हार्पसिकर्द

नेपाललिपि परिक्षण: 𑐠𑑂𑐰 𑐥𑑁𑐫𑐵 𑐣𑐾𑐥𑐵𑐮𑐮𑐶𑐥𑐶𑐂 𑐥𑐬𑐶𑐎𑑂𑐲𑐞 𑐥𑑁 𑐧𑑂𑐰𑐣𑐾𑐟: हार्पसिकर्द 𑐟𑐶𑐫𑐵𑐡𑐶𑐳𑑄𑑋

थ्व हार्प्सिकर्ड निम्ह नांजाःपिं निर्मातातेगु ज्या ख: मूल रुपं एन्टवर्पय् एन्ड्रियास रकर्सं दयेकूगु (१६४६), लिपा पेरिसय् पास्कल टास्किनं पुनःनिर्माण व विस्तार याःगु (१७८०)।

हार्प्सिकर्द छगू कीबोर्ड बाजं ख गुकिलिं छझ्वः तारयात थाना थःगु सः पिकाइ। हार्प्सिकर्दय् छगू कीयात तिबलय् थुकिया लिउनेया भाग बाजं दुने थकाइ, गुकिलिं लिपा (छगू वा यक्व) ज्याकयात ल्ह्वनी। प्रत्येक ज्याकय् क्विल वा प्लास्टिकं दयेकूगु चिधंगु प्लेक्ट्रमयात सिँया छपू सालुगु बाला नाप स्वाना तइ। प्रत्येक प्लेक्ट्रमं छगू हे निश्चित तार थाइ। थ्व बाजं दुनेया तारतेत साउन्डबोर्डय् कसेयाना तयातःगु दै, गुकियात सिँया बट्टा दुने स्वथना तइ। साउन्डबोर्डं तारया कम्पनयात अप्वयेकी गुकिं यानाः न्यनामिपिन्सं सः/संगीत न्यनेफइ। हार्पसिकर्डय् अप्वः धया थें छगू स्वयां अप्वः तारया कोइर (choir) पुचः दइ । बाजं थायेबलय् गुगु कोइर पुचलं सः पिकाइ धकाः ल्ययेत थीथी उपकरण छ्यली; थुकिलि साधारण लिभर, वा अप्व विस्तृत उपकरणय् छगू स्वया अप्व कीबोर्डयात छ्यलीगु जुइफु।

हार्पसिकर्द खँग्वलं छगू समान प्लक्ड-कीबोर्ड उपकरणया मुक्कं परिवारयात म्हसीकी, गुकिलि चिधंगु भर्जिनल, म्युजलर व स्पाइनेट नं दुथ्याः। हार्प्सिकर्दर पुनर्जागरण व बारोक संगीतय् व्यापक रुपं छ्येलातःगु ख, निगुलिं मंका व एकल बाजंया रुपय्। बारोक युगय् हार्प्सिकर्ड कन्टिन्युओ पुचःया छगू मानक ब्व ख। १८गु शताब्दीया अन्तय्, पियानोया प्रसार नापं, हार्पसिकर्ड बुलुहुँ संगीतया ख्यलं मदया वन। थुकिया अपवाद ओपेरा ख, गन थ्व रेसिटेटिभया नापं थौंकन्हे नं थाइगु जुयाच्वन। २०गु शताब्दीइ थ्व बाजंया पुनरुत्थान जुल, व पुलांगु संगीतया ऐतिहासिक सूचित पिथनाय् न्हुगु रचनाय् व लोकंह्वाःगु संगीतया छुं शैलीइ थ्व बाजं छ्येलातःगु दु।

ताजि

भर्जिनल

भर्जिनल धइगु हार्प्सिकर्दया छगू चिधंगु व सरल प्यकुंलाःगु रुप ख गुकिलि छगू नोटय् छगू जक्क तार दइ; तारत कीबोर्डया समानान्तर दइ, गुगु केसया ताःहाकःगु ब्वय् लाः ।

स्पिनेत

स्पिनेत धाःगु छगू थन्याःगु हार्प्सिकर्द ख गुकिया तारयात कीबोर्डया कोणय् (सामान्यतया करिब ३० डिग्री) दयाच्वनि। तार तसकं सत्तिक जुइगुलिं ज्याक फित जुइमखु। बरु तारयात ज्वराय् तयातःसें ज्याकयात ज्वराया दथुइ तःधंगु ह्वगंगु थासय् तयातःगु दइ। प्रत्येक ह्वलय् च्वंगु निगु ज्याकया ख्वाः विपरीत दिशाय् जुइ, व प्रत्येक ज्याकं ह्वया लिक्क च्वंगु छगू तार प्लक याइ।

क्लाभिसिथेरियम

क्लाभिसिथेरियम छगू हार्प्सिकर्ड ख गुकिलि साउन्डबोर्ड व तारत बाजंथानामिया न्ह्यःने धस्वाकः तयातःगु दइ, म्हो थाय् छ्यलीगु बाजंया थ्व हे सिद्धान्त छगू धस्वाःगु पियानोय् नं खनेदु। ^[१] क्लाभिसिथेरियमय् गुरुत्वाकर्षणया ग्वाहालि मकासे ज्याक ग्वतुइका तइ, गुकियाना क्लाभिसिथेरियमया थायेगु ज्या मेमेगु हार्प्सिकर्ड स्वया अप्व जटिल जुइ।

ओताभिनो

ओटाभिनी प्यंगू फिटया पिचय् चिचिधंगु स्पाइनेट वा भर्जिनल खः। अक्टेभ पिचया हार्पसिकर्ड प्रारम्भिक पुनर्जागरणय् अप्व लोकंह्वात, तर लिपा लोकप्रियता म्हो जुल। अथे जुसां ओताभिनो १९गु शताब्दी तक्क इटालीइ छेँखा बाजंया रुपय् तसकं लोकंह्वात। लो कन्ट्रीइ छगू ओताभिनोयात सामान्यतया ८' भर्जिनलनाप ज्वरा दयेकिगु या, गुकियात तःधंगु बाजंया साउन्डबोर्डया क्वय् छगू चिधंगु कबी(cubby)इ त्वपुया तइ। ओताभिनोयात लिकयाः भर्जिनलया च्वय् तयेछिं, गुकिं डबल म्यानुअल बाजं दयेकेफइ। थुपिंत गबलें गबलें ‘मां व मचा’ ^[२] वा ‘डबल’ भर्जिनल नं धाइ । ^[३]

पेडल हार्प्सिकर्द

गबलें गबलें हार्प्सिकर्द दयेकिबिले हार्प्सिकर्दया क्वय् तारया मेगु सेट तया तुतिं संकाः पेडल कीबोर्डं थायेगु याइ। थन्याःगु बाजंयात हार्प्सिकर्डया दकलय् म्हो पिचयात थायेत ग्वहालि याइ। १८गु शताब्दी वा व स्वया न्ह्यःया छुं पेडल हार्प्सिकर्ड लुयामवसां, एदलङ (१७५८)जुं थुकिया खँ च्वयादीगु दु।

नांजाःपिं हार्पसिकर्द बाजंमित

लिधंसा

↑ Dearling 1996, p. 138.
↑ Kottick 2003.
↑ Marchand, Leslie Alexis (1973). Byron's letters and journals: 1816–1817 : 'So late into the night'. Harvard: Harvard University Press. "Model IX is the famous double virginal. An ottavino of model VIII is inserted into the case of the virginal like a drawer slipping into a bureau."

[FOOTNOTEDearling1996138-1] Dearling 1996, p. 138.

[FOOTNOTEKottick2003-2] Kottick 2003.

[3] Marchand, Leslie Alexis (1973). Byron's letters and journals: 1816–1817 : 'So late into the night'. Harvard: Harvard University Press. "Model IX is the famous double virginal. An ottavino of model VIII is inserted into the case of the virginal like a drawer slipping into a bureau."

[१]

[२]

[३]