स्तक एक्सचेञ्ज

न्यु यर्क स्तक एक्सचेञ्ज

१७गू शताब्दीया एम्स्तरद्याम स्तक एक्सचेञ्ज

लन्दन स्तक एक्सचेञ्ज

स्तक एक्सचेञ्ज, शेयर बजाः, धितोपत्र बजाः, सेक्युरितिज बजाः वा बोर्स छगू स्तकब्रोकर व त्रेदरतेसं स्तकया शेयर, बण्ड व मेमेगु वित्तीय साधनया शेयर न्यायेगु व मिइगु बजाः ( एक्सचेञ्ज) ख। थन्याःगु बजाः दुने थुज्वःगु धितोपत्र व साधन व आय व लाभांश भुक्तानी लिसेंया पूँजीगत घटनाया जारी व छुटया सुविधा नं बीफइ। स्तक एक्सचेञ्जय् कारोबार जुइगु धितोपत्रय् सूचीकृत कम्पनीं जारी याःगु शेयर, युनिट ट्रष्ट, देरिभेतिभ, पूल्द इन्भेस्तमेन्त प्रदक्त व बण्ड दुथ्याः। स्तक एक्सचेञ्जं आपालं "निरन्तर लिलाम" (continuous auction) बजाःया रुपय् ज्या याइ गुकिलि न्यामि व मिम्ह पक्षयात एक्सचेञ्जया स्तकया मू थासय् ओपन आउतक्राइया माध्यमं वा वित्तीय कारोबार याइगु इलेक्ट्रोनिक प्रणाली छ्येला कारोबार याइ।

छगू विशेष शेयर बजारय् धितोपत्रया कारोबार यायेत उगु धितोपत्र अन सूचीकृत जुइमाः । सामान्यतया, अभिलेख तयेगु निंतिं छगू केन्द्रीय थाय् दयाच्वनि, तर थन्याःगु धलः आपालं आधुनिक बजाः दुने भौतिक थासय् मजुसें इलेक्त्रोनिक संचार नेतवर्कय् दयाच्वनि। इलेक्त्रोनिक संचार नेतवर्कया माध्यमं स्तक एक्सचेञ्जं अप्वःगु गतिइ व म्हो लागतय् न्याये-मियेगु ज्या यायेफइ। एक्सचेञ्जय् न्याये-मियेगु ज्या एक्सचेञ्जया दुजः दलालतय्त जक सीमित जुइ । लिपांगु दँय् थी-थी मेमेगु व्यापारिक थासय् गथेकि विद्युतीय संचार नेटवर्कय् वैकल्पिक व्यापारिक प्रणाली व " दार्क पुल " थें न्यागु थासं धाःसा थन्याःगु न्याये-मियेयात परम्परागत शेयर बजाः स्वया यक्व तापाका यंकूगु दु।

लगानीकर्तातय्त शेयर व बण्डया इनिसियल पब्लिक अफरिङ्ग प्राथमिक बजाः दुने जुइ व लिपाया कारोवार सेकेन्दरी बजाः दुने जुइ। शेयर बजारया दकलय् महत्वपूर्ण ब्व धयागु स्तक एक्सचेञ्ज बजाः खः । स्तक बजाः आपूर्ति व मागया थी-थी कारकं संकि गुकिलिं, सकल स्वतन्त्र बजारय् थें, स्तकया मूयात प्रभावित याइ ( शेयर मूल्यांकन स्वयादिसँ)।

स्तक बजाः पूँजीकरण वरियता

मुक्कं बजार पूँजीकरणकथं शीर्ष झिगू परम्परागत स्तक एक्सचेञ्ज (नोभेम्बर २०२५ तक)

पद	स्तक एक्सचेञ्ज	देय्	बजाः पूँजीकरण (त्रिलियन दलरय्)
१	न्यूयोर्क स्तक एक्सचेञ्ज	संयुक्त राज्य अमेरिका	३०.९२
२	नास्दाक	संयुक्त राज्य अमेरिका	३१.९६
३	साङ्घाई स्तक एक्सचेञ्ज	चीन	७.९६
४	तोकियो स्तक एक्सचेञ्ज	जापान	७.०६
५	हङकङ स्तक एक्सचेञ्ज	हङकङ	६.४१
६	युरोनेक्स्ट	फ्रान्स	५.६१
७	बम्बई स्तक एक्सचेञ्ज	भारत	५.३८
८	न्याशनल स्तक एक्सचेञ्ज	भारत	५.३५
९	शेन्जेन स्तक एक्सचेञ्ज	चीन	५.११
१०	तोरन्तो स्तक एक्सचेञ्ज	क्यानादा	४.००