सर्फिङ्ग

Caballitos de totora, reed watercraft used by fishermen for the past 3000 years at Huanchaco, Peru, known for its surf breaks

सर्फिङ्ग

म्याभेरिक सर्फ धेधेबल्ला २०१०
Highest governing body	वर्ल्द सर्फ लिग (WSL), इन्तरन्याशनल सर्फिङ्ग असोसियसन (ISA)
Characteristics
Mixed gender	दु, मिजं व मिसातेगु धेधेबल्ला नापं
Equipment	सर्फबोर्द, लिश, वेतसुत
Olympic	२०२०

ओलम्पिकय् सर्फिङ्ग

सर्फिंग छगू सतही लःया कासा ख गुकिलि छम्ह मनू बाय् सर्फर (ट्यान्डेम सर्फिङय् निम्ह मनू), छगू बोर्ड छ्येला लःया छगू न्ह्यानाच्वंगु लहरय् न्ह्यःनेया खण्डय् गयेगु कुतः याइ। थथे कुतः याइबिले आपालं सर्फरतेत लखं लःया सिथय् यंकि। सर्फिङ्गया निंतिं उपयुक्त तरंगत मुख्यतः समुद्रया सिथय् खने दु, तर खुल्ला समुद्रय्, पुखुलिइ, खुसिइ ताइदल बोर वा सर्फिङ्ग पुलया रुपय् दनाच्वंगु थासय् नं थ्व कासा म्हितेछिं।

सर्फिङ्ग कासाय् न्ह्यागु हे कथंया बोर्ड छ्यलाः फुक्क कथंया वेभ-राइडिङया ज्या दुथ्याः। थ्व कासाय् छ्यलीगु यक्वं ताजिया बोर्डत दु। पेरुया मोचेतेसं प्रायः रीड क्राफ्टय् सर्फ याइ धाःसा प्रशान्त महासागरया आदिवासी मनुतेसं अलाइया, पाइपो व मेमेगु थन्यागु जलयानय् लहरय् सर्फ याइ। प्राचीन संस्कृतिइ प्रायः थःगु प्वा व पुली सर्फिंग याइ धाःसा आधुनिक सर्फिङ्ग अप्वः धया थें स्ट्याण्ड-अप सर्फिंग जुइ, गुकिलि छम्ह सर्फरं सर्फबोर्डय् दनाच्वंबलय् लहरयात गयेगु कुतः याइ।

सर्फिङ्गया मेगु छगू मू रुप बडि बोर्डिङ ला, गन छम्ह सर्फरं बडिबोर्डय् लहरय् गइ। थथे गयेगु ज्या थःगु प्वाथय् ग्वतला, ड्रप नी (बोर्डय् छपा तुति व छग्व पुलि तया), वा गबलें गबलें बडिबोर्डय् दना याइ। मेमेगु कथंया सर्फिङय् नी बोर्डिङ, सर्फ म्याटिङ (इन्फ्लेटेबल म्याट गयेगु) व फोइल छ्यलेगु आदि ला। बडि सर्फिङ, गुकिलि बोर्ड स्वया नं सर्फरया थःगु हे म्ह छ्यला लहरयात ज्वनाः गयेगु याइ, छगू तसकं सामान्य सर्फिङ्ग ताजि ख व गुलिखे सर्फरतेसं सर्फिङया दकलय् शुद्ध रुपया कथं काइ। बोर्ड छ्यला बडि सर्फिंग यायेगु दकलय् लिक्कया रुप धइगु ह्याण्डबोर्ड खः गुकियात सामान्यतया छगू ल्हातय् फिट जुइक छगू पट्टि तयेगु जुइ। बडि बोर्ड, बडि सर्फ वा ह्याण्डबोर्ड याइपिं सर्फरतय्सं स्ट्याण्ड अप सर्फर स्वयां लःया दथुइ न्ह्याः वनेबलय् अप्वः ड्राग (फोर्स) चाइ वा अनुभूति याइ। थुकिलिं बडि सर्फरतेत लहरया अप्व अशान्त भागय् छ्वइ (प्रायः ह्वाइटवाटरं पूवंक क्वबाइ )। थ्व स्वया बिस्कं, हाइड्रोफोइलय् च्वनीपिं सर्फरतेसं यक्व हे म्हो ड्राग महसुस याइ व खुल्ला समुद्रय् अखण्ड लहरय् च्वनेफु।

स्ट्याण्ड-अप सर्फिंग दुने स्वंगु मू उपविभाग दु स्ट्याण्ड-अप प्याडलिङ, लङ्ग बोर्डिङ्ग व शर्ट बोर्डिङ्ग; गुकिलि बोर्ड डिजाइन व हाकः, गयेगु पहः व गयेगु तरंगया ताजि नापं यक्व मू भिन्नता दु।

उत्तरी गोलार्धय् चिकुला मौसमय्, हवाईया स्वंगुगु दकलय् तःधंगु टापु ओआहुया नर्थ शोरय् हलिमय् दकलय् बांलाःगु वेभ दयाच्वनि। हलिंन्यंकंया सर्फरत ब्याकडोर, वाइमेया बे व पाइपलाइन थेंज्याःगु थासय् वइ। अथे जुसां हलिमय् आः नं यक्व मेमेगु लोकंह्वाःगु सर्फ स्पट दु: तेहुपो'ओ गुकि तहितीया तटय् ला ; म्याभेरिक्स, क्यालिफोर्निया, संयुक्त राज्य अमेरिका; क्लाउडब्रेक, तभारुआ टापु, फिजी ; सुपरबैंक, गोल्ड कोस्ट, अष्ट्रेलिया.

स्वयादिसँ

• कासा