वाट साम फ्राया
वाट साम फ्राया (थाइ भासय् สามพระยา) तृतीय श्रेणीया छगू थाई शाही देगः ख। थ्व देगः वाट साम फ्राया उपजिल्ला, फ्रा नाखोन जिल्ला, बैंककय् ला। न्हापा वाट साक वा वाट बांग खुन फ्रोम नां जूगु थ्व देगः अयुत्थाया ईलय् दयेकूगु अनुमान दु। थुकियात बैंकक युगय् पुनःस्थापना यानाः आःया नां बियातःगु खः ।
इतिहास
[सम्पादन]जुजु राम प्रथम (ई. १७८२-१८०९)या शासनकालय् लुआङ विसुत योथामार्ट (त्रोस) नं थः मदुम्ह चीधिकःम्ह किजा खुन फ्रोम (सारत)या जग्गा व छेँयात वय्कःया लुमन्तिइ देगःया रुपय् देछानादिल, व थुकिया नां बाङ खुन फ्रोम देगः तल। जुजु राम तृतीयया शासनकालय् थ्व देगः खण्डहर जुयाच्वन। लुआङ विसुत योथामत व खुन फ्रोमया चीधिकःम्ह भौ फावाया काय्पिं फ्राया राजा सुपावादी (खुन थोंग), फ्राया राचिकुल (थोंग) व फ्राया थेप वोराचुन (थोंग पाक) मंकाः रुपं देगःया जीर्णोद्धार याःगु खः । स्वम्ह फ्रायतेसं थ्व देगः जुजु राम तृतीययात अर्पण यायेबलय् वय्कलं थुकियात "सम फ्राय देगः" (स्वम्ह भगवानया देगः) नां बिया सन् १८२३ (ईसापूर्व २३६६)य् थुकियात राजसी देगःया दर्जाय् थ्यंकादिल।
संरचना
[सम्पादन]अर्डिनेसन हल ( थाई भासं ubosot ) छगू अप्पाया भवन ख गुकिया पली नितजाःगु चिनियाँ ग्लेज्ड टाइलं त्वपुयातःगु दु। देगःया मू बुद्ध मूर्तियात लुआङ फो फ्रा फुट्ट केसोन धाइ । दुनेया अंगःयात स्वांया ढाँचां रंग तयातःगु दु । छगू फ्रिज, लुँया मलः व फिनिक्सया किपा, पःखाःया च्वय् नापं न्ह्याइ। झ्याःया दथुइ च्वंगु ब्वय् चिनियाँ शैलीइ टेबुलत क्यनातःगु दु ।
सेरेमनी हल २ जाःया रुफ टाइल तयातःगु अप्पाया भवन खः, गुकियात चिनियाँ प्लेट व नमूनां ब्वयातःगु दु ।
अर्डिनेसन हलया घेरा दुने व जःखः मुक्कं नीन्यागु स्तूप दु ।
किपा पुचः
[सम्पादन]-
वाट साम फ्रायया अर्डिनेसन हल
-
अर्डिनेशन हल दुनेया झ्याःया दथुइ अंगःया ब्व
-
अर्डिनेशन हलया फ्रिज व सिलिङ्ग।
-
देगलय् मू बुद्ध मूर्ति
-
लुआङ पो फ्रा फुट केसोन
-
अर्डिनेसन हलया पिनेया ब्व