सुपाँय् मुइगु
सुपाँय् मुइगु बाय् क्लाउडबर्स्ट धइगु म्हो ईया दुने तःधंगु मात्राय् वा वइगु ख, गुबलें गुबलें च्वापु व पल्पसा नापं वइ, गुकिलिं खुसिबाहाः दयेकेफु। थ्व अवस्थां याकनं हे यक्व लः सुपाँय् जुया बँय् वांछ्वयेफु, दसुया निंतिं २५ एमएम वा वइबिले २५,००० मेट्रिक टन प्रति वर्ग किलोमिटर (१ इन्च ७२,३०० सर्ट टन प्रति वर्ग माइल नाप ज्वः ला) लः छकलं बँय् क्वबाये फु। अथे जुसां क्लाउडबर्स्ट दुर्लभ जुइ छाय् धाःसा थ्व ओरोग्राफिक लिफ्टया माध्यमं जक जुइ वा गुबलें गुबलें लुमुगु वायुया ग्वः ख्वांउगु वायुनाप ल्वाकज्याइबलय् आकाझाकां घनीकरण जुइ। गबलें गबलें तजाःगु थासं वइगु तःधंगु मात्राय् वावया दइगु लःयात पाय्छि मजुइकः क्लाउडबर्स्ट धाइगु या। "क्लाउडबर्स्ट" खँग्वः सुपाँय् लःया बेलुनया समान ख व पम्हुइ बिले याकनं वा वइ धइगु धारणां उत्पन्न जूगु खँग्वः ख। थ्व बिचाः उबलय् निसें खण्डन जूगु जुसां थ्व खँग्वः धाःसा छ्यलाबुलाय् हे दयाच्वन।
रेकर्ड क्लाउडबर्स्ट
[सम्पादन]| ई | वाया मात्रा | थाय् | तिथि |
|---|---|---|---|
| १ मिनेट | 1.5 inches (38.10 mm) | बासे-टेरे, ग्वाडेलुप | २६ नोभेम्बर १९७० |
| ५ मिनेट | 2.61 inches (66.29 mm) | होड स्प्रुट, दक्षिण अफ्रिका . | २९ नोभेम्बर १९११ |
| १५ मिनेट | 7.8 inches (198.12 mm) | प्लम्ब प्वाइन्ट, जमैका | १२ मे १९१६ |
| २० मिनेट | 8.1 inches (205.74 mm) | कर्टिया डे अर्गेत्, रोमानिया | ७ जुलाइ १९४७ |
| ४२ मिनेट | 12.0 inches (304.80 mm) | होल्त, मिसौरी, संयुक्त राज्य अमेरिका | २२ जुन १९४७ |
| १ घौ | 15.0 inches (380 mm) | स्मेथपोर्त, पेन्सिलभेनिया, संयुक्त राज्य अमेरिका | १९४२ जुलाई १८ । |
| २ घौ | 19.3 inches (490 mm) | युजियावान्जी, इनर मंगोलिया, चीन | जुलाइ १९, १९७५ |
| ६ घौ | 32.7 inches (830 mm) | लिन्झुआङ, हेनान, चीन | १९७५ अगस्ट ७ |
| १२ घौ | 45.03 inches (1,144 mm) | फोक-फोक, ला रियुनियन | १९६६ जनवरी ८ |
| २४ घौ | ७३.६२ इन्च (१,८७० एमएम) | सिलाओस, ला रियुनियन | मार्च, १९५२ |