ल्याखायेभः
इलेक्ट्रोनिक ल्याखायेभः बाय् क्यालकुलेटर सामान्यतया आधारभूत अंकगणित निसें जटिल गणित तक्कया ल्याखायेत छ्यलिगु छगू पोर्टेबल इलेक्ट्रोनिक उपकरण ख।
न्हापांगु सोलिड-स्टेट इलेक्ट्रोनिक क्यालकुलेटर १९६० या दशकया सुरुइ दयेकूगु खः । सन् १९७०या दशकय् पकेट साइजया उपकरणत उपलब्ध जुल, विशेष यानाः न्हापांगु माइक्रोप्रोसेसर, इन्टेल ४००४, इन्टेलं जापानी क्यालकुलेटर कम्पनी बुसिकमया निंतिं दयेकूगु खः । आधुनिक इलेक्ट्रोनिक क्यालकुलेटर दंगु, क्रेडिट कार्ड आकारया मोडलनिसें कयाः बिल्ट इन प्रिन्टर दुगु बल्लाःगु डेस्कटप मोडल तकया रुप दु । सन् १९७०या दशकया मध्यय् इन्टिग्रेटेड सर्किटया समावेशं इपिं चिधंगु व दंगु मू जूगुलिं इपिं लोकंह्वात। उगु दशकया अन्त्यतक मू थुलि कुहां वन कि अप्वःसिनं छगू आधारभूत क्यालकुलेटर न्यायेफत व ब्वनेकुथिइ नं सामान्य जुल ।
सामान्य-उद्देश्यया क्यालकुलेटरया नापनापं, विशिष्ट बजारया निंतिं थीथी डिजाइन यानातःगु ल्याखायेभः नं दु। दसुया निंतिं, छुं वैज्ञानिक क्यालकुलेटरत दु, गुकिलि त्रिकोणमितीय व तथ्यांकीय गणना दुथ्याइ। छुं क्यालकुलेटरय् कम्प्यूटर बीजगणित यायेगु क्षमता तकं दइ । ग्राफिङ क्यालकुलेतरयात वास्तविक ध्वलय् परिभाषित फङ्क्सन, वा उच्च-आयामी युक्लिडियन स्पेसय् ग्राफ यायेत छ्येलेछिं। २०१६ तक आधारभूत क्यालकुलेटरया मू म्हो जक जुइधुंकल, तर वैज्ञानिक व ग्राफिङ मोडेलया मू अप्वः जुइ । [१]
युनिक्सया न्हापाया ई तक्कया कम्प्युटर अपरेटिङ सिस्तमय् dc व hoc थें न्याःगु अन्तरक्रियाशील क्यालकुलेटर प्रोग्राम दुथ्याकातःगु दु, व अन्तरक्रियाशील BASIC छ्यला सन् १९७० व १९८०या दशकया अप्व होम कम्प्युटरय् ल्याखायेछिं। क्यालकुलेटरया ज्या अप्व स्मार्टफोनय् दुथ्याःगु दु। नापं, ट्याब्लेट, व व्यक्तिगत डिजिटल सहायक (पीडीए) प्रकारया उपकरणय् नं ल्याखायेज्या यायेछिं। स्मार्टफोन व थुज्वःगु तसकं व्यापक उपलब्धतालिसें समर्पित हार्डवेयर क्यालकुलेटर आः नं व्यापक रुपं छ्यलाबुलाय् वयाच्वंगु दुसां न्हापा स्वयां म्हो जक छ्यलाबुला जुयाच्वंगु दु । सन् १९८६इ क्यालकुलेटरं अबिलेया हलिंया सामान्य-उद्देश्यया हार्डवेयर क्षमताया अनुमानित ४१% सुचं ल्याखायेगु या। २००७ तक, थ्व ०.०५% स्वया म्ह्व जुल। [२]
स्वयादिसँ
[सम्पादन]लिधंसा
[सम्पादन]- ↑ Houston (2023).
- ↑ (1 April 2011) "The World's Technological Capacity to Store, Communicate, and Compute Information". Science 332 (6025): 60–65. DOI:10.1126/science.1200970. PMID 21310967.