शीत हताः

The "Three Worlds

Remains of the "Iron Curtain" in the Czech Republic

लिपांगु हलिम हताः धुंका संयुक्त राज्य अमेरिका व सोभियत संघया दथुइ ख्वांगुया वंगु स्वापूं हलिमय् हःगु ध्रुवीकृत अवस्थायात शीत हताः बाय् युद्ध धाइ। शीत युद्ध निक्वःगु विश्वयुद्ध धुंकाः संयुक्त राज्य अमेरिका व सोभियत सङ्घ (USSR) व इमिसं नेतृत्व याःगु गुटतयेगु दथुइ जुइगु भूराजनीतिक तनाव व धेधेबल्ला ई ख। थ्व युद्धय् निगू महाशक्ति दथुइ प्रत्यक्ष तःधँगु सैनिक ल्वापू मजुल, अले उकिं थुकियात 'शीत' (ख्याउंगु) युद्ध धाय्‌गु ख। थ्व तनाव सन् १९४७ निसें सन् १९९१ य् सोभियत सङ्घया पतन मजुबिले तक दयाच्वन। शीत युद्धया मू कारण विचारधाराया मतभेद ख, गन अमेरिकां पुँजीवाद व लोकतन्त्रया प्रतिनिधित्व यात धाःसा सोभियत सङ्घं साम्यवादया प्रतिनिधित्व यात। थ्व ईलय् नितां पक्षं आणविक ल्वाभःतेगु तःधँगु भण्डार दयेकल, गुकियात आणविक ल्वाभः धेधेबल्ला (Nuclear arms race) धाइ। थुकिया नापनापं इमिसं अन्तरिक्ष धेधेबल्ला (Space Race) व गुप्तचर ज्याय् नं तःधँगु शक्ति छ्यल। कोरियन युद्ध व भियतनाम युद्ध थेंज्याःगु क्षेत्रिय ल्वापूलय् निगुलिं महाशक्तिं प्रत्यक्ष व अप्रत्यक्ष रुपं थःथःगु समर्थित पक्षयात ग्वाहालि यात। बर्लिनया अंगः दनेत व क्युबन मिसाइल सङ्कट थज्याःगु घटनात शीत युद्धया दकलय् तनावपूर्ण क्षणत खः। सन् १९९१य् सोभियत सङ्घ विघटन जुइधुंका शीत युद्धया अन्त्य जुल व अमेरिका छगू जक विश्व महाशक्ति कथं दत।

स्वयादिसँ

• हताः