वंशावली
.jpg)
वंशावली परिवारया अध्ययन, परिवार इतिहास, व इमिगु वंशया मालेगु ज्या ख। वंशावलीविद्तेसं ल्हाइगु खँ, ऐतिहासिक अभिलेख, आनुवंशिक विश्लेषण व मेमेगु अभिलेख छ्येला छगू परिवारया बारेय् जानकारी कायेत व उकिया दुजःतेगु खलक व वंशावली क्यनेत छ्यलि। थथे अध्ययन याना लुयावःगु खँया लिच्वःयात अप्वः धया थें चार्टय् क्यनीगु बाय् बयानकथं च्वइगु जुइ। पारिवारिक इतिहासया ख्यः धाःसा वंशावली स्वया अझ चकं जु। पारिवारिक इतिहासय् वंश जक्क मखुसें पारिवारिक व सामुदायिक इतिहास व जीवनी नं कःघाइ। [२]
वंशावलीया ज्याया अभिलेखयात "वंशमां", "माचाछि इतिहास", वा " वंश मां "या रुपय् न्ह्यब्वयेछिं। संकीर्ण अर्थय् "वंशावली" वा "वंश मां" छम्ह मनुया सन्तानया मालेगु ज्या याइ धाःसा "माचाछि इतिहास" छम्ह मनुया पुर्खाया मालेगु ज्या याइ, तर थुपिन्त आपालं छगूया थासय् मेगुया कथं हिलेछिं। [३] छगू पारिवारिक इतिहासय् तंसा जीवनीया जानकारी, पारिवारिक परम्परा, व थन्यागु हे मेमेगु खँ दयेफु। [२]
पारिवारिक इतिहास व उत्पत्तिया अनुसन्धान प्रवृत्ति यक्व उद्देश्यं यायेछिं, गुकिलि ऐतिहासिक पृष्ठभूमिइ थःगु परिवारया थाय्, लिपाया पुस्ताया निंतिं न्हापाया खँ संरक्षण यायेगु जिम्मेवारीया भावना, व पाय्छि इतिहास कनेगुलिइ आत्मसन्तुष्टि छुं कारण ख। वंशावली अनुसन्धान विद्वान वा फरेनसिक उद्देश्यया निंतिं नं याइ, वा वसीयत कानून अन्तर्गत उत्तराधिकार कायेत कानूनी थःथिति मालेगु निंतिं याइ।