इ॰ पू॰ २२८

इ॰ पू॰ २२८ ग्रेगोरियन पात्रो यागु छगु दँ खः।

झाका

थाय्‌ कथं

कार्थेज

• कार्थेजमि जेनेरल हमिलकार बर्का हिस्पानियाया युद्धय् सी। वय्‌कःया मृत्यु नापं वय्‌कलं आइबेरियन प्रायद्विपयात कार्थेजया मातहतय् तय्‌तः न्ह्यथनादीगु ज्याझ्वः क्वचाइ। मदयेन्ह्यः ८ दंया वय्‌कःया क्याम्पेनय् वय्‌कलं सामरिक व कूटनीतिक बलं आइबेरियन प्रायद्विपया तःधंगु भाग कार्थेजया अधीनय् वय्‌कलं तयादिसां वय्‌कःया मृत्युं यानां वय्‌कलं सकल प्रायद्वीप कब्जा यायेफैमखु। वय्‌कःया आइबेरियन प्रायद्वीपया सेनाया नेतृत्त्व वय्‌कःया जिलाजं हस्द्रुबल द फेयरया ल्हातय् ला वनि।

• हस्द्रुबलं छक्लं नीतिइ परिवर्तन याना सामरिक बलया थासय् कूटनीतिक बल छ्येला कार्थेजिनियन हिस्पानिया चकंगिगु व रोमनाप व्यवहार यायेगु नीति छ्येलि। वय्‌कलं कार्थागो नोभा वा न्हुगु कार्थेज (आधुनिक कार्ताजेना)यात थःगु राजधानीया रुपय् पलिस्था यानादी।

एसिया माइनर

• पर्गाममया जुजु एट्टालस १ सोटरनं एन्टिओकस हिएर्‍याक्स(सेलुसिद जुजु सेलिउकस २ कालिनिकसया किजा)यात स्वंगु ल्वापु(ब्याटल)इ बुकाः एनाटोलियाया दक्षिणपूर्वया सिसिलिया भूभाग बाहेक सकल भूभाग त्याइ।

यवन

• इलिरियामि लानि तिउताया राज्यपाल देलेत्रियस फारोसमिनं रोमन गणतन्त्रनाप आत्मसमर्पन याइ। थुकिया पलिसाय् रोमनतय्‌सं वय्‌कःयात तिउताया तःधंगु भूभाग सिरपा बी। रोमन सेनां उत्तरदिशाय् वना एपोलोनियाय् थ्यनि व अनं रोमन स्थल व जल सेना जाना उत्तरय् छगू धुंका मेगु नगर त्या-त्यां वना अन्तिमय् श्कोद्रा, इलिरियन राजधानीयात कब्जा याइ।
• आर्किदेमस ५, स्याम्ह स्पार्तामि जुजु एजिस ४या किजायात स्पार्ताय् एजियाद जुजु क्लियोमेनेस ३ नं लितः सःति। वय्‌कः लिहां‌वःगु छुं ई लिपा हे आर्किदेमसया हत्या जुइ।

बूगु

• प्रसियास १ बिथिनियामि, बिथिनियाया जुजु (म. इ॰ पू॰ १८२)
• टाइटस क्विन्क्तियस फ्लेमिनिनस, रोमन राजनीतिज्ञ व सेनापति। रोमं यवनयात कब्जा यायेगुलि वय्‌कःया तःधंगु ल्हा दूगु। (म. इ॰ पू॰ १७४)

मदूगु

• हमिलकार बर्का, कार्थेजिनियन सेनापति। वय्‌कलं कार्थेजिनियन बलया नेतृत्त्व रोमनाप सिसिलिइ जूगु प्रथम प्युनिक युद्धया अन्त्यया ईले काःगु ख। वय्‌कलं कार्थेजयात मर्सिनरी युद्ध त्याकेयात व आइबेरियन प्रायद्विपय् तःधंगु भूभाग त्याकेयात तःधंगु भूमिका म्हितादिल। (बूगु करिब इ॰ पू॰ २७०)
• आर्किदेमस ५, स्पार्ताय जुजु, युरिपोन्तिद वंशज।