लेस

ब्रुज, बेल्जियमय् मीगु निंतिं मूवंगु पुलांगु लेस, चानाः फ्रेमय् तयातःगु

लेस धाःगु चकं जाः थें न्याःगु स्वरुपय् यंका (yarn) वा सुकां दयेकिगु छगू नःलिचिंगु कापः ख, गुकियात मेसिनं वा ल्हातं दयेकिगु या। अप्वः धया थें, लेसयात निगू मू ताजिइ ब्वथलातःगु दु, मुलु लेस व बबिन लेस, अथेसां मेमेगु ताजिया लेस नं दु, गथेकि थानातःगु बाय् क्रोचेट यानातःगु लेस । थुज्वःगु मेगु तेसतयेत इमिगु विशिष्ट शिल्पया पुचलय् दुथ्याइ। दसु: थानातःगु लेस थानाज्याया छगू दसुया कथं कायेगु या। थुगु च्वसुइ मुलु लेस व बबिन लेस नित्तांया खँ दुथ्या।

ताजि

लेसया यक्वं ताजि दु, गुकियात दयेकिगु पहः कथं ब्वथलेगु याइ । छुं ताजि थथे दु :

• बबिन लेस, नां कथं, बबिन व फुंगा तयाः दयेकी । सिँ, क्वँय् वा प्लाष्टिकं चाःहीगु बबिनं सुकायात ज्वनाः फुंगा क्वय् च्वंगु नमूनाय् पिन तयाः थासय् तयातइ गुकियात छथाय् तयाः थायेगु जुइ। फुंगाय् छ्वालि (ओटया छ्वालि) व मेमेगु ज्वलं दसु सःदस्त, इन्सुलेशन स्टायरोफोम, वा इथाफोम दइ । थुकियात बोन-लेस नं धाइ । श्यान्तिलि लेस छताजिया बबिन लेस खः ।
• रासायनिक फीता : सुइगु थासय् इम्ब्रोइदरी सुका तयाः सुसें निरन्तर मोटिफ दयेकी । लिपा, सुइगु थाय् लिकयाः इम्ब्रोइदरी जक ल्यंकी । सुइगु थासय् लखय् घुले जुइगु बाय् क्वाःजः प्रतिरोधी मदूगु बस्तुं दयेकी ।
• क्रोशेतेद लेसय् आइरिश क्रोशेत, पाइनएपल क्रोशेत, व फिलेत क्रोशेत दुथ्याः ।
• कटवर्क, वा ह्वाइटवर्क, थानातःगु पृष्ठभूमिं सुका लिकयाः दयेकूगु लेस खः, अले ल्यं दुगु सुकायात त्वपुया वा इम्ब्रोइदरीं जायेकाः दयेकी ।
• थानातःगु लेसय् शेतल्यान्द लेस दुथ्याइ, दसु पाश्चात्य तजिलजिइ "इहिपाया अंगूया शल", थ्व शल थुलि सालुसे च्वनि कि थुकियात इहिपाया अंगूया दुनं सालेछिं ।
• नटेड लेसय् म्याक्रामे व ट्याटिङ दुथ्याः ।
• मेशिनं दयेकूगु लेस धयागु यान्त्रिक साधन छ्यलाः दयेकूगु बाय् नक्कल याःगु गुगुं नं शैलीया लेस खः ।
• मुलु लेस, गथेकि भेनिसियन ग्रोस प्वाइन्ट, मुलु व सुका छ्यला दयेकी । लेस दयेकेगु कला मध्यय् थ्व दकलय् लचक दूगु खः । गुलिखे कथंया बबिनया दकलय् बांलाःगु लेस स्वयां याकनं दयेकेफइ धाःसा गुलिखे कथंया लेस तसकं ई काइ । छुं शुद्धतावादीतसें मुलु लेसयात लेस दयेकेगु उत्कर्षया रुपय् काइ । दकलय् बांलाःगु प्राचीन मुलुया लेस तसकं बांलाःगु सुकां दयेकूगु खः गुगु थौंकन्हय् दयेकी मखु ।
• टेप लेस टेपय् लेस ज्या यायां दयेकी, वा छगू मेसिन- वा ल्हातं दयेकूगु कापः पट्टी छगू डिजाइनय् दयेकी, अनंलि मुलु वा बबिन लेसलिसे स्वानाः अन्तिम रुप दयेकी।
• ट्याटिङ धइगु शटल वा मुलुइ आधारित प्रक्रियाया झ्वः कथं नोट व लूपया व्यवस्था यानातःगु कापःया शिल्प खः।

• 
  मुलुया लेस, तांखया ह्वः क्यनाच्वंगु
• 
  बबिन व पिन तयाः फुंगाय् बबिन लेस दयेकाच्वंगु।
• 
  ब्रोडेरि एङ्ग्लेस, छताजिया कटवर्क
• Filet lace, embroidered on an existing net
  जाः दुने इम्ब्रोइदरी यानाच्वंगु फिलेट लेस्
• 
  थानातःगु लेस
• 
  शटल नापं ट्याटिङ्ग

स्वयादिसँ

• कापः