लोको मोको

लोको मोको

Loco Moco at Ethel's Grill, Honolulu, Hawaii.jpg
Origin
उत्पत्तिया थाय्	संयुक्त राज्य अमेरिका
क्षेत्र	हवाई
Details
कोर्स	Main course
सर्भिङ्ग टेम्परेचर	Hot
मू इन्ग्रेडियन्ट	जा, ह्याम्बर्गर लापि, खँय् , व ब्राउन ग्रेभी

लोको मोको छगू समकालीन हवाई नसाय् न्ह्यब्वयातःगु छगू परिकार खः। परम्परागत लोको मोकोय् जा, ह्यामबर्गर प्याटी व ब्राउन ग्रेभीलिसें अन्तय् सनी-साइड अप फ्राइड एग दइ । नसायात लोको मोको धायेत थुगु प्यता हलंज्वलं दये हे माः । मेगु छुं नं खेँया परिकारयात परम्परागत कथं काइमखु व परम्परागत लोको मोको परिकारय् थ्व प्यता ज्वलं थ्व हे झ्वलय् प्लेतय् तइगु जुइ। खेँय् शैली, ला, व स्ट्याकिङया भिन्नतां परिकारया कथं थ्व नसाया थीथी नां दु। थ्व परिकारया आधुनिक (गैरपरम्परागत) पह दुने मेमेगु टपिङ व साइड डिस गथेकि ग्रिल प्याज व म्याकरोनी वा आलु सलाद दयेफु।

इतिहास व उत्पत्ति

पुकातःगु खेँय्, ह्यामबर्गर व जाया द्यःने ग्रेभि

न्या लोको मोको

थ्व परिकार हिलो, हवाईया लिङ्कन ग्रिल रेष्टुरेन्टय् सन् १९४९ य् थुकिया मालिक रिचर्ड इनोये व वय्कःया कलाः न्यान्सीं लिंकन रेकर्स स्पोर्ट्स क्लबया ल्याम्हतय्गु इनापय् स्यान्डविच स्वया पाःगु, दंगु, व याकनं हे दयेके नसा दयेकीगु इनापय् दयेकूगु ख। इमिसं न्यान्सीयात छगू बाउलय् छुं भचा जा तयाः, जाया च्वय् ह्यामबर्गर प्याटी तसें, अले उकिया च्वय् ब्राउन ग्रेभी तयेगु इनाप यात। खेँय् धाःस थ्व नसाय् लिपा वल। ल्याम्हतय्सं थः छम्ह दुजः जर्ज ओकिमोतोया नामं थुगु परिकारया नां लोको मोको तःगु खः। जर्जया वँय् कथंया ख्याच्वःया कारणं वयात “क्रेजी” धकाः उपनाम बियातःगु खः। हिलो हाईस्कूलय् स्पेनिश भाय् ब्वनाच्वंम्ह जर्ज ताकाहाशीं लोको खँग्वः छ्यलेगु सुझाव ब्यूगु खः, गुगु खँग्वःया स्पेनिश भासं अर्थ वँय् खः । इमिसं "मोको"यात ट्याक यात गुकिलिं "लोको नापं राइम जुल व नां बांला तालः"।

लोकप्रियता

छगू लोको मोको प्लेट लन्च, याकिसोबा (खवय्) व म्याकरोनि सलाद (जवय्) नापं

थ्व नसा गर्ल मीट्स हवाई या "टेस्ट अफ हवाई" एपिसोडय् न्ह्यब्वःगु दु । थ्व छगू ट्राभल च्यानल शो ख गुकियात सामन्था ब्राउनं होस्ट याःगु खः । थ्व एपिसोडय् लोकंह्वाःगु रेष्टुरेन्ट, हवाईयन स्टाइल क्याफेय् वाइमेयाय् थुकियात प्लेट लन्च, मेगु हवाईयन विशेषता परिकार नापं क्यंगु ख।

लोको मोकोयात होनोलुलु -आधारित ट्राभल च्यानल शो म्यान भर्सेस फूडया छगू एपिसोडय् नं क्यनातःगु खः (थ्व एपिसोड शोया निगूगु सिजनय् प्रसारण जूगु खः) । होस्ट, एडम रिचम्यान, लिक्क लाःगु लाइए च्वंगु हुकिलाउ क्याफेय् थ्व नसाः क्यंगु ख। रिचम्यानं सन् २०१४ य् थःगु शो म्यान फाइन्ड्स फूडय् स्यान फ्रान्सिस्कोया नामु गाजी नांया छगू इटरीइ अफ द मेनु लोको मोको नं ट्रायल याःगु खः । सन् २०१८ य् पुनर्जीवित म्यान भर्सेस फूडया छगू मेगु एपिसोडय् होस्ट केसी वेबं माउइया दा किचनय् लोको मोकोया लोदेद संस्करणयात क्यन।

लोको मोकोया थीथी प्रकारय् बेकन, ह्याम, स्पाम, तोफू, कलुआ फाया ला, पोर्चुगिज ससेज, तेरियाकी बिफ, टतेरियाकी चिकन, माही-माही, श्रिम्प, ओइस्तर, व मेमेगु ला दुथ्यायेफु। न्ह्याथेसां लोको मोकोया परम्परागत नामं धाःसा ह्यामबर्गर प्याटिजय् जक म्हसीकी। प्रोटिन हिलेबलय् नां नं हिली अर्थात् स्पाम लोको, कलुआ लोको, श्रिम्प लोको आदि जूवनि।

किपा

• 
• 
• 

थ्व नं स्वयादिसँ

• हवाई
• हवाईया तजिलजि