वैरोचन

वैरोचन
वैरोचन
	बज्रधातुइ वैरोचन बुद्धया मध्यकालीन जापानी किपा
संस्कृत	वैरोचन ; Vairocana
Burmese	ဝေရောစန
Chinese	大日如來; Jyutping: Daai6 Jat6 Jyu4 Loi4; Pinyin: Dà Rì Rú Lái; 毘盧遮那佛; Jyutping: Bei2 Lou4 Ze1 Naa5 Fat6; Pinyin: Pí Lú Zhē Nà Fó;
Japanese	Template:Ruby-ja; romaji: Dainichi Nyorai; Template:Ruby-ja; romaji: Birushana Butsu
Korean	비로자나불; 毘盧遮那佛; RR: Birojana Bul
Mongolian	ᠮᠠᠰᠢᠳᠠ; ᠭᠡᠢᠢᠭᠦᠯᠦᠨ; ᠵᠣᠬᠢᠶᠠᠭᠴᠢ; Машид гийгүүлэн зохиогч; Masida geyigülün zohiyaghci; ᠪᠢᠷᠦᠵᠠᠨ᠎ ᠠ᠂; ᠮᠠᠰᠢᠳᠠ; ᠭᠡᠢᠢᠭᠦᠯᠦᠨ; ᠵᠣᠬᠢᠶᠠᠭᠴᠢ᠂; ᠭᠡᠭᠡᠭᠡᠨ; ᠭᠡᠷᠡᠯᠲᠦ; Бярузана, Машид Гийгүүлэн Зохиогч, Гэгээн Гэрэлт; Biruzana, Masida Geyigülün Zohiyaghci, Gegegen Gereltü
Thai	พระไวโรจนพุทธะ; RTGS: Phra wịrocana phuthṭha
Tibetan	རྣམ་པར་སྣང་མཛད་; Wylie: rnam par snang mdzad; THL: Nampar Nangdze
Vietnamese	Đại Nhật Như Lai; 大日如來; Tỳ Lư Xá Na; 毘盧遮那; Tỳ Lô Giá Na Phật; 毗盧遮那佛
Information
Venerated by	Mahayana, Vajrayana
Attributes	Śūnyatā
	Template:Succession links
	Template:Portal-inline

वैरोचन ( संस्कृत भाषाय् "सूर्य", "सौर" वा "झःझःधाम्ह" ), महावैरोचनया नामं नं म्हसीकिगु या, महायान व वज्रयान बुद्ध धर्मया छम्ह मू बुद्ध ख। वसपोलयात अप्वः धया थें सूर्यलिसे तुलना याइ, छाय् धाःसा वसपोलं सकल प्राणीयात निष्पक्ष रुपं थःगु जः प्रदान याइ। तर सूर्यया जःयात अवरुद्ध यायेफइगु, अले बहनी मदया वनीगु सूर्य थें मजुसें वैरोचनाया जः सर्वव्यापी, अवरुद्ध मजुइक व अनन्तकाल तक दयाच्वनी धैगु मान्यता दु। अतः, वसपोलयात थीथी तजिलजिइ "महान् सूर्य" नं धाइ। पूर्वी एसियाली बुद्ध धर्मय् वैरोचनयात "大日如來" (महान सूर्य तथागत ) वा "毘盧遮那佛" (वैरोचन बुद्ध) धाइ।

महायान व वज्रयान बौद्ध धर्मय् वैरोचन सकल बुद्धया धर्म काय खः ( धर्म काय सकल बुद्धया सत्य म्ह खः, तथाता बराबर जुइ), गुगु निराकार, सर्वव्यापी, स्वयं अस्तित्व दुम्ह, अनन्त, अविनाशी, सकल अभिव्यक्तिया मूल, निर्मल खः । ^[१] ^[२] ऐतिहासिक गौतम बुद्ध वैरोचन बुद्धया निर्माणकायय् छम्ह ख।

त्रिकाय

त्रिकायया शिक्षा कथं सकल बुद्धया स्वंगु प्रकारया काय वा म्ह दु, गुगु खः-

धर्मकाय - सकल घटनाया वास्तविक स्वभाव, अन्तिम यथार्थ, उच्चतम जागरण दुपिं अर्थात् बुद्धतय्त जक खनेदइगु काय।
संभोगकाय - प्रायः अति-ब्रह्माण्डीय आकारया व परम सौन्दर्यया, न्हापांगु बोधिसत्व चरण स्वया जागरण स्तर म्हो मजूपिंत जक खनेदइ ।
निर्माणकाय - सांसारिक हलिमय् प्रक्षेपित भौतिक रुप, सकल सामान्य जीवित प्राणीतय्त खनेदइगु काय।

महायान सूत्रय् वैरोचन नांं वैरोचनया धर्म-काय व संभोग-काय निगुलिंयात म्हसीकेफु धाःसा वज्रयानय् वैरोचनं धर्म-कायया प्रतिनिधित्व याइ गुकि धर्मधातुया समानता दु, व गबलें गबलें धर्म-काय व संभोग-काय भिन्न मजु, महावैरोचनयात धाःसा ब्रम्हाण्डीय बुद्ध धकाः नालातःगु दु व वसपोलया म्ह दक्वं ब्रम्हाण्ड खः धाइगु या।

स्वताजिया काय	महायान	वज्रयान
धर्म निकाय	वैरोचन	वैरोचन	वैरोचन
आनन्द काय	वैरोचन	वैरोचन	वैरोचन
उत्सर्जन काय	शाक्यमुनि बुद्ध	शाक्यमुनि बुद्ध	शाक्यमुनि बुद्ध

पञ्चबुद्ध

पञ्चदिशाया पञ्चबुद्धत मध्ये वैरोचन केन्द्रीय ख, गुकि मेपिं फुक्क प्यम्ह बुद्धया स्रोत व गन्तव्य निगुलिंया प्रतीक ख।

न्यागू दिशा	वता (पूर्व)	पश्चिम	दक्षिण	उत्तर	केन्द्र
पञ्चबुद्ध	अक्षोभ्य बुद्ध	अमिताभ बुद्ध	रत्न-संभव बुद्ध	अमोघ-सिद्धि बुद्ध	वैरोचन बुद्ध
पञ्च परिवार	वज्र	पद्म	रत्न	कर्म	बुद्ध
पञ्चतत्व	लः (वँचुगु)	मि (ह्याउँगु)	पृथ्वी (म्हासुगु)	फय् (वाउँ)	अन्तरिक्ष (तुयुगु)
पञ्च बुद्धि	Grand Round Mirror Wisdom (大圓鏡智)	Miraculous Observing Wisdom (妙觀察智)	Equality Wisdom (平等性智)	Achievement of actions Wisdom (成所作智)	Dharm Realm's body and nature Wisdom ॥ (法界體性智)
न्याम्ह जुजु	त्रैलोक्यविजय	यमन्तक	कुण्डलि	वज्रयक्ष	अचल

मुद्रा

वज्र धातु वैरोचन	वज्र धातु मण्डलया वैरोचनयात वज्र धातु वैरोचन (金剛界大日如來) धाइ, गुकियात निपा ल्हातं प्रज्ञा मुद्रा (智拳印) दयेकेगु झ्वलय् पद्मासनय् च्वंगु चित्रण यानातःगु दै। वैरोचनया थ्व रुप, नापं गर्भ धातु वैरोचन, जापानी व कोरियाली बुद्ध धर्मय् व्यापक रुपं खनेदु।
गर्भ धातु वैरोचन	गर्भ धातु मण्डलया वैरोचनयात गर्भ धातु वैरोचन (胎藏界大日如來) धाइ, धर्म धातु ध्यान मुद्रा (法界定印) नापं पलेस्वां द्यःने पद्मासनय् च्वनाबिज्यागु चित्रण जुइ।
वैरोचन मुद्रा सहित वैरोचन	वैरोचना बुद्ध वैरोचना मुद्राय् (毗盧印) चिनियाँ बुद्ध धर्मय् वैरोचनया सामान्य रुपं खनेदइगु रुप ख।
सर्वज्ञ वैरोचन	सर्वज्ञ वैरोचन बाय् सर्वविद् वैरोचन सँदेय् (तिब्बत)या पौभा (थाङका) व छुं प्राचीन चिनियाँ देगलय् खनेदुगु वैरोचनया छगू सर्वोच्च मुद्रा ख। वैरोचनया थ्व रुपय् प्यंग्वः छ्यं दु, धर्म धातु ध्यानमुद्रालिसे पलेस्वां द्यःने पद्मासनया स्थितिइ बिज्याःगु खनेदै।
धर्मचक्रमुद्राय् वैरोचन	धर्म-चक्र मुद्राय् वैरोचन द्यः नेपाः व सँदेसय् बौद्ध कलाकृतिइ प्रायः खनेदइगु वैरोचनया छगू रुप ख।
अचल विद्याराज	अचल विद्याराज वैरोचनया छगू क्रोधित रूप ख। "अचल" धइगु ब्रम्हाण्डया सकल घटनायात प्रकट यायेगु झ्वलय् अनन्त रुपं अपरिवर्तनीय जुइगु तथाता रुपयात धाइ ।
वैरोचनया ब्रह्माण्डीय स्वरुप	वैरोचनया ब्रम्हाण्डीय रुप वा धर्म-काय क्यनिगु कलाकृति छुं प्राचीन चिनियाँ देगलय् खने दु, दसु लोङशिङ देगः। थ्व कलाकृतिइ वैरोचनया ब्रम्हाण्डीय रुपयात थीथी ताजिइ क्यनि, अवतंसक सूत्रय् कनातःगु पूर्णताया ब्रह्माण्ड विज्ञानयात क्यनेत शिखराकारया संरचना दयेकि।