𑐁𑐂𑐡𑐳 𑐩𑐵𑐬𑑂𑐟𑐶𑐊

देवनागरीइ ब्वनेत: आइदस मार्तिए तियादिसँ

𑐁𑐂𑐡𑐳 𑐩𑐵𑐬𑑂𑐟𑐶𑐊 𑐰𑐵 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 (𑐮𑐵𑐟𑐶𑐣 𑐨𑐵𑐳𑐫𑑂 Idus Martiae, 𑐩𑐢𑑂𑐫𑐎𑐵𑐮𑐷𑐣 𑐮𑐵𑐚𑐶𑐣 : Idus Martii ) 𑐬𑑀𑐩𑐣 𑐥𑐵𑐟𑑂𑐬𑑀𑐫𑑂 𑐁𑐂𑐡𑐳 𑐎𑐠𑑄 𑐔𑐶𑑄 𑐟𑐫𑐵𑐟𑑅𑐐𑐸 𑐣𑑂𑐴𑐶 𑐏𑑅𑑋 𑐁𑐂𑐡𑐳 𑐢𑐵𑑅𑐐𑐸 𑐮𑐐𑐨𑐐 𑐕𑐐𑐹 𑐮𑐵𑐫𑐵 𑐩𑐢𑑂𑐫𑐧𑐶𑐣𑑂𑐡𑐸 𑐏𑑋 𑐁𑐂𑐡𑐳 𑐩𑐵𑐬𑑂𑐟𑐶𑐊 𑐢𑐵𑑅𑐳𑐵 𑐩𑐵𑐬𑑂𑐚𑐶𑐫𑐳𑐫𑐵 𑐁𑐂𑐡𑐳 𑐏 𑐰 𑐠𑑂𑐰 𑐣𑑂𑐴𑐶 𑐐𑑂𑐬𑐾𑐐𑑀𑐬𑐶𑐫𑐣 𑐥𑐵𑐟𑑂𑐬𑑀𑐫𑑂 𑑑𑑕 𑐩𑐵𑐬𑑂𑐔𑐫𑑂 𑐮𑐵𑑋 𑐥𑑂𑐬𑐵𑐔𑐷𑐣 𑐬𑑀𑐩𑐫𑑂 𑐠𑑂𑐰 𑐡𑐶𑑄 𑐏𑐸𑐣𑐸 𑐫𑐎𑑂𑐰𑑄 𑐢𑐵𑐬𑑂𑐩𑐶𑐎 𑐣𑐏𑑅 𑐴𑐣𑐶𑐐𑐸 𑐫𑐵𑑋 𑐃𑐳𑐵𑐥𑐹𑐬𑑂𑐰 𑑔𑑔𑐫𑑂 𑐠𑑂𑐰 𑐟𑐶𑐠𑐶 𑐏𑐸𑐣𑐸 𑐖𑐸𑐮𑐶𑐫𑐳 𑐳𑐶𑐖𑐬𑐫𑐵 𑐴𑐟𑑂𑐫𑐵𑐫𑐵 𑐎𑐵𑐬𑐞𑑄 𑐣𑐵𑐩𑐸𑐡 𑐖𑐸𑐮, 𑐐𑐸𑐎𑐶𑐮𑐶𑑄 𑐁𑐂𑐡𑐳 𑐩𑐵𑐬𑑂𑐟𑐶𑐊 𑐫𑐵𑐟 𑐬𑑀𑐩𑐣 𑐂𑐟𑐶𑐴𑐵𑐳𑐫𑐵 𑐕𑐐𑐹 𑐩𑑀𑐜 𑐡𑐫𑐾𑐎𑐮𑑋

𑐁𑐂𑐡𑐳 𑐰𑐵 𑐁𑐂𑐜𑑂𑐳

𑐬𑑀𑐩𑐣𑐟𑐳𑐾𑑄 𑐮𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐣𑑂𑐴𑐶𑐣𑐶𑐳𑐾𑑄 𑐮𑐶𑐥𑐵𑑄𑐐𑐸 𑐣𑑂𑐴𑐶 𑐟𑐎𑐫𑐵 𑐥𑑂𑐬𑐟𑑂𑐫𑐾𑐎 𑐣𑑂𑐴𑐶 𑐮𑑂𑐫𑐵𑑅 𑐩𑐟𑑅𑑋 𑐧𑐬𑐸 𑐂𑐩𑐶𑐳𑑄 𑐮𑐵𑐫𑐵 𑐳𑑂𑐰𑑄𑐐𑐸 𑐣𑐶𑐱𑑂𑐔𑐶𑐟 𑐦𑐸𑐟𑐶𑐂 𑐮𑐶𑐳 𑐮𑑂𑐫𑐵𑑅 𑐏𑐵𑐂𑐐𑐸 𑐖𑐸𑐫𑐵𑐔𑑂𑐰𑐣: 𑐣𑑀𑐣𑑂𑐳 (𑑕 𑐰𑐵 𑑗, 𑐁𑐂𑐜𑑂𑐳 𑐳𑑂𑐰𑐫𑐵 𑑘 𑐣𑑂𑐴𑐸 𑐣𑑂𑐴𑑂𑐫𑑅), 𑐁𑐂𑐜𑑂𑐳 (𑐀𑐢𑐶𑐎𑐵𑑄𑐱 𑐮𑐵𑐫𑐵 𑐣𑐶𑑄𑐟𑐶𑑄 𑑑𑑓𑐐𑐸, 𑐟𑐬 𑐩𑐵𑐬𑑂𑐔, 𑐩𑐾, 𑐖𑐸𑐮𑐵𑐃 𑐰 𑐀𑐎𑑂𑐚𑑀𑐧𑐬𑐫𑑂 𑑑𑑕𑐐𑐸) 𑐰 𑐎𑐵𑐮𑐾𑐣𑑂𑐜𑑂𑐳 (𑐰𑐫𑐵𑑄 𑐮𑐶𑐥𑐵𑐫𑐵 𑐮𑐵𑐫𑐵 𑑑)𑑋

𑐩𑐹𑐮 𑐬𑐸𑐥𑑄 𑐁𑐂𑐜𑑂𑐳 𑐥𑐸𑐣𑑂𑐴𑐶𑑄 𑐣𑐶𑐬𑑂𑐢𑐵𑐬𑐞 𑐖𑐸𑐂𑐩𑐵𑑅𑐐𑐸 𑐏, 𑐐𑐸𑐎𑐶𑐮𑐶𑑄 𑐬𑑀𑐩𑐣 𑐥𑐵𑐟𑑂𑐬𑑀𑐫𑐵 𑐩𑐶𑐮𑐵 𑐥𑐵𑐟𑑂𑐬𑑀𑐫𑐵𑐟 𑐥𑑂𑐬𑐟𑐶𑐧𑐶𑐩𑑂𑐧𑐶𑐟 𑐫𑐵𑐂𑑋 𑐩𑐵𑐬𑑂𑐚𑐶𑐫𑐳 (𑐩𑐵𑐬𑑂𑐔) 𑐃𑐳𑐵𑐥𑐹𑐬𑑂𑐰 𑐣𑐶𑐐𑐹𑐐𑐸 𑐱𑐟𑐵𑐧𑑂𑐡𑐷𑐫𑐵 𑐩𑐢𑑂𑐫 𑐟𑐎𑑂𑐎 𑐬𑑀𑐩𑐣 𑐡𑑃𑐫𑐵 𑐣𑑂𑐴𑐵𑐥𑐵𑑄𑐐𑐸 𑐮𑐵 𑐏, 𑐠𑑂𑐰 𑐎𑑂𑐬𑐩 𑐳𑐾𑐥𑑂𑐚𑐾𑐩𑑂𑐧𑐬 (𑑗𑐐𑐸 𑐮𑐵) 𑐣𑐶𑐳𑐾𑑄 𑐜𑐶𑐳𑐾𑐩𑑂𑐧𑐬 (𑐗𑐶𑐐𑐸 𑐮𑐵) 𑐟𑐎𑑂𑐎𑐫𑐵 𑐮𑐵𑐫𑐵 𑐳𑑄𑐏𑑂𑐫𑐵𑐟𑑂𑐩𑐎 𑐣𑐵𑑄𑐫𑑂 𑐥𑑂𑐬𑐟𑐶𑐧𑐶𑐩𑑂𑐧𑐶𑐟 𑐖𑐸𑐂𑑋 𑐠𑑂𑐰 𑐮𑐵 𑐰𑐬𑑂𑐟𑐩𑐵𑐣 𑐐𑑂𑐬𑐾𑐐𑑀𑐬𑐶𑐫𑐣 𑐥𑐵𑐟𑑂𑐬𑑀𑐫𑑂 𑐡𑑅𑐳𑐵𑑄 𑐮𑐵 𑐟𑐾𑐐𑐸 𑐮𑑂𑐫𑐵 𑐢𑐵𑑅𑐳𑐵 𑐂𑐩𑐶𑐐𑐸 𑐰𑐬𑑂𑐟𑐩𑐵𑐣 𑐳𑑂𑐠𑐶𑐟𑐶𑐣𑐵𑐥 𑐖𑑂𑐰 𑐩𑐮𑐵𑑅𑑋 𑐡𑐎𑐮𑐫𑑂 𑐣𑑂𑐴𑐵𑐥𑐵𑐫𑐵 𑐬𑑀𑐩𑐣 𑐥𑐵𑐟𑑂𑐬𑑀𑐫𑑂 𑐁𑐂𑐡𑐳 𑐩𑐵𑐬𑑂𑐟𑐶𑐊 𑐣𑑂𑐴𑐹𑐡𑑃𑐫𑐵 𑐣𑑂𑐴𑐵𑐥𑐵𑑄𑐐𑐸 𑐥𑐸𑐣𑑂𑐴𑐶 𑐖𑐸𑐫𑐵𑐔𑑂𑐰𑐣𑑋 𑐮𑐵𑐫𑑂 𑐕𑐐𑐹 𑐣𑐶𑐱𑑂𑐔𑐶𑐟 𑐧𑐶𑐣𑑂𑐡𑐸𑐫𑐵 𑐬𑐸𑐥𑐫𑑂 𑐁𑐂𑐜𑑂𑐳𑑄 𑐳𑐎𑐮 𑐮𑐵𑐫𑑂 𑐖𑐸𑐂𑐐𑐸 𑐣𑐶𑐬𑑂𑐢𑐵𑐬𑐶𑐟 𑐥𑐬𑑂𑐰𑐟𑐾𑐐𑐸 𑐃 𑐣𑐶𑐬𑑂𑐢𑐵𑐬𑐞 𑐫𑐵𑐂𑑋 𑐣𑐵𑐥𑑄, 𑐠𑑂𑐰 𑐡𑐶𑑄 𑐟𑑂𑐫𑐵 𑐥𑐸𑐮𑐾𑐐𑐸 𑐰 𑐧𑐵𑐮𑑄 𑐥𑐸𑐮𑐾𑐐𑐸 𑐣𑑂𑐴𑐶 𑐣𑑄 𑐏𑑋

𑐢𑐵𑐬𑑂𑐩𑐶𑐎 𑐣𑐏𑑅

𑐩𑐵𑐬𑑂𑐚𑐶𑐫𑐳 𑐮𑐵𑐫𑐵 𑐣𑐵𑑄 𑐩𑐵𑐬𑑂𑐳 𑐡𑑂𑐫𑑅𑐫𑐵 𑐣𑐵𑐩𑑄 𑐟𑑅𑐐𑐸 𑐏𑑅𑑋 𑐰𑐫𑑂𑐎𑑅𑐫𑐵 " 𑐧𑐸𑑄𑐣𑑂𑐴𑐶 " 𑐠𑑂𑐰 𑐮𑐵𑐫𑐵 𑐣𑑂𑐴𑐵𑐥𑐵𑑄𑐐𑐸 𑐡𑐶𑑄 𑐏𑐸𑐣𑑂𑐴𑐸 𑐴𑐣𑐾𑐐𑐸 𑐫𑐵𑐂, 𑐟𑐬 𑐥𑑂𑐬𑐟𑑂𑐫𑐾𑐎 𑐮𑐵𑐫𑐵 𑐁𑐂𑐜𑑂𑐳 𑐬𑑀𑐩𑐣𑐟𑐫𑑂𑐐𑐸 𑐳𑐬𑑂𑐰𑑀𑐔𑑂𑐔 𑐡𑑂𑐫𑑅 𑐖𑐸𑐥𑐶𑐟𑐬𑐫𑐵 𑐣𑐶𑑄𑐟𑐶𑑄 𑐥𑐰𑐶𑐟𑑂𑐬 𑐖𑐸𑐂 𑑋 𑐦𑑂𑐮𑐾𑐩𑐾𑐣 𑐜𑐵𑐫𑐮𑐶𑐳, 𑐖𑐸𑐥𑐶𑐟𑐬𑐫𑐵 𑐩𑐴𑐵𑐥𑐸𑐬𑑀𑐴𑐶𑐟𑑄, "𑐁𑐂𑐡𑐳𑐫𑐵 𑐦𑐂" ( ovis Idulis)𑐫𑐵𑐟 𑐖𑐵𑐟𑑂𑐬𑐵𑐫𑑂 𑐴𑑅𑐳𑐾𑑄 𑐨𑐶𑐫𑐵 𑐳𑐵𑐎𑑂𑐬𑐵 𑐖𑐸𑐫𑐵𑑅 arx 𑐟𑐎 𑐫𑑄𑐎𑐸𑐳𑐾𑑄 𑐀𑐣 𑐦𑐂𑐫𑐵 𑐧𑐮𑐶 𑐧𑐷𑐐𑐸 𑐥𑑂𑐬𑐠𑐵 𑐡𑐫𑐵𑐔𑑂𑐰𑐣𑑋

𑐣𑑂𑐴𑐸𑐐𑐸 𑐥𑐵𑐟𑑂𑐬𑑀𑐫𑑂 𑐩𑐵𑐬𑑂𑐔 𑐳𑑂𑐰𑐫𑐵 𑐣𑑂𑐴𑑂𑐫𑑅 𑐖𑑂𑐫𑐵𑐣𑐸𑐰𑐬𑐷 𑐰 𑐦𑐾𑐧𑑂𑐬𑐸𑐀𑐬𑐷𑐂 𑐡𑑅𑐳𑐵𑑄 𑐠𑑂𑐰 𑐮𑐵𑑄 𑐠𑑅𑐐𑐸 𑐁𑐥𑐵𑐮𑑄 𑐣𑑂𑐴𑐹𑐡𑑃𑐫𑐵 𑐳𑐩𑐵𑐬𑑀𑐴𑐫𑐵𑐟 𑐎𑐵𑐫𑐩 𑐫𑐵𑐣𑐵𑐟𑐮𑑋 𑐮𑐔𑑂𑐕𑐶𑐂 𑐧𑐷𑐐𑐸 𑐧𑐮𑐶 𑐣𑐵𑐥𑑄 𑐁𑐂𑐡𑐳 𑐩𑐵𑐬𑑂𑐟𑐶𑐊𑐫𑑂 𑐡𑑃𑐫𑐵 𑐡𑐾𑐰𑐷 𑐊𑐣𑑂𑐣𑐳 (𑐮𑑂𑐫𑐵𑐚𑐶𑐣 annus )𑐫𑐵 𑐣𑐏𑑅 𑐰 𑐨𑑂𑐰𑐫𑑂 𑐦𑐶𑐳𑑂𑐟 𑐀𑐦 𑐊𑐣𑐵 𑐥𑐬𑐾𑐣𑐵𑐫𑐵 𑐣𑑄 𑐮𑐵 𑐏 𑑋 𑐥𑐶𑐎𑐣𑐶𑐎, 𑐟𑑂𑐰𑐣𑐾𑐐𑐸, 𑐣𑑂𑐴𑑂𑐫𑐵𑐂𑐥𑐸𑐎𑐾𑐐𑐸 𑐁𑐡𑐶 𑐖𑑂𑐫𑐵 𑐫𑐵𑐣𑐵𑑅 𑐁𑐩 𑐖𑐣𑐟𑐵𑑄 𑐠𑑂𑐰 𑐡𑐶𑑄 𑐄𑐟𑑂𑐳𑐵𑐴𑐥𑐹𑐬𑑂𑐰𑐎 𑐴𑐣𑐾𑐐𑐸 𑐥𑐬𑐩𑑂𑐥𑐬𑐵 𑐡𑐫𑐵𑐔𑑂𑐰𑐣 𑑋 𑐮𑐶𑐥𑐵𑑄𑐐𑐸 𑐥𑑂𑐬𑐵𑐔𑐷𑐣 𑐎𑐵𑐮𑐫𑐵 𑐕𑐐𑐹 𑐳𑑂𑐬𑑀𑐟𑑄 𑐣𑑄 𑐩𑐵𑐩𑐸𑐬𑐵𑐮𑐶𑐫𑐵𑐫𑐵𑐟 𑐁𑐂𑐡𑐳 𑐩𑐵𑐬𑑂𑐟𑐶𑐊𑐫𑑂 𑐟𑑅𑐐𑐸 𑐡𑐸𑑋 𑐧𑐮𑐶𑐫𑐵 𑐡𑐸𑐐𑐸𑐔𑐵 𑐰𑐵 𑐥𑑂𑐬𑐵𑐔𑐷𑐣 𑐐𑑂𑐬𑐷𑐎 𑐳𑑄𑐳𑑂𑐎𑐵𑐬𑐫𑐵 𑐥𑐎𑑂𑐲 𑐡𑐸𑐐𑐸 𑐠𑑂𑐰 𑐣𑐏𑑅𑐫𑑂 𑐥𑐱𑐸𑐫𑐵 𑐕𑑂𑐫𑑄𑐐𑐸𑐮𑐶𑑄 𑐡𑐫𑐾𑐎𑐹𑐐𑐸 𑐰𑐳𑑅 𑐥𑐸𑐣𑐵𑐟𑑅𑐩𑑂𑐴 𑐧𑐸𑐬𑐵𑐩𑑂𑐴 𑐩𑐣𑐹𑐫𑐵𑐟 𑐡𑐵𑐫𑐾𑐐𑐸 𑐰 𑐣𑐐𑐬𑑄 𑐥𑐶𑐟𑐶𑐣𑐾𑐐𑐸 𑐖𑑂𑐫𑐵 𑐖𑐸𑐂𑑋 𑐠𑐸𑐎𑐶𑐮𑐶𑑄𑐥𑐸𑐮𑐵𑑄𑐐𑐸 𑐡𑑃𑐫𑐵𑐟 𑐥𑐶𑐟𑐶𑐣𑐾𑐐𑐸 𑐥𑑂𑐬𑐟𑐶𑐣𑐶𑐢𑐶𑐟𑑂𑐰 𑐫𑐵𑐂𑐐𑐸 𑐣𑑂𑐴𑐹𑐐𑐸 𑐡𑑃𑐫𑐵 𑐣𑐏𑑅 𑐖𑐸𑐂𑐦𑐸𑐐𑐸 𑐰𑐶𑐖𑑂𑐘𑐟𑐾𑐐𑐸 𑐰𑐶𑐱𑑂𑐰𑐵𑐳 𑐡𑐸𑑋

𑐮𑐶𑐥𑐵𑐫𑐵 𑐱𑐵𑐴𑐷 𑐎𑐵𑐮𑐫𑑂, 𑐁𑐂𑐜𑑂𑐳𑑄 𑐳𑐵𑐂𑐧𑐾𑐮𑐾 𑐰 𑐊𑐚𑐶𑐳𑐫𑐵𑐟 𑐴𑐣𑐾𑐐𑐸 𑐣𑐏𑑅𑐫𑐵 "𑐥𑐰𑐶𑐟𑑂𑐬 𑐰𑐵𑑅" 𑐣𑑂𑐴𑑂𑐫𑐵𑐎𑐮𑑋 𑐠𑑂𑐰 𑐡𑐶𑑄 Canna intrat 𑐫𑐵 𑐡𑐶𑑄 𑐏 𑐐𑐧𑐶𑐮𑐾 𑐊𑐚𑐶𑐳𑐫𑐵 𑐖𑐣𑑂𑐩 𑐖𑐸𑐮 𑐰 𑐦𑑂𑐬𑐶𑐖𑐶𑐫𑐣 𑐏𑐸𑐳𑐶𑐫𑐵 𑐗𑐵𑑅𑐫𑐵 𑐡𑐠𑐸𑐂 𑐰 𑐩𑐔𑐵 𑐮𑐸𑐫𑐵𑐰𑐮𑑋 𑐰𑐫𑐵𑐟 𑐖𑐰𑐵𑑅 𑐧𑐵𑐫𑑂 𑐡𑐾𑐰𑐷 𑐳𑐵𑐂𑐧𑐾𑐮𑑄 𑐮𑐸𑐂𑐎𑐹𑐐𑐸 𑐏𑑅, 𑐐𑐸𑐩𑑂𑐴𑐾𑐳𑐶𑐟 Magna Mater ("𑐩𑐴𑐵𑐣𑑂 𑐩𑐵𑑄") 𑐣𑑄 𑐢𑐵𑐂𑑋 𑐕𑐰𑐵𑑅 𑐮𑐶𑐥𑐵, 𑑒𑑒 𑐩𑐵𑐬𑑂𑐔 𑐏𑐸𑐣𑑂𑐴𑐸, Arbor intrat𑐫𑐵 𑐐𑐩𑑂𑐨𑐷𑐬 𑐮𑐸𑐩𑐣𑑂𑐟𑐶 ("𑐡 𑐚𑑂𑐬𑐷 𑐂𑐣𑑂𑐚𑐬𑑂𑐳") 𑐏𑐸𑐣𑐸 𑐳𑐮𑑂𑐮𑐵𑐫 𑐳𑐶𑐩𑐵 𑐎𑑂𑐰𑐫𑑂 𑐊𑐚𑐶𑐳𑐫𑐵 𑐩𑐺𑐟𑑂𑐫𑐸𑐫𑐵𑐟 𑐮𑐸𑐩𑐒𑑂𑐎𑐶𑐐𑐸 𑐖𑐸𑐂𑑋 𑐥𑐸𑐖𑐵𑐬𑐷𑐟𑐾𑐐𑐸 𑐕𑐐𑐹 𑐥𑐸𑐔𑑅 dendrophoroi ("𑐳𑐶𑐩𑐵 𑐰𑐵𑐴𑐎")𑐟𑐾𑐳𑑄 𑐡𑑃𑐫𑑂 𑐡𑑃𑐳𑑄 𑐕𑐐𑐹 𑐳𑐶𑐩𑐵 𑐥𑐵𑐮𑐵𑑅 𑐄𑐎𑐷 𑐀𑐚𑐶𑐳𑐫𑐵 𑐎𑐶𑐥𑐵 𑐏𑐵𑐫𑐵 𑐩𑐵𑐐𑑂𑐣𑐵 𑐩𑐵𑐟𑐾𑐬𑑂𑐫𑐵 𑐡𑐾𑐐𑐮𑐫𑑂 𑐧𑐶𑐮𑐵𑐥 𑐫𑐵𑐳𑐾𑑄 𑐫𑑄𑐎𑐶𑑋 𑐎𑑂𑐮𑐵𑐄𑐜𑐶𑐫𑐳 ( d. 𑑕𑑔)𑐫𑐵 𑐀𑐢𑐷𑐣𑐫𑑂 𑐠𑑂𑐰 𑐡𑐶𑑄𑐫𑐵𑐟 𑐁𑐢𑐶𑐎𑐵𑐬𑐶𑐎 𑐬𑑀𑐩𑐣 𑐥𑐵𑐟𑑂𑐬𑑀𑐫𑐵 𑐕𑐐𑐹 𑐨𑐵𑐐𑐫𑐵 𑐬𑐸𑐥𑐫𑑂 𑐍𑐥𑐔𑐵𑐬𑐶𑐎𑐟𑐵 𑐧𑐶𑐫𑐵𑐟𑑅𑐐𑐸 𑐏𑑋 𑐳𑑂𑐰𑐣𑑂𑐴𑐸𑐫𑐵 𑐱𑑀𑐎𑐫𑐵 𑐃 𑐮𑐶𑐥𑐵 𑐖𑐸𑐮𑐶𑐫𑐣 𑐥𑐵𑐟𑑂𑐬𑑀𑐫𑑂 𑐰𑐳𑐣𑑂𑐟 𑐰𑐶𑐲𑐸𑐰𑐫𑐵 𑐟𑐶𑐠𑐶 𑑒𑑕 𑐩𑐵𑐬𑑂𑐔𑐫𑑂 𑐊𑐚𑐶𑐳𑐫𑐵 𑐥𑐸𑐣𑐬𑑂𑐖𑐣𑑂𑐩𑐫𑐵 𑐣𑐏𑑅 𑐖𑐸𑐂 𑑋

𑐳𑐶𑐖𑐬𑐫𑐵 𑐴𑐟𑑂𑐫𑐵

𑐁𑐢𑐸𑐣𑐶𑐎 𑐃𑐮𑐫𑑂 𑐁𑐂𑐡𑐳 𑐩𑐵𑐬𑑂𑐟𑐶𑐊𑐫𑐵𑐟 𑐃𑐳𑐵𑐥𑐹𑐬𑑂𑐰 𑑔𑑔𑐫𑑂 𑐖𑐸𑐮𑐶𑐫𑐳 𑐳𑐶𑐖𑐬𑐫𑐵 𑐴𑐟𑑂𑐫𑐵 𑐖𑐹𑐐𑐸 𑐟𑐶𑐠𑐶𑐫𑐵 𑐬𑐸𑐥𑐫𑑂 𑐡𑐎𑐮𑐫𑑂 𑐀𑐥𑑂𑐰 𑐩𑑂𑐴𑐳𑐷𑐎𑐶𑐐𑐸 𑐫𑐵𑑋 𑐳𑐶𑐣𑐾𑐚𑐫𑐵 𑐧𑐿𑐛𑐎𑐫𑑂 𑐳𑐶𑐖𑐬𑐫𑐵𑐟 𑐕𑐸𑐬𑐵𑑄 𑐎𑐫𑐾𑐎𑐵 𑐳𑑂𑐫𑐵𑑅𑐐𑐸 𑐏𑑅 𑑋 𑐧𑑂𑐬𑐸𑐚𑐳 𑐰 𑐎𑑂𑐫𑐵𑐳𑐶𑐫𑐳𑐫𑐵 𑐣𑐾𑐟𑐺𑐟𑑂𑐰𑐫𑑂 𑑖𑑐 𑐩𑑂𑐴 𑐲𑐜𑐫𑐣𑑂𑐟𑑂𑐬𑐎𑐵𑐬𑐷𑐟 𑐠𑑂𑐰 𑐴𑐟𑑂𑐫𑐵𑐫𑑂 𑐡𑐸𑐠𑑂𑐫𑐵𑑅𑐐𑐸 𑐏𑑅 𑑋 𑐥𑑂𑐮𑐸𑐚𑐵𑐬𑑂𑐎𑐫𑐵 𑐎𑐠𑑄, 𑐕𑐩𑑂𑐴 𑐨𑐰𑐶𑐲𑑂𑐫𑐡𑑂𑐬𑐲𑑂𑐚𑐵𑑄 𑐩𑐵𑐬𑑂𑐔𑐫𑐵 𑐁𑐂𑐜𑑂𑐳𑐫𑑂 𑐳𑐶𑐖𑐬𑐫𑐵𑐟 𑐣𑑀𑐎𑑂𑐳𑐵𑐣 𑐖𑐸𑐂𑐐𑐸 𑐔𑐾𑐟𑐵𑐰𑐣𑐷 𑐧𑐶𑐄𑐐𑐸 𑐏𑑅 𑑋 𑐥𑑀𑐩𑑂𑐥𑐾𑐫𑐵 𑐠𑐶𑐊𑐚𑐬𑐫𑑂 𑐰𑐣𑐾𑐐𑐸 𑐗𑑂𑐰𑐮𑐫𑑂, 𑐐𑐣 𑐮𑐶𑐥𑐵 𑐳𑐶𑐖𑐬𑐫𑐵𑐐𑐸 𑐴𑐟𑑂𑐫𑐵 𑐖𑐸𑐮, 𑐳𑐷𑐖𑐬𑑄 𑐡𑑂𑐬𑐲𑑂𑐚𑐵𑐫𑐵𑐟 𑐨𑐰𑐶𑐲𑑂𑐫𑐰𑐵𑐞𑐷𑐫𑐵 𑐏𑑂𑐫𑐵𑑅 𑐫𑐵𑐳𑐾𑑄 "𑐁𑐂𑐡𑐳 𑐩𑐵𑐬𑑂𑐟𑐶𑐊 𑐰𑐮" 𑐢𑐵𑐳𑐾𑑄 𑐨𑐰𑐶𑐲𑑂𑐫𑐰𑐵𑐞𑐷 𑐥𑐹𑐰𑐣𑐾 𑐩𑐦𑐸𑐐𑐸 𑐢𑑂𑐫𑐵𑐔𑐹 𑐧𑐶𑐮𑑋 𑐠𑐸𑐎𑐶𑐫𑐵𑐟 𑐡𑑂𑐬𑐲𑑂𑐚𑐵𑑄 𑐮𑐶𑐳𑑅 𑐧𑐶𑐮, "𑐀𑐫𑑂, 𑐁𑐂𑐡𑐳 𑐩𑐵𑐬𑑂𑐟𑐶𑐊 𑐰𑐮 𑐟𑐬 𑐁𑐂𑐡𑐳 𑐩𑐵𑐬𑑂𑐟𑐶𑐊 𑐰𑑄𑐐𑐸 𑐩𑐡𑐸𑐣𑐶𑑋" ^[१] 𑐠𑑂𑐰 𑐩𑐸𑑃𑐖𑑂𑐫𑐵 𑐰𑐶𑐮𑐶𑐫𑐩 𑐱𑐾𑐎𑑂𑐳𑐥𑐶𑐫𑐬𑐫𑐵 𑐣𑐵𑐚𑐎 𑐖𑐸𑐮𑐶𑐫𑐳 𑐳𑐶𑐖𑐬𑐫𑑂 𑐥𑑂𑐬𑐳𑐶𑐡𑑂𑐢 𑐣𑐵𑐚𑐎𑐷𑐫 𑐬𑐸𑐥𑑄 𑐡𑐫𑐾𑐎𑐵 𑐟𑑅𑐐𑐸 𑐡𑐸, 𑐐𑐸𑐧𑐮𑐫𑑂 𑐳𑐶𑐖𑐬𑐫𑐵𑐟 𑐨𑐰𑐶𑐲𑑂𑐫𑐰𑐎𑑂𑐟𑐵𑑄 "𑐩𑐵𑐬𑑂𑐔𑐫𑐵 𑐁𑐂𑐜𑑂𑐳 𑐳𑑂𑐰𑐫𑐵 𑐳𑐵𑐰𑐢𑐵𑐣 𑐖𑐸" 𑐢𑐎𑐵𑑅 𑐔𑐾𑐟𑐵𑐰𑐣𑐷 𑐧𑐶𑐫𑐵𑐟𑑅𑐐𑐸 𑐡𑐸𑑋 ^[२] ^[३] 𑐬𑑀𑐩𑐣 𑐖𑐷𑐰𑐣𑐷 𑐔𑑂𑐰𑐩𑐶 𑐳𑐸𑐊𑐚𑑀𑐣𑐶𑐫𑐳 "𑐡𑐺𑐲𑑂𑐚𑐶"𑐫𑐵𑐟 𑐳𑑂𑐥𑐸𑐬𑐶𑐣𑑂𑐣𑐵 𑐣𑐵𑑄𑐫𑐵 𑐴𑐬𑐸𑐳𑑂𑐥𑐾𑐎𑑂𑐳𑐫𑐵 𑐬𑐸𑐥𑐫𑑂 𑐩𑑂𑐴𑐳𑐷𑐎𑐵𑐡𑐶𑐐𑐸 𑐡𑐸𑑋

𑐳𑐶𑐖𑐬𑐫𑐵 𑐴𑐟𑑂𑐫𑐵𑑄 𑐬𑑀𑐩𑐣 𑐐𑐞𑐬𑐵𑐖𑑂𑐫𑐫𑐵 𑐳𑑄𑐎𑐚𑐫𑐵 𑐀𑐣𑑂𑐟𑐶𑐩 𑐀𑐢𑑂𑐫𑐵𑐫 𑐔𑐵𑐫𑐾𑐎𑐮 𑑋 𑐳𑐶𑐖𑐬𑐫𑐵 𑐐𑐺𑐴 𑐫𑐸𑐡𑑂𑐢𑐫𑑂 𑐳𑐶𑐖𑐬𑐫𑐵 𑐰𑐶𑐖𑐫 𑐢𑐸𑑄𑐎𑐵𑐫𑐵 𑐩𑐺𑐟𑑂𑐫𑐸𑑄 𑐀𑐥𑑂𑐰 𑐬𑑀𑐩𑐣 𑐐𑐺𑐴𑐫𑐸𑐡𑑂𑐢𑐫𑐵 𑐗𑑂𑐰𑑅 𑐣𑑂𑐴𑑂𑐫𑐵𑐎𑐮 𑐐𑐸𑐎𑐶𑐮𑐶𑑄 𑐀𑐣𑑂𑐟𑐟𑑅 𑐰𑐫𑑂𑐎𑑅𑐫𑐵 𑐄𑐟𑑂𑐟𑐬𑐵𑐢𑐶𑐎𑐵𑐬𑐷 𑐀𑐎𑑂𑐚𑐾𑐨𑐶𑐫𑐣𑐫𑐵 𑐊𑐎𑐕𑐟𑑂𑐬 𑐱𑐎𑑂𑐟𑐶𑐫𑐵 𑐄𑐡𑐫 𑐖𑐸𑐮𑑋 𑑒𑑗 𑐃𑐳𑐵𑐥𑐹𑐬𑑂𑐰𑐫𑑂 𑐀𑐎𑑂𑐚𑐾𑐨𑐶𑐫𑐣 𑐳𑐩𑑂𑐬𑐵𑐚 𑐀𑐐𑐳𑑂𑐚𑐳 𑐖𑐸𑐮, 𑐰 𑐠𑑂𑐰 𑐎𑐠𑑄 𑐎𑐠𑑄 𑐰𑐫𑑂𑐎𑐮𑑄 𑐀𑐣𑑂𑐟𑐟𑑅 𑐬𑑀𑐩𑐣 𑐐𑐞𑐬𑐵𑐖𑑂𑐫𑐫𑐵 𑐀𑐣𑑂𑐟𑑂𑐫 𑐫𑐵𑐣𑐵𑐡𑐶𑐮𑑋 𑐀𑐐𑐳𑑂𑐚𑐳𑐫𑐵 𑐀𑐢𑐷𑐣𑐫𑑂 𑐔𑑂𑐰𑐫𑐵𑐡𑐷𑐩𑑂𑐴 𑐌𑐨𑐶𑐜𑑄 𑐴𑐟𑑂𑐫𑐵𑐫𑐵𑐟 𑐥𑐰𑐶𑐟𑑂𑐬𑐟𑐵𑐫𑐵 𑐀𑐥𑐩𑐵𑐣𑐫𑐵 𑐬𑐸𑐥𑐫𑑂 𑐎𑑂𑐫𑐣𑐵𑐡𑐷𑐐𑐸 𑐡𑐸, 𑐕𑐵𑐫𑑂 𑐢𑐵𑑅𑐳𑐵 𑐳𑐶𑐖𑐬 𑐬𑑀𑐩𑐫𑐵 pontifex maximus 𑐣𑐵𑐥𑑄 𑐨𑐾𑐳𑑂𑐟𑐵𑐫𑐵 𑐕𑐩𑑂𑐴 𑐥𑐸𑐖𑐵𑐬𑐷 𑐣𑑄 𑐖𑐸𑐫𑐵𑐔𑑂𑐰𑐣𑑋 𑑔𑑐 𑐃𑐳𑐵𑐥𑐹𑐬𑑂𑐰𑐫𑑂 𑐳𑐶𑐖𑐬𑐫𑐵 𑐩𑐺𑐟𑑂𑐫𑐸𑐫𑐵 𑐥𑑂𑐫𑑄𑐐𑐹𑐐𑐸 𑐰𑐵𑐬𑑂𑐲𑐶𑐎𑑀𑐟𑑂𑐳𑐰𑐫𑑂 𑐥𑐾𑐬𑐸𑐐𑐶𑐫𑐵𑐫𑐵 𑐑𑐾𑐬𑐵𑐧𑐣𑑂𑐡𑐷𑐂 𑐰𑐶𑐖𑐫 𑐥𑑂𑐬𑐵𑐥𑑂𑐟 𑐫𑐵𑐫𑐾𑐢𑐸𑑄𑐎𑐵 𑐀𑐎𑑂𑐚𑐾𑐨𑐶𑐫𑐣𑑄 𑐩𑐵𑐬𑑂𑐎 𑐊𑐣𑑂𑐚𑑀𑐣𑐷𑐫𑐵 𑐎𑐶𑐖𑐵 𑐮𑐸𑐳𑐶𑐫𑐳 𑐊𑐣𑑂𑐚𑑀𑐣𑐶𑐫𑐳𑐫𑐵 𑐀𑐢𑐷𑐣𑐫𑑂 𑐠𑑅𑐐𑐸 𑐰𑐶𑐬𑐸𑐡𑑂𑐢 𑐮𑑂𑐰𑐵𑐣𑐵𑐔𑑂𑐰𑑄𑐥𑐶𑑄 𑑓𑑐𑑐 𑐳𑐶𑐣𑐾𑐚𑐬 𑐰 𑐂𑐎𑑂𑐰𑐶𑐚𑐫𑐵𑐟 𑐳𑑂𑐫𑐵𑐣𑐵𑐧𑐶𑐮𑑋 𑐳𑐶𑐖𑐬𑐫𑐵 𑐩𑐺𑐟𑑂𑐫𑐸𑐫𑐵 𑐧𑐡𑐮𑐵 𑐎𑐵𑐫𑐾𑐟 𑐀𑐎𑑂𑐚𑐾𑐨𑐶𑐫𑐣𑑄 𑐫𑐵𑑅𑐐𑐸 𑐱𑑂𑐬𑐺𑑄𑐏𑐮𑐵𑐧𑐡𑑂𑐢 𑐖𑑂𑐫𑐵𑐏𑑃 𑐩𑐢𑑂𑐫𑐾 𑐠𑑂𑐰 𑐩𑐺𑐟𑑂𑐫𑐸𑐡𑐞𑑂𑐜 𑐣𑑄 𑐕𑐐𑐹 𑐏𑑅 𑑋 𑐳𑐸𑐊𑐚𑑀𑐣𑐶𑐫𑐳 𑐰 𑐂𑐟𑐶𑐴𑐵𑐳𑐎𑐵𑐬 𑐎𑑂𑐫𑐵𑐳𑐶𑐫𑐳 𑐜𑐵𑐫𑑀𑑄 𑐠𑑂𑐰 𑐰𑐢𑐫𑐵𑐟 𑐢𑐵𑐬𑑂𑐩𑐶𑐎 𑐧𑐮𑐶𑐡𑐵𑐣𑐫𑐵 𑐬𑐸𑐥𑐫𑑂 𑐰𑐶𑐱𑐾𑐲𑐟𑐵 𑐧𑐶𑐫𑐵𑐡𑐶𑐮, 𑐠𑑂𑐰 𑐁𑐂𑐡𑐳 𑐩𑐵𑐬𑑂𑐟𑐶𑐊𑐫𑑂 𑐡𑐾𑐰𑐟𑐵 𑐖𑐸𑐮𑐶𑐫𑐳𑐫𑐵 𑐣𑑂𑐴𑐸𑐐𑐸 𑐩𑐣𑑂𑐡𑑅 𑐖𑐹𑐐𑐸 𑐚𑐶𑐥𑑂𑐥𑐞𑐷 𑐫𑐵𑐣𑐵𑐡𑐶𑐮𑑋

𑐠𑑂𑐰 𑐣𑑄 𑐳𑑂𑐰𑐫𑐵𑐡𑐶𑐳𑑃

𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 – 𑐠𑑀𑐬𑑂𑐣𑐚𑐣 𑐰𑐵𑐂𑐮𑑂𑐜𑐬𑐫𑐵 𑑑𑑙𑑔𑑘 𑐫𑐵 𑐕𑐐𑐹 𑐄𑐥𑐣𑑂𑐫𑐵𑐳
𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 (𑐀𑐣𑐸𑐩𑐵𑐣𑐶𑐟 𑑑𑑙𑑖𑑔) – 𑐕𑐐𑐹 𑐀𑐩𑐾𑐬𑐶𑐎𑐷 𑐳𑑄𑐐𑐷𑐟 𑐥𑐸𑐔𑑅
"𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔" – 𑐁𑐂𑐬𑐣 𑐩𑐾𑐜𑐣𑐫𑐵 𑑑𑑙𑑘𑑑 𑐫𑐵 𑐕𑐥𑐸 𑐩𑑂𑐫𑐾
"𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔" - 𑐳𑐶𑐮𑑂𑐨𑐬𑐳𑑂𑐚𑐷𑐣𑐫𑐵 𑑒𑑐𑑐𑑕 𑐫𑐵 𑐕𑐥𑐸 𑐩𑑂𑐫𑐾
𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 – 𑐨𑐮𑐾𑐬𑐶𑐫𑑀 𑐩𑐵𑐳𑐶𑐩𑑀 𑐩𑐵𑐣𑐦𑑂𑐬𑐾𑐜𑐷𑐫𑐵 𑑒𑑐𑑐𑑘 𑐫𑐵 𑐕𑐐𑐹 𑐄𑐥𑐣𑑂𑐫𑐵𑐳
𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 – 𑐖𑐬𑑂𑐖 𑐎𑑂𑐮𑐸𑐣𑐷, 𑐧𑑂𑐫𑐹 𑐰𑐶𑐮𑐶𑐩𑑀𑐣 𑐰 𑐐𑑂𑐬𑐵𑐣𑑂𑐚 𑐴𑐾𑐳𑑂𑐮𑑀𑐨𑐫𑐵 𑑒𑑐𑑑𑑑 𑐫𑐵 𑐕𑐐𑐹 𑐳𑑄𑐎𑐶𑐥𑐵 .
𑐡 𑐁𑐂𑐜𑑂𑐳 𑐀𑐦 𑐩𑐵𑐬𑑂𑐔 - 𑐩𑐵𑐂𑐮𑑂𑐳 𑐎𑐾𑐣𑐾𑐜𑐷𑐫𑐵 𑑒𑑐𑑒𑑑 𑐳𑑄𑐐𑐷𑐟 𑐊𑐮𑑂𑐧𑐩

𑐮𑐶𑐢𑑄𑐳𑐵

↑ Cite error: Invalid <ref> tag; no text was provided for refs named plutarch
↑ William Shakespeare, Julius Caesar, Act 1, Scene II. The Literature Network. Jalic, Inc (2010).
↑ William Shakespeare, Julius Caesar, Act 3, Scene I. The Literature Network. Jalic, Inc (2010).

𑐥𑐶𑐣𑐾𑐫𑐵 𑐳𑑂𑐰𑐵𑐥𑐹

[plutarch-1] Cite error: Invalid <ref> tag; no text was provided for refs named plutarch

[2] William Shakespeare, Julius Caesar, Act 1, Scene II. The Literature Network. Jalic, Inc (2010).

[3] William Shakespeare, Julius Caesar, Act 3, Scene I. The Literature Network. Jalic, Inc (2010).

[१]

[२]

[३]