लिलियन गिश

लिलियन गिश (Lillian Diana Gish) हलिउडया संकिपा ख्यःया छम्ह तःधंम्ह अभिनेत्री ख। वय्‌कःयात "अमेरिकी संकिपाया प्रथम मिसा" (The First Lady of American Cinema) धकाः नं म्हसीकिगु या। वय्‌कःया जन्म अक्टोबर १४, १८९३स ओहायोय् जूगु ख। गिशं थःगु करियरया सुरुवात मूक संकिपा (silent film) पाखें यानादीगु ख। वय्‌कः संकिपा ख्यलय् ७५दँ स्वया अप्व ई सक्रिय जुयादिल। वय्‌कलं संकिपा निर्देशक डि.डब्लु. ग्रिफिथलिसे यक्व बांलाःगु संकिपा यानादीगु दु। वय्‌कःया दकलय् प्रसिद्ध संकिपाय् 'द बर्थ अफ अ नेशन' (The Birth of a Nation) ला। वय्‌कलं न्हुगु प्रविधि व मूक संकिपाया अभिनयय् न्हुगु आयाम हयादिल। वय्‌कःयात सन् १९७१स मानार्थ एकेडेमी सिरपा (Honorary Academy Award) लःल्हाःगु ख। सन् १९९३स वय्‌कःया देहावसान जुल।

स्वयादिसँ

• हलिउड