐳𑐟𑑂𑐬 𑐣𑑂𑐫𑐵𑐫𑐵𑐮𑐫 𑐡𑐎𑑂𑐰𑑄 𑐖𑐶𑐮𑑂𑐮𑐵𑐫𑑂 𑐟𑐠𑐵 𑐣𑐶𑐩𑑂𑐣 𑐳𑑂𑐟𑐬𑐷𑐫 𑐣𑑂𑐫𑐵𑐫𑐵𑐮𑐫 𑐟𑐵𑐮𑑂𑐮𑐸𑐎𑐫𑑂 𑐎𑐵𑐬𑑂𑐫𑐬𑐟 𑐖𑐸𑐂𑑋 𑐎𑐬𑑂𑐣𑐵𑐚𑐎 𑐬𑐵𑐖𑐫𑐵 𑐁𑐢𑐶𑐎𑐵𑐬𑐶𑐎 𑐔𑐶𑑄𑐂 𑐐𑑄𑐡 𑐧𑐾𑐬𑐸𑑄𑐜 𑐡𑐠𑐸𑐂 𑐡𑐫𑐾𑐎𑐵𑐟𑑅𑐐𑐸 𑐡𑐸𑑋 𑐠𑐸𑐎𑐶𑐫𑐵 𑐔𑑂𑐰𑐫𑑂 𑐑𑐾𑐬𑐾𑐖𑐹𑐐𑐸 𑑔𑐩𑑂𑐴 𑐳𑐶𑑄𑐴 𑐥𑑂𑐫𑐏𑐾𑑄𑐬 𑐳𑑂𑐰𑐫𑐵𑐔𑑂𑐰𑑄𑐐𑐸 𑐡𑐸𑑋 𑐠𑐸𑐎𑐶𑐫𑐵𑐟 𑐳𑐵𑐬𑐣𑐵𑐠𑐫𑐵 𑐀𑐱𑑀𑐎 𑐳𑑂𑐟𑐩𑑂𑐨𑑄 𑐎𑐵𑑅𑐐𑐸 𑐏𑑋 𑐠𑑂𑐰 𑐔𑐶𑑄𑐂 𑐣𑐶𑐐𑐸 𑐱𑐬𑐨 𑐡𑐸, 𑐐𑐸𑐎𑐶𑐫𑐵 𑐎𑐶𑐳𑐶𑐫𑐵 𑐕𑑂𑐫𑑄 𑐰 𑐳𑐶𑑄𑐴𑐫𑐵 𑐩𑑂𑐴 𑐡𑐸𑑋 𑐎𑐬𑑂𑐣𑐵𑐚𑐎𑐫𑐵 𑐬𑐵𑐖𑐣𑐷𑐟𑐶𑐂 𑐩𑐸𑐏𑑂𑐫𑐟𑑅 𑐳𑑂𑐰𑑄𑐐𑐸 𑐬𑐵𑐖𑐣𑐿𑐟𑐶𑐎 𑐥𑐵𑐬𑑂𑐚𑐷: 𑐨𑐵𑐬𑐟𑐷𑐫 𑐬𑐵𑐲𑑂𑐚𑑂𑐬𑐷𑐫 𑐎𑐵𑑄𑐐𑑂𑐬𑐾𑐳, 𑐨𑐵𑐬𑐟𑐷𑐫 𑐖𑐣𑐟𑐵 𑐥𑐵𑐬𑑂𑐚𑐷 𑐰 𑐖𑐣𑐟𑐵 𑐡𑐮𑐫𑐵 𑐴𑐾 𑐰𑐬𑑂𑐔𑐳𑑂𑐰 𑐡𑐫𑐵𑐔𑑂𑐰𑑄𑐐𑐸 𑐡𑐸𑑋 𑐎𑐬𑑂𑐣𑐵𑐚𑐎𑐫𑐵 𑐬𑐵𑐖𑐣𑐷𑐟𑐶𑐖𑑂𑐘𑐟𑐫𑐾𑐳𑑄 𑐨𑐵𑐬𑐟𑐫𑐵 𑐳𑑄𑐑𑐷𑐫 𑐳𑐬𑐎𑐵𑐬𑐫𑑂 𑐥𑑂𑐬𑐢𑐵𑐣𑐩𑐣𑑂𑐟𑑂𑐬𑐷 𑐰 𑐄𑐥𑐬𑐵𑐲𑑂𑐚𑑂𑐬𑐥𑐟𑐶 𑐠𑐾𑑄𑐣𑑂𑐫𑐵𑑅𑐐𑐸 𑐄𑐔𑑂𑐔 𑐥𑐡 𑐣𑑄 𑐎𑐵𑑅𑐐𑐸 𑐡𑐸𑑋 𑐰𑐬𑑂𑐟𑐩𑐵𑐣 𑐳𑑄𑐫𑐸𑐎𑑂𑐟 𑐥𑑂𑐬𑐐𑐟𑐶𑐱𑐷𑐮 𑐐𑐛𑐧𑑄𑐢𑐣 (𑐫𑐹.𑐥𑐷.𑐊 𑐳𑐬𑐎𑐵𑐬𑐫𑑂 𑐣𑑄 𑐳𑑂𑐰𑐩𑑂𑐴 𑐎𑑂𑐫𑐵𑐧𑐶𑐣𑐾𑐚 𑐳𑑂𑐟𑐬𑐷𑐫 𑐩𑐣𑑂𑐟𑑂𑐬𑐷 𑐎𑐬𑑂𑐣𑐵𑐚𑐎𑑄 𑐡𑐸𑑋 𑐠𑐸𑐎𑐶𑐮𑐶 𑐄𑐮𑑂𑐮𑐾𑐏𑐣𑐷𑐫 𑐥𑐹𑐬𑑂𑐰 𑐩𑐸𑐏𑑂𑐫𑐩𑐣𑑂𑐟𑑂𑐬𑐷 𑐰 𑐰𑐬𑑂𑐟𑐩𑐵𑐣 𑐨𑐵𑐬𑐟𑐫𑐵 𑐎𑑆𑐵𑐣𑐹𑐣 𑐰 𑐣𑑂𑐫𑐵𑐫 𑐩𑑄𑐟𑑂𑐬𑐵𑐮𑐫𑐫𑐵 𑐰𑐷𑐬𑐥𑑂𑐥𑐵 𑐩𑑀𑐂𑐮𑐷 𑐏𑑋 𑐬𑐵𑐖𑑂𑐫𑐫𑐵 𑐎𑐵𑐳𑐬𑐐𑑀𑐜 𑐰 𑐱𑑀𑐮𑐵𑐥𑐸𑐬 𑐖𑐶𑐮𑑂𑐮𑐵𑐫𑑂 𑐰 𑐩𑐴𑐵𑐬𑐵𑐲𑑂𑐚𑑂𑐬𑐫𑐵 𑐧𑐾𑐮𑐐𑐵𑐩𑐫𑑂 𑐡𑐵𑐰𑐵𑐫𑐵 𑐰𑐶𑐰𑐵𑐡 𑐬𑐵𑐖𑑂𑐫𑐟𑐫𑑂𑐐𑐸 𑐥𑐸𑐣𑐬𑑂𑐳𑑄𑐐𑐛𑐣 𑐎𑐵𑐮𑑄 𑐣𑐶𑐳𑐾𑑄 𑐡𑐫𑐵 𑐰𑐂𑐔𑑂𑐰𑑄𑐐𑐸𑐡𑐸𑑋

𑐀𑐬𑑂𑐠𑐰𑑂𑐫𑐰𑐳𑑂𑐠𑐵

𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑐵 𑐰𑐬𑑂𑐲 𑑒𑑐𑑐𑑗-𑑐𑑘𑐫𑐵 𑐳𑐎𑐮 𑐬𑐵𑐖𑑂𑐫 𑐑𑐬𑐾𑐮𑐸 𑐄𑐟𑑂𑐥𑐵𑐡 𑐮𑐐𑐨𑐐 Template:𑐬𑐸 𑑒𑑑𑑕.𑑒𑑘𑑒 𑐡𑑂𑐰 𑐎𑑀𑐚𑐷 ($ 𑑕𑑑.𑑒𑑕 𑐧𑐶𑐮𑐶𑐫𑐣) 𑐡𑐸𑑋 𑑒𑑐𑑐𑑗-𑑐𑑘𑐳 𑐠𑐣𑐫𑐵 𑐳𑐎𑐮 𑐑𑐬𑐾𑐮𑐸 𑐄𑐟𑑂𑐥𑐵𑐡𑐫𑑂 𑑗% 𑐰𑐺𑐡𑑂𑐢𑐷 𑐖𑐹𑐐𑐸 𑐡𑐸𑑋 𑐨𑐵𑐬𑐟𑐫𑐵 𑐬𑐵𑐲𑑂𑐚𑑂𑐬𑐷𑐫 𑐳𑐎𑐮 𑐑𑐬𑐾𑐮𑐸 𑐄𑐟𑑂𑐥𑐵𑐡𑐫𑑂 𑐰𑐬𑑂𑐲 𑑒𑑐𑑐𑑔-𑑐𑑕𑐳 𑐠𑑂𑐰 𑐬𑐵𑐖𑑂𑐫𑐫𑐵 𑐫𑑀𑐐𑐡𑐵𑐣 𑑕.𑑒% 𑐡𑐟𑑋 𑐎𑐬𑑂𑐣𑐵𑐚𑐎𑐫𑑂 𑐮𑐶𑐥𑐵𑑄𑐐𑐸 𑐕𑐸𑑄 𑐡𑐱𑐎𑐫𑑂 𑐖𑐷𑐜𑐷𑐥𑐷 𑐰 𑐥𑑂𑐬𑐟𑐶 𑐰𑑂𑐫𑐎𑑂𑐟𑐶 𑐖𑐷𑐜𑐷𑐥𑐷𑐫𑐵 𑐥𑐡𑐫𑑂 𑐟𑐷𑐰𑑂𑐬𑐟𑐩 𑐰𑐶𑐎𑐵𑐳𑐱𑐷𑐮 𑐬𑐵𑐖𑑂𑐫𑐫𑑂 𑐮𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐠𑑂𑐰 𑐬𑐵𑐖𑑂𑐫 𑑕𑑖.𑑒% 𑐖𑐷𑐜𑐷𑐥𑐷 𑐰 𑑔𑑓.𑑙% 𑐥𑑂𑐬𑐟𑐶 𑐰𑑂𑐫𑐎𑑂𑐟𑐶 𑐖𑐷𑐜𑐷𑐥𑐷𑐣𑐵𑐥𑑄 𑐨𑐵𑐬𑐟𑐷𑐫 𑐬𑐵𑐖𑑂𑐫𑐫𑑂 𑐏𑐸𑐐𑐸 𑐠𑐵𑐳𑐫𑑂 𑐮𑐵𑑋 𑐳𑐾𑐥𑑂𑐚𑐾𑐩𑑂𑐧𑐬, 𑑒𑑐𑑐𑑖 𑐟𑐎𑑂𑐎 𑐠𑐸𑐎𑐶𑐫𑐵𑐟 𑐰𑐶𑐟𑑂𑐟𑐷𑐫 𑐰𑐬𑑂𑐲 𑑒𑑐𑑐𑑖-𑑐𑑗𑐫𑐵 𑐣𑐶𑑄𑐟𑐶𑑄 𑑗𑑘.𑑐𑑙𑑗 𑐧𑐶𑐮𑐶𑐫𑐣 ($ 𑑑.𑑗𑑒𑑕𑑕 𑐧𑐶𑐮𑐶𑐫𑐣)𑐫𑐵 𑐰𑐶𑐡𑐾𑐱𑐷 𑐣𑐶𑐰𑐾𑐱 𑐡𑐟, 𑐐𑐸𑐎𑐶 𑐬𑐵𑐖𑑂𑐫 𑐨𑐵𑐬𑐟𑐫𑐵 𑐩𑐾𑐩𑐾𑐐𑐸 𑐀𑐣𑑂𑐫 𑐬𑐵𑐖𑑂𑐫𑐫𑑂 𑐳𑑂𑐰𑑄𑐐𑐸 𑐠𑐵𑐳𑐫𑑂 𑐮𑐵𑑋 𑐰𑐬𑑂𑐲 𑑒𑑐𑑐𑑔𑐫𑐵 𑐀𑐣𑑂𑐟 𑐟𑐎𑑂𑐎, 𑐬𑐵𑐖𑑂𑐫𑐫𑑂 𑐀𑐣𑐸𑐡𑑂𑐫𑑀𑐐 𑐡𑐬 (𑐧𑐾𑐬𑑀𑐖𑐐𑐵𑐬 𑐡𑐬) 𑑔.𑑙𑑔% 𑐡𑐫𑐵𑐔𑑂𑐰𑐣, 𑐠𑑂𑐰 𑐨𑐵𑐬𑐟𑐷𑐫 𑐬𑐵𑐲𑑂𑐚𑑂𑐬𑐷𑐫 𑐀𑐣𑐸𑐡𑑂𑐫𑑀𑐐 𑐡𑐬 𑑕.𑑙𑑙% 𑐳𑑂𑐰𑐫𑐵 𑐩𑑂𑐴𑑀 𑐖𑐸𑑋 𑐰𑐶𑐟𑑂𑐟𑐷𑐫 𑐰𑐬𑑂𑐲 𑑒𑑐𑑐𑑖-𑑐𑑗𑐳 𑐬𑐵𑐖𑑂𑐫𑐫𑐵 𑐩𑐸𑐡𑑂𑐬𑐵 𑐳𑑂𑐦𑐷𑐟𑐶 𑐡𑐬 𑑔.𑑔% 𑐡𑐫𑐵𑐔𑑂𑐰𑐣, 𑐠𑑂𑐰 𑐬𑐵𑐲𑑂𑐚𑑂𑐬𑐷𑐫 𑐡𑐬 𑑔.𑑗% 𑐳𑑂𑐰𑐫𑐵 𑐨𑐟𑐶𑐔𑐵 𑐎𑐩 𑐖𑐸𑑋 𑐰𑐬𑑂𑐲 𑑒𑑐𑑐𑑔-𑑐𑑕𑐳 𑐬𑐵𑐖𑑂𑐫𑐫𑐵 𑐀𑐣𑐸𑐩𑐵𑐣𑐶𑐟 𑐐𑐬𑐷𑐧𑐷 𑐀𑐣𑐸𑐥𑐵𑐟 𑑑𑑗% 𑐏, 𑐠𑑂𑐰 𑐬𑐵𑐲𑑂𑐚𑑂𑐬𑐷𑐫 𑐀𑐣𑐸𑐥𑐵𑐟 𑑒𑑗.𑑕% 𑐳𑑂𑐰𑐫𑐵 𑐳𑐶𑐎𑑂𑐎 𑐩𑑂𑐴𑑀 𑐏𑑋

𑐎𑐬𑑂𑐣𑐵𑐚𑐎𑐫𑐵 𑐎𑐬𑐶𑐧 𑑕𑑖% 𑐖𑐣𑐳𑑄𑐏𑑂𑐫𑐵 𑐧𑐸𑑄𑐖𑑂𑐫𑐵 𑐰 𑐳𑑂𑐰𑐵𑐥𑐹 𑐡𑐹𑐐𑐸 𑐐𑐟𑐶𑐰𑐶𑐢𑐶𑐂 𑐳𑑄𑐮𑐐𑑂𑐣 𑐡𑐸𑑋 𑐬𑐵𑐖𑑂𑐫𑐫𑐵 𑐎𑐸𑐮 𑐨𑐹𑐩𑐶𑐫𑐵 𑑖𑑔.𑑖%, 𑐰𑐵 𑑑.𑑒𑑓𑑑 𑐎𑑀𑐚𑐷 𑐴𑐾𑐎𑑂𑐚𑐾𑐫𑐬 𑐨𑐹𑐩𑐶 𑐧𑐸𑑄𑐖𑑂𑐫𑐵𑐫𑑂 𑐕𑑂𑐫𑐮𑐵𑐟𑑅𑐐𑐸 𑐡𑐸𑑋 𑐠𑐣𑐫𑐵 𑐎𑐸𑐮 𑐥𑐶𑐣𑐵𑐟𑑅𑐐𑐸 𑐎𑑂𑐲𑐾𑐟𑑂𑐬𑐫𑐵 𑑒𑑖.𑑕% 𑐖𑐎𑑂𑐎 𑐳𑐶𑑄𑐔𑐶𑐟 𑐎𑑂𑐲𑐾𑐟𑑂𑐬 𑐏𑑋 𑐀𑐟𑑅, 𑐠𑐣𑐫𑐵 𑐁𑐥𑐵𑐮𑑄 𑐧𑐸𑑄𑐖𑑂𑐫𑐵 𑐡𑐎𑑂𑐲𑐶𑐞-𑐥𑐱𑑂𑐔𑐶𑐩 𑐩𑐣𑐳𑐹𑐣𑐫𑑂 𑐣𑐶𑐬𑑂𑐨𑐬 𑐡𑐸𑑋 𑐠𑐣 𑐨𑐵𑐬𑐟𑐫𑐵 𑐳𑐵𑐬𑑂𑐰𑐖𑐣𑐶𑐎 𑐎𑑂𑐲𑐾𑐟𑑂𑐬𑐫𑐵 𑐠𑐷𑐠𑐷 𑐟𑑅𑐢𑑄𑐐𑐸 𑐄𑐡𑑂𑐫𑑀𑐐 𑐳𑑂𑐠𑐵𑐥𑐶𑐟 𑐫𑐵𑐣𑐵𑐟𑑅𑐐𑐸 𑐡𑐸, 𑐡𑐳𑐸 𑐴𑐶𑐣𑑂𑐡𑐸𑐳𑑂𑐟𑐵𑐣 𑐊𑐫𑐬𑑀𑐣𑐶𑐚𑐶𑐎𑑂𑐳 𑐮𑐶𑐩𑐶𑐚𑐾𑐜, 𑐣𑐾𑐱𑐣𑐮 𑐊𑐬𑑀𑐳𑑂𑐥𑐾𑐳 𑐮𑐿𑐧𑑀𑐬𑐾𑐚𑐬𑐷𑐖𑑆, 𑐨𑐵𑐬𑐟 𑐴𑐿𑐰𑐷 𑐊𑐮𑐾𑐎𑑂𑐚𑑂𑐬𑐶𑐎𑐮𑑂𑐳 𑐮𑐶𑐩𑐶𑐚𑐾𑐜, 𑐂𑑄𑐜𑐶𑐫𑐣 𑐚𑐾𑐮𑐷𑐦𑑀𑐣 𑐂𑑄𑐜𑐳𑑂𑐚𑑂𑐬𑐷𑐖𑑆, 𑐨𑐵𑐬𑐟 𑐀𑐬𑑂𑐠 𑐩𑐹𑐰𑐬𑑂𑐳 𑐮𑐶𑐩𑐶𑐚𑐾𑐜 𑐰 𑐴𑐶𑐣𑑂𑐡𑐸𑐳𑑂𑐟𑐵𑐣 𑐩𑐱𑐷𑐣 𑐚𑐹𑐮𑑂𑐳 𑐁𑐡𑐶 𑐖𑑀 𑐧𑑄𑐐𑐮𑐸𑐬𑐸𑐂 𑐮𑐵𑑋 𑐠𑐣 𑐨𑐵𑐬𑐟𑐫𑐵 𑐫𑐎𑑂𑐰 𑐩𑐹 𑐰𑐶𑐖𑑂𑐘𑐵𑐣 𑐰 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐀𑐣𑐸𑐳𑑄𑐢𑐵𑐣 𑐎𑐾𑐣𑑂𑐡𑑂𑐬 𑐣𑑄 𑐡𑐸, 𑐡𑐳𑐸 𑐨𑐵𑐬𑐟𑐷𑐫 𑐀𑑄𑐟𑐬𑐶𑐎𑑂𑐲 𑐀𑐣𑐸𑐳𑑄𑐢𑐵𑐣 𑐳𑑄𑐐𑐛𑐣, 𑐎𑐾𑐣𑑂𑐡𑑂𑐬𑐷𑐫 𑐰𑐶𑐡𑑂𑐫𑐸𑐟 𑐀𑐣𑐸𑐳𑑄𑐢𑐵𑐣 𑐳𑑄𑐳𑑂𑐠𑐵𑐣, 𑐨𑐵𑐬𑐟 𑐂𑐮𑐾𑐎𑑂𑐚𑑂𑐬𑐶𑐣𑐶𑐎𑑂𑐳 𑐮𑐶𑐩𑐶𑐚𑐾𑐜 𑐰 𑐎𑐾𑐣𑑂𑐡𑑂𑐬𑐷𑐫 𑐏𑐵𑐡𑑂𑐫 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐀𑐣𑐸𑐳𑑄𑐢𑐵𑐣 𑐳𑑄𑐳𑑂𑐠𑐵𑐣𑑋 𑐩𑐿𑑄𑐐𑐮𑑀𑐬 𑐬𑐶𑐦𑐵𑐂𑐣𑐬𑐷 𑐊𑑄𑐜 𑐥𑐾𑐚𑑂𑐬𑑀𑐎𑐿𑐩𑐶𑐎𑐮𑑂𑐳 𑐮𑐶𑐩𑐶𑐚𑐾𑐜, 𑐩𑑄𑐐𑐮𑑀𑐬𑐫𑑂 𑐳𑑂𑐠𑐶𑐟 𑐕𑐐𑐸 𑐔𑐶𑐎𑑄 𑐱𑑀𑐢𑐣 𑐎𑐾𑐣𑑂𑐡𑑂𑐬 𑐏𑑋

𑑑𑑙𑑘𑑐𑐫𑐵 𑐡𑐱𑐎𑑄 𑐣𑐶𑐳𑐾𑑄 𑐎𑐬𑑂𑐣𑐵𑐚𑐎𑑄 (𑐰𑐶𑐱𑐾𑐲𑐎𑐬 𑐧𑑄𑐐𑐮𑐸𑐬𑐸) 𑐳𑐹𑐔𑐣𑐵 𑐥𑑂𑐬𑑁𑐡𑑂𑐫𑑀𑐐𑐶𑐎𑐷𑐫𑐵 𑐎𑑂𑐲𑐾𑐟𑑂𑐬𑐫𑑂 𑐰𑐶𑐱𑐾𑐲 𑐥𑑂𑐬𑐐𑐟𑐶 𑐫𑐵𑑅𑐐𑐸 𑐡𑐸𑑋 𑐰𑐬𑑂𑐲 𑑒𑑐𑑐𑑗𑐫𑐵 𑐟𑐠𑑂𑐫𑐵𑑄𑐎 𑐀𑐣𑐸𑐳𑐵𑐬 𑐎𑐬𑑂𑐣𑐵𑐚𑐎𑐫𑑂 𑐮𑐐𑐨𑐐 𑑒𑑐𑑐𑑐 𑐁𑐃.𑐚𑐷 𑐦𑐬𑑂𑐩 𑐳𑑄𑐔𑐵𑐮𑐶𑐟 𑐡𑐸𑑋 𑐠𑐸𑐎𑐶𑐫𑐵 𑐫𑐎𑑂𑐰 𑐩𑐸𑐏𑑂𑐫𑐵𑐮𑐫 𑐣𑑄 𑐬𑐵𑐖𑑂𑐫𑐫𑑂 𑐴𑐾 𑐮𑐵, 𑐐𑐸𑐎𑐶𑐮𑐶 𑐣𑐶𑐐𑐸 𑐡𑐎𑐮𑐾 𑐟𑑅𑐢𑑄𑐐𑐸 𑐁𑐃.𑐚𑐷 𑐎𑐩𑑂𑐥𑐣𑑂𑐟𑐷𑐟 𑐂𑐣𑑂𑐦𑑀𑐳𑐶𑐳 𑐰 𑐰𑐶𑐥𑑂𑐬𑑀 𑐏𑑋 𑐠𑑂𑐰 𑐳𑑄𑐳𑑂𑐠𑐵𑐟𑐫𑐾𑐐𑐸 𑐣𑐶𑐬𑑂𑐫𑐵𑐟 𑐬𑐸. 𑑕𑑐,𑑐𑑐𑑐 𑐎𑑀𑐚𑐷 (𑑑𑑒.𑑕 𑐧𑐶𑐮𑐶𑐫𑐣) 𑐳𑑂𑐰𑐫𑐵 𑐀𑐥𑑂𑐰 𑐠𑑂𑐫𑑄, 𑐠𑑂𑐰 𑐨𑐵𑐬𑐟𑐫𑐵 𑐎𑐸𑐮 𑐳𑐹𑐔𑐣𑐵 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐣𑐶𑐬𑑂𑐫𑐵𑐟𑐫𑐵 𑑓𑑘% 𑐏𑑋 𑐡𑐾𑐰𑐣𑐴𑐮𑑂𑐮𑐷𑐫𑐵 𑐥𑐶𑐣𑐾𑐥𑐵𑐏𑐾𑐫𑐵 𑐣𑑄𑐡𑐷 𑐴𑐶𑐮 𑐎𑑂𑐲𑐾𑐟𑑂𑐬𑐫𑑂 𑑕𑑐 𑐰𑐬𑑂𑐐 𑐎𑐶.𑐩𑐶 𑐨𑐵𑐐, 𑐰𑐂𑐐𑐸 𑑒𑑒 𑐧𑐶𑐮𑐶𑐫𑐣𑐫𑐵 𑐧𑑂𑐫𑐵𑐮 𑐁𑐃𑐚𑐷 𑐣𑐶𑐰𑐾𑐱 𑐎𑑂𑐲𑐾𑐟𑑂𑐬𑐫𑐵 𑐳𑑂𑐠𑐮𑐷 𑐏𑑋 𑐠𑑂𑐰 𑐎𑐬𑑂𑐣𑐵𑐚𑐎𑐫𑐵 𑐩𑐹𑐮 𑐳𑑄𑐬𑐔𑐣𑐵 𑐂𑐟𑐶𑐴𑐵𑐳𑐫𑐵 𑐁𑐟𑐎𑑂𑐎𑐫𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐥𑐬𑐶𑐫𑑀𑐖𑐣𑐵 𑐏𑑋 𑐠𑑂𑐰 𑐳𑐎𑐮 𑐎𑐵𑐬𑐞𑑄 𑐫𑐵𑐣𑐵 𑐴𑐾 𑐧𑑄𑐐𑐮𑑁𑐬𑐫𑐵𑐟 𑐨𑐵𑐬𑐟𑐫𑐵 𑐳𑐶𑐮𑐶𑐎𑐶𑐣 𑐨𑑂𑐫𑐵𑐮𑐷 𑐢𑐵𑐂𑐐𑐸 𑐫𑐵𑑋

𑐁𑐬𑑂𑐠𑐶𑐎 𑐥𑑂𑐬𑐐𑐟𑐶𑐂 𑐎𑑂𑐲𑐾𑐟𑑂𑐬𑐰𑐵𑐬 𑐫𑑀𑐐𑐡𑐵𑐣

𑐨𑐵𑐬𑐟𑐫𑑂 𑐎𑐬𑑂𑐣𑐵𑐚𑐎 𑐖𑐿𑐰𑐥𑑂𑐬𑑁𑐡𑑂𑐫𑑀𑐐𑐶𑐎𑐷𑐫𑐵 𑐏𑑂𑐫𑐮𑐫𑑂 𑐣𑑄 𑐣𑑂𑐴𑑂𑐫𑐣𑐾 𑐮𑐵𑑋 𑐠𑑂𑐰 𑐨𑐵𑐬𑐟𑐫𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐖𑐿𑐰 𑐁𑐢𑐵𑐬𑐶𑐟 𑐄𑐡𑑂𑐫𑑀𑐐 𑐥𑐸𑐔𑑅𑐫𑐵 𑐎𑐾𑐣𑑂𑐡𑑂𑐬 𑐣𑑄 𑐏𑑋 𑐨𑐵𑐬𑐟 𑐡𑐾𑐫𑑂𑐫𑐵 𑑓𑑒𑑐 𑐖𑐿𑐰𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐳𑑄𑐳𑑂𑐠𑐵 𑐰 𑐎𑐩𑑂𑐥𑐣𑐷𑐂 𑑑𑑕𑑘 𑐠𑐣 𑐮𑐵𑑋 𑐠𑑂𑐰 𑐬𑐵𑐖𑑂𑐫𑑄 𑐨𑐵𑐬𑐟𑐫𑐵 𑐎𑐸𑐮 𑐳𑑂𑐰𑐵𑑄-𑐄𑐡𑑂𑐫𑑀𑐐𑐫𑐵 𑑗𑑕% 𑐫𑑀𑐐𑐡𑐵𑐣 𑐧𑑂𑐫𑐸𑑋 𑐳𑑂𑐰𑐵𑑄 𑐄𑐡𑑂𑐫𑑀𑐐 𑐫𑐵𑐎𑐣𑑄 𑐠𑐵𑐴𑐵𑑄 𑐰𑐫𑐵𑐔𑑂𑐰𑑄𑐐𑐸 𑐄𑐡𑑂𑐫𑑀𑐐 𑐏, 𑐐𑐸𑐎𑐶𑐮𑐶 𑐴𑐮𑐶𑑄 𑐡𑐸𑐕𑐶 𑐳𑐖𑐵𑐰𑐚𑐷 𑐳𑑂𑐰𑐵𑑄𑐩𑐵 𑐰 𑐳𑑂𑐰𑐵𑑄 𑐁𑐥𑐹𑐬𑑂𑐟𑐶 𑐫𑐵𑐂𑑋

𑐨𑐵𑐬𑐟𑐫𑐵 𑐀𑐐𑑂𑐬𑐞𑐷 𑐧𑐿𑑄𑐎𑐫𑑂 𑐣𑑂𑐴𑐾𑐐𑐸 𑐧𑐿𑑄𑐎𑐟, 𑐎𑐾𑐣𑐬𑐵 𑐧𑐿𑑄𑐎, 𑐳𑐶𑑄𑐜𑐶𑐎𑐾𑐚 𑐧𑐿𑑄𑐎, 𑐎𑐵𑐬𑑂𑐥𑑀𑐬𑐾𑐱𑐣 𑐧𑐿𑑄𑐎, 𑐰𑐶𑐖𑐫𑐵 𑐧𑐿𑑄𑐎, 𑐎𑐬𑑂𑐣𑐵𑐚𑐎 𑐧𑐿𑑄𑐎, 𑐰𑐿𑐱𑑂𑐫 𑐧𑐿𑑄𑐎 𑐰 𑐳𑑂𑐚𑐾𑐚 𑐧𑐿𑑄𑐎 𑐁𑐦 𑐩𑐿𑐳𑐹𑐬𑐫𑐵 𑐄𑐡𑑂𑐐𑐩 𑐠𑑂𑐰 𑐴𑐾 𑐬𑐵𑐖𑑂𑐫𑑄 𑐖𑐹𑐐𑐸 𑐏𑑋 𑐬𑐵𑐖𑑂𑐫𑐫𑐵 𑐟𑐚𑐷𑐫 𑐖𑐶𑐮𑑂𑐮𑐵 𑐄𑐜𑐸𑐥𑐷 𑐰 𑐡𑐎𑑂𑐲𑐶𑐞 𑐎𑐣𑑂𑐣𑐜𑐫𑑂 𑐥𑑂𑐬𑐟𑐶 𑑕𑑐𑑐 𑐰𑑂𑐫𑐎𑑂𑐟𑐶 𑐕𑐐𑐸 𑐧𑐿𑑄𑐎 𑐱𑐵𑐏𑐵 𑐡𑐸𑑋 𑐠𑑂𑐰 𑐨𑐵𑐬𑐟𑐫𑐵 𑐳𑐬𑑂𑐰𑐱𑑂𑐬𑐾𑐲𑑂𑐛 𑐧𑐿𑑄𑐎 𑐰𑐶𑐟𑐬𑐞 𑐏𑑋 𑐩𑐵𑐬𑑂𑐔 𑑒𑑐𑑐𑑒 𑐀𑐣𑐸𑐳𑐵𑐬, 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐠𑐷𑐠𑐷 𑐧𑐿𑑄𑐎𑐟𑐫𑐾𑐐𑐸 𑑔𑑗𑑖𑑗 𑐱𑐵𑐏𑐵 𑐡𑐸, 𑐐𑐸𑐎𑐶𑐮𑐶 𑐥𑑂𑐬𑐟𑑂𑐫𑐾𑐎 𑐱𑐵𑐏𑐵 𑐍𑐳𑐟 𑑑𑑑,𑑐𑑐𑑐 𑐰𑑂𑐫𑐎𑑂𑐟𑐶𑐫𑐵𑐟 𑐳𑐾𑐰𑐵 𑐫𑐵𑐣𑐵𑐔𑑂𑐰𑐣𑐶𑑋 𑐠𑑂𑐰 𑐮𑑂𑐫𑐵 𑐬𑐵𑐲𑑂𑐚𑑂𑐬𑐷𑐫 𑐍𑐳𑐟 𑑑𑑖,𑑐𑑐𑑐𑐳𑑂𑐰𑐫𑐵 𑐳𑐶𑐎𑑂𑐎 𑐩𑑂𑐴𑑀 𑐖𑐸𑑋

𑐨𑐵𑐬𑐟𑐫𑐵 𑑓𑑕𑑐𑑐 𑐎𑑀𑐚𑐷𑐫𑐵 𑐬𑐾𑐱𑐩 𑐄𑐡𑑂𑐫𑑀𑐐𑐫𑐵 𑐀𑐢𑐶𑐎𑐵𑑄𑐱 𑐨𑐵𑐐 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐁𑐢𑐵𑐬𑐶𑐟 𑐡𑐸, 𑐰𑐶𑐱𑐾𑐲𑐎𑐬 𑐄𑐟𑑂𑐟𑐬𑐷 𑐧𑑄𑐐𑐮𑑁𑐬 𑐎𑑂𑐲𑐾𑐟𑑂𑐬 𑐡𑐳𑐸 𑐩𑐸𑐡𑑂𑐡𑐣𑐴𑐮𑑂𑐮𑐷, 𑐎𑐣𑐶𑐰𑐾𑐣𑐵𑐬𑐵𑐫𑐞𑐥𑐸𑐬𑐵 𑐰 𑐡𑑀𑐜𑑂𑐜𑐧𑐮𑑂𑐮𑐥𑐸𑐬, 𑐐𑐣 𑐣𑐐𑐬𑐫𑐵 𑑗𑑐 𑐎𑑀𑐚𑐷 𑐬𑐾𑐱𑐩 𑐄𑐡𑑂𑐫𑑀𑐐𑐫𑐵 𑐀𑑄𑐱 𑐳𑑂𑐠𑐶𑐟 𑐡𑐸𑑋 𑐠𑐣𑐫𑐵 𑐧𑑄𑐐𑐮𑑁𑐬 𑐳𑐶𑐮𑑂𑐎 𑐰 𑐩𑐿𑐳𑐹𑐬 𑐳𑐶𑐮𑑂𑐎 𑐳𑐶𑐎𑑂𑐎 𑐣𑐵𑑄𑐖𑐵𑑋

𑐫𑐵𑐟𑐵𑐫𑐵𑐟

𑐎𑐶𑑄𑐐𑐦𑐶𑐱𑐬 𑐊𑐫𑐬𑐮𑐵𑐂𑑄𑐳 𑐧𑑄𑐐𑐮𑐸𑐬𑐸𑐂 𑐁𑐢𑐵𑐬𑐶𑐟 𑐰𑐶𑐩𑐵𑐣𑐳𑐾𑐰𑐵 𑐏𑑋

𑐎𑐬𑑂𑐣𑐵𑐚𑐎𑐫𑑂 𑐰𑐵𑐫𑐸 𑐫𑐵𑐟𑐵𑐫𑐵𑐟 𑐨𑐵𑐬𑐟𑐫𑐵 𑐩𑐾𑐩𑐾𑐐𑐸 𑐨𑐵𑐐 𑐠𑐾𑑄 𑐴𑐾 𑐀𑐥𑑂𑐰𑐫𑐵 𑐰𑐂𑐔𑑂𑐰𑑄𑐐𑐸 𑐡𑐸 𑐟𑐬 𑐨𑐵𑐬𑐟𑐫𑐵 𑐩𑐾𑐩𑐾𑐐𑐸 𑐨𑐵𑐐 𑐳𑑂𑐰𑐫𑐵 𑐰𑐶𑐎𑐱𑐶𑐟 𑐡𑐸𑑋 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐧𑑄𑐐𑐮𑐸𑐬𑐸, 𑐩𑑄𑐐𑐮𑑁𑐬, 𑐴𑐸𑐧𑐮𑐷, 𑐧𑐾𑐮𑐐𑐵𑐩, 𑐴𑐩𑑂𑐥𑐷 𑐰 𑐧𑐾𑐮𑑂𑐮𑐵𑐬𑐷 𑐰𑐶𑐩𑐵𑐣𑐎𑑂𑐲𑐾𑐟𑑂𑐬𑐫𑑂 𑐰𑐶𑐩𑐵𑐣𑐳𑑂𑐠𑐮 𑐡𑐸, 𑐐𑐸𑐎𑐶𑐮𑐶 𑐧𑑄𑐐𑐮𑐸𑐬𑐸 𑐰 𑐩𑑄𑐐𑐮𑑁𑐬 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐰𑐶𑐩𑐵𑐣𑐳𑑂𑐠𑐮 𑐏𑑋 𑐩𑐿𑐳𑐹𑐬, 𑐐𑐸𑐮𑐧𑐬𑑂𑐐𑐵, 𑐧𑐷𑐖𑐵𑐥𑐸𑐬, 𑐴𑐳𑑂𑐳𑐣 𑐰 𑐱𑐶𑐩𑑀𑐐𑐵𑐫𑑂 𑐣𑑄 𑑒𑑐𑑐𑑗𑐣𑑄 𑐥𑑂𑐬𑐔𑐵𑐮𑐣 𑐕𑐸𑑄 𑐴𑐡 𑐟𑐎𑑂𑐎 𑐣𑑂𑐴𑑂𑐫𑐠𑑄𑐐𑐸 𑐡𑐸𑑋 𑐠𑐣 𑐔𑐵𑐮𑐹 𑐩𑐹 𑐰𑐵𑐫𑐸𑐳𑐾𑐰𑐵𑐫𑑂 𑐎𑐶𑑄𑐐𑐦𑐶𑐱𑐬 𑐊𑐫𑐬𑐮𑐵𑐂𑑄𑐳 𑐰 𑐊𑐫𑐬 𑐜𑐾𑐎𑑂𑐎𑐣 𑐮𑐵, 𑐠𑑂𑐰 𑐧𑑄𑐐𑐮𑐸𑐬𑐸𑐂 𑐁𑐢𑐵𑐬𑐶𑐟 𑐖𑐸𑑋

𑐎𑐬𑑂𑐣𑐵𑐚𑐎𑐫𑐵 𑐬𑐾𑐮 𑐫𑐵𑐟𑐵𑐫𑐵𑐟 𑐖𑐵𑐮 𑐮𑐐𑐨𑐐 3,089 kilometres (1,919 mi) 𑐴𑐵𑐎𑑅 𑐡𑐸𑑋 𑑒𑑐𑑐𑑓𑐳 𑐴𑐸𑐧𑐮𑐷𑐂 𑐩𑐸𑐏𑑂𑐫𑐵𑐮𑐫 𑐳𑐴𑐶𑐟 𑐡𑐎𑑂𑐲𑐶𑐞 𑐥𑐱𑑂𑐔𑐶𑐩𑐷 𑐬𑐾𑐮𑐰𑐾𑐫𑐵 𑐥𑐮𑐶𑐳𑑂𑐠𑐵 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐬𑐵𑐖𑑂𑐫 𑐡𑐎𑑂𑐲𑐶𑐞𑐷 𑐰 𑐥𑐱𑑂𑐔𑐶𑐩𑐷 𑐬𑐾𑐮𑐰𑐾 𑐩𑐞𑑂𑐜𑐮𑐫𑑂 𑐮𑐵𑐣𑐵𑐔𑑂𑐰𑐣𑑋 𑐁 𑐬𑐵𑐖𑑂𑐫𑐫𑐵 𑐫𑐎𑑂𑐰 𑐨𑐵𑐐 𑐡𑐎𑑂𑐲𑐶𑐞 𑐥𑐱𑑂𑐔𑐶𑐩𑐷 𑐩𑑄𑐜𑐮𑐫𑑂 𑐮𑐵, 𑐰 𑐮𑑂𑐫𑑄𑐐𑐸 𑐨𑐵𑐐 𑐡𑐎𑑂𑐲𑐶𑐞 𑐬𑐾𑐮𑐰𑐾 𑐩𑑄𑐜𑐮𑐫𑑂 𑐮𑐵𑑋 𑐟𑐚𑐷𑐫 𑐎𑐬𑑂𑐣𑐵𑐚𑐎𑐫𑐵 𑐨𑐵𑐐 𑐎𑑀𑑄𑐎𑐞 𑐬𑐾𑐮𑐰𑐾 𑐣𑐾𑐚𑐰𑐬𑑂𑐎𑐫𑐵 𑐀𑐣𑑂𑐟𑐬𑑂𑐐𑐟 𑐮𑐵, 𑐐𑐸𑐎𑐶𑐫𑐵𑐟 𑐨𑐵𑐬𑐟𑐫𑑂 𑐠𑑂𑐰 𑐱𑐟𑐵𑐧𑑂𑐡𑐷𑐫𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐬𑐾𑐮𑐰𑐾 𑐥𑐬𑐶𑐫𑑀𑐖𑐣𑐵𑐫𑐵 𑐬𑐹𑐥𑐫𑑂 𑐎𑐵𑐫𑐾𑐐𑐸 𑐫𑐵𑑋 𑐧𑑄𑐐𑐮𑐸𑐬𑐸 𑐀𑐣𑑂𑐟𑐬𑑂𑐬𑐵𑐖𑑂𑐫𑐷𑐫 𑐣𑐐𑐬𑑄 𑐬𑐾𑐮 𑐫𑐵𑐟𑐵𑐫𑐵𑐟𑐡𑑂𑐰𑐵𑐬𑐵 𑐧𑐵𑑄𑐮𑐵𑐎𑑂𑐎 𑐳𑑂𑐰𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐬𑐵𑐖𑑂𑐫𑐫𑐵 𑐩𑐾𑐩𑐾𑐐𑐸 𑐣𑐐𑐬 𑐀𑐥𑐾𑐎𑑂𑐲𑐵𑐎𑐺𑐟 𑐩𑑂𑐴𑑀 𑐖𑐎𑑂𑐎 𑐳𑑂𑐰𑐵𑑋

𑐎𑐬𑑂𑐣𑐵𑐚𑐎𑐫𑑂 𑑑𑑑 𑐖𑐴𑐵𑐖𑐥𑐟𑑂𑐟𑐣 𑐡𑐸, 𑐐𑐸𑐎𑐶𑐮𑐶 𑐩𑑄𑐐𑐮𑑁𑐬 𑐥𑑀𑐬𑑂𑐚 𑐡𑐎𑐮𑐾 𑐣𑑂𑐴𑐸𑐐𑐸 𑐏, 𑐠𑑂𑐰 𑐩𑐾𑐐𑐸 𑐗𑐶𑐐𑐸 𑐳𑑂𑐰𑐫𑐵 𑐀𑐥𑐾𑐎𑑂𑐲𑐵𑐎𑐺𑐟 𑐟𑑅𑐢𑑄 𑐰 𑐁𑐢𑐸𑐣𑐶𑐎 𑐖𑐸𑑋 𑐩𑑄𑐐𑐮𑑁𑐬𑐫𑐵 𑐣𑑂𑐴𑐸𑐐𑐸 𑐥𑐟𑑂𑐟𑐣 𑐨𑐵𑐬𑐟𑐫𑐵 𑐐𑐸𑑄𑐐𑐸 𑐩𑐹 𑐥𑐟𑑂𑐟𑐣𑐫𑐵 𑐬𑐹𑐥𑐫𑑂 𑐩𑐾 𑑔, 𑐳𑐣𑑂 𑑑𑑙𑑗𑑔 𑐏𑐸𑐣𑐸 𑐨𑐵𑐬𑐟𑐫𑐵𑐟 𑐧𑑂𑐫𑐸𑐐𑐸 𑐏𑑋 𑐠𑑂𑐰 𑐥𑐟𑑂𑐟𑐣𑐫𑑂 𑐰𑐶𑐟𑑂𑐟𑐷𑐫 𑐰𑐬𑑂𑐲 𑑒𑑐𑑐𑑖-𑑐𑑗𑐳 𑑓 𑐎𑑀𑐚𑐷 𑑒𑑐.𑑔 𑐮𑐏𑑅 𑐚𑐣𑐫𑐵 𑐣𑐶𑐬𑑂𑐫𑐵𑐟 𑐰 𑑑𑑔𑑑.𑑒 𑐮𑐏𑑅 𑐚𑐣𑐫𑐵 𑐁𑐫𑐵𑐟 𑐰𑑂𑐫𑐵𑐥𑐵𑐬 𑐖𑐹𑐐𑐸 𑐡𑐸𑑋 𑐠𑑂𑐰 𑐁𑐬𑑂𑐠𑐶𑐎 𑐰𑐬𑑂𑐲𑐫𑑂 𑐠𑐣 𑐎𑐸𑐮 𑑑𑑐𑑑𑑕 𑐖𑐮𑐥𑑀𑐟𑐟𑐫𑐾𑐐𑐸 𑐁𑐰𑐟𑐖𑐵𑐰𑐟 𑐖𑐸𑐮, 𑐐𑐸𑐎𑐶𑐮𑐶 𑑑𑑘 𑐎𑑂𑐫𑐹𑐖𑑆 𑐥𑑀𑐟 𑐏𑑋 𑐬𑐵𑐖𑑂𑐫𑐫𑑂 𑐀𑐣𑑂𑐟𑐬𑑂𑐬𑐵𑐖𑑂𑐫𑐷𑐫 𑐖𑐮𑐩𑐵𑐬𑑂𑐐 𑐄𑐮𑑂𑐮𑐾𑐏𑐣𑐷𑐫 𑐳𑑂𑐟𑐬𑑄 𑐰𑐶𑐎𑐳𑐶𑐟 𑐩𑐖𑐸𑐣𑐶𑑋

𑐎𑐬𑑂𑐣𑐵𑐚𑐎𑐫𑐵 𑐬𑐵𑐲𑑂𑐚𑑂𑐬𑐷𑐫 𑐰 𑐬𑐵𑐖𑑂𑐫 𑐬𑐵𑐖𑐩𑐵𑐬𑑂𑐐𑐟𑐫𑐾𑐐𑐸 𑐎𑐸𑐮 𑐴𑐵𑐎𑑅 𑐎𑑂𑐬𑐩𑐱𑑅 3,973 kilometres (2,469 mi) 𑐰 9,829 kilometres (6,107 mi) 𑐡𑐸𑑋 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐳𑐜𑐎 𑐥𑐬𑐶𑐰𑐴𑐣 𑐣𑐶𑐐𑐩 (𑐎𑐾.𑐊𑐳.𑐁𑐬.𑐚𑐷.𑐳𑐷) 𑐬𑐵𑐖𑑂𑐫𑐫𑐵 𑐳𑐬𑐎𑐵𑐬𑐷 𑐫𑐵𑐟𑐵𑐫𑐵𑐟 𑐰 𑐥𑐬𑐶𑐰𑐴𑐣 𑐣𑐶𑐐𑐩 𑐏, 𑐐𑐸𑐎𑐶𑑄 𑐣𑑂𑐴𑐶𑐕𑐶𑐂 𑐎𑐬𑐶𑐧 𑑒𑑒 𑐮𑐏𑑅 𑐫𑐵𑐟𑑂𑐬𑐶𑐟𑐫𑐾𑐟 𑐥𑐬𑐶𑐰𑐴𑐣 𑐫𑐵𑐎𑐷𑑋 𑐣𑐶𑐐𑐩𑐫𑑂 𑑒𑑕,𑑐𑑐𑑐 𑐎𑐬𑑂𑐩𑐔𑐵𑐬𑐷 𑐳𑐾𑐰𑐵𑐬𑐟 𑐡𑐸𑑋 𑑑𑑙𑑙𑑐𑐫𑐵 𑐡𑐱𑐎𑐫𑐵 𑐀𑐣𑑂𑐟𑐫𑑂 𑐣𑐶𑐐𑐩𑐫𑐵𑐟 𑐳𑑂𑐰𑑄𑐐𑐸 𑐣𑐶𑐐𑐩𑐫𑑂 𑐧𑐵𑐫𑐵, 𑐧𑑄𑐐𑐮𑑁𑐬 𑐩𑐾𑐚𑑂𑐬𑑀𑐥𑐶𑐮𑐶𑐚𑐣 𑐚𑑂𑐬𑐵𑑄𑐳𑑂𑐥𑑀𑐬𑑂𑐚 𑐎𑐵𑐬𑑂𑐥𑑀𑐬𑐾𑐱𑐣, 𑐣𑐶𑐬𑑂𑐠-𑐰𑐾𑐳𑑂𑐚 𑐎𑐬𑑂𑐣𑐵𑐚𑐎 𑐚𑑂𑐬𑐵𑑄𑐳𑑂𑐥𑑀𑐬𑑂𑐚 𑐎𑐵𑐬𑑂𑐥𑑀𑐬𑐾𑐱𑐣 𑐰 𑐣𑐶𑐬𑑂𑐠-𑐃𑐳𑑂𑐚 𑐎𑐬𑑂𑐣𑐵𑐚𑐎 𑐚𑑂𑐬𑐵𑑄𑐳𑑂𑐥𑑀𑐬𑑂𑐚 𑐎𑐵𑐬𑑂𑐥𑑀𑐬𑐾𑐱𑐣 𑐡𑐫𑐾𑐎𑐮𑑋 𑐠𑐶𑐩𑐶𑐐𑐸 𑐩𑐸𑐏𑑂𑐫𑐵𑐮𑐫 𑐎𑑂𑐬𑐩𑐱𑑅 𑐧𑑄𑐐𑐮𑑁𑐬, 𑐴𑐸𑐧𑐮𑐷 𑐰 𑐐𑐸𑐮𑐧𑐬𑑂𑐐𑐵𑐫𑑂 𑐮𑐵𑑋

𑐳𑑄𑐳𑑂𑐎𑐺𑐟𑐶

𑐎𑐮𑐵𑐎𑐵𑐬,𑐫𑐎𑑂𑐲𑐐𑐵𑐣𑐫𑐵 𑐬𑐹𑐥𑐫𑑂 𑐎𑐾𑐜𑐶𑐐 𑐣𑐵𑐥𑑋

𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐠𑐷𑐠𑐷 𑐨𑐵𑐫𑑂, 𑐢𑐵𑐬𑑂𑐩𑐶𑐎 𑐖𑐵𑐟𑐶-𑐥𑑂𑐬𑐖𑐵𑐟𑐶𑐟 𑐔𑑂𑐰𑑄𑐐𑐸 𑐡𑐸𑑋 𑐂𑐩𑐶𑐐𑐸 𑐟𑐵𑑅𑐴𑐵𑐎𑑅𑐐𑐸 𑐂𑐟𑐶𑐴𑐵𑐳𑑄 𑐬𑐵𑐖𑑂𑐫𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐢𑐬𑑀𑐴𑐬𑐫𑑂 𑐀𑐩𑐹𑐮𑑂𑐫 𑐫𑑀𑐐𑐡𑐵𑐣 𑐧𑑂𑐫𑐸𑐐𑐸 𑐡𑐸𑑋 𑐎𑐣𑑂𑐣𑐜𑐶𑐐𑐵𑐟 𑐣𑐵𑐥𑑄 𑐠𑐣 𑐟𑐸𑐮𑐸𑐰, 𑐎𑑀𑐜𑐰 𑐰 𑐎𑑀𑑄𑐎𑐞𑐷 𑐖𑐵𑐟𑐶𑐟 𑐣𑑄 𑐔𑑂𑐰𑐣𑐵𑐔𑑂𑐰𑑄𑐐𑐸 𑐡𑐸𑑋 𑐠𑐣 𑐫𑐎𑑂𑐰 𑐀𑐮𑑂𑐥𑐳𑑄𑐏𑑂𑐫𑐎 𑐡𑐳𑐸 𑐟𑐶𑐧𑑂𑐧𑐟𑐷 𑐧𑑁𑐡𑑂𑐢 𑐰 𑐀𑐣𑐾𑐎 𑐖𑐣𑐖𑐵𑐟𑐶𑐟 𑐡𑐳𑐸 𑐳𑑀𑐮𑐶𑐐, 𑐫𑐾𑐬𑐰𑐵, 𑐚𑑀𑐜𑐵 𑐰 𑐳𑐶𑐡𑑂𑐢𑐶 𑐳𑐩𑐸𑐡𑐵𑐫 𑐡𑐸, 𑐠𑐶𑐥𑐶𑑄𑐳𑑄 𑐬𑐵𑐖𑑂𑐫𑐫𑑂 𑐠𑐷𑐠𑐷 𑐬𑑄𑐐 𑐧𑑂𑐫𑐸𑑋 𑐎𑐬𑑂𑐣𑐵𑐚𑐎𑐫𑐵 𑐥𑐬𑐩𑑂𑐥𑐬𑐵𑐐𑐟 𑐮𑑀𑐎 𑐎𑐮𑐵𑐫𑑂 𑐳𑑄𑐐𑐷𑐟, 𑐥𑑂𑐫𑐵𑐏𑑄, 𑐣𑐵𑐚𑐎, 𑐑𑐸𑐩𑐎𑑂𑐎𑐜 𑐧𑐵𑐏𑑄 𑐁𑐡𑐶 𑐮𑐵𑑋 𑐩𑐵𑐮𑐣𑐵𑐜 𑐰 𑐟𑐚𑐷𑐫 𑐎𑑂𑐲𑐾𑐟𑑂𑐬𑐫𑐵 𑐫𑐎𑑂𑐲𑐐𑐞, 𑐱𑐵𑐳𑑂𑐟𑑂𑐬𑐷𑐫 𑐣𑐺𑐟𑑂𑐫-𑐣𑐵𑐚𑐶𑐎𑐵𑐟 𑐬𑐵𑐖𑑂𑐫𑐫𑐵 𑐩𑐹 𑐬𑑄𑐐𑐩𑑄𑐔 𑐱𑐿𑐮𑐷𑐂 𑐕𑐐𑐸 𑐏𑑋 𑐠𑐣𑐫𑐵 𑐬𑑄𑐐𑐩𑑄𑐔 𑐥𑐬𑐩𑑂𑐥𑐬𑐵𑐫𑑂 𑐀𑐣𑐾𑐎 𑐳𑐎𑑂𑐬𑐶𑐫 𑐳𑑄𑐐𑐛𑐣 𑐡𑐳𑐸 𑐣𑐶𑐣𑐵𑐳𑐩, 𑐬𑑄𑐐𑐱𑑄𑐎𑐬, 𑐬𑑄𑐐𑐵𑐫𑐣 𑐰 𑐥𑑂𑐬𑐨𑐵𑐟 𑐎𑐮𑐵𑐰𑐶𑐡𑐬𑐸 𑐁𑐡𑐶𑐫𑐵 𑐥𑑂𑐬𑐫𑐵𑐳𑑄 𑐩𑑂𑐰𑐵𑐣𑐵𑐔𑑂𑐰𑑄𑐐𑐸 𑐡𑐸𑑋 𑐠𑑂𑐰 𑐳𑑄𑐐𑐛𑐣𑐟𑐫𑐾𑐐𑐸 𑐁𑐢𑐵𑐬𑐱𑐶𑐮𑐵 𑐠𑐣𑐫𑐵 𑐐𑐸𑐧𑑂𑐧𑐷 𑐰𑐷𑐬𑐣𑑂𑐣𑐵, 𑐚𑐷 𑐦𑐷 𑐎𑐿𑐮𑐵𑐱𑐩, 𑐧𑐷 𑐰𑐷 𑐎𑐬𑑄𑐠, 𑐎𑐾 𑐰𑐷 𑐳𑐸𑐧𑐣𑑂𑐣𑐵, 𑐥𑑂𑐬𑐳𑐣𑑂𑐣𑐵 𑐰 𑐫𑐎𑑂𑐰 𑐩𑐾𑐩𑐾𑐥𑐶𑑄𑐳𑑄 𑐟𑑅𑐐𑐸 𑐏𑑋 𑐰𑐷𑐬𑐵𑐐𑐾𑐳, 𑐎𑐩𑐳𑐾𑐮, 𑐎𑑀𑐮𑐵𑐚 𑐰 𑐜𑑀𑐮𑐸𑐎𑐸𑐣𑐶𑐟𑐵 𑐠𑐣𑐫𑐵 𑐥𑑂𑐬𑐔𑐮𑐶𑐟 𑐥𑑂𑐫𑐵𑐏𑑄 𑐱𑐿𑐮𑐷 𑐏𑑋 𑐩𑐿𑐳𑐹𑐬 𑐱𑐿𑐮𑐷𑐫𑐵 𑐨𑐬𑐟𑐣𑐵𑐚𑑂𑐫 𑐠𑐣 𑐖𑐟𑑂𑐟𑐷 𑐟𑐫𑐩𑑂𑐩𑐵 𑐠𑐾𑑄 𑐣𑑂𑐫𑐵𑑅𑐐𑐸 𑐥𑐵𑐬𑑄𑐐𑐟𑐟𑐫𑐾𑐐𑐸 𑐥𑑂𑐬𑐫𑐵𑐳𑑄 𑐠𑑁𑑄 𑐳𑐸𑐠𑐵𑑄𑐮𑐵𑑅𑐐𑐸 𑐡𑐸 𑐰 𑐠𑑂𑐰 𑐎𑐵𑐬𑐞𑑄 𑐴𑐾 𑐎𑐬𑑂𑐣𑐵𑐚𑐎, 𑐰𑐶𑐱𑐾𑐲𑐎𑐬 𑐧𑑄𑐐𑐮𑑁𑐬 𑐨𑐬𑐟𑐣𑐵𑐚𑑂𑐫𑐫𑐵 𑐣𑐶𑑄𑐟𑐶𑑄 𑐥𑑂𑐬𑐢𑐵𑐣 𑐎𑐾𑐣𑑂𑐡𑑂𑐬𑐫𑑂 𑐕𑐐𑐸 𑐖𑐹𑐐𑐸 𑐡𑐸𑑋

𑐎𑐬𑑂𑐣𑐵𑐚𑐎𑐫𑐵 𑐨𑐵𑐬𑐟𑐷𑐫 𑐱𑐵𑐳𑑂𑐟𑑂𑐬𑐷𑐫 𑐳𑑄𑐐𑐷𑐟𑐫𑑂 𑐰𑐶𑐱𑐶𑐲𑑂𑐚 𑐳𑑂𑐠𑐵𑐣 𑐡𑐸, 𑐠𑐣 𑐳𑑄𑐐𑐷𑐟𑐫𑐵 𑐎𑐬𑑂𑐣𑐵𑐚𑐎 (𑐎𑐵𑐬𑑂𑐣𑐾𑐚𑐶𑐎 ) 𑐰 𑐴𑐶𑐣𑑂𑐡𑐸𑐳𑑂𑐟𑐵𑐣𑐷 𑐱𑐿𑐮𑐷𑐫𑐵 𑐰𑐶𑐱𑐾𑐲 𑐠𑐵𑐫𑑂 𑐡𑐸𑑋 𑐬𑐵𑐖𑑂𑐫𑐫𑑂 𑐣𑐶𑐐𑐸 𑐴𑐾 𑐱𑐿𑐮𑐷𑐫𑐵 𑐥𑐵𑐬𑑄𑐐𑐟 𑐎𑐮𑐵𑐎𑐵𑐬 𑐡𑐸𑑋 𑐎𑐬𑑂𑐣𑐵𑐚𑐎 𑐳𑑄𑐐𑐷𑐟𑐫𑑂 𑐎𑐬𑑂𑐣𑐵𑐚𑐎 𑐣𑐵𑑄 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐰𑐶𑐱𑐾𑐲𑐫𑐵 𑐩𑐖𑐸𑐳𑐾𑑄 𑐡𑐎𑑂𑐲𑐶𑐞 𑐨𑐵𑐬𑐟𑐷𑐫 𑐱𑐵𑐳𑑂𑐟𑑂𑐬𑐷𑐫 𑐳𑑄𑐐𑐷𑐟𑐫𑐵 𑐣𑐵𑑄 𑐏𑑋𑑑𑑖𑐐𑐸 𑐱𑐟𑐵𑐧𑑂𑐡𑐷𑐫𑐵 𑐴𑐬𑐶𑐡𑐵𑐳 𑐁𑐣𑑂𑐡𑑀𑐮𑐣𑑄 𑐎𑐬𑑂𑐣𑐵𑐚𑐎 𑐳𑑄𑐐𑐷𑐟𑐫𑐵 𑐰𑐶𑐎𑐵𑐳𑐫𑑂 𑐀𑐨𑐶𑐣𑑂𑐣 𑐫𑑀𑐐𑐡𑐵𑐣 𑐧𑐶𑐮𑑋 𑐳𑐩𑑂𑐩𑐵𑐣𑐶𑐟 𑐴𑐬𑐶𑐡𑐵𑐳𑐫𑑂 𑐕𑐩𑑂𑐴, 𑐥𑐸𑐬𑑄𑐡𑐬 𑐡𑐵𑐳𑐫𑐵𑐟 𑐎𑐬𑑂𑐣𑐵𑐚𑐎 𑐳𑑄𑐐𑐷𑐟𑐫𑐵 𑐀𑐖𑐵𑑅𑐫𑐵 𑐄𑐥𑐵𑐢𑐶 𑐧𑐶𑐫𑐵𑐟𑑅𑐐𑐸 𑐡𑐸𑑋 𑐠𑑂𑐰 𑐬𑐵𑐖𑑂𑐫𑐫𑐵 𑐳𑑄𑐐𑐷𑐟𑐫𑑂 𑐥𑑂𑐬𑐳𑐶𑐡𑑂𑐢 𑐎𑐮𑐵𑐎𑐵𑐬 𑐫𑐎𑑂𑐰 𑐡𑐸, 𑐡𑐳𑐸 𑐐𑑄𑐐𑐹𑐧𑐵𑐃 𑐴𑑄𑐐𑐮, 𑐩𑐮𑑂𑐮𑐶𑐎𑐵𑐬𑑂𑐖𑐸𑐣 𑐩𑑄𑐳𑐹𑐬, 𑐨𑐷𑐩𑐳𑐾𑐣 𑐖𑑀𑐱𑐷, 𑐧𑐳𑐰𑐬𑐵𑐖 𑐬𑐵𑐖𑐐𑐸𑐬𑐸, 𑐳𑐰𑐵𑐃 𑐐𑑄𑐢𑐬𑑂𑐰 𑐰 𑐫𑐎𑑂𑐰 𑐩𑐾𑐩𑐾𑐥𑐶𑑄 𑐠𑐣𑑄 𑐴𑐾 𑐏 𑐰 𑐠𑐸𑐥𑐶𑑄𑐂 𑐫𑐎𑑂𑐰 𑐳𑑄𑐐𑐷𑐟𑐎𑐵𑐬𑐟𑐫𑐾𑐳𑑄 𑐎𑐵𑐮𑐶𑐡𑐵𑐳 𑐳𑐩𑑂𑐩𑐵𑐣, 𑐥𑐡𑑂𑐩 𑐨𑐹𑐲𑐞 𑐰 𑐥𑐡𑑂𑐩 𑐰𑐶𑐨𑐹𑐲𑐞 𑐠𑐾𑑄 𑐣𑑂𑐫𑐵𑑅𑐐𑐸 𑐨𑐵𑐬𑐟 𑐳𑐬𑐎𑐵𑐬𑐫𑐵 𑐳𑐶𑐬𑐥𑐵𑑄 𑐳𑐩𑑂𑐩𑐵𑐣𑐶𑐟 𑐖𑐹𑐐𑐸 𑐡𑐸𑑋

𑐢𑐵𑐬𑐰𑐵𑐜 𑐥𑐾𑐜𑐵

𑐎𑐬𑑂𑐣𑐵𑐚𑐎 𑐳𑑄𑐐𑐷𑐟𑐫𑑂 𑐁𑐢𑐵𑐬𑐶𑐟 𑐕𑐐𑐸 𑐩𑐾𑐐𑐸 𑐱𑐵𑐳𑑂𑐟𑑂𑐬𑐷𑐫 𑐳𑑄𑐐𑐷𑐟 𑐱𑐿𑐮𑐷 𑐏, 𑐐𑐸𑐎𑐶𑐫𑐵 𑐥𑑂𑐬𑐔𑐮𑐣 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑑂 𑐡𑐸𑑋 𑐎𑐣𑑂𑐣𑐜 𑐨𑐐𑐰𑐟𑐷 𑐱𑐿𑐮𑐷 𑐁𑐢𑐸𑐣𑐶𑐎 𑐎𑐰𑐶𑐐𑐞𑐟𑐫𑐾𑐐𑐸 𑐨𑐵𑐰𑐵𑐟𑑂𑐩𑐎 𑐬𑐳𑑄 𑐥𑑂𑐬𑐾𑐬𑐶𑐟 𑐣𑐵𑑄𑐖𑐵𑑅𑐐𑐸 𑐳𑑄𑐐𑐷𑐟 𑐱𑐿𑐮𑐷 𑐏𑑋 𑐩𑐿𑐳𑐹𑐬 𑐔𑐶𑐟𑑂𑐬𑐎𑐮𑐵 𑐱𑐿𑐮𑐷𑑄 𑐫𑐎𑑂𑐰 𑐧𑐵𑑄𑐮𑐵𑐥𑐶𑑄 𑐎𑐶𑐥𑐵𑐩𑐶 𑐥𑐶𑐎𑐵𑑅𑐐𑐸 𑐡𑐸, 𑐐𑐸𑐎𑐶𑐮𑐶 𑐳𑐸𑑄𑐡𑐬𑐿𑐫𑐵, 𑐟𑑄𑐖𑐵𑐰𑐸𑐬 𑐎𑑀𑑄𑐜𑐰𑑂𑐫, 𑐧𑐷.𑐰𑐾𑑄𑐎𑐚𑐥𑑂𑐥𑐵 𑐰 𑐎𑐾𑐱𑐰𑐿𑐫𑑂𑐫𑐵 𑐮𑐵𑑋 𑐬𑐵𑐖𑐵 𑐬𑐰𑐶 𑐰𑐬𑑂𑐩𑐵𑐖𑐸𑑄 𑐡𑐫𑐾𑐎𑐵𑐡𑐶𑐐𑐸 𑐢𑐵𑐬𑑂𑐩𑐶𑐎 𑐎𑐶𑐥𑐵 𑐨𑐵𑐬𑐟𑐫𑑂 𑐰 𑐴𑐶𑐣𑑂𑐡𑐹 𑐖𑐐𑐟𑐫𑑂 𑐥𑐹𑐖𑐵 𑐀𑐬𑑂𑐔𑐣𑐵𑐫𑐵 𑐣𑐶𑑄𑐟𑐶𑑄 𑐕𑑂𑐫𑐮𑐶𑐐𑐸 𑐫𑐵𑑋 𑐩𑐿𑐳𑐹𑐬 𑐔𑐶𑐟𑑂𑐬𑐎𑐮𑐵 𑐳𑑂𑐫𑐣𑐾𑐟 𑐔𑐶𑐟𑑂𑐬𑐎𑐮𑐵 𑐥𑐬𑐶𑐲𑐟 𑐣𑐵𑑄𑐫𑐵 𑐳𑑄𑐐𑐛𑐣 𑐠𑐣 𑐰𑐶𑐱𑐾𑐲 𑐬𑐹𑐥𑑄 𑐎𑐵𑐬𑑂𑐫𑐬𑐟 𑐡𑐸𑑋

𑐎𑐬𑑂𑐣𑐵𑐚𑐎𑐫𑑂 𑐩𑐶𑐳𑐵𑐟𑐫𑐾𑐐𑐸 𑐥𑐬𑐩𑑂𑐥𑐬𑐵𑐐𑐟 𑐰𑐳𑑅 𑐥𑐬𑑂𑐳𑐶 𑐏𑑋 𑐎𑑀𑐜𑐐𑐸𑐫𑐵 𑐩𑐶𑐳𑐵𑐟𑐫𑐾𑐳𑑄 𑐕𑐐𑐸 𑐰𑐶𑐱𑐾𑐲 𑐥𑑂𑐬𑐎𑐵𑐬𑐫𑐵 𑐥𑐬𑑂𑐳𑐶 𑐳𑐷𑐣𑐶𑐐𑐸 𑐫𑐵, 𑐠𑑂𑐰 𑐎𑐬𑑂𑐣𑐵𑐚𑐎𑐫𑐵 𑐩𑐾𑐐𑐸 𑐠𑐵𑐫𑑂𑐫𑐵 𑐳𑑂𑐰𑐫𑐵 𑐨𑐟𑐶𑐔𑐵 𑐥𑐵𑑋 𑐬𑐵𑐖𑑂𑐫𑐫𑐵 𑐩𑐶𑐖𑑄𑐟𑐫𑐾𑐐𑐸 𑐥𑐬𑐩𑑂𑐥𑐬𑐵𑐐𑐟 𑐰𑐳𑑅 𑐢𑑀𑐟𑐷 𑐏, 𑐐𑐸𑐎𑐶𑐫𑐵𑐟 𑐠𑐣 𑐥𑐵𑑃𑐔𑐾 𑐢𑐵𑐂𑐐𑐸 𑐫𑐵𑑋 𑐱𑐴𑐬𑐷 𑐎𑑂𑐲𑐾𑐟𑑂𑐬𑐫𑑂 𑐩𑐣𑐸𑐟𑐫𑐾𑐳𑑄 𑐁𑐥𑐵𑐮𑑄 𑐎𑐩𑐷𑐖-𑐥𑑂𑐫𑐵𑐣𑑂𑐚 𑐰 𑐳𑐮𑐰𑐵𑐬-𑐎𑐩𑐷𑐖 𑐦𑐷𑐐𑐸 𑐫𑐵𑑋 𑐬𑐵𑐖𑑂𑐫𑐫𑐵 𑐡𑐎𑑂𑐲𑐶𑐞𑐷 𑐎𑑂𑐲𑐾𑐟𑑂𑐬𑐫𑑂 𑐰𑐶𑐱𑐾𑐲 𑐱𑐿𑐮𑐷𑐫𑐵 𑐥𑐐𑐜𑐷 𑐥𑐸𑐂𑐐𑐸 𑐫𑐵, 𑐐𑐸𑐎𑐶𑐫𑐵𑐟 𑐩𑐿𑐳𑐹𑐬𑐷 𑐥𑐾𑐚𑐵 𑐢𑐵𑐂, 𑐰 𑐄𑐟𑑂𑐟𑐬𑐷 𑐎𑑂𑐲𑐾𑐟𑑂𑐬𑐫𑑂 𑐬𑐵𑐖𑐳𑑂𑐠𑐵𑐣𑐷 𑐱𑐿𑐮𑐷𑐫𑐵 𑐥𑐐𑐜𑐷 𑐥𑐸𑐂𑐐𑐸 𑐫𑐵, 𑐐𑐸𑐎𑐶𑐫𑐵𑐟 𑐥𑐐𑐜𑑆𑐷 𑐰𑐵 𑐥𑐚𑐐𑐵 𑐢𑐵𑐂𑑋

𑐖𑐵 (कन्नड: ಅಕ್ಕಿ) 𑐰 𑐬𑐵𑐐𑐷 𑐬𑐵𑐖𑑂𑐫𑐫𑐵 𑐩𑐹 𑐣𑐳𑐵 𑐏, 𑐰 𑐖𑑀𑐮𑐜 𑐬𑑀𑐚𑑂𑐚𑐷, 𑐳𑑀𑐬𑐑𑐩 𑐄𑐟𑑂𑐟𑐬𑐷 𑐎𑐬𑑂𑐣𑐵𑐚𑐎𑐫𑐵 𑐩𑐹 𑐣𑐳𑐵 𑐏𑑋 𑐠𑑂𑐰 𑐣𑐵𑐥𑑄 𑐟𑐚𑐷𑐫 𑐎𑑂𑐲𑐾𑐟𑑂𑐬𑐫𑑂 𑐰 𑐎𑑀𑐜𑐐𑐸𑐟𑐫𑐾𑐐𑐸 𑐠𑑅𑐐𑐸 𑐰𑐶𑐱𑐶𑐲𑑂𑐚 𑐏𑐵𑐡𑑂𑐫 𑐱𑐿𑐮𑐷 𑐡𑐸𑑋 𑐧𑐶𑐳𑐾 𑐧𑐾𑐮𑐾 𑐧𑐵𑐟, 𑐖𑑀𑐮𑐜 𑐬𑑀𑐚𑑂𑐚𑐷, 𑐬𑐵𑐐𑐷 𑐰𑐵𑐜𑐵, 𑐄𑐥𑐩𑐵, 𑐩𑐳𑐵𑐮𑐵 𑐡𑑀𑐳𑐵 𑐰 𑐩𑐡𑑂𑐡𑐹𑐬 𑐰𑐵𑐜𑐵 𑐎𑐬𑑂𑐣𑐵𑐚𑐎𑐫𑐵 𑐕𑐸𑑄 𑐣𑐵𑑄𑐖𑐵𑑅𑐐𑐸 𑐣𑐳𑐵 𑐏𑑋 𑐩𑐬𑐷𑐂 𑐩𑐿𑐳𑐹𑐬 𑐥𑐵𑐎, 𑐧𑐾𑐮𑐐𑐵𑐰𑐷 𑐎𑐸𑑄𑐜, 𑐐𑑀𑐎𑐎 𑐎𑐬𑐡𑑄𑐟𑐸 𑐰 𑐢𑐵𑐬𑐰𑐵𑐜 𑐥𑐾𑐜𑐵 𑐣𑐵𑑄𑐖𑐵𑑋 𑐠𑐣𑐫𑐵 𑐩𑐾𑐩𑐾𑐐𑐸 𑐣𑐳𑐵𑐫𑑂 𑐔𑐶𑐬𑑀𑐚𑐷, 𑐩𑐳𑐵𑐮𑐵 𑐡𑑀𑐳𑐵, 𑐬𑑀𑐚𑐷, 𑐨𑐬𑐰𑐵𑑄 𑐎𑑀𑐮𑑀𑐎𑐾𑐱𑐶𑐫𑐵 𑐳𑐵𑐐, 𑐢𑐵𑐬𑐰𑐵𑐜𑑆 𑐥𑐾𑐜𑑆𑐵, 𑐐𑑀𑐎𑐵𑐎, 𑐳𑐵𑐬𑐸, 𑐩𑐖𑑂𑐖𑐶𑐐𑐾 𑐴𑐸𑐮𑐷, 𑐎𑐾𑐩𑑂𑐥𑐣𑑂𑐣𑐵, 𑐳𑐖𑑂𑐖𑐶𑐐𑐾, 𑐧𑐖𑐷𑐮, 𑐳𑐵𑑄𑐨𑐬, 𑐫𑐾𑐣𑑂𑐣𑐾, 𑐥𑐿𑐜𑐷 𑐎𑐬𑐷, 𑐳𑑀𑐥𑑂𑐥𑐹 𑐥𑐵𑐮𑑂𑐫𑐵, 𑐄𑐳𑑂𑐮𑐷, 𑐗𑑀𑐮𑑂𑐎𑐵, 𑐥𑑄𑐜𑐷 𑐎𑐬𑐷, 𑐎𑑀𑐮𑐷 𑐎𑐬𑐷, 𑐧𑐾𑐩𑑂𑐧𑑂𑐮𑐵 𑐎𑐬𑐷, 𑐟𑐵𑐮𑐶𑐥𑐚𑑂𑐚𑐹, 𑐩𑐿𑐳𑐹𑐬 𑐥𑐵𑐎, 𑐌𑐧𑐚𑑂𑐚𑐹, 𑐎𑐬𑑂𑐡𑑄𑐟𑐸, 𑐱𑐿𑐰𑐶𑐐𑐾 𑐥𑐵𑐫𑐳, 𑐎𑐹𑐚𑐸, 𑐬𑐵𑐐𑐷 𑐩𑐣𑑂𑐣𑐷, 𑐖𑑀𑐜𑐵 𑐩𑐸𑐡𑑂𑐡𑐾 𑐁𑐡𑐶 𑐮𑐵𑑋

𑐢𑐬𑑂𑐩

𑐱𑑂𑐬𑐰𑐞𑐧𑐾𑐮𑐐𑑀𑐮𑐵𑐫𑑂 𑐐𑑀𑐩𑐟𑐾𑐱𑑂𑐰𑐬 (𑑙𑑘𑑒-𑑙𑑘𑑓)𑐫𑐵 𑐊𑐎𑐵𑐱𑑂𑐩-𑐥𑑂𑐬𑐟𑐶𑐩𑐵, 𑐖𑐿𑐣 𑐢𑐬𑑂𑐩𑐵𑐰𑐮𑐩𑑂𑐧𑐷𑐟𑐫𑐾𑐐𑐸 𑐟𑐷𑐬𑑂𑐠𑑋

𑐁𑐡𑐶 𑐱𑑄𑐎𑐬𑐵𑐔𑐵𑐬𑑂𑐫𑑄 𑐱𑐺𑑄𑐐𑐾𑐬𑐷𑐫𑐵𑐟 𑐨𑐵𑐬𑐟 𑐥𑐬𑑂𑐫𑐣𑑂𑐟 𑐥𑑂𑐫𑑄𑐐𑐸 𑐥𑐷𑐛𑐫𑑂 𑐡𑐎𑑂𑐲𑐶𑐞 𑐥𑐷𑐛 𑐴𑐾𑐟𑐸 𑐮𑑂𑐫𑐫𑐵𑐟𑑅𑐐𑐸 𑐡𑐸𑑋 𑐰𑐶𑐱𑐶𑐲𑑂𑐚 𑐀𑐡𑑂𑐰𑐿𑐟𑐫𑐵 𑐀𑐐𑑂𑐬𑐞𑐷 𑐰𑑂𑐫𑐵𑐏𑑂𑐫𑐵𑐟𑐵 𑐬𑐵𑐩𑐵𑐣𑐸𑐖𑐵𑐔𑐵𑐬𑑂𑐫𑐣𑑄 𑐩𑐾𑐮𑐎𑑀𑐚𑐫𑑂 𑐫𑐎𑑂𑐰 𑐡𑑄 𑐰𑑂𑐫𑐟𑐷𑐟 𑐫𑐵𑑅𑐐𑐸 𑐡𑐸𑑋 𑐰𑐫𑑂𑐎𑐮𑑄 𑐎𑐬𑑂𑐣𑐵𑐚𑐎𑐫𑑂 𑑑𑑐𑑙𑑘𑐳 𑐰𑐫𑐵 𑐠𑐣 𑑑𑑑𑑒𑑒 𑐟𑐎𑑂𑐎 𑐔𑑂𑐰𑐣𑐵𑐡𑐶𑐮𑑋 𑐰𑐫𑑂𑐎𑐮𑑄 𑐠𑑅𑐐𑐸 𑐣𑑂𑐴𑐵𑐥𑐵𑑄𑐐𑐸 𑐰𑐵𑐳 𑐟𑑀𑑄𑐜𑐵𑐣𑐹𑐬𑐫𑑂 𑐫𑐵𑐟 𑐰 𑐴𑐵𑐣𑑄 𑐩𑐾𑐮𑐎𑑀𑐚 𑐠𑑂𑐫𑐣𑐵𑐡𑐶𑐮, 𑐐𑐣 𑐰𑐫𑑂𑐎𑐮𑑄 𑐔𑐾𑐮𑑂𑐮𑐸𑐰𑐣𑐵𑐬𑐵𑐫𑐞 𑐡𑐾𑐐𑑅 𑐰 𑐕𑐐𑐸 𑐳𑐸𑐰𑑂𑐫𑐰𑐳𑑂𑐠𑐶𑐟 𑐩𑐛𑐫𑐵 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮𑑋 𑐠𑐸𑐥𑐶𑑄𑐟 𑐴𑑀𑐫𑐳𑐵𑐮 𑐰𑑄𑐱𑐫𑐵 𑐖𑐸𑐖𑐸 𑐰𑐶𑐲𑑂𑐞𑐸𑐰𑐬𑑂𑐢𑐣𑐫𑐵 𑐳𑑄𑐬𑐎𑑂𑐲𑐞 𑐡𑐟𑑋 𑑑𑑒𑐐𑐸 𑐱𑐟𑐵𑐧𑑂𑐡𑐷𑐂 𑐖𑐵𑐟𑐶𑐰𑐵𑐡 𑐰 𑐀𑐣𑑂𑐫 𑐳𑐵𑐩𑐵𑐖𑐶𑐎 𑐎𑐸𑐥𑑂𑐬𑐠𑐵𑐟𑐫𑐾𑐐𑐸 𑐰𑐶𑐬𑑀𑐢 𑐳𑑂𑐰𑐬𑐹𑐥 𑐄𑐟𑑂𑐟𑐬𑐷 𑐎𑐬𑑂𑐣𑐵𑐚𑐎𑐫𑑂 𑐰𑐷𑐬𑐱𑐿𑐰𑐢𑐬𑑂𑐩𑐫𑐵 𑐄𑐡𑐫 𑐖𑐸𑐮𑑋 𑐠𑑂𑐰 𑐁𑐣𑑂𑐡𑑀𑐮𑐣𑐫𑐵 𑐀𑐐𑑂𑐬𑐞𑐷 𑐰𑑂𑐫𑐎𑑂𑐟𑐶𑐟𑑂𑐰𑐫𑑂 𑐧𑐳𑐰, 𑐀𑐎𑑂𑐎𑐵 𑐩𑐴𑐵𑐡𑐾𑐰𑐷 𑐰 𑐀𑐮𑐵𑐩 𑐥𑑂𑐬𑐨𑐸 𑐡𑐸, 𑐳𑐸𑐥𑐶𑑄𑐳𑑄 𑐀𑐣𑐸𑐨𑐰 𑐩𑑄𑐜𑐥𑐫𑐵 𑐳𑑂𑐠𑐵𑐥𑐣𑐵 𑐫𑐵𑐟 𑐐𑐣 𑐱𑐎𑑂𑐟𑐶 𑐰𑐶𑐱𑐶𑐲𑑂𑐚𑐵𑐡𑑂𑐰𑐿𑐟𑐫𑐵 𑐄𑐡𑐫 𑐖𑐸𑐮𑑋 𑐠𑑂𑐰 𑐴𑐾 𑐮𑐶𑐥𑐵 𑐰𑐣𑐵 𑐮𑐶𑑄𑐐𑐵𑐫𑐟 𑐩𑐟𑐫𑐵 𑐁𑐢𑐵𑐬 𑐖𑐸𑐮 𑐐𑐸𑐎𑐶𑐫𑐵 𑐁𑐫𑐵 𑐃𑐮𑐾 𑐫𑐎𑑂𑐰 𑐮𑐏𑑅 𑐀𑐣𑐸𑐫𑐵𑐫𑐷 𑐡𑐸𑑋 𑐎𑐬𑑂𑐣𑐵𑐚𑐎𑐫𑐵 𑐳𑐵𑑄𑐳𑑂𑐎𑐺𑐟𑐶𑐎 𑐰 𑐢𑐵𑐬𑑂𑐩𑐶𑐎 𑐝𑐵𑑄𑐔𑐵𑐫𑑂 𑐖𑐿𑐣 𑐳𑐵𑐴𑐶𑐟𑑂𑐫 𑐰 𑐡𑐬𑑂𑐱𑐣𑐫𑐵 𑐣𑑄 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐫𑑀𑐐𑐡𑐵𑐣 𑐡𑐸𑑋

𑐨𑐵𑐬𑐟𑐫𑑂 𑐂𑐳𑑂𑐮𑐵𑐩𑐫𑐵 𑐁𑐬𑑄𑐨𑐶𑐎 𑐄𑐡𑐫 𑐨𑐵𑐬𑐟𑐫𑐵 𑐥𑐱𑑂𑐔𑐶𑐩𑐷 𑐨𑐵𑐐𑐫𑑂 𑑑𑑐𑐐𑐸 𑐱𑐟𑐵𑐧𑑂𑐡𑐷𑐫𑐵 𑐣𑐵𑐥𑑄 𑐖𑐸𑐮𑑋 𑐠𑑂𑐰 𑐢𑐬𑑂𑐩𑐫𑐵𑐟 𑐎𑐬𑑂𑐣𑐵𑐚𑐎𑐫𑑂 𑐧𑐴𑐩𑐣𑐷 𑐳𑐵𑐩𑑂𑐬𑐵𑐖𑑂𑐫 𑐰 𑐧𑐷𑐖𑐵𑐥𑐸𑐬 𑐳𑐮𑑂𑐟𑐣𑐟𑐫𑐵 𑐳𑑄𑐬𑐎𑑂𑐲𑐞 𑐡𑐟𑑋 𑐎𑐬𑑂𑐣𑐵𑐚𑐎𑐫𑑂 𑐃𑐳𑐵𑐃 𑐢𑐬𑑂𑐩 𑑑𑑖𑐐𑐸 𑐱𑐟𑐵𑐧𑑂𑐡𑐷𑐂 𑐥𑑀𑐬𑑂𑐔𑐸𑐐𑐶𑐖 𑐰 𑐳𑐣𑑂 𑑑𑑕𑑔𑑕𑐳 𑐳𑐾𑐣𑑂𑐚 𑐦𑑂𑐬𑐵𑐣𑑂𑐳𑐶𑐳 𑐖𑐾𑐨𑐶𑐫𑐬𑐫𑐵 𑐁𑐐𑐩𑐣𑑄 𑐖𑐸𑐮𑑋 𑐬𑐵𑐖𑑂𑐫𑐫𑐵 𑐐𑐸𑐮𑐧𑐬𑑂𑐐𑐵 𑐰 𑐧𑐣𑐰𑐵𑐳𑐷 𑐁𑐡𑐶 𑐠𑐵𑐳𑐫𑑂 𑐣𑑂𑐴𑐵𑐥𑐵𑑄𑐐𑐸 𑐳𑐴𑐳𑑂𑐬𑐵𑐧𑑂𑐡𑐷𑐂 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐖𑐬𑐵 𑐠𑑂𑐫𑐣𑑋 𑐐𑐸𑐮𑐧𑐬𑑂𑐐𑐵 𑐖𑐶𑐮𑑂𑐮𑐵𑐫𑑂 𑐳𑐣𑑂 𑑑𑑙𑑘𑑖𑐳 𑐖𑐹𑐐𑐸 𑐀𑐎𑐳𑑂𑐩𑐵𑐟 𑐏𑑀𑐖𑐫𑑂 𑐮𑐹𑐐𑐸 𑐩𑑁𑐬𑑂𑐫 𑐎𑐵𑐮𑐫𑐵 𑐀𑐰𑐱𑐾𑐲 𑐰 𑐀𑐨𑐶𑐮𑐾𑐏𑐟𑐫𑐾𑐳𑑄 𑐳𑐷 𑐡𑐸 𑐎𑐶 𑐎𑐺𑐲𑑂𑐞𑐵 𑐏𑐸𑐳𑐶𑐫𑐵 𑐏𑑂𑐫𑐮𑐫𑑂 𑐧𑐸𑐡𑑂𑐢 𑐢𑐬𑑂𑐩𑐫𑐵 𑐩𑐴𑐵𑐫𑐵𑐣 𑐰 𑐠𑐾𑐬𑐰𑐵𑐡 𑐩𑐟𑐟𑐫𑐾𑐐𑐸 𑐳𑐶𑐎𑑂𑐎 𑐥𑑂𑐬𑐔𑐵𑐬 𑐖𑐹𑐐𑐸 𑐡𑐸𑑋

𑐩𑐿𑐳𑐹𑐬 𑐩𑐿𑐳𑐹𑐬 𑐬𑐵𑐖𑑂𑐫𑐫𑑂 𑐣𑐵𑐜 𑐴𑐧𑑂𑐧𑐵 (𑐬𑐵𑐖𑑂𑐫𑑀𑐟𑑂𑐳𑐰)𑐫𑐵 𑐬𑐹𑐥𑐫𑑂 𑐴𑐣𑐶𑑋 𑐠𑑂𑐰 𑐩𑐿𑐳𑐹𑐬𑐫𑐵 𑐩𑐹 𑐣𑐏𑐮𑐫𑑂 𑐕𑐐𑐸 𑐏𑑋 𑐄𑐐𑐵𑐡𑐶 (𑐎𑐣𑑂𑐣𑐜 𑐣𑑂𑐴𑐸 𑐡𑑃), 𑐩𑐎𑐬 𑐳𑑄𑐎𑑂𑐬𑐵𑐣𑑂𑐟𑐶, 𑐐𑐞𑐾𑐱 𑐔𑐟𑐸𑐬𑑂𑐠𑐷, 𑐣𑐵𑐐 𑐥𑑄𑐔𑐩𑐷, 𑐧𑐳𑐰 𑐖𑐫𑑄𑐟𑐷, 𑐡𑐷𑐥𑐵𑐰𑐮𑐷 𑐁𑐡𑐶 𑐎𑐬𑑂𑐣𑐵𑐚𑐎𑐫𑐵 𑐩𑐹 𑐣𑐏𑑅 𑐏𑑋

𑐨𑐵𑐲𑐵

𑐎𑐣𑑂𑐣𑐜 𑐨𑐵𑐲𑐵𑐫𑑂 𑐥𑑂𑐬𑐵𑐔𑐷𑐣𑐟𑐩 𑐀𑐨𑐶𑐮𑐾𑐏 𑑔𑑕𑑐 𑐃. 𑐫𑐵 𑐴𑐮𑑂𑐩𑐶𑐜𑐷 𑐱𑐶𑐮𑐵𑐮𑐾𑐏𑐫𑑂 𑐮𑐹𑐐𑐸𑑋

𑐬𑐵𑐖𑑂𑐫𑐫𑐵 𑐁𑐢𑐶𑐎𑐵𑐬𑐶𑐎 𑐨𑐵𑐲𑐵 𑐎𑐣𑑂𑐣𑐜 𑐏, 𑐠𑑂𑐰 𑐳𑑂𑐠𑐵𑐣𑐷𑐫 𑐣𑐶𑐰𑐵𑐳𑐷𑐂 𑑖𑑕% 𑐩𑐣𑐸𑐟𑐫𑐾𑐳𑑄 𑐮𑑂𑐴𑐵𑐂𑐐𑐸 𑐨𑐵𑐲𑐵 𑐏𑑋 𑐎𑐣𑑂𑐣𑐜 𑐨𑐵𑐲𑐵𑑄 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑐵 𑐳𑑂𑐠𑐵𑐥𑐣𑐵𑐫𑑂 𑐕𑐐𑐸 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐨𑐹𑐩𑐶𑐎𑐵 𑐩𑑂𑐴𑐶𑐟𑐸𑐐𑐸 𑐡𑐸 :𑐳𑐣𑑂 𑑑𑑙𑑕𑑖𑐳 𑐬𑐵𑐖𑑂𑐫𑐟𑐫𑐾𑐐𑐸 𑐳𑐺𑐖𑐣 𑐴𑐾𑐟𑐸 𑐨𑐵𑐲𑐶𑐎 𑐮𑑂𑐫𑐵 𑐩𑐹 𑐩𑐵𑐣𑐡𑑄𑐜 𑐖𑐸𑐰𑐣𑑋 𑐬𑐵𑐖𑑂𑐫𑐫𑐵 𑐩𑐾𑐩𑐾𑐐𑐸 𑐨𑐵𑐲𑐵𑐫𑑂 𑐎𑑀𑑄𑐎𑐞𑐷 𑐰 𑐎𑑀𑐜𑐰 𑐚𑐎 𑐮𑐵, 𑐐𑐸𑐎𑐶𑐫𑐵 𑐬𑐵𑐖𑑂𑐫𑐫𑑂 𑐟𑐵𑑅𑐴𑐵𑐎𑑅𑐐𑐸 𑐂𑐟𑐶𑐴𑐵𑐳 𑐡𑐸𑑋 𑐠𑐣𑐫𑐵 𑐩𑐸𑐳𑑂𑐮𑐶𑐩 𑐖𑐣𑐳𑑄𑐏𑑂𑐫𑐵𑑄 𑐄𑐬𑑂𑐡𑐸𑐣𑑄 𑐮𑑂𑐴𑐵𑐂𑐐𑐸 𑐫𑐵𑑋 𑐩𑐾𑐩𑐾𑐐𑐸 𑐨𑐵𑐲𑐵 𑐳𑑂𑐰𑐫𑐵 𑐀𑐥𑐾𑐎𑑂𑐲𑐵𑐎𑐺𑐟 𑐩𑑂𑐴𑑀 𑐮𑑂𑐴𑐵𑐂𑐐𑐸 𑐨𑐵𑐲𑐵𑐫𑑂 𑐧𑐾𑐫𑐬𑐾 𑐨𑐵𑐲𑐵 𑐰 𑐕𑐸𑑄 𑐩𑐾𑐩𑐾𑐐𑐸 𑐧𑑀𑐮𑐷 𑐰 𑐳𑐵𑑄𑐎𑐾𑐟𑐶𑐎 𑐨𑐵𑐲𑐵 𑐮𑐵𑑋 𑐎𑐣𑑂𑐣𑐜 𑐨𑐵𑐲𑐵𑐫𑐵 𑐳𑐵𑐴𑐶𑐟𑑂𑐫𑐫𑑂 𑐳𑐶𑐎𑑂𑐎 𑐰𑐶𑐢𑐵𑐐𑐟 𑐨𑐶𑐣𑑂𑐣𑐟𑐵 𑐡𑐸𑑋 𑐠𑐸𑐎𑐶𑐮𑐶 𑐩𑐹 𑐢𑐵𑑅𑐳𑐵 𑐖𑐿𑐣 𑐢𑐬𑑂𑐩, 𑐰𑐔𑐣, 𑐴𑐬𑐶𑐡𑐵𑐳 𑐳𑐵𑐴𑐶𑐟𑑂𑐫 𑐰 𑐁𑐢𑐸𑐣𑐶𑐎 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫 𑐏𑑋 𑐀𑐱𑑀𑐎𑐫𑐵 𑐃𑐫𑐵 𑐬𑐵𑐖𑐵𑐖𑑂𑐘𑐵𑐟 𑐰 𑐀𑐨𑐶𑐮𑐾𑐏 𑐀𑐣𑐸𑐳𑐵𑐬 𑐳𑐷𑐡𑐸 𑐎𑐶 𑐎𑐣𑑂𑐣𑐜 𑐮𑐶𑐥𑐶 𑐰 𑐳𑐵𑐴𑐶𑐟𑑂𑐫𑐫𑑂 𑐧𑑁𑐡𑑂𑐢 𑐳𑐵𑐴𑐶𑐟𑑂𑐫𑐫𑐵 𑐣𑑄 𑐫𑐎𑑂𑐰 𑐥𑑂𑐬𑐨𑐵𑐰 𑐡𑐸𑑋 𑐴𑐮𑑂𑐩𑐶𑐜𑐷 𑐱𑐶𑐮𑐵𑐮𑐾𑐏 𑑔𑑕𑑐 𑐃. 𑐁𑐟𑐎𑑂𑐎 𑐮𑐹𑐐𑐸 𑐎𑐣𑑂𑐣𑐜 𑐨𑐵𑐲𑐵𑐫𑐵 𑐡𑐎𑐮𑐾 𑐥𑐸𑐮𑐵𑑄𑐐𑐸 𑐀𑐨𑐶𑐮𑐾𑐏 𑐏, 𑐐𑐸𑐎𑐶𑐮𑐶 𑐟𑐵𑑅𑐴𑐵𑐎𑑅𑐐𑐸 𑐏𑑄𑐐𑑂𑐰𑑅 𑐮𑐹𑐐𑐸 𑐡𑐸𑑋 𑐥𑑂𑐬𑐵𑐔𑐷𑐣𑐟𑐩 𑐄𑐥𑐮𑐧𑑂𑐢 𑐳𑐵𑐴𑐶𑐟𑑂𑐫𑐫𑑂 𑑘𑑕𑑐 𑐃. 𑐫𑐵 𑐎𑐰𑐶𑐬𑐵𑐖𑐩𑐵𑐬𑑂𑐐𑐫𑐵 𑐖𑑂𑐫𑐵 𑐮𑐹𑐐𑐸 𑐡𑐸𑑋 𑐠𑑂𑐰 𑐳𑐵𑐴𑐶𑐟𑑂𑐫𑑄 𑐠𑑂𑐰 𑐣𑑄 𑐳𑐶𑐡𑑂𑐢 𑐖𑐸𑐂 𑐎𑐶 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫𑐫𑑂 𑐔𑐚𑑂𑐚𑐵𑐣 , 𑐧𑐾𑐡𑑂𑐡𑑄𑐜 𑐰 𑐩𑐾𑐮𑐰𑐡𑐸 𑐕𑐣𑑂𑐡𑐟𑐫𑐾𑐐𑐸 𑐥𑑂𑐬𑐫𑑀𑐐 𑐁𑐬𑑄𑐨𑐶𑐎 𑐱𑐟𑐵𑐧𑑂𑐡𑐷 𑐣𑐶𑐳𑐾𑑄 𑐖𑐹𑐐𑐸 𑐏𑑋

𑐎𑐸𑐰𑐾𑑄𑐥𑐸, 𑐥𑑂𑐬𑐳𑐶𑐡𑑂𑐢 𑐎𑐣𑑂𑐣𑐜 𑐔𑐶𑐣𑐵𑐏𑑄𑐩𑐶 𑐰 𑐔𑑂𑐰𑐩𑐶 𑐏, 𑐳𑐸𑐣𑐵𑑄 𑐖𑐫 𑐨𑐵𑐬𑐟 𑐖𑐣𑐣𑐷𑐫 𑐟𑐣𑐸𑐖𑐟𑐾 𑐔𑑂𑐰𑐫𑐵𑐡𑐶𑐮, 𑐐𑐸𑐎𑐶𑐫𑐵𑐟 𑐁 𑐬𑐵𑐖𑑂𑐫𑐫𑐵 𑐩𑑂𑐫𑐾 (𑐊𑐣𑑂𑐠𑐩) 𑐑𑑀𑐲𑐶𑐟 𑐫𑐵𑐟𑑋 𑐰𑐫𑑂𑐎𑑅𑐫𑐵𑐟 𑐣𑑂𑐴𑐵𑐥𑐵𑑄𑐐𑐸 𑐎𑐬𑑂𑐣𑐵𑐚𑐎 𑐬𑐟𑑂𑐣 𑐳𑐩𑑂𑐩𑐵𑐣 𑐧𑐶𑐮, 𑐠𑑂𑐰 𑐳𑐩𑑂𑐩𑐵𑐣 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑑄 𑐧𑐷𑐐𑐸 𑐳𑐬𑑂𑐰𑑀𑐔𑑂𑐔 𑐣𑐵𑐐𑐬𑐶𑐎 𑐳𑐩𑑂𑐩𑐵𑐣 𑐏𑑋 𑐀𑐣𑑂𑐫 𑐳𑐩𑐎𑐵𑐮𑐷𑐣 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫𑑄 𑐣𑑄 𑐨𑐵𑐬𑐟𑐷𑐫 𑐳𑐵𑐴𑐶𑐟𑑂𑐫𑐫𑐵 𑐥𑑂𑐬𑐵𑑄𑐐𑐞𑐫𑑂 𑐠𑑅𑐐𑐸 𑐥𑑂𑐬𑐟𑐶𑐲𑑂𑐛𑐶𑐟 𑐠𑐵𑐫𑑂 𑐡𑐫𑐾𑐎𑐵𑐟𑑅𑐐𑐸 𑐡𑐸𑑋 𑐣𑑂𑐴𑐾𑐩𑑂𑐴 𑐎𑐣𑑂𑐣𑐜 𑐔𑑂𑐰𑐩𑐶𑐟𑐫𑐾𑐟 𑐨𑐵𑐬𑐟𑐫𑐵 𑐳𑐬𑑂𑐰𑑀𑐔𑑂𑐔 𑐳𑐵𑐴𑐶𑐟𑑂𑐫 𑐳𑐩𑑂𑐩𑐵𑐣 𑐖𑑂𑐘𑐵𑐣𑐥𑐷𑐛 𑐳𑐶𑐬𑐥𑐵𑑄 𑐣𑐵𑐮𑐾𑐢𑐸𑑄𑐎𑐸𑐐𑐸 𑐡𑐸, 𑐠𑑂𑐰 𑐳𑐩𑑂𑐩𑐵𑐣 𑐐𑐸𑑄 𑐣𑑄 𑐨𑐵𑐬𑐟𑐷𑐫 𑐨𑐵𑐲𑐵𑐫𑐵 𑐣𑐶𑑄𑐟𑐶𑑄 𑐡𑐎𑐮𑐾 𑐟𑑅𑐢𑑄𑐐𑐸 𑐳𑐵𑐴𑐶𑐟𑑂𑐫𑐶𑐎 𑐳𑐩𑑂𑐩𑐵𑐣 𑐏𑑋 𑐚𑐸𑐮𑐸 𑐨𑐵𑐲𑐵 𑐩𑐸𑐏𑑂𑐫𑐟𑑅 𑐬𑐵𑐖𑑂𑐫𑐫𑐵 𑐟𑐚𑐷𑐫 𑐖𑐶𑐮𑑂𑐮𑐵𑐫𑑂 𑐄𑐜𑐸𑐥𑐷 𑐰 𑐡𑐎𑑂𑐲𑐶𑐞 𑐎𑐣𑑂𑐣𑐜𑐫𑑂 𑐮𑑂𑐴𑐵𑐂𑐐𑐸 𑐫𑐵𑑋 𑐚𑐸𑐮𑐸 𑐩𑐴𑐵𑐨𑐬𑐟𑑀 , 𑐀𑐬𑐸𑐞𑐧𑑂𑐖𑐡𑑂𑐰𑐵𑐬𑐵 𑐠𑑂𑐰 𑐨𑐵𑐲𑐵𑐫𑑂 𑐔𑑂𑐰𑐫𑐵𑐟𑑅𑐐𑐸 𑐡𑐎𑐮𑐾 𑐥𑐸𑐮𑐵𑑄𑐐𑐸 𑐮𑐹𑐐𑐸 𑐥𑐵𑐛 𑐏𑑋 𑐚𑐸𑐮𑐸 𑐮𑐶𑐥𑐶𑐫𑐵 𑐎𑑂𑐬𑐩𑐶𑐎 𑐥𑐟𑐣𑐫𑐵 𑐎𑐵𑐬𑐞𑑄 𑐚𑐸𑐮𑐸 𑐨𑐵𑐲𑐵 𑐁 𑐎𑐣𑑂𑐣𑐜 𑐮𑐶𑐥𑐶𑐂 𑐔𑑂𑐰𑐂𑐐𑐸 𑐫𑐵, 𑐕𑐸𑑄 𑐱𑐟𑐵𑐧𑑂𑐡𑐷 𑐣𑑂𑐴𑑂𑐫𑑅 𑐟𑐎𑑂𑐎 𑐢𑐵𑑅𑐳𑐵 𑐠𑑂𑐰 𑐮𑐶𑐥𑐶 𑐕𑑂𑐫𑐮𑐵𑐟𑑅𑐐𑐸 𑐏𑐣𑐾𑐡𑐸𑑋 𑐎𑑀𑐜𑐰 𑐖𑐵𑐟𑐶𑐫𑐵 𑐩𑐣𑐸𑐟𑐫𑐾𑐳𑑄, 𑐖𑑀 𑐩𑐸𑐏𑑂𑐫𑐟𑑅 𑐎𑑀𑐜𑐐𑐸 𑐖𑐶𑐮𑑂𑐮𑐵𑐫𑑂 𑐔𑑂𑐰𑐣𑐶, 𑐎𑑀𑐜𑐰 𑐚𑐎𑑂𑐎 𑐨𑐵𑐫𑑂 𑐮𑑂𑐴𑐵𑐂𑑋 𑐠𑑂𑐰 𑐨𑐵𑐲𑐵𑐫𑐵 𑐣𑐶𑐐𑐸 𑐎𑑂𑐲𑐾𑐟𑑂𑐬𑐷𑐫 𑐨𑐵𑐲𑐶𑐎𑐵 𑐡𑐸: 𑐄𑐟𑑂𑐟𑐬𑐷 𑐩𑐾𑐣𑑂𑐜𑐮𑐾 𑐚𑐎𑑂𑐎 𑐰 𑐡𑐎𑑂𑐲𑐶𑐞𑐷 𑐎𑐶𑐐𑑂𑐐𑐵𑐟𑐶 𑐚𑐎𑑋 𑐎𑑀𑑄𑐎𑐞𑐷 𑐩𑐸𑐏𑑂𑐫𑐟𑑅 𑐄𑐟𑑂𑐟𑐬 𑐎𑐣𑑂𑐣𑐜 𑐖𑐶𑐮𑑂𑐮𑐵𑐫𑑂 𑐰 𑐄𑐜𑐸𑐥𑐷 𑐰 𑐡𑐎𑑂𑐲𑐶𑐞 𑐎𑐣𑑂𑐣𑐜 𑐖𑐶𑐮𑑂𑐮𑐵𑐫𑐵 𑐕𑐸𑑄 𑐣𑐵𑐥𑑄𑐫𑐵 𑐨𑐵𑐐𑐫𑑂 𑐮𑑂𑐴𑐵𑐂𑐐𑐸 𑐫𑐵𑑋 𑐎𑑀𑐜𑐰 𑐚𑐎𑑂𑐎 𑐰 𑐎𑑀𑑄𑐎𑐞𑐷, 𑐣𑐶𑐐𑐸 𑐴𑐾 𑐎𑐣𑑂𑐣𑐜𑑆 𑐮𑐶𑐥𑐶𑐂 𑐔𑑂𑐰𑐂𑐐𑐸 𑐫𑐵𑑋 𑐫𑐎𑑂𑐰 𑐧𑑂𑐰𑑄𑐎𑐸𑐠𑐶𑐂 𑐱𑐶𑐎𑑂𑐲𑐵𑐫𑐵 𑐩𑐵𑐢𑑂𑐫𑐩𑐫𑑂 𑐀𑑄𑐐𑑂𑐬𑐾𑐖𑐷 𑐨𑐵𑐫𑑂 𑐡𑐸, 𑐰 𑐀𑐢𑐶𑐎𑐵𑑄𑐱 𑐧𑐴𑐸𑐬𑐵𑐲𑑂𑐚𑑂𑐬𑐷𑐫 𑐎𑐩𑑂𑐥𑐣𑐷 𑐰 𑐥𑑂𑐬𑑁𑐡𑑂𑐫𑑀𑐐𑐶𑐎𑐷-𑐳𑑂𑐰𑐵𑐐𑐸 𑐎𑐩𑑂𑐥𑐣𑐷𑐟 𑐰 𑐧𑐷𑐥𑐷𑐌𑐫𑑂 𑐩𑐹 𑐎𑐠𑑄 𑐀𑑄𑐐𑑂𑐬𑐾𑐖𑐷 𑐖𑐎𑑂𑐎 𑐕𑑂𑐫𑐮𑐶𑐐𑐸 𑐫𑐵𑑋

𑐬𑐵𑐖𑑂𑐫𑐫𑐵 𑐳𑐎𑐮 𑐨𑐵𑐲𑐵𑐟𑐫𑐾𑐟 𑐳𑐬𑐎𑐵𑐬𑐷 𑐰 𑐀𑐬𑑂𑐢-𑐳𑐬𑐎𑐵𑐬𑐷 𑐳𑑄𑐳𑑂𑐠𑐵𑐫𑐵 𑐳𑑄𑐬𑐎𑑂𑐲𑐞 𑐡𑐫𑐵𑐔𑑂𑐰𑑄𑐐𑐸 𑐡𑐸𑑋 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫 𑐥𑐬𑐶𑐲𑐟 𑐰 𑐎𑐣𑑂𑐣𑐜 𑐳𑐵𑐴𑐶𑐟𑑂𑐫 𑐀𑐎𑐵𑐡𑐩𑐷 𑐎𑐣𑑂𑐣𑐜 𑐨𑐵𑐲𑐵𑐫𑐵 𑐄𑐟𑑂𑐠𑐵𑐣𑐫𑐵 𑐣𑐶𑑄𑐟𑐶𑑄 𑐰 𑐎𑐣𑑂𑐣𑐜 𑐎𑑀𑑄𑐎𑐞𑐷 𑐳𑐵𑐴𑐶𑐟𑑂𑐫 𑐀𑐎𑐵𑐡𑐩𑐷 𑐎𑑀𑑄𑐎𑐞𑐷 𑐳𑐵𑐴𑐶𑐟𑑂𑐫𑐫𑐵 𑐣𑐶𑑄𑐟𑐶𑑄 𑐎𑐵𑐬𑑂𑐫𑐬𑐟 𑐡𑐸𑑋 𑐚𑐸𑐮𑐸 𑐳𑐵𑐴𑐶𑐟𑑂𑐫 𑐀𑐎𑐵𑐡𑐩𑐷 𑐰 𑐎𑑀𑐜𑐰 𑐳𑐵𑐴𑐶𑐟𑑂𑐫 𑐀𑐎𑐵𑐡𑐩𑐷 𑐠𑑅-𑐠𑑅 𑐐𑐸 𑐨𑐵𑐲𑐵𑐫𑐵 𑐰𑐶𑐎𑐵𑐳𑐫𑑂 𑐎𑐵𑐬𑑂𑐫𑐱𑐷𑐮 𑐡𑐸𑑋

𑐱𑐶𑐎𑑂𑐲𑐵

𑐨𑐵𑐬𑐟𑐷𑐫 𑐰𑐶𑐖𑑂𑐘𑐵𑐣 𑐳𑑄𑐳𑑂𑐠𑐵𑐣, 𑐨𑐵𑐬𑐟𑐫𑐵 𑐕𑐐𑐸 𑐥𑑂𑐬𑐟𑐶𑐲𑑂𑐛𑐶𑐟 𑐰𑐶𑐖𑑂𑐘𑐵𑐣 𑐳𑑄𑐳𑑂𑐠𑐵𑐣, 𑐧𑑄𑐐𑐮𑐸𑐬𑐸𑐂

𑐳𑐣𑑂 𑑒𑑐𑑐𑑑𑐫𑐵 𑐖𑐣𑐳𑑄𑐏𑑂𑐫𑐵 𑐀𑐣𑐸𑐳𑐵𑐬, 𑐎𑐬𑑂𑐣𑐵𑐚𑐎𑐫𑐵 𑐳𑐵𑐎𑑂𑐲𑐬𑐟𑐵 𑐡𑐬 𑑖𑑗.𑑐𑑔% 𑐡𑐸, 𑐐𑐸𑐎𑐶𑐮𑐶 𑑗𑑖.𑑒𑑙% 𑐩𑐶𑐖𑑄 𑐰 𑑕𑑗.𑑔𑑕% 𑐩𑐶𑐳𑐵 𑐡𑐸𑑋 𑐬𑐵𑐖𑑂𑐫𑐫𑑂 𑐨𑐵𑐬𑐟𑐫𑐵 𑐕𑐸𑑄 𑐥𑑂𑐬𑐟𑐶𑐲𑑂𑐛𑐶𑐟 𑐱𑐿𑐎𑑂𑐲𑐶𑐎 𑐰 𑐀𑐣𑐸𑐳𑑄𑐢𑐵𑐣 𑐳𑑄𑐳𑑂𑐠𑐵𑐣 𑐣𑑄 𑐮𑐵, 𑐡𑐳𑐸 𑐨𑐵𑐬𑐟𑐷𑐫 𑐰𑐶𑐖𑑂𑐘𑐵𑐣 𑐳𑑄𑐳𑑂𑐠𑐵𑐣, 𑐨𑐵𑐬𑐟𑐷𑐫 𑐥𑑂𑐬𑐧𑑄𑐢𑐣 𑐳𑑄𑐳𑑂𑐠𑐵𑐣, 𑐬𑐵𑐲𑑂𑐚𑑂𑐬𑐷𑐫 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐳𑑄𑐳𑑂𑐠𑐵𑐣, 𑐎𑐬𑑂𑐣𑐵𑐚𑐎 𑐰 𑐨𑐵𑐬𑐟𑐷𑐫 𑐬𑐵𑐲𑑂𑐚𑑂𑐬𑐷𑐫 𑐰𑐶𑐢𑐶 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑑋

𑐩𑐵𑐬𑑂𑐔 𑑒𑑐𑑐𑑖 𑐀𑐣𑐸𑐳𑐵𑐬, 𑐎𑐬𑑂𑐣𑐵𑐚𑐎𑐫𑑂 𑑕𑑔,𑑕𑑒𑑙 𑐥𑑂𑐬𑐵𑐠𑐩𑐶𑐎 𑐰𑐶𑐡𑑂𑐫𑐵𑐮𑐫 𑐡𑐸, 𑐐𑐸𑐎𑐶𑐮𑐶 𑑒,𑑕𑑒,𑑘𑑗𑑕 𑐱𑐶𑐎𑑂𑐲𑐎 𑐰 𑑘𑑔.𑑙𑑕 𑐮𑐏𑑅 𑐰𑐶𑐡𑑂𑐫𑐵𑐬𑑂𑐠𑐷 𑐡𑐸𑑋 𑐠𑑂𑐰 𑐣𑐵𑐥𑑄 𑑙𑑔𑑙𑑘 𑐩𑐵𑐢𑑂𑐫𑐩𑐶𑐎 𑐰𑐶𑐡𑑂𑐫𑐵𑐮𑐫 𑐡𑐸 𑐐𑐣 𑑙𑑒,𑑒𑑘𑑗 𑐱𑐶𑐎𑑂𑐲𑐎 𑐰 𑑑𑑓.𑑘𑑔 𑐮𑐏𑑅 𑐰𑐶𑐡𑑂𑐫𑐵𑐬𑑂𑐠𑐷 𑐡𑐸𑑋 𑐬𑐵𑐖𑑂𑐫𑐫𑑂 𑐳𑑂𑐰𑑄𑐐𑐸 𑐥𑑂𑐬𑐎𑐵𑐬𑐫𑐵 𑐰𑐶𑐡𑑂𑐫𑐵𑐮𑐫 𑐡𑐸, 𑐳𑐬𑐎𑐵𑐬𑐷, 𑐳𑐬𑐎𑐵𑐬𑐷 𑐳𑐴𑐵𑐫𑐟𑐵 𑐥𑑂𑐬𑐵𑐥𑑂𑐟 𑐣𑐶𑐖𑐷 (𑐳𑐬𑐎𑐵𑐬𑑄 𑐁𑐬𑑂𑐠𑐶𑐎 𑐳𑐴𑐵𑐫𑐟𑐵 𑐧𑐷𑐐𑐸) 𑐰 𑐥𑐹𑐬𑑂𑐞𑐟𑐫𑐵 𑐣𑐶𑐖𑐷 (𑐳𑐬𑐎𑐵𑐬𑐷 𑐳𑐴𑐵𑐫𑐟𑐵 𑐩𑐡𑐹𑐐𑐸)𑑋 𑐀𑐢𑐶𑐎𑐵𑑄𑐱 𑐰𑐶𑐡𑑂𑐫𑐵𑐮𑐫𑐫𑑂 𑐱𑐶𑐎𑑂𑐲𑐵𑐫𑐵 𑐩𑐵𑐢𑑂𑐫𑐩 𑐎𑐣𑑂𑐣𑐜 𑐰 𑐀𑑄𑐐𑑂𑐬𑐾𑐖𑐷 𑐡𑐸𑑋 𑐰𑐶𑐡𑑂𑐫𑐵𑐮𑐫𑐫𑑂 𑐧𑑂𑐰𑑄𑐎𑐶𑐐𑐸 𑐥𑐵𑐛𑑂𑐫𑐎𑑂𑐬𑐩 𑐳𑐷𑐧𑐷𑐊𑐳𑐃, 𑐁𑐃.𑐳𑐷.𑐊𑐳.𑐃 𑐰𑐵 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑐫𑐵 𑐱𑐶𑐎𑑂𑐲𑐵 𑐰𑐶𑐨𑐵𑐐𑐫𑐵 𑐀𑐢𑐷𑐣𑐳𑑂𑐠 𑐬𑐵𑐖𑑂𑐫 𑐧𑑀𑐬𑑂𑐜 𑐥𑐵𑐛𑑂𑐫𑐎𑑂𑐬𑐩 (𑐊𑐳𑐊𑐳𑐊𑐮𑐳𑐷𑑄) 𑐣𑐶𑐬𑑂𑐡𑐾𑐱𑐶𑐟 𑐖𑐸𑐂𑑋 𑐕𑐸𑑄 𑐰𑐶𑐡𑑂𑐫𑐵𑐮𑐫 𑐌𑐥𑐣 𑐳𑑂𑐎𑐹𑐮 𑐥𑐵𑐛𑑂𑐫𑐎𑑂𑐬𑐩𑐫𑑂 𑐣𑑄 𑐳𑑄𑑋 𑐬𑐵𑐖𑑂𑐫𑐫𑑂 𑐧𑐷𑐖𑐵𑐥𑐸𑐬𑐫𑑂 𑐕𑐐𑐸 𑐳𑐿𑐣𑐶𑐎 𑐳𑑂𑐎𑐹𑐮 𑐣𑑄 𑐡𑐸𑑋

𑐰𑐶𑐡𑑂𑐫𑐵𑐮𑐫𑐫𑑂 𑐀𑐢𑐶𑐎𑐟𑐩 𑐄𑐥𑐳𑑂𑐠𑐶𑐟𑐶 𑐫𑐵𑐎𑐾𑐟 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑑄 𑐳𑐬𑐎𑐵𑐬𑐷 𑐰 𑐳𑐴𑐵𑐫𑐟𑐵 𑐥𑑂𑐬𑐵𑐥𑑂𑐟 𑐰𑐶𑐡𑑂𑐫𑐵𑐮𑐫𑐫𑑂 𑐰𑐶𑐡𑑂𑐫𑐵𑐬𑑂𑐠𑐷𑐟𑐫𑐾𑐟 𑐣𑐶𑑅𑐱𑐸𑐮𑑂𑐎 𑐀𑐥𑐬𑐵𑐴𑑂𑐣-𑐨𑑀𑐖𑐣 𑐫𑑀𑐖𑐣𑐵 𑐴𑑅𑐐𑐸 𑐡𑐸𑑋 𑐬𑐵𑐖𑑂𑐫 𑐧𑑀𑐬𑑂𑐜 𑐥𑐬𑐷𑐎𑑂𑐲𑐵 𑐩𑐵𑐢𑑂𑐫𑐩𑐶𑐎 𑐱𑐶𑐎𑑂𑐲𑐵 𑐀𑐰𑐢𑐶𑐫𑐵 𑐀𑐣𑑂𑐟𑐫𑑂 𑐁𑐫𑑀𑐖𑐶𑐟 𑐖𑐸𑐂, 𑐐𑐸𑐎𑐶𑐮𑐶 𑐄𑐟𑑂𑐟𑐷𑐬𑑂𑐞 𑐖𑐸𑐂𑐥𑐶𑑄 𑐕𑐵𑐟𑑂𑐬𑐟𑐫𑐾𑐟 𑐡𑑂𑐰𑐶𑐰𑐬𑑂𑐲𑐷𑐫 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫-𑐥𑐹𑐬𑑂𑐰 𑐎𑑀𑐬𑑂𑐳𑐫𑑂 𑐥𑑂𑐬𑐰𑐾𑐱 𑐡𑐂𑑋 𑐠𑑂𑐰 𑐢𑐸𑑄𑐎𑐵 𑐰𑐶𑐡𑑂𑐫𑐵𑐬𑑂𑐠𑐷𑑄 𑐳𑑂𑐣𑐵𑐟𑐎 𑐥𑐵𑐛𑑂𑐫𑐎𑑂𑐬𑐩𑐫𑐵 𑐣𑐶𑑄𑐟𑐶𑑄 𑐀𑐬𑑂𑐴𑐎 𑐖𑐸𑐂𑑋

𑐬𑐵𑐖𑑂𑐫𑐫𑑂 𑐏𑐸𑐐𑐸 𑐩𑐹 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐡𑐸: 𑐧𑑄𑐐𑐮𑐸𑐬𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫,𑐐𑐸𑐮𑐧𑐬𑑂𑐐𑐵 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫, 𑐎𑐬𑑂𑐣𑐵𑐚𑐎 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫, 𑐎𑐸𑐰𑐾𑑄𑐥𑐸 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫, 𑐩𑑄𑐐𑐮𑑁𑐬 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐰 𑐩𑐿𑐳𑐹𑐬 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑑋 𑐠𑑂𑐰 𑐣𑐵𑐥𑑄 𑐕𑐐𑐸 𑐩𑐵𑐣𑐶𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫 𑐎𑑂𑐬𑐵𑐂𑐳𑑂𑐚 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐣𑑄 𑐡𑐸𑑋 𑐠𑑂𑐰 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐟𑐫𑐾𑐐𑐸 𑐩𑐵𑐣𑑂𑐫𑐟𑐵 𑐡𑐹𑐐𑐸 𑑔𑑘𑑑 𑐳𑑂𑐣𑐵𑐟𑐎 𑐩𑐴𑐵𑐰𑐶𑐡𑑂𑐫𑐵𑐮𑐫 𑐡𑐸𑑋 𑑑𑑙𑑙𑑘𑐳 𑐬𑐵𑐖𑑂𑐫 𑐨𑐬𑐫𑐵 𑐀𑐨𑐶𑐫𑐵𑑄𑐟𑑂𑐬𑐶𑐎𑐷 𑐩𑐴𑐵𑐰𑐶𑐡𑑂𑐫𑐵𑐮𑐫𑐟𑐫𑐾𑐟 𑐣𑐰𑐐𑐛𑐶𑐟 𑐧𑐾𑐮𑐐𑐵𑐩 𑐳𑑂𑐠𑐶𑐟 𑐰𑐶𑐱𑑂𑐰𑐾𑐱𑑂𑐰𑐬𑐿𑐫𑐵 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐀𑑄𑐟𑐬𑑂𑐐𑐟𑑂𑐟𑐫𑑂 𑐴𑐮, 𑐐𑐣𑐎𑐶 𑐔𑐶𑐎𑐶𑐟𑑂𑐳𑐵 𑐩𑐴𑐵𑐰𑐶𑐡𑑂𑐫𑐵𑐮𑐫𑐟𑐫𑐾𑐟 𑐬𑐵𑐖𑐷𑐰 𑐐𑐵𑑄𑐢𑐷 𑐳𑑂𑐰𑐵𑐳𑑂𑐠𑑂𑐫 𑐰𑐶𑐖𑑂𑐘𑐵𑐣 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐀𑐢𑐶𑐎𑐵𑐬𑐎𑑂𑐲𑐾𑐟𑑂𑐬𑐫𑑂 𑐴𑐮𑑋 𑐠𑐸𑐎𑐶𑐫𑐵 𑐕𑐸𑑄 𑐩𑐴𑐵𑐰𑐶𑐡𑑂𑐫𑐵𑐮𑐫𑐟𑐫𑐾𑐟 𑐩𑐵𑐣𑐶𑐟 𑐰𑐶𑐱𑑂𑐰𑐰𑐶𑐡𑑂𑐫𑐵𑐮𑐫𑐫𑐵 𑐡𑐬𑑂𑐖𑐵 𑐣𑑄 𑐧𑑂𑐫𑐸𑐐𑐸 𑐡𑐸𑑋 𑐬𑐵𑐖𑑂𑐫𑐫𑑂 𑑑𑑒𑑓 𑐀𑐨𑐶𑐫𑐵𑑄𑐟𑑂𑐬𑐶𑐎𑐷, 𑑓𑑕 𑐔𑐶𑐎𑐶𑐟𑑂𑐳𑐵 𑑔𑑐 𑐡𑑄𑐟𑐔𑐶𑐎𑐶𑐟𑑂𑐳𑐵 𑐩𑐴𑐵𑐰𑐶𑐡𑑂𑐫𑐵𑐮𑐫 𑐡𑐸𑑋 𑐬𑐵𑐖𑑂𑐫𑐫𑑂 𑐰𑐿𑐡𑐶𑐎 𑐰 𑐳𑑄𑐳𑑂𑐎𑐺𑐟 𑐱𑐶𑐎𑑂𑐲𑐵 𑐴𑐾𑐟𑐸 𑐄𑐜𑐸𑐥𑐷, 𑐱𑐺𑑄𑐐𑐾𑐬𑐷, 𑐐𑑀𑐎𑐬𑑂𑐞 𑐰 𑐩𑐾𑐮𑐎𑑀𑐚 𑐣𑐵𑑄𑐖𑐵𑑅𑑋 𑐎𑐾𑐣𑑂𑐡𑑂𑐬 𑐳𑐬𑐎𑐵𑐬𑐫𑐵 𑑑𑑑𑐐𑐸 𑐥𑑄𑐔𑐰𑐬𑑂𑐲𑐷𑐫 𑐫𑑀𑐖𑐣𑐵𑐫𑐵 𑐀𑑄𑐟𑐬𑑂𑐐𑐟𑑂𑐟 𑐩𑐸𑐡𑐾𑐣𑐴𑐮𑑂𑐮𑐷𑐫𑑂 𑐕𑐐𑐸 𑐨𑐵𑐬𑐟𑐷𑐫 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐳𑑄𑐳𑑂𑐠𑐵𑐣𑐫𑐵 𑐳𑑂𑐠𑐵𑐥𑐣𑐵𑐫𑐵𑐟 𑐳𑑂𑐰𑐷𑐎𑐺𑐟𑐶 𑐧𑐷𑐢𑐸𑑄𑐎𑐸𑐐𑐸 𑐡𑐸𑑋 𑐠𑑂𑐰 𑐬𑐵𑐖𑑂𑐫𑐫𑐵 𑐣𑑂𑐴𑐵𑐥𑐵𑑄𑐐𑐸 𑐁𑐃.𑐁𑐃.𑐚𑐷 𑐳𑑄𑐳𑑂𑐠𑐵𑐣 𑐖𑐸𑐂𑑋 𑐠𑑂𑐰 𑐣𑐵𑐥𑑄 𑐩𑐾𑐡𑐾𑐣𑐴𑐮𑑂𑐮𑐷-𑐎𑐵𑐣𑐶𑐰𑐾𑐣𑐵𑐬𑐵𑐫𑐞𑐥𑐸𑐬𑐵𑐫𑑂 𑐰𑐶𑐱𑑂𑐰𑐾𑐱𑑂𑐰𑐬𑐿𑐫𑐵 𑐄𑐣𑑂𑐣𑐟 𑐥𑑂𑐬𑑁𑐡𑑂𑐫𑑀𑐐𑐶𑐎𑐷 𑐳𑑄𑐳𑑂𑐠𑐵𑐣𑐫𑐵 𑑖𑑐𑑐 𑐎𑑀𑐚𑐷 𑐨𑐵𑐬𑐟𑐷𑐫 𑐬𑐸𑐥𑐫𑐵𑐫𑐵 𑐮𑐵𑐐𑐟𑑄 𑐣𑐶𑐬𑑂𑐩𑐵𑐞 𑐥𑑂𑐬𑐐𑐟𑐶 𑐖𑐸𑐫𑐵 𑐔𑑂𑐰𑑄𑐐𑐸𑐡𑐸𑑋

𑐩𑐷𑐜𑐶𑐫𑐵

𑐬𑐵𑐖𑑂𑐫𑐫𑑂 𑐳𑐩𑐵𑐔𑐵𑐬 𑐥𑐟𑑂𑐬𑐟𑐫𑐾𑐐𑐸 𑐂𑐟𑐶𑐴𑐵𑐳 𑐳𑐣𑑂 𑑑𑑘𑑔𑑓𑐣𑐶𑐳𑐾𑑄 𑐳𑐾 𑐁𑐬𑑄𑐨 𑐖𑐹𑐐𑐸 𑐡𑐸, 𑐐𑐧𑐮𑐾 𑐧𑐾𑐳𑐮 𑐩𑐶𑐱𑐣𑐫𑐵 𑐕𑐐𑐸 𑐩𑐶𑐱𑑂𑐣𑐬𑐷, 𑐴𑐬𑑂𑐩𑐿𑐣 𑐩𑑀𑐐𑑂𑐮𑐶𑑄𑐐𑐣𑑄 𑐣𑑂𑐴𑐵𑐥𑐵𑑄𑐐𑐸 𑐎𑐣𑑂𑐣𑐜 𑐧𑐸𑐏𑑄𑐥𑑁 𑐩𑑄𑐐𑐮𑐸𑐬𑐸 𑐳𑐩𑐵𑐔𑐵𑐬 𑐫𑐵 𑐥𑑂𑐬𑐎𑐵𑐱𑐣 𑐁𑐬𑑄𑐨 𑐫𑐵𑐟𑑋 𑐥𑑂𑐬𑐠𑐩 𑐎𑐣𑑂𑐣𑐜 𑐳𑐵𑐩𑐫𑐶𑐎, 𑐩𑐿𑐳𑐸𑐬𑐸 𑐰𑐺𑐟𑑂𑐟𑐵𑑄𑐟 𑐥𑑂𑐬𑐧𑑀𑐢𑐶𑐣𑐷 𑐩𑐿𑐳𑐹𑐬𑐫𑑂 𑐨𑐵𑐲𑑂𑐫𑐩 𑐨𑐵𑐲𑑂𑐫𑐵𑐔𑐵𑐬𑑂𑐫𑑄 𑐥𑐶𑐠𑐣𑑋 𑐨𑐵𑐬𑐟𑐷𑐫 𑐳𑑂𑐰𑐟𑑄𑐟𑑂𑐬𑐟𑐵 𑐄𑐥𑐬𑐵𑑄𑐟 𑑑𑑙𑑔𑑘𑐳 𑐎𑐾.𑐊𑐣.𑐐𑐸𑐬𑐸𑐳𑑂𑐰𑐵𑐩𑐷𑑄 𑐡 𑐥𑑂𑐬𑐶𑑄𑐚𑐬𑑂𑐳 (𑐩𑐿𑐳𑐹𑐬) 𑐥𑑂𑐬𑐵. 𑐮𑐶. 𑐫𑐵 𑐥𑐮𑐶𑐳𑑂𑐠𑐵 𑐫𑐵𑐣𑐵𑐡𑐶𑐮 𑐰 𑐀𑐣𑑄𑐮𑐶 𑐣𑐶𑐐𑐸 𑐳𑐩𑐵𑐔𑐵𑐬-𑐥𑐟𑑂𑐬 𑐜𑐾𑐎𑑂𑐎𑐣 𑐴𑐾𑐬𑐵𑐮𑑂𑐜 𑐰 𑐥𑑂𑐬𑐖𑐵𑐰𑐣𑐷𑐫𑐵 𑐥𑐶𑐠𑐣𑐵 𑐣𑑂𑐴𑑂𑐫𑐠𑐣𑑋 𑐁𑐢𑐸𑐣𑐶𑐎 𑐫𑐸𑐐𑐫𑐵 𑐥𑐟𑑂𑐬𑐫𑑂 𑐡 𑐚𑐵𑐂𑐩𑑂𑐳 𑐁𑐦 𑐂𑐞𑑂𑐜𑐶𑐫𑐵 𑐰 𑐰𑐶𑐖𑐫 𑐎𑐬𑑂𑐣𑐵𑐚𑐎 𑐎𑑂𑐬𑐩𑐱𑑅 𑐳𑐬𑑂𑐰𑐵𑐢𑐶𑐎 𑐥𑑂𑐬𑐳𑐵𑐬𑐶𑐟 𑐀𑑄𑐐𑑂𑐬𑐾𑐖𑐷 𑐰 𑐎𑐣𑑂𑐣𑐜 𑐡𑐿𑐣𑐶𑐎 𑐏𑑋 𑐣𑐶𑐐𑐸 𑐴𑐾 𑐨𑐵𑐲𑐵𑐫𑑂 𑐟𑑅𑐢𑑄𑐐𑐸 𑐮𑑂𑐫𑐵𑐏𑑄𑐫𑑂 𑐳𑐵𑐥𑑂𑐟𑐵𑐴𑐶𑐎, 𑐥𑐵𑐎𑑂𑐲𑐶𑐎 𑐰 𑐩𑐵𑐳𑐶𑐎 𑐥𑐟𑑂𑐬𑐶𑐎𑐵𑐟𑐫𑐾𑐐𑐸 𑐥𑐶𑐠𑐣𑐵 𑐥𑑂𑐬𑐐𑐟𑐶 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐬𑐵𑐖𑑂𑐫𑑄 𑐥𑐶𑐠𑐣𑐶𑐐𑐸 𑐕𑐸𑑄 𑐣𑐵𑑄𑐖𑐵𑑅𑐐𑐸 𑐡𑐿𑐣𑐶𑐎𑐫𑑂 𑐄𑐡𑐫𑐰𑐵𑐞𑐶, 𑐎𑐣𑑂𑐣𑐜𑐥𑑂𑐬𑐨𑐵, 𑐳𑑄𑐫𑐸𑐎𑑂𑐟 𑐎𑐬𑑂𑐣𑐵𑐚𑐎, 𑐰𑐵𑐬𑑂𑐟𑐵 𑐨𑐵𑐬𑐟𑐷, 𑐳𑑄𑐖𑐷𑐰𑐣𑐷, 𑐴𑑀𑐳 𑐡𑐶𑐐𑑄𑐟, 𑐊𑐃𑐳𑑄𑐖𑐾 𑐰 𑐎𑐬𑐵𑐰𑐮𑐷 𑐩𑐹 𑐏𑑋

𑐡𑐹𑐬𑐡𑐬𑑂𑐱𑐣 𑐨𑐵𑐬𑐟 𑐳𑐬𑐎𑐵𑐬 𑐡𑑂𑐰𑐵𑐬𑐵 𑐳𑑄𑐎𑐵𑐟𑑅𑐐𑐸 𑐁𑐢𑐶𑐎𑐵𑐬𑐶𑐎 𑐳𑐬𑐎𑐵𑐬𑐷 𑐥𑑂𑐬𑐳𑐵𑐬𑐞𑐎𑐬𑑂𑐟𑑂𑐟𑐵 𑐏, 𑐰 𑐠𑐸𑐎𑐶𑐮𑐶𑑃 𑐥𑑂𑐬𑐳𑐵𑐬𑐶𑐟 𑐎𑐣𑑂𑐣𑐜 𑐔𑑂𑐫𑐵𑐣𑐮 𑐜𑐷𑐜𑐷 𑐔𑑄𑐡𑐣𑐵 𑐏𑑋 𑐥𑑂𑐬𑐩𑐸𑐏 𑐐𑐿𑐬-𑐳𑐬𑐎𑐵𑐬𑐷 𑐳𑐵𑐬𑑂𑐰𑐖𑐣𑐶𑐎 𑐎𑐣𑑂𑐣𑐜 𑐚𑐶𑐨𑐷 𑐔𑑂𑐫𑐵𑐣𑐮𑐫𑑂 𑐃𑐚𑐷𑐰𑐷 𑐎𑐣𑑂𑐣𑐜, 𑐖𑑆𑐷𑐚𑐷𑐰𑐷 𑐎𑐣𑑂𑐣𑐜, 𑐄𑐡𑐫 𑐚𑐷𑐰𑐷, 𑐫𑐹𑑒, 𑐚𑐷𑐰𑐷𑑙, 𑐊𑐱𑐶𑐫𑐵𑐣𑐾𑐚 𑐳𑐸𑐰𑐬𑑂𑐞 𑐰 𑐎𑐳𑑂𑐟𑐹𑐬𑐷 𑐚𑐷𑐰𑐷 𑐮𑐵𑑋

𑐎𑐬𑑂𑐣𑐵𑐚𑐎𑐫𑐵 𑐨𑐵𑐬𑐟𑐷𑐫 𑐬𑐾𑐜𑐶𑐫𑑀𑐫𑐵 𑐂𑐟𑐶𑐴𑐵𑐳𑐫𑑂 𑐕𑐐𑐸 𑐰𑐶𑐱𑐶𑐲𑑂𑐚 𑐠𑐵𑐫𑑂 𑐡𑐸𑑋 𑐨𑐵𑐬𑐟𑐫𑐵 𑐥𑑂𑐬𑐠𑐩 𑐣𑐶𑐖𑐷 𑐬𑐾𑐜𑐶𑐫𑑀 𑐳𑑂𑐚𑐾𑐱𑐣 𑐁𑐎𑐵𑐱𑐰𑐵𑐞𑐷 𑑑𑑙𑑓𑑕𑐳 𑐥𑑂𑐬𑑀.𑐊𑐩.𑐰𑐷.𑐐𑑀𑐥𑐵𑐮𑐳𑑂𑐰𑐵𑐩𑐷𑐡𑑂𑐰𑐵𑐬𑐵 𑐩𑐿𑐳𑐹𑐬𑐫𑑂 𑐁𑐬𑑄𑐨 𑐫𑐵𑑅𑐐𑐸 𑐏𑑋 𑐠𑑂𑐰 𑐬𑐾𑐜𑐶𑐫𑑀𑐳𑑂𑐚𑐾𑐱𑐣 𑐳𑐶𑐎𑑂𑐎 𑐮𑑀𑐎𑑄𑐴𑑂𑐰𑐵𑐣𑐵 𑐠𑐸𑐎𑐶𑐫𑐵𑐟 𑐳𑑂𑐠𑐵𑐣𑐷𑐫 𑐣𑐐𑐬𑐥𑐵𑐮𑐶𑐎𑐵𑑄 𑐎𑐵𑐮𑑋 𑐳𑐣𑑂 𑑑𑑙𑑕𑑕𑐳 𑐠𑐸𑐎𑐶𑐫𑐵𑐟 𑐁𑐮 𑐂𑐞𑑂𑐜𑐶𑐫𑐵 𑐬𑐾𑐜𑐶𑐫𑑀𑐡𑑂𑐰𑐵𑐬𑐵 𑐀𑐢𑐶𑐐𑑂𑐬𑐴𑐞 𑐫𑐵𑐣𑐵 𑐧𑑄𑐐𑐮𑐸𑐬𑐸 𑐫𑑄𑐎𑐮𑑋 𑐠𑐸𑐎𑐶𑐫𑐵 𑑒 𑐡𑑃 𑐢𑐸𑑄𑐎𑐵 𑐊.𑐁𑐃.𑐁𑐬𑑄 𑐠𑐸𑐎𑐶𑐫𑐵 𑐩𑐹 𑐣𑐵𑑄 𑐁𑐎𑐵𑐱𑐰𑐵𑐞𑐷 𑐴𑐾 𑐣𑐵𑐮𑐵 𑐎𑐵𑐮𑑋 𑐠𑑂𑐰 𑐔𑑂𑐫𑐵𑐣𑐮𑐫𑑂 𑐥𑑂𑐬𑐳𑐵𑐬𑐶𑐟 𑐖𑐸𑐂𑐐𑐸 𑐕𑐸𑑄 𑐥𑑂𑐬𑐳𑐶𑐡𑑂𑐢 𑐎𑐵𑐬𑑂𑐫𑐎𑑂𑐬𑐩𑐫𑑂 𑐣𑐶𑐳𑐬𑑂𑐐 𑐳𑑄𑐥𑐡𑐵 𑐰 𑐳𑐵𑐳𑑂𑐫 𑐳𑑄𑐖𑐷𑐰𑐣𑐷 𑐮𑐵𑑋 𑐠𑐸𑐎𑐶𑐮𑐶 𑐩𑑂𑐫𑐾, 𑐣𑐵𑐚𑐎 𑐰𑐵 𑐧𑐵𑐏𑑄𑐟𑐫𑐾𑐐𑐸 𑐩𑐵𑐢𑑂𑐫𑐩𑑄 𑐰𑐶𑐖𑑂𑐘𑐵𑐣𑐫𑐵 𑐱𑐶𑐎𑑂𑐲𑐵 𑐧𑐶𑐂𑐐𑐸 𑐫𑐵𑑋 𑐠𑑂𑐰 𑐎𑐵𑐬𑑂𑐫𑐎𑑂𑐬𑐩 𑐠𑐸𑐮𑐶 𑐮𑑀𑐎𑐥𑑂𑐬𑐶𑐫 𑐖𑐸𑐮 𑐎𑐶 𑐠𑐸𑐎𑐶𑐫𑐵 𑐀𑐣𑐸𑐰𑐵𑐡 𑑑𑑘 𑐨𑐵𑐲𑐵𑐫𑑂 𑐖𑐸𑐫𑐵 𑐥𑑂𑐬𑐳𑐵𑐬𑐶𑐟 𑐖𑐸𑐮𑑋 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑑄 𑐠𑑂𑐰 𑐳𑐎𑐮 𑐱𑐺𑑄𑐏𑐮𑐵𑐫𑐵𑐟 𑐀𑐜𑐶𑐫𑑀 𑐎𑑂𑐫𑐵𑐳𑐾𑐚𑐫𑑂 𑐬𑐶𑐎𑐬𑑂𑐜 𑐫𑐵𑐎𑐵 𑐬𑐵𑐖𑑂𑐫𑐫𑐵 𑐫𑐎𑑂𑐰 𑐰𑐶𑐡𑑂𑐫𑐵𑐮𑐫𑐫𑑂 𑐂𑐣𑐵𑐕𑑂𑐰𑐮𑑋 𑐬𑐵𑐖𑑂𑐫𑐫𑑂 𑐊𑐦 𑐊𑐩 𑐥𑑂𑐬𑐳𑐵𑐬𑐞 𑐬𑐾𑐜𑐶𑐫𑑀 𑐔𑑂𑐫𑐵𑐣𑐮 𑐀𑐥𑑂𑐰𑐫𑐵 𑐰𑐂𑐔𑑂𑐰𑑄𑐐𑐸 𑐡𑐸𑑋 𑐠𑑂𑐰 𑐩𑐸𑐏𑑂𑐫𑐟𑑅 𑐧𑑄𑐐𑐮𑐸𑐬𑐸, 𑐩𑑄𑐐𑐮𑑁𑐬 𑐰 𑐩𑐿𑐳𑐹𑐬𑐫𑑂 𑐔𑐮𑐣𑐫𑑂 𑐡𑐸𑑋

𑐎𑐵𑐳𑐵

𑐨𑐵𑐬𑐟𑐷𑐫 𑐎𑑂𑐬𑐶𑐎𑐾𑐚 𑐚𑐷𑐩𑐫𑐵 𑐥𑐹𑐬𑑂𑐰 𑐎𑐥𑑂𑐟𑐵𑐣, 𑐀𑐣𑐶𑐮 𑐎𑐸𑑄𑐧𑐮𑐾 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐎𑑂𑐬𑐶𑐎𑐾𑐚𑐫𑑂 𑐨𑐵𑐬𑐟𑐫𑐵 𑐣𑐶𑑄𑐟𑐶𑑄 𑐡𑐎𑐮𑐾 𑐀𑐥𑑂𑐰 𑐰𑐶𑐎𑐾𑐚 𑐎𑐵𑐩𑑂𑐴 𑐎𑐵𑐳𑐵𑐩𑐶

𑐎𑐬𑑂𑐣𑐵𑐚𑐎𑐫𑐵 𑐕𑐐𑐸 𑐔𑐶𑐢𑑄𑐐𑐸 𑐖𑐶𑐮𑑂𑐮𑐵 𑐎𑑀𑐜𑐐𑐸𑑄 𑐨𑐵𑐬𑐟𑐷𑐫 𑐴𑐎𑐷 𑐚𑐷𑐩𑐫𑐵 𑐣𑐶𑑄𑐟𑐶𑑄 𑐳𑐬𑑂𑐰𑐵𑐢𑐶𑐎 𑐫𑑀𑐐𑐡𑐵𑐣 𑐧𑑂𑐫𑐸𑑋 𑐠𑐣𑐫𑐵 𑐫𑐎𑑂𑐰 𑐎𑐵𑐳𑐵𑐩𑐶𑐟𑐫𑐾𑐳𑑄 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐳𑑂𑐟𑐬𑐫𑑂 𑐴𑐎𑐷𑐂 𑐨𑐵𑐬𑐟𑐫𑐵 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑑅𑐐𑐸 𑐡𑐸𑑋 𑐰𑐵𑐬𑑂𑐲𑐶𑐎 𑐎𑑀𑐜𑐰 𑐴𑐎𑐷 𑐄𑐟𑑂𑐳𑐰 𑐴𑐮𑐶𑑄𑐫𑐵 𑐡𑐎𑐮𑐾 𑐟𑑅𑐢𑑄𑐐𑐸 𑐴𑐎𑐷 𑐚𑐹𑐬𑑂𑐣𑐵𑐩𑐾𑐞𑑂𑐚 𑐏𑑋 𑐧𑑄𑐐𑐮𑐸𑐬𑐸 𑐣𑐐𑐬𑐫𑑂 𑐩𑐶𑐳𑐵 𑐚𑐾𑐣𑐶𑐳 𑐳𑑄𑐑 (𑐜𑐧𑑂𑐮𑐸.𑐚𑐷.𑐊𑐫𑐵 𑐕𑐐𑐸 𑐚𑐾𑐣𑐶𑐳 𑐂𑐨𑐾𑐣𑑂𑐚 𑐣𑑄 𑐖𑐸𑐂, 𑐰 𑐳𑐣𑑂 𑑑𑑙𑑙𑑗𑐳 𑐣𑐐𑐬𑑄 𑐨𑐵𑐬𑐟𑐫𑐵 𑐥𑑂𑐫𑐎𑑂𑐰𑑅𑐐𑐸 𑐬𑐵𑐲𑑂𑐚𑑂𑐬𑐷𑐫 𑐎𑐵𑐳𑐵 𑐳𑐩𑑂𑐩𑐾𑐮𑐣𑐫𑐵 𑐣𑑄 𑐁𑐟𑐶𑐠𑐾𑐫 𑐫𑐵𑐟𑑋 𑐠𑑂𑐰 𑐣𑐐𑐬𑐫𑑂 𑐨𑐵𑐬𑐟𑐫𑐵 𑐳𑐬𑑂𑐰𑑀𑐔𑑂𑐔 𑐎𑐵𑐳𑐵 𑐳𑑄𑐳𑑂𑐠𑐵𑐣, 𑐨𑐵𑐬𑐟𑐷𑐫 𑐏𑐾𑐮 𑐥𑑂𑐬𑐵𑐢𑐶𑐎𑐬𑐞 𑐰 𑐣𑐵𑐂𑐎𑐾 𑐚𑐾𑐣𑐶𑐳 𑐀𑐎𑐵𑐡𑐩𑐷 𑐣𑑄 𑐡𑐸𑑋 𑐩𑐾𑐩𑐾𑐐𑐸 𑐬𑐵𑐖𑑂𑐫𑐟𑐫𑐾𑐐𑐸 𑐟𑐸𑐮𑐣𑐵𑐫𑑂 𑐳𑑂𑐰𑐶𑐩𑐶𑐒𑑂𑐐𑐫𑐵 𑐣𑑄 𑐄𑐔𑑂𑐔 𑐎𑑀𑐚𑐷 𑐎𑐬𑑂𑐣𑐵𑐚𑐎𑐫𑑂 𑐴𑐾 𑐮𑐸𑑋

𑐬𑐵𑐖𑑂𑐫𑐫𑐵 𑐕𑐐𑐸 𑐮𑑀𑐎𑑄𑐴𑑂𑐰𑐵𑐐𑐸 𑐎𑐵𑐳𑐵 𑐎𑑂𑐬𑐶𑐎𑐾𑐚 𑐏𑑋 𑐬𑐵𑐖𑑂𑐫𑐫𑐵 𑐎𑑂𑐬𑐶𑐎𑐾𑐚 𑐚𑐷𑐩 𑐏𑐸𑐎𑑅 𑐬𑐞𑐖𑐷 𑐚𑑂𑐬𑐦𑐷 𑐟𑑂𑐫𑐵𑐫𑐾 𑐢𑐸𑑄𑐎𑐮, 𑐰 𑐟𑑂𑐫𑐵𑐂𑐐𑐸 𑐮𑑂𑐫𑐵𑐫𑑂 𑐩𑐸𑑄𑐧𑐃 𑐎𑑂𑐬𑐶𑐎𑐾𑐚 𑐚𑐷𑐩𑐫𑐵 𑐖𑐎𑑂𑐎 𑐮𑑂𑐫𑐸𑐣𑐾 𑐮𑐵𑑋 𑐧𑑄𑐐𑐮𑐸𑐬𑐸 𑐳𑑂𑐠𑐶𑐟 𑐔𑐶𑐣𑑂𑐣𑐵𑐳𑑂𑐰𑐵𑐩𑐷 𑐳𑑂𑐚𑐾𑐜𑐶𑐫𑐩𑐫𑑂 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐎𑑂𑐬𑐶𑐎𑐾𑐚 𑐩𑑂𑐫𑐵𑐔𑐟𑐫𑐾𑐐𑐸 𑐁𑐫𑑀𑐖𑐣 𑐖𑐸𑐫𑐵 𑐔𑑂𑐰𑐣𑐶𑑋 𑐣𑐵𑐥𑑄 𑐳𑐣𑑂 𑑒𑑐𑑐𑑐𑐫𑑂 𑐁𑐬𑑄𑐨 𑐖𑐹𑐐𑐸 𑐬𑐵𑐲𑑂𑐚𑑂𑐬𑐷𑐫 𑐎𑑂𑐬𑐶𑐎𑐾𑐚 𑐀𑐎𑐵𑐡𑐩𑐷𑐫𑐵 𑐎𑐾𑐣𑑂𑐡𑑂𑐬 𑐠𑐣 𑐴𑐾 𑐖𑐸𑐰𑐣, 𑐐𑐣 𑐎𑐶 𑐀𑐎𑐵𑐡𑐩𑐷𑑄 𑐨𑐰𑐶𑐲𑑂𑐫𑐫𑐵 𑐣𑐶𑑄𑐟𑐶𑑄 𑐀𑑄𑐟𑐬𑐬𑐵𑐲𑑂𑐚𑑂𑐬𑐷𑐫 𑐎𑐵𑐳𑐵𑐩𑐶𑐟𑐫𑐾𑐟 𑐟𑐿𑐫𑐵𑐬 𑐫𑐵𑐂𑑋 𑐬𑐵𑐖𑑂𑐫 𑐎𑑂𑐬𑐶𑐎𑐾𑐚 𑐚𑐷𑐩𑐫𑑂 𑐫𑐎𑑂𑐰 𑐣𑐵𑑄𑐖𑐵𑐥𑐶𑑄 𑐎𑑂𑐬𑐶𑐎𑐾𑐚 𑐎𑐵𑐳𑐵𑐩𑐶 𑐬𑐵𑐲𑑂𑐚𑑂𑐬𑐷𑐫 𑐰 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐳𑑂𑐟𑐬𑐫𑑂 𑐀𑐐𑑂𑐬𑐞𑐷 𑐖𑐹𑐐𑐸 𑐡𑐸𑑋 𑑑𑑙𑑙𑑐𑐫𑐵 𑐡𑐱𑐎𑐫𑑂 𑐖𑐹𑐐𑐸 𑐕𑐐𑐸 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐎𑑂𑐬𑐶𑐎𑐾𑐚 𑐩𑑂𑐫𑐵𑐔𑐫𑑂 𑐠𑐣𑐫𑐵 𑐎𑐵𑐳𑐵𑐩𑐶𑐟𑐫𑐾𑐐𑐸 𑐧𑐵𑐴𑐸𑐮𑑂𑐫 𑐡𑐟𑑋 𑐎𑐬𑑂𑐣𑐵𑐚𑐎 𑐥𑑂𑐬𑐷𑐩𑐶𑐫𑐬 𑐮𑐷𑐐 𑐬𑐵𑐖𑑂𑐫𑐫𑐵 𑐕𑐐𑐸 𑐀𑑄𑐟𑐬𑑂𑐎𑑂𑐲𑐾𑐟𑑂𑐬𑐷𑐫 𑐚𑑂𑐰𑐾𑐣𑑂𑐚𑐷-𑐚𑑂𑐰𑐾𑐣𑑂𑐚𑐷 𑐎𑑂𑐬𑐶𑐎𑐾𑐚 𑐚𑐸𑐬𑑂𑐣𑐵𑐩𑐾𑐣𑑂𑐚 𑐏𑑋 𑐬𑐶𑐫𑐮 𑐔𑐿𑐮𑐾𑐣𑑂𑐖𑐬𑑂𑐳 𑐧𑐿𑑄𑐐𑐮𑑁𑐬 𑐨𑐵𑐬𑐟𑐷𑐫 𑐥𑑂𑐬𑐷𑐩𑐶𑐫𑐬 𑐮𑐷𑐐𑐫𑐵 𑐕𑐐𑐸 𑐦𑑆𑑂𑐬𑐿𑑄𑐔𑐵𑐂𑐖𑑆𑐷 𑐏, 𑐠𑑂𑐰 𑐧𑑄𑐐𑐮𑐸𑐬𑐸𑐂 𑐴𑐾 𑐳𑑂𑐠𑐶𑐟 𑐡𑐸𑑋

𑐬𑐵𑐖𑑂𑐫𑐫𑐵 𑐀𑑄𑐔𑐮𑐶𑐎 𑐎𑑂𑐲𑐾𑐟𑑂𑐬𑐫𑑂 𑐏𑑀 𑐏𑑀, 𑐎𑐧𑐜𑑂𑐜𑐷, 𑐔𑐶𑐣𑑂𑐣𑐃 𑐜𑐵𑑄𑐜𑐸 𑐰 𑐎𑑄𑐔𑐾 𑐰𑐵 𑐐𑑀𑐮𑐷 𑐁𑐡𑐶 𑐎𑐵𑐳𑐵 𑐳𑐶𑐎𑑂𑐎 𑐩𑑂𑐴𑐶𑐟𑐶𑐐𑐸 𑐫𑐵𑑋

𑐬𑐵𑐖𑑂𑐫𑐫𑐵 𑐄𑐮𑑂𑐮𑐾𑐏𑐣𑐷𑐫 𑐎𑐵𑐳𑐵𑐩𑐶𑐂 𑑑𑑙𑑘𑑐𑐫𑐵 𑐁𑐮 𑐂𑑄𑐐𑑂𑐮𑐿𑑄𑐜 𑐧𑐿𑐜𑐩𑐶𑑄𑐚𑐣 𑐔𑐿𑑄𑐥𑐶𑐫𑐣𑐱𑐶𑐥 𑐟𑑂𑐫𑐵𑐩𑐶 𑐥𑑂𑐬𑐎𑐵𑐱 𑐥𑐵𑐡𑐸𑐎𑑀𑐣𑐫𑐵 𑐣𑐵𑑄 𑐳𑐩𑑂𑐩𑐵𑐣𑑄 𑐎𑐵𑐂𑐐𑐸 𑐫𑐵𑑋 𑐠𑑂𑐰 𑐣𑐵𑐥𑑄 𑐥𑑄𑐎𑐖 𑐁𑐜𑐰𑐵𑐞𑐷 𑐣𑑄 𑐄𑐮𑑂𑐮𑐾𑐏𑐣𑐷𑐫 𑐖𑐸, 𑐳𑐸𑐣𑐵𑑄 𑑒𑑐 𑐡𑑄𑐫𑐵 𑐁𑐫𑐸𑐂 𑐴𑐾 𑐧𑐿𑐜𑐩𑐶𑑄𑐚𑐣 𑐳𑑂𑐥𑐬𑑂𑐢𑐵 𑐁𑐬𑑄𑐨 𑐫𑐵𑐟 𑐰 𑐎𑑂𑐫𑐹 𑐳𑑂𑐥𑑀𑐬𑑂𑐚𑑂𑐳𑐫𑐵 𑐳𑑂𑐰𑑄𑐐𑐸 𑐄𑐥𑐵𑐢𑐶𑐟 𑐢𑐵𑐬𑐞 𑐫𑐵𑐟, 𑐐𑐸𑐎𑐶𑐮𑐶 𑑒𑑐𑑐𑑓𑐫𑐵 𑐴𑐮𑐶𑑄 𑐳𑑂𑐣𑐹𑐎𑐬 𑐔𑑂𑐫𑐵𑐩𑑂𑐥𑐶𑐫𑐣𑐱𑐶𑐥 𑐰 𑑒𑑐𑑐𑑕𑐫𑐵 𑐴𑐮𑐶𑑄 𑐧𑐶𑐮𑐶𑐫𑐬𑑂𑐜𑑂𑐳 𑐔𑑂𑐫𑐵𑐩𑑂𑐥𑐶𑐫𑐣𑐱𑐶𑐥 𑐰𑑋

𑐬𑐵𑐖𑑂𑐫𑐫𑑂 𑐳𑐵𑐂𑐎𑐶𑐮𑐶𑑄𑐐 𑐳𑑂𑐥𑐬𑑂𑐢𑐵 𑐣𑑄 𑐖𑐸𑑋 𑐧𑐷𑐖𑐵𑐥𑐸𑐬 𑐖𑐶𑐮𑑂𑐮𑐵𑐫𑐵 𑐎𑑂𑐲𑐾𑐟𑑂𑐬𑑄 𑐬𑐵𑐲𑑂𑐚𑑂𑐬𑐷𑐫 𑐳𑑂𑐟𑐬𑐫𑐵 𑐀𑐐𑑂𑐬𑐞𑐷 𑐳𑐵𑐫𑐎𑑂𑐮𑐶𑐳𑑂𑐚 𑐖𑐹𑐐𑐸 𑐡𑐸𑑋 𑐩𑐮𑐾𑐱𑐶𑐫𑐵𑐫𑑂 𑐁𑐫𑑀𑐖𑐶𑐟 𑐖𑐹𑐐𑐸 𑐥𑐬𑑂𑐮𑐶𑐳 𑐌𑐥𑐣 ’𑑙𑑙𑐳 𑐥𑑂𑐬𑐾𑐩𑐮𑐟𑐵 𑐳𑐸𑐬𑐾𑐧𑐵𑐣 𑐨𑐵𑐬𑐟𑐷𑐫 𑐥𑑂𑐬𑐟𑐶𑐣𑐶𑐢𑐶𑐂 𑐕𑐩𑑂𑐴 𑐏𑑋 𑐖𑐶𑐮𑑂𑐮𑐵𑐫𑐵 𑐳𑐵𑐂𑐎𑑂𑐮𑐶𑑄𑐐 𑐥𑑂𑐬𑐟𑐶𑐨𑐵𑐫𑐵𑐟 𑐏𑐣𑐵 𑐄𑐎𑐶𑐫𑐵 𑐄𑐟𑑂𑐠𑐵𑐣𑐫𑐵 𑐣𑐶𑑄𑐟𑐶𑑄 𑐬𑐵𑐖𑑂𑐫 𑐳𑐬𑐎𑐵𑐬𑑄 𑐖𑐶𑐮𑑂𑐮𑐵𑐫𑑂 Template:𑐨𑐵𑐬𑐟𑐷𑐫 𑐬𑐸𑐥𑐫𑐾 𑑔𑑐 𑐮𑐏𑑅𑐫𑐵 𑐮𑐵𑐐𑐟𑐫𑑂 𑐠𑐣 𑐧𑐷.𑐁𑐬 𑐀𑑄𑐧𑐾𑐜𑐎𑐬 𑐳𑑂𑐚𑐾𑐜𑐶𑐫𑐩𑐫𑑂 𑐳𑐵𑐫𑐎𑑂𑐮𑐶𑑄𑐐 𑐚𑑂𑐬𑐫𑐵𑐎 𑐡𑐫𑐾𑐎𑐮𑑋

𑐥𑐬𑑂𑐫𑐚𑐣

𑐎𑐾𑐱𑐰 𑐡𑐾𑐐𑑅, 𑐳𑑀𑐩𑐣𑐵𑐠𑐥𑐸𑐬

𑐠𑑅𑐐𑐸 𑐰𑐶𑐳𑑂𑐟𑐺𑐟 𑐨𑐹𑐐𑑀𑐮, 𑐥𑑂𑐬𑐵𑐎𑐺𑐟𑐶𑐎 𑐳𑑁𑐣𑑂𑐡𑐬𑑂𑐫 𑐰 𑐂𑐟𑐶𑐴𑐵𑐳𑐫𑐵 𑐎𑐵𑐬𑐞𑑄 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫 𑐫𑐎𑑂𑐰 𑐮𑑂𑐫𑐵𑐏𑑄𑐫𑑂 𑐥𑐬𑑂𑐫𑐚𑐣 𑐁𑐎𑐬𑑂𑐲𑐞 𑐫𑐵𑐂𑑋 𑐬𑐵𑐖𑑂𑐫𑐫𑑂 𑐥𑑂𑐬𑐵𑐔𑐷𑐣 𑐱𑐶𑐮𑑂𑐥𑐎𑐮𑐵𑑄 𑐥𑐬𑐶𑐥𑐹𑐬𑑂𑐞 𑐡𑐾𑐐𑑅 𑐰 𑐨𑐵𑐬𑐟𑐵𑐫𑐵 𑐴𑐶𑐳𑐵𑐧𑑄 𑐁𑐢𑐸𑐣𑐶𑐎 𑐣𑐐𑐬 𑐣𑑄 𑐡𑐸, 𑐣𑐿𑐳𑐬𑑂𑐐𑐶𑐎 𑐥𑐬𑑂𑐰𑐟𑐩𑐵𑐮𑐵 𑐣𑐶𑐳𑐾𑑄 𑐀𑐣𑐵𑐣𑑂𑐰𑐾𑐲𑐶𑐟 𑐰𑐣 𑐳𑑄𑐥𑐡𑐵, 𑐰𑑂𑐫𑐳𑑂𑐟 𑐰𑑂𑐫𑐵𑐰𑐳𑐵𑐫𑐶𑐎 𑐎𑐵𑐬𑑂𑐫𑐎𑐮𑐵𑐥𑐫𑐵 𑐱𑐴𑐬𑐷 𑐩𑐵𑐬𑑂𑐐 𑐣𑐶𑐳𑐾𑑄 𑐦𑐶𑑄 𑐖𑐵𑑅𑐐𑐸 𑐱𑐵𑐣𑑂𑐟 𑐳𑐵𑐐𑐬𑐟𑐚 𑐣𑑄 𑐡𑐸𑑋 𑐎𑐬𑑂𑐣𑐵𑐚𑐎 𑐬𑐵𑐖𑑂𑐫𑐫𑐵𑐟 𑐨𑐵𑐬𑐟𑐫𑐵 𑐬𑐵𑐖𑑂𑐫𑐫𑑂 𑐡𑐎𑐮𑐾 𑐥𑑂𑐬𑐔𑐮𑐶𑐟 𑐥𑐬𑑂𑐫𑐚𑐣 𑐐𑑄𑐟𑐰𑑂𑐫𑐫𑐵 𑐢𑐮𑐏𑐫𑑂 𑐥𑑂𑐫𑑄𑐐𑐸 𑐠𑐵𑐫𑑂 𑐮𑐵𑐟𑑋 𑐬𑐵𑐖𑑂𑐫𑐫𑑂 𑐄𑐟𑑂𑐟𑐬 𑐥𑑂𑐬𑐡𑐾𑐱 𑐢𑐸𑑄𑐎𑐵 𑐡𑐎𑐮𑐾 𑐀𑐥𑑂𑐰 𑐬𑐵𑐲𑑂𑐚𑑂𑐬𑐷𑐫 𑐳𑑄𑐬𑐎𑑂𑐲𑐶𑐟 𑐄𑐡𑑂𑐫𑐵𑐣 𑐰 𑐖𑑄𑐐𑐮 𑐡𑐸, 𑐣𑐵𑐥𑑄 𑐠𑐣 𑐬𑐵𑐖𑑂𑐫 𑐥𑐸𑐬𑐵𑐟𑐟𑑂𑐟𑑂𑐰 𑐰 𑐳𑑄𑐐𑑂𑐬𑐴𑐵𑐮𑐫 𑐣𑐶𑐡𑐾𑐱𑐮𑐫𑐡𑑂𑐰𑐵𑐬𑐵 𑐳𑑄𑐬𑐎𑑂𑐲𑐶𑐟 𑑗𑑕𑑒 𑐳𑑂𑐩𑐵𑐬𑐎 𑐣𑑄 𑐡𑐸𑑋 𑐠𑑂𑐰 𑐣𑐵𑐥𑑄 𑐩𑐾𑐩𑐾𑐐𑐸 𑑒𑑕,𑑐𑑐𑑐 𑐳𑑂𑐩𑐵𑐬𑐎 𑐣𑑄 𑐳𑑄𑐬𑐎𑑂𑐲𑐞 𑐥𑑂𑐬𑐵𑐥𑑂𑐟 𑐖𑐸𑐂𑐐𑐸 𑐢𑐮𑐏𑐫𑑂 𑐡𑐸𑑋

𑐧𑐷𑐖𑐵𑐥𑐸𑐬𑐫𑐵 𑐐𑑀𑐮 𑐐𑐸𑐩𑑂𑐧𑐖𑑋

𑐬𑐵𑐖𑑂𑐫𑐫𑐵 𑐩𑐿𑐳𑐹𑐬 𑐣𑐐𑐬𑐫𑑂 𑐳𑑂𑐠𑐶𑐟 𑐩𑐴𑐵𑐬𑐵𑐖𑐵 𑐥𑐿𑐮𑐾𑐳 𑐨𑐵𑐬𑐟𑐫𑐵 𑐧𑐵𑑄𑐮𑐵𑑅𑐐𑐸 𑐩𑐴𑐮𑐫𑑂 𑐕𑐐𑐸 𑐏𑑋 𑐎𑐬𑑂𑐣𑐵𑐚𑐎𑐫𑐵 𑐥𑐱𑑂𑐔𑐶𑐩𑐷 𑐑𑐵𑐚𑐫𑑂 𑐰𑐂𑐐𑐸 𑐰 𑐡𑐎𑑂𑐲𑐶𑐞𑐷 𑐖𑐶𑐮𑑂𑐮𑐵𑐫𑑂 𑐣𑐵𑑄𑐖𑐵𑑅𑐐𑐸 𑐥𑐵𑐬𑐶𑐳𑑂𑐠𑐶𑐟𑐶𑐎𑐷 𑐥𑐬𑑂𑐫𑐚𑐣 𑐠𑐵𑐫𑑂 𑐡𑐸 𑐐𑐸𑐎𑐶𑐮𑐶 𑐎𑐸𑐡𑑂𑐬𑐾𑐩𑐸𑐏, 𑐩𑐜𑐶𑐎𑐾𑐬𑐷 𑐰 𑐀𑐐𑐸𑐩𑑂𑐧𑐾 𑐮𑐵𑑋𑐬𑐵𑐖𑑂𑐫𑐫𑑂 𑑒𑑕 𑐰𑐣𑑂𑐫 𑐖𑐷𑐰𑐣 𑐀𑐨𑐫𑐵𑐬𑐞𑑂𑐫 𑐰 𑑕 𑐬𑐵𑐲𑑂𑐚𑑂𑐬𑐷𑐫 𑐄𑐡𑑂𑐫𑐵𑐣 𑐡𑐸𑑋 𑐠𑐸𑐎𑐶𑐮𑐶 𑐣𑐵𑑄𑐖𑐵𑑅𑐐𑐸 𑐧𑐵𑑄𑐡𑐷𑐥𑐸𑐬 𑐬𑐵𑐲𑑂𑐚𑑂𑐬𑐷𑐫 𑐄𑐡𑑂𑐫𑐵𑐣, 𑐧𑐣𑐾𑐬𑐑𑐵𑐚𑐵 𑐬𑐵𑐲𑑂𑐚𑑂𑐬𑐷𑐫 𑐄𑐡𑑂𑐫𑐵𑐣 𑐰 𑐣𑐵𑐐𑐬𑐴𑑀𑐮 𑐬𑐵𑐲𑑂𑐚𑑂𑐬𑐷𑐫 𑐄𑐡𑑂𑐫𑐵𑐣 𑐏𑑋 𑐴𑐩𑑂𑐥𑐷𑐂 𑐰𑐶𑐖𑐫𑐣𑐐𑐬 𑐳𑐵𑐩𑑂𑐬𑐵𑐖𑑂𑐫𑐫𑐵 𑐀𑐰𑐱𑐾𑐲 𑐰 𑐥𑐟𑑂𑐟𑐡𑐎𑐮𑐫𑑂 𑐥𑑂𑐬𑐵𑐔𑐷𑐣 𑐥𑐸𑐬𑐵𑐟𑐵𑐟𑑂𑐟𑑂𑐰𑐶𑐎 𑐀𑐰𑐱𑐾𑐲 𑐫𑐸𑐣𑐾𑐳𑑂𑐎𑑀 𑐰𑐶𑐱𑑂𑐰 𑐢𑐬𑑀𑐴𑐬𑐫𑑂 𑐮𑐵𑐫𑐾𑐢𑐸𑑄𑐎𑐸𑐐𑐸 𑐡𑐸𑑋 𑐠𑑂𑐰 𑐣𑐵𑐥𑑄 𑐧𑐵𑐡𑐵𑐩𑐷𑐫𑐵 𑐐𑐸𑐦𑐵 𑐡𑐾𑐐𑑅 𑐰 𑐋𑐴𑑀𑐮𑐫𑐵 𑐥𑐵𑐲𑐵𑐞 𑐡𑐾𑐐𑑅 𑐧𑐵𑐡𑐵𑐩𑐷 𑐔𑐵𑐮𑐸𑐎𑑂𑐫 𑐳𑑂𑐠𑐵𑐥𑐵𑐟𑑂𑐫𑐫𑐵 𑐀𑐡𑑂𑐨𑐸𑐟 𑐣𑐩𑐹𑐣𑐵 𑐏 𑐰 𑐥𑑂𑐬𑐩𑐸𑐏 𑐥𑐬𑑂𑐫𑐚𑐎 𑐁𑐎𑐬𑑂𑐲𑐞 𑐖𑐸𑐫𑐵𑐔𑑂𑐰𑑄𑐐𑐸 𑐡𑐸𑑋 𑐧𑐾𑐮𑐹𑐬 𑐰 𑐴𑐿𑐮𑐾𑐧𑐶𑐜𑐸𑐂 𑐴𑑀𑐫𑐳𑐵𑐮 𑐡𑐾𑐐𑑅 𑐎𑑂𑐮𑑀𑐬𑐶𑐚𑐶𑐎 𑐱𑐷𑐳𑑂𑐚 (𑐕𑐐𑐸 𑐥𑑂𑐬𑐎𑐵𑐬𑐫𑐵 𑐳𑑀𑐥𑐳𑑂𑐚𑑀𑐣)𑐣𑑄 𑐡𑐫𑐾𑐎𑐹𑐐𑐸 𑐡𑐸 𑐰 𑐫𑐸𑐣𑐾𑐳𑑂𑐎𑑀 𑐰𑐶𑐱𑑂𑐰 𑐢𑐬𑑀𑐴𑐬 𑐳𑑂𑐠𑐮𑐫𑐵 𑐣𑐶𑑄𑐟𑐶𑑄 𑐥𑑂𑐬𑐳𑑂𑐟𑐵𑐰𑐶𑐟 𑐡𑐸𑑋 𑐠𑐣𑐫𑐵 𑐐𑑀𑐮 𑐐𑐸𑐩𑑂𑐧𑐖 𑐰 𑐂𑐧𑑂𑐬𑐵𑐴𑐶𑐩 𑐬𑑁𑐖𑑆𑐵 𑐡𑐎𑑂𑐏𑐣 𑐳𑐮𑑂𑐟𑐣𑐟 𑐳𑑂𑐠𑐵𑐥𑐟𑑂𑐫 𑐱𑐿𑐮𑐷𑐫𑐵 𑐀𑐡𑑂𑐨𑐸𑐟 𑐡𑐳𑐸 𑐏𑑋 𑐱𑑂𑐬𑐰𑐞𑐧𑐾𑐮𑐐𑑀𑐮𑐵 𑐳𑑂𑐠𑐶𑐟 𑐐𑑀𑐩𑐟𑐾𑐱𑑂𑐰𑐬𑐫𑐵 𑑑𑑗 𑐩𑐶𑐚𑐬 𑐖𑐵𑑅𑐐𑐸 𑐩𑐹𑐬𑑂𑐟𑐶 𑐖𑑀 𑐴𑐮𑐶𑑄𑐫𑐵 𑐳𑐬𑑂𑐰𑑀𑐔𑑂𑐔 𑐊𑐎𑐵𑐱𑑂𑐩 𑐥𑑂𑐬𑐟𑐶𑐩𑐵 𑐏, 𑐰𑐵𑐬𑑂𑐲𑐶𑐎 𑐩𑐴𑐵𑐩𑐳𑑂𑐟𑐎𑐵𑐨𑐶𑐲𑐾𑐎 𑐄𑐟𑑂𑐳𑐰𑐫𑑂 𑐡𑑂𑐰𑐮𑑄𑐡𑑂𑐰 𑐱𑑂𑐬𑐡𑑂𑐢𑐵𑐮𑐸 𑐟𑐷𑐬𑑂𑐠𑐵𑐫𑐵𑐟𑑂𑐬𑐷𑐟𑐫𑐾𑐐𑐸 𑐁𑐎𑐬𑑂𑐲𑐞 𑐎𑐾𑐣𑑂𑐡𑑂𑐬 𑐖𑐹𑐐𑐸 𑐡𑐸𑑋

𑐩𑐿𑐳𑐹𑐬 𑐥𑐿𑐮𑐾𑐳, 𑐩𑐿𑐳𑐹𑐬𑐫𑐵 𑐬𑐵𑐟𑑂𑐬𑐶 𑐡𑐺𑐱𑑂𑐫

𑐎𑐬𑑂𑐣𑐵𑐚𑐎𑐫𑐵 𑐖𑐮 𑐥𑑂𑐬𑐥𑐵𑐟 𑐰 𑐎𑐸𑐡𑑂𑐬𑐾𑐩𑐸𑐏 𑐬𑐵𑐲𑑂𑐚𑑂𑐬𑐷𑐫 𑐄𑐡𑑂𑐫𑐵𑐣 "𑐴𑐮𑐶𑑄𑐫𑐵 𑑑𑑐𑑐𑑑 𑐥𑑂𑐬𑐵𑐎𑐺𑐟𑐶𑐎 𑐁𑐱𑑂𑐔𑐬𑑂𑐫"𑐫𑑂 𑐳𑐹𑐔𑐷𑐎𑐺𑐟 𑐡𑐸𑑋 𑐖𑑀𑐐 𑐥𑑂𑐬𑐥𑐵𑐟𑐫𑐵 𑐨𑐵𑐬𑐟𑐫𑐵 𑐡𑐎𑐮𑐾 𑐟𑑅𑐖𑐵𑐐𑐸 𑐊𑐎𑐢𑐵𑐬𑐷𑐫 𑐖𑐮 𑐥𑑂𑐬𑐥𑐵𑐟𑐫𑐵 𑐬𑐹𑐥𑐫𑑂 𑐐𑑀𑐎𑐎 𑐥𑑂𑐬𑐥𑐵𑐟, 𑐄𑐣𑑂𑐔𑐮𑑂𑐮𑐷 𑐥𑑂𑐬𑐥𑐵𑐟, 𑐩𑐐𑑀𑐜 𑐥𑑂𑐬𑐥𑐵𑐟, 𑐊𑐧𑑂𑐧𑐾 𑐥𑑂𑐬𑐥𑐵𑐟 𑐰 𑐱𑐶𑐰𑐳𑐩𑐸𑐡𑑂𑐬𑐩 𑐥𑑂𑐬𑐥𑐵𑐟 𑐳𑐴𑐶𑐟 𑐩𑐾𑐩𑐾𑐐𑐸 𑐣𑐵𑑄𑐖𑐵𑑅𑐐𑐸 𑐖𑐮 𑐥𑑂𑐬𑐥𑐵𑐟𑐟𑐫𑐾𑐐𑐸 𑐢𑐮𑐏𑐫𑑂 𑐮𑐵𑑋

𑐠𑐣𑐫𑐵 𑐩𑐹 𑐧𑐷𑐔𑐫𑑂 𑐩𑐸𑐬𑐸𑐡𑐾𑐱𑑂𑐰𑐬, 𑐐𑑀𑐎𑐬𑑂𑐞 𑐰 𑐎𑐬𑐰𑐬 𑐩𑐹 𑐏𑑋 𑐠𑑂𑐰 𑐣𑐵𑐥𑑄 𑐎𑐬𑑂𑐣𑐵𑐚𑐎 𑐢𑐵𑐬𑑂𑐩𑐶𑐎 𑐩𑐴𑐟𑑂𑐟𑑂𑐰𑐫𑐵 𑐠𑐷-𑐠𑐷 𑐠𑐵𑐫𑑂𑐫𑐵 𑐎𑐾𑐣𑑂𑐡𑑂𑐬 𑐣𑑄 𑐏𑑋 𑐠𑐣𑐫𑐵 𑐣𑐵𑑄𑐖𑐵𑑅𑐐𑐸 𑐴𑐶𑐣𑑂𑐡𑐹 𑐡𑐾𑐐𑐮𑐫𑑂 𑐄𑐜𑐸𑐥𑐷 𑐎𑐺𑐲𑑂𑐞 𑐡𑐾𑐐𑑅, 𑐳𑐶𑐬𑐳𑐷 𑐫𑐵 𑐩𑐬𑐶𑐎𑑄𑐧𑐵 𑐡𑐾𑐐𑑅, 𑐢𑐬𑑂𑐩𑐳𑑂𑐠𑐮𑐫𑐵 𑐱𑑂𑐬𑐷 𑐩𑑄𑐖𑐸𑐣𑐵𑐠 𑐡𑐾𑐐𑑅, 𑐎𑐸𑐎𑑂𑐎𑐾𑐫𑐵 𑐱𑑂𑐬𑐷 𑐳𑐸𑐧𑑂𑐬𑐴𑑂𑐩𑐞𑑂𑐫𑐩 𑐡𑐾𑐐𑑅 𑐰 𑐱𑐺𑑄𑐐𑐾𑐬𑐷𑐂 𑐡𑐹𑐐𑐸 𑐱𑐵𑐬𑐡𑐵𑐩𑑂𑐧𑐵 𑐡𑐾𑐐𑑅 𑐏 𑐐𑐣 𑐨𑐵𑐬𑐟𑐫𑐵 𑐫𑐎𑑂𑐰 𑐱𑑂𑐬𑐡𑑂𑐢𑐵𑐮𑐸𑐟 𑐰𑐣𑐶𑐐𑐸 𑐫𑐵𑑋 𑐮𑐶𑑄𑐐𑐵𑐫𑐟 𑐩𑐟𑐫𑐵 𑐀𑐢𑐶𑐎𑐵𑑄𑐱 𑐥𑐰𑐶𑐟𑑂𑐬 𑐳𑑂𑐠𑐮 𑐡𑐳𑐸 𑐎𑐸𑐡𑐵𑐮𑐳𑑄𑐐𑐩 𑐰 𑐧𑐳𑐰𑐣𑑂𑐣𑐵 𑐧𑐵𑐐𑐾𑐰𑐵𑐜𑐷 𑐬𑐵𑐖𑑂𑐫𑐫𑐵 𑐄𑐟𑑂𑐟𑐬𑐷 𑐨𑐵𑐐𑐫𑑂 𑐮𑐵𑑋 𑐱𑑂𑐬𑐰𑐞𑐧𑐾𑐮𑐐𑑀𑐮𑐵, 𑐩𑐸𑐡𑐧𑐶𑐡𑑂𑐬𑐷 𑐰 𑐎𑐬𑑂𑐎𑐮𑐵 𑐖𑐿𑐣 𑐢𑐬𑑂𑐩𑐫𑐵 𑐋𑐟𑐶𑐴𑐵𑐳𑐶𑐎 𑐳𑑂𑐩𑐵𑐬𑐎 𑐏𑑋 𑐠𑑂𑐰 𑐢𑐬𑑂𑐩𑐫𑐵 𑐖𑐬𑐵 𑐬𑐵𑐖𑑂𑐫𑐫𑑂 𑐁𑐬𑐩𑑂𑐨𑐶𑐎 𑐩𑐢𑑂𑐫𑐎𑐵𑐮𑐫𑑂 𑐧𑐮𑑂𑐮𑐵𑐎 𑐡𑐹𑐐𑐸 𑐰 𑐠𑐸𑐎𑐶𑐮𑐶 𑐡𑐎𑐮𑐾 𑐩𑐴𑐟𑑂𑐟𑑂𑐰𑐥𑐹𑐬𑑂𑐞 𑐎𑐾𑐣𑑂𑐡𑑂𑐬 𑐱𑑂𑐬𑐰𑐞𑐧𑐾𑐮𑐐𑑀𑐮𑐵 𑐏𑑋

𑐩𑐿𑐳𑐹𑐬 𑐱𑐿𑐮𑐷𑐫𑐵 𑐕𑐐𑐸 𑐟𑐿𑐮 𑐎𑐶𑐥𑐵

𑐁𑐫𑐵 𑐃𑐮𑐾 𑐎𑐬𑑂𑐣𑐵𑐚𑐎 𑐄𑐳𑐵𑑃𑐫𑑂 𑐥𑐬𑑂𑐫𑐚𑐣𑐫𑐵 𑐣𑐶𑑄𑐟𑐶𑑄 𑐕𑐐𑐸 𑐳𑐎𑑂𑐬𑐶𑐫 𑐎𑐾𑐣𑑂𑐡𑑂𑐬 𑐖𑐹𑐐𑐸 𑐡𑐸𑑋 𑐬𑐵𑐖𑑂𑐫𑐫𑑂 𑐨𑐵𑐬𑐟𑐫𑐵 𑐳𑐬𑑂𑐰𑐵𑐢𑐶𑐎 𑐳𑑂𑐰𑐷𑐎𑐺𑐟 𑐳𑑂𑐰𑐵𑐳𑑂𑐠𑑂𑐫 𑐥𑑂𑐬𑐞𑐵𑐮𑐷𑐟 𑐰 𑐰𑐿𑐎𑐮𑑂𑐥𑐶𑐎 𑐔𑐶𑐎𑐶𑐟𑑂𑐳𑐵 𑐡𑐸𑑋 𑐬𑐵𑐖𑑂𑐫𑐫𑑂 𑐁𑐃𑐊𑐳𑐌 𑐥𑑂𑐬𑐩𑐵𑐞𑐶𑐟 𑐳𑐬𑐎𑐵𑐬𑐷 𑐔𑐶𑐎𑐶𑐟𑑂𑐳𑐵𑐮𑐫 𑐳𑐴𑐶𑐟, 𑐀𑑄𑐟𑐬𑑂𑐬𑐵𑐲𑑂𑐚𑑂𑐬𑐷𑐫 𑐳𑑂𑐟𑐬𑐫𑐵 𑐔𑐶𑐎𑐶𑐟𑑂𑐳𑐵 𑐳𑐸𑐰𑐶𑐢𑐵 𑐄𑐥𑐮𑐧𑑂𑐢 𑐫𑐵𑐎𑐾𑐟 𑐣𑐶𑐖𑐷 𑐳𑑄𑐳𑑂𑐠𑐵𑐣𑐟𑐫𑐾𑐐𑐸 𑐩𑑄𑐎𑐵 𑐎𑐸𑐟𑐮𑑄 𑐰𑐬𑑂𑐲 𑑒𑑐𑑐𑑔-𑑐𑑕𑐳 𑐄𑐳𑐵𑑃𑐫𑑂 𑐄𑐡𑑂𑐫𑑀𑐐𑐫𑑂 𑑓𑑐% 𑐧𑐝𑑀𑐟𑑂𑐟𑐬𑐷 𑐡𑐟𑑋 𑐬𑐵𑐖𑑂𑐫𑐫𑐵 𑐀𑐳𑑂𑐥𑐟𑐵𑐮𑐫𑑂 𑐎𑐬𑐶𑐧 𑑘,𑑐𑑐𑑐 𑐳𑑂𑐰𑐵𑐳𑑂𑐠𑑂𑐫 𑐳𑑄𑐧𑑄𑐢𑐷 𑐥𑐬𑑂𑐫𑐚𑐎 𑐰𑐂𑐐𑐸 𑐫𑐵𑑋
Template:𑐎𑐬𑑂𑐣𑐵𑐚𑐎𑐫𑐵 𑐥𑐸𑐬𑐵𑐟𑐵𑐟𑑂𑐟𑑂𑐰𑐶𑐎 𑐠𑐵𑐫𑑂

𑐳𑑂𑐰𑐫𑐵𑐡𑐶𑐳𑑃

• 𑐎𑐬𑑂𑐣𑐵𑐚𑐎𑐫𑐵 𑐮𑑀𑐎𑐳𑐨𑐵 𑐳𑐡𑐳𑑂𑐫
• 𑐎𑐬𑑂𑐣𑐵𑐚𑐎𑐫𑐵 𑐖𑐶𑐮𑑂𑐮𑐵

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹

• 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬𑐫𑐵 𑐁𑐢𑐶𑐎𑐵𑐬𑐶𑐎 𑐖𑐵𑑅𑐠𑐵𑐫𑑂
• 𑐎𑐬𑑂𑐣𑐵𑐚𑐎 𑐳𑐬𑐎𑐵𑐬 𑐳𑐹𑐔𑐣𑐵 𑐰𑐶𑐨𑐵𑐐
• 𑐎𑐬𑑂𑐣𑐵𑐚𑐎 at the Open Directory Project
• 𑐎𑐬𑑂𑐣𑐵𑐚𑐎- 𑐨𑐵𑐬𑐟 𑐜𑐶𑐳𑑂𑐎𑐰𑐬𑐷𑐂