स्तेदियन (ब्वाँय् कासा)
स्तेदियन बाय् स्ताद (प्राचीन ग्रीक भासय् στάδιον) छगू प्राचीन ब्वाँय् धेधेबल्ला ख व थ्व कासा म्हितिगु थाय् नं ख। थ्व कासा प्राचीन ओलम्पिक कासा सहित प्यानहेलेनिक कासाया छगू ब्वः ख। थ्व ज्याझ्वः न्यागु मू पेन्टाथ्लोन कासाय् छगू ख व जिम्निकोस एगोनया(γυμνικὸς ἀγών "नग्न धेधेबल्ला") मू कासा ख । [१]
ईसापूर्व ७७६ निसें ७२४ तक्क ओलम्पिक कासाय् थ्व स्तेदियन छगू जक्क कासा ख। थ्व कासाया त्यामियानां मुक्कं प्यदँया ओलम्पियाडय् छ्यलीगु जुइ। थुकिलिं लगभग फुक्कं त्यामितेगु नां आधुनिक युगय् तक ल्यनाच्वंगु दु। [१] दकलय् न्हापांम्ह त्यामि एलिसया कोरोबस ख।
स्तेदियनया नां थ्व कासा म्हितिगु थाय्या नामं वःगु खः। थ्व खँग्वः ल्याटिन भासं स्टेडियम जुल, गुकिलिं अंग्रेजी " स्टेडियम " खँग्वः बुयावःगु खः। थ्व ब्वाँय् कासाया हाकःयात छगू स्टेदियन धाइगु जुल, थ्व इकाइ लिपा हाकः ल्याखायेगु इकाइस हिलावन। मेमेगु कथंया ब्वाँय् कासा प्राचीन ओलम्पिकय् दःसां स्टेडियन दकलय् नांजाःगु कासा खः। थ्व कासा त्याःम्हसित अप्वः धया थें मुक्कं कासाया त्याःम्ह कथं काइगु चलन दयाच्वन । छगू ब्यागलं कासा जूसां थ्व कासा प्राचीन पेन्टाथ्लोनया छगू ब्व नं खः।
ओलम्पिक कासाय्स्तेदियन (कासाख्यः) २० म्ह धेधेबल्लामितय् निंतिं ब्वाँय् वने छिंकः तःधं व ब्वाँय् वनिगु लं करिब 200 yards (180 m) ताःहाकः जु। [२] [lower-alpha १] ब्वाँय् कासा छगू त्रम्पेत पुइकाः न्ह्यायेगु जुइ। कासाया अधिकारीतेसं (the ἀγωνοθέται agonothetai) कासा न्ह्यथनिगु व क्वचायेगु थासय् दनाः सकल धेधेबल्लामितेसं पाय्छिंकः ब्वति काःगु व त्रम्पेत पुइकेधुंका तिनि जक कासामित ब्वांय् वंगु निरिक्षण याइ। अन्तय् सु त्याःम्ह धकाः निर्णय यायेत व सुनां नं मभिंकः ब्वति मकाःगु सुनिश्चित यायेत नं अधिकारीत दूगु खः। यदि अधिकारीतय्सं बराबरी जूगु निर्णय यात धाःसा हाकनं ब्वाँय् न्ह्याकेगु जुइ।। ब्वाँय् कःमितेसं आधुनिक कासामितय्सं थें क्वछुनाः न्ह्यथने पलेसा सम्भवतः न्ह्यःने ल्हाः ल्ह्वनाः दनाच्वनाः ब्वाँय् वनेगु ज्या न्ह्याकी। [२] इपिं चां जायेकातःगु ट्रयाकय् नांगां ब्वाँय् वनि। न्यागुगु शताब्दी तक्क थ्व ट्र्याकय् ल्वहंया न्ह्यथं-ध्वः, बाल्बिसं चिं तयेगु चलन वःगु ख। थुगु ल्वहंया न्ह्यथं-ध्वः ब्लकय् जूगु प्रगतिइ यानाः थुकी निगू खाँचा(groove)या छगू सेट दयावल ( 10–12 centimetres (3.9–4.7 in) apart) गुकिलि ब्वाँय् कमितेसं थःगु तुतिया पतिंचा तयेगु चलन वल। थुगु खाँचाया डिजाइन ब्वाँय् कःमियात वयागु स्टार्टया निंतिं लिभरेज बीगु निंतिं याःगु खः।
थ्व नं स्वयादिसँ
[सम्पादन]- प्राचीन ग्रीस
- ओलम्पिक
- प्राचीन ग्रीसय् ब्वाँय् वनिगु
- स्टेडियन ब्वाँय् कासाया ओलम्पिक त्याकूमित
लिखँ
[सम्पादन]- ↑ The exact length of a stadion (unit) is unknown today; historians estimate it at between 150 m (490 ft) and 210 m (690 ft).[३]
लिधंसा
[सम्पादन]- ↑ १.० १.१ Miller, Stephen G. (2004). Ancient Greek Athletics. New Haven: Yale University Press, 31. Cite error: Invalid
<ref>tag; name "Miller" defined multiple times with different content - ↑ २.० २.१ Harris, H.A. (1964). Greek Athletes and Athletics. London: Hutchinson, 65–66.
- ↑ Gulbekian, Edward (1987). "The Origin and Value of the Stadion Unit used by Eratosthenes in the Third Century BC". Archive for History of Exact Sciences 37: 359–363. DOI:10.1007/BF00417008. (subscription required,)