श्रीविजय
श्रीविजय सुमात्रा टापुइ आधारित छगू मलय समुद्रतान्त्रिक [१] साम्राज्य ख। थ्व साम्राज्यया केन्द्र आधुनिक इन्डोनेसियाय् दःसां थ्व देय्या प्रभाव दक्षिण पूर्व एसियाया यक्व थासय् खनेदु। [२] श्रीविजय ७गू शताब्दी ईस्वी निसें ११गू शताब्दी तक बौद्ध धर्मया विस्तारया निंतिं छगू महत्त्वपूर्ण केन्द्र जुल। श्रीविजय पश्चिमी समुद्री दक्षिण पूर्व एसियाया यक्व थासय् प्रभुत्व कायम याःगु न्हापांगु राजसत्ता ख। थःगु सामरिक स्थितिया हुनिं श्रीविजयं समुद्री स्रोत साधन छ्यलाः जटिल प्रविधिया विकास यात । नापं, थुकिया अर्थतन्त्र क्रमिक रुपं विस्तार जुसें थ्व क्षेत्रय् ब्वलनाच्वंगु व्यापारय् आधारित जुल। थुकथं थ्व साम्राज्यं छगू भिंगु वस्तु -आधारित अर्थतन्त्रय् रुपान्तरण जुल। [३]
थ्व साम्राज्यया दकलय् न्हापांगु उल्लेख ७गु शताब्दीइ खनेदु। छम्ह ताङ राजवंशया चिनियाँ भिक्षु, यिजिङ,या च्वखँय् वय्कलं ६७१य् खुला तक श्रीविजय चाहिलादीगु खँ कनादीगु दु। [४] [५] दकलय् न्हापांगु लुयावःगु शिलालेख गुकिलि श्रीविजय नां न्हेगु शताब्दीया केदुकान बुकित शिलालेखय खनेदु [६] । ७गू निसें ११गू शताब्दी दुने थ्व साम्राज्य दक्षिण पूर्व एसियाया छगू उदयमान शक्तिकेन्द्रया रुपय् पलिस्था जुल। थ्व साम्राज्यया नापंगु स्वापू व ल्वापू, प्रायः जःलाखःलाया माताराम, खोम बाय् खमेर साम्राज्य व चम्पा नाप जूगु खनेदु। श्रीविजयया मू विदेश/व्यापार नीतिइ चीनलिसेया आकर्षक व्यापारिक सम्झौता दयेकातेगु खः गुगु ताङ निसें सोङ राजवंश तक दयाच्वन। श्रीविजयाया बंगालया बौद्ध पाल नापं मध्यपूर्वया इस्लामिक खिलाफत नापं धार्मिक, सांस्कृतिक व व्यापारिक स्वापू दुगु खः।
स्वयादिसँ
[सम्पादन]लिधंसा
[सम्पादन]- ↑ Kulke, Hermann. "Śrīvijaya Revisited: Reflections on State Formation of a Southeast Asian Thalassocracy".
- ↑ Munoz, Paul Michel (2006). Early Kingdoms of the Indonesian Archipelago and the Malay Peninsula. Editions Didier Millet.
- ↑ Laet, Sigfried J. de (1994). History of Humanity. Routledge.
- ↑ Munoz. Early Kingdoms.
- ↑ Zain, Sabri. Sejarah Melayu, Buddhist Empires.
- ↑ Peter Bellwood. The Austronesians: Historical and Comparative Perspectives.