स्वान लेक
स्वान लेक (रुसी भासय्: Лебеди́ное о́зеро , लेबेदिनोजे ओजेरो , आईपीए: [lwɪbwɪˈdjinəjə ˈozjɪrə] ),ओप.२०,रुसी संगीतकार प्योत्र इलिच चाइकोभस्कीं सन् १८७५–७६य् दयेकादीगु छगू ब्याले ख। थ्व ब्याले न्हापा असफल जूसां नं आः वयाः थ्व दकलय् लोकंह्वाःगु ब्याले मध्ये छगू जूगु दु।
न्हापा निगू एक्टय् दुगु थुकिया पृष्ठभूमि रुसी व जर्मन लोक बाखंपाखें दयेकूगु खःसा थुकी छम्ह दुष्ट जादुगरया अभिशापं हंय् या रुपय् हिलातःम्ह राजकुमारी ओदेतया बाखं कनातःगु दु। थुकिया न्हापांगु निर्माणया कोरियोग्राफर जुलियस रेइजिन्जर (भाक्लाभ रेइजिन्जर) खः। थुगु ब्यालेयात बोल्शोइ ब्यालें 4 March [O.S. 20 February] 1877 २०२० खुन्हु [१] [२] मस्कोया बोल्शोइ थिएटरय् पिथंगु खः। थ्व यक्व थी-थी संस्करणय् न्ह्यब्वयातःगु जूसां अप्व ब्याले कम्पनीतेसं थःगु मञ्चनयात कोरियोग्राफिक व संगीतया रुपय् निगुलिं कथं सन् १८९५या मारियस पेटिपा व लेभ इभानोभया पुनरुत्थानय् आधारित याइ, गुकियात दकलय् न्हापां इम्पेरियल ब्यालेया निंतिं १५ जनवरी १८९५य् सेन्ट पिटर्सबर्गया मारिन्स्की थिएटरय् मञ्चन याःगु ख। थ्व पुनरुत्थानया निंतिं चाइकोभस्कीया स्कोरयात सेन्ट पिटर्सबर्ग इम्पेरियल थिएटरया मू संचालक व संगीतकार रिकार्डो ड्रिगों संशोधन यात। [३]
इतिहास
[सम्पादन]
ब्यालेया उत्पत्ति
[सम्पादन]मूल लिब्रेतो सुनां च्वल, वा प्लाटया निंतिं बिचाः गनं वःगु धकाः प्रमाणित यायेत छुं नं प्रमाण मदु। थ्व ब्यालेय् रुसी व जर्मन लोक बाखंयात सम्भावित स्रोतया रुपय् प्रस्तावित याःगु दु, गुकिलि जोहान कार्ल अगस्ट मुसाउसया "द स्टोलन भेल" नं ला, तर थ्व बाखं ब्याले स्वया यक्व फरक दु। [४]
छगू सिद्धान्त कथं मूल कोरियोग्राफर, जुलियस रेसिन्जर छम्ह बोहेमियन जूगुलिं "द स्टोलन भेल" नाप परिचित जुइगु सम्भावना दु व थ्व हे प्रभावं वय्कलं थ्व बाखं दयेकादिल। [५] मेगु सिद्धान्त कथं मस्को इम्पेरियल थिएतरया निर्देशक च्वमि भ्लादिमिर पेट्रोभिच बेगिचेभं थ्व ब्याले च्वयादिल, सम्भवतः मस्को बोल्शोइ थिएटरया डान्सर वासिली गेल्त्सर नापं। थ्व ब्यालेया लिब्रेतोया ल्यनाच्वंगु प्रतिलिपिइ वय्कःया नां दु। न्हापांगु प्रकाशित लिब्रेतो यक्व थासय् चाइकोभस्कीया संगीतनाप मेल मजूगुलिं छगू सिद्धान्त कथं न्हापांगु प्रकाशित संस्करण छम्ह पत्रकारं प्रारम्भिक रिहर्सल स्वयेधुंका च्वःगु ख (न्हुगु ओपेरा व ब्याले निर्माणया रिपोर्ट न्ह्याबलें पत्रपत्रिकाय् थःथःगु पृष्ठभूमि नापं पिथपिगुलिं थ्व सिद्धान्त वःगु ख)।
चाइकोभस्कीया छुं समकालीनतेसं वय्कलं बभेरियाया जुजु लुडविग द्वितीयया जीवनीइ यक्व रुचि काःगु लुमंकूगु दु। वय्कःया जीवन लुमंकेत हँय् चिं छ्यलातःगु व थ्व राजकुमार सिगफ्राइडया म्हगसया प्रोटोटाइप जुइफुगु इमिगु विचाः दु। [६]
बेगिचेभं सन् १८७५ मेय् चाइकोभस्कीपाखें ८०० रुबलया निंतिं स्वान लेकया स्कोर कमिशन यात। चाइकोभस्की जुलियस रेइजिङ्गरपाखें प्रत्येक प्याखंया निंतिं माःगु आधारभूत रुपरेखा जक कयाः ज्या यात । [७] <i id="mwXA">द स्लिपिङ ब्युटी</i> व द नटक्र्याकरया स्कोरया निर्देशन स्वया भिन्न, च्वयाःगु मू निर्देशन मध्ये छुं नं थौंतक दयाच्वंगु खने मदु। कोरियोग्राफी थेंज्याःगु जानकारीया बारे विद्वानतय्सं सिउगु अप्वः धइथें गपशप व प्याखंया समीक्षापाखें वःगु खः । [८] तर सन् २०१५स मस्कोया कला अध्ययन संस्थानय् सन् १८७६या रिहर्सल नोट लुयावःगु दु, गुकिलिं सन् १८७७या मूल निर्माण गज्याःगु जुइफु धइगु बारेय् अप्व जानकारी पिहां वःगु दु। [९]
प्रदर्शन इतिहास
[सम्पादन]
मस्को प्रिमियर (हलिं पिथना)
- तिथि : ४ मार्च ( ओएस २० फेब्रुअरी) १८७७
- थाय् : बोल्शोइ थिएटर, मस्को
- ब्यालेमास्टर : जुलियस रेइजिन्जर
- संचालक : स्टेपान र्याबोभ
- दृश्य डिजाइनर : कार्ल भल्ट्स (एक्ट २ व ४), इभान शाङ्गिन (एक्ट १), कार्ल ग्रोपियस (एक्ट ३)
सेन्ट पिटर्सबर्ग प्रिमियर
- न्हिल्याः : २७ जनवरि १८९५
- थाय् : मारिन्स्की थिएटर, सेन्ट पिटर्सबर्ग
- ब्यालेमास्टर : मारियस पेटिपा (एक्ट १ व ३), लेभ इभानोभ (एक्ट २ व ४)
- संचालक : रिकार्डो ड्रिगो
- दृश्य डिजाइनर : इभान आन्द्रेयेभ, मिखाइल बोचारोभ, हेनरिक लेभोग्ट
- पोशाक डिजाइनर : येवगेनी पोनोमार्योभ [१०]
मेगु न्ह्यथनेबहःगु पिथना
- १८८० व १८८२, मस्को, बोल्शोइ थिएटर, जोसेफ ह्यान्सेनं राइजिन्जर लिपा मञ्चन याःगु, संचालक व डिजाइनर प्रिमियरय् थें हे पहलय्
- १९०१, मस्को, बोल्शोइ थिएटर, अलेक्जेन्डर गोर्स्कीया मञ्चन, आन्द्रे अरेन्ड्सया संचालन, अलेक्जेन्डर गोलोभिन (अभिनय १), कोन्स्ट्यान्टिन कोरोभिन (अभिनय २ व ४), N.
- १९११, लन्दन, ब्यालेट्स रसेस, सर्गेई डायगिलेभ निर्माण, पेटिपा–इभानोभ धुंका मिशेल फोकिनं कोरियोग्राफी, गोलोभिन व कोरोभिनया दृश्यत
- १९३४, लण्डन, रोयल ओपेरा हाउस कम्पनिया प्रिमियर, द भिक-वेल्स ब्याले
- १९४६, लण्डन, रोयल ओपेरा हाउसया प्रिमियर, स्यादलरया वेल्स ब्याले
मू रुपान्तरण
| पात्र | मस्को १८७७ | मस्को १८८० | सेन्ट पिटर्सबर्ग १८९५ [१०] | मस्को १९०१ | लण्डन १९११ | लण्डन १९४६ [११] |
|---|---|---|---|---|---|---|
| रानी | ओल्गा निकोलायेभा | ज्यूसेपिना सेचेट्टी | ||||
| सिगफ्राइड | भिक्टर गिलर्ट | अल्फ्रेड बेकेफि | पावेल गेर्ड | मिखाइल मोर्डकिन | भास्लाव निजिन्स्की | रोबर्ट हेल्पमान |
| बेन्नो | सर्गेई निकिटिन | अलेक्जेन्डर ओब्लाकोभ | लेस्ली एडवर्ड्स | |||
| वुल्फगाङ | विल्हेम वानर | गिलर्ट | पाल रेमण्ड | |||
| ओडेट | पेलागेया कार्पाकोभा | येवदोकिया कलमकोभा | पिएरिना लेग्नानि | एडिलेड जिउरी | माथिल्डे क्सेसिन्स्का | मार्गोट फोन्टेन |
| भन रोथबार्ट | सर्गेई सोकोलोभ | एलेक्सी बुल्गाकोभ | के. कुबाकिन | डेभिड डेभेनपोर्ट | ||
| ओडिल | पेलागेया कार्पाकोभा | पिएरिना लेग्नानि | माथिल्डे क्सेसिन्स्का | मार्गोट फोन्टेन |
बाजं धलः
[सम्पादन]स्वान लेकयात १९ गूगु शताब्दीया लिपतय् या विशिष्ट तःधंगु अर्केस्ट्राया निंतिं म्हसीकूगु दु।
- तार : भायलिन I व II; भायला, भायलोन्सेलो ; डबल ब्यास, हार्प
- वुडविन्ड्स : पिकोलो ; २ बांसुरी ; २ ओबो ; २ क्लारिनेट B♭, A व C ; २ ब्यासन
- ब्रास : Fय् ४ता फ्रेञ्च हर्न ; A व B♭ य् २ता कर्नेट ; F, D, and E य् २ ता ट्रम्पेट ; ३ता ट्रोम्बोन (२ टेनर, १ ब्यास ); त्युबा
- पर्कसन : तिम्पानी ; स्नेर ड्रम ; सिम्बल्स ; ब्यास द्रम ; त्रायाङ्गल ; त्याम्बोरिन ; कास्टनेट्स ; तम-तम ; ग्लोकेनस्पिल ; चाइम्स
भूमिका
[सम्पादन]- राजकुमारी ओदेत (हंय् रानी, राजहंस, हंय् राजकुमारी), छम्ह बांलाःम्ह राजकुमारी, गुम्हेसित राजहंसय् हिलाछ्वःगु दु
- राजकुमार सिगफ्राइड, छम्ह बांलाःम्ह राजकुमार गुम्ह ओदेतलिसे मतिनाय् दयाच्वन
- ब्यारन भन रोथबार्ट, छम्ह दुष्ट जादुगर, गुम्हेस्यां ओदेतयात मंत्रमुग्ध यात
- ओडिल (हाकुम्ह हंय्), रोथबार्टया म्ह्याय्
- बेन्नो भन सोमरस्टर्न, राजकुमारया पासा
- लानि, राजकुमार सिगफ्राइडया मां
- वुल्फग्याङ्ग, वय्कःया गुरु
- ब्यारन भन स्टीन
- ब्यारोनेस, वय्कःया कलाः
- फ्रेइहर भन श्वारजफेल्स
- फ्रेइहर भन श्वारजफेल्सया कलाः
- छम्ह उद्घोषक
- छम्ह फुटम्यान
- दरबारया सज्जनपिं व मिसापिं, राजकुमारया पासापिं, घोषणा याइपिं, पाहांपिं, पेज, गामय् च्वंपिं, नोकरत, हंय्, सिग्नेटपिं
सारांश
[सम्पादन]स्वान लेक सामान्यतया प्यंगू एक्ट, प्यंगू दृश्य (मुख्य रुपं रुस व पूर्वी युरोपं पिने) वा स्वंगु एक्ट, प्यंगू दृश्य (मुख्य रुपं रुस व पूर्वी युरोपय्)य् न्ह्यब्वइ। हलिंन्यंकंया निर्माणया दकलय् तःधंगु भिन्नता धाःसा मूल रुपं दुखद जूगु अन्तयात आः गबलें गबलें हिलाः "ह्याप्पी एन्डिङ"य् हिलेगु यानावःगु दु।
प्रस्तावना
[सम्पादन]गुलिखे निर्माणय् छगू प्रोलग दइ गुकिलिं ओदेतं न्हापां रोथबार्टयात गथे यानाः नापलात व गुम्हेस्यां ओदेतयात राजहंसय् हिलाबीगु खँ क्यनि।
एक्त १
[सम्पादन]लाय्कूया न्ह्यःने छगू भव्य पार्क
[दृश्य: एलेग्रो जिगिस्टो] राजकुमार सिगफ्राइडं थः गुरु, पासापिं व बुंज्यामित लिसे थःगु जन्मन्हि हनाच्वंगु दु [वाल्ट्ज] । वयागु मां रानी [दृश्य : एलेग्रो मोडेरातो] नं वयागु अःपूगु जीवनशैलीया चिउताः तयाच्वंम्ह क्यंसें थ्व राजकुमारया लू त्वाःथली । मामं राजकुमारयात कन्हय् कुन्हु बहनी जुइगु रोयल बलय् भौ ल्ययेमाः धकाः धाइ (गुलिखे प्रोडक्सनय् छुं सम्भावित मिसा उम्मेदवारतय्गु प्रस्तुति नं दुथ्याइ) । मतिनाया निंतिं इहिपाः याये मफुगुलिं राजकुमारया नुगः मछिनि। वया पासा, बेन्नो, व वया ट्यूटरं वयागु कष्टकर मूडयात ल्ह्वनेगु कुतः याइ। बहनी जुइवं [ सुजेत ], बेन्नों इमिगु छ्यंया च्वय् बःहँसया पुचः ब्वयाच्वंगु खनी व इमित शिकारय् वनेत सुझाव बी [फाइनल I] । सिगफ्राइड व वया पासापिंसं थःगु क्रसबो ज्वनाः हँय् ल्यू ल्यू वनि।
एक्त २
[सम्पादन]च्यापलया भग्नावशेषया लिक्कसं च्वंगु गुँइ पुखूया सिथय् च्वंगु थाय् । तिमिला जः दुगु चा ।
सिगफ्राइड वया पासापिंलिसे बिस्कं तापाना याकः जुइ। व पुखूया सिथय् च्वंगु क्लियरिङय् थ्यनी, गन हंय् तेगु पुचः कुहां वइ [दृश्य मोडेराटो] । वं थःगु क्रसबोयात लक्षित याइ [दृश्य एलेग्रो मोडेरातो], तर इपिं मध्ये छम्ह ओदेत नांयाम्ह सुन्दर कुमारीइ रुपान्तरण जुइबलय् फ्रिज जुइ [दृश्य मोडेराटो] । न्हापां ला, ओदेत सिग्फ्राइडयात खनाः ग्याइ। राजकुमारं थःत नोक्सान मयायेगु बचं बीवं ओदेतं थः व थः पासापिं रोथबार्ट नांयाम्ह दुष्ट उल्लु थेंज्याःम्ह जादूगरं याःगु जादूया शिकार जूगु खँ कनी। न्हिच्छिया ईलय् इपिं हंय् जुया हिलाच्वनी अले बहनी जक, मुग्ध पुखूया सिथय् – गु पुखू ओदेतया मांया ख्वबिं सृष्टि जूगु ख – इपिं मनूया रुपय् लिहां वइ । न्हापा गबलें मतिना मयाम्ह मनुखं ओदेतयात सदांया निंतिं मतिना यायेगु बाचा नल धाःसा जक जादू त्वाःदले फइ। रोथबार्ट आकाझाकां खनेदइ [दृश्य एलेग्रो भिभो]। सिगफ्राइडं वयात स्यायेगु ख्याच्वः बी तर ओदेतं मध्यस्थता याइ – ओदेतं यदि रोथबार्ट जादू त्वाःदले न्ह्यः हे सीगु खःसा थ्व जादू गबलें नं लित काये फइमखूगु खं कनि।
रोथबार्ट गायब जुइवं हंय् कुमारीतय्सं क्लियरिङ जानावइ [दृश्य : एलेग्रो, मोडेरातो असाइ क्वासि अन्दान्टे]। सिगफ्राइडं थःगु क्रसबो त्वाःथली, अले इमिगु मतिना जुइवं ओदेतया विश्वास त्याकेगु निंतिं कुतः याइ। तर सुथय् थ्यनेवं दुष्ट जादूं ओदेत व वया पासापिन्त हाकनं पुखुलिइ सालाकाइ व इपिं हाकनं हंय् या रुपय् हिलाबी ।
एक्त ३
[सम्पादन]लाय्कूलि छगू भव्य हल
पाहाँत कस्तुम बलया निंतिं लाय्कूलि थ्यंकः वल। ६ म्ह राजकुमारीत राजकुमारयात क्यनि [पाहां व वाल्ट्जया प्रवेश] व इहिपाया उम्मेदवारया रुपय् न्ह्यब्वइ। रोथबार्ट भेष हिलाः [दृश्य : एलेग्रो, एलेग्रो जिगिस्टो] थः म्ह्याय् ओडिललिसे थ्यनी, गुम्हसित वं ओदेत थें खनेदयेक रुपान्तरण याइ। राजकुमारीतय्सं थःगु प्याखं [पास डे सिक्स]पाखें सिगफ्राइडयात आकर्षित यायेगु कुतः याःसां वयागु मिखा ओडिलय् थाइ। [दृश्य : एलेग्रो, टेम्पो डि भल्से, एलेग्रो भिभो] ओदेत धाःसा क्यासलया झ्यालय् खनेदइ व राजकुमारयात चेतावनी बीगु कुतः याइ, तर राजकुमारं वयात खनी मखु । अनंलि रोथबार्टं ओदेतया जादुई रुप क्यने न्ह्यः हे राजकुमारं ओडिललिसे इहिपा यायेगु घोषणा याइ। दुःखं ग्रस्त जुयाः थःगु गल्तीयात थुइकाः राजकुमार (राजकुमारं ओदेतयात जक मतिना यायेगु प्रतिज्ञा याःगु खः) व हँय् पुखुलिइ लिहां वनी।
एक्त ४
[सम्पादन]पुखू सिथय्
ओदेत विचलित जुल । हंय् कुमारीतसें वयात सान्त्वना बीगु कुतः यात । सिगफ्राइड पुखुलिइ लिहां वयाः भावुक जुयाः माफी फ्वनी । ओदेतं राजकुमारयात क्षमा याइ, तर वयागु विश्वासघातयात लित काये फै मखु । न्ह्याबलें हंय् जुयाच्वनेगु स्वयां नं ओदेतं सीगु ल्यइ। राजकुमारं वलिसे सीगु ल्यइ अले इपिं पुखुलिइ तिंन्हुइ, गन इपिं सदां नापं च्वनी। थुकिलिं रोथबार्टया हंय् कुमारीतेगु जादू त्वाःदली, गुकिलिं वयागु शक्ति मदया वनी व व रोथबार्ट सिनावनि। छगू उत्कर्षय्, इपिं हँय्, गुपिं नियमित मिसाय् हाकनं रुपान्तरण जुइ, सिगफ्राइड व ओदेत नापं स्वर्गय् आरोहण जुइगु क्यनि व सदांया निंतिं मतिनाय् छघी जूगु क्यनि।
ढांचा
[सम्पादन]चाइकोभस्कीया मूल स्कोर (मूल १८७७या निर्माणया निंतिं तसां नापं), [१२] पेटिपा व इभानोभया पुनरुत्थानया निंतिं रिकार्डो ड्रिगों संशोधित याःगु स्कोर स्वया पाः। थुकियात (चाइकोभस्की संस्करण) आः नं अप्व ब्याले कम्पनीतेसं छ्येलिगु या, थ्व बियातःगु लेआउटनाप मेल खनि। प्रत्येक ल्याःया शीर्षक मूल प्रकाशित स्कोरं खः । गुलिखे ल्याःयात संगीत संकेतया रुपय् जक शीर्षक बियातःगु दु, मदुगु ल्याःयात उकिया मूल फ्रान्सेली शीर्षकं अनुवाद यानातःगु दु ।
एक्त १
[सम्पादन]- म्हसीका : मोडेराटो असाइ – एलेग्रो नन ट्रोप्पो – टेम्पो १
- ल्याः १ लु : एलेग्रो जिजुस्टो
- ल्याः २ वाल्ट्ज : टेम्पो डि भल्से
- ल्याः ३ लु : एलेग्रो मोडेराटो
- ल्या ४ पास दे ट्रोइस
- १. इन्ट्राडा (बाय् प्रवेश) : एलेग्रो
- २. अन्दान्ते सोस्तेनुतो
- ३. एलेग्रो सेम्प्लिस, प्रेस्टो
- ४. मोडेराटो
- ५. एलेग्रो
- ६. कोडा : एलेग्रो भिभासे
- ल्याः ५ पास दे ड्यूक्स निम्ह मेरि-मेकरया निंतिं (लिपा ब्लाक स्वान पास डे ड्यूक्सय् हिलाछ्वल)
- १. टेम्पो डि भल्से मा नोन ट्रोप्पो भिभो, क्वाजि मोडेराटो
- २. अन्दान्टे – एलेग्रो
- ३. टेम्पो डि भल्से
- ४. कोडा : एलेग्रो मोल्टो भिभासे
- ल्याः ६ पास डी'एक्शन : एन्डान्टिनो क्वासि मोडेराटो – एलेग्रो
- ल्याः ७ सुजेत ( गोबलेटलिसे प्याखंया म्हसीका)
- ल्याः ८ गोबलेटलिसे प्याखं ल्हुइगु : टेम्पो डि पोलाका
- ल्याः ९ फिनाले : सुजेट, अन्दान्टे
एक्त २
[सम्पादन]- ल्याः १० लु : मोडेराटो
- ल्याः ११ लु : एलेग्रो मोडेराटो, मोडेराटो, एलेग्रो भिभो
- ल्याः १२ लु : एलेग्रो, मोडेराटो असाइ क्वासि अन्दान्टे
- ल्याः १३ हँय् या हुलाप्याखँ
- १. टेम्पो डि भल्से
- २. मोडेराटो असाइ
- ३. टेम्पो डि भल्से
- ४. एलेग्रो मोडेराटो (लिपा नांजाःगु डान्स अफ द लिटिल स्वान्स )
- ५. पास डी'एक्शन : अन्दान्टे, अन्दान्ते नन-ट्रोप्पो, एलेग्रो ( <i id="mwA0M">उन्डिनापाखें</i> त्यासा काःगु सामग्री)
- ६. टेम्पो डि भल्से
- ७. कोडा : एलेग्रो भिभो
- १४ लु : मोडेराटो
- ल्याः १५ दृश्य : मार्च । – एलेग्रो जिउस्टो
- ल्याः १६ बल्लाबिल : कोर डे ब्याले व बामनातय् गु प्याखं : मोडेराटो असाइ, एलेग्रो भिभो
- ल्याः १७ पाहाँतय्गु प्रवेश व वाल्ट्ज : एलेग्रो, टेम्पो डि भल्से
- ल्याः १८ लु : एलेग्रो, एलेग्रो जिजुस्टो
- ल्याः १९ पास दे सिक्स
- १. इन्ट्राडा (बाय् प्रवेश) : मोडेराटो असाइ
- २. भेरिएसन I : एलेग्रो
- ३. भेरिएसन II : अन्दान्ते कोन मोटो (भिन्नताया रुपय् शीर्षक बियातःगु जूसां थ्व ल्याः इन्ट्रादाया अनुसरण यायेगु व इन्ट्रादा लिपाया पास डे सिक्सया केन्द्रीय ग्रान्डे उखानया रुपय् ज्या यायेगु सम्भावना दु। तर थ्व कि क्रमं पिने जुइत रचना यानातःगु व न्हापांगु भेरिएसन लिपा अथे हे प्रकाशित जूगु)
- ४. भेरिएसन III : मोडेराटो
- ५. भेरिएसन IV : एलेग्रो
- ६. भेरिएसन V : मोडेराटो, एलेग्रो सेम्प्लिस
- ७. ग्रान्ड कोडा : एलेग्रो मोल्टो
- परिशिष्ट I – पास डे ड्यूक्स पुर मेम. अन्ना सोबेश्चान्स्काया [lower-alpha १]
- १. अन्दान्टे
- २. भेरिएसन I : एलेग्रो मोडेराटो
- ३. भेरिएसन II : एलेग्रो
- ४. कोडा : एलेग्रो मोल्टो भिभासे
- ल्याः २० हंगेरियन प्याखं : जार्डास – मोडेरातो असाइ, एलेग्रो मोडेरातो, विभासे
- परिशिष्ट द्वितीय – नं २०ए डान्से रुसे पुर म्ल्ले. पेलागेया कार्पाकोभा : मोडेराटो, एन्डान्टे सेम्प्लिस, एलेग्रो भिभो, प्रेस्टो
- ल्याः २१ डान्स एस्पाग्नोल : एलेग्रो नन ट्रोप्पो (टेम्पो डि बोलेरो )
- ल्याः २२ डान्से नापोलिटेन : एलेग्रो मोडेराटो, एन्डान्टिनो क्वाजि मोडेराटो, प्रेस्टो
- ल्याः २३ मजुर्का : टेम्पो दि मजुर्का
- ल्याः २४ लु : एलेग्रो, टेम्पो डि भल्स, एलेग्रो भिभो
एक्त ४
[सम्पादन]- ल्याः २५ एन्त्राक्ते : मोडेराटो
- ल्याः २६ लु : एलेग्रो गैर-ट्रोप्पो
- ल्याः २७ चिधिकःपिं हंय् तय् प्याखं : मोडेराटो
- २८ लु : एलेग्रो एजिटाटो, मोल्टो मेनो मोसो, एलेग्रो भिभासे
- २९ लिपांगु लू : एन्डान्टे, एलेग्रो, अल्ला ब्रेभ, मोडेराटो ई माएस्टोसो, मोडेराटो
पिनेया स्वापू
[सम्पादन]- द अष्ट्रेलियन ब्यालेया ग्रेम मर्फीया स्वान लेकया निर्माणया अंशलिसें न्यनेगु गाइड
- Swan Lake (2005) Murphy and Corella (ABT) at the Internet Movie Database
- Lebedinoe ozero (Swan Lake) at the Internet Movie Database (१९५७)
- Schwanensee at the Internet Movie Database (१९६७)
- Matthew Bourne's Swan Lake at the Internet Movie Database (१९९६)
- ↑ The Cambridge Companion to Ballet.; 'Old style' date 4 March
- ↑ The life & letters of Peter Ilich Tchaikovsky.
- ↑ Swan Lake Ballet 2018 India.
- ↑ Rachel Beaumont (19 February 2015). The Swan Lake mystery: An amalgam of different fairytales. Royal Opera House.
- ↑ The Fascinating History of Swan Lake: Pyotr Ilyich Tchaikovsky's Greatest Ballet. History Hit.
- ↑ Synopsis, Latvian National Opera, <http://www.music.lv/opera/ballets/gulbju_ezers_2002/default_e.htm>
- ↑ Wiley 1991.
- ↑ Dorris, G. (1985). "Tchaikovsky and the ballet".
- ↑ Macaulay, Alastair. "'Swan Lake' discoveries allow for a deeper dive into its history", The New York Times, 13 October 2015.
- 1 2 Swan Lake. American Ballet Theatre. Cite error: Invalid
<ref>tag; name "abt" defined multiple times with different content - ↑ Welcome to Royal Ballet and Opera Collections.
- ↑ Royal Opera House – 'Swan Lake' : From Planning To Performance – The Story of 'Swan Lake'. Rohedswanlake.org.uk.
- ↑ Roland John Wiley, Tchaikovsky's Ballets: Swan Lake, Sleeping Beauty, Nutcracker (Oxford University Press, 1985), passim.
- ↑ Bernard Taper, Balanchine: A Biography (New York: Times Books, 1984).
- ↑ Pas de deux pour Mme. Anna Sobeshchanskaya (original music composed by Ludwig Minkus, adapted by Tchaikovsky. Choreographed in 1953 by George Balanchine as the Tchaikovsky Pas de deux).[१३] Madame Sobeshchanskaya was, apparently, pleased.
For more than seventy years, this pas de deux was forgotten. Because it was a later composition, it was not published as part of Tchaikovsky's score and was thought to have been lost. The orchestral partition was accidentally rediscovered in 1953 among the orchestral parts for Alexander Gorsky's early 20th century production of the ballet Le Corsaire. It soon came to the attention of George Balanchine, who successfully sought permission to use it for his own choreography.[१४]
<ref> tags exist for a group named "lower-alpha", but no corresponding <references group="lower-alpha"/> tag was found