सँ पहः
सँ पहः, हेयरस्टाइल, हेयरदू, हेयरकत, वा कोइफ्युर धाःगु सँ छ्यनीगु, चायेगु, व ब्वयेगु पहः ख। सामान्यतया मनुया छ्यनय् तर गबलें गबलें ख्वालय् वा म्हय् दूगु सँया नं समायायेछिं। सँया पहःयात व्यक्तिगत ग्रुमिंग, फेसन, व सौन्दर्य प्रसाधनया छगू पक्षया रुपय् कायेछिं, यद्यपि व्यावहारिक, सांस्कृतिक, व लोकंह्वाःगु विचारं नं छुं सँपहःयात प्रभावित याइ।
सँपहःया दकलय् पुलांगु ज्ञात चित्रण सँ ब्रेडिङ खः, गुगु करिब ३०,००० दँ न्ह्यःया खः। मिसातय्गु सँयात प्रायः विस्तृत व बांलाक्क छिगु याइ, यद्यपि मिसातेगु सँ छेँ पिनें त्वपुया तइगु चलन, विशेष यानाः इहिपाः जूपिं मिसातय्गु निंतिं, नं मदूगु मखु।
प्रागैतिहास व इतिहास
[सम्पादन]पुरापाषाणकाल
[सम्पादन]सँ ब्रेडिङया दकलय् पुलांगु ज्ञात कला करिब ३०,००० दँ न्ह्यःया ख:। विलेन्डोर्फया भिनस (आः एकेदेमियाया ख्यलय् विलेन्डोर्फया मिसाया रुपय् म्हसीकिगु) छगू पुरापाषाण युगया छम्ह मिसा मूर्ति ख। थ्व अनुमानित कथं करिब २८,००० निसें २५,००० ईसापूर्वया दथुइ दयेकूगु ख। [१] ब्रासम्पोइया भिनस करिब २५,००० दँ पुलांगु व निर्विवाद रुपं सँ क्यनातःगु मेगु दसु ख।
कुलिचिंगु सँ दुम्ह विलेन्डर्फया भिनस
ब्रासम्पोइया भिनस
कँय् युग
[सम्पादन]कँय् युगय्, रेजरया ज्ञान दूगु व छुं मनुतेसं छ्येलातःगु खनेदु, तर न्हिथंया आधारय् थुकिया छ्यला खनेमदु छाय् धाःसा थ्व प्रक्रिया थाकूगु व रेजर दूगु ज्याभःयात हानं धार नकेमाःगु बाध्यता दयाच्वन। [२]
पुआबिया पुनर्निर्माण याःगु तपुलि, उरया न्हापांगु राजवंश, करिब २५०० ईसापूर्व, प्रारम्भिक राजवंशकाल ३
लुँया हेलमेटय् सँ पहःया नक्कल यानातःगु, उरया न्हापांगु राजवंश, करिब २५०० ईसापूर्व, प्रारम्भिक राजवंशकाल ३
छम्ह मिसाया सुमेरियन किपा मूर्ति
खफाजःपाखें सुमेरियन मूर्ति, मिसा पुजारी
१३५० ईसापूर्वया इजिप्सियन मिसातय्गु कुलिचिंगु सँ व तिसा
