वेबपेज
वेबपेज (बाय् वेब पेज ) धयागु इन्टरनेटया छपा पौ खः गुकियात वेब ब्राउजरं स्वयेफइ । वेब पेजया प्रत्येकया युआरएल वा एड्रेस दइ, गुकियात छ्यला पौ लुइकेगु याइ, व प्रत्येक पेजया निंतिं थ्व युआरएल पाः। छगू वेबपेज छगू कम्पनी, व्यक्ति वा संगठनं व्यवस्थापन यानातःगु जुसाः पेज छगू तःधंगु पुचःया छगू ब्व जुइ, गुकियात वेबसाइटया धाइ।
पेजय् खँग्वः, किपा, संकिपा व लिङ्क दयेफु । लिङ्क धयागु मेगु वेभ पेजय् वनेत लँपु खः ।
दसुया निंतिं, थुगु च्वसु छगू वेभपेज खः । थुकिया URL वेबपेज ख, व थ्व विकिपिडिया वेबसाइटया छगू भाग ख। थ्व वेबपेजय् खँग्वःत व स्वापू दु। थुगु पेजय् च्वंगु लिङ्कयात वँचुगु रंगं क्यनातःगु दु अले मेगु वेभपेजय् वनेत क्लिक यायेछिं ।
प्रविधि
[सम्पादन]वेब पेज सामान्यतया एचटीएमएल कोडय् स्वथनातइ गुकिं पेजय् छु छु क्यनेगु धकाः वर्णन याइ गथेकि खँग्वः वा किपा । वेब पेजं पेजयात गथे यानाः ज्या यायेगु धकाः धायेत मेगु निगू ताजिया कोड नं छ्यलेफु ।
- क्यास्केडिङ्ग स्टाइल शीट (बाय् सिएसएस) धयागु पेजयात गथे यानाः स्वयेमाः धकाः धायेत छ्यलीगु कोड खः ।
- पेजय् खँग्वः, स्टाइल बाय् किपा हिलेत जाभास्क्रिप्ट (बाय् जेएस) छ्यली ।